Разузнавачки проценки: Иран изгубил дел од арсеналот, но задржува значителен капацитет

САД можат со сигурност да потврдат дека уништиле околу една третина од ракетниот арсенал на Иран, изјавиле пет извори запознаени со американските разузнавачки податоци за Ројтерс.Според четворица од изворите, статусот на уште една третина од ракетите останува нејасен, но се претпоставува дека тие се оштетени, уништени или затрупани во подземни тунели и бункери како резултат на бомбардирањата.Еден од изворите навел дека слични проценки важат и за иранските беспилотни летала, при што постои одредено ниво на сигурност дека околу една третина од нивниот капацитет е уништен.Овие проценки, кои досега не биле јавно објавени, укажуваат дека и покрај значителните загуби, Техеран сè уште располага со значителен број ракети и би можел да обнови дел од оштетените или затрупаните системи по завршувањето на конфликтот.Информациите се разликуваат од неодамнешната изјава на претседателот на САД, Доналд Трамп, кој рече дека Иран има „многу мал број преостанати ракети“.

Свет | пред 3 дена

Ирачки Курдистан: САД не ги вооружува иранските Курди во егзил

Заменик-премиерот на автономниот регион Ирачки Курдистан, Кубад Талабани, изјави дека САД не ги вооружуваат иранските курдски опозициски групи кои се наоѓаат во егзил во регионот.Во изјава за AFP, Талабани нагласил дека не се забележани никакви обиди од страна на САД или нивни структури за снабдување со оружје на овие групи во Ирачки Курдистан.Тој истовремено повторил дека властите во регионот се против било какво вклучување на иранските курдски опозициски групи во пошироките конфликти на Блискиот Исток, потенцирајќи дека таквото сценарио би можело дополнително да ја дестабилизира ситуацијата во регионот.Изјавата доаѓа во контекст на зголемените тензии на Блискиот Исток и шпекулациите за можни индиректни вмешувања на странски актери преку локални групи.

Свет | пред 3 дена

Предметите за полицајците од „Пулс“ без обвинител: Трајчева, која гонеше високи функционери од повеќе партии - не доби нов мандат

Гонеше функционери, застапуваше високо-профилни случаи пред суд, покрена обвинителни предлози и акт против полицајците за случајот „Пулс“, а членовите на Советот на јавни обвинители решија да не ѝ дадат нов мандат за гонење организиран криминал. Ивана Трајчева, обвинителката позната по гонењето на ексгенералниот секретар на Владата, Драги Рашковски, Исмет Гури од ДУИ, застапувањето на предметот „Рекет“ и „Меѓународен сојуз“, не доби можност да гони организиран криминал.Нејзиниот неизбор доаѓа откако таа ја заврши истрагата и покрена постапки против полицајците и началниците од МВР кои ги смета за одговорни во случајот „Пулс“. Со ова, еден од предметите, по одложувањата на две судења, ќе припадне во рацете на друг обвинител кој прво ќе треба да се запознае со теоријата на случај и доказите, па да даде воведни зборови.Изборот се случи денеска оти се чекаше новиот државен обвинител Ненад Савески да даде заклетва и да ја преземе функцијата. Тој пак, кажа дека за сите осум кандидати има високо мислење, но дека предност ќе добијат тие кои што не биле дел од Обвинителството за гонење организиран криминал и корупција.„Ме разочарува што за 5 места има 8 кандидати. Порака до сите е да се мотивираат за да може изборот да биде поквалитетен. Да ги мотивираме сите да веруваат дека на секому треба да се даде шанса, а и предложените измени се во таа насока, подолг мандат но без продолжување. Прилика е на секој обвинител да се најде на таа позиција, да напредува во кариерата, а искуството од таму е тој да се гледа и во највисокото обвинителство. И јас ќе гласам за новите тројца кандидати“, рече Савески.Од Советот посочија дека предметите, како и во сите слични случаи, ќе продолжат со работа преку друг обвинител.

Македонија | пред 3 дена

(🔴Во живо) „Претрес“ на Жерновски: Поскапувања, политиката, лицемерието, Филипче, СДСМ...

Во новото издание на „Претрес“ гостува Андреј Жерновски, член на Извршниот комитет на СДСМ и политичар кој има поминато низ речиси сите нивоа на власта – од локално до централно. Разговорот започнува од реалноста што ја чувствуваат граѓаните – континуираното поскапување на горивата, храната и основните производи, и одговорот на политиката на тие удари врз стандардот.Жерновски ќе одговара на прашањата за состојбата во СДСМ, позицијата и авторитетот на Венко Филипче, како и за внатрепартиските превирања и односите во опозицијата. Ќе се отвори и прашањето за политичката конзистентност – дали партиите зборуваат едно кога се на власт, а друго кога се во опозиција.Во емисијата ќе се анализира и надворешната политика, односите со регионалните лидери и позиционирањето на Македонија во актуелниот геополитички контекст. Ќе стане збор и за најавите за предвремени избори кои не се реализираа, како и за тоа дали станува збор за погрешни проценки или политички спин.Емисијата „Претрес“ со Андреј Жерновски, следете ја во живо:

Студио | пред 5 дена

(Видео) Херој со големо срце: Јован ја доби најважната битка

Од Клиниката за детски болести пристигна радосна вест – уште едно дете ја доби својата најважна битка.„Нова радосна вест од Клиника за детски болести. Победничкото ѕвонче повторно силно звонеше за да слушнат сите дека нашиот суперхерој ЈОВАН храбро ја помина и ја освои тешката битка. На ЈОВАН му посакуваме многу здравје и среќно и безгрижно детство!“, соопштија од Клиниката.Победничкото ѕвонче, кое симболично се огласува по успешно завршено лекување, уште еднаш одекна како потврда за храброста на најмладите пациенти и посветеноста на медицинскиот персонал.Малиот Јован, како што велат од Клиниката, ја поминал тешката фаза од лекувањето и сега го очекува нов почеток, исполнет со здравје и безгрижни детски денови.

Македонија | пред 5 дена

Новинарот Адеми ги отфрла критиките: „Не користев агресивен тон“

Новинарот Невриј Адеми, кој предизвика бурни реакции во јавноста откако на министерката за образование Весна Јаневска ѝ се обрати со зборовите „ти кажавме да си земеш преведувач“, реагираше на изјавата на Советот на честа, изразувајќи незадоволство од начинот на кој бил третиран случајот.„Со сета почит кон вашата улога и ангажман во заштита на етичките стандарди во новинарството, сакам да го изразам моето сериозно незадоволство во врска со вашата последна изјава која се однесува на моето однесување за време на прес-конференцијата на министерката за образование и наука“, наведува Адеми.Тој смета дека не му била дадена можност да го изнесе својот став пред да биде донесен јавен заклучок.„Пред сè, сметам дека во овој случај не е земен предвид мојот став, ниту пак ми беше дадена можност да го дадам своето објаснување пред да се донесе ваков јавен заклучок. Ова, според мене, претставува отстапување од принципите на објективност и фер третман, кои треба да важат токму за органите што се грижат за етиката во медиумите“, посочува тој.Адеми ги отфрла обвинувањата дека неговото обраќање било несоодветно или агресивно.„Исто така, категорично ги отфрлам тврдењата дека мојата комуникација била несоодветна или дека сум користел агресивен тон. Моите прашања беа поставени во рамките на новинарската професија, со цел да се добијат одговори од јавен интерес, без никаква намера да се навреди или наруши достоинството на присутните“, вели Адеми.Тој додава дека Здружението на новинари на Македонија е запознаено со неговото познавање на македонскиот јазик, што, како што наведува, може да влијае на изразувањето, но не и на професионалниот пристап.„Сакам да нагласам дека Здружението на новинари на Македонија е добро информирано за моето познавање на македонскиот јазик, што во одредени случаи може да влијае на начинот на изразување, но не и на намерата или професионалниот пристап“, додава тој.Во реакцијата, Адеми истакнува дека останува отворен за дијалог.„Останувам отворен за конструктивен дијалог и подготвен сум да го појаснам мојот став во секој формат што ќе го сметате за соодветен, со цел случајот да се разгледа целосно и објективно“, наведува Адеми.Реакцијата доаѓа по низа осуди од новинарската фела и институции, кои го оценија неговото обраќање како непрофесионално и недолично, со што случајот дополнително ја отвори дебатата за етичките стандарди во новинарството.

Коментари | пред 5 дена

Центар ќе ја слави гастрономијата: распишан повик за „Нож и виљушка на европска чинија“

Општина Центар распиша јавен повик за реализација на проектот „Нож и виљушка на европска чинија“, манифестација со која ќе се промовираат македонската традиционална кујна и европските гастрономски вкусови, со посебен фокус на локалните производители на храна.Градоначалникот Горан Герасимовски посочи дека настанот има за цел да ја истакне храната како дел од културниот идентитет и како средство за поврзување меѓу луѓето.„Храната е дел од нашиот културен идентитет и начин да ја споделиме домашната традиција со другите. Со проектот „Нож и виљушка на европска чинија“ ги доближуваме македонската и европската кујна до граѓаните, а локалните производители ќе имаат можност да се претстават со своите автентични производи. Како и претходната година, очекувам пријатна атмосфера, добра дружба и размена на вкусови и искуства“, порача Герасимовски.Во рамки на манифестацијата се предвидени различни активности за сите возрасни категории, како и музичка програма што ќе ја збогати целокупната атмосфера.На јавниот повик можат да се пријават регистрирани здруженија, организации и правни субјекти од областа на културата со седиште во Општина Центар, кои ќе понудат сопствен концепт и програма за реализација на проектот.Рокот за поднесување на пријавите е пет дена од денот на објавување на повикот на веб-страницата на општината, каде што е достапна и апликацијата за учество.

Скопје | пред 5 дена

МРТВ вчера распиша конкурс за ново раководство, а веќе денес кружат имиња на потенцијалните нови директори

Македонската радио-телевизија (МРТВ) го распиша конкурсот за избор на нов генерален директор и заменик директор, со што започнува процесот за избор на ново раководство по повеќе од една деценија, откако Марјан Цветковски 15 години беше на директорската позиција, а Захарија Вулгаракис на функцијата заменик директор.Конкурсот доаѓа со задоцнување, иако требаше да биде објавен пред неколку месеци, а неговото пролонгирање, меѓу другото, беше поврзано и со изборот на новиот Програмски совет на МРТ.Сега следува фазата на пријавување кандидати, при што условите се релативно општи: кандидатот да има завршено високо образование, да достави програма за работа, да поседува искуство во области како новинарство, информатика, право, култура или економија, како и најмалку четири години раководно искуство.Иако конкурсот штотуку е распишан, во јавноста веќе се споменуваат две имиња како „сигурни“. За директорската позиција неофицијално се посочува Зоран Ристевски, кој не е познат во медиумската фела, додека за заменик директор се споменува Џулијани Шабани, за кого дел од медиумите на албански јазик наведуваат дека доаѓа од редовите на „Влен“. Според тие информации, Шабани е видео-монтажер и графичар со искуство и во маркетинг. За Ристевски нема повеќе достапни јавни информации до кои можевме да дојдеме во овој момент. Овие информации засега не се официјално потврдени.На темата избор на директор на МРТВ, „Скопје1“ уште пред речиси една година побара став од повеќе јавни личности чии имиња тогаш се споменуваа во јавноста, но дел од нив тогаш негираа дека имаат амбиции, други воопшто не биле запознаени со конкурсот за директор.Новинарот Борјан Јовановски тогаш изјави: „Јас лично и понатаму сметам дека јавниот тв сервис е единствената медиумска платформа која на општество може да му ја донесе неопходната медиумска писменост. За продукцијата на МТВ работев серијал репортажи за улогата и значењето на јавните ТВ сервиси во шест земји во Европа. Во сите шест ситуации станува збор за јавни сервиси кои се исклучително ценети во тамошната јавност како информативни и едукативни институции. Се надевам истите ќе бидат емитувани наскоро на МТВ. Како новинар, но и син на татко и мајка кои своите кариери ги завршија на МТВ, од срце посакувам МРТВ да го ужива угледот на јавните сервиси кои го посетив. Лично сметам дека моите новинарски перформанси би можеле да се реализираат единствено во рамките на еден високо квалитетен јавен тв сервис, но лично ниту сум имал ниту имам амбиција за било каква раководна функција во МРТВ“.Во истиот период, новинарката Лупевска изјави: „Освен румори ништо друго немам чуено на оваа тема“.Пејачката Бојана Скендеровски тогаш посочи: „Немам амбиции за директорска позиција и нема да аплицирам на конкурсот“.Ивона Талевска тогаш изјави: „Сѐ уште размислувам“.Режисерот и директор на Алфа ТВ, Јани Бојаџи, пак, одговори: „Јас сум бил извршен продуцент на Канал 5 национална телевизија во нејзините најуспешни четири продукциски години, впрочем моето име е сѐ уште на сите кредити на продукциите таму. Веќе шеста година сум главен извршен директор на Алфа национална телевизија која во овој момент има двојно поголем рејтинг од МРТ. Моите лични амбиции секогаш се насочени кон поголеми достигнувања од тие што сум ги остварил. Ти благодарам за интересот за моите професионални ангажмани“.Конкурсот за избор на директор и заменик директор на МРТВ ќе трае 15 работни дена.

Македонија | пред 5 дена

Трамп: Иран ни испрати „подарок“ вреден огромни пари, преговорите се во тек

Американскиот претседател Доналд Трамп изјави дека САД во моментов водат преговори со Иран, тврдејќи дека Техеран е подготвен да постигне договор, додека истовремено оцени дека американско-израелските напади веќе довеле до „промена на режимот“.„Разговараме со вистинските луѓе и тие многу сакаат да постигнат договор“, изјави Трамп пред новинарите во Белата куќа.Тој додаде дека преговорите се во тек и дека во нив учествуваат потпретседателот Џеј Ди Венс и државниот секретар Марко Рубио, посочувајќи дека Иран има силен мотив за договор.„Тие би сакале да постигнат договор... а кој не би на нивно место?“, рече Трамп.Американскиот претседател повторно тврдеше дека иранските воени и комуникациски капацитети се сериозно ослабени, нарекувајќи ја операцијата на САД „огромен успех“.Во своето обраќање, Трамп изнесе и невообичаено тврдење дека Иран ѝ испратил на Америка „значаен подарок“, поврзан со нафтата, гасот и Ормутскиот теснец, но без да открие детали.„Тие ќе постигнат договор. Постигнуваат договор. Вчера направија нешто што беше неверојатно. Ни дадоа подарок, и подарокот пристигна денес. Тоа беше многу голем подарок вреден огромна количина пари. Нема да ви кажам што е тој подарок, но беше многу значајна добивка. Не е поврзан со нуклеарното прашање. Поврзан е со нафтата и гасот“, изјави Трамп.Тој оцени дека овој потег покажува дека САД преговараат со „вистинските луѓе“ во Иран.Трамп исто така тврдеше дека нападите довеле до „промена на режимот“ во Иран.„Убиени се сите нивни лидери, потоа се состанаа за да изберат нови и ги убивме и нив. Сега имаме нова група... ќе видиме како ќе се покажат“, рече тој, додавајќи: „Не верувам никому“.Во однос на поширокиот контекст, Трамп ја пофали улогата на земјите од Заливот, посочувајќи дека Обединетите Арапски Емирати биле „одлични“, а Катар „фантастичен“.На прашањето колку е оптимист за исходот од преговорите, Трамп кратко одговори: „Овој војна е добиена“.

Свет | пред 6 дена

Иран: САД и Израел нападнале локација кај нуклеарната електрана Бушехр

Иранската Организација за атомска енергија соопшти дека локација во близина на нуклеарната електрана Бушехр била погодена во напад, за кој Техеран тврди дека е извршен од САД и Израел.Според соопштението, пренесено од иранските медиуми, во инцидентот што се случил вечерва нема жртви, ниту пак е предизвикана финансиска или техничка штета.„Во инцидентот, кој се случи вечерва, нема ни финансиска ни техничка штета, ниту жртви, а ниеден дел од постројката не е погоден“, се наведува во соопштението.Од иранската институција додаваат дека истата нуклеарна електрана била цел и на напад на 17 март, при што, како што тврдат, ниту тогаш немало последици.Во реакцијата се нагласува дека нападите врз мирнодопски нуклеарни постројки претставуваат прекршување на меѓународните прописи.„Нападите на мирнодопски нуклеарни постројки претставуваат јасно кршење на меѓународните прописи за имунитет на ваквите објекти од воено дејствување“, соопштија од Организацијата за атомска енергија на Иран.Оттаму предупредуваат и на потенцијалните последици по регионалната безбедност, особено за земјите од Персискиот Залив.

Свет | пред 6 дена

На 28 години почина Кирил Слезенковски, член на Централниот комитет на Левица и советник во Илинден

Со длабока тага, од политичката партија Левица утрово соопштија дека починал нивниот другар и сопартиец Кирил Слезенковски, на 28 години.Тој беше член на Централниот комитет на Левица и советник во Советот на Општина Илинден, а од партијата велат дека неговото значење ја надминувало формалната функција, нагласувајќи дека станувало збор за човек кој политиката ја разбирал како одговорност кон луѓето.„Кирил беше член на Централниот комитет на Левица и советник во Советот на Општина Илинден, но неговото значење не се сведуваше на функциите. Беше пример за човек кој политиката ја разбира како одговорност кон луѓето, а не како позиција. Беше самоиницијативен, одговорен и подготвен да се зафати со решавање на проблеми“, се наведува во соопштението.Од Левица истакнуваат дека Слезенковски бил препознатлив по чесноста, солидарноста и посветеноста кон заедницата, додавајќи дека секојдневно ги живеел вредностите што ги застапувал.„Другарството, чесноста, енергичноста, интелигенцијата, солидарноста и позитивниот дух беа вредности што Кирил ги поседуваше и секојдневно живееше. Во време кога многумина ја сведуваат политиката на личен интерес и калкулации, Кирил беше спротивност на тоа. Непринудно и без задни намери им помагаше на луѓето, се бореше за подобри услови во заедницата и веруваше дека работите можат да се менуваат ако има доволно чесност и упорност“, додаваат од партијата.Во неговиот ангажман како советник, како што посочуваат, бил гласен застапник на јавниот интерес.„Како советник во Илинден, беше глас на граѓаните – аргументиран, јасен и бескомпромисен кога стануваше збор за јавниот интерес. Како член на ЦК, беше еден од оние на кои можеше да се потпреш – со идеи, знаење, карактер, посветеност. Брилијантен во размислувањето, борбен во духот и исклучително човечен во односот кон луѓето, Кирил остави трага што не може да се избрише“, стои во реакцијата.Од Левица нагласуваат дека станува збор за голема загуба, особено поради тоа што се работи за млад човек со потенцијал и визија.„Она што ја прави оваа загуба уште потешка е што губиме млад човек со сериозен капацитет, знаење и енергија да придонесува уште многу години. Кирил веќе имаше оставено трага, но уште поважно – имаше јасна визија и волја да направи повеќе за Илинден, Скопје и за Македонија“, наведуваат од партијата.Во пораката се истакнува дека Слезенковски ќе биде запаметен пред сè како другар, а неговото отсуство ќе се чувствува меѓу сите што го познавале.„Над сè, Кирил ќе го паметиме како другар. Човек кој знаеше да биде и силен и топол во исто време. Неговото отсуство ќе се чувствува длабоко во организацијата и меѓу луѓето што го познаваа. Но, ќе остане и она што го остави зад себе – пример дека може да се биде принципиелен, посветен на заедницата и дека борбата има смисла“, се додава од партијата.

Македонија | пред 6 дена

Пациентка со рак на дојка алармира: „Нема терапија, нема тумор маркери – кој си игра со нашите животи?“

Пациентка со канцер на дојка, Катерина Цаневска, јавно реагира дека на Клиниката за онкологија повторно недостигаат клучни терапии, оценувајќи дека ситуацијата е сериозна и директно ги загрозува животите на пациентите.„Кој си игра и се изживува врз онколошките пациенти? Повторно нема дел од терапиите кои значат живот за болните од рак. Нема Фезго, нема Палмоциклиб, нема Римоциклиб, нема и други терспии, а да не е трагично ќе беше смешно, со месеци на Онкологија нема тумор маркери“, реагира Цаневска.Таа нагласува дека недостигот на терапија не смее да се третира како административен проблем.„Недостатокот на терапија не е административен проблем. Тоа е пресуда, но не ни ја пишуваат посветените лекари, сестри и администрација од Онкологија, туку задолжените институции.“Во реакцијата посочува дека додека институциите организираат конференции и даваат ветувања, пациентите се оставени да чекаат.„Додека во салите со клима-уреди се редат конференции, презентации и празни ветувања, некаде во болничка соба некој гледа во календар и брои денови – не до подобрување, туку до следната пропуштена доза. За пациентите со карцином, терапијата не е „опција“, не е „набавка во постапка“, не е „во тек“. Таа е време. А времето, кога болеста не чека, значи живот.“Според неа, секој прекин во терапијата носи сериозни последици.„Кога недостасуваат овие лекови, тоа не е само бројка во извештај. Тоа се прекинати циклуси, нарушени протоколи и разнишана надеж. Болниот од рак останува без шанса да ја држи болеста под контрола. И додека институциите „координираат“, болеста напредува – тивко, немилосрдно и без пауза.“Цаневска остро прашува дали зад состојбата стои системски неуспех или нешто повеќе.„Изгледа некој сака болеста да не победи, да не проретчи, па да имаат помалку главоболки а повеќе заштедени пари.“Таа додава дека на хартија системот функционира, но во реалноста пациентите се оставени да чекаат.„На хартија, системот функционира. Во реалноста, луѓето чекаат. Чекаат лек што веќе требало да биде таму. Чекаат повик што не доаѓа. Чекаат држава што ќе ги стави пред протоколите и процедурите. И секое тоа чекање има цена – не во денари, туку во денови, месеци, животи.“Во својата порака, таа поставува директни прашања до институциите.„Не е прашање дали има пари. Не е прашање дали има процедури. Прашањето е: како е можно во 21 век, во држава што ветува здравство за сите, пациент со рак да се прашува дали ќе ја добие терапијата што му значи живот?”, додава таа.

Македонија | пред 6 дена

(Видео) Обвинетиот обезбедувач од „Пулс“: „Не сум монструм, спасив повеќе од 50 луѓе – не сум имал моќ да го спречам тоа што се случи“

Обезбедувачот Лазар Захариев, кој е меѓу обвинетите во случајот „Пулс“, во „Претрес со Ландов“ тврди дека не може да се смета за виновен за трагедијата, посочувајќи на, како што вели, долгогодишни системски пропусти и отсуство на можност да реагира.„Значи некој премолчувал дванаесет години на уште што не слушнавме какви аномалии имало, ја да се чувствувам за тоа што имам спасено педесет луѓе, а и не сум имал можност за јас тоа да го спречам“, изјави Захариев.На прашањето на новинарот Кристијан Ландов за улогата на сопственикот на дискотеката, Дејан Јованов – Деко, Захариев рече:„Деко кога почна да гасне дискотеката го видов и после го видов, помагаше на некои луѓе и после го видев надвор како седеше на земјата од лева страна, не можеше да оди со свиена нога. Мислам дека имаше некоја повреда и се држеше за главата.“На директното прашање дали му е лут на сопственикот, тој одговори:„Не. Па да, он можда ја знаел за дали имало аномалии, или не имало. Тоа е тоа. Ако целиот систем дозволил да биде дотаму, некој на него му дозволил некој да има такви аномалии.“На прашањето дали сопственикот бил недопирлива фигура во Кочани, тој рече:„Не.“Говорејќи за чувството по трагедијата и обвиненијата, Захариев нагласи:„Не може да се ставам јас во ситуација да сум монструм што сум спасил повеќе од педесет луѓе, него затоа што сум ја последен во целиот ланец овај сега што се десил. Обезбедувањето е последната алка на системот во работење на некоја дискотека од дванаесет години. Значи некој премолчувал дванаесет години на уште што не слушнавме какви аномалии имало, ја се чувствувам за тоа што имам спасени педесет луѓе, а и не сум имал можност за тоа да го спречам. Во Кочани има луѓе и што го водат случајот, што се по допрен глас, можеле да спречат нешто. Не се спречиле. Јас како да го спречам? Со која моќ?“

Македонија | пред 6 дена

„Ти кажавме да си земеш преведувач“ кон министерката Јаневска - однесување што ја „тресе“ фелата

Новинар од Тетово предизвика лавина реакции во јавноста и во новинарската фела, откако на министерката за образование ѝ се обрати без персирање, користејќи „ти“, и ѝ постави прашање со зборовите: „Си зема преведувач министерке?“. Откако таа одговори „Не“, новинарот возврати: „ти кажавме кога ќе дојдеш во Тетово да си земеш преведувач“.По овој настап, следуваа низа остри реакции од новинари и јавни личности, кои го осудија однесувањето.„Коректно е медиумски организации, како што оправдано реагираат на однесување на институции и поединци кон новинарите, еднаш да излезат и осудат однесување на новинари. На страна и да им дадат совети и обуки, ако не им ги дале во редакција или на факултет. На што личи обраќање на ТИ кон повозрасно лице или лице на функција? Тоа што не се согласувате со нечија политика може да го манифестирате дома, во приватен живот и зад гласачки параван. Никако во медиумскиот простор. Тоа што некој земал микрофон, а се однесува без основна култура и со некаква политичка агенда, не значи дека е новинар, туку значи дека е активист. „Ти рековме да си земеш преведувач“ - кои сте тоа Вие што сте рекле и како случајно минатиот пат во исто време спуштивте микрофони? Замислете обратна сцена - да тргнат новинарки и новинари Македонци да делат лекции на ТИ на политичари македонски Албанци. Ни тоа не го бива, ама само замислете го пред следен пат да прашате и наредите нешто на ТИ“, напиша новинарот Александар Методијев.Остра реакција упати и новинарката Емилија Лазаревска:„Простак и кретен! Срам да ти е. Па мисли кој знае што направил. Која е оваа будала, што е овој? Срамота и овие околу него што си молчат. Затуцан еден, невоспитан. Па со „ти“ ѝ се обраќа на министерката, жена, веројатно е и повозрасна од него. Уф! Е во наше време ќе го „изедевме“ и немаше да му текне другпат да се појави, а не да изигрува шериф“.Фоторепортерката Арбнора Мемети оцени дека ваквото однесување не доликува на новинар:„Ова однесување „ти кажавме“ најмалку наликува на некој што себеси се нарекува новинар. Новинарството не е нешто локално и не може да се извршува само во маало. Сакал некој или не, македонскиот јазик е повеќе од неопходен за вршење на оваа професија“.Сличен став изрази и професорката и новинарка Искра Коровешовска:„Факти: Тетово е во Македонија, точка. Во Тетово официјален јазик е македонски, точка. „Ти кажавме министерке кога ќе дојдеш во Тетово да си земеш преведувач“ е чаршиски муабет, за пред кооперација, не за јавен настап на новинар пред камера, точка“.На темата се огласи и новинарката Милка Смилевска:„Дел од новинариве не разбираат дека се пример во општеството и креатори на јавно мислење и не мислат што зборуваат. Зборот на новинарот има тежина. Не разбираат дека мирот нема цена. Дека само во мир и демократија можеме да имаме живот во Македонија. Не ширете омраза и нетрпеливост. Не личи на новинари да се ограничени и заостанати во некои националистички наративи. Ги сакам и почитувам сите јазици и граѓани и граѓанки“.Со реакција излезе и новинарот Кристијан Ландов:„Она што се случи во Тетово не е ништо поврзано со новинарство, туку со некултура. Прво обраќањето на „ти“ кон носител на јавна функција, личност која е години и години повозрасна од Вас... И втора работа „ти кажавме да си земеш преведувач“ во најмала рака е спорно бидејќи нема што новинар да и кажува на било која личност, на било кој функционер што и како да прави. Туку може да праша и може да констатира дали дошол или не дошол со преведувач. Мислам дека ако ние сме тие кои треба да бидеме коректив на општеството, тоа што се случи во Тетово во најмала рака е недозволиво и заслужува извинување“.Реакциите продолжуваат, а случајот повторно ја отвори дебатата за професионалните стандарди и однесувањето во новинарството.

Македонија | пред 6 дена

(Видео) Збогум на дивите тераси во кочанскиот трговски центар

Од вчера угостителите кои работат на катот во трговскиот центар – блок А во Кочани започнаа со отстранување на терасите поставени на јавна површина пред нивните локали, постапувајќи по договорот со локалната власт.Станува збор за обврска произлезена од договорот постигнат пред два месеца меѓу градоначалникот Владко Грозданов и сопствениците на угостителските објекти, со кој е предвидено сите времени градби што се третираат како бесправни да бидат отстранети на сопствен трошок.Со расчистувањето на просторот пред локалите, особено пред пицериите, треба повторно да се овозможи нормално движење на пешаците. Досега, според надлежните, граѓаните биле принудени да минуваат низ тесен премин широк околу метар и пол.Дел од угостителите најавија привремен прекин на работата поради безбедносни причини за време на демонтажата, додека други ќе продолжат да работат во внатрешноста на локалите, како и преку достава.Во иднина, сопствениците ќе можат повторно да побараат користење на јавна површина, но исклучиво под законски утврдени услови – со поставување подвижни тенди, чадори и опрема без оградување, при што просторот мора да остане отворен од три страни.Кафулињата на приземјето веќе ги отстранија застаклените делови што беа поставени на јавна површина, додека тендите ќе останат.Од општината најавуваат дека ваквите мерки ќе се применуваат и на други локации низ Кочани, со цел воведување ред и обезбедување слободен пристап до јавните површини.

Настани | пред 6 дена

Веќе важат новите цени на горивата: дизелот поскап, бензините остануваат исти

Од полноќ стапија на сила новите максимални малопродажни цени на нафтените деривати, кои ги утврди Регулаторната комисија за енергетика, согласно измените на Законот за данок на додадена вредност и примената на повластена стапка од 10%.Според одлуката, бензините не претрпеа промени, додека дизелот и останатите деривати се поскапени.ЕУРОСУПЕР БС-95 се продава по 86,50 денари за литар, а ЕУРОСУПЕР БС-98 по 88,50 денари за литар. ЕУРОДИЗЕЛ БС (Д-Е V) е поскапен за 3,50 денари и сега изнесува 95,50 денари за литар. Маслото за горење екстра лесно (ЕЛ-1) е зголемено за 2,50 денари и се продава по 92,00 денари за литар, додека мазутот М-1 НС достигна 47,610 денари за килограм.Од Регулаторната комисија потенцираат дека станува збор за максимални цени, што остава можност трговците да понудат и пониски износи.Со оваа одлука, цените на нафтените деривати се зголемени во просек за 1,39 проценти во споредба со претходната одлука.Како главна причина се наведуваат растот на референтните цени на светските пазари, каде значително зголемување има кај сите деривати, како и растот на курсот на доларот.Од Комисијата нагласуваат дека повластената ДДВ стапка од 10% ја ублажила ценовната состојба, бидејќи со стапка од 18% бензините и дизелот би биле значително поскапи.

Македонија | пред 6 дена

Си-ен-ен: Трамп заглавен во сопствената војна со Иран – речиси сите опции се лоши

Американскиот претседател Доналд Трамп се соочува со сериозна дилема во конфликтот со Иран, кој самиот го ескалираше, а од кој сега тешко може да најде излез, оценува Си-ен-ен.По неколку дена контрадикторни пораки, Трамп сигнализираше можност за деескалација, тврдејќи дека се постигнати „15 точки на договор“ со Иран. Но Техеран веднаш ги демантираше овие тврдења, што дополнително ја поткопува довербата во американската позиција.Анализата укажува дека и двете страни можеби се приближуваат до точка каде цената на понатамошна ескалација е преголема, но нема гаранции дека тоа ќе доведе до крај на конфликтот.Проблемот, според Си-ен-ен, е непредвидливоста на Трамп, кој постојано менува ставови – од закани за бомбардирање на ирански цели до најави за преговори. Таквиот пристап ја намалува веродостојноста на САД и ја отежнува секоја дипломатска иницијатива.Во меѓувреме, Иран покажува дека и покрај загубите, и понатаму има силен адут – контролата врз Ормутскиот теснец, преку кој директно влијае врз глобалната економија и цените на нафтата.Се отвора и прашањето дали паузата во воените активности е резултат на стратегија или обид да се стабилизираат финансиските пазари, кои беа погодени од растот на цените на енергенсите и падот на берзите.Аналитичарите предупредуваат дека речиси сите сценарија носат сериозни ризици. Ескалацијата може да доведе до поширока војна, испраќањето копнени сили би значело долг и скап конфликт, а повлекувањето би ги оставило американските сојузници во регионот изложени на засилен Иран.Дополнително, не е јасно дали Иран би прифатил услови што вклучуваат откажување од нуклеарната програма и балистичките капацитети, што го прави дипломатскиот излез уште понеизвесен.Заклучокот на анализата е дека САД се наоѓаат во ситуација без добри решенија, а кризата што ја создаде Трамп може да се претвори во долгорочен геополитички проблем со глобални последици.

Свет | пред 6 дена

Волстрит џурнал: Заливските земји сè поблиску до вклучување во војната со Иран

Американските сојузници во Персискиот Залив сериозно размислуваат за директно вклучување во конфликтот со Иран, по серијата напади што ја загрозија нивната енергетска инфраструктура и економија, објавува „Волстрит џурнал“.Иако засега не испраќаат свои копнени сили, заливските држави веќе преземаат чекори што ја поддржуваат американско-израелската офанзива – од логистичка помош до економски притисок врз Техеран.Саудиска Арабија, која претходно се дистанцираше од конфликтот, сега го менува пристапот. По серијата ирански напади со ракети и дронови врз енергетски објекти и главниот град Ријад, кралството дозволи користење на своја воздушна база од страна на американските сили.Извори наведуваат дека престолонаследникот Мохамед бин Салман е сè поблиску до одлука за директно вклучување, со цел да се врати одвраќачката моќ на државата.„Трпението на Саудиска Арабија не е неограничено“, изјави министерот за надворешни работи Фејсал бин Фархан, алудирајќи на можен поостар одговор.Во меѓувреме, Обединетите Арапски Емирати преземаат финансиски мерки против Иран, затворајќи институции поврзани со режимот и заканувајќи се со замрзнување на милијарди долари ирански средства. Овие потези имаат потенцијал сериозно да го ограничат пристапот на Техеран до странски валути и глобални пазари.Паралелно, се разгледува и можноста за испраќање војска, додека Емиратите лобираат против прекин на огнот што би оставил дел од иранските воени капацитети недопрени.Иако официјално тврдат дека не учествуваат директно во нападите, постојат индикации дека одредени операции веќе се одвиваат од територии во регионот, што укажува на постепено вклучување во конфликтот.Заливските монархии се наоѓаат во сложена позиција – од една страна се под притисок да одговорат на иранските напади, а од друга стравуваат дека може да бидат оставени сами ако САД ненадејно се повлечат од конфликтот.Дополнителен притисок претставува и најавата од Техеран дека сака да воспостави контрола врз Ормутскиот теснец и дури да наплатува премин, што директно ги загрозува глобалните енергетски текови.Аналитичарите оценуваат дека токму овие закани ја туркаат регијата кон подлабока ескалација, со ризик од проширување на војната на повеќе фронтови.

Свет | пред 6 дена

Ројтерс: Нетанјаху го убедил Трамп дека нападот врз Иран ќе го внесе во историјата

Помалку од 48 часа пред почетокот на американско-израелската воена операција против Иран, израелскиот премиер Бенјамин Нетанјаху телефонски разговарал со американскиот претседател Доналд Трамп, убедувајќи го дека тоа е историска можност за елиминација на иранското раководство.Според извори запознаени со разговорот, Нетанјаху тврдел дека ваква шанса – за удар врз врховниот лидер Али Хамнеи и неговиот круг – можеби никогаш повеќе нема да се појави. Во позадина стоеле разузнавачки информации дека иранското раководство ќе се најде на едно место, што го прави ранливо на директен напад.Во моментот на разговорот, Трамп веќе ја одобрил идејата за воена операција, но сè уште не донел конечна одлука за времето и обемот на американското вклучување.Извори наведуваат дека токму овој разговор, заедно со информациите дека „временскиот прозорец“ се затвора, бил клучен фактор што довел до одлуката за покренување на операцијата на 27 февруари.Нетанјаху аргументирал дека Трамп може да влезе во историјата ако помогне во елиминацијата на иранското раководство, додавајќи дека тоа би можело да поттикне и внатрешен бунт и пад на режимот во Техеран.Од Белата куќа не го коментираа директно разговорот, но нагласија дека целта на операцијата била уништување на иранските воени капацитети – особено ракетната програма и способноста за развој на нуклеарно оружје.Нетанјаху, пак, ги отфрли тврдењата дека Израел ја вовлекол Америка во војната, истакнувајќи дека одлуката била исклучиво на Трамп.Иако Трамп во кампањата ветуваше избегнување на нови војни, по неуспешните преговори за нуклеарната програма на Иран, неговата администрација постепено почнала да ја разгледува воената опција.Последиците од нападот се сериозни – илјадници жртви, ескалација на конфликтот во регионот, напади врз американски цели и сојузници, како и затворање на клучни поморски рути и нагло зголемување на цените на нафтата.Дополнително, разузнавачките проценки предупредувале дека убиството на иранскиот лидер не мора да доведе до промена на режимот, туку може да резултира со уште потврда власт.Со војната која влегува во четвртата недела, ситуацијата останува неизвесна, а регионот сè подлабоко навлегува во конфликт со глобални последици.

Свет | пред 6 дена

Пентагон повторно го ограничува пристапот на медиумите и покрај судската одлука

И покрај неодамнешниот пораз на суд, Пентагон воведе нов сет ограничувања за новинарите кои редовно известуваат за американската војска, што предизвика силни реакции во медиумската заедница.Според новите правила, се затвора таканаречениот „дописнички коридор“ – простор во самата зграда на Пентагон каде новинарите со децении работеа и одржуваа директен контакт со воените претставници. Наместо тоа, им се нуди работа од оддалечен анекс, што значително го отежнува пристапот до информации.Овие мерки доаѓаат само три дена откако судот пресуди дека претходните ограничувања го прекршуваат Првиот амандман на американскиот Устав, кој гарантира слобода на медиумите.Новинарските организации и медиуми реагираа остро, оценувајќи дека станува збор за „одмазда“ и директно кршење на судската одлука. Тие предупредуваат дека новите правила дополнително ќе ја намалат транспарентноста и ќе го ограничат јавниот увид во работата на војската.Од Пентагон, пак, тврдат дека мерките се донесени од безбедносни причини и дека институцијата останува посветена на транспарентноста, но и на заштитата на персоналот.Критичарите не се согласуваат со тоа објаснување и сметаат дека станува збор за систематски обид за намалување на медиумскиот надзор, особено во време на зголемени глобални безбедносни тензии.Дополнително, новите правила предвидуваат дека секој пристап на новинарите до Пентагон ќе биде дозволен само со придружба од овластено лице, што значително ја ограничува нивната самостојност во прибирањето информации.Правни експерти предупредуваат дека ваквите политики можат да доведат до криминализација на основни новинарски практики, како користење извори во институциите.Новинарите, пак, истакнуваат дека ваквиот пристап директно влијае врз јавниот интерес, особено кога станува збор за прашања поврзани со безбедноста и животите на војниците.

Свет | пред 6 дена

Фон дер Лајен: Клучниот енергетски правец мора да биде безбеден, потребно е решение преку преговори

Претседателката на Европската комисија, Урсула фон дер Лајен, повика на итно дипломатско решение за војната со Иран, нагласувајќи дека стабилноста на Блискиот Исток е од клучно значење за целиот свет.Говорејќи во Канбера, Австралија, таа истакна дека единствениот одржлив излез од конфликтот е преку преговори и запирање на непријателствата.„Од најголема важност е да се дојде до решение постигнато преку преговори, кое ќе стави крај на конфликтот што го гледаме на Блискиот Исток“, изјави фон дер Лајен.Таа предупреди дека војната веќе има сериозни последици врз глобалната економија, особено преку растот на цените на енергенсите, што директно ги погодува економиите, компаниите и граѓаните.Посебен акцент стави на Ормутскиот теснец, кој го опиша како клучен енергетски и трговски правец за снабдување со нафта и гас на глобално ниво.Фон дер Лајен најави дека дел од земјите членки на Европската унија се подготвуваат да помогнат во обезбедување на овој стратешки коридор, откако ќе заврши конфликтот.„Сите ги чувствуваме последиците – од цените на гасот и нафтата до влијанието врз нашите општества. Затоа овој правец мора да биде безбеден“, порача таа.

Свет | пред 6 дена

Трамп ја става Куба на нишан: можна воена интервенција со висока цена

Куба се најде во фокусот на американската надворешна политика откако претседателот Доналд Трамп сигнализираше дека по операцијата во Венецуела, токму оваа островска држава би можела да биде следната цел.Изјавите од Вашингтон, вклучително и од државниот секретар Марко Рубио, дополнително ги засилија шпекулациите дека САД разгледуваат поагресивен пристап кон Хавана, со цел промена на режимот.Операцијата во Венецуела, според аналитичарите, била јасна порака дека САД повторно се подготвени да користат воена сила во регионот, што децении се сметаше за малку веројатно .Во меѓувреме, САД воведоа сериозни економски мерки кон Куба, вклучително и фактичка блокада на нафтените испораки. Последиците се драматични – огромен раст на цените на горивата, долги прекини на струја, колапс на транспортот и проблеми со снабдувањето со основни ресурси .Кубанските власти признаваат дека ситуацијата е критична, но истовремено сигнализираат подготвеност за разговори со Вашингтон, без откажување од суверенитетот.Сепак, експертите предупредуваат дека евентуална воена интервенција не би била ниту брза ниту лесна. За разлика од Венецуела, Куба има долгорочно развиена стратегија за асиметрична одбрана, позната како „војна на целиот народ“, што подразбира вклучување и на цивилното население.„САД би победиле во таква војна, но цената би била огромна и би се пролила многу крв“, предупредуваат аналитичари, укажувајќи дека конфликтот би можел да се претвори во долготрајна и скапа операција .Дополнително, постојат стравувања дека дестабилизацијата на Куба може да предизвика хаос, масовна миграција кон САД и зголемување на криминалот во регионот – сценарио кое би било полошо од сегашниот статус кво.Во позадина на кризата стојат и економски интереси, бидејќи Куба располага со значајни резерви на никел и кобалт – ресурси од стратешко значење.И покрај заканите, исходот останува неизвесен, а прашањето дали САД ќе се впуштат во нов конфликт во Латинска Америка сè уште нема јасен одговор.

Свет | пред 6 дена

Само три европски земји имаат чист воздух: загадувањето расте глобално

Само 13 земји во светот имаат воздух што се смета за безбеден за дишење, а меѓу нив во Европа се само три – Андора, Естонија и Исланд, покажува најновиот Светски извештај за квалитет на воздухот за 2025 година.Според анализата на податоци од илјадници градови во повеќе од 140 земји, само 14 проценти од градовите во светот имаат воздух во рамки на безбедните граници, што претставува пад во однос на претходната година.Главни причини за влошувањето се климатските промени предизвикани од човекот, особено шумските пожари, песочните бури и екстремните временски услови поврзани со согорувањето на фосилни горива.Светската здравствена организација поставува строги граници за честичките ПМ2.5, кои се особено опасни бидејќи можат да навлезат длабоко во белите дробови и крвотокот, зголемувајќи го ризикот од сериозни заболувања.Најзагадени земји во светот се Пакистан, Бангладеш, Таџикистан, Чад и Демократска Република Конго, додека сите 25 најзагадени градови се наоѓаат во Индија, Пакистан и Кина.Во Европа, ситуацијата е влошена во дел од земјите, при што 23 држави бележат раст на загадувањето, особено поради чад од пожари и прашина од Сахара. Истовремено, некои земји, како Малта, бележат намалување благодарение на преминот кон почисти извори на енергија.Загадувањето е изразено и во големи градови, при што Париз, Лондон и други метрополи повремено се наоѓаат меѓу најзагадените во светот.Дополнителен проблем претставува недостигот на податоци, бидејќи милиони луѓе немаат пристап до информации за квалитетот на воздухот во реално време, што ја отежнува борбата против загадувањето.Експертите предупредуваат дека без систематско следење и намалување на емисиите, глобалниот квалитет на воздухот ќе продолжи да се влошува, со сериозни последици за здравјето на луѓето.

Свет | пред 6 дена

Променливо облачно време со дожд попладне, утре повеќе сонце и засилен ветер

Времето денеска во Македонија е променливо облачно, со услови за повремени локални врнежи од дожд во попладневните часови. Ќе дува слаб до умерен ветер од северен правец.Во Скопје, исто така, ќе преовладува променливо облачно време, а во делови од котлината попладне ќе има услови за слаб дожд. Ветерот ќе биде слаб до умерен од северен правец.Утре се очекува променливо облачно време со сончеви периоди, додека врнежи од дожд ќе има претежно во планинските региони. Ветерот ќе биде умерен, а на места повремено засилен од северен правец.Во Скопје, утре ќе биде променливо облачно со умерен северен ветер.

Македонија | пред 6 дена

Си-ен-ен: Трамп тешко ќе излезе од кризата што сам ја создаде со војната против Иран

Американскиот претседател Доналд Трамп се соочува со сериозни предизвици да најде излез од конфликтот со Иран, кој, според анализа на Си-ен-ен, самиот го довел до опасна ескалација со своите одлуки и непостојана стратегија .Иако неодамна сигнализираше можност за деескалација, споменувајќи „15 точки на договор“ со Иран, од Техеран негираа дека воопшто имало разговори, што дополнително ја поткопува довербата во американските изјави .Анализата укажува дека и САД и Иран можеби се приближуваат до точка каде цената на натамошна ескалација станува преголема, но истовремено постојат сериозни сомнежи дека вистинско решение е на повидок.Клучен проблем е непредвидливоста на Трамп, кој во краток временски период дава контрадикторни пораки – од најави за крај на војната до закани за нови напади. Таквиот пристап, според аналитичарите, ја намалува веродостојноста на САД и ја отежнува можноста за дипломатско решение .Дополнително, се отвора прашањето дали одлуките се водени од геополитички причини или од обид за стабилизирање на финансиските пазари, особено по растот на цените на нафтата и падот на берзите.Во меѓувреме, Иран ја задржува клучната предност – контролата врз Ормутскиот теснец, со што директно влијае врз глобалната економија и ја користи како главен адут во преговорите .Си-ен-ен оценува дека речиси сите опции на Трамп носат сериозни ризици. Ескалацијата може да доведе до поширока војна, испраќањето копнени сили би значело нов долг конфликт, а повлекувањето би ги оставило американските сојузници изложени на засилен Иран.Во исто време, не е јасно дали Иран воопшто би прифатил услови кои вклучуваат откажување од нуклеарната програма и балистичките проектили, што дополнително ја комплицира ситуацијата.Заклучокот на анализата е дека САД се наоѓаат во позиција без добри решенија, а конфликтот што го започна Трамп може да се претвори во долгорочна геополитичка криза со глобални последици

Свет | пред 6 дена