(ВО ЖИВО) Андоновски: Филипче во 2018 гласал за изградба на бегалски камп во Бардовци

Манипулација е прашањето со мигрантите, вели во Претрес со Ландов, министерот за дигитална трансформација, Стефан Андоновски. Владата во 2015 во големиот бегалски бран ги прифаќаше, регистрираше и препраќаше мигрантите во други земји. И СДСМ, посочи, го виде договорот кој го потпишавме со Велика Британија каде во ни еден збор не се спомнуваат мигранти.„Владата на СДСМ гласала одлука дека треба да се изгради бегалски камп во Бардовци.За одлуката за изработка на планска документација за изградба на бегалски камп гласал и Венко Филипче во 2018 година. На одлуката е потпишан Заев, а гласал и Филипче. После имаше протести од граѓаните кои беа против бегалски центар. Под притисок, Владата се повлече од одлуката”, рече во Претрес министерот Андоновски.Во ниту еден момент, вели од Велика Британија немало потврда дека се разговарало за праќање бегалци во Македонија.

Скопје | пред 3 месеци

Бојковска: Рејтингот на СДС преку шпекулации, лажни обвинувања и погрешна стратегија нема да порасне

На телевизија Канал 5 во емисијата „Само Вистини“ вечерва гостуваше пратеничката од редовите на ВМРО-ДПМНЕ, Драгана Бојковска која дискутираше за обвинувањата и шпекулациите од страна на опозицијата, за темата дека во Македонија ќе се отвораат мигрантски кампови.„Се работи за тотална лага којашто е изнесена од опозицијата, со наметнување на ваква тема којашто е апсолутно неточна, пробување за да се искреира некаква тема. Стигна демант и од премиерот на Република Македонија, стигна демант и од претседателката, стигна демант и од амбасадорот на Велика Британија, што е апсолутна потврда дека се работи за лажни тврдења“, истакна Бојковска.Бојковска посочи дека СДС преку шпекулации, лажни обвинувања и погрешна стратегија пробуваат да наметнат тема во јавноста, сметајќи дека на тој начин ќе порасне политичкиот рејтинг на партијата и нагласи дека со оваа Влада предводена од ВМРО-ДПМНЕ нема да се загрози безбедноста на граѓаните, и дека нелегални мигранти нема да се примаат во државата.„Погрешен е наративот доколку сметаат дека политичкиот рејтинг на СДС ќе расте со ширење на лаги, тотално погрешна стратегија доколку тоа им е целта. Со оваа Влада предводена од ВМРО-ДПМНЕ и Коалицијата вакви мигранти нема да има во Македонија. Во Македонија нема да се примаат нелегални мигранти и тоа не е основа за стратешкото партнерство коешто го имаме со Велика Британија. Додека е Владата на ВМРО-ДПМНЕ, од овој тип загрозување на безбедноста на граѓаните примање на нелегални мигранти, создавање на мигрантски шатори нема да постои“, децидна е Бојковска.

Македонија | пред 3 месеци

Тошковски: Македонија ја потврдува посветеноста во борбата против криумчарењето мигранти

Министерот за внатрешни работи Панче Тошковски денеска во Брисел учествуваше на Втората меѓународна конференција на Глобалната алијанса за борба против криумчарењето мигранти – значаен светски форум кој ги обединува партнерите во справувањето со еден од најсериозните транснационални безбедносни предизвици.Во име на Македонија, министерот Тошковски ја поддржа Заедничката декларација на Алијансата, со што државата уште еднаш ја потврдува својата цврста посветеност на засилената превенција и поефикасен институционален одговор на криумчарењето мигранти. Ова претставува важна потврда за улогата на Македонија како активен и доверлив партнер во глобалните напори за борба против организираниот криминал.Во рамки на конференцијата, министерот Тошковски оствари билатерална средба со Европскиот комесар за внатрешни работи и миграција, Магнус Брунер. Разговорите беа фокусирани на процесот на европска интеграција на Македонија, како и на важноста од координирани европски политики во делот на управувањето со границите.На маргините на конференцијата министерот Тошковски се сретна и со Сузане Раб, новоизбраната генерален директор на Меѓународниот центар за развој на миграциска политика (ICMPD), со која разговараше за актуелните миграциски предизвици и можностите за продлабочување на идната соработка.Министерот оствари и средба со министерот за внатрешни работи и контрола на наркотици на Пакистан, Мохсин Раза Накви. На средбата беше разговарано за зајакнување на билатералната безбедносна соработка, која во наредниот период треба да се формализира преку потпишување на Меморандум за разбирање помеѓу двете министерства.Учеството на Македонија во работата на Глобалната алијанса за борба против криумчарењето мигранти уште еднаш ја нагласува улогата на државата како активен и кредибилен партнер кој придонесува кон европската и глобалната безбедност.

Македонија | пред 3 месеци

Крмов: Секој трет денар во Буџетот е задолжување и од странски пари

„Овој буџет не е развоен. 90% од буџетот отпаѓа на тековни расходи. Само 9.7% одат на капитални инвестиции, дури и помалку, затоа што е ставено и НАТО во капитални инвестиции, небаре пукање бомби носат економски раст и создаваат некаква економска вредност“ -  истакна пратеникот Крмов во своето обраќање по однос на Буџетот на денешната Седница.Во продолжение, пратеникот од Левица даде посебен акцент на фактот дека секој трет денар во овој Буџет е предвидено да дојде од задолжување.„31% од овој Буџет се предвидени од задолжување. Значи секој трети денар е од странски пари. Над 1.6 милијарди враќаме долгови секоја година. Додадете ги тие пари на пензискиот фонд којшто е 2,4 милијарди евра, ние имаме буквално пола буџет којшто е долгови и пензии.“Крмов рече дека „Спрема тоа како се има трошено милијардата од Унгарија, ние гледаме како ќе се трошат 6 милијарди од Британија“ и потсети на барањето од Левица јавно да се сподели кои фирми ги добиле парите од кредитите коишто народот ќе ги плаќа, но власта одлучила да го крие нивниот идентитет. „Како прво 250 милиони кои отидоа во приватниот сектор и ден денес ги криете фирмите. Левица упати барање до Министерството да ги објавите фирмите, ние имаме добиено одговор 'дека ќе бил нарушен интересот на фирмите'. Значи приватниот интерес на фирмите е пред јавниот интерес. Тоа не носи до сомнеж дека тие пари имаат отидено кај фирмите блиски до ДПМНЕ.“Пратеникот од Левица заклучи дека Буџетот којшто го проектира власта за 2026 година е потрошувачки, и предвидува само десетина проценти за капитални инвестиции, за чијашто реализација се сомнева.

Македонија | пред 3 месеци

„МВРО-ВМРО се враќа на сцена“ – реакција на Спасовски по поднесената пријава

Поранешниот министер за внатрешни работи Оливер Спасовски реагираше по поднесената пријава против него, оценувајќи ја како политички мотивирана и насочена кон дефокусирање на јавноста од актуелните состојби во државата.„Во целост ги отфрлам наводите во т.н. пријава. Не ме изненадуваат методите, ништо ново, МВРО-ВМРО се враќа на сцена секогаш кога треба да се дефокусира јавноста од реалните скандали на власта. ВМРО-ДПМНЕ бега и сака да го оттргне вниманието од важните теми – трагедијата во Кочани, мигрантите, криминалите и лошата економска состојба“, изјави Спасовски.Тој ја оцени постапката како „класичен обид за политички прогон“ и покажа сомнеж дека целта е да се пренасочи фокусот од аферите поврзани со мигрантите и другите контроверзии.„Само имам лична дилема – дали повеќе им сметаат моите резултати кога бев министер, или пак проблем е мојата посветеност во борбата за вистината како опозиционер“, рече Спасовски.

Македонија | пред 3 месеци

Петрушевски: Идеолошката профилација на ВМРО-ДПМНЕ е насочена кон борба против илегалната миграција, а не либерализација на мигранти

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во дебатната емисија „Топ Тема“ на телевизија Телма, кој посочи дека согласно идеолошката профилација на ВМРО-ДПМНЕ, партијата е насочена кон борба против илегалната миграција, а не либерализација на мигранти нешто коешто е својствено за одредени политички партии како и тоа дека Владата предводена од ВМРО-ДПМНЕ нема никаква намера да прифати никакви илегални мигранти, ниту пак ќе се градат било какви шатори, кампови или хабови во делот на илегалните мигранти.„Од она коешто значи идеолошка профилација на ВМРО-ДПМНЕ, ние како политичка партија апсолутно сме за борба против илегалната миграција, а не за либерализација на мигрантите, нешто што било својствено за одредени политички партии. Ние апсолутно немаме никаква намера да прифативме никакви илегални мигранти, апсолутно лага е дека ќе се градат било какви шатори, кампови, хабови во делот на илегалните мигранти. Она коешто ќе го направиме е да, борба со илегалната миграција, нешто за коешто и британскиот амбасадор во соопштението напомена, нешто за коешто е разговарано и во Договорот за стратешко партнерство со Велика Британија, којшто е јавен, којшто е дебатиран во Собрание, каде што апсолутно ништо од ова не е наведено“, појасни Петрушевски.Пратеникот Петрушевски се осврна и на новиот проект Safe Country, со кој ќе се зајакне делот на граничното управување по пат на обезбедување на целата гранична линија на Македонија со соодветни технички камери и помагала, а во насока на спречување на илегална миграција како и нелегална трговија и шверц.„Ќе го зајакнеме делот на граничното управување, денеска најави премиерот еден нов проект налик на ова коешто го имаме сега како Safe City, ќе имаме Safe Country каде што целата гранична линија на Република Македонија ќе биде обезбедена со соодветни технички камери и помагала, така што покрај спречување на илегалната миграција ќе се спречува шверц, нелегална трговија. За ваквите чекори коишто ги прави оваа Влада во делот на спречување на илегална миграција добиваме пофалби од членки на ЕУ во континуитет и во таа насока ќе продолжиме да работиме заедно со нашите стратешки партнери“, рече Петрушевски.На крај Петрушевски, уште еднаш се повтори и нагласи дека едно е борбата против илегална миграција, за коешто впрочем Владата е за соработка со стратешките партнери, а илегалните мигранти се нешто за сосема друго и оваа Влада нема намера ниту да разговара, ниту пак да прифати што впрочем денес истото го истакна и премиерот Мицкоски.„Ќе повторам, да не ја замајуваме јавноста, едно е борба против илегална миграција, за коешто сме за соработка со нашите стратешки партнери, сосема друго е илегални мигранти нешто за коешто апсолутно оваа Влада нема никаква намера ниту да разговара, ниту да прифати. И тоа денеска многу јасно го објасни премиерот“, рече Петрушевски.

Македонија | пред 3 месеци

Ангелова: Буџетот за 2026 година претставува стратегија, визија и одговорност кон граѓаните, економијата и институциите

На денешната седница во Собранието се обрати пратеничката од редовите на ВМРО-ДПМНЕ, Емилија Ангелова која истакна дека Предлог-буџетот за 2026 година претставува стратегија, визија и одговорност кон граѓаните, економијата и институциите.„Буџетот не е само финансиски план, ниту табела со бројки, тој претставува стратегија, визија и одговорност кон граѓаните, економијата и кон институциите. Буџетот за 2026 година е документ што многу јасно ја одразува разликата помеѓу оваа Влада и сите влади пред неа. Овој Буџет е јасна политичка порака, дека државата конечно се движи во вистинска насока, дека економијата расте, дека институциите работат дисциплинирано и дека секој денар е ставен во функција на развој, инвестиции и подобар животен стандард. Овој Буџет е еден од најреалните и најодговорно планираните во последната деценија. Тој е јасна порака дека државата се движи напред и дека Владата предводена од ВМРО-ДПМНЕ управува дисциплинирано и државнички“, рече Ангелова.Ангелова посочи дека во 2026 година треба да се вратат 1,2 милијарди евра долгови создадени од претходните влади.„Во 2026 година треба да се вратат 1,2 милијарди евра долгови создадени од претходните влади, ние можевме да одиме во популизам, да оставиме хаос, да расфрламе средства но избравме дисциплина, државност и рационално планирање. Вкупните приходи во 2026 година се планирани на 374, 9 милијарди денари, со реален и конзервативен пристап. Расходите се 414,2 милијарди денари насочени кон функционирањето на јавните услуги, капитални инвестиции и социјална поддршка. Буџетскиот дефицит е 3,5% од БДП што е значително намалување во однос на приходите години и во согласност со фискалните правила и препораките на меѓународните финансиски институции“, посочи Ангелова.

Македонија | пред 3 месеци

Станковиќ: Буџетот за 2026 година е реален и има мерки за самовработување и сузбивање на сивата економија

На денешната собраниска седница се обрати пратеникот од Коалицијата предводена од ВМРО-ДПМНЕ, Малиша Станковиќ кој истакна дека буџетот е изготвен врз основа на реални економски  показатели и дека проекциите на приходната страна се остварливи.Станковиќ посочи дека  растот на планираните приходи е резултат на подобрена наплата на царини и концесии како и на позитивните трендови кај активните мерки за вработување.„Првата работа околу буџетот кога го анализираме и гледаме  треба да ја видиме  приходната страна, значи се предвидува еден буџет од 374,9 милијарди денари и е за 6% поголем од средствата кои предвидела државата да ги собере во буџетот во  2025 година. Сметам дека овие средства се реални да се соберат, земајќи ја во предвид 2025 година, каде што имавме сериозно зголемување на наплатата на царини, концесии, пред неколку дена се случи една позитивна вест а тоа е видовме каков е интересот на граѓаните за сите оние мерки кои ги предвидува Владата  за самовработување, 6045 апликанти тоа значи дека во наредната 2026 година по основ на вработување можеме да очекуваме поголеми приливи, тоа ни дава за право дека овие средства кои ги предвидува Владата на Република Македонија се остварливи“, рече Станковиќ.Тој нагласи дека Владата активно работи на сузбивање на сивата економија, истакнувајќи дека се спроведуваат активности со цел да се намали загубата на јавни приходи и да се зголеми финансиската дисциплина.„Втората работа, веќе се работи сериозно на намалување на  сивата економија, огромни средства од 600 до 700 милиони евра на годишно ниво се одлеваат на сивата економија. Мораме да ја сузбиеме сивата економија и оваа Влада прави сериозни напори за сузбивање на сивата економија. Првата работа воведувањето на е-фактурата е една од тие мерки којашто ни овозможува да ја контролираме сивата економија во државата. Второ институциите почнуваат да даваат резултати“, вели Станковиќ.

Македонија | пред 3 месеци

Лефков: За утврдување каде потфрлил системот, потребно e да заврши судската постапка за Кочани

На телевизија Канал 5 во емисијата „Само Вистина“ вечерва гостуваше пратеникот и член на ИК на ВМРО-ДПМНЕ, Миле Лефков кој дискутираше за поднесувањето на предлогот за разрешување на државниот обвинител Љупчо Коцевски, од страна на Владата.„Овде станува збор за еден процес којшто започна уште на почетокот на годината, Собранието не ги усвои извештаите на Советот на јавни обвинители и на судскиот Совет којшто наместо да даваат препораки како да се надмине ситуацијата со недовербата во судството и нефункционалното јавно обвинителство, тие навидум само оперираа со едноставни бројки. ДКСК имаше еден куп инцијативи, околу 50тина од коишто ниту еден не заврши како обвинителен акт, што значи дека за целата состојба во јавното обвинителство, за нејзината нефункционалност треба да биде одговорен, и тоа според законот токму јавниот обвинител. Владата имаше седница на којашто достави предлог до Собранието за разрешување на јавниот обвинител, иако ова беше одложено поради случувањата и во Кочани и поради изборите. Разрешувањето на јавниот обвинител нема да влијае на обвинителниот тим, една судска постапка за Кочани и две предистраги. Обврска за чување на угледот на јавното обвинителство според Законот за јавни обвинители паѓа на јавниот обвинител“, истакна Лефков.Лефков се осврна и на темата за денешната Анкетна комисија во Собранието за трагедијата во Кочани и истакна дека за утврдување каде потфрлил системот е потребно да се заврши судската постапка, и дека процесната правда е единствен начин да се дојде до правдата.„Нејзиниот претседател Апасиев имаше изјава на 64-тата седница од Собрание, во којашто велеше дека обвинителниот акт е килаво поставен и треба да падне, и дека министри и службеници кои земале мито не треба да бидат одговорни. Водејќи се од овие начела ние баравме изземање на претседавачот, затоа што тоа значеше дека Комисијата може да продолжи со работа, иако има спречување односно има друга постапка. Ние денеска присуствуваме на седницата и со гласање за дневниот ред констатиравме дека поднесувањето на оваа претставка е исправно и усогласено, меѓутоа за да утврдиме каде се потфрлил системот потребно е да се заврши судската постапка. Процесната правда е единствениот начин да дојдеме до правда и единствената надеж за нас како општество. Се надевам дека претседателот ќе се изземе барем за заклучоците, ќе се осврнеме на системските недостатоци и ќе се осврнеме на оние системски подобрувања коишто можеме да ги направиме“, рече Лефков и додаде:„И постојаната Aнкетна комисија и Aнкетната комисија што ќе се случува за сите трагедии, ќе имаат една цел, а тоа е да се утврдат оние системски слабости. Видовте како и покрај аргументите, имаше проблеми со заседувањето затоа што нејзиниот претседавач веќе одбрал страна и се настрои против обвинителниот акт. Видовме како тука е претседателката на државата, премиерот на државата, сите колеги пратеници, застанавме сите заедно кога станува збор за утврдување на една ваква одговорност“.

Македонија | пред 3 месеци

Попов: Стратегијата Македонија 2030 содржи шест столба со добро таргетирани политики кои се од клучно значење за државата

Во вечерашната емисија „За или против“ на Алфа телевизија гостуваше пратеникот и  претседател на УМС на ВМРО-ДПМНЕ, Сергеј Попов кој во однос на 18-от Конгрес на ВМРО-ДПМНЕ кој се одржа во саботата во Кавадарци, истакна дека е донесена Стратегијата Македонија 2030 како важен документ за државата кој содржи шест столба со добро таргетирани политики кои одговараат на потребите на граѓаните.“ВМРО-ДПМНЕ на своите конгреси не избира само претседател туку носи и многу важни документи како за партијата со тоа и за државата, и на овој Конгрес беше донесе таков своевиден документ односно стратегија каде ја гледаме државата во периодот што следи. Тој документ се базира на шест столба, под број еден, државната безбедност и како истата ја замислуваме, економската конкурентност, правната држава, демографија и семејните политики, евроинтеграцијата и шестиот столб е образованието. Овој е многу важен документ како за партијата така и за државата бидејќи ВМРО-ДПМНЕ  во овој период ја предводи Владата на Република Македонија  и мислам дека е многу важно на овој Конгрес кој го имавме во ова време да донесеме еден ваков програмски документ на партијата и на некој начин да ги прилагодиме или приспособиме нашите политики  на новото време во кое живееме“, рече Попов.Претседателот на УМС Попов, истакна дека првиот стожер на стратегијата не случајно е државната безбедност, затоа што токму тоа е клучно за да постојат функционални институции отпорни на дигитални напади, со јасни протоколи за препознавање на дезинформации и спречување на истите.„Кога зборуваме во нашата стратегија за безбедноста, не зборуваме само за силна Армија во однос на воена опрема, туку зборуваме како да имаме функционални и силни институции кои би биле отпорни пред се на дигитални напади, на сајбер напади и затоа ние во оваа наша стратегија многу зборуваме за национален модел на одбрана од овој тип на напади, формирање на национален центар за координиран одговор во делот на овие напади, создавање на институции кои ќе имаат јасни протоколи во делот на тоа како да се постапува при иден можен ваков напад од дигитален карактер и пред се како да се бориме кога зборуваме за безбедност против дезинформациите.Во оваа стратегија се предвидува дека Македонија до 2030 година треба да стане земја којашто би имале некој национален центар или национален план за да го препознаваме ова ширење на дезинформации и имаме начин ако против истото да се бориме“, вели Попов.

Македонија | пред 3 месеци

Јамалов: Буџетот за 2026 година е Буџет на развој, солидарност и иднина, со јасна насока кон европскиот економски модел на развој

На денешната Седница 73. во Собранието, се обрати пратеникот од ВМРО-ДПМНЕ, Александар Јамалов пришто истакна дека Буџетот за 2026 година не е само бројка туку одраз на визија, стратегија и одговорност кон граѓаните и идните генерации и напомена дека истиот е насочен кон стабилност, раст и развој. Јамалов посочи дека целта на Буџетот за 2026 година е да се задржи стабилноста на јавните финансии, да се забрза економскиот раст и да се подобри животниот стандард на граѓаните на Македонија.„Со реален раст на БДП од над 3,8%, со намалување на инфлацијата и одржливо ниво на јавен долг, државата покажува дека води стабилна и одговорна фискална политика. Особено важно е што капиталните инвестиции понатаму остануваат еден од најсилните столбови на овој Буџет. Се инвестира во модерни патишта, железничка инфраструктура, енергетска ефикасност и регионален развој“, појасни Јамалов.При што пратеникот Јамалов посочи дека ваквите проекти не се само бројки на хартија туку истите значат подобра поврзаност, нови работни места и посилна економија, а секоја денарска алокација има конкретна цел која е насочена кон создавање на вредност и поттикнување на продуктивноста на стопанството.„Буџетот е и Буџет на граѓанинот, во него се предвидени средства за подобро здравство, квалитетно образование, поддршка за младите и за зголемена социјална сигурност. Просечната плата расте, а новите мерки за поддршка на бизнис секторот и иновациите отвараат можност за вработување и поголема конкурентност на македонската економија“, вели Јамалов.Пратеникот Јамалов укажа дека во Буџетот за 2026 година посебно внимание е посветено на земјоделството, локалниот развој и рамномерната распределба на средствата, со што секоја општина и секој регион ќе имаат можност да учествуваат и придонесуваат во заедничкиот развој на државата.На крај Јамалов заклучи дека вака концепираниот Буџет за 2026 година уште еднаш ја потврдува определбата на Владата за фискална дисциплина, отчетност и транспарентност, стабилни јавни финансии и јасна насока кон европскиот економски модел на развој.„Овој Буџет ја потврдува определбата на Владата за фискална дисциплина, отчетност и транспарентност, средствата се насочуваат таму кадешто ќе дадат најголем ефект, во економија, во инфраструктура и во човечкиот капитал. Со ваков пристап, Република Македонија влегува во 2026 година со силна основа, со стабилни јавни финансии и со јасна насока кон европскиот економски модел на развој“.

Македонија | пред 3 месеци

Спасовски: Игнорирањето е најлош можен пристап кон семејствата на загинатите

„Ова е навистина тешка дебата во којашто се мешаат разумот и емоциите, меѓутоа во моменти кога родителите собираат најголема сила за да учествуваат во дебатата, на нас не треба да ни биде тешко ништо. Треба да бидеме потрезени и поразумни во дебатата ако сакаме да допринесеме барем малку да се смени системот“, рече координаторот на пратеничката група на СДСМ, Оливер Спасовски, на денешната дебата пред анкетната комисија за пожарот во дискотеката „Пулс“ во Кочани.Спасовски нагласи дека трагедијата ги погоди не само семејствата на жртвите, туку и целата заедница: „Загуба има и градот Кочани, државата, изгубени се цели генерации, не само на починатите, туку и на оние кои преживеаја и кои останаа со сериозни повреди“, потенцираше Спасовски.Тој нагласи дека анкетната комисија има задача да го испита функционирањето на системот и институциите, но дека кривичниот прогон останува во надлежност на Јавното обвинителство.Спасовски повика на анализа на законските решенија и сите системски пропусти: „Од 16 март до денеска, најлесно ни е да кажеме ‚системот не функционира‘, но не одговараме на прашањето што направивме за да почнеме да го менуваме системот кој не ни функционира“.Тој потенцираше дека е неопходно да се ревидираат закони и правила кои оставиле простор за манипулација: „Сè што не го дефинираме во законска рамка остава простор за манипулација и различни толкувања, што нè доведува во сериозен системски проблем. Временската рамка сè уште овозможува конкретни акции. Сè уште има време декларативното да го претвориме во дела“, додаде тој.Спасовски истакна дека барањата на родителите и семејствата мора да бидат разгледани и аргументирано образложени:„Игнорирањето е најлош можен пристап, особено кон семејствата на загинатите. Системот ќе го градиме со заедништво и солидарност. Комисијата и секоја друга расправа не смеат да бидат политизирани. Ова е настан во кој нема и не треба да има политика“, истакна Спасовски.Тој потврди дека поддршката на пратеничката група на СДСМ и коалицијата ќе биде целосна во процесот:„Поддршката на пратеничката група на СДСМ и коалицијата ќе ја имате во целиот процес, заедно со законодавниот дом и парламентарното мнозинство, доколку навистина сакаме да направиме промени. Повикувам по завршување на дебатата да седнеме заедно со родителите и заеднички да ги напишеме заклучоците и едногласно да ги усвоиме, за да знаеме како да постапуваме во идниот период“, рече координаторот на пратеничката група на СДСМ.

Македонија | пред 3 месеци

(Фото) Јорданов со остар апел по вандализмот во центарот на Штип: „Нашиот град е наш дом и наша должност е да го чуваме“

Градоначалникот на Штип, Иван Јорданов, реагираше по серијата инциденти во централното градско подрачје, каде во изминатите денови беа исечени новогодишни сијалици, уништени садници и оштетена урбана опрема. Тој порача дека ваквите појави претставуваат сериозен удар врз заедничкото добро и врз вложувањата на општината.„Сведоци сме на слики кои никој од нас не сака да ги види,“ истакна Јорданов, нагласувајќи дека овие дејствија не се само вандализам, туку чин што ја нарушува сликата на градот и го поткопува трудот на сите кои работат за поуредено урбано окружување.Градоначалникот упати јасен апел до СВР Штип да преземе мерки и санкции кон сторителите. „Таквото однесување не само што ја загрозува безбедноста, туку ја понижува заедницата,“ рече тој, потенцирајќи дека потребна е поголема ангажираност во заштитата на јавниот ред и имот.Во својата порака, Јорданов ги повика и граѓаните да покажат повисока свест и одговорност:„Нашиот град може да биде онаков каков што го посакуваме само ако секој од нас покаже грижа. Само заеднички можеме да го сочуваме јавниот простор и да создадеме средина во која сите се чувствуваме горди да живееме.“Тој ги охрабри жителите да реагираат доколку забележат уништување и да придонесат за заштита на инвестициите и уредувањето на градот.„Нашиот град е наш дом и наша должност е да го чуваме,“ порача градоначалникот.

Македонија | пред 3 месеци

Голем протест во Скопје – се бара ослободување на Тачи и лидерите на ОВК од Хаг

Плоштадот „Скендербег“ во Скопје оваа сабота, на 13 декември, ќе биде центар на регионален собир на кој ќе се побара ослободување на поранешните лидери на Ослободителната војска на Косово (ОВК) – Хашим Тачи, Кадри Весели и други притворени од Специјализираните совети во Хаг. Организаторите најавуваат мирен протест и велат дека целта е „побарување правда“ за, како што тврдат, неправедно притворените.Иницијативата е поддржана од организации произлезени од конфликтот во Косово, кои сметаат дека хашкиот процес е политички мотивиран и дека има за цел ревизија на историјата на косовскиот конфликт.Џавит Јашари, претседател на Здружението на семејствата на паднатите борци на ОВК, изјави дека протестот не е насочен против правдата, туку против неправдата.„Нашата единствена цел е да побараме правда и да изразиме солидарност со Хашим Тачи, Кадри Весели, Јакуп Красниќи, Реџеп Селими и сите други кои неправедно се држат во Специјалниот суд во Хаг. Ние не повикуваме на спротивставување на правдата,“ рече Јашари, обвинувајќи дека судот тесно соработува со обвинителството на Србија за да ја оцрни ОВК.Организаторите велат дека се чека само формално одобрение од Град Скопје за одржување на протестот.„Според законот, поднесовме две барања до Град Скопје. Добивме заклучок да ја платиме комуналната такса, што го направивме, и очекуваме дозволата да биде издадена без пречки, бидејќи тоа е уставно право,“ истакна Бујар Дардишта од Организацискиот совет.Организаторите очекуваат голема мобилизација од регионот.„Упатуваме повик до сите граѓани на РСМ и до Албанците во Албанија, Црна Гора и Косово, како и до сите организации и здруженија, на 13 декември во 13 часот да ни се придружат на плоштад ’Скендербег‘,“ порача Фадил Шурџај, претседател на Здружението на инвалидите од војната на Косово.

Скопје | пред 3 месеци

Дурмиши: Минималната плата во март 2026 ќе порасне за 1.500 до 2.000 денари

Минималната плата ќе се зголеми во март 2026 година, а проценките се дека порастот ќе изнесува меѓу 1.500 и 2.000 денари, изјави министерот за економија и труд, Бесар Дурмиши, во интервју за ТВ Шења. Тој нагласи дека одлуката нема да биде донесена под политички или јавен притисок, туку исклучиво според утврдената законска методологија.Дурмиши потсети дека законот го дефинира моделот за пресметка на минималната плата, кој се темели на два клучни параметри – просечната плата и трошоците за живот. „Кога законските параметри ќе се усогласат во март, граѓаните ќе добијат повисока минимална плата. Формулата и методологијата за пресметка се усогласуваат од Економскиот и социјален совет, синдикатите, работодавачите и Владата“, истакна министерот.Тој објасни дека пресметката се врши така што 50% од износот произлегува од просечната нето-плата од претходната година, а останатите 50% од индексот на трошоците за живот. „Имајќи ги податоците за изминатите 11 месеци, очекуваме зголемување од приближно 1.500 до 2.000 денари, во зависност од финалните бројки“, додаде Дурмиши.Министерот подвлече дека Владата континуирано работи на подобрување на животниот стандард, а редовното усогласување на минималната плата останува еден од клучните механизми за поддршка на граѓаните.

Македонија | пред 3 месеци

(Видео) Мојсоска: Трагедијата во Кочани е резултат на системски пропусти , а не „несреќа“

На седницата на Анкетната комисија за случајот во Кочани, пратеничката Јована Мојсоска упати сериозни обвинувања за децениски институционални пропусти кои, како што посочи, довеле до смртта на деца и повторување на трагедии што можеле да бидат спречени.„Кога една мајка го губи своето дете, тоа не е несреќа. Несреќа е нешто што не зависи од нас. Ова е трагедија создадена од систем кој 35 години функционира со очигледни пропусти, дивоградби, фиктивни инспекции, корупција и институции кои молчат кога треба да штитат. Да не беше упорноста на родителите, Собранието немаше ниту денес да разговара за Кочани. И тоа е најголемиот срам – што жртвите мора да го креваат гласот за да ги натераат институциите да работат.“Мојсоска потсети дека речиси една година по трагедијата институциите не донеле ниту една законска измена. „Девет месеци поминаа без ниту една законска измена која ќе спречи ваква трагедија да се повтори. Законот за угостителска дејност се најавува со месеци, инспекциските надзори завршуваат со празни одговори, а институциите сè уште се кријат зад формалности наместо да покажат одговорност. Не е злоупотреба да бараш одговори. Злоупотреба е кога со години се дозволува да работи ‘дискотека на смртта’, кога инспектори земаат мито, кога началници игнорираат прекршoци, кога министер доаѓа на рочишта со службени возила, а политичка одговорност – никаде.“Во своето излагање таа додаде дека трагедијата не може да се сведе на индивидуален случај, туку претставува последица на системски пропусти. „Ова не е индивидуален пропуст, туку системска трагедија. Македонија има изгубено повеќе деца во системски трагедии отколку што губи една држава во војна. Тоа мора да престане.“

Македонија | пред 3 месеци

Нема фотографија

Трамп сака да преземе контрола над регулацијата на вештачката интелигенција

Американскиот претседател Доналд Трамп најави дека ќе потпише извршна уредба со која федералната регулатива за вештачка интелигенција би ги заменила законите на поединечните држави. Според него, единствен национален правилник е неопходен за САД да го задржат водството во развојот на АИ. Трамп предупреди дека компаниите не можат да бараат 50 различни одобренија и дека таков систем би го уништил технолошкиот напредок.Најавата предизвика загриженост кај академци, безбедносни експерти и државни законодавци, кои стравуваат дека олабавените правила ќе им овозможат на технолошките компании да ја избегнат одговорноста ако нивните АИ-системи предизвикаат штета. Неколку држави веќе имаат сопствени закони за да се спротивстават на ризични практики како deepfake-содржини или алгоритамска дискриминација.Технолошките лидери, пак, тврдат дека мрежата од различни државни прописи ја кочи иновацијата и ја ослабува американската конкурентност. Нараснува поддршката во Силициумската долина за централизирано и полабаво регулирање.Нцрт-уредбата предвидува формирање работна група која би ги оспорувала построгите државни закони и би воспоставила единствен федерален пристап. Некои политичари, меѓу нив и гувернерот на Флорида Рон Десантис, остро се спротивставија на планот, предупредувајќи дека тоа претставува прекумерна федерална моќ и подарок за големите технолошки компании.Стотици организации, вклучувајќи синдикати и здруженија за заштита на потрошувачи, побараа од Конгресот да го блокира потегот, предупредувајќи дека концентрацијата на моќ во Big Tech може да доведе до губење работни места, повисоки трошоци за живот и поголема зависност од енергетски интензивни дата-центри.

Свет | пред 3 месеци

Латвиец фатен како шверцува мигранти кај Делнице – превезуваните успеале да побегнат

Во поширокото подрачје на Делнице во саботата бил спречен обид за криумчарење странски државјани, а возачот, државјанин на Латвија, е уапсен и кривично пријавен. Мигрантите кои ги превезувал успеале да побегнат пред пристигнувањето на полицијата, соопшти приморско-горанската полиција.Акција на разденувањеПолицајците од Делнице спровеле криминалистичка истрага откако во саботата, на 6 декември, во раните утрински часови затекле патничко возило со странски регистарски таблички. Возилото го управувал осомничениот Латвиец, но странските државјани што ги превезувал успеале пред доаѓањето на полициската патрола да се оддалечат во непознат правец.Криумчарел од користољубиеИстрагата утврдила дека осомничениот, од користољубие и за претходно договорен паричен надомест, превезувал странски државјани до нивната крајна дестинација. Според полицијата, тие лица претходно на незаконски начин влегле на територијата на Република Хрватска.По завршувањето на криминалистичката истрага, осомничениот Латвиец е предаден на притворски надзорник, а против него е поднесена кривична пријава за сомнение за сторено кривично дело – незаконито влезење, движење и престој во Република Хрватска.

Свет | пред 3 месеци

MTV ја гаси музичката програма до крајот на 2025 – завршува ерата долга 44 години

Легендарниот музички канал MTV ќе ја прекине својата музичка програма до крајот на 2025 година, со што ќе се стави точка на едно поглавје кое речиси половина век влијаеше врз глобалната музичка и поп-култура. Од своето основање, каналот имаше клучна улога во обликувањето на современите музички трендови и во насочувањето на вниманието на милиони гледачи ширум светот.MTV започна со емитување во август 1981 година, симболично отворајќи го новото доба со легендарниот видеоспот „Video Killed the Radio Star“. Тој момент претставуваше вистинска културна пресвртница, која го промени начинот на кој публиката ја доживува музиката – преку визуелно раскажување и телевизиска уметност.Во февруари 2000 година, каналот достигна значајна пресвртна точка со емитувањето на својот милионти музички видеоспот, потврдувајќи ја својата доминантна позиција во музичкиот свет. Во текот на изминатите децении, MTV остана двигател на трендовите, промотор на нови таленти и место кое ја дефинираше врската помеѓу музиката и визуелната култура.Со најавеното гасење на музичката програма, завршува една ера која остави длабока трага врз генерации музичари и гледачи.

Свет | пред 3 месеци

Ландо Норис е светски шампион во Формула 1 за 2025

Ландо Норис ја освои титулата во Формула 1 за 2025 година откако заврши на третото место на Големата награда на Абу Даби. И покрај тоа што Макс Верстапен ја освои победата на последната трка од сезоната, конзистентните перформанси на Норис низ целата сезона му овозможија да ја обезбеди титулата.Ова е историско достигнување за Норис, кој покажа извонредни вештини и упорност низ целата сезона и го заврши годинешното шампионатско натпреварување на првото место.

Магазин | пред 3 месеци

По објавата на СДСМ, Томовски возвраќа: „Крадецот вели ‘држете го крадецот’ – ќе се видиме на суд“

Ивица Томовски жестоко реагираше на последните обвинувања од Антикорупцискиот тим на СДСМ, кој претходно тврдеше дека неговото семејство е поврзано со фирма што добивала државни тендери. Во својата писмена реакција, Томовски ги оцени изјавите на СДСМ како „производ на длабоки фрустрации, безидејност и страв“, обвинувајќи ја партијата дека се обидува да го дефокусира вниманието од други скандали.„Од месечината се гледа дека соопштенијата и пресовите на СДСМ ги пишува некој со длабоки фрустрации – тотално безидеен, доволно лукративен и алчен, но истовремено уплашен,“ наведува Томовски, кој тврди дека целта на партијата е да се избегне разговор за „златни визи, тајни сметки и бизниси во Дубаи“.Тој вели дека не очекувал извинување од СДСМ, бидејќи, како што смета, за тоа се потребни „образ, храброст и морален дигнитет“. Според него, партијата е водена од луѓе кои се „морално руинирани“ и подготвени да одат до крај, дури и „по цена на сопствениот углед и угледот на своите блиски“.„Не сум сопственик, не приходувам, немам врска со компанијата“Томовски негира дека има поврзаност со фирмата што СДСМ ја посочува.„Јас не сум сопственик, не приходувам и немам никаква директна врска со споменатата компанија. Досега не слушнав каков криминал сум направил, ниту пак видов докази,“ рече тој.Тој остро реагира и на објавувањето на телефонски број за кој СДСМ тврди дека е поврзан со фирмата, кажувајќи дека бројот е негов личен и дека „го имаат сите кои го познаваат“.„На истиот број можеа да се јават и да се извинат, но тие одбраа да одиме по судски пат. Ќе одговараат, следува тужба,“ порача Томовски.Контраобвинувања кон СДСМВо изјавата тој посочи примери за кои тврди дека претставуваат конфликт на интереси во времето кога СДСМ била на власт – фирмите на поранешниот премиер учествувале на тендери, министерската влада градела модуларни болници на приватни компании поврзани со политички функционери, а сопруги на функционери добивале лиценци за фотоволтаици.„Не сфаќам зошто е криминал фирма што не е моја да победи на тендер, а не беше криминал кога тоа го правеа луѓе од СДСМ,“ наведе тој.„Криминалот нема моќ пред човек со образ“Томовски заклучува дека партијата на Заев води „ниска и уличарска“ кампања, но дека тоа, според него, ќе резултира со уште послаб изборен резултат за СДСМ.„Криминалот нема моќ пред човек со образ и држава со закон. Институциите треба да ја сработат својата работа,“ порача тој.

Македонија | пред 3 месеци

Успешно изведени две трансплантации на коска од починат донор кај педијатриски пациенти на Клиниката за ортопедија

На Клиниката за ортопедија се реализирани две комплексни и медицински значајни трансплантации на коска од починат донор.Првата операција се одвила кај 14-годишно девојче со вродена деформација на стапалата. Зафатот го изврши тим предводен од науч. сор. д-р Ненад Атанасов и асс. д-р Милена Богојевска Доксевска. Во интервенцијата учествуваа и д-р Даница Поповска, д-р Армин Амедовски, д-р Ријад Ајро, анестезиолог д-р Лилјана Анѓелеска, анестетичарка Гордана Захариева, инструментарки Билјана Тројановиќ и Сузана Пејчиновска, радиолошки техничар Крешник Шеху и болничарката Ирена Галевска.Вториот зафат бил изведен кај 13-годишно момче со повторно појавен деформитет на стапалото. Операцијата протекла успешно, а пациентот е во стабилна состојба и го очекува рехабилитација. Тимот го водел проф. д-р Зоран Божиновски, заедно со анестезиолог д-р Ивана Крстевска Трпковска и асистентите д-р Теодора Божиновска и Искра Шојлеска Јовановска. Во процесот биле вклучени и средно-медицинските работници: Злата Апостолоска, Кристина Реџеп, Ширете Муртезани, Крешник Шеху и Снежана Тодоровска.Клиниката изразува посебна благодарност до сите здравствени професионалци за нивната извонредна работа, како и до семејствата на донорите за нивниот несебичен и хуман чин, кој овозможи двата млади пациенти да добијат подобра здравствена перспектива.

Македонија | пред 3 месеци

Стојаноска: Морален чин е и Филипче да си поднесе оставка, потребна е вистинска опозиција, а не собирање на политички поени

Пратеничката од редовите на ВМРО-ДПМНЕ, Дафина Стојаноска, во гостувањето на телевизија Алфа во емисијата ,,За или против“, се осврна на темата за оставките од страна на раководството на СДС, за што кажа дека морален и одговорен чин би било и претседателот на партијата да си поднесе оставка. Како што вели таа, не очекува да се промени нешто, под водство на Венко Филипче, се додека остануваат истите луѓе со иста матрица од претходно. Исто така Стојаноска додаде дека, потребна е поразборита опозиција, особено во Собранието, а не опозиција која што само собира политички поени, бидејќи токму поради тоа, сите прогнози им паднаа во вода на локалните избори.„Сметам дека првпат се случува вакво нешто во историјата на постоењето на СДС. Веќе имаше реакции од некои постари и поискусни членови, но не сум изненадена бидејќи навистина се случуваа доста преседани, во време додека Венко Филипче ја води оваа партија“, рече Стојаноска.Според неа, морален чин би бил и претседателот на опозициската СДС да си поднесе оставка.„Сметам дека морален чин е и тој да си поднесеше оставка, особено после поразот на локалните избори. Но ќе следиме, ќе видиме, со што уште би можеле да не изненадат како СДС под раководство на Венко Филипче“, истакна Стојаноска.Стојаноска посочи дека се очекуваат некои политички изненадувања, меѓутоа, како што вели таа, не очекува нешто навистина да се промени доколку истите луѓе останат во партијата со истата матрица од претходно.,,Не би очекувала нешто навистина да се случи, некој пресврт, па да навистина добиеме во државава, па зошто да не и во парламентот поинаква опозиција, поразборита, опозиција што ќе се труди навистина да биде наш коректив и да се натпреваруваме во подобри предлози. А, не да се повторуваме со некои предлози само за да се соберат политички поени“, кажа Стојаноска и додаде:,,А политички поени веќе се покажаа на последниве локални избори и сите прогнози им паднаа во вода.  Тоа беше една најдобра историска победа на локални избори за ВМРО-ДПМНЕ. Се додека сами не размислат дека време е да променат многу повеќе од овие оставки, со оглед на составот во парламентот“.

Македонија | пред 3 месеци

K-POP спектаклот „K-POP FOREVER!“ пристигнува во Скопје во февруари 2026

Скопје следната година ќе стане дел од глобалниот бран што ја освои планетата – мултимедијалниот спектакл K-POP FOREVER! пристигнува на 28 февруари 2026 во арената „Борис Трајковски“. Македонската публика ќе има ексклузивна можност да присуствува на шоу што ја слави најголемата музичко-културна револуција на 21. век.По успешните настапи во Даблин, Корк и Белфаст, каде што сите концерти беа распродадени уште во претпродажба, спектаклот продолжува со европска турнеја низ најголемите арени – а Скопје е меѓу избраните градови.Шоуто претставува визуелно и музичко патување низ најиконичните моменти на корејската сцена. Публиката ќе ужива во live изведби инспирирани од хитовите на BTS, BLACKPINK, TWICE, MELOMANCE, како и од новите сензации HUNTR/X и SAJA BOYS, чија енергија веќе го освојува светот. Форматот е замислен како динамичен, инклузивен и семеен, наменет за сите генерации.Создадено специјално за најголемите арени, шоуто вклучува ултра-високорезолуциски LED екрани, моќни визуелни и специјални ефекти, динамично осветлување и интернационален тим танчери кои ја доловуваат препознатливата естетика на корејските суперѕвезди.K-POP FOREVER! е инспириран од филмскиот хит K-POP DEMON HUNTERS, кој за само три месеци собра над 250 милиони прегледи и стана најгледаниот Netflix филм досега. Саундтракот се искачи на врвот на Billboard 200 и веќе надмина 3,5 милијарди слушања на Spotify, а песната Golden доби номинација за Греми во категоријата „Song of the Year“.Целата таа глобална енергија, визуелна моќ и музичка прецизност ќе биде преточена на скопската сцена, ветувајќи незаборавна вечер исполнета со звук, светлина, емоции и адреналин.Картите се веќе во продажба и може да се купат преку продажната мрежа на kupikarta.com, како и во Розе Веро 2, ЈК Травел во „Бисер“ и ЈК Травел Дајмонд.

Магазин | пред 3 месеци

Успешно реализирани: работилница за локална мобилизација и форум за Западен Балкан во рамки на проектот „Recircle Med“

Претставници од јавниот сектор, академски и истражувачки институции, претставници на бизниси, туристички организации и други релевантни чинители од целиот регион беа дел од Локалната мобилизациска работилница и Форумот за Западен Балкан, кои во текот на изминатите два дена се одржуваа во Охрид.Настаните ги организираше Општина Охрид како дел од проектот „RECIRCLE MED“, имплементиран преку Европската програма INTERREG EURO MED.Првиот ден беше посветен на анализа на локалните потреби, предизвици и можности на Охрид. Учесниците активно учествуваа во дискусии и ко-креативни сесии, придонесувајќи за дефинирање на соодветен пристап за градот.Вториот ден фокусот се прошири кон Западен Балкан, каде беа разгледани можностите за регионална соработка, финансирање и улогата на политичките рамки во поттикнување на син и кружен туризам. Панелистите ги истакнаа клучните предизвици, но и потенцијалот за заеднички иницијативи и одржлив развој. Настанот заврши со силна поддршка од учесниците, кои ја истакнаа важноста од континуирана соработка и стратешко планирање за создавање поотпорни и поконкурентни туристички дестинации.Успешното одржување на работилницата и форумот ја потврди решителноста на регионот да ги примени принципите на „RECIRCLE MED“ не само во Охрид, туку и во други дестинации ширум Западен Балкан. Овие активности претставуваат прв чекор кон создавање на Сини Акциски Планови за Кружен туризам во Охрид.

ОО | пред 3 месеци