Исламистите нападнаа воена база во Нигерија, убиени 20 лица: „Се обидовме жестоко да се одбраниме“

Се пишува дека исламистичките борци убиле најмалку 20 нигериски војници, вклучително и еден командант, по напад на воена база во зафрлениот град во североисточниот дел на Борно, јавува Ројтерс. Борците на Боко Харам и на западноафриканската провинција (ISWAP) дејствуваат главно во Борно, гаѓајќи ги безбедносните сили и цивилите, убивајќи и раселени десетици илјади луѓе.Во последниот напад, членовите на ISWAP пристигнаа со камиони опремени со оружје и ги нападнаа војниците на 149-тиот баталјон во градот Малам-Фатори, кој се наоѓа на границата со Нигер.Еден од војниците кои го преживеаја нападот телефонски изјави за Ројтерс дека војниците биле изненадени бидејќи милитантите „пукаат насекаде“.„Се обидовме жестоко да се одбраниме и по повеќе од три часа престрелки не совладаа, убивајќи го нашиот командант, потполковник“, рече војникот, кој побара да остане анонимен бидејќи не е овластен да зборува за медиумите. Тој откри дека загинале 20 војници, а неколку се ранети.Жителите кои го напуштија градот изјавија дека некои од милитантите биле видени во Малам-Фатори уште во саботата навечер.Малакака Букар, член на локалната милиција регрутирана да и помага на армијата, рече дека милитантите запалиле згради, принудувајќи некои жители да го напуштат градот. „Тие им проповедаа на некои жители“, рече Букар.Иако беа ослабени од воените напади и внатрешните конфликти во текот на годините, Боко Харам и ISWAP ги засилија нападите во Борно од почетокот на годината, при што во серија напади беа убиени десетици фармери и рибари.

Свет | пред 1 година

(Видео) Кој ќе нѐ лекува? Вработени на „Онкологија“ не веруваат дека ќе останат, нов кадар тешко се наоѓа

Кој ќе нѐ лекува? Треба да почнеме да си го поставуваме ова прашање. Докторите, техничарите, медицинарите - не гледаат иднина во Македонија. Екипата на „Претрес“ беше на „Онкологија“, каде вработените не го криеја своето разочарување.https://www.youtube.com/live/3k0s8cxDxII?si=plaTEOrusqYKXXBu&t=274„Не можам да кажам што ме задржало, но ова ми е како втор дом. Сигурно годините направија да останам тука. Не верувам и дали ќе останам до крај“, вели вработена која посочува дека иднината си ја гледа надвор од границите на Македонија.„Ова ќе биде последната шанса“, додава таа.На Клиниката често снемува лекови, а по скандалот дека се крадат – персоналот е постојано изложен на напади.Репортажата од „Онкологија“ ви покажува еден систем полн со аномалии, непривлечен, запустен.

Македонија | пред 1 година

(Видео) Израелка со македонско потекло е ослободена по 477 дена минати во заробеништво

По 477 денови поминато во заробеништво, Израелката со македонско потекло, Наама Леви беше ослободена од Хамас и се врати во Израел. Таа како и другите заложнички, биле пренесени со хеликоптер на израелската армија, при што први со нив се сретнале нивните најблиски роднини. Претставници од еврејската заедница од Македонија, како и претставници од роднините на Леви, бараа помош и од македонските власти за нејзино ослободување базирано на нејзиното македонско потекло.„Знаевме дека овој момент ќе дојде. Не се сомневавме. Помина долго време. Очекувавме тоа да се случи и претходно. Но, ова е тоа, тие се враќаат дома“, вели роднина на ослободената заложничка.

Македонија | пред 1 година

АХВ спроведе вонредни контроли во зимските туристички центри

По засилените вонредни контроли кои инспекциските служби на Агенцијата за храна и ветеринарство (АХВ) ги спроведоа кај операторите со храна пред новогодишните и божиќните празници, контролите во угостителските објекти, домовите за стари лица и кујните во градинските и училиштата, во новата година, покрај со редовните, продолжува циклусот на спроведување и на засилени, вонредни контроли.Во петокот, на 24.01.2025 година, како атрактивни граѓаните во овој период од годината, АХВ спроведе вонредни контроли во угостителските објекти и објектите за малопродажба во зимските туристички центри. Контролирани беа вкупно 18 оператори со храна во скијачките рекреативни центри Попова Шапка, Маврово, Пониква, Крушево, Пелистер и во Михајлово.Инспекциските служби на Агенцијата утврдија недоследност во работењето само кај еден оператор, односно истиот не бил регистриран во АХВ како оператор со храна. За констатираната недоследност изречена е парична казна и даден е налог за итна регистрацијаКај другите контролирани оператори со храна, не се утврдени отстапувања од законските прописи за безбедноста на храната.

Македонија | пред 1 година

Девојка нападната од манијак: ја следел од маркет до трговски

Основното јавно обвинителство Скопје поведе постапка против 21-годишник за кого постои основано сомнение дека сторил други полови дејствија кон 19-годишна девојка, односно кривично дело од член 186 став 7 во врска со став 1 од Кривичниот законик.На 14 јануари девојката влегла во трговски центар и додека плаќала на една од касите ја забележал осомничениот кој пазарел во истата продавница. Ја следел извесно време додека девојката влегла во зграда во близина на трговскиот центар. Во влезот ја нападнал и започнал да ја допира. Жртвата се спротивставила и почнала да вика, по што осомничениот ја ослободил и избегал. Полицијата го пронашла и го лишила од слобода неколку дена подоцна.Јавниот обвинител до судијата на претходна постапка од Основниот кривичен суд Скопје достави предлог за определување мерки на претпазливост – одземање на патна и друга исправа за преминување на државната граница, обврска осомничениот да се јавува кај определено службено лице во судот и забрана да се приближува или да воспоставува контакти со жртвата.Судот донесе решение со кое ги определи мерките за обезбедување.

Македонија | пред 1 година

Северна Кореја тестира стратешка крстосувачка ракета, Ким Џонг-ун испраќа значајна порака

Северна Кореја изврши тестирање на стратешка крстосувачка ракета во саботата, објави во неделата државниот медиум КЦНА.Лидерот на земјата Ким Џонг Ун го надгледувал тестот, се вели во извештајот, кој го опишува како пробно пукање на „голем систем за оружје“.Стратешките крстосувачки ракети „подморница-земја“ поминале 1.500 километри и летале помеѓу 7.507 и 7.511 секунди пред да ги погодат своите цели, објави државната новинска агенција KCNA.Во одделен извештај на KCNA во неделата, севернокорејското Министерство за надворешни работи вети „најстрога контрамерка“ против Соединетите држави се додека Вашингтон го „отфрла“ суверенитетот на Пјонгјанг.Воената алијанса и заедничките вежби меѓу Јужна Кореја и САД се виновни за зголемувањето на тензиите во регионот, се вели во соопштението на Министерството што го пренесе КЦНА.Изјавата дојде откако американскиот претседател Доналд Трамп за време на интервјуто во четвртокот рече дека повторно ќе контактира со Ким откако двајцата ќе развијат работни односи во првиот мандат на Трамп.Средствата на Северна Кореја за одвраќање на војната „се потемелно рафинирани“, рече Ким, цитиран од агенциите, додека лидерот, исто така, вети континуирани напори за зајакнување на војската.„Ким Џонг Ун потврди дека Демократска Народна Република Кореја секогаш ќе вложи силни напори... да ја исполни својата важна мисија и должност да го брани одржливиот и траен мир и стабилност врз основа на посилно развиени воени сили во иднина“.Во соопштението подоцна во текот на денот, началникот на Генералштабот на Јужна Кореја рече дека Северна Кореја истрелала повеќе крстосувачки ракети од копно кон водите во близина на нејзиниот западен брег во саботата околу 16 часот.Во извештајот се вели дека ракетното тестирање е дел од плановите за градење национални одбранбени капацитети против потенцијалните непријатели во согласност со променливите регионални безбедносни околности.

Свет | пред 1 година

Трамп е во разговори со неколку луѓе за TikTok

Американскиот претседател Доналд Трамп изјави дека е во разговори со повеќе луѓе за купување на TikTok и дека најверојатно ќе донесе одлука за иднината на популарната апликација во следните 30 дена.„Разговарав со многу луѓе за TikTok и има голем интерес за TikTok“, им рече Трамп на новинарите на Air Force One за време на летот за Флорида.Претходно во саботата, Ројтерс објави дека две лица запознаени со дискусиите рекле дека администрацијата на Трамп работи на план за спасување на TikTok што вклучува здружување на софтверската компанија Oracle и група надворешни инвеститори за ефективно да ја преземат контролата врз работењето на апликацијата.Според договорот за кој преговара Белата куќа, кинескиот сопственик на TikTok, ByteDance, ќе го задржи уделот во компанијата, но собирањето податоци и ажурирањата на софтверот ќе бидат надгледувани од Oracle, кој веќе го формира столбот на веб-инфраструктурата на TikTok, изворите изјави за Ројтерс.Сепак, во своите коментари за новинарите за време на летот, Трамп рече дека не разговарал со Лери Елисон од Oracle за купување на апликацијата.Запрашан дали склучува договор со Oracle и други инвеститори за да го спаси TikTok, Трамп рече: „Не, не Oracle. Голем број луѓе разговараат со мене, многу важни луѓе, за купување и јас ќе ја донесам таа одлука веројатно во следните 30 дена."Трамп претходно рече дека „би сакал Соединетите држави да имаат 50% сопственичка позиција во заедничко вложување“ во TikTok.Американскиот претседател во саботата на летот на Ер Форс 1 рече дека Јордан и Египет треба да земат повеќе Палестинци од Газа, каде израелската војна против Хамас предизвика хуманитарна криза.„Му реков дека би сакал да земе повеќе затоа што го гледам целиот Појас Газа во моментов и тоа е хаос, вистински хаос. Би сакал тој да ги земе луѓето“, рече Трамп за неговиот разговор во саботата со кралот на Јордан. Абдулах.„Би сакал Египет да го земе народот“, им рече Трамп на новинарите, додавајќи дека во недела ќе разговара со египетскиот претседател Абдел Фатах ал Сиси.Израел ја започна својата кампања во Газа по нападот на Хамас на 7 октомври, кога милитантите убија 1.200 луѓе и зедоа повеќе од 250 заложници во Газа, според израелските податоци. Оттогаш, израелската кампања убила повеќе од 47.000 Палестинци во Газа, според тамошните здравствени власти. Во борбите за Газа загинаа и повеќе од 400 израелски војници.

Свет | пред 1 година

Се откажуваат летови, се враќаат авиони - маглата прави проблем на скопскиот аеродром

Поарди густа магла се откажаа летови аеродромот во Скопје.После 16 часот, не успеаја да слетаат авионите на „Сан експрес“ од Анталија, како и на „Визер“ од Меминген и Баден Баден. Летот од Меминген беше пренасочен кон Приштина, додека авионот од Баден Баден слета во Софија. Исто така, авионот на „Лот“ од Варшава не успеа да слета и се врати назад во Полска.Досега се откажани и летовите за Малме и Истанбул.Видливоста е 200 метри.

Македонија | пред 1 година

Манипулативни, тенденциозни и ги отфрламе обвинувањата дека Зоолошката градина е позната како куќата на стравот, вели Арсовска преку адвокат

Градоначалничката Данела Арсовска и Зоолошката градина го демантираат советникот во Град Скопје Стефан Ќирков кој речe: „Зоолошката градина е позната како куќата на стравот и тоа доволно кажува за владеењето на Арсовска“.„Тврдењата кои ги пронесувате од лицето Стево Ќирков дека „Зоолошката градина е позната како куќата на стравот, и дека менаџментот на зоолошката градина и градоначалничка не си го сака Скопје и зоолошката градина, со тоа што направи низа промени на директори таму од причини познати само кон неа“, се манипулативни, тенденциозни и категорично ги отфрламе обвинувањата како неточни и невистинити“, вели лицето Трајче Арсов кој се претставува како нејзин адвокат заканувајќи се дека со тужба за навреда и клевета во нејзино име и во име на ЗОО-Скопје.

Скопје | пред 1 година

Затвореник почина во „Идризово“

На 24.01.2025 во 18.22 часот во СВР Скопје, од Казнено – поправната установа Затвор Идризово било пријавено дека во установата бил пронајден починат осуденикот Б.Р.(76) од Скопје.Лекар од Итна медицинска помош констатирал смрт, а по наредба на јавен обвинител телото на починатиот било дадено на обдукција.

Македонија | пред 1 година

Со пет пиштоли во „ауди“, дете од Волково се возело низ Скопје

На 23.01.2025 околу 19.10 часот во с.Волково, полициски службеници од Единицата за недозволена трговија при СВР Скопје запреле и извршиле контрола во патничко возило „ауди“ со скопски регистарски ознаки.Притоа, било констатирано дека возилото го управувал малолетник од Скопје, а во возилото било пронајдени пет пиштоли, од кои два пневматски и три огнено оружје, шест рамки и 16 куршуми различен калибар.По извршени проверки било утврдено дека за еден од пиштолите неговиот татко Д.Н. поседувал дозвола, додека другите два пиштоли ги поседувал без дозвола.По документирање на случајот и во кооординација со јавен обвинител, против Д.Н. е поднесена кривична пријава по член 396 од Кривичниот законик.

Скопје | пред 1 година

(Видео) Ужас во Сопиште: Автобус на ЈСП се запали и изгоре во близина на куќа, граѓани панично бегале

Автобус на ЈСП, кој возел на линијата 58 изгоре, а луѓе панично бегале. Не е познато дали станува збор за патници, но очевидци сведочат дека имало жени кои плачеле од вознемиреностАвтобусот се запалил во момент кога се наоѓал покрај куќа.„Скопје1“ во низа наврати пишуваше за неисправните автобуси кои остануваа дефект низ скопските улици. Граѓаните се шегуваа дека со ЈСП никогаш не се знае последната станица.Истовремено, „Скопје1“ во повеќе наврати бара одговори од директорот Драги Кушовски, поставен од Данела Арсовска, која е причината што вакви автобуси воопшто се пуштаат во сообраќај, но и чија е вината. Претходно, од Кушовски баравме и одговор кој ќе понесе одговороност при евентуална несреќа. Од него нема одговори.Градоначалничката Данела Арсовска, знае за состојбата, но не побара одговорност од директорот, ниту го разреши.

Скопје | пред 1 година

(Видео) Во автобусот кој се запали имало патници, но се евакулирале - помош побарало само лице го вдишало чад

Во автобусот на ЈСП кој се запали во Сопиште имало патници, кои навреме се евакуирале. Пожарот настанал од моторот и се проширил. Само едно лице побарало помош.„Денеска (25.01.2025) околу 12.30 часот во СВР Скопје било пријавено дека кај кружниот тек во с.Сопиште, скопско, настанал пожар во автобус на ЈСП во движење. Притоа, едно лице вдишило чад и на местото му е укажана помош од екипа на Итна медицинска помош, а други повредени лица нема. На местото излегла екипа од Бригадата за противпожарна заштита Скопје. Патот Припор – Сопиште е во прекин“, велат од МВР.Пожарот е изгаснат и се расчистува просторот. Од автобусот, не остана ништо.

Скопје | пред 1 година

Трагична несреќа на патот кон Крива Паланка, едно лице загина

На 24.01.2025 во 13.45 часот во ОВР Крива Паланка било пријавено дека на експресниот пат Ранковце - Крива Паланка, во с.Градец, кривопаланечко, патничко возило „фолксваген голф“ со кривопаланечки регистарски ознаки, управувано од Б.С.(74) од Крива Паланка, излетало од патот.Во несреќата со тешки телесни повреди се здобил сопатникот Б.П.(80) од Крива Паланка и бил пренесен во Ургентен центар Куманово, каде што починал. Додека со телесни повреди се здобил возачот Б.С. и сопатникот М.П.(47) од Крива Паланка.

Македонија | пред 1 година

Осум уапсени во Скопје, најмладиот е малолетник - најмногу апсења во Аеродром

На 25.01.2025 во 02.20 часот во Скопје, на подрачјето на Центар, полициски службеници од Единицата за интервентна полиција при СВР Скопје го лишиле од слобода С.Т.(33) од Скопје затоа што кај него била пронајдена и одземена марихуана. По целосно документирање на случајот, ќе следува соодветен поднесок.На 25.01.2025 во 01.05 часот во Скопје, на подрачјето на општина Аеродром, полициски службеници од Единицата за интервентна полиција при СВР Скопје го лишиле од слобода Б.Н.(24) од Скопје затоа што кај него била пронајдена и одземена бела прашкаста материја. По целосно документирање на случајот, ќе следува соодветен поднесок.На 24.01.2025 во 21.15 часот во Скопје, на подрачјето на Карпош, полициски службеници од Единицата за интервентна полиција при СВР Скопје лишиле од слобода малолетник од Скопје затоа што кај него била пронајдена и одземена марихуана. По целосно документирање на случајот, ќе следува соодветен поднесок.На 24.01.2025 во 18.45 часот во Скопје, на подрачјето на општина Аеродром, полициски службеници од Единицата за интервентна полиција при СВР Скопје го лишиле од слобода С.Р.(27) од Скопје затоа што кај него била пронајдена и одземена марихуана. По целосно документирање на случајот, ќе следува соодветен поднесок.На 24.01.2025 во 21.00 часот во Скопје, на подрачјето на општина Аеродром, полициски службеници од Единицата за интервентна полиција при СВР Скопје го лишиле од слобода К.Ј.(25) од Скопје затоа што кај него била пронајдена и одземена марихуана. По целосно документирање на случајот, ќе следува соодветен поднесок.На 24.01.2025 во 15.50 часот во Скопје, на подрачјето на Карпош, полициски службеници од Единицата за интервентна полиција при СВР Скопје го лишиле од слобода С.А.(29) од Скопје затоа што кај него била пронајдена и одземена марихуана. По целосно документирање на случајот, ќе следува соодветен поднесок.На 24.01.2025 во 16.00 часот во Скопје, на подрачјето на Центар, полициски службеници од Единицата за интервентна полиција при СВР Скопје го лишиле од слобода Д.А.(32) од Скопје затоа што кај него биле пронајдени и одземени прашкаста и грутчеста материја. По целосно документирање на случајот, ќе следува соодветен поднесок.На 24.01.2025 во 13.20 часот во Скопје, на подрачјето на Ѓорче Петров, полициски службеници од Единицата за интервентна полиција при СВР Скопје го лишиле од слобода В.О.(37) од Скопје затоа што кај него била пронајдена и одземена бела грутчеста материја. По целосно документирање на случајот, ќе следува соодветен поднесок.

Скопје | пред 1 година

СДСМ за хаосот на Онкологија бара оставки од Клековски и Таравари

Опозициската СДСМ во соопштение посочува дека поради катастрофалниот недостиг на лекови на Онкологија се загрозени човечки животи, кои директно зависат од терапија која што власта не ја обезбедила.„Изговори или оправдувања се неприфатливи кога станува збор за човечки животи и за хаосот на Онкологија мора да има одговорност.Директорите на Клиниката за онкологија, директорот на Фондот за здравство, Сашо Клековски и министерот за здравство, Арбен Таравари мора да поднесат оставки и да се повлечат. Нивната неспособност е животно загрозувачка. Воопшто не бил преземен соодветен план и не биле навремено набавени лековите, не бил направен систем, не бил направен регистар, ништо не направено а пациентите се оставени да страдаат. Дури и сега, власта сака да го решава проблемот со донации додека најавува купување на авион. Срамно, неодговорно и тажно.Хуманитарната катастрофа на Онкологија е директен резултат на неодговорноста и неорганизираноста на актуелната власт и за тоа мора да има одговорност”, стои во соопштението на СДСМ.

Македонија | пред 1 година

Обвинител со увид на експресниот пат кај Крива Паланка по две сообраќајни несреќи

Дежурен јавен обвинител од Основното јавно обвинителство Куманово изврши увид на лице место на експресниот пат во близина на Крива Паланка, каде вчера едно по друго се случија две сообраќајни несреќи.Имено, најпрво автомобил “фолксваген голф” излетал од патот и се превртел, при што животот го загубил еден од сопатниците во автомобилот. Неговиот син и возачот се здобиле со телесни повреди.Јавниот обвинител ги презеде сите дејствија за обезбедување на доказите и за испитување на причините за несреќата, а за починатиот е издадена наредба за обдукција.Но, додека на лице место се преземале дејствијата за увид, на обележаната локација влетал друг автомобил, кој најверојатно според првичните сознанија поради неприлагодена брзина удрил во паркирано возило и телесно повредил четворица полициски службеници кои го вршеле увидот. Во сообраќајната несреќа потешко повредена е и сопатничката во автомобилот.Јавниот обвинител постапува и презема дејствија за испитување на причините и за оваа несреќа.

Македонија | пред 1 година

ВМРО-ДПМНЕ: Дали веледрогеријата Пановски прави вештачка криза на Онкологија за да го уценува македонското здравство?

ВМРО-ДПМНЕ излезе со соопштение за недостигот на лекови на Онкологија. Сведоци сме во јавноста, дека веледрогеријата Пановски која има огромни профити со управувањето на цените за лековите на грбот на луѓето болни од рак, создава вештачка криза години наназад, велат од ВМРО-ДПМНЕ.„Оваа веледрогерија, која е во сопственост на таткото на Ирина Пановска, која токму Венко Филипче ја има поставено за директорка на Клиниката за Хематологија од 2022 година, до сега има земено неверојатни 35 милиони евра тендери, само од Клиниката за онкологија и радиотерапија. Веледрогеријата Пановски, инаку блиска до Венко Филипче, секоја година само од Онкологија земала над 12 милиони евра годишно”, стои во соопштението.Секоја година, велат од владеачката партија, првите два до три месеци, има недостаток на терапија за лицата болни од рак, а токму истата веледрогерија секоја година набавува лекови по екстремно високи цени, знаејќи дека луѓето кои се тешко болни, ќе мораат да ги набават овие лекови за тие цени.„Мафија на смртта не е само политички термин, туку реалност која ги уништува животите на македонските семејства веќе три децении. Со тоа што Филипче, преку СДС, ја брани веледрогеријата Пановски, се поставуваат неколку прашања:1. Дали оваа вештачка криза се создава само за да се купуваат лекови по енормно високи цени од веледрогеријата Пановски?2. Дали Венко Филипче мора да одговори дали ја поддржува оваа веледрогерија во кризата и дали тој стои зад истата?3. Колкави се вистинските екстра заработки на фармацевтската мафија?4. Кој профитира на страдањата на болните”, прашуваат од ВМРО-ДПМНЕ и ја повикуваатјавната обвинителка и целокупниот правосуден систем, да преземат итни и решителни мерки за да се стави крај на оваа долгогодишна неправда.„Овие луѓе во корелација, тргуваат со животите на луѓето и мора да бидат изнесени пред правдата. Не смееме да дозволиме, овие луѓе да си играат со животите на граѓаните и да се богатат врз здравјето на истите”, посочуваат од ВМРО-ДПМНЕ.

Македонија | пред 1 година

Тоше, среќен роденден!

Македонската легенда Тоше Проески, денес на 25 јануари, ќе дуваше 44 свеќи на тортата.. Иако за многу фанови на Тоше Проески времето застана во 2007 година, тој сè уште живее преку неговите песни и дела. Нашиот Тоше, човекот кој умешее да ги сплоти сите. Кај него поделби немаше.Осумнаесет години подоцна, на неговиот роденден, фановите се сеќаваат на македонскиот славеј. Иако денес го нема, неговите вредности остануваат со нас.Тоше Проески е роден на 25 јануари 1981 година во Крушево.Неговите родители уште како дете забележале дека поседува музички талент, па така и го насочиле неговиот животен пат. Како малечок настапува на „Златно славејче“ и на „Мелфест“, пред и официјално да ја почне својата музичка кариера. „Се се должи на љубовта кон музиката. Скалите си одат една по една сами по себе и никогаш не размислуваш што ќе се случи по 10 години или по 20 години“, изјавуваше Тоше Проески.Неговиот талент го забележуваат сите, па затоа и неговите настапи уште како дете завршуваат со награди. За првпат пред македонската публика се појавува на Скопскиот фестивал со „Остани до крај“ во 1997 година. Од овој момент почнува и неговиот поход кон ѕвездите.Тоше загина на 16.10 2007 во сообраќајна несреќа кај Нова Градишка во Хрватска.

Магазин | пред 1 година

(Видео) РТС преполна со специјалци во опрема за разбивање демонстрации

Додека студентите и граѓаните се собраа пред „РТС“ во Белград на мирен протест, во самата зграда има голем број полицајци, облечени во опрема за разбивање демонстрации.Како што може да се види на видео кое кружи на социјалните мрежи, полицајци со штитови во рацете и торби маршираат низ ходниците на зградата на „РТС“.Некои од нив во утринските часови веќе биле во двете згради на „РТС“, а нивниот број се зголемил во попладневните часови, пренесува порталот Нова.рс.Можеме ли да очекуваме полицијата да интервенира и да ги нападне граѓаните, како што направи во текот на денот пред Факултетот за организациски науки, кога ги отстрани студентите за автобус полн со приврзаници на Српската напредна партија непречено да оди на митинг во Јагодина.

Свет | пред 1 година

Паника во отцепениот, проруски регион на Молдавија: „Остануваме без струја и греење!“; Премиерот: „Приближете се до Кремљ“

Лидерот на отцепениот молдавски регион Придњестровје, кој се соочува со недостиг на електрична енергија и проблеми со греењето, во петокот рече дека снабдувањето со гас ќе биде исцрпено за неколку дена и ја повика молдавската влада да стави крај на „вештачките одложувања“ и да обезбеди нови испораки на гас.Премиерот на Молдавија изјави дека проблемот со снабдувањето со гас може да се реши само ако рускиот производител на гас Гаспром продолжи да испорачува гас за Молдавија или ако проруската отцепена покраина се согласи да плати за гасот купен на европските пазари.Непризнатата Придњестровје, која прогласи независност од Молдавија за време на распадот на Советскиот Сојуз, со години добива руски гас што минува низ Украина.Украина неодамна одби да го продолжи договорот за транзит на руски гас.Самопрогласениот претседател на Придњестровје, Вадим Красноселски, рече дека многу од 350.000 жители во регионот се разболуваат или умираат од пожари и труење со јаглерод моноксид додека се обидуваат да ги загреат своите домови во зимски услови.„За неколку дена гасот што останува во цевките целосно ќе исчезне. Без него ситуацијата ќе стане исклучително тешка“, изјави Красноселски во интервју за руската телевизија „Россија 24“.„Доколку гасот снема, ќе бидат потребни два до три месеци за да се рестартира греењето во станбените згради“, истакна тој.Красноселски тврди дека се согласил со условите поставени од молдавската влада, вклучително и купување поскап гас од Европа, но дека ништо конкретно не е направено.Придњестровје е без струја четири до пет часа дневно.Молдавскиот премиер Дорин Речеан, говорејќи на социјалните мрежи, изјави дека само две решенија што тој ги предложи може да го обноват снабдувањето со гас во одметната покраина.„Молдавската влада сака покраината да има гас“, рече тој.„Но, Кремљ не сака да продолжи со испораките и сака да создаде конфликт меѓу луѓето на источниот брег на Днестар и оние од другата страна на реката“, додаде тој.„Газпром“ соопшти дека не може да продолжи со испораките на гас за Молдавија додека нејзините власти не го подмират долгот од 709 милиони долари, износ што молдавската влада го оспорува.

Свет | пред 1 година

САД запира со донации, Трамп преиспитува дали има ефект - ова може да ја стресе и Украина која добиваше милијарди за оружје

Американскиот Стејт департмент ја замрзна сета постоечка и нова странска помош, се наведува во внатрешен меморандум испратен до официјални лица и американски амбасади во странство, пренесува Би-Би-Си.Суспендирањето на помошта дојде откако претседателот Трамп во понеделникот издаде извршна наредба со која започнува 90-дневната пауза во испораката на помош, во очекување на проверка на ефективноста и усогласеноста со неговата надворешна политика.Соединетите Американски Држави се најголемиот светски донатор на меѓународна помош, донирајќи 68 милијарди долари во 2023 година. Најавата на Стејт департментот ќе влијае на сè, од развојна помош до воена помош.Единствен исклучок е итна помош во храна и воено финансирање за Израел и Египет.„Нема да се одобруваат нови средства, ниту да се продолжат постоечките, додека секоја ставка не биде разгледана и одобрена“, се вели во меморандумот до вработените.Исто така, во рок од 85 дена мора да се изврши сеопфатен преглед на целата странска помош за да се осигура дека помошта е конзистентна со надворешнополитичките цели на претседателот Трамп.Државниот секретар Марко Рубио претходно изјави дека целата американска помош во странство треба да постои само ако таа ќе ја направи Америка „посилна“, „побезбедна“ или „попросперитетна“.Поранешен висок функционер на Стејт департментот изјави за Би-Би-Си дека најавата значи „потенцијално огромно“ влијание врз програмите за странска помош финансирани од САД.„Можеме само да замислиме како би било доколку на хуманитарните програми за деминирање ширум светот одеднаш им се каже да престанат да работат. Тоа е прилично голема работа“, рече Џош Пол, кој ги надгледуваше односите со Конгресот за трансфери на оружје во Стејт департментот до крајот на 2023 година.Дејв Харден, поранешен директор на мисијата на Американската агенција за меѓународен развој (УСАИД) на Блискиот Исток, изјави за Би-Би-Си дека хуманитарните и развојните програми ширум светот финансирани од САД може веднаш да бидат суспендирани, што може да влијае на широк спектар на критични развојни проекти.„Вработените во невладините организации можеби ќе ги добијат своите плати, но мислам дека вистинската помош ќе биде прекината“, рече Харден.„Искусив многу суспензии на помошта кога бев директор на мисијата на Западниот Брег и Газа, но тоа беше специфично за таа област, но ова е глобално“, рече тој.„Не само што ќе се паузира секоја нова помош, туку наредено е и раскинување на постоечките договори кои веќе се во тек. Тоа е голема работа“, додаде тој.Новинската агенција АФП објави дека замрзнувањето на финансирањето може потенцијално да влијае и на Украина, која доби милијарди долари оружје за време на мандатот на претседателот Бајден.Како оправдување за замрзнувањето на помошта, во меморандумот на Рубио се наведува дека е невозможно новата администрација да процени дали обврските за странска помош може да бидат „дупликативни, ефективни и конзистентни со надворешната политика на претседателот Трамп“.Веста доаѓа откако хуманитарната помош почна повторно да тече во Газа по почетокот на прекинот на огнот меѓу Израел и Хамас, како и за време на неколку други кризи со глад ширум светот, вклучително и Судан.

Свет | пред 1 година

Хамас денеска со втора размена ќе ослободи уште четворица израелски војници

Палестинското милитантно движење Хамас се очекува да ослободи четворица израелски војници во сабота во замена за група палестински затвореници според договорот за прекин на огнот чија цел е да се стави крај на 15-месечната војна во Газа.Четири женски војници – Карина Ариев, Даниела Гилбоа, Наама Леви и Лири Албаг – беа распоредени на набљудувачка станица свртена кон Газа за време на нападот на Хамас врз Израел на 7 октомври 2023 година.Припадниците на Хамас ја презедоа контролата врз нивната база и ги киднапираа.Канцеларијата за медиуми на Хамас објави дека во сабота се очекува да бидат ослободени 200 палестински затвореници како дел од размената, меѓу кои 120 затвореници кои отслужуваат доживотна казна и 80 затвореници со долгорочни казни.Размената во сабота се очекува да биде втора од почетокот на прекинот на огнот, кој стапи на сила во неделата.Хамас претходно ослободи тројца израелски цивили во замена за 90 палестински затвореници.Во петокот Хамас именуваше четири заложнички кои ќе бидат ослободени во втора размена.Но, Израел официјално не коментираше и можеби нема да го стори тоа додека тие навистина не бидат ослободени.Договорот за прекин на огнот, постигнат по неколкумесечни прекини преговори со посредство на Катар и Египет и поддржан од Соединетите Држави, ги прекина борбите за прв пат по еднонеделниот прекин на огнот во ноември 2023 година.Во првата фаза од договорот, која траеше шест недели, Хамас се согласи да ослободи 33 заложници, вклучувајќи деца, жени, постари мажи и болни и повредени, во замена за стотици палестински затвореници во израелските затвори, додека израелските војници се повлекуваат од некои на нивните позиции во Појасот Газа.Во следната фаза, двете страни ќе преговараат за размена на преостанатите заложници, вклучително и мажи на возраст од војска, и за повлекување на израелските сили од Газа.Израел вели дека се уште има 94 Израелци и странци кои се држат во заробеништво во Газа, иако не е јасно колку се уште се живи.

Свет | пред 1 година

Зеленски: Путин се обидува да манипулира со мировните напори на Трамп, нема да успее

Украинскиот претседател Володимир Зеленски изјави дека рускиот претседател Владимир Путин се обидува да манипулира со напорите на американскиот претседател Доналд Трамп да обезбеди мирно решавање на руската речиси тригодишна војна во Украина.Зеленски рече дека шефот на надворешната разузнавачка служба на состанокот на украинската воена команда зборувал за „рускиот воен потенцијал и подготвеноста на Путин да ја продолжи војната и да манипулира со светските лидери“.„Конкретно, тој се обидува да манипулира со желбата на американскиот претседател да постигне мир“, рече тој во своето ноќно видео обраќање.„Убеден сум дека нема да успеат повеќе руски манипулации“, додаде тој.

Свет | пред 1 година

(Видео) „27 април“: Ќе се бара ново судење, најавено дека јавноста ќе се згрози од тоа како се обезбедувале лажни докази и сведочења

Барање за повторување постапка поради нови докази кои можат да го сменат текот на постапката ќе биде поднесено до Кривичен суд од осудените за „27 април“ кои веќе седум години лежат низ затворите, дознава „Скопје1“. Собрани се списи и веројатно, до крајот на месецот, тие ќе бидат поднесени и постапката ќе биде почната. Засега за ова нема официјална потврда, но со оглед на реакциите по дадената амнестија во предметот „Организатори на 27 април“ – очекувано е сѐ да тече уште побрзо.Во поткрепа на ова оди и ставот кој пратеничката од ВМРО-ДПМНЕ, Дафина Стојаноска го кажа во поткастот „Претрес со Ландов“. Таа посочи дека наскоро целата јавност ќе биде згрозена од тоа што се правело во предметот „27 април“. Стојаноска секогаш била во одбрана на осудените кои за неа се уставобранители, а и не го криела контактот со истите.„Се работи на тоа да се соберат докази, и мислам дека многу скоро, ние и целата јавност ќе бидеме згрозени од тоа што ќе се откријат многу вистини како се обезбедувале лажни докази и како се обезбедувале лажни сведочења и тука не мислам само на Нинџа туку и за многу други“, рече Стојаноска, ексклузивно во „Претрес“.По одлуката да се амнестираат организаторите за 27 април и процесот против нив да биде прекинат, премиерот Мицкоски вели ако нема организатори, не може да има и терористи.?t=6272„Факт е дека ако нема организатори не може да има терористи. Никој не вели дека тие луѓе не згрешиле, никој не вели дека тие луѓе не направиле престап, но тие луѓе за тој престап доволно време поминале таму и треба тие кои водеа политички монтиран процес за коишто сто пати сме кажале во минатото, да си стават прстот на чело и да размислат што прават и што направиле“, рече премиерот Христијан Мицкоски.

Македонија | пред 1 година