Двегодишно девојче пронајдено живо во куфер во автобус во Нов Зеланд, уапсена е 27-годишна жена

Двегодишно девојче е пронајдено живо во куфер во багажникот на автобус во Нов Зеланд. Според полицијата, девојчето било многу жешко кога било пронајдено, но за среќа немало други видливи повреди, објавува Sky News.Шокантно откритиеИнцидентот се случил во неделата за време на застанување во Каивака, околу 100 километри северно од Окленд. Возачот на автобусот забележал движење во куферот откако еден од патниците побарал да пристапи до багажникот. Кога го отворил сомнителниот багаж, бил шокиран - внатре имало девојче.Главниот инспектор за детективи, Сајмон Харисон, рекол дека девојчето било „многу жешко, но инаку изгледало физички неповредено“. Веднаш била однесена во болница каде што била задржана на детални прегледи.Уапсена 27-годишна женаПолицијата уапси 27-годишна жена, чиј идентитет не е објавен, под обвинение за занемарување и злоупотреба на дете. Детективите не открија колку долго девојчето било во куферот ниту по која рута се движел автобусот.Жената треба да се појави на суд во понеделник, а службите за заштита на децата се известени.Entrada Travel Group, која управува со националната автобуска услуга InterCity, потврди дека инцидентот се случил во еден од нивните автобуси. „Полицијата беше повикана да реагира и да го истражи инцидентот. Никој не беше повреден за време на инцидентот“, се вели во соопштението на компанијата.Пофалби за мирниот возачВозачот на автобусот беше заслужен за среќниот исход, а детективот Харисон го пофали за тоа што „забележал дека нешто не е во ред и презел итни мерки, спречувајќи многу полош исход“.фото: Unsplash

Свет | пред 9 месеци

(Видео) Џејсон Деруло приреди музички спектакл во Охрид: Илјадници фанови, светска продукција и незаборавна вечер под отворено небо

Стадионот „Билјанини извори“ пулсираше со светски ритам – американската мегазвезда Џејсон Деруло одржа концерт каков што ретко се гледа на овие простори.Илјадници фанови од цела Македонија и регионот беа сведоци на шоу полно со харизма, врвна продукција, и незаборавни хитови како „Wiggle“, „Talk Dirty“, „Trumpets“, „Swalla“ и „Savage Love“.Сцената беше спектакл сама по себе – со моќна светлосна и звучна поддршка, танчари, енергични кореографии и Деруло во врвна форма. Настапот не беше само концерт, туку целосно музичко и визуелно доживување што го трансформираше Охрид во епицентар на светската забава.Организаторот Прагма продукција по концертот порача: „Охрид синоќа блесна како една од најжешките музички дестинации во Европа, благодарение на неверојатната енергија што заеднички ја создадовме на спектакуларниот концерт на Џејсон Деруло! Од срце ви благодариме што бевте дел од ова незаборавно музичко доживување. Вашата поддршка, позитивна енергија и безрезервен ентузијазам го направија овој настан вистински спектакл!“.

Магазин | пред 9 месеци

„Каде се брзаше другарче мое“, пријателите се простуваат од Душко Чифлиганец

Тажната вест за смртта на бизнисменот Душко Чифлиганец силно ги погоди неговите пријатели и јавни личности кои преку социјалните мрежи се простуваат од него со емотивни пораки. Душко (32) загина во Чешка, каде се случи тешка несреќа за време на мото-трка во Брно.И покрај напорите на лекарите, повредите на главата биле фатални.Неговиот најдобар другар и бизнис партнер Иван Ивановски напиша:Душко, прерано не напушти, пријателе. Не верував дека ќе дојде денот кога вака ќе ти се обраќам...Секој што те познаваше знае дека беше човек со големо срце, но и визионер каков што ретко се среќава. Јас ја имав честа да те имам не само како пријател, туку и како бизнис партнер.Имавме јасна визија, големи цели и уште поголема мотивација. Не правевме само планови, ги живеевме тие идеи, ги сонувавме со отворени очи и работевме посветено на нивно остварување.Твојата посветеност, твојот оптимизам, начинот на кој ги гледаше работите од поинаков агол, сето тоа ќе ми недостига секој ден. Не само во работата, туку и во животот.Во овие тешки мигови, моите мисли се со твоето семејство, со најблиските, со сите што те сакаа и почитуваа.Ќе продолжам, исто онака како што заедно замисливме. 
Во секоја одлука. Во секој нов чекор.Фала ти што беше тука, твојот дух ќе остане во се што правиме понатаму. Секој нареден успех ќе биде наш заеднички успех. Ветувам.Игор Дурловски:Жалосно е што понекогаш дури и во моменти на загуба, се заборава човечноста и се истакнуваат разликите. Нека неговото заминување биде потсетник да ја цениме секоја човечка душа и да покажуваме сочувство и почит.Нека почива во мир Душко и да му даде Господ царство небесно.Луција ЈаковлевскаЗа каде се брзаше бе другарче мое...Пасија ти беа трките со коли и со мотори...Беше прекрасен човек, голем другар и одличен бизнисмен...Понекогаш животот не е фер, Бог ги зема најдобрите луѓе кај себе.Почивај во мир Душко Чифлиганец, нека Бог ти ги отвори портите небесни.Сочувство до семејството.Во знак на почит, и многу јавни личности, меѓу кои Тамара Тодевска, Миро Кацаров, Иџе и Миа Костова, споделија спомени и изразија сочувство до неговото семејство. Во продолжение дел од нивните објави.

Македонија | пред 9 месеци

Османи: „Молкот на Владата за говорот на омраза е порака за нормализација на антиалбанската реторика“

Бујар Османи, остро реагираше на скандирањата со говор на омраза за време на кошаркарскиот натпревар меѓу Македонија и Романија во Куманово, посочувајќи дека молкот од премиерот Мицкоски и Владата е уште позагрижувачки. Во својот пост на ФБ, тој оценува дека се нормализира антиалбанската реторика.-Скандирањата за „смрт на Шиптари“, за „гасни комори“, за „чиста Македонија“ пред бројна Владина делегација предводена од Премиерот претставува скандал сам по себе на кој треба сите да реагираат. Отсуството на реакција, пак, од самиот Премиер, и од Владата, испраќа позагрижувачка порака за нормализација на овие трендови.Мицковски ја пропушти шансата да покаже дека е Премиер на сите граѓани, и дека барем симболично е загрижен за навредите и заканите испратени кон Албанците во земјава.Тој требаше веднаш да ја напушти салата, или во најмала рака, преку реакција на социјалните мрежи, да ги осуди овие скандирања; пропушти и Владината служба формално да испрати реакција од страна на Владата, за која, пак, сме виделе дека има капацитет да произведува и серија соопштенија за најмали потреби.Овој скандал на трибините во Куманово не преставува изолиран случај, туку уште еден во низата преку кој Власта ја поттикнува, или во најмала рака, ја нормализира антиалбанската реторика во општеството. Да се потсетиме само на случајот со Богевски, коалицискиот партнер кој исто така се прослави со навреди и понижувања на Албанците, а беше награден и подоцна заштитен од самиот Премиер.Ова се опасни и загрижувачки тенденции, и оние кои ѝ мислат добро на земјата не треба да ги толерираат овие испади, туку треба јасно и недвосмислено да ги осудат“, напиша Османи.

Македонија | пред 9 месеци

Обвинителството поведе постапка за говор на омраза на кошаркарскиот меч во Куманово

Основното обвинителство-Куманово започна предистражна постапка и му наложи на Секторот за внатрешни работи да испита можни елементи на кривично дело поврзано со говор на омраза, откако за време на натпреварот меѓу Македонија и Романија биле забележани скандирања со навредлива и омаловажувачка содржина од засега непознати лица.-Основното јавно обвинителство Куманово постапува и до СВР Куманово издаде повеќе наредби и насоки за испитување елементи на кривично дело при скандирањата кои содржеа говор на омраза од засега непознати лица на вчерашниот кошаркарски натпревар меѓу репрезентациите на Македонија и Романија, велат оттаму.Како што информираат од обвинителството, издадена е наредба да се прибават видеоснимки од надзорните камери за полесно идентификување на инволвираните лица.Настанот се одиграл на 2 август во спортската сала во Куманово, кога двете репрезентации одиграа натпревар од квалификациите за Светското првенство во кошарка 2027.Натпреварот, во кој македонската селекција беше поразена со 72:80, воедно го означи и повторното отворање на реконструираната спортска сала во Куманово. Меѓу присутните на трибините беа и премиерот Христијан Мицкоски, министерот за внатрешни работи Панче Тошковски и градоначалникот Максим Димитриевски.фото: ФБ

Македонија | пред 9 месеци

Не успеа да се избори, почина Душко Чифлиганец

Почина Душко Чифлиганец, син на познатиот бизнисмен Ванчо Чифлиганец, кој беше и во раководните структури на „Адора“, потврдуваат членови на семејството. По повеќе од 24 часа борба за неговиот живот во чешка болница, тој не успеа да преживее. Лекарите се обидуваа да го спасат откако тој падна од морот во Чешка, од што се здобил со сериозни оштетувања на мозокот. Несреќата се случила вчера околу 16 часот.Семејството веднаш по несреќата заминало за Чешка, каде со докторите ги разгледувале сите опции за лекување. Душко, по падот, бил во кома и приклучен на апарати.Душко е познат како љубител на мотори и автомобили. Има добивано престижни признанија за брзински мотоциклизам.Душко Чифлиганец е генерален менаџер на фирмата „Адора”. Долги години живее во Дубаи, каде заврши и дел од високото образование.

Македонија | пред 9 месеци

Душко Чифлиганец тешко повреден при возење мотор во Чешка

Душко Чифлиганец, син на познатиот бизнисмен Ванчо Чифлиганец е тешко повреден управувајќи мотор и се наоѓа во критична состојба.Несреќата се случила на позната патека за возење мотори во Чешка.Душко е познат како љубител на мотори и автомобили. Има добивано престижни признанија за брзински мотоциклизам.Душко Чифлиганец е генерален менаџер на фирмата „Адора”. Долги години живее во Дубаи, каде заврши и дел од високото образование.

Македонија | пред 9 месеци

(Видео) Национални шуми: Повторно нови пожари, во Македонија има многу граѓани кои не ѝ мислат добро

По краткиот прекин и станилизирање на состојбата претпладне, попладнево во повеќе места во Македонија изнувнаа нови пожари.Информацијата ја објави заменик директорот на Јавното претпријатие „Национални шуми“, Кире Михаилов.„Дефинитивно во Македонија има многу граѓани кои не и мислат добро, друго објаснување за ова кое се случува јас немам. Пожаров кој го гледате е над село Ваксинце, општина Липково и избил пред 30 минути, а истиот ветерот многу бргу го шири накај Стража.Таму се две екипи на ЈП “Македонски Шуми” Куманово и ТППЕ Куманово.Откако ја стабилизиравме целосно состојбата и со добра координација на Главниот Штаб на Македонија до пладне го решивме и последниот активен пожар кај Долнени, во текот на попладневните часови веќе имаме пријава за неколку нови пожари.После пладне е пријавен нов пожар во близина на село Богомила, општина Велес каде веднаш од страна на Главниот Штаб беа упатени сили на ЈП “Македонски Шуми”, екипи на МВР и месно население, а таму на помош беше пратен и делуваше од воздух еден хеликоптер.Во 14 часот, во исто време се појавија два пожари, едниот во близина на село Милетино во општина Брвеница кој по брзата интервенција од копно беше локализиран и во општина Желино, во близина на село Церово на кој во моментов во координација со Главниот Штаб делуваат копнени сили составени од ТППЕ и ЈП “Македонски Шуми” и двата ЕР Трактори на ДЗС.Исто така, нашите копнени сили кои сеуште се наоѓаат високо на пожарот во Долнени над селото Стровија попладнево ни пријавија појава на дури четири нови чадења или нови пожари кој во моментов службите ги проверуваат и пристапуваат на гасење на истите”, напиша Михаилов на ФБ.Тој објави и видео од пожарот над Ваксинце.

Македонија | пред 9 месеци

Поранешните министри Весиќ и Момировиќ во притвор за корупција

Вишиот суд во Белград им одреди притвор до 30 дена на 13 осомничени во случајот за корупција за време на реконструкцијата на железничката станица во Нови Сад и реконструкцијата и модернизацијата на железничката пруга Нови Сад – државна граница. Меѓу нив се и поранешните министри Томислав Момировиќ и Горан Весиќ.Одлуката за притвор сепак не е конечна, бидејќи адвокатите на осомничените имаат право на жалба на оваа одлука во следните три дена.Томислав Момировиќ, Анита Димовски, Небојша Шурлан и другите осомничени кои досега беа испрашувани од Обвинителството за организиран криминал негираа каква било вина во врска со корупцијата во проектот за реконструкција на железничката пруга од Нови Сад до Суботица.Горан Весиќ не бил испрашуван бидејќи била доставена медицинска документација во која се наведува дека е на болничко лекување.Приведените се сомничат дека го оштетиле буџетот на Република Србија за 115,56 милиони американски долари, што претставува разлика помеѓу преземените финансиски обврски за државниот буџет и договорната цена од комерцијалниот договор.

Свет | пред 9 месеци

Од печено месо отруени повеќе од 20 гости на слава, меѓу отруените и деца

На слава во село Павловац, од печено месо повеќе од 20 лица се јавиле на лекар поради симптоми од труење.Четири лица, вчера, се задржани на одделението за инфективни болести во Општата болница во Врање.Како што соопштија од Здравствениот дом во Врање, меѓу затруените има и деца.Сите пациенти се пуштени дома по прегледот, а четирите возрасни лица кои биле задржани се во стабилна состојба.

Македонија | пред 9 месеци

Петрушевски: Кога СДСМ повторно лажно ќе прашаат за истрагата за Кочани, нека погледнат накај главниот обвинител Коцевски кого го спасија и држат на функција

„Кога СДСМ повторно лажно ќе прашаат за истрагата за Кочани, нека погледнат накај главниот обвинител Коцевски, кого го спасија и го држат на функција“ , вели пратеникот на ВМРО-ДПМНЕ, Бране Петрушевски и додава:СДСМ и главниот обвинител Коцевски, играа пинг-понг во јавноста, се до моментот кога тој требаше да си замине од позицијата, па СДС мораше јавно да истапи и да го брани, за да се спасат себе си.Кога граѓаните се прашуваат до каде е случајот, треба да знаат дека е на линија помеѓу главниот обвинител Коцевски и СДСМ. Вторите лажно го напаѓаа првиот, за да создадат привид во јавноста, операција која не им успеа затоа што мораа да го бранат во Собрание, да не останат без него.На фолирањето на СДСМ му дојде крај. Не додржаа ниту еден месец, па СДСМ мораше да се соголи, и да покаже дека ќе направат се само главниот обвинител, Љупчо Коцевски, да остане на позиција.Сега е многу очигледно и зошто СДСМ држеше пресови за Кочани, каде со лажно душегрижништво го напаѓаше ВМРО-ДПМНЕ, а всушност договорени со нивниот обвинител Коцевски, сакаа да креираат хаос.Сите обиди за хаос и сценарија на СДСМ се изјаловија.Секој може да види каде е вистината, а таа е дека СДСМ го спаси главниот обвинител Коцевски, кој има задача да ги спасува нив од одговорност, но и да им креира наративи за политички прес-конференции, како во случајот со Кочани.

Македонија | пред 9 месеци

Лишени од слобода две лица во Струга, на градската депонија предизвикале пожар

На 02.08.2025 во 20:30 часот, на градската депонија во Струга, полициски службеници од ОВР Струга ги лишија од слобода Ф.Н.(61) од Струга и Е.В.(38) од Прилеп, кои претходно, од страна на вработени во Територијалната противпожарна единица Струга биле затекнати на депонијата како горат душеци и топат бакарни жици, при што предизвикале пожар.Против нив, по документирање на случајот, ќе бидат поднесени соодветни пријави.

Македонија | пред 9 месеци

Претреси во Кавадарци и Неготино, пронајдена дрога, лишени од слобода две лица

На 02.08.2025 во 17:20 часот, полициски службеници од ОВР Неготино го лишија од слобода З.И.(24) од Неготино. По издадена судска наредба, полициски службеници од Отсекот за недозволена трговија со дрога при СВР Велес и ОВР Неготино, извршија претрес во неговиот дом, при што се пронајдени и одземени 2 000 евра, мобилен телефон и зелена растителна материја. З.И. е задржан во полициска станица, известен е јавен обвинител и по документирање на настанот, против него ќе биде поднесена соодветна пријава.На 02.08.2025 во 18:35 часот, полициски службеници за недозволена трговија со дрога од ОВР Кавадарци го лишија од слобода Ј.А.(31) од Кавадарци. По претходно издадена судска наредба, при извршен личен претрес кај него била пронајдена и одземена зелена растителна материја, а при претрес во неговиот дом, биле пронајдени и одземени бела грутчеста материја, зелена растителна материја, 21 семка и пакување со цветови од зелена растителна материја. Ј.А. бил приведен во полициска станица, известен бил јавен обвинител и по документирање на настанот против него ќе биде поднесена соодветна пријава.

Македонија | пред 9 месеци

Уапсен српскиот рапер Раста во Охрид – кај него пронајдена марихуана

Српскиот рапер Стефан Ѓуриќ – Раста е уапсен синоќа (2 август) во Охрид, во присуство на минувачи. Според информациите од Министерството за внатрешни работи, приведувањето се случило нешто по полноќ, на 3 август во 00:10 часот, на стадионот во Охрид.„Полициски службеници од криминалистичката полиција при СВР Охрид го лишија од слобода С.Ѓ. (36) од Белград, Република Србија, кај кого при извршен преглед беше пронајдена и одземена марихуана“, соопштија од МВР.Раста е задржан во полициска станица, а по целосно документирање на случајот, против него ќе биде поднесена соодветна кривична пријава.Инаку тој требаше да настапи на стадионот.Настанот предизвика бурни реакции кај фановите на раперот, кој беше присутен во Охрид по повод летни музички настани.

Македонија | пред 9 месеци

Исчезна 15-годишна девојка со своето новороденче – МВР трага по мајката и бебето

На 2 август 2025 година, во Полициската станица Карпош, Р.Л. (42) од Скопје пријавил дека неговата 15-годишна ќерка, Е.Л., утрото околу 07:00 часот се оддалечила од семејниот дом во непознат правец, носејќи го со себе и своето новороденче.Од Министерството за внатрешни работи информираат дека веднаш се преземени мерки за пронаоѓање на малолетната мајка и детето.

Скопје | пред 9 месеци

Маж од Скопје починал, по два дена откако паднал од тротинет – случајот ќе се истражува

На 2 август 2025 година, во 09:30 часот, во СВР Скопје било пријавено дека во Градската општа болница „8 Септември“ со екипа од Итната медицинска помош бил донесен починат Б.С. (55) од Скопје, информира Министерството за внатрешни работи.“На 02.08.2025 во 09:30 часот во СВР Скопје е пријавено дека со екипа од Итна медицинска помош во ГОБ „8 Септември“ во Скопје бил донесен починат Б.С. (55) од Скопје. Според пријавеното, тој на 31.07.2025 паднал од тротинет, но не се упатил во болница за укажување на медицинска помош. По наредба на јавен обвинител, телото е пренесено на Институтот за судска медицина за обдукција”, велат од МВР.По наредба на јавен обвинител, телото е предадено на Институтот за судска медицина за обдукција, со цел да се утврдат точните причини за смртта. Случајот е во фаза на истрага.

Скопје | пред 9 месеци

Мотоциклист тешко повреден во несреќа кај Скудриње

Во попладневните часови на 2 август, околу 16:20 часот, на влезот во селото Скудриње се случила тешка сообраќајна несреќа во која сериозно бил повреден 48-годишниот Н.Б. од истото село, информира Министерството за внатрешни работи.Според официјалните податоци, Н.Б. управувал мотоцикл марка „Хамачи“ без регистарски таблици, кога изгубил контрола над возилото и излетал од локалниот пат. Од здобиените повреди, тој бил пренесен во Општата болница во Дебар, каде му биле констатирани тешки телесни повреди.На местото на настанот извршен бил увид од страна на увидна екипа при ОВР Гостивар. Причините за несреќата се сѐ уште предмет на истрага.

Македонија | пред 9 месеци

Трагедија во Кратовско: Загина маж откако се превртел трактор

Во утринските часови на 2 август, околу 9:00 часот, во кратовското село Крилатица се случила трагична несреќа во која животот го загубил 61-годишниот Д.И. од село Куклица, соопшти Министерството за внатрешни работи.Несреќата се случила кога тракторот што го управувал Д.И. се превртел, при што возачот починал на самото место. На местото на несреќата бил повикан јавен обвинител, а увид извршила екипа од ОВР Кратово.Точните околности под кои дошло до несреќата се предмет на истрага.

Македонија | пред 9 месеци

Се трага по 15-годишник од Битола – избега од установата за згрижување деца во Козле

На 3 август 2025 година, во 00:10 часот, во Полициската станица Карпош било пријавено дека од Јавната установа за згрижување деца ОЕ Козле се оддалечил 15-годишниот И.И. од Битола, соопшти Министерството за внатрешни работи.Момчето, кое било сместено во установата, самоволно ја напуштило локацијата, а полицијата презема мерки за негово пронаоѓање.Случајот е евидентиран и се работи на утврдување на околностите под кои исчезнал малолетникот.

Македонија | пред 9 месеци

(Видео) Спектакл за паметење: Лепа Брена го „запали“ Охрид со концерт каков што не се памети

Под отворено небо, со илјадници светла, моќен звук и публика што не престануваше да пее, Лепа Брена приреди вистински спектакл на стадионот „Билјанини извори“ во Охрид. Брена, со сценска енергија каква што ретко се гледа и по четири децении на сцена, излезе пред публиката облечена во блескаво сребрено сценско издание, придружена од својот бенд.Сцената беше спектакл сам по себе – со огромни LED екрани, танчери, специјални ефекти и динамично осветлување. Секој детаљ беше испланиран – од визуелизациите зад неа до кореографиите што ја следеа секоја песна.Концертот го организираше „Балкан медиа“, а Брена најави дека до крајот на годината, доаѓа со концерт во Скопје.

Магазин | пред 9 месеци

Светските берзи во пад поради новите трговски царини на САД

Минатата недела цените на акциите на светските берзи забележаа остар пад, откако Вашингтон воведе високи царини за увоз од земјите со кои до 1 август не постигна трговски договор. Ова предизвика голема несигурност кај инвеститорите и ги затресе пазарите ширум светот.На Волстрит, индексот Dow Jones се намали за 2,9% и се затвори на 43.588 поени, S&P 500 загуби 2,4% (6.238 поени), додека Nasdaq падна за 2,2% и заврши на 20.650 поени.Падот следуваше откако американскиот претседател Доналд Трамп потпиша уредба за воведување царини од 10 до 50% на увоз од земји како Индија (25%), Тајван (20%), Тајланд (19%), Швајцарија (39%) и Бразил (50%). Дополнително, царините за некои канадски производи се зголемени од 25% на 35%.Сега се очекува одлуката на Трамп дали ќе се продолжат преговорите со Кина или ќе следи дополнително зголемување на царините кон втората најголема светска економија.Иако новите царини може да го зголемат буџетскиот приход, експертите предупредуваат на раст на инфлацијата. Федералните резерви (ФЕД) одлучија да ги задржат каматните стапки непроменети поради „ниска невработеност и стабилно пазарно работење“, но и покачена инфлација. Тоа ги разочара инвеститорите кои очекуваа намалување на каматите уште во септември.Претседателот на ФЕД, Џером Пауел, изјави дека е рано за одлука за намалување на каматите и дека моменталната монетарна политика е „благо рестриктивна, но не го гуши економскиот раст“. Ова доаѓа и покрај инсистирањето на Трамп да се олесни монетарната политика пред изборите.Иако БДП на САД порасна за 3% во второто тримесечје – повеќе од очекувањата – вестите за слаб раст на вработеноста ги вознемирија пазарите. Во јули се отвориле само 73.000 нови работни места, далеку под очекувањата, а ревидираните податоци покажаа дека во мај и јуни биле отворени 258.000 помалку работни места од првично објавеното.Овие индикатори укажуваат на забавување на пазарот на труд и нови предизвици за ФЕД, кој е под притисок – дали да ги намали каматите за да стимулира вработување или да ги задржи поради растечката инфлација.И европските берзи беа во минус. Лондонскиот FTSE изгуби 0,6% (9.068 поени), франкфуртскиот DAX потона 3,3% (23.425 поени), а парискиот CAC ослабе 3,7% (7.546 поени).Берзите влегуваат во период на нестабилност и висока осетливост на економски и политички вести – особено додека се чека следната одлука на ФЕД во септември.

Свет | пред 9 месеци

„Орешник“ – руската хиперсонична ракета што ја менува рамнотежата на моќта?

Ниту Украина ниту нејзините западни сојузници во моментов немаат ефикасна одбрана против новата руска хиперсонична ракета „Орешник“, тврди поранешниот безбедносен аналитичар на Пентагон, Мајкл Малов. Според него, ова оружје би можело драматично да го наруши стратешкиот баланс, особено во тековниот конфликт во Украина.„Поседувањето ракета за која во моментов не постои противмерка е извонреден технолошки пробив. Украинците немаат одбрана против тоа“, изјави Малов за „Russia Today“. Тој посочи дека ракетата се движи со брзина над 11.000 км/час и може да погоди цел за само неколку минути.Хиперсоничниот проектил, кој според Москва веќе бил успешно употребен при напад на украинскиот воено-индустриски комплекс „Јужмаш“ во ноември 2024 година, може да носи и конвенционални и нуклеарни боеви глави. Рускиот претседател Владимир Путин тврдеше дека при тој напад „Орешник“ достигнал брзина поголема од 10 маха, што го прави недостижен за постојните противракетни системи.Путин потврди и дека масовното производство на „Орешник“ е веќе започнато, а воената опрема е веќе дел од арсеналот на руската армија. Најави и можен трансфер на технологијата во Белорусија до крајот на 2025 година.Иако САД работат на надградба на својот систем THAAD за справување со вакви закани, Малов предупредува дека тие програми сè уште се во фаза на развој и не нудат реална заштита во моментов.Хиперсоничниот „Орешник“ веќе се наметнува како нова пресвртница во воената технологија, со потенцијал да ја редефинира геополитичката рамнотежа – особено ако други земји почнат да се вооружуваат со истото.

пред 9 месеци

Хамас: Нема разоружување без палестинска државa

Палестинската организација Хамас објави дека нема да го положи оружјето сè додека не се воспостави целосно независна и суверена палестинска држава со Ерусалим како главен град. Со тоа директно го демантираа американскиот изасланик Стив Виткоф, пратеник на претседателот Доналд Трамп, кој неодамна тврдеше дека Хамас е подготвен да се разоружа.Изјавата на Хамас доаѓа во период кога индиректните преговори со Израел за прекин на огнот и ослободување на заложниците се во ќорсокак. Според Хамас, правото на вооружен отпор останува легитимно сè додека не се исполни условот за државност.„Нема да се откажеме од нашето право на отпор. Оружјето е дел од нашата борба за слобода и тоа ќе продолжи додека не биде основана суверена палестинска држава со Ерусалим како главен град“, соопшти Хамас.Израел од своја страна продолжува со воени закани, барајќи разоружување и ослободување на заложниците како услов за прекин на огнот. Израелската армија обвини дека Хамас ги изложува заложниците на глад и тешки услови во Газа, пренесува BBC.И покрај зголемениот меѓународен притисок, вклучително и од арапски и западни држави, шансите за брз договор остануваат мали.

Свет | пред 9 месеци

Нема фотографија

Дим и експлозии близу најголемата нуклеарната централа во Европа – расте ризикот за безбедноста

Меѓународната агенција за атомска енергија (IAEA) предупредува на сериозен ризик по нуклеарната безбедност откако нејзин тим утрово забележал дим и слушнал експлозии во близина на украинската нуклеарна централа Запорожје – најголемата ваква централа во Европа.Според соопштението на генералниот директор на агенцијата, Рафаел Маријано Гроси, нападот започнал околу 9 часот со употреба на дронови и артилериско гранатирање, при што мета била помошна инфраструктура на околу 1.200 метри од главниот енергетски блок. Во текот на целото претпладне, димот од погодената зона бил јасно видлив.„Секој напад во близина на нуклеарна електрана – без разлика на целта – претставува потенцијална закана по нуклеарната безбедност и мора итно да се избегне“, изјави Гроси, додавајќи: „Повторно повикувам на максимална воена воздржаност околу нуклеарните објекти, за да се спречи ризикот од катастрофална нуклеарна несреќа.“Нападот се случува во услови на продолжена воена ескалација во регионот, а Запорожје останува под контрола на руските сили од 2022 година, што редовно предизвикува загриженост кај меѓународната јавност поради блискоста на воените дејствија до нуклеарната постројка.

Свет | пред 9 месеци

САД отвори истрага против обвинителот кој го водеше случајот против Трамп

Американската независна федерална агенција Office of Special Counsel (OSC) покрена формална истрага против поранешниот специјален обвинител Џек Смит – човекот кој ги водеше двете највисокопрофилни истраги против Доналд Трамп по неговиот прв мандат.Истрагата треба да утврди дали Смит го прекршил федералниот закон што им забранува на вработените во државна служба да го користат својот службен статус за политички цели. Поводот за истрагата доаѓа по барање поднесено од републиканскиот сенатор Том Котон, кој го обвини Смит дека ги злоупотребил своите овластувања со цел да му наштети на Трамп во трката за Белата куќа.„Станува збор за политички актер под маска на јавен службеник. Затоа барав итна истрага за ова невидено мешање во изборите во 2024 година“, напиша Котон на социјалната мрежа X.Иако OSC нема овластување да покрене кривични постапки, нејзините наоди може да влијаат врз понатамошни политички и правни последици.Џек Смит, кој поднесе оставка во јануари откако Трамп повторно ја обезбеди републиканската номинација, досега не дал јавен коментар. Тој го обвини Трамп во два одвоени предмети – за злоупотреба на доверливи документи и за обид за уривање на резултатите од претседателските избори во 2020 година, што кулминираше со нападот на Капитол на 6 јануари 2021 година.Ниту еден од случаите не стигна до судење – тие беа одложени поради правни предизвици и пресудата на Врховниот суд, кој на поранешните претседатели им признава широк имунитет од кривично гонење.Смит во јануари објави извештај во кој стои дека доказите против Трамп се доволни за осудителна пресуда, но дека, согласно долготрајната пракса на Министерството за правда, не се гони актуелен претседател.Во меѓувреме, Трамп – кој ги негира сите обвинувања – го користи развојот како дел од својата кампања, претставувајќи се како жртва на „политички монтирани“ процеси. Истрагата против Смит дополнително ја заострува политичката атмосфера пред изборите во ноември.

Свет | пред 9 месеци