Блокади, апсења и отпор на улиците во Србија: Студентските протести не запираат

Откако во неделата беа поставени првите барикади, физичката блокада на сообраќајот во Белград продолжува и денес. Контејнери и метални огради го парализираа сообраќајот на раскрсницата меѓу Булеварот на кралот Александар и улицата Белградска, а рано утрово (околу 6:15) дојде до обид за пробивање на блокадата, кој студентите што дежурале цела ноќ успеале да го спречат.Протестите, предводени од студентскиот фронт, се засилија по уапсени осум студенти и се проширија низ цела Србија – со блокади во Нови Сад, Ниш, Крагуевац, Шабац, Чачак, Суботица и уште најмалку десет други градови.Комуналните служби и полицијата преку ноќ ги отстрануваа барикадите, но демонстрантите одново ги поставуваа – често менувајќи локации и стратегија. На некои раскрсници, граѓаните едноставно непрекинато минуваат по пешачки премини, целосно блокирајќи го сообраќајот.Демонстрантите бараат предвремени избори, но и ослободување на уапсените студенти. Во меѓувреме, властите продолжуваат со приведувања – според студентски извори, во понеделник се уапсени над 30 лица. Организациите ProGlas и Slobodne organizacije Srbije ја осудија „државната репресија“ врз студентите и граѓаните. Во Нови Сад, технички факултет бил евакуиран по анонимна дојава за бомба – што студентите го нарекоа „обид за психолошка војна и заплашување“. Претходно, на денот на големиот протест (28 јуни), сите патнички возови беа откажани поради наводна бомбашка закана во железницата.Активисти, наставници и граѓани во повеќе градови изјавуваат дека „улицата останува последното прибежиште“. „Ова не е само борба за студенти – ова е борба за достоинството на сите“, рече еден од демонстрантите во Кралево.Полицијата е масовно присутна, но протестите не стивнуваат – сè повеќе локации низ Србија се под граѓанска блокада.

Свет | пред 10 месеци

Маск му се закани на Трамп: ‘Ќе ве урнам, ако треба и по цена на сè!’

Се распламтува политичкиот конфликт на врвот на американската моќ: поранешниот сојузник и донатор на Доналд Трамп – милијардерот Илон Маск – му објави отворена војна на американскиот претседател. Повод е новиот закон за сечење трошоци и субвенции, кој Трамп го промовира како „голем и прекрасен закон“, а Маск го нарекува „луд и деструктивен“.Конфликтот кулминираше со заканата на Маск дека ќе ги „урне“ конгресмените кои ќе гласаат за законот – дури и ако, како што рече, тоа му биде „последното нешто што ќе го направи на Земјата“. Маск најави и формирање на нова политичка партија – „Американската партија“ – доколку законот биде усвоен.Во одговор, Трамп нападна преку Truth Social, обвинувајќи го Маск дека добил „најмногу државни субвенции од било кој човек во историјата“ и предложи неговиот Оддел за ефикасност (DOGE) да ги провери сите бенефиции што компаниите на Маск ги користеле од федералниот буџет.„Можеби без тие пари Маск ќе требаше да ја затвори својата продавница и да се врати во Јужна Африка“, напиша Трамп и додаде: „Можеби ќе треба да ги стопи своите ракети, да запре со автомобилите и да заштедиме МНОГУ пари!“Соработката меѓу двајцата – која резултираше со скоро 300 милиони долари поддршка за кампањата на Трамп – сега изгледа мртва. Расправијата ги вознемири и редовите на Републиканската партија, кои стравуваат дека овој судир може да ги чини мнозинство на изборите во 2026.Во меѓувреме, акциите на Tesla доживеаја големи флуктуации, со загуба од речиси 150 милијарди долари пазарна вредност, пред да се стабилизираат.Иако сè уште не е јасно дали Маск навистина ќе формира трета партија, конфликтот веќе ја менува политичката динамика во САД – и може да го редефинира изборниот пејзаж пред новите избори.

Свет | пред 10 месеци

Ескалира конфликтот меѓу Латас и Костадинов: Ако си маж, дојди, а поттикот на убиство е кривично дело

Новинарот Драган Павловиќ Латас преку јавна објава на социјалните мрежи најави дека ќе поднесе кривична пријава против градоначалникот на Струмица, Костадин Костадинов, обвинувајќи го за, како што наведува, „повик на убиство“ и „илустрирање со крв“.„Малиот градоначалник на Струмица, викан Кока, повика на убиство – мое, заради кажан збор“, пишува Латас во објавата, алудирајќи на претходниот пост на Костадинов во кој тој реагираше на контроверзни ставови на Латас, меѓу кои и неговата спорна квалификација дека Струмица е „бугарски град“ и дека неговиот починат татко бил коцкар. Покрај личните напади, Латас го повикува Костадинов „лично“ да изврши убиство ако, како што вели, „има му**“, тврдејќи дека во спротивно останува само „лигав полтрон“.„Плукам на тебе и на твојата фамилија која те создала и воспитала таков, убиец во најава. Ти си срам за себе, за својата фамилија и за Струмица која масовно ја рекетираш и крадеш, за што допрва ќе се пишува и чита. Ни син, ни маж, ни политичар. Нула. Гнида отфрлена од сите. Меѓу неговите другари дилери и пријателите дилбери со дебели вратови и ментални проблеми има кандидати за извршување на неговите намери. Да се докажат пред лигавиот, да му учинат. Но, на крај тие ќе лежат во затвор наместо него, што баш и не им личи прифатливо. И поттикот на убиство извршено од друг е кривично дело. Нека не фрла друг во огин. Ако има муда, ако е маж, нека дојде - и нека го направи тоа. Или ќе го направи, иле ќе остане тое што е, лигав полтрон на Зоран Заев полуден што го оставила вереницата, му собрала имот и избегала за друг. Полуден што Зоран Заев се мисли дали да го кандидира пак за градоначалник. Полуден што апсењата на бандата од Заев веќе почнаа, а тој е еден од нив. Полуден што феудализмот во Струмица завршува. Нека не чека долго. Или пукај, лично, и емитиконите со крв од постот претвори ги во дело. Или пушти вода во ќенефот на СДСМ и исчезни однесен од неа“, напиша Латас.

Коментари | пред 10 месеци

Крвав напад со нож во Германија – вработен во компанија ранил тројца колеги, усмртил едно лице

Во германскиот град Мелрихштат, утрово се случил напад со нож во една енергетска компанија, при што една жена загинала, а тројца други се повредени, дел од нив потешко – јавува германскиот Билд.Нападот се случил во просториите на фирмата Überlandwerk Rhön, регионален снабдувач со струја. Осомничен е 21-годишен маж, германски државјанин и, според полицијата, и самиот вработен во фирмата. Тој е уапсен на самото место.Загинатата е 59-годишна жена која добила повеќе убодни рани во вратот и горниот дел од телото. Повредени се уште три лица, на возраст од 55 и 62 години, сите колеги на напаѓачот.Полицијата соопшти дека нема опасност за останатите граѓани и оти се истражува мотивот. Инцидентот се води како „внатрешен напад во работна средина“.

Свет | пред 10 месеци

Притвор за битолчанец кој нападнал лекар и полицајци во казино

Основното јавно обвинителство Битола поведе постапка против 28-годишен маж кој на 29 јуни во казино во Битола физички нападнал доктор од Итната медицинска помош, а потоа и двајца полициски службеници.Како што информира Обвинителството, лицето најпрво го нападнало докторот кој се обидувал да му укаже здравствена помош, удирајќи го со тупаница и нанесувајќи му телесна повреда. Подоцна, додека бил пренесен во Клиничката болница во Битола, продолжил да дава отпор на медицинскиот персонал, по што била повикана полиција.При интервенцијата, осомничениот ги нападнал и двајцата полицајци – ги удирал и им се заканувал.Обвинителството го гони за две кривични дела – напад врз здравствен работник при вршење дејност и напад врз службено лице при вршење работи на безбедноста. Поради опасност од бегство и можност за повторување на делото, јавниот обвинител побарал притвор за осомничениот.

Македонија | пред 10 месеци

Уапсен возач на камион по тешка сообраќајка во Чаир

Возач на товарно возило е приведен откако предизвикал тешка сообраќајна несреќа на улицата „Ќемал Сејфула“ во скопската населба Чаир, во која со тешки повреди се здобил возач на мопед.Од Министерството за внатрешни работи информираат дека несреќата се случила во понеделникот, на 30 јуни, околу 14:40 часот, кога се судриле товарен „мерцедес“ со скопски таблички, управуван од 29-годишниот Е.П. од Косово, и мопед, управуван од 32-годишниот скопјанец Ф.А.Возачот на мопедот со тешки телесни повреди бил пренесен во ГОБ „Св. Наум Охридски“, каде му била укажана медицинска помош.Полицијата извршила увид на местото на настанот, а возачот на товарното возило е лишен од слобода и задржан во полициска станица. По целосно расчистување на случајот ќе биде поднесена соодветна пријава.

Скопје | пред 10 месеци

Средба на премиерот Мицкоски со еврокомесарката за проширување, Марта Кос

Претседателот на Владата Христијан Мицкоски, денес во Скопје оствари средба со еврокомесарката за проширување и добрососедска политика, Марта Кос, која престојува во дводневна посета на земјава по повод лидерскиот самит на Европската Унија и Западен Балкан.На средбата се разговараше за европската перспектива на регионот, со фокус на спроведувањето на реформите, реализацијата на Планот за раст на ЕУ за Западен Балкан и унапредувањето на соработката со европските институции.Премиерот Мицкоски ја истакна цврстата определба на Владата за интеграција во ЕУ, достоинствено и преку спроведување на суштински реформи во областите на владеењето на правото, економскиот развој и дигиталната трансформација.Еврокомесарката Кос ја поздрави реформската агенда на Владата и ја потврди поддршката на Европската комисија за напредокот на Регионот на европскиот пат.Премиерот нагласи дека средбата претставува потврда за зголемената улога на државата во регионалните и европските процеси, како и признание за новата енергија со која Владата ги води реформите и создава предвидлива и стабилна иднина за сите граѓани.

Македонија | пред 10 месеци

Сиљановска-Давкова од Севиља: Потребно е фер финансирање за да се справиме со глобалните предизвици

Претседателката Гордана Сиљановска-Давкова се обрати на Четвртата меѓународна конференција за финансирање на развојот, којашто под покровителство на ОН се одржува во Севиља.Во своето обраќање, таа ја истакна важноста на мултилатерализмот и заедничките глобални напори за справување со сиромаштијата, климатските промени, нееднаквоста и социјалната неправда.Сиљановска-Давкова предупреди дека постојат сериозни геополитички и економски ризици коишто ги поткопуваат досегашните достигнувања, изрaзувајќи верба во можноста од подобар и поодржлив свет.Според неа, пристапот до праведно финансирање е клучен услов за успех и за доверливи партнерства. Во новиот Пакт за иднината, претседателката препознава обновен глобален општествен договор. Таа укажа на потребата од споделена одговорност на сите засегнати страни.Потенцирајќи дека речиси две третини од Целите за одржлив развој се поврзани со реформите на Европската Унија, претседателката информираше дека нашата Национална стратегија за развој 2024-2044 е усогласена со најновата Рамка за соработка за одржлив развој на ООН.Сиљановска-Давкова им се заблагодари на ОН, ЕУ и развојните агенции од повеќе земји, како и на меѓународните финансиски институции – ЕБОР, Светска банка, ЕИБ и Инвестицискиот фонд за Западен Балкан за суштинската поддршка преку проектите во областите на зелената транзиција, здравството, образованието и инфраструктурата.

Македонија | пред 10 месеци

(Фото) Семафор искршен, перничиња активирани, интервенира Брза помош – судар кај Собранието

Сообраќајна несреќа се случи на раскрсницата кај Собрание. Очевидци посочуваат дека автомобил марка „ауди“ и „алфа“ се судриле, а веднаш била повикана и Брза помош бидејќи еден од возачите се жалел на повреди.Од фотографиите може да се види дека поголеми оштетувања има автомобилот „алфа“ во кои се отвориле и воздушните перничиња. Од силината на ударот, искршен е и семафорот.Повеќе детали се очекуваат од МВР.

Скопје | пред 10 месеци

Директорот на Бирото за јавна безбедност Јанев во посета на моторното одделение на МВР

Денеска (30.06.2025) директорот на Бирото за јавна безбедност Александар Јанев го посети моторното одделение при Одделот за обезбедување на личности и објекти во рамки на Бирото за јавна безбедност – состав од професионални, искусни и храбри полициски службеници.При посетата директорот Јанев истакна дека нивната посветеност, долгогодишно искуство и дисциплина се од клучно значење, не само за безбедноста на патиштата и ескортното обезбедување на вип личности, туку и за пренос на знаење на помладите генерации преку обуки низ целата држава.„До неодамна, оваа единица беше исклучена од редовни задачи за превенција и санкционирање на сообраќајни прекршоци. Но, со стартот на оперативната акција „Безбеден сообраќај“, негативната пракса е надмината, моторното одделение е целосно вратено во функција и повторно е присутно на терен во служба на законитоста, безбедноста и редот“, дециден беше директорот Јанев, укажувајќи им ја на колегите важноста на нивното континуирано и интензивно присуство во сите делови на државата, бидејќи видливоста на овие полициски службеници директно влијае врз зголемување на безбедноста и свеста кај учесниците во сообраќајот.„Полицијата е горда на овие професионалци кои на две тркала секојдневно се грижат за животите на граѓаните и придонесуваат за развој на современа, одговорна сообраќајна култура, особено кај моторџиите, велосипедистите и корисниците на тротинети“, истакна Јанев.Директорот ја потенцираше и обврската на секој полициски службеник, без исклучок, да биде активен чинител во заштитата на животите на граѓаните во сообраќајот.„Секој полицаец мора да биде активен чувар на животите на сите граѓани, редот, јавниот интерес и во функција на заштитата на сообраќајната култура. Безбедноста на патиштата не е само техничка задача, таа е вредносна обврска што ја делиме сите, полицијата е првата линија на одбрана кога станува збор за сообраќајната култура“, заклучи директорот на Бирото за јавна безбедност Александар Јанев.

Македонија | пред 10 месеци

Кремљ: Не е исклучена обид за „обоена револуција“ во Србија, но Вучиќ ќе воспостави ред

Кремљ соопшти дека не ја исклучува можноста протестите во Србија да се обид за „обоена револуција“, но изрази доверба дека српското раководство ќе ја врати стабилноста во земјата.„И покрај тоа што Србија е под невиден притисок, не можеме да ја исклучиме употребата на методи познати од обидите за обоени револуции“, изјави портпаролот на Кремљ, Дмитриј Песков.Изјавата доаѓа откако српската полиција во саботата се судри со демонстранти кои бараа предвремени избори и крај на 12-годишната власт на претседателот Александар Вучиќ. Тој ги обвини демонстрантите дека „се обиделе да ја срушат Србија“ со поддршка од странски сили, но, како што рече, не успеале.Протестите, кои траат со месеци, вклучуваат и блокади на универзитети. Мандатот на Вучиќ истекува во 2027 година, кога се очекуваат и нови парламентарни избори.

Свет | пред 10 месеци

„Ја продаде куќата за да им обезбеди дом – сега бега од пеколот“ - и треба помош на мајката на тепаното дете од Драчево

Венера, мајката која ја објави страотната снимка каде се гледа како таткото го шамара сопственото четиригодишно дете, а притоа му се заканува дека ќе го убие, бара помош од целата јавност. Фондацијата „E-crowd“ објави апел за нејзин достоинствен живот. Таму се опишува и дел од нејзиниот живот.„Во време кога ја очекувала својата втора ќерка, мајка од Скопје одлучила да вложи сè во иднината – го продала својот стан за да помогне да се изгради семејна куќа во Драчево. Во неа сакала да обезбеди топол и безбеден дом за своите три девојчиња: Нина (9), Дијана (4) и Ана Марија (3). Но, токму таму започнал кошмар кој траел премногу долго. По серија случаи на семејно насилство, кулминирано со физички напад врз едно од децата, мајката конечно го прекинува молкот. Започната е и правна постапка – не само за заштита, туку и за преземање на домот кој самата го финансирала и бракоразводна постапка. Таа е вработена како асистент во Црвен крст на Македонија и со сите сили се бори да им овозможи сигурен, стабилен и достоинствен живот на своите деца, без повторна траума од селење“, пишува во описот на кампањата.Кампањата има за цел да обезбеди правна помош, подобрување на условите за живот, основни потреби за децата, психосоцијална поддршка и стабилна средина за раст и развој.За таткото на децата, се води постапка. Видеото наиде на остри јавни осуди.

Македонија | пред 10 месеци

(Видео) Менди Ќура влегува во трката за Струга – независно, но со поддршка од „Вреди“?

Бизнисменот Менди Ќура објави дека ќе се кандидира за градоначалник на Струга како независен кандидат, а неофицијално, неговата кандидатура ќе ја поддржи и владејачката коалиција „Вреди“.„Ова не е трка за власт, туку повик за обединување“, вели Ќура во објава на Фејсбук, најавувајќи програма базирана на транспарентност, развој и инвестиции.Иако во „Вреди“ сè уште нема официјална одлука за градоначалнички кандидат во Струга, упатените проценуваат дека Ќура ќе биде нивниот избор под формула „независен со поддршка“, стратегија што албанскиот блок сè почесто ја користи на локално ниво.Ќура најавува дека ќе го понуди своето искуство од економијата во служба на градот, со акцент на младите, инфраструктурата и локалната правда. Поддршката ја бара од сите – без оглед на етничка или политичка припадност.

Македонија | пред 10 месеци

Филипче: Во Берлин ги бранев македонските интереси, го повикувам ВМРО-ДПМНЕ заедно да се бориме амандманот да не помине

Претседателот на Социјалдемократскиот сојуз на Македонија, д-р Венко Филипче, на денешната прес-конференција, во одговор на новинарско прашање, посочи дека посетата во Берлин ја искористил како можност да лобира и да разговара со присутните европратеници за да остане неутралната дефиниција за македонскиот јазик – а не, како што е наведено во амандманот на извештајот на Европскиот парламент за Македонија, каде се предлага зборот „современ“ да се додаде како квалификација за македонскиот јазик.Тој потенцираше дека со неактивноста на Владата на ВМРО-ДПМНЕ, се влошува преговарачката позиција на Македонија во однос на ЕУ.„Јас лично лобирав и во име на партијата, меѓутоа и во име на државата. Жал ми е што не гледам дека тоа го прави Владата, ниту пак ВМРО-ДПМНЕ го прави – да остане неутралната дефиниција за македонскиот јазик. Сметам дека со оваа неактивност и со сè што Владата прави, практично нашата преговарачка ситуација и позиција во рамки на ЕУ се влошуваат. И еве сега, овие работи што се наведени во извештајот, практично укажуваат и го отвораат прашањето, зошто е тоа така, и зошто Владата навистина не сака видливо да лобира тоа да не се случи“, рече Филипче.Притоа, тој ја посочи дека констатацијата на европратениците кои биле присутни во Берлин е дека ваквите додавки во однос на македонскиот јазик се резултат на провокациите од страна на Владата на ВМРО-ДПМНЕ.„Сите констатираат една работа – дека таквите додавки на македонскиот јазик доаѓаат како резултат на провокациите што доаѓаат од нашата Влада. Тоа е сериозно влошување на нашата положба во ЕУ“, изјави Филипче.Во одговорот на прашањето, Филипче ги повика ВМРО-ДПМНЕ да лобираат заеднички за амандманот да не помине.„Сакам да упатам уште една директна порака,апелирам до ВМРО-ДПМНЕ заеднички да лобираме тоа да не се случи, да нема таков амандман во ЕП, туку да помине неутралната дефиниција македонски јазик, без никакви додавки. Затоа што тоа е и заслуга на политиките на нашата Влада изминативе седум години- јасен, чист македонски јазик, потпишан на македонски јазик со сите земји членки на ЕУ. Не гледам ниту една причина, освен тие провокации, зошто сега таа позиција би била загрозена“, истакна претседателот на СДСМ, Венко Филипче.

Македонија | пред 10 месеци

Серија семејни и улични пресметки во Скопје – четворица приведени

Во текот на вчерашниот ден (29 јуни), полицијата интервенирала во неколку случаи на семејно и јавно насилство на територија на Скопје, при што биле приведени повеќе лица.Во 22:20 часот, полициски службеници од СВР Скопје, го лишија од слобода Д.И.(47) од Скопје по претходна пријава од неговата 41-годишна сопруга дека околу 20.30 часот во семејниот дом во скопско село физички ја нападнал.Неколку часа порано, во 19:00 часот во Карпош, полицијата го привела 36-годишниот В.П., кој се степал со 56-годишниот С.П., при што уште две лица се здобиле со повреди додека се обидувале да ги разделат.Истиот ден во 17:44 часот, 26-годишна жена од Кочани пријавила дека на паркинг во Кисела Вода била физички нападната од нејзиниот вонбрачен партнер В.Ѓ., за кого се преземаат мерки за расчистување на случајот.Во 12:15 часот, на подрачјето на Шуто Оризари, јавниот ред и мир бил нарушен со физичка пресметка меѓу две лица на возраст од 18 и 25 години.Од МВР информираат дека по целосно документирање на сите случаи ќе следуваат соодветни поднесоци.

Скопје | пред 10 месеци

Трагедија кај Кочани: Мопедист загина на лице место во судар

Утрово околу 07:00 часот на магистралниот пат Делчево–Штип, во близина на крстосницата „Компосара“, се случила тешка сообраќајна несреќа во која животот го загубил 72-годишен мопедист од кочанската населба Оризари.Според информациите од МВР, во несреќата учествувале мопед „томос“ со штипски таблички и возило „рено трафик“ сопственост на ЈЗУ Виница, управувано од 63-годишен возач од село Јакимово.Смртта на мопедистот била констатирана на лице место, а телото е предадено на обдукција. Увид извршиле јавен обвинител и екипа од ОВР Кочани.

Македонија | пред 10 месеци

Повеќе пожари на отворено – активен фронт кај Бешиште, изгаснато во Визбегово

Центарот за управување со кризи (ЦУК) информира дека до 13:00 часот денеска евидентирани се неколку пожари на отворено низ земјава.Пожарот на дивата депонија во Визбегово е целосно изгаснат, а противпожарната единица на Град Скопје интервенирала и кај запалена сува трева на улицата Малешевска во населбата Драчево, како и по пријави во близина на авто-плац ЕНЗО и во Долно Лисиче, кај местото Чаталот.Најсериозен е пожарот кај село Бешиште (општина Новаци), во близина на границата со Грција. Пожарот кој избувна вчера попладне зафаќа уредена шума со бор, даб и бука, и е поделен на два краци. Гаснењето е отежнато поради непристапен терен и детонации од заостанати гранати. На терен се четворица вработени од ЈП „Црн Бор“ со едно возило.Во атарот на село Ерџелија, општина Свети Николе, пожарот е локализиран, а гореле сува трева и стрниште. Екипите на ТППЕ Свети Николе интервенирале со три пожарникари и едно возило.Исто така, пожар бил пријавен и на автопатот Гостивар–Тетово, кај Неготинска Петља, каде што интервенирале пожарникари од ТППЕ Гостивар.Надлежните апелираат на внимателност и одговорност при движење и активности на отворено.

Македонија | пред 10 месеци

Детали за запалениот глисер: Пожарот избувнал при спуштање, оштетени се и други два-три пловни објекти

Глисерот кој утрово гореше во каналот Студенчишта се запалил при спуштање, вели портпаролот на СВР Охрид, Стефан Димоски, за „Скопје1“. Тој посочува дека веднаш било реагирано, повреднеи дена, а пожарот оштетил и други пловни објекти.„Пожарот е настанат во момент на спуштање на глисерот во каналот. Пријавено е во 10:30 часот. Настанал пожар во пловило-глисер. Веднаш имаат интервенирано припадниците од езерската и сообраќајната полиција, како и припадниците од Армискиот центар за обука на вода. Потоа се придружуваат и пожарникарите. Повредени лица нема, предизвикана е материјална штета на глисерот на кој настанал пожарот и два-три други пловни објекти. Увидот е завршен. Јавен обвинител има добиено информација, повратно се добиени насоки за постапување“, велат од МВР.

Охрид | пред 10 месеци

Костадинов: ВМРО-ДПМНЕ го брани човекот што ја нарече Струмица „бугарски град“

Градоначалникот на Струмица, Костадин Костадинов, жестоко реагира на ставовите на новинарот Драган Павловиќ Латас и поддршката што, според него, ја добива од ВМРО-ДПМНЕ. Во својата јавна изјава, Костадинов прашува зошто опозициската партија стои зад личност што, како што вели, ја навредува честа на Струмица и Македонија.„Истиот Латас кој ја нарече Струмица 'бугарски град'. Истиот за кој со години постојат јавни сомнежи за сериозни обвинувања. Тоа не е само политички пад, туку етички срам“, порача Костадинов.Тој нагласува дека во неговата претходна реакција немало повик за насилство, туку одбрана на семејната и градска чест.„Струмица нема да падне под туѓ јазик, симбол или етикета. Ќе ја браниме честа на градот како што нашите предци ја бранеа татковината“, напиша Костадинов.

Македонија | пред 10 месеци

Државата не е повеќе банкомат за моќници, туку мотор на развојот, рече Мицкоски пуштајќи ја делницата Фариш – Дреново

Премиерот Христијан Мицкоски денеска свечено ја пушти во употреба експресната делница Фариш – Дреново, долга 10,2 километри, со инвестиција од речиси 45 милиони евра.„Овој пат е од витално значење за Кавадарци, Прилеп, Битола, Ресен и сите општини од Пелагонија. Тоа е порака дека Македонија конечно граби напред, со проекти што се реализираат на терен, а не остануваат на хартија“, изјави Мицкоски.Тој потенцираше дека државата повеќе не е „банкомат за моќници“, туку мотор на развојот, додавајќи дека парите на граѓаните се враќаат преку реални проекти – патишта, училишта и нови работни места.„Доаѓа времето на Македонија – време на чесна влада, јасна визија и мерливи резултати“, порача Мицкоски на настанот.

Македонија | пред 10 месеци

(Видео) Изгаснат пожарот кој избувна во глисерот паркиран во Студенчишкиот канал во Охрид

Пожарот што денеска попладне избувна во глисер на Студенчишкиот канал во Охрид е изгаснат.Со брза реакција е локализиран огнот. Во инцидентот, според првичните информации, нема повредени лица.Причините за пожарот сѐ уште се утврдуваат.

Охрид | пред 10 месеци

МНР: Деветгодишно девојче од Македонија трагично загина во Италија

Македонското Министерство за надворешни работи информира дека на 29 јуни, во местото Сан Џакомо ди Педероба во близина на Тревизо, трагично загинало деветгодишно девојче со потекло од Македонија.Несреќата се случила покрај брегот на реката Пјаве. Конзулатот во Венеција е известен за настанот и, како што велат од МНР, е во редовна комуникација со семејството на починатото дете, со цел завршување на сите потребни постапки за транспорт на посмртните останки во Македонија.Ask ChatGPT

Свет | пред 10 месеци

Филипче: Историски најслаб извештај од ЕУ, заложбите за интеграција на ВМРО-ДПМНЕ се само декларативни

Извештајот на Европскиот парламент ја има најлошата оценка за Македонија во последната деценија и тоа по заслуга на ВМРО-ДПМНЕ, рече претседателот на СДСМ Венко Филипче во денешната прес конференција.„Се чини дека Владата на ВМРО ДПМНЕ веќе подолго време има сознанија дека во овој извештај Европската Унија со длабоко разочарување и на многу директен начин ќе го истакне неочекуваното застранување на македонската Влада од усогласувањето на македонската надворешна политика и онаа на ЕУ. Знаејќи ги сите овие сериозни критики од Европската Унија, ВМРО ДПМНЕ реактуализира националистички теми со цел да ги поклопи овие критики од Европската Унија“, рече Филипче.Претседателот на СДСМ Филипче во своето излагање рече дека судејќи по досегашната надворешна политика на владата се отвора прашањето дали ВМРО-ДПМНЕ веќе работи на друга алтернатива или останува патот кон евроинтеграциите.„Овде дома сите ние треба да го поставиме прашањето – дали со ваквите потези кои се прецизно нотирани во извештајот на Европската Унија – европската интеграција останува само декларативна заложба на Владата на ВМРО-ДПМНЕ или можеби веќе се работи на нова алтернатива, нов правец во кој треба да се движиме?“, рече Филипче.Наместо продолжување на напредокот во ЕУ како што ветуваа, за една година со Христијан Мицковски и владата на ВМРО-ДПМНЕ земјава доби историско назадување и погазување на сите успеси на патот кон евроинтеграциите и најново го доби историски најслабиот извештај од ЕУ.

Македонија | пред 10 месеци

Лавров: Зголемувањето на воените трошоци може да доведе до распад на НАТО

„Катастрофалното зголемување на буџетот за одбрана кај НАТО-државите може да доведе до распад на таа организација“, изјави Лавров, коментирајќи ја изјавата на полскиот министер Радослав Сикорски дека трката во вооружување може да го собори Путин.Изјавата доаѓа по самитот на НАТО во Хаг, каде што лидерите поддржаа зголемување на одбранбените трошоци до 5% од БДП до 2035 година, на иницијатива на американскиот претседател Доналд Трамп.Лавров додаде дека Москва разгледува опција за намалување на воениот буџет во 2026 година, и покрај тоа што годинава тој изнесува 6,4% од БДП – највисоко ниво од Студената војна.

Свет | пред 10 месеци

Обвинение за брутален напад во Старата чаршија во Струга – двајца во притвор, трет осомничен е малолетник

Основното јавно обвинителство Струга поднесе обвинителен предлог против две полнолетни лица од село Радолишта, осомничени за кривично дело насилство, а постапка ќе се води и против трет соизвршител – малолетник, согласно Законот за правда на децата.Настанот се случил на 21 јуни во Старата чаршија во Струга, каде по вербална расправија, тројцата осомничени го нападнале оштетениот. Тој се обидел да побегне, но кога се вратил по мобилниот телефон што го испуштил, бил нападнат со тупаници и клоци.Жртвата побарал помош, а насилството престанало дури кога случаен минувач застанал со автомобил и интервенирал. Повредениот се засолнил во блиско кафуле, а потоа бил пренесен во болниците во Струга и Охрид.Обвинителството побара продолжување на притворот за двајцата полнолетни, со образложение дека покрај нападот, го вознемириле и јавниот ред и мир.

Македонија | пред 10 месеци