Министерот Муцунски на настан на Атлантскиот совет: Западниот Балкан е составен дел од Европа – потребна е забрзана интеграција

На покана на Јерн Фленк, директор на Атлантскиот совет, министерот за надворешни работи и надворешна трговија, Тимчо Муцунски, денеска учествуваше на настан организиран од Советот, кој се одржа во просториите на Министерството за надворешни работи и надворешна трговија. Покрај министерот Муцунски, на настанот се обратија и министерката за европски прашања на Црна Гора, Маида Горчевиќ, како и претставници Делегацијата на Европската Унија, невладиниот сектор и самиот Атлантски совет.Во своето обраќање, министерот Муцунски ја нагласи потребата од одлучна и доследна поддршка за реформските процеси во регионот. Посебен акцент стави на Планот за раст како практичен инструмент кој го забрзува приближувањето кон единствениот европски пазар и носи реални економски придобивки за граѓаните – уште пред полноправното членство.Министерот подвлече дека реформите мора да бидат препознаени и вреднувани од страна на Европската Унија преку конкретни и навремени чекори, со цел зачувување на кредибилноста на процесот на проширување и спречување на дополнително разочарување кај граѓаните. Тој истакна дека реформските процеси се потврда за јасната европска ориентација на Владата, и дека нивното спроведување не претставува само исполнување на агенда, туку реално подобрување на квалитетот на животот и на општеството во целина.Во завршницата на обраќањето, министерот Муцунски, во контекст на денешниот Самит, ја повтори пораката дека Западниот Балкан е составен дел од Европската Унија и дека европската целина ќе биде комплетна само ако земјите од регионот станат нејзин дел. Тој упати повик за забрзана интеграција на регионот, што ќе значи и вистинска европеизација на овој дел од континентот.

Македонија | пред 10 месеци

Милошоски: Менувањето на Уставот за Бугарија е само отворање на вратата низ која тие имаат намера да протнат уште десетина тешки барања

На телевизија Алфа во емисијата „За или против“ гостуваше пратеникот од ВМРО-ДПМНЕ Антонио Милошоски, кој дискутираше за Самитот ЕУ-Западен Балкан на којшто Македонија беше домаќин.На самиот почеток Милошоски истакна дека Македонија не случајно е домаќин на овој состанок, од причина што акцентот е ставен на планот за раст на Европската комисија рефлектиран преку реформските агенди на коишто Македонија покажа најдобри резултати.„Според мене не беше случајно одбрана Македонија да биде домаќин на овој состанок, затоа што главната тема беше планот за раст на Европската комисија, рефлектиран преку реформските агенди на сите земји од регионот, во тој дел Македонија досега направи најдобри резултати, покажа една добра реформска агенда и во однос на нејзината реализација мислам дека сме една од земјите коишто имаа подобар просек на реализација. Сето ова е на некој начин признание за реформската определба на Владата, и искажување на еден респект кон македонската Влада, да биде домаќин на една ваква средба каде што Европската комисија ги презентираше следните чекори во однос на земјите кандидати за членство на ЕУ“, објасни Милошоски.Пратеникот истакна дека Македонија е над просекот од 75% по однос на исполнување на реализација на реформската агенда.„Моите информации се дека Македонија е над од оној просекот од 75% што го спомна еврокомесарката Кос по однос на исполнување на реализација на реформската агенда. Тоа покажува дека кога на државата и на македонската Влада ќе и се дадат параметри коишто се мерливи и не зависат од билатерални препреки, злоупотреби тогаш резултатот и исходот и оценките се високи“, истакна Милошоски.Милошоски објасни дека однесувањето на бугарските парламентарци на еден начин претставува отрезнување за оние коишто сметаат дека Бугарија не бара ништо освен мало корегирање на Уставот.„Однесувањето на бугарските парламентраци во Европскиот парламент не е изненадување, но можеби е добро отрезнување за одредени лековичари коишто создаваат илузија дека Бугарија не бара ништо многу освен едно мало корегирање на Уставот. Менувањето на Уставот за Бугарија е само отварање на вратата низ која тие имаат намера да протнат уште десетина такви тешки барања“, истакна Милошоски.Милошоски на крај истакна дека каков и да биде исходот сето тоа што се случувало во Комисијата за надворешни работи на Европскиот парламент треба да се смета за успех затоа што веќе сите знаат дека Македонија кредибилно тврдеше дека менувањето на преамбулата не е единствено барање од страна на Бугарија.„Каков и да биде исходот, тоа што се случуваше во Комисијата за надворешни работи на Европскиот парламент за нас треба да биде сметано како успех, затоа што сите видовме дека Македонија кредибилно тврди дека менувањето на преамбулата не е единственото барање и пречка зошто ние не ги отвараме преговорите за членство. Дури и да се случи во Европскиот парламент да има и пресврт и извештајот да не помине заради противењето на бугарските европратеници тогаш барем ќе бидеме на јасно за што станува збор, дека не станува збор за реформи во здравство, во образование туку станува збор за менување или одново пишување на историските читанки во изминативе 150 години“, дециден е Милошоски.

Македонија | пред 10 месеци

(Видео) „Ќе има сериозни проблеми со обвинението за трагедијата во Пулс, oчекуван е проблем и со докажувањето“

Адвокатот Владимир Туфегџиќ, во гостување во емисијата „Претрес“, изјави дека обвинителниот акт за трагедијата во Кочани е поставен на правно проблематичен начин.„Ако мисли јавниот обвинител дека завршил работа со тоа што поднел обвинение, за кратко време ќе сфати дека е во голема заблуда. Затоа што овде се работи за исклучително сложен предмет со многу правни замки, кои влијаат, значи, и на успехот, односно основаноста на поднесеното обвинение“, рече тој.Туфегџиќ укажа и на пропусти во пристапот на институциите: „Мислам дека некои работи се од обвинителско-полицискиот менаџмент пропуштени и испуштени, а тоа е мениџирање со семејствата на и загинатите и настраданите. Уште ние немаме јасна слика и дефиниција кој таму се гони, за што се гони и понатаму, очекувам сериозни проблеми во тоа обвинение.“Осврнувајќи се на содржината на обвинението, тој додаде: „Ако е тоа така, ако е унифицирано поставена равенката, односно кривичното дело, очекувам проблем во докажувањето, кои сега за сега не би го коментирал. Меѓутоа гледам, а по однос на поврзаноста на обвинетите и сообвинетите.“Според него, целиот процес се водел без јасна координација: „Останува впечатокот дека ние не се снајдовме баш најдобро во овој предмет. Прво требало да се мисли за надлежноста, навремено да се интервенира, навремено Врховниот суд да донесе одлука и така натаму.“На прашањето дали може да се очекува брза постапка со оглед на бројот на обвинети, Туфегџиќ одговори:„Како може да дојде до брза правда со триесет и четири обвинети во еден случај? Овој процес ќе трае. Мислам дека нашите политичари треба конечно да сфатат и некогаш нешто да научат од грешките на претходните“, додаде Туфегџиќ.„Брза правда не постои“, заклучи тој.ЦЕЛО ГОСТУВАЊЕ:

Македонија | пред 10 месеци

Трамп слави, Маск бесен: Американскиот Сенат со тесно мнозинство го изгласа законот за даноци и потрошувачка

Американскиот Сенат со тесно мнозинство го изгласа законот за даноци и потрошувачка на ТрампПо повеќе од 24 часа преговори, американскиот Сенат со резултат 50-50 го изгласа новиот закон за даноци и државна потрошувачка предложен од претседателот Доналд Трамп. Одлучувачкиот глас го даде потпретседателот Џеј Ди Венс, кој лично присуствуваше на гласањето.Иако сите демократи гласаа против законот, му се приклучија и тројца републиканци – Том Тилис, Ренд Пол и Сузан Колинс – што го доведе исходот во рамнотежа.Предлог-законот, кој ја зголемува државната задолженост за 3,3 билиони долари, ги вклучува многу од клучните политички приоритети на Трамп, меѓу кои и:кратење на финансирање за спроведување на федерални судски наредбиограничувања поврзани со имиграцијатапошироки овластувања за извршната властСега законот се враќа во Претставничкиот дом за финално одобрување.Бизнисменот Илон Маск објави анкета на платформата X во која прашува:„Треба ли да се дозволи укинување на финансирање за спроведување на судски одлуки – како дел од законот за буџет?“Иако формално насочено кон справување со нелегалната имиграција, Маск предупредува дека ваквата мерка „овозможува и други злоупотреби на претседателската власт“.Во исто време, Маск ја сподели проценката дека шансите тој да основа нова „Американска партија (America Party)“ до 2025 година скокнале на 41%.

Свет | пред 10 месеци

„Ние не сме полнети пиперки“ – бура реакции по навредливата изјава на Марта Кос

Изјавата на еврокомесарката за проширување, Марта Кос, дадена во Скопје, каде што го спореди македонскиот идентитет со традиционални јадења како „тавче-гравче“, „погача“, „пинџур“ и „полнети пиперки“, предизвика остри реакции во македонската јавност. Наместо топла порака за културна припадност, нејзините зборови беа протолкувани како површно и навредливо сведување на националниот идентитет на гастрономија.Димовски: Да беше ЕУ сериозна, ова ќе беше навредаПоранешниот пратеник Илија Димовски реагираше со саркастичен тон:„Паметен и досетлив сарказам беше дозволена политичка комуникација во време кога низ Европа имаше проникливи и ведри луѓе за лидери. Денес има се, освен тоа. Да беа сериозни во ЕУ, денешната изјава на Кос ќе требаше да ја сметаме за навреда“, напиша Илија Димовски.Давидкови-Јанковиќ: Срамно е што нема протестна нотаВо остро фејсбук-реагирање, од од канцеларијата Давидкови-Јанковиќ порачаа:„Срамна, недолична и безобразна беше изјавата на еврокомесарката Марта Кос. Не се идентификува овој народ со полнети пиперки и пинџур, ниту со ајвар , ниту со погача. Овој народ се идентификува со своите гени и корени кои се протегаат многу далеку и многу длабоко во историјата. Овој народ се идентификува со сета своја макотрпна борба за слобода, се идентификува по свој јазик и култура, со своите обичаи и гостопримство, кое вие очигледно ниту знаете да го цените , а ниту понешто за нас да научите. Нема да пишувам за генерации просветители но ќе ве потсетам на Кирил и Методиј, на Охридската архиепископија, на фреската од Курбиново која е постара од онаа во Рим. Срамно би било јас вас да ве идентификувам по компирот, јодловањето и кратките панталони, затоа и нема да го направам тоа, затоа што сме ние кроток и гостопримлив народ кој никогаш по туѓото не посегнал. Срам да им е на министерот за надворешни работи што нема протестна нота, срам да ви е на сите вас политичари што не доведовде до ваква состојба и положба, ние не сме полнети пиперки, многу многу повеќе сме од тоа“, напишаа од Давидкови-Јанковиќ.Србов: Никој не ни ги оспорува рецептите, туку историјатаПолитичкиот аналитичар Никола Србов од ВМРО-ДПМНЕ порача:„Почитувана Кос, нашиот идентитет не се полнетите пиперки и тавче гравче, и никој не ни ги оспорува рецептите и кулинарските вештини. Нашиот идентитет е нашето минато, нашето општествено и политичко минато, и токму тоа некој ни го оспорува и сака да ни го промени“, напиша Никола Србов од ВМРО-ДПМНЕ.Многуфина: Летна манџа за идентитетСо силна доза иронија и општествена критика, инфлуенсерката и критичарка Ина Многуфина напиша:„Како што разбрав нашиот идентитет е летна манџа. И манастирите, ок, ама тие малку опљачкани ни се, ајварот ни го земаа други, името го дадовме, јазикот глеам нешо се дешава таму, културата одвај ја држиме додека оди во турбо траш... значи пиперки ни останаа за летна манџа и останува уште да ја романтизираме сиромаштијата од типот "абе све ви сменија ама пиперките никој не може да ги пуни ко вие" и ние да викаме "да, да муце, може немавме многу ама бевме среќни со пиперките". За идентитет не било битно име и јазик и фолклор туку тавче гравче и пунети пиперки ко да сме ресторан и аплицираме за Мишелин ѕвезда со Алачка за претседател“ напиша Ина Многуфина.Туфегџиќ: Сакаат тивко да ни сервираат нов идентитетАдвокатот Владимир Туфегџиќ изрази сомнеж дека вакви изјави не се случајни:„Да не бидеме наивни, овакви политички гиганти од ЕУ очигледно имаат задача онака лагано али сигурно на тивка ватра, да не спремаат да ја прифатиме новата кафанска тавче гравче дефиниција за нашиот национален идентитет. Додуше, кога ќе размислам подобро, а можда на женава државава стварно и личи на кафана, онака од страна гледано“, напиша адвокатот Владимир Туфегџиќ.Настапот на Кос, наместо да ја приближи Унијата до македонските граѓани, отвори стари рани и предизвика сериозен сомнеж дали ЕУ навистина ја разбира длабочината на борбата за македонскиот идентитет. Политичката порака – ако постоела – се изгуби во несреќната и, според многумина, понижувачка споредба.

Коментари | пред 10 месеци

(Видео) Големи пожари кај Марвинци и Фурка – се бара и хеликоптерска поддршка

Два одделни пожари избувнаа денеска попладне во југоисточниот регион на државата – кај селата Марвинци (општина Валандово) и Фурка (општина Дојран), при што гори сува трева и ниска вегетација.Според информациите од Центарот за управување со кризи (ЦУК), кај селото Марвинци интервенира Територијалната противпожарна единица (ТППЕ) Валандово со едно противпожарно возило и двајца пожарникари. Пожарот засега се држи под контрола, но гаснењето е отежнато поради топлото време и ветерот.Пожарот кај селото Фурка е поинтензивен и проширен, па на терен се ангажирани:ТППЕ Гевгелија со едно возило и тројца пожарникариДоброволното противпожарно друштво (ДППД) Дојран со едно возило и тројца пожарникариПоради сложеноста на теренот и ризикот од проширување на огнот, ЦУК процесуираше итно барање до Министерството за внатрешни работи (МВР) и Дирекцијата за заштита и спасување (ДЗС) за вклучување на хеликоптер за гаснење од воздух. Од МВР е потврдено дека ќе биде испратен хеликоптер за поддршка.Надлежните апелираат до граѓаните да се воздржат од палење оган на отворено и веднаш да пријавуваат појава на пожар, поради зголемената опасност од ширење во ек на летната сезона.

Македонија | пред 10 месеци

Запленети околу 100 килограми марихуана во Струмица, лишени од слобода три лица

Полициски службеници од Секторот за внатрешни работи Струмица во координација со Агенцијата за национална безбедност, а во согласност со своите законски овластувања, постапувајќи по наредба на јавен обвинител на 30.06.2025 во 18.30 часот на ул. „Климент Охридски“ во Струмица ги лишија од слобода Е.Б.(32) од село Попчево, струмичко и А.С.(39) и А.С.(24) од скопско.При преглед на патничко возило „голф“ со фалсификувани регистарски ознаки, управувано од Е.Б., биле пронајдени шест торби со 100 пакувања марихуана, со вкупна тежина од околу 100 килограми. За настанот бил запознаен јавен обвинител од Основното јавно обвинителство Струмица.По документирање на случајот, во текот на денот ќе биде поднесена кривична пријава и ќе бидат изведени пред судија од Основен суд Струмица.

Македонија | пред 10 месеци

Фудбалот е повеќе од игра: Првиот мини-пич терен од компанијата Mozzart блесна во Охрид

Од срцето на македонскиот бисер Охрид, започна инспиративниот проект „Фудбалот е повеќе од игра“, чија цел е да изгради мрежа од фудбалски мини-терени низ државата.Првиот терен, гордо го носи името на охриѓанецот и поранешен македонски репрезентативец Гоце Толески — симболично признание за неговиот придонес кон спортот.„Непроценлива е честа и радоста што токму јас сум дел од овој исклучителен проект, а особено што овој прекрасен фудбалски терен го носи моето име. Искажувам искрена благодарност до компанијата Mozzart, која преку своите ангажмани постојано го поддржува развојот на спортот и го негува спортскиот дух кај младите генерации. Сѐ додека постојат вакви општествено одговорни компании што вложуваат во спортската инфраструктура, ќе постои и надежта за нови фудбалски ѕвезди. Делото на Mozzart треба да биде пример и инспирација за сите останати.” изјави македонската фудбалска звезда, Гоце ТолескиМладите фудбалски надежи на Охрид имаа чест први да го испробаат теренот, играјќи рамо до рамо со својот идол Толески. Атмосферата беше навистина спектакуларна – полна со емоции, насмевки и аплаузи од публиката.Натпреварот имаше хуманитарен карактер – секој добар потег на теренот, било да е мајсторска асистенција, одлична одбрана или погодок, ја зголемуваше донацијата што Mozzart ја упати кон здружението „Тајните на моето срце“, кое се грижи за деца со посебни потреби од Охрид.„Преку овој проект, од Охрид започнуваме приказна со срце. Задоволството е огромно кога ќе ги видиш младите спортисти со сјај во очите и желба за игра. Тие ни ја потврдуваат исправноста на нашиот избор. Првиот чекор е направен – и не застануваме тука“, изјави Ивана Стефановска Крстевска од Mozzart.Следни на ред за ваква спортска благодет се Велес и Свети Николе. А приказната само што започна…Фудбалот е повеќе од игра! Првиот мини-пич терен од проектот на Mozzart е веќе реалност – токму во Охрид! Теренот го носи името на фудбалската легенда Гоце Толески, а младите охридски фудбалери заедно со својот идол приредија вистински спектакл. Натпреварот имаше хуманитарен карактер – секој добар потег значеше поддршка за децата од „Тајните на моето срце“. Следни: Велес и Свети Николе! (ПР текст)

Охрид | пред 10 месеци

Средба на директорот на Бирото за јавна безбедност Јанев со генералниот комесар на литванската полиција, генерал Паулаускас и раководителот на групата за меѓународна соработка, Гајманаите

Денеска (01.07.2025) директорот на Бирото за јавна безбедност Александар Јанев оствари конструктивна средба со генерал Арунас Паулаускас, генерален комесар на литванската полиција и Гинтаре Гајманаите, раководител на групата за меѓународна соработка, кои се дел од литванската делегација која е во посета на нашата земја. На средбата се разговараше за продлабочување на билатералната соработка, особено во насока заедничките безбедносни предизвици, како што се борбата против тероризмот, организираниот криминал и нелегалната миграција.„Соработката со литванската полиција се заснова на постоечкиот билатерален договор, кој опфаќа широк спектар на области, меѓу кои спречување и борба против тероризам, трговија со дрога, кибер-криминал, перење пари, корупција, фалсификати, економски криминал, заштита на културно наследство и трговија со опасни супстанции. Посебен акцент ставивме на размена на информации, координација на полициски мерки, заштита на сведоци, размена на експертски знаења и можноста за испраќање офицери за врска, сè со цел ефикасно справување со прекуграничниот криминал“, истакна на средбата директорот Јанев.Во фокусот на средбата беше и размената на позитивни практики од процесот на дигитализација кој е од суштинско значење како алатка при извршување на секојдневните работни задачи.

Македонија | пред 10 месеци

Затвор за водачот на ,, Локумадес” мафијата

Познатите грчки локумадес – крофни, кој се главна посластица на грчите плажи се вносен бизнис, па за превласт се борат и со уцени,42-годишник доби 16 години затвор од Апелациониот кривичен суд во Солун, под обвинение дека е водач на криминална група, која вршела изнуда и уцена за контрола на продажбата на крофни на прометните плажи на Ситонија, на вториот крак на Халкидики.Судот го прогласи за виновен за бандитско рекетирање.Тој беше ослободен од обвинението за обид за убиство против ситен трговец и трговија со луѓе, поврзани со условите за работа на странските ситни трговци.Во истрагата било утврдено дека криминалната група, која броела 12 члена, спроведувала вистинска кампања на заплашување и насилство за да воспостави монопол врз продажбата на крофни на плажите.Полициската истрага за активностите на таканаречената „Локумадес мафија“ започна по откривањето на обид за убиство на продавач на крофни во Никити, но за ова обвинетиот беше ослободен.Тој пред судот ги негираше сите дела.Грчката полиција во 2021 година разби криминална група во која освен водачот, учествувале уште 11 други лица. Дел од нив се ослободени, а дел добиле парична казна.

Свет | пред 10 месеци

(Видео) За Марта Кос македонскиот идентитет се тавче-гравче, пинџур, погача, полнети пиперки

Комесарката за проширување, Марта Кос, на денешната прес конференција во Скопје, рече дека не може да ни даде никакви гаранции дури и да ги внесеме Бугарите во Уставот.Несвојствено за политичар, таа навредливо ни го спореди македонскиот идентитет со тавче гравче, полнети пиперки и пинџур.„Идентитетот е нешто што си го носиме во душите и во нашите срца. Идентитетот е како се чувствуваме и како ја чувствуваме нашата татковина, идентитетот е она како се грижиме за нашата традиција. На пример манастирите во Македонија, погачата, тавче-гравчето, пинџурот или полнетите пиперки, како ги одржуваме традиционалните носии, какви односи градиме со постарите во земјата, каков однос имаме кон зачувување на нашиот јазик и никој не може да ви го одземе ова на вас Македонците”, рече Кос.Премиерот Христијан Мицкоски одговори:„За мене мојот идентитет не е само прекрасната македонска кујна, туку е и Гоце Делчев и Шапкарев, и Миладиновци и Илинденското востание и Дамјан Груев и Јане Сандански.Не знам дали ќе го споделат истото мислење и колегите од исток, но тоа се луѓето кои се дел од нашиот идентитет, македонски идентитет”.https://www.youtube.com/live/K_bWPQLnMaQ?t=1217s

Македонија | пред 10 месеци

Уставниот суд ненадлежен за Предлог законот за независните кандидати

Сè уште не е јасна судбината на независните кандидати на локалните избори. Независните од десет општини побараа Уставниот суд да реагира на новиот Предлог закон за измени на Изборниот законик, по што претседателот Дарко Костадиновски испрати писмен допис во кој е дециден дека можат да ја ценат уставноста на законите, но не и на предлог законите.„Со оглед дека вашето барање се однесува на оценување на уставноста на Предлог на закон за изменување и дополнување на Изборниот законик по скратена постапка, ве известувам дека Уставниот суд, согласно со Уставот и Актот на Судот, е надлежен да ја цени уставноста на законите, а не на предлог- законите. Следствено на ова, Уставниот суд, од аспект на апстрактната контрола, е надлежен да ја цени уставноста и законитоста на позитивното право, односно на општите прописи и општите акти што се дел од правниот поредок и нивната уставност и законитост во време на нивното важење.Неспорно е дека согласно со член 13 и 91 од Актот на Судот, Уставниот суд го следи остварувањето на уставноста, законитоста и слободите и правата на човекот и граѓанинот утврдени со Уставот и по свое наоѓање може да усвои посебен извештај во кој ќе укаже на потребата за преземање мерки за нивно остварување и заштита и ќе го достави до надлежниот орган, односно врз основа нa претходно добиени податоци и известувања Уставниот суд може да донесе посебно решение со кое ќе утврди дека неговата одлука не е извршена и ќе го извести надлежното јавно обвинителство, како и органот што го именувал или избрал раководителот на органот или телото кое не ја извршило одлуката на Судот. Но, во однос на вашето барање за усвојување на посебен извештај за Предлог законот за изменување и дополнување на Изборниот законик по скратена постапка, ве известувам дека Уставниот суд извештај од аспект на член 13 од Актот на Судот може да усвои исклучиво за закон кој е дел од правниот поредок”, стои во ставот на Костадиновски.

Македонија | пред 10 месеци

Јубилеен, неуспешен 40-ти обид за конституирање на косовското Собрание

Ниту денеска, по 40-ти пат, пратениците на косовскиот Парламент не го избраа претседателот на Парламентот.Од 100 присутни пратеници, 51 гласаа за предлогот за формирање тајно гласачко тело за избор на претседател.Претходно, пратениците не го усвоија предлогот на движењето Самоопределување да се гласа за нивниот кандидат Аљбуљена Хаџи за претседателка на Собранието, на тајно гласање.Демократската партија на Косово и Демократскиот сојуз на Косово побараа од претседателот Авни Дехари да се врати на почитување на Уставот на Косово и пресудата на Уставниот суд, но тој нареди службата да ги исклучи нивните микрофони.Пратеникот Аљбин Курти беше предложен за член на комисијата од коалицијата на Алијансата за иднината на Косово и НИСМА. Пратениците од овие две партии и Српската листа не учествуваа во гласањето.Следното гласање е закажано за четврток, 3 јули.

Свет | пред 10 месеци

Мицкоски од лидерскиот самит: „Не прифаќаме уцени под маска на европскиот процес“

Премиерот Христијан Мицкоски денеска, на лидерскиот самит во Скопје, испрати порака дека Македонија не се води по европскиот пат со сервилност, туку со јасна визија, конкретни резултати и цврста определба за европските вредности – но без уцени.„Денес сме тука не само како домаќини, туку и како партнери и сојузници на заедничка визија – Западен Балкан што не се дефинира преку проблемите, туку преку можностите. Интеграцијата во ЕУ за нас не е само збор – тоа е акција, реформи, резултати“, изјави Мицкоски.Тој нагласи дека домаќинството на самитот е симболична потврда за регионалната и европска релевантност на Македонија, како и за политичкиот капитал вложен во стабилноста и реформите.Во фокусот на разговорите бил Планот за раст на Европската Унија за Западен Балкан, кој, според Мицкоски, претставува историска шанса за економска и институционална трансформација.„Тоа е алатка преку која ќе ги модернизираме јавните услуги, образованието, дигиталната и енергетската инфраструктура. Ќе ја направиме татковината европски дом – уште пред формално да стане членка на ЕУ“, рече тој.Сепак, Мицкоски упати и јасна порака:„Нашите чекори се со отворено срце и разум, но се противиме на уцени кои не се дел од европските вредности. Не прифаќаме наметнувања под маска на европскиот процес. Европа е дом на правото и достоинството – тоа се вредностите што ги прифаќаме, сè друго е туѓо за нас.“Премиерот додаде дека реформите не се декорација, туку неопходност, и оти државата ќе продолжи со работа, со јасна волја и сопствена визија, независно од надворешните притисоци.„Испорачуваме резултати не затоа што некој го бара тоа, туку затоа што нашите граѓани го заслужуваат. Ќе продолжиме да ги следиме европските вредности, не по налог, туку по убедување“, порача тој.Во завршницата, Мицкоски ѝ се заблагодари на еврокомесарката за проширување Елисабета Кос и на Европската комисија за поддршката, но посочи дека Македонија останува решена самата да си помогне – со реформи, со работа и со доверба во сопствените сили.

Македонија | пред 10 месеци

(Видео) Уапсена активистка во Белград: Грубо приведување на мајка на дете со аутизам предизвика бурни реакции

Утринава во Белград, покрај штандот кај плоштадот Фонтана, полицијата привела жена идентификувана како В.К., мајка на девојче со аутизам и основачка на културно-едукативниот Центар „Тара“. Снимка од моментот на приведувањето, на која се гледа како тројца полицајци ја внесуваат В.К. во службено возило со употреба на сила, се прошири на социјалните мрежи и предизвика остра јавна осуда.Српскиот хип-хоп состав „Београдски синдикат“ потврди дека станува збор за В.К., објавувајќи поддршка и апел до институциите.„Таа е човек кој несебично се залага за прифаќање и инклузија на децата и младите со развојни потешкотии. Очекуваме оваа неправда да биде итно исправена, а полицајците кои употребиле прекумерна сила – најстрого санкционирани“, напишаа членовите на бендот на Instagram.Приведувањето се случува во контекст на засилените граѓански протести и блокади низ Белград, каде што од вчера се поставени физички бариери – контејнери и метални огради – на клучни крстосници. Утрово дошло до обид за разградување на блокадата на раскрсницата меѓу Булеварот на кралот Александар и улицата Белградска, кој бил спречен од студенти кои таму дежурале цела ноќ.Протестите продолжуваат како реакција на неодамнешните апсења и наводната полициска бруталност, кои граѓански организации и активисти ги осудуваат како доказ за се поотворената репресија од страна на режимот.

Свет | пред 10 месеци

(Видео) Летечко такси во Дубаи: Првиот пробен лет успешен, старт на услугата во 2026 година

Жителите на Дубаи наскоро би можеле да ги избегнуваат сообраќајните метежи со летечко такси. Компанијата Joby Aviation успешно го изведе првиот пробен лет на целосно електричното летечко патничко возило, што претставува важна пресвртница во планот на градот да воведе воздушен превоз како дел од својата мобилна мрежа.Патувањето од аеродромот во Дубаи до островот Palm Jumeirah, кое со автомобил трае 45 минути, со летечкото такси ќе се скрати на само 12 минути, најавува компанијата.„Сакаме да го смениме начинот на кој луѓето патуваат до работа“, изјави Ентони Кхури, генерален директор на Joby за ОАЕ.Иако долгорочната цел е летечките такси услуги да станат достапни за сите, во почетната фаза ќе бидат наменети за патници со повисоки приходи.„Како и секоја нова технологија, почетоците ќе бидат престижни“, рече Кхури.Демонстрацискиот лет бил изведен на изолирана пустинска локација југоисточно од Дубаи. Леталото – тип eVTOL (електричен авион со вертикално полетување и слетување) – полетало вертикално, прелетало неколку километри и потоа слетало.Летечкото такси има капацитет да лета до 160 километри со брзина до 320 км/ч, е целосно електрично и со нулта емисија, прилагодено за урбани услови со минимална бучава.Во 2026 година се очекува стартот на комерцијалната услуга, со поставени четири првични „вертипорти“ кај: Меѓународниот аеродром Дубаи, Palm Jumeirah, центарот на градот и Dubai Marina.

Свет | пред 10 месеци

Тошковски кажа како ќе ги намалува гужвите за влез во Грција преку ГП Богородица

Македонските власти ќе отворат две нови ленти за излез и една дополнителна за влез на товарни возила на граничниот премин Богородица, најави министерот за внатрешни работи Панче Тошковски.На заедничка прес-конференција со неговиот литвански колега, Тошковски посочи дека се разгледува и долгорочно решение – пренасочување на товарниот сообраќај преку посебен граничен премин, по примерот на Грција.Во летните месеци, Богородица е под огромен притисок, бидејќи освен македонските граѓани, граничниот премин го користат и туристи од регионот на пат кон грчкото крајбрежје. Тоа често резултира со долги редици и чекање со часови.Грчкиот премиер Кирјакос Мицотакис веќе најави целосна реконструкција на граничниот премин Евзони, со цел да се забрза протокот на патници и стока на јужната граница.

Македонија | пред 10 месеци

Од следната учебна година нема да има хартиени сведителстава за основците и средношколците

Учениците од основното и средното образование од учебната 2025/2026 година ќе добиваат свидетелства исклучиво во електронска форма, најави министерката за образование и наука Весна Јаневска. Иако можноста за дигитални документи постои и оваа година, Министерството реши новината целосно да се примени од есен.Промената нема да значи дополнителен трошок за родителите или училиштата, бидејќи системите на училиштата и високото образование се веќе поврзани, а податоците за успехот на учениците ќе бидат директно достапни за средните училишта и факултетите.„И сега е-дневникот овозможува печатење електронски свидетелства. За учениците од прво до деветто не е потребно секое свидетелство, освен она од деветто одделение за запишување во средно. Средните училишта потоа ги бараат и останатите свидетелства – кои ќе можат да ги повлечат електронски, без да се ангажираат учениците и родителите“, објасни Јаневска.И факултетите, според неа, ќе имаат пристап до електронските документи за потребите на уписот, без потреба од физички копии.За учениците кои ќе се запишуваат на странски факултети, ќе биде потребно да поседуваат хартиена копија од свидетелството од деветто одделение и дипломата од четврта година. За таа цел, училиштата ќе можат да обезбедат печатен примерок.„Ако е потребно, училиштата може да потрошат 500 денари за топ хартија и да издадат потврда за успешно завршена учебна година“, додаде Јаневска.Сепак, таа признава дека дигиталната неписменост, особено во руралните средини, претставува пречка за целосна транзиција кон електронско водење документи. Токму затоа, иако дигитализацијата ќе стане стандард, физички свидетелства ќе останат достапни за оние на кои им се неопходни.Министерката очекува дека веќе од следната година, 80 до 90 проценти од свидетелствата ќе бидат издавани исклучиво во електронска форма.

Македонија | пред 10 месеци

Максим Димитриевски е најголемо разочарување, лажен патриот и привезок на Мицкоски, вели Костовски

„Максим Димитриевски е најголемото политичко разочарување и најголема измама“, вели Мартин Костовски – организациски секретар и додава:Ветуваше независност и чесност, а заврши како тројански коњ, слеп извршители на политичката агенда на ВМРО-ДПМНЕ, небитен фактор и лажен патриот, целосно заглавен во криминал и корупција.За само една година, Димитриевски ги погази сите свои изборни ветувања.Неговиот лажен патриотизам излезе на виделина, се што кажа порече.Максим јавно се колнеше дека нема да прифати внесување на Бугарите во Уставот без одложена примена. Пред два дена, смени лента, се откажува од тој став, сега веќе не е за одложена примена.Ветуваше борба за правда, а денес молчи пред корупцијата на коалициските партнери од ВЛЕН.Ваква сервилност, вакво коленичене пред ВЛЕН досега немало.Вистината е едноставна: Максим Димитриевски не е ништо друго освен обичен привезок на Христијан Мицкоски и слуга на политиките на ВМРО-ДПМНЕ.Тој е безгласна буква во владината коалиција, единствено способен за делење функции и удобни фотелји, без ниту еден резултат.Освен становите и парцелите вредни 300.000 евра.Максим Димитриевски е прочитан од граѓаните и ќе биде казнет токму од граѓаните.Македонија заслужува одговорни луѓе, а не лажни патриоти кои за фотелја се откажуваат од сè што ветиле.

Македонија | пред 10 месеци

„Охридски Комуналец“ со неделни активности за уредување и чистење на јавните површини

Јавното претпријатие „Охридски Комуналец“ информира дека нивните екипи биле ангажирани на повеќе локации низ Охрид и околината во рамки на редовните активности за одржување на јавната хигиена и зеленилото.Во текот на трите фестивалски денови, службите активно учествувале во одржувањето на хигиената и зелените површини околу хотелот „Палас“ и „Кеј Македонија“, како дел од логистичката поддршка на Охридскиот вински фестивал 2025.Дополнително, хортикултурно бил уреден просторот околу новоотвореното спортско игралиште на булевар „Туристичка“, а биле реализирани и активности за косење и уредување на јавните површини на неколку улици: АСНОМ, Прва македонска ударна бригада, Лазо Трповски и 7-ми Ноември, како и на потегот кај плажите Лагадин и Пештани, во селата Лескоец и Орман, детското игралиште кај „Стобекс“, патниот правец Охрид–Свети Стефан и дрворедот на улицата „7-ми Ноември“.Паралелно, продолжуваат и акциите за цветно уредување, при што биле засадени нови цвеќиња долж пешачката патека од каналот Студенчишта до Горица, во градскиот парк, како и во село Пештани.Од претпријатието најавуваат континуирана ангажираност со цел обезбедување на почиста и поуредена животна средина за охриѓани и посетителите.

Охрид | пред 10 месеци

(Фото) Апсењето во Струмица било филмско, планирале дрогата да ја изнесат од Македонија, вели Тошковски

Три лица уапсени, автомобилот бил полн со дрога, постоел план за нејзино изнесување од Македонија. Ова се клучните детали од вчерашната акција во Струмица, каде беше спроведена акцијата.„СВР Струмица разби меѓународен канал за трговија со дрога и запленија 100 килограми марихуана која беше превезувана, а целта беше да се извлече надвор од Македонија. Македонските граѓани можат да видат темелна дрога против нелегалната трговија со дрога“, рече министерот за внатрешни работи Панче Тошковски.Тој кажа дека „апсењето било филмско, на криминалците што ја транспортирале дрогата“.„Информиран сум од началникот на СВР Струмица, дека ќе даде предлог за наградување на полицајците, а јас ќе прифатам и соодветно ќе ги наградиме кои што во работењето успешно ја направија акцијата“, додаде Тошковски.

Македонија | пред 10 месеци

Млад скпјанец усмрти пешак, прегазувајќи го со мотоцикл

Смртоносна сообраќајна несреќа се случи на 30 јуни околу 13:45 часот на улицата „Шар планина“ во Скопје, кога мотоцикл „БМВ“ со бугарски ознаки, управуван од 22-годишниот М.О. од Скопје, удрил во пешакот К.Г. (72), исто така од Скопје.Како што информира МВР, пешакот починал на самото место, а смртта ја констатирал лекар од Итната медицинска помош.По наредба на јавен обвинител, возачот е лишен од слобода и задржан во полициска станица. Извршен е увид, а по целосно расчистување на случајот ќе следува соодветна пријава.

Македонија | пред 10 месеци

(Видео) Изгореа три автобуси и комбе во ноќен пожар кај бензинска во Кочани

Ноќеска околу 2:30 часот изби пожар на плац веднаш до бензинската пумпа „Авто Петрол“ во населбата Оризари, на излезот од Кочани, при што целосно изгореа три автобуси и едно комбе, сопственост на приватна фирма.Како што информира МВР, пожарот бил изгаснат од страна на Територијалната противпожарна единица од Штип, а за среќа нема повредени лица.Во текот на денот ќе се изврши увид од екипа на ОВР Кочани за да се утврдат причините за пожарот.

Македонија | пред 10 месеци

Русија тврди дека целосно го зазела Луганск – Киев молчи, Москва без официјална потврда

Окупациските власти поставени од Москва објавија дека руските сили целосно ја зазеле источната украинска покраина Луганск. Веста ја соопшти гувернерот назначен од Кремљ, Леонид Пасечник, за државната руска телевизија, наведувајќи дека извештајот за целосното заземање пристигнал уште пред два дена.Од украинска страна засега нема официјална реакција или потврда, а ни руското Министерство за одбрана сè уште не го потврдило ова достигнување. Сепак, во претходни случаи, Кремљ обично доцнеше неколку дена со формална потврда откако локалните власти ќе прогласеа територијален напредок.Луганск делумно беше под контрола на проруските сепаратисти уште од 2014 година. По започнувањето на целосната инвазија во февруари 2022, Русија за неколку месеци зазеде поголем дел од регионот. Во контранападот во есен 2022, Украина успеа да врати дел од северниот Луганск, но неодамна го држеше само малиот преостанат дел.Рускиот претседател Владимир Путин тврди дека покраините Луганск, Доњецк, Запорожје и Херсон, заедно со Крим, се „целосно руски територии“. Западот, како и Украина, не ги признава овие анексии.

Свет | пред 10 месеци

Крајот на војната во Газа е „близу“, но бројот на жртви расте – Израел потврдува, Палестина тврди за масакр

Израелскиот министер за одбрана, Исраел Кац, изјави дека „операцијата во Газа се приближува кон својот крај“, наведувајќи го ослободувањето на заложниците и уништувањето на Хамас како клучни цели. Изјавата доаѓа по краткиот, но интензивен судир меѓу Израел и Иран минатата недела, и откако американскиот претседател Доналд Трамп изјави дека очекува „брз прекин на огнот“.Но, на теренот – крвопролевањето продолжува.Палестински извори известуваат дека само во понеделник се убиени најмалку 100 лица во Појасот Газа, вклучувајќи најмалку 34 во напад врз кафуле на крајбрежната шеталишна зона во градот Газа. Меѓу загинатите има деца, жени и новинар, според медицински извори од болницата „Шифа“.Хамас тврди дека израелската ракета погодила камп за раселени лица, додека израелската армија соопшти дека целта биле „оперативци на Хамас“ во северна Газа и дека биле преземени мерки за заштита на цивили, вклучително и воздушно извидување. Случајот е во тек на истрага, но не се објавени информации за цивилни жртви од страна на израелските власти.И покрај најавите за деескалација, понеделникот беше еден од најсмртоносните денови во последните недели. Хуманитарните организации предупредуваат дека состојбата на теренот е катастрофална, а населението страда без вода, струја и медицинска помош.

Свет | пред 10 месеци