Фатени бегалци од затвор

Денеска околу 02 часот полициски службеници од Секторот за меѓународна полициска соработка- Отсек потраги и СВР Тетово во Тетово ги лишија од слобода Е.З. (24) од село Грчец, скопско и А.О. (24) од село Грчец, скопско, кои биле барани со потерници по наредба на Основен суд Скопје 1 поради бегство од КПУ Затвор Скопје.Е.З. е осуден на казна затвор во траење од пет години за сторено кривично дело по чл.215 ст.3 во врска со ст.1 од КЗ, а А.О. на казна затвор од три години за сторено кривично дело по чл.215 ст.1 од КЗ. Лицата ќе бидат предадени на надлежната казнено поправна установа.

Скопје | пред 1 година

(Фото) Герасимовски покажа како ќе изгледа новата сала Работнички: Го враќаме домот на македонската кошарка, работиме во полн ек

Градоначалникот на Општина Центар Горан Герасимовски со рендер фотографии ја информира јавноста како треба да изгледа проектирањето и реконструкцијата на новата сала Работнички. Тој вели дека скопјани во Новата година добиваат целосно реконструирана спортска сала Работнички којашто е симбол на Центар и Скопје.“Во Новата година го враќаме домот на македонската кошарка, го враќаме достоинството на нашите кошаркари. Минатата недела почнавме со реконструкција на првата фаза, кадешто ќе биде поставена нова фасада и кров, а исто така, ќе се реновираат и канцелариските простории во кои беа сместени спортските федерации. Активностите се одвиваат во полн ек, очекуваме веќе во месец март да започне реконструкцијата и на втората фаза”, потенцира Герасимовски.Новата сала Работнички ќе биде согласно стандардите на ФИБА, со нови седишта, соблекувални, туш кабини, поставување на климатизација и подно греење.Со реконструкцијата ќе се овозможи враќање на клубот на европската кошаркарска сцена.

Скопје | пред 1 година

Нема фотографија

Континуиран растечки тренд на користењето на дигиталните канали за извршување на електронските плаќања

Народната банка на Република Северна Македонија ги објави податоците од доменот на платежната статистика за третиот квартал од 2024 година, кои покажуваат постојан тренд на зголемена употреба на дигиталните канали за извршување на плаќањата во земјата. Овие податоци се особено значајни, бидејќи ја истакнуваат промената во навиките на граѓаните во насока на сѐ поголема употреба на платежните картички при иницирање на плаќањата, како и користење на решенијата за мобилно плаќање кај електронските кредитни трансфери (платните налози).Во третиот квартал од 2024 година се забележува значителен годишен раст кај бројот и вредноста на платежните трансакции на граѓаните во трговијата во земјата. Трансакциите со картички, издадени од домашните даватели на платежните услуги, пораснале за 10,2% по број и за 13,6% по вредност. Овој раст најмногу се должи на високиот годишен раст на бројот на плаќањата во е-трговијата во земјата, кој изнесува 29,2%, како и растот од 8,8% на плаќањата преку терминалските уред ПОС.Покрај тоа, забележан е и годишен раст во бројот на плаќањата на граѓаните со платни налози. Бројот на платежните трансакции се зголемил за 9,9%, а вредноста на остварените трансакции пораснала за 22,2%. Ова укажува на натамошно зголемување на употребата на дигиталните канали за иницирање на овие плаќања. Најзначајни се резултатите од употребата на апликациите за мобилно плаќање, кои покажуваат годишен раст од 50,2% во бројот на платежните трансакции споредено со истиот период од 2023 година. Во рамките на овие податоци, се истакнува податокот дека граѓаните извршиле 65% од вкупниот број електронски иницирани платни налози преку мобилните платежни апликации, што покажува дека мобилните апликации за плаќање стануваат сѐ попопуларни, бидејќи нудат побрзи и поедноставни решенија за иницирање на платежните трансакции.Податоците од доменот на платежната статистика за третиот квартал од 2024 година, освен што ги опфаќаат платежните трансакции на граѓаните во земјата, вклучуваат и податоци за платежните трансакции на правните лица во земјата. За повеќе информации, податоците се достапни на следнава врска.

Македонија | пред 1 година

Судски совет утре избира нов претседател

Еден месец по оставката на поранешната претседателка, Судски совет утре избира нов претседател.Изборот веднаш по оставката беше одложен поради комплетирање на составот на Советот со избор на два нови членови од редот на судиите.Претседателот на Советот се бира со најмалку осум гласови од членовите на Советот со право на глас.Советот е составен од 15 члена, од кои осум члена ги избираат судиите од своите редови, петмина ги избира Собранието од кои двајца доаѓаат на предлог на шефот на државата.Парламентот во декември минатата година изгласа негативен извештај за работата на Судскиот, што го отвори прашањето за разрешување на членовите на Судскиот совет кои се избрани од Собранието, а за ова неколкупати се изјасни премиерот и лидер на ВМРО-ДПМНЕ, Христијан Мицкоски.

Македонија | пред 1 година

Девојка паднала од надвозник во Скопје и загинала: трагична несреќа

Дежурен јавен обвинител од Основното јавно обвинителство Скопје заедно со увидни екипи од МВР синоќа извршија увид на местото на настан кој се случи на скопската обиколница и во кој починато е едно лице.Точните причини и околности под кои се случил настанот се утврдуваат, но според првичните сознанија, починатата е женско лице, кое или се движело пеш по автопатот или паднало од надвозникот на коловозот. Во тој момент, во ноќни услови на намалена видливост на патот, на неа налетал автомобил кој се движел по обиколницата. Возачот на автомобилот е алкотестиран веднаш по несреќата, при што не е утврдено дека управувал со возилото под дејство на алкохол.Издадена е наредба за обдукција на телото на починатата, прибрани се траги и материјални докази кои ќе бидат предмет на вештачење. Се разговара и со очевидци на настанот, со цел да се испитаат сите околности.

Скопје | пред 1 година

Мештаните од Цетиње за убиецот: Беше врвен автомолар, којзнае што му се случи

Масовниот убиец од Цетиње Ацо Мартиновиќ се самоуби откако убил најмалку дванаесет лица, соопшти полицијата. Мартиновиќ, кој бил во бегство, полицијата го лоцирала недалеку од неговата куќа во Цетиње.„Откако полицијата го опколи и откако виде дека е во безизлезна ситуација, тој се застрела и почина при транспортот до клиничкиот центар“, изјави на прес-конференција директорот на полицијата Лазар Шќепановиќ.Тој додаде дека напаѓачот убил најмалку дванаесет лица, но можно е да има и повеќе жртви. Четири лица се тешко ранети. Меѓу жртвите има и две деца на возраст од 10 и 13 години и сите се најблиски пријатели, кумови и роднини на убиецот.Мартиновиќ злосторството го започнал во ресторан во Велестово во близина на Спортскиот центар. По инцидентот меѓу него и гостин, тој отишол дома да земе пиштол, се вратил во кафеаната и таму уби четири лица. Потоа ги убил членовите на неговото семејство и две деца на возраст од 10 и 13 години на три познати локации. Шќепановиќ рече дека мотивот се уште се утврдува.Граѓаните на Цетиње велат дека не можат да ја опишат тагата што ги погодила.„Убиецот не го познавав многу добро, работеше како автомеханичар. Синоќа низ Цетиње се слушаа стенкање и плач. Се уште не сме закрепнале од трагедијата што не снајде во 2022 година, а сега ова нѐ погоди нас“, рекоа граѓаните Цетиње, пренесува Рина."Не се караше со никој од соседството. Беше мирен, искрен и повлечен. Што се случи вчера, никој не знае. Дали беше алкохол или нешто друго, никогаш нема да дознаеме", изјавил за агенцијата еден од првите соседи.Тој додава дека Мартиновиќ бил врвен мајстор за фарбање на автомобили и дека не бил оженет.

Свет | пред 1 година

Температура до 13 степени во Скопје: времето денеска

МИНИМАЛНИ ТЕМПЕРАТУРИ (во °С)-7 Берово, -6 Скопје Петровец, Битола, Струмица, Тетово, -5 Штип, Велес, -4 Скопје-Зајчев Рид, Демир Капија, Кавадарци, Прилеп, Крива Паланка, -3 Гевгелија, -2 Маврови Анови, Претор, -1 Охрид, Виница, 0 Попова Шапка, 1 Крушево.ВИСИНА НА СНЕЖНА ПОКРИВКА во 07 часот (во сm)47 Маврови Анови, 44 Попова Шапка.ВРЕМЕТО ВО ТЕКОТ НА НОЌТА И ИЗУТРИНАВАВедро и студено, на повисоките места со слаб до умерен ветер од променлив правец. Утрово во одделни котлини има појава на магла и во Демир Капија хоризонталната видливост е ограничена на 50 метри.ВРЕМЕТО ДЕНЕСКАСончево со мала до умерена локална облачност и со слаб до умерен ветер од јужен правец. Претпладне по одделни котлини ќе има појава на магла. Максималната температура ќе достигне од 8 до 13 степени.Во Скопје, Сончево и претежно тивко со мала облачност. Претпладне во делови од котлината со појава на магла. Максималната температура ќе достигне до 9 степени.

Македонија | пред 1 година

Ова се дел од жртвите на убиецот од Црна Гора

Браќата близнаци Милош и Марко Мартиновиќ се меѓу жртвите што ги уби масовниот убиец Ацо Мартиновиќ (45) новогодишното попладне во масакрот во Цетиње во Црна Гора. Седум мажи, три жени и две деца биле убиени во масакрот, според Вијести.Ацо Мартиновиќ уби најмалку 12 луѓе во луда треска. Масакрот почнал во велестовската кафеана во Цетиње, каде меѓу другите ги убил сопственикот Марко Вулетиќ и неговите две деца на возраст од 10 и 13 години. Убил на две други локации.Како што изјави министерот за внатрешни работи Данило Шарановиќ, Мартиновиќ ги одзел животите и на некои членови на неговото семејство. Во престрелката се ранети четири лица кои се во тешка состојба во КЦЦГ. Според ТВЦГ, повредени се М.А.(1983), Р.Д., В.М.(1984) и М.М.„По вербална расправија со луѓето со кои го поминал цел ден, Мартиновиќ влегол во конфликт со друго лице. Потоа отишол дома, земал оружје, се вратил и го извршил делото. После тоа се оддалечил, а познато е дека убиствата ги извршил на три различни локации“, изјави директорот на црногорската полиција.Тој побегнал, а по повеќечасовна потрага бил пронајден во населбата Хумчи во Цетиње, недалеку од неговата куќа. Тој се обидел да се самоубие и на пат кон болница им подлегнал на повредите.„Полицијата го опколи и направи прстен. Тој беше во безизлезна ситуација, опколен од сите страни. Откако му наредиле да го спушти оружјето, тој си пукал во главата. Откако се повредил, бил направен обид за транспорт до КЦЦГ, но им подлегнал на повредите“, рече Шќепановиќ.

Свет | пред 1 година

Најмалку 10 ранети во пукање пред ноќен клуб во Њујорк

Најмалку 10 лица се повредени во масовно пукање што се случило во 23:20 часот по њујоршко време пред ноќен клуб во Квинс, соопшти њујоршката полиција.Престрелката се случила во близина на ноќниот клуб Амазура, а сите жртви биле пренесени во еврејската болница во Лонг Ајленд и во детскиот медицински центар Коен, според извори на NY Post.Ниту една од жртвите не е во критична состојба и се очекува сите да преживеат, соопшти NYPD.https://x.com/UnlockEvents00/status/1874704130146754879?ref_src=twsrc%5Etfw#dmid=cbb77a21-e3c3-474c-b6c7-cd9dfa993be7

Свет | пред 1 година

Протекуваат нови детали: Ацо во Цетиње уби седум мажи, три жени и две деца на пет локации, Црна Гора размислува за радикален потег

Премиерот на Црна Гора Милојко Спајиќ на социјалната мрежа Х напиша дека на седницата на Советот за национална безбедност ќе се разгледаат сите опции, како и целосна забрана за поседување оружје бидејќи, вели Спајиќ, тоа не треба да биде на улица и во рацете на оние кои можат да им наштетат на другите. Тој објави и тридневна жалост.- Затоа ќе побарам од новоименуваните раководители на безбедносниот сектор да понудат решенија за обезбедување на безбедноста на нашите граѓани од утре. Јавниот повик за итно вработување на дополнителен број полицајци ќе биде објавен првиот работен ден, без да се чека мислењето на ЕК и Советот на Европа, па итноста ќе ја објасниме подоцна. Уште еднаш апелираме до сите општини да ги откажат сите концерти вечерва. Владата на итна седница донесе одлука - од утре во нашата земја ќе биде тридневна жалост, најави синоќа Спајиќ.https://x.com/MickeySpajic/status/1874557520280211629Обвинителката Андријана Настиќ соопшти дека на пет локации се извршени 12 убиства, а на шестото Ацо Мартиновиќ се самоубил. Убиени се вкупно 13 лица, од кои осум мажи (меѓу нив и убиецот), две деца и две жени.На две локации убил четири лица, на третата две деца, а на останатите две едно лице.Уште четири лица се хоспитализирани и се борат за живот, јавува РТЦГ.

Свет | пред 1 година

Груевски порача: Не губете надеж, дури и кога изгледа дека предизвиците се големи, слабост е откажувањето

Седма година по ред, експремиерот Никола Груевски ја честита Новата Година од Будимпешта. Тој овојпат порача дека ниту една мака не е вечна, а секоја борба води кон нова светлина. Според него, искуството нѐ научило дека некои нешта изгледаат невозможни, само додека не се направат.Неговиот статус:„Денес е добар ден, кратко, барем на една минута, да се потсетите на 2024 година, и низ што се поминавте, што ви беше цел во која успеавте или не успеавте. Но, исто така да помислите кои се вашите желби, цели и мечти во новата 2025 година. Ако некој ја загубил вербата дека ќе успее во некоја значајна животна цел, за која многу се трудел, треба да знае дека во животот најголемите пресврти често доаѓаат токму тогаш кога мислиме дека сме на крајот на силите и треба да знае дека успехот е наградата на тие што не се предаваат.Не губете надеж, дури и кога изгледа дека предизвиците се големи. Најголемата слабост лежи во откажувањето. Големиот Конфучие забележал дека „Не е важно колку бавно одиш, се додека не застануваш.“ Оваа година, ви посакувам да го направете она што веќе помисливте или почнавте да мислите дека е невозможно. Она за што почнавте да губите надеж дека ќе успеете. И оваа година, со вашата упорност, непрестана борба и обиди, и секако со Божја помош, нека биде вашата пресвртница токму во тоа. Но и година кога ќе одлучите да се стремите кон повисоки цели.Така е со сите наши предизвици. Ниту една мака не е вечна, и секоја борба води кон нова светлина, ако одбереме да не се откажуваме.И не заборавајте дека успехот не е само во постигнувањето на лични победи. Тој се мери и преку нашата способност да им помогнеме на другите. Смислата на животот не е само да најдеш среќа за себе, туку да ја даваш на други, да станеш светлина во животите на други луѓе. Искуството не научи дека некои нешта изгледаат невозможни само додека не се направат. Среќна нова 2025 година. Нека е посебна во сѐ, а пред се во добро здравје, во успеси во зацртните цели, во позитивни промени во животот на секој од Вас, и во реализација на одамна носени желби и мечти во себе. Нека донесе радост!

Коментари | пред 1 година

Тоа што ќе го правите денес ќе го правите цела година, ова се народните обичаи и верувања за Св. Игнат

Кога свети Игнатиј бил дете Исус го зел во прегратка и на учениците им рекол: „Ако не бидете како деца нема да влезете во царството небесно“. Бил ученик на ап. и ев. Јован Богослов. Во народното верување на овој ден започнале родилните болки на Пресвета Богородица. Како што се пее во народните песни: „Се замачи Божја мајка, од Игната до Божика“.(Именден празнуваат: Игнат, Иго, Игнатка…)Светата православна црква на овој ден го празнува споменот на Светиот свештеномаченик Игнатиј Богоносец. Свети Игнатиј бил ученик на Светиот апостол и евангелист Јован Богослов од кого бил поставен, за епископ на црквата во Антиохија со која раководел 40 години.Кога бил дете Исус го кренал, (го зел во прегратка) и на учениците им рекол: „Ако не бидете како деца нема да влезете во царството небесно“. Поради тоа што Исус го носел во прегратка е наречен Богоносец.Настрадал за време на римскиот цар Трајан. По победата над Трачаните и Скитите царот наредил на римските богови да им се принесат жртви сметајќи дека тие му помогнале во борбата да извојува победа. Христијаните одбиле тоа да го направат, особено против тие обичаи биле црковните старешини. Меѓу нив бил епископот Игнатиј.Царот Трајан самиот дошол во Антиохија за да разговара со епископот Игнатиј, да го разубеди и да го врати во идолопоклонството. Но кога видел дека не може тоа да го постигне наредил епископот да го одведат во Рим и да го фрлат на ѕверовите. На 20 декември (според стариот календар) 106 година Светиот свештеномаченик Игнатиј во еден амфитеатар во Рим бил фрлен пред два гладни лава кои го растргнале на очиглед и задоволство на многубројна публика. Се јавувал повеќе пати по смртта, правел чуда и им помагал на сите што ја барале неговата помош.Празникот Св. мч. Игнатиј Богоносец во народот познат како Св. Игнет, Игњат, Игнатов ден, итн. се нарекува и „Прв Божик“ зашто тогаш започнуваат подготовките за празникот Рождество Христово ‒ БОЖИК. Празникот Игнат секогаш е пет дена пред Божик 2. 1. /20 XII и со него започнуваат свеченостите поврзани со зимските празници. Поголем број обичаи поврзани со овој празник упатуваат на заклучокот дека со овој ден започнуваат и новогодишните обичаи, а има и такви што потсетуваат на свеченостите поврзани со далечните пагански прослави на зимската краткодневица и враќањето на сонцето од јужните напоредници. Во таа смисла се обредните огнови познати кај многу народи.Обичаите и верувањата што се изведуваат на празникот Игнат најповеќе се поврзани со почетокот на годината или со споменот на раѓањето на Исус Христос. Така на пр. во Велес, како што запишал Д. Матов, на Игнат вареле пченица и царевка заедно за да се подигне бериќетот, а жените заработувале од секоја работа по малку, исто така за да им се подига работата. Во Разлошко овој празник се поврзува со Божик па се вели дека од Игнат се замачила Божја мајка: „замачила се е уш туга Божја маќа“. Во Гевгелиско Св. Игнат бил сметан за тежок и „уд огин аталија празник“. Особено го држеле празник и не работеле жените што имале деца. На овој ден се колеле свињи и сучеле сарајлии за Божик. Во Штип празникот го викале Игнат – подигнат. Тој ден мајките ги теглеле своите деца, „ги подигаат“ за ушите или главата за да растат повеќе. И во овој крај е забележан обичајот полазник. Имено, оној што ќе влезе прв во куќата се верува дека носи среќа или несреќа. Ако тоа бил млад и убав човек (момче или девојка) се сметало дека носат среќа, а ако прв влезел некој старец или баба верувале дека не ќе оди најдобро. Обичајот полазник е забележан и во други краишта на Македонија и е во врска со започнувањето на годината кога се прогнозира среќата на поединецот и заедницата.Во Кумановско на овој ден се прогнозирала среќата за целата наредна година со жарчиња, обичај познат и во други краишта на Македонија, поврзан и со други празници, како што е новата година. Овој обичај се изведувал вечерта спроти празникот кога жарчиња се ставале на земјата и до секое жарче по едно зрно од разните житни култури (пченка, пченица, ʼрж, јачмен, овес и др.) потоа се поклопувале „сас каленицу“ (или со вршник) и на празникот се гледало како изгаснале жарчињата. Се верувало дека тие што согореле добро, со пепел, претскажуваат дека тоа жито добро ќе роди, тие што изгаснале и станале црни јаглења претскажувале дека тоа жито нема да роди. Во овој крај се прогнозирало и на времето, ако е облачно се верувало дека ќе има бериќет, ако е ведро, претскажувало дека годината ќе биде сушна.Во Радовиш Св. Игнат го држеле како тежок празник. Овде денот го минувале во тишина, не се пеело, не се викало, дури и децата не се тепале за да не плачат гласно. Утрото сите домашни се заблажувале со едно лажиче благо. Во Скопската Котлина, спроти празникот сечеле шума од три вери т.е. од три вида: зеленика, смрека и даб. Овие гранчиња се оставале до вратата под стреата и со нив за идните празници се потсилувал огнот. Спроти празникот се правеле и други обичаи како што е фрлањето костени во трлото за да „рипкаат“ јагнињата како костените. Утрото на Св. Игнет се палел посилен оган во огништето, а потоа, домаќинката ги скоревала децата со кои го изведувале обичајот силење ‒ прпешкање на огнот. Тогаш земале од гранките донесени вечерта и го буричкале (го силеле, го прпешкале) огнот, благословувајќи за добро здравје, за напредок на стоката и богат род на земјоделските култури.Интересни обичаи поврзани со овој ден се забележани во Охрид. Кузман Шапкарев запишал дека на Игнатов ден и вечерта спроти Бадник и на Нејатка спроти Водици во Охрид правеле посни питулици од тенка каша печени во специјални питулчарници и после попарени со ореова вода (врела вода со толчени ореви). Со дел од кашата правеле крстови на оџаците, горните прагови на куќните врати, амбарите, бочвите и др. И Е. Спространов забележал дека во Охрид правеле „питулици на черепна“ и велеле дека тоа се „постулиците на Ристоса“. Спространов запишал предание според кое „На Игнет некоја Бојка от Бојковци си перела. Је рекле: Ами денеска је Игнет, зошчо периш? Таја рекла: Ами, Игнет пригнет! Веднуш се извил сокаот за дирегот и ќе ја удаел. Таа го фрлила грнецот со вода, како го држела, го отпушчила поврзлото и фатила да и викат жените, за да видет чудото“.

Македонија | пред 1 година

Мртов е масовниот убиец од Цетиње! Убил десет луѓе

Министерот Данило Шарановиќ изјави дека бегалецот Ацо Мартиновиќ се обидел да си го одземе животот, но дека не починал на лице место, туку на пат кон болница.Вршителот на должноста директор на полициската управа Лазар Шќепановиќ изјави дека Мартиновиќ се наоѓал во населбата Хумци.ВД директорот на полициската управа Лазар Шќепановиќ вели дека ова е втора трагедија во последните две години што го погоди Цетиње.Осомничениот напаѓач Ацо Мартиновиќ бил баран во 2022 година, кога кај него било пронајдено оружје. За тоа дело е осуден на три месеци затвор, но пресудата не е правосилна, јавува Радио Телевизија Никшиќ.

Свет | пред 1 година

(Видео) Сите детали за масакрот во Црна Гора: прво убивал во кафуле, па во дом на семејство

Осомничениот за повеќекратно убиство во Цетиње, Ацо Мартиновиќ, прво убил четири лица во кафуле во близина на Спортскиот центар, по што се упатил на другата страна на градот, во селото Хумци, каде во куќа убил две деца и ја ранил сопругата на сопственикот на ресторанот. Уште едно лице е убиено на трета локација.Во Цетиње владее опсада, а полицијата ги блокирала сите приоди кон градот, јавуваат репортерите на ТВ вестите.Државната обвинителка во Вишото државно обвинителство Андријана Настиќ изјави дека истрагата ќе се води на три локации.Телевизија „Вијести“ објави и дека Мартиновиќ пред две години бил уапсен поради поседување оружје и закани, но не се знае каква казна му е изречена.Осомничениот за повеќекратно убиство во Цетиње, Ацо Мартиновиќ, бил лоциран во средата вечерта во комплексот на поранешната фабрика „Обод“ во главниот град на Црна Гора, јави Радио Цетиње.Информацијата дека е лоциран Мартиновиќ ја потврди и црногорскиот премиер Милојко Спајиќ во изјава за ТВ Вијести. Пронајден е и неговиот автомобил. Се работи за син Фиат.„Полицијата е во многу тесна координација со Агенцијата за национална безбедност. Мислам дека наскоро ќе го лоцираме, поточно мислам дека е веќе лоциран. Потрагата е активна“, изјави Спајиќ за ТВ Вијести.Министерот за внатрешни работи на Црна Гора, Данило Сарановиќ соопшти дека во трагедијата на Цетиње загинале сопственикот на ресторанот „Велестово“ и некои членови на неговото семејство.Шарановиќ рече и дека меѓу жртвите има и членови на семејството на Аце Мартиновиќ, осомничен за извршување на убиствата.Во масакрот во Цетиње загинаа најмалку 10 лица, меѓу кои две деца, додека лекарите од Клиничкиот центар во Подгорица во моментов се борат за животите на четворица жители на Цетиње, изјави во средата вечерта министерот за внатрешни работи Данило Шарановиќ.Директорот на полициската управа Лазар Шќепановиќ на прес-конференцијата објасни како се случило злосторството и рече дека по убиството на четири лица, Мартиновиќ продолжил со крвавиот поход на три други локации.Тој додаде дека според официјалната евиденција, Мартиновиќ немал регистрирано оружје кај него.Тој рече дека Ацо Мартиновиќ е вооружен и опасен и тврди дека се уште е на територијата на таа општина.„Ова е опасна личност, несовесна и брутална“, додаде тој.Тој рече и дека Мартиновиќ во 2005 година добил условна казна за насилничко однесување и дека во 2022 година биле преземени одредени мерки, вклучително и претрес, при што била пронајдена воздушна пушка, друго оружје и експлозиви. Мартиновиќ тогаш првостепено беше осуден на три месеци затвор, но пресудата не стана правосилна.Сите полициски единици, вклучително и припадниците на Специјалната полициска единица (СЈП) со часови трагаат по осомничениот, а во готовност е и армијата.

Свет | пред 1 година

(Видео) Објавена снимка: Откриен идентитетот на напаѓачот од Њу Орлеанс, бројот на загинати се искачи на 15

Федералното биро за истраги (ФБИ) не верува дека човекот кој со својот пикап влетал во толпа во Њу Орлеанс дејствувал сам. Според последните информации, во нападот загинале 15 лица.На прес-конференција, службеничката на ФБИ Алетеа Данкан рече дека 42-годишниот Шамсуд Дин Џабер, кој на крајот беше убиен од полицијата, не е „единствено одговорен“ за инцидентот во францускиот кварт во југоисточниот американски град во средата.ФБИ внимателно ги истражува сите контакти на напаѓачите и бара помош од јавноста.https://x.com/BrianEntin/status/1874558360030425357Осомничениот, кој бил американски државјанин, роден и израснат во Тексас, бил воен ветеран, соопшти ФБИ.На социјалните мрежи кружи видео кое Џабер го снимил пред извесно време додека работел во агенција за недвижности.Џабер успеал да ја заобиколи заштитната ограда во Францускиот кварт возејќи по тротоарот, соопшти полицијата на Њу Орлеанс.Знамето на Исламската држава е „најдено во возилото и ФБИ работи на утврдување на потенцијалните врски на субјектот со терористичките организации“.Осомничениот вооружен маж, наводно, најмил возило за да се вози во толпата во Њу Орлеанс.Осомничениот носел и импровизирана експлозивна направа (IED), соопшти ФБИ.„Други потенцијални експлозивни направи се лоцирани во Францускиот кварт“, соопшти ФБИ, додавајќи дека детонаторите се на теренот.На социјалните мрежи е објавено видео од надзорните камери кои го снимиле самиот почеток на смртоносната кампања:

Свет | пред 1 година

(Видео) Масакр во Црна Гора: неофицијално - најмалку седум убиени, меѓу кои и две деца

Неколку лица се убиени во Цетиње во Црна Гора од истрели од огнено оружје по физичка пресметка во локално кафуле, потврдија за црногорски „Вијести“ од повеќе неофицијални извори.Според истите информации, полицијата трага по осомничениот А.М од Цетиње.Според неофицијални информации загинале четворица мажи и две деца, а ранети се уште три лица.Според информациите на Вијести од Управата на полицијата, повеќекратното убиство се случило попладнето во ресторан во градот Бајице кога А.М. отворил оган врз неколку лица. После тоа, според достапните информации, пукал на улица.РТЦГ јавува за седум убиени лицаПорталот на Радиотелевизија на Црна Гора јавува дека има најмалку седум загинати.Ранетите во пукањето во Цетиње со возило на брза помош се пренесени во Клиничкиот центар на Црна Гора во Подгорица.

Свет | пред 1 година

Герасимовски: Киро Глигоров ја водеше државата со многу ум, го продолжуваме неговиот аманет на соработка и соживот

„Првиот претседател на државата Киро Глигоров е еден од најголемите великани на современата македонска историја. Тој беше државник, визионер којшто ја водеше Македонија со многу ум, трезвено, најзаслужен за тоа што бевме единствени од сите поранешни републики на Југославија кои без војна и крвопролевање се изборивме за независност и меѓународно признавање”, истакнува градоначалникот на Општина Центар, Горан Герасимовски по повод одбележување на 13-годишнината од смртта на првиот претседател на Републиката, Киро Глигоров.Герасимовски, потенцира дека поранешниот претседател Киро Глигоров е личноста што ги поврза двата столба на македонската државност - АСНОМ 1944 и 8-ми Септември 1991.„По неговиот пат на соработка, на соживот, на градење мостови продолжуваме и ние, следните генерации. Како градоначалник правам сѐ за да го продолжиме неговиот аманет - да се грижиме за граѓаните, демократски да ја развиваме земјата и да вложуваме во подобра иднина. Со отворањето на основното училиште „Киро Глигоров” во Општина Центар, со едукација на младите за историјата и одење на патот којшто тој го зацрта продолжуваме да се грижиме за ликот и делото на првиот македонски претседател”, вели Герасимовски.Глигоров бил добитник на бројни меѓународни награди и признанија - ценет и вреднуван за својата работа од целиот свет.Една од негови најголеми мисли кои до ден денеска имаат силно значење: „Најголемото достоинство на нашиот народ е што го сочува мирот, што не влезе во никаква војна, што не носи никаква вина за се она што се случи и што го загрозува целиот свет”.

Скопје | пред 1 година

Филипче: Да ја продолжиме визијата на Глигоров за напредна и демократска Македонија

Претседателот на Социјалдемократскиот сојуз на Македонија, Венко Филипче, оддаде почит на одбележувањето на годишнината од смртта на првиот претседател на државата, Киро Глигоров.„Денеска се сеќаваме и оддаваме почит на првиот претседател, Киро Глигоров. Неговите вредности и државничките одлуки оставија траен белег во нашето општество и претставуваат патоказ за идните политики за напредок и просперитет на државата.Претседателот Глигоров е симбол на мудрост и визионерство, и неслучајно многумина го нарекуваа „Таткото на нацијата“. Во најтешките моменти, кога државата се соочуваше со предизвиците на независноста, тој направи историски чекори кои беа важни за иднината на државата. Глигоров веруваше во силата на дијалогот и помирувањето – вредности кои се подеднакво важни и денес, кога треба да продолжиме да работиме на заедничката иднина на државата.Ние, како генерација, сме должни да ја продолжиме неговата визија за напредна и демократска Македонија, да ги надминеме сегашните предизвици и да изградиме подобра иднина за сите наши граѓани. Вечна му слава“, посочи претседателот на СДСМ, Венко Филипче.

Македонија | пред 1 година

Делегација на СДСМ оддаде почит за ликот и делото на Киро Глигоров првиот претседател на независна Македонија

Делегација на СДСМ, претставена од потпретседателката Каја Шукова, генералниот секретар Александар Саша Димитријевиќ и пратеникот Митко Трајчулески, денеска положи свежо цвеќе и оддаде почит на вечното почивалиште на Киро Глигоров, првиот претседател на независна и суверена Македонија.„Денеска се сеќаваме на еден од најголемите државници во нашата историја, човекот кој со својата мудрост и визионерство постави темели на модерната македонска држава. Неговите вредности, историските одлуки и државничкиот пристап оставија трајни белези во нашето општество и се патоказ за нашата борба за напредок и просперитет.Киро Глигоров е симбол на дијалог, помирување и обединување. Во најтешките моменти за нашата држава, тој покажа лидерство и визија кои овозможија стабилност и напредок. Неговата верба во заедништвото, демократските вредности и европските перспективи остануваат наша инспирација за иднината.СДСМ ги следи патеките на визијата на Глигоров за напредна и демократска Македонија.Вечна слава на претседателот Глигоров – Таткото на нацијата и вечна инспирација за сите нас“, се наведува во соопштението на СДСМ.

Македонија | пред 1 година

Делегација на Владата положи цвеќе на вечното почивалиште на Киро Глигоров

Делегација на Владата на Република Македонија, предводена од министерот за јавна администрација, Горан Минчев, денеска положи свежо цвеќе на вечното почивалиште на првиот претседател на независна Македонија, Киро Глигоров, на Градските гробишта Бутел во Скопје.Овој чин претставува израз на почит кон животот и делото на претседателот Глигоров, кој го посвети својот живот на визијата за мирна, стабилна и напредна Македонија.Делегацијата се потсети на неговото мудро раководење во еден од најпредизвикувачките периоди од историјата на нашата држава, како и на неговата улога во обезбедувањето независност преку мирен пат.Министерот Минчев нагласи дека делото на Киро Глигоров е трајно врежано во темелите на современата македонска држава и дека неговата визија продолжува да инспирира генерации.„Киро Глигоров беше симбол на мудрост, достоинство и државничка одговорност. Неговата посветеност кон демократијата и суверенитетот останува светла точка во нашата историја“ - истакна Минчев.Положувањето на цвеќе е дел од активностите со кои Владата ја одбележува важноста на личностите и нивниот придонес кон создавањето на современа и просперитетна Република Македонија.

Македонија | пред 1 година

Јаневска со порака на почетокот на 2025: Заедно за промени во образованието, одговорни сме за децата и за државата

Новогодишната порака на министерката за образование и наука Весна Јаневска ви ја пренесуваме во целост:„Новата година ја почнуваме со надежи, очекувања и верба дека ќе биде година за паметење по добро, исполнета со радост и убави случувања.По половина година заедничко работење за да го направиме образованието подобро и поквалитетно, во 2025 заедно со учениците и студентите, наставниците и родителите, со сите граѓани кои веруваат дека можеме да имаме напреден воспитно-образовен систем -  продолжуваме.Градиме образование на можности, во кое секое дете може да ги реализира своите потенцијали, кое го цени и вреднува придонесот на секој наставник, образование кое сплотува. Во септември почнавме со учебници за сите ученици, во јуни да ја завршиме учебната година со подобри резултати од лани. Тоа е целта на воведувањето едносменска настава и продолжениот престој во училиште, на растот на платите на вработените во училиштата, на реконструирањето и градењето нови училишни објекти, на промените во регулативата, на јакнењето на образовната асистенција и оптимизацијата на училишната мрежа. Во високото образование почнавме со промени кои ќе им понудат на студентите програми какви што бараат на странски универзитети, а нашите професори да можат да се одмеруваат на меѓународно ниво.За да направиме стабилен воспитно-образовен систем во чии темели се вткаени најдобрите решенија што низ годините дале резултати и да го доградиме со нови решенија што ги бара дигиталното доба, треба да се здружиме сите што сакаме образовен исчекор.Во новата година да се обединиме и да ги надминеме поделбите, затоа што сите имаме иста желба - нашите деца да добијат образование кое ќе им отвори животни и професионални можности какви што посакуваат.Посакувам Новата година да Ви донесе добро здравје, многу моменти на среќа, радост и успех во остварувањето на сите ваши цели“, порача министерката.

Македонија | пред 1 година

Лимани додели 30.000 денари за првото бебе во 2025 година во Гостивар

Градоначалникот на Општина Гостивар, Валбон Лимани, денеска го посети Гинеколошкото одделение во Општата болница „Ферид Мурат“ во Гостивар за да го честита првото бебе кое се роди во 2025 година во Гостивар.Бебето, здраво девојче со тежина од 3,5 килограми, се роди во 12:40 часот и е во добра здравствена состојба.„Денес го честитаме првото бебе родено во Гостивар со еден скромен гест, ваучер во вредност од 30.000 денари за првото бебе во Гостивар. Бебето оваа година е девојче и се надевам дека оваа година ќе биде добра и ќе имаме што повеќе новороденчиња“, изјави Лимани.

Македонија | пред 1 година

Мицкоски: Се отвори ски центарот „Михајлово“, како Влада продолжуваме да работиме на реализација на проекти

„Првиот ден во Новата година сме овде во Кавадарци. Му честитам на градоначалникот за навистина овој прекрасен објект, оваа ски- стаза. Дозволете ми да се заблагодарам и на сите оние општествено одговорни компании кои што учествуваа во изградбата на оваа стаза“, кажа премиерот Христијан Мицкоски.„Ова е исклучително голема можност за кавадарчани, но не и само за кавадарчани туку од сите краеви на државата да дојдат да уживаат во овие прекрасни природни убавини, да се рекреираат и навистина би сакал ова да биде еден почеток само, а понатаму уште повеќе да се развива и самото место и самиот регион затоа што навистина самата планина и сето ова коешто е околу оваа ски- стаза е нешто што претставува природна реткост.Така што уште еднашка еве да не должам кажа градоначалникот се, дозволете да му честитам на него, на сите они кои што ја подржуваат работата, на пратениците од македонскиот парламент, членовите на македонската влада, советниците, администрацијата во општина Кавадарци, општествено одговорните компании, сите буквално кои што придонесуваат со својот ангажман во тоа да Кавадарци како општина навистина претставува едно прекрасно место за живеење.Ние како Влада и во иднина ќе продолжиме да помагаме. Сега во февруари ќе биде објавен и новиот повик до општините за да аплицираат со нови проекти кои што ќе бидат финансирани од страна на Владата.Така што заеднички кога се работи, успехот е тука. Уште еднашка честитки и со лесно нека се користи, со убаво нека се користи оваа ски- стаза“, соопшти Мицкоски.

Македонија | пред 1 година

(Видео) Тoшковски: Мирна и безбедна новогодишна ноќ, благодарност до граѓаните и полициските службеници

Министерот за внатрешни работи Панче Тошковски денеска присуствуваше на отворање на новиот ски центар „Михајлово“ близу Кавадарци, во кој не само кавадарчани туки и сите граѓани ќе можат да се рекреираат и да уживаат во зимските убавини и спортови. Тошковски упати честитки до градоначалникот на Општина Кавадарци Митко Јанчев кој неуморно работи и го овозможи и овој проект во кој сите граѓани ќе можат да уживаат.„Што се однесува за изминатава вечер, на територија на целата држава новогодишната ноќ помина главно мирно. Безбедносната состојба на територија на целата држава за време на новогодишната ноќ беше стабилна. Уште еднаш сакам да изразам благодарност до полициските службеници кои беа на должност изминатава ноќ. Присуството на терен беше засилено и беа преземени координирани и насочени мерки за одржување на поволна безбедносна состојба. Имено, во периодот од 14,00 часот вчера до 05.00 часот денеска изутрина регистрирани се 29 кривични дела, како и 28 сообраќајни незгоди од кои 3 со тешки телесни повреди. Приведени се вкупно 33 лица по разни основи, а најмногу во врска со нелегална трговија со дрога – 14 лица. Им благодарам на сите граѓани кои што празнуваа, прославуваа одговорно така како што апелиравме и кои што придонесоа сите заедно да направиме новогодишната ноќ да помине мирно.“, истакна министерот Тошковски.

Македонија | пред 1 година

(Видео) Десет загинати, 30 повредени: автомобил влета во толпа луѓе во Њу Орлеанс, сведоци тврдат дека и пукал кон нив

Десет лица загинаа, а 30 се повредени откако возило влета во толпа во Њу Орлеанс на улиците Канал и Бурбон, според официјалната градска агенција за подготвеност при катастрофи NOLA Ready, објави Си-Ен-Ен.Се се случило на улицата Бурбон околу 03:15 часот по локално време, јавува локалната ТВ станица WGNO. Бурбонската улица се наоѓа во францускиот кварт во Њу Орлеанс. Синоќа илјадници луѓе присуствуваа на новогодишната прослава покрај таа улица.https://x.com/lbjnola/status/1874398485707149619?ref_src=twsrc%5Etfw%7Ctwcamp%5Etweetembed%7Ctwterm%5E1874398485707149619%7Ctwgr%5E684cfe5fd68d4a7015b88fa111101e6b22ead697%7Ctwcon%5Es1_&ref_url=https%3A%2F%2Fwww.jutarnji.hr%2Fvijesti%2Fsvijet%2Fautom-se-zaletio-u-gomilu-ljudi-u-new-orleansu-najmanje-10-mrtvih-deseci-ozlijedenih-svjedoci-nakon-toga-je-i-pucao-po-nama-15538572Полицијата се уште не го прецизира точниот број на загинати, како и тежината на повредите кај лицата кои беа мета на напаѓачот.Набрзо на лице место пристигнала брза помош, а улицата во моментов е затворена.Од полицијата засега не соопштуваат ништо за мотивот за овој чин, ниту дали можеби станува збор за тероризам.Си-Би-Ес Њуз јавува, повикувајќи се на изјави на сведоци, дека се работи за камион, а не за автомобил, и дека возачот со голема брзина го влетал возилото во толпата на улицата Бурбон, а потоа излегол и почнал да пука. Полицијата возврати со оган.

Свет | пред 1 година