Најнови вести

1 нед.

Манасиевски: СДС и Филипче 5 дена не ја негираат соработката со Башановиќ и Милјан Шчекиќ, со молкот само ги потврдуваат нашите тези за нивната поврзаност

СДС и Филипче 5 дена не ја негираат соработката со Башановиќ и Милјан Шчекиќ. Или да се изразиме подиректно, Башановиќ и Милјан Шчекиќ, преку официјалниот меил на СДС, не ја демантираат соработката со СДС, вели Валентин Манасиевски, член на ЦК на ВМРО-ДПМНЕ„СДС, Венко Филипче, Зоран Башановиќ и Милјан Шчекиќ молчат, а со нивниот молк само ги потврдуваат нашите тези за нивната соработка.Фалименто соопштенијата, неоснованите прес-конференции и клеветничките говори на СДС и на Филипче се доказ дека ПР тимот на СДС не им носи успех, туку само тонат се повеќе и повеќе.Лошите ПР лекции кои Башановиќ и Шчекиќ им ги даваат на СДС и Филипче, ги прави да бидат неконкурентни на политичката сцена и ги прави да бидат неконструктивна опозиција.Со ваквиот однос СДС ќе стане партија со под 100.000 гласови, а Венко Филипче ќе биде запаметен како човекот кој ја уништил СДС“, вели Манасиевски.

Македонија | пред 1 седмица

1 нед.

Филипче: Мицкоски да ги види во архивата на Владата мерките на СДСМ и да ги примени

Претседателот на Социјалдемократскиот сојуз на Македонија, д-р Венко Филипче, денешната на прес-конференција ја повика Владата да преземе конкретни мерки со кои ќе го заштити животниот стандард на граѓаните. Филипче му порача на премиерот Мицкоски, да ја надмине суетата, да ги отвори архвите и да види како владите на СДСМ се справуваа со кризите и им помагаа на сите граѓани и на стопанството.„Лесно е, нека види премиерот во архивите на владата има таму како работеле нашите влади за време на кризите и нека им излезе во пресрет на граѓаните. Се надевам дека ќе си ја надмине суетата и ќе сфати дека ниту има визија, ниту има капацитет да ја води владата. Кога укажавме дека овој буџет којшто го предлага оваа влада ниту е развоен, ниту има капацитет да се справи со евентуална криза. Како да предвидовме дека криза можеби ќе има“, рече Филипче. Тој додаде дека дефицитот во буџетот е веќе пораснат, од предвидените 3,5 % на 5,1 %. „Толку од предвидувањата и од менаџирањето на буџетот од премиерот поради тоа што очигледно е дека се нема капацитет оваа држава да се води како што треба“, рече Филипче.Воедно, Филипче и порача на власта да ги прифати мерките што ги предложи СДСМ, а кои ќе дадат реален ефект врз намалувањето на цените на горивата и нафтените деривати и врз намалување на цените на храната.„Да се намали освен ДДВ-то на горивата на 5%, да се намали ДДВ-то на основните прехранбени производи на 0%, да се намали акцизата за 4 денари. Тогаш ќе има вистинско поевтинување на горивата од кои бенефит ќе видат и граѓаните, поради тоа што граѓаните сега не гледаат бенефит од намалувањето на ДДВ-то. И покрај намалувањата на ДДВ-то, цените пораснаа. Со намалување на акцизата цената на литар гориво ќе се намали. Од тоа директна бенефит ќе имаат и компаниите, нема да влијае тоа во дополнителниот синџир на раст на другите цени. Исто, мора да има намалување и на цените на патарините.Мора да им се олесни на луѓето во оваа тешка криза“, рече Филипче.

Македонија | пред 1 седмица

1 нед.

366543877_1034322614557217_5242194736722340467_n

Синдикатот на професионални војници за Мисајловски: Наместо да ја прифати критиката, излезе со напади и смешни кривични пријави

Независниот синдикат на професионални војници го обвинува Министерството за одбрана за манипулација и ширење невистини, по гостувањето на министерот Владо Мисајловски во емисијата „Клик Плус“ на ТВ 21. Според синдикатот проблемите со условите за работа и правата на професионалните војници се присутни децении, а решението е доставено во Собранието уште во 2025 година, но досега не е реализирано. Министерството, наместо да ги решава проблемите, според синдикатот, се обидува да ги прикрие преку јавни изјави и напади кон синдикатот.„По објавата на Независниот синдикат на професионални војници СО Скопје за катастрофалната ситуација со објектите во Армијата каде што престојуваат и работат професионалните војници, министерството за одбрана излезе со потврда дека ситуацијата е таква 35 години, но и повеќе дури 50 години некои објекти не се реновирани од времето на поранешната ЈНА. Министерството за одбрана наместо да ја прифати критиката од синдикатот и да ја прифати реалноста, тие излегоа со напади врз претседателот на синдикатот со неосновани и смешни кривични пријави.Оваа нервозна ситуација во министерството за одбрана која се пројави поради излегување на фотографиите за вистинската и реална состојба во Армијата, кај министерот за одбрана Владо Мисајловски се пројави дополнителна потреба да гостува во емисијата Клик Плус на ТВ 21 , со цел да ја ублажи катастрофалната состојба која синдикатот ја обелодени во јавноста.Но за жал министерот за одбрана одбра сакајќи или несакајќи, да искаже неколку невистини со цел да прикаже напредок во правата на професионалните војници со негова лична иницијатива, но напротив искажа невистина со што ја изманипулира цела македонска јавност, а тоа е дека професионалните војници на 45 години одат во пензија и земаат опремнина од 2 милиони денари.Министерот за одбрана треба да знае дека професионалните војници не одат во пензија од Армијата, бидејќи дискриминаторскиот Закон за служба во Армијата тоа не го дозволува. Затоа е утврдената индиректна дискриминација од КСЗД врз сите професионални војници од страна на министерството за одбрана поради нетрансформирање на работниот однос од определено на неопределено време. Барањата на синдикатот се токму тие, професионалните војници да добијат вработување на неопределено време согласно ЗРО и да остварат право на пензија како и останатиот активен воен персонал.Излегувањето на емисии и искажувањето на вакви невистини и манипулирачки изјави нема да ја подобри ситуацијата во Армијата, туку само повеќе граѓаните на Република Македонија дознаваат колку е лоша состјбата со правата на припадниците на Армијата и колку се лоши условите за работа во Армијата.Го потсетуваме министерот за одбрана дека наназад години синдикатот бара решение на статусот на професионалните војници и имаме доставено предлог закон за измена и дополнување на Законот за служба во Собранието на РМ уште на 3 јуни 2025 година, и ниеден пратеник до овој ден не го предложи овој закон за да се реши деценискиот проблем на професионалните војници .Му предлагаме на министерот за одбрана пред наредно гостување добро да ја проучи проблематиката и темите кои ќе ги зборува, и се надеваме дека ќе сфати дека решението на сите проблеми му е доставено во писмена форма, само треба да се има волја да се реализираат овие барања и конечно да се реши проблемот со професионалните војници. Синдикатот не е проблемот што укажува кои се проблемите, проблемот е нереагирањето на работодавецот. Се друго, како неосновано напаѓање на синдикатот и неговите претставници и искажување на невистини, допринесува за влошување на веќе лошата состојба во Армијата.Апелираме до минитерството за одбрана да се воздржи од медиумски и административен напад кон синдикатите, да се обнови социјалниот дијалог и да се превземат итни мерки за подобрување на состојбата во Армијата, ПР кампањата нека се стави на пауза до следните избори“, вели Александар Насковски.

Македонија | пред 1 седмица

1 нед.

Филипче: Поскапува храната, наместо мерки за граѓаните владата на Мицкоски со нов дефокус

Деновиве во државата се случува тоа на што предупредивме и тоа уште пред неколку недели, а тоа е дека порастот на цените на енергенсите, на дериватите, на нафтата, на бензините ќе повлече поскапување на сите прво прехранбени продукти, понатаму на се друго во државата. Нафтата беше 71 денар сега е 95,5 денари и граѓаните веќе се жалат дека имаат проблем дека не може да наполнат ниту една кошничка, дека едноставно не може да се прехранат. Поскапени се основните прехранбени производи јајцата, месото, млечните производи, овошјето, зеленчукот, а знаеме дека кога тие продукти еднаш ќе поскапат назад цените нема да се вратат, вели претседателот на СДСМ, д-р Венко Филипче„За жал Владата не направи ништо не воведе ниту една мерка да им помогне на овие категории на граѓани. Гледаме како земјите во регионот се справуваат. Потребни се мерки како што ние и нашата влада имплементираше и воведуваше за време на справувањето со кризите, за време на ковид кризата, тогашната енергетска криза, кога почна војната во Украина, поради тоа што само со такви мерки директни кон одредени категории на граѓани посебно најзагрозените тие коишто сега најмногу се жалат што очекувано дека не можат да се прехранат, најсиромашните категории пензионери, социјалните случаи, семејствата со многу деца, најслабо платените работници, мораат да видат да видат некаква помош од државата. Еве на пример вчера го слушнавме хрватскиот премиер воведоа конкретни мерки. Освен што се ограничија цените на горивата на бензините, на гасот, одредени категории на граѓани добија помош - земјоделци, социјални случаи, рибари итн, тие на коишто најмногу им е потребно. Во нашите влади за време на соочување со кризита беа поделени 2 милијарди евра директна помош кон граѓаните и тоа беа овие најзагрозени категории на граѓани. Дополнително имаше помош за ученици, за студенти, за луѓе со посебни потреби итн. Што направи нашата влада, намали само ДДВ на горивата. Но не сака да се скрати од сопствените приходи од луксуз.Затоа што кога ќе намалите ДДВ на нешто на што цената веќе основата цена пораснала, вие не го намалувате приходот во буџетот, во најмала рака останува ист, значи има пари за луксузирање на владата а нема директна помош кон граѓаните. Дополнително оваа мерка само со намалувањето на ДДВ-то на горивата никако не ја чувствуваат како бенефит компаниите. Зошто, поради тоа што компаниите имаат поврат на ДДВ-то од горивата. Тоа значи дека тие тие пари колкав и процент да се ќе си ги вратат нив им претставува тежина основната цена на горивата која што зависи од светските берзи. Значи компаниите, меѓу кои транспортните и во другите сфери кои директно учествуваат на модифицирањето и растот на цените на сите други производи, практично немаат никаква помош. И единствено што може да се очекува е да има континуиран раст на цените кои што да ве потсетам уште крајот на минатата година почеток на оваа година, пред почетокот на војната во Иран практично беа во раст. Значи ова е само еден дополнителна причина зошто кај нас цените ќе растат. Апелирам, сметам дека владата мора да направи две работи, прво да ги прифати нашите мерки поради тоа што тие се тие мерки коишто реално ќе дадат некаков резултат и цените на горивата ќе се намалат, а ќе се стави на некој начин и пречка во дополнителниот раст на цените на храната. Да се намали освен ДДВ-то на горивата да се намали ДДВ-то на основните прехранбени производи на 0%, да се намали акцизата за 4 денари. Тогаш ќе има вистинско поевтинување на горивата од кои бенефит ќе видат и граѓаните, поради тоа што граѓаните сега не гледаат бенефит од намалувањето на ДДВ-то поради тоа што и покрај намалувањата на ДДВ-то цените пораснаа. Со намалување на акцизата цената на литар гориво ќе се намали. Од тоа директна бенефит ќе имаат и компаниите, нема да влијае тоа во дополнителниот синџир на раст на другите цени на коишто бизнисот влијае поради тоа што се случува со поголема цена на горивата. Понатаму, намалување на цените на патарините. Мора да им се олесни на луѓето во оваа тешка криза. Дополнително како втора работа на сето ова, посебни пакети мерки за посебни категории на граѓани, за социјално загрозените, луѓе се посебни потреби, најсиромашните пензионери, луѓе со ниски примања, семејства со повеќе деца. Се тоа што ние го правевме за време на кризите. Лесно е, нека види премиерот во архивите на владата има таму како работеле нашите влади за време на кризите и нека им излезе во пресрет на граѓаните. Се надевам дека ќе си ја надмине суетата и ќе сфати дека ниту има визија, ниту има капацитет да ја води владата. Кога укажавме дека овој буџет којшто го предлага оваа влада ниту е развоен, ниту има капацитет да се справи со евентуална криза. Како да предвидовме дека криза можеби ќе има. Дефицитот е веќе пораснат од предвидените 3,5 % е пораснат на 5,1 %, толку од предвидувањата и од менаџирањето на буџетот од премиерот поради тоа што очигледно е дека се нема капацитет оваа држава да се води како што треба“, вели Филипче.

Македонија | пред 1 седмица

1 нед.

„Промена на Уставот е чувствителна тема, најдобро е да се создадат похолистички услови“, вели Мицкоски

Премиерот Христијан Мицкоски во своето обраќање на тркалезна маса во Уставниот суд истакна дека секоја промена на Уставот треба да се одвива внимателно, со создавање на похолистички услови, за да не се вознемири јавноста.„Што се однесува до законот за Уставен суд, уставната тужба, тука сакам да споменам дека за тоа се согласивме со претседателот, промена на Уставот. Во оваа наша земја промената на уставот е чувствителна тема. И секогаш кога ќе се случи темата промена на Устав, тогаш, најчесто, не потсетува на некои други процеси од минатото.Иако ова станува збор за сосема поинаков процес. Апсолутно се сложувам со носење на ваков специјален закон, односно закон за уставниот суд. Апсолутно се согласувам со институтот уставна тужба, но исто така сакам да потенцирам дека најдобро е да се создадат услови похолистички за промена на Уставот кога и тоа би било вклучено. За да не ја вознемириме и онака чувствителната јавност“, изјави Мицкоски.

Македонија | пред 1 седмица

1 нед.

Полициска акција во Демир Хисар: При претрес пронајдено нелегално оружје

На 23.03.2026 во 13:00 часот, полициски службеници од ОВР Демир Хисар го лишиле од слобода Н.Д.(33) од с.Сопотница, демирхисарско.Имено, врз основа на наредба од Основен суд Битола, полициски службеници извршиле претрес во домот и помошни простории, сопственост на Д.Д(64) од с.Сопотница, Демир Хисар, кои ги користи Н.Д., при што биле пронајдени две ловечки пушки, муниција за ловечка пушка.По документирање на настанот, против него ќе следува соодветна пријава.

Македонија | пред 1 седмица

1 нед.

Божиновска: Ја стабилизиравме цената на горивата и обезбедивме конкретно намалување за граѓаните

Министерството за енергетика, рударство и минерални суровини ја информира јавноста дека преземените мерки од страна на Владата, во комбинација со конкретни чекори од економските оператори, даваат резултати – цените на горивата се стабилизирани, а ценовниот притисок е значително ублажен.Во таа насока, ОКТА ја продолжува иницијативата за попусти на горивата и по првично предвидениот рок на крајот на март, при што мерката ќе трае до 6 април. Како дел од ова продолжување, попустот за дизел се зголемува од 2 на 3 денари по литар, обезбедувајќи дополнителна поддршка за потрошувачите и придонесувајќи кон стабилизација на пазарот.Овој чекор доаѓа како резултат на континуираната комуникација и координација помеѓу Министерството и компаниите, со јасна цел – дел од олеснувањата да се пренесат директно кон граѓаните и стопанството. Ова претставува потврда дека активната улога на државата дава резултати и дека преку партнерство со компаниите може да се обезбедат конкретни придобивки за граѓаните и стопанството.Истовремено, клучна улога во стабилизирањето на цените има и владината мерка за намалување на ДДВ за горивата од 18% на 10%, која обезбеди директно намалување на цените за 6 до 7 денари по литар и спречи дополнителен ценовен шок.Со оваа комбинирана интервенција: спречен е значителен раст на цените на горивата обезбедена е стабилност на пазарот заштитен е животниот стандард на граѓаните намален е притисокот врз транспортот и економијата„Спречивме ценовен шок, ја стабилизиравме цената и обезбедивме конкретно намалување за граѓаните“, истакна министерката Сања Божиновска.Министерството нагласува дека одговорноста во вакви услови е заедничка и дека позитивниот пример со зголемениот попуст за дизел треба да биде следен и од останатите учесници на пазарот, со цел бенефитите целосно да се рефлектираат во малопродажните цени.Паралелно, снабдувањето со горива се одвива непречено, државните резерви се стабилни, а сите надлежни институции се во постојана координација и вршат засилени контроли на пазарот.Министерството за енергетика, рударство и минерални суровини останува целосно посветено на следење на состојбите и, доколку е потребно, подготвено е да реагира со дополнителни мерки, со единствен приоритет – стабилен пазар и заштита на граѓаните и економијата.

Македонија | пред 1 седмица

1 нед.

Трамп повторно шокира: „Пит, ти прв побара војна“

Американскиот претседател Доналд Трамп, говорејќи на округла маса за борбата против криминалот во Мемфис, го спомна и конфликтот на Блискиот исток, истакнувајќи дека токму министерот за одбрана Пит Хегсет бил првиот член на неговата администрација кој ја поддржал воената акција.„Ја повикав многу наши одлични луѓе и реков: ‘Мораме да разговараме. Имаме проблем на Блискиот исток. Иран е земја која веќе 47 години е извор на тероризам и е блиску до нуклеарно оружје’“, рече Трамп.Понатаму, со присуство на Хегсет, директно погледнат, додаде:„Пит, мислам дека ти беше првиот кој тоа го кажа. Рече: ‘Да го направиме тоа, бидејќи не смее да имаат нуклеарно оружје’. Сега водиме многу добри разговори. Почнаа синоќа, а и претходната вечер. Мислам дека се многу позитивни. Тие сакаат мир… се согласиле дека нема да имаат нуклеарно оружје, но ќе видиме. Тоа мора да се реализира. Реков дека има многу добра шанса.“САД и Израел започнаа воздушни напади врз Иран на 28 февруари. Од тогаш американската администрација понудила низа објаснувања за воената интервенција, при што најчесто се истакнува тврдењето дека Иран претставува нуклеарна закана.

Свет | пред 1 седмица

1 нед.

Руските безбедносни сили подготвени за можни саботажни операции врз државни функционери и воени објекти

Руска Федерална служба за безбедност (FSB), полиција и Национална гарда во Москва се ставени во состојба на повишена подготвеност поради разузнавачки податоци дека постои закана од саботажен напад од Украина.Како што денес објави руската државна новинска агенција RIA Novosti, FSB добила разузнавачки податоци дека Украина планира саботажи и напади врз „државни функционери, воен персонал на руското Министерство за одбрана и службеници за спроведување на законот“.Се потсетува дека за време на четиригодишната војна меѓу Русија и Украина, двете страни изведувале напади далеку зад фронтовските линии, користејќи дронови и саботажни единици за убиства и напади врз критична инфраструктура.Исто така, генерал-потполковникот Владимир Алексеев, заменик-шеф на руската воена разузнавачка служба GRU, во февруари трипати бил нападнат со пиштол Макаров опремен со пригушувач во станбена зграда на автопатот Волоколамски на северот на Москва.

Свет | пред 1 седмица

1 нед.

Подводни мини во Ормускиот Теснец, Иран поставил најмалку десетина експлозиви, велат американски извори

Подводни мини, за кои се верува дека се поставени од Иран, се откриени во Ормускиот Теснец во Персискиот Залив, објави „Си-би-ес Њуз“, повикувајќи се на американски официјални претставници. Во меѓувреме, администрацијата на американскиот претседател Доналд Трамп го повика Техеран да овозможи непречен поморски сообраќај низ овој стратешки важен премин.Според актуелните проценки на американските разузнавачки служби, во теснецот се наоѓаат најмалку десетина поморски мини. Тие се идентификувани како модели „Махам 3“ и „Махам 7“, произведени во Иран, кои користат магнетни и акустични сензори за детекција на цели.Друг американски претставник навел дека бројот на поставени мини би можел да изнесува околу 12.Овие информации доаѓаат во момент кога Доналд Трамп се откажа од претходните закани за можен напад врз иранската енергетска инфраструктура, доколку Техеран продолжи со блокирањето на пловниот пат низ Ормускиот Теснец.Трамп изјави дека неговите специјални пратеници, Стив Виткоф и бизнисменот Џерард Кушнер, веќе започнале разговори со иранските власти, изразувајќи надеж дека теснецот наскоро повторно ќе биде отворен за слободен бродски сообраќај.„Ќе биде отворен многу наскоро, ако ова функционира“, рече Трамп за најновиот дипломатски потег.Тој додаде дека протокот на нафта низ теснецот ќе биде заеднички контролиран од САД и Иран.Од друга страна иранското Министерство за надворешни работи ги негираше тврдењата на Трамп дека се одржале директни разговори меѓу двете страни. Иранските државни медиуми во исто време го обвинија Трамп дека се обидува да купи време. Ормускиот Теснец е еден од најважните светски бродски патишта за енергија, низ кој минуваше околу една петтина од светската сурова нафта пред конфликтот.

Свет | пред 1 седмица

1 нед.

Претреси во Струга, Кичево и Охрид, пронајдени оружје, муниција и марихуана, уапсени четири лица

На 23.03.2026 во 19:45 часот во Струга, полициски службеници од Одделението за недозволена трговија со дрога и оружје при ОВР Струга ги лишија од слобода Л.Р.(19) и неговиот 15-годишен брат поради пстоење основи на сомнение за сторено кривично дело „неовластено изработување, држење, посредување и тргување со оружје или распрскувачки материјали“. При претрес во нивниот дом во Струга, извршен со судска наредба, пронајдени се и одземени пиштол „Dessert Lort“ калибар 9 мм и празна рамка за пиштолот, кој го поседувале без дозвола и за кој малолетникот изјавил дека родителите не биле запознаени.На 23.03.2026 во 17:00 часот во Кичево, полициски службеници од Надворешната канцеларија за крииналистички работи Кичево го лишија од слобода Б.Б.(52) од Кичево. При претрес во неговиот дом, извршен со судска наредба, пронајдени се и одземени 23 парчиња муниција со калибар 9 мм.На 23.03.2026 во 16:35 часот во Охрид, полициски службеници од Отсекот за недозволена трговија со дрога и оружје при СВР Охрид го лишија од слобода Ш.Ф.(37) од Охрид. При претрес во неговиот дом, извршен со судска наредба, пронајдена е и одземена марихуана.За настаните се известени надлежни јавни обвинител и по целосно документирање на случаите, против лицата ќе бидат поднесени соодветни пријави.

Македонија | пред 1 седмица

1 нед.

Ревизорите открија пропусти во јавните набавки и финансиското планирање на изборите

Државниот завод за ревизија (ДЗР) изрази неповолно мислење за реалноста на финансиските извештаи и за усогласеноста со законите во работењето на Државната изборна комисија (ДИК) за 2024 година.При ревизијата било констатирано дека пописот на средствата и обврските не е извршен согласно законските и подзаконските акти, дека не била извршена процена на вредноста на дел од недвижностите, како и дека планирањето и одобрувањето на средствата за спроведување на изборите во 2024 година не се вршело според законски утврдените пропорции.ДЗР утврдил и ненавремено и некомплетно доставување на документацијата за трошоците за спроведените изборни дејствија на изборните органи, набавка на стоки и услуги за кои не е спроведена јавна набавка, како и недоследна примена на одредбите од Законот за јавни набавки во одредени постапки.Извршената анализа на податоците од табелата покажува дека планирањето и одобрувањето на средствата за спроведување на изборите во 2024 година не е согласно членот 88 од Изборниот законик. Наместо 33,33% од средствата да бидат наменети за надомест на трошоците на учесниците во изборната кампања за платено политичко рекламирање, при планирањето биле одредени 50% од средствата, додека за останати изборни дејствија, наместо 66,67%, планирани се 50% од средствата. Во одобрените буџетски средства, средствата за платено политичко рекламирање учествуваат со 43%, а средствата за останати изборни дејствија со 57%.Оваа состојба резултира со прелевање на 129.453 илјади денари, наменети за останати изборни дејствија, кон исплата на трошоците за платено политичко рекламирање на учесниците во изборните кампањи.Како системски слабости, ДЗР во извештајот ги наведува потребата од усогласување на законите кои го регулираат оданочувањето на изборните активности и преиспитувањето на начинот на распределба на средства за платено политичко рекламирање на учесниците во изборните кампањи.

Македонија | пред 1 седмица

1 нед.

Ангелов: Целосно го оправдувам нападот на САД заедно со Израел врз Иран

Директорот на ДЗС и претседател на партијата Достоинство, Стојанче Ангелов вели дека има проамерикански ставови во однос на ситуацијата на Блискиот Исток и смета дека Американците имаат добри причини за нападите на Иран.Ангелов го оправдува американскиот напад, бидејќи, како што вели, во Иран владее суров режим кој што ги казнува сопствените граѓани и режим кој обезбедил сериозна количина на ракети, како и подготовка на нуклеарно оружје.-Замислете кога една таква власт како што е иранската би имала на располагање нуклеарно оружје? Која би била безбедноста на светот? Целосно го оправдувам нападот на САД заедно со Израел и времето ќе покаже што се имал Иран од вооружување. Досега сме изненадени од жилавоста на Иран – тоа го говори и фактот што погодија остров кој е оддалечен 4000 километри со ракети со долг дострел, рече Ангелов во емисијата „Аргумент плус“.

Македонија | пред 1 седмица

1 нед.

Потрошувачката на горива е зголемена за повеќе од 10%, вели Мицкоски

Премиерот, Христијан Мицкоски, најави дека на денешната владина седница ќе се разгледуваат и други мерки поврзани со порастот на цените на нафтата. Тој, исто така, кажа дека многу граѓани од соседните земји точат гориво кај нас, па потрошувачката на бензин и дизел на бензинските пумпи е зголемена за повеќе од 10%.„Денеска имаме редовна владина седница и ќе разгледуваме и други мерки коишто мислиме дека ќе бидат корисни во таа насока. Иако и покрај овие ценовни шокови морам да признаам дека имаме убедливо најниска цена на бензините и на дизел горивото во регионот, што создава дополнително еден притисок од страна на соседите, односно на граѓаните од соседните држави и можеме да забележиме дека за повеќе од 10% е зголемен конзумот на бензин и дизел гориво на нашите бензински пумпи, но и покрај тоа стабилното снабдување за граѓаните и стопанството стана наш приоритет и во овој момент тука нема никакви негативни очекувања, туку напротив останува стабилно да обезбедиме доволно количини и за нашите граѓани, но истовремено доколку и граѓаните од соседните држави ценат тоа ќе придонесе во подобрување на нивниот животен стандард ние како држава стоиме на располагање“, рече Мицкоски на меѓународна конференција во организација на Народната банка.Според него, ова е пример за координиран пристап – каде што монетарната и фискалната политика се надополнуваат, а институциите делуваат синхронизирано во интерес на граѓаните.Мицкоски вели дека денес, повеќе од кога било, е потребна координација – меѓу централните банки, владите и меѓународните партнери. Тој истакна дека улогата на централното банкарство станува уште поважна – не само како чувар на ценовната стабилност, туку и како столб на довербата, стабилноста и економската отпорност.„Живееме во време на длабоки и брзи глобални промени. Време во кое економските текови, финансиските пазари и безбедносните предизвици се испреплетуваат повеќе од кога било досега. Во таков свет, улогата на централното банкарство станува уште поважна – не само како чувар на ценовната стабилност, туку и како столб на довербата, стабилноста и економската отпорност“, рече Мицкоски.Според него, централните банки денес не делуваат во изолирани услови туку функционираат во средина која е под силно влијание на глобалните шокови – од инфлаторни притисоци и прекини во синџирите на снабдување, до геополитички тензии и енергетски неизвесности.„Во вакви околности, стабилноста не е дадена – таа е резултат на внимателно водени политики, координација и одлучност“, рече Мицкоски.Воениот конфликт на Блискиот Исток, додаде тој, дополнително ги продлабочи овие предизвици.„Во ваква средина, централните банки имаат двојна одговорност. Прво, да ја одржат ценовната стабилност и да ги амортизираат инфлаторните шокови. И второ, да ја зачуваат финансиската стабилност, обезбедувајќи ликвидност и сигурност во банкарскиот систем. Тоа бара внимателен баланс – помеѓу рестриктивни мерки за контрола на инфлацијата и поддршка на економската активност“, рече Мицкоски.

Македонија | пред 1 седмица

1 нед.

Панчев: Жал ми е што не отидов во Англија, мислам дека тој стил на фудбал повеќе би ми одговарал

Некогашниот центарфор Дарко Панчев се присети на своето доаѓање во редовите на „црвено-белите“.„Моите соништа се остварија во дресот на Вардар. Во Звезда дојдов со 23 години и добра репутација. Тогаш играв за репрезентацијата, а очекувањата беа големи кога пристигнав во Белград. Разликата беше што Звезда беше подобро организиран клуб од Вардар, со повеќе навивачи. Искрено, од Белград носам само позитивни сеќавања“, започна Панчев во разговорот за „Flashscore“ и додаде:„Врвот секако беше освојувањето на Купот на шампионите. Имаше притисок кога изведував пенал, но само додека трчав кон топката. Откако ја зедов и ја поставив на белата точка – не почувствував ништо. Искрено, не сум играч кој претходно избира страна, туку гледам кон голманот и чекам да се помести.“Сè уште смета дека направил голема грешка со заминувањето во Интер.„Многу клубови тогаш ме сакаа – Барселона, Милан, Манчестер Јунајтед и Интер. Меѓутоа, тогаш немавме информации како денес. Доколку знаев она што знам сега – немаше да одам во Интер, туку во офанзивен тим. Дојдов во екипа која игра исклучително дефанзивно, а тоа е смрт за напаѓач.“Големиот Алекс Фергусон сакал да го доведе. Шкотот бил фасциниран од генерацијата на Звезда од Бари.„Фергусон го обожаваше нашиот тим од Белград. Бевме како Барселона со Меси, Иниеста и Чави. Искрено, жал ми е што не отидов во Англија. Мислам дека тој стил на фудбал повеќе би ми одговарал“, рече Панчев.

Спорт | пред 1 седмица

1 нед.

ДУИ алармира: Граѓаните плаќаат милиони повеќе поради застарен модел на РКЕ

Денес, Демократската унија за интеграција излегува со конкретни факти кои покажуваат како граѓаните се оштетуваат во време криза со енергенси. Додека на светските берзи цените на нафтените деривати бележат драстичен пад од околу 10%, во нашата држава граѓаните ќе продолжат да плаќаат повисоки цени цела недела. Причината е јасна – Регулаторната комисија за енергетика применува застарен модел, базиран на просек од претходната недела, наместо да реагира навремено, вели Албана Мустафа од ДУИ.„Оваа пракса директно оди во корист на одредени бизнис интереси, а на штета на граѓаните.Затоа бараме:• Итна промена на правилникот за утврдување на цените• Воведување на пресметка на цените најмалку двапати неделноФактите се алармантни:• Неделна потрошувачка: околу 12 милиони литри дизел• Разлика во цена: околу 9 денари по литар• Вкупен дополнителен трошок: над 1,5 милиони евра за само една неделаОва значи дека граѓаните и малите бизниси плаќаат милиони повеќе, додека некој профитира од нефункционален систем.На крај, се поставува логичното прашање:Во чиј интерес работи Владата – на граѓаните или на неколку привилегирани компании“, додава Мустафа.

Македонија | пред 1 седмица

1 нед.

Македонија и Турција договараат дигитализација на културното наследство и развој на креативните индустрии

Министерот за култура и туризам Зоран Љутков, кој престојува во дводневна работна посета на Република Турција, вчера во Анкара оствари билатерална средба со својот турски колега, министерот за култура и туризам Мехмет Нури Ерсој.На средбата, на која присуствуваа и националниот координатор за туризам Акан Махмут и амбасадорот Јован Манасиевски, двајцата министри ги потврдија традиционално добрите културни врски меѓу двете земји, како и заедничките заложби за нивно понатамошно унапредување, особено во насока на стабилен и просперитетен регион.Љутков и Ерсој ја нагласија подготвеноста за продлабочување на соработката во областа на културата и туризмот преку реализација на заеднички проекти, вклучително и дигитализација на културното наследство, развој на креативните индустрии, копродукции, како и унапредување на културниот туризам.Министрите разговараа за конкретни чекори за зголемување на бројот на турски туристи во Македонија, како и за можностите за привлекување инвеститори од Турција за развој на туристичката инфраструктура.Соговорниците се договорија во периодот што следува да работат на конкретни заеднички проекти, со цел дополнително зацврстување на пријателството и партнерството меѓу двете земји.На крајот од средбата, Љутков упати отворена покана до својот колега, министерот Ерсој, наскоро да ја посети Македонија.

Македонија | пред 1 седмица

1 нед.

Народна банка: Претпазлива монетарна политика во услови на сѐ поголема светска неизвесност – каматната стапка е непроменета

На 24 март 2026 година се одржа редовна седница на Извршниот одбор за поставеноста на монетарната политика на Народната банка. На седницата беа разгледани најновите податоци и информации за светската и домашната економија, како и најновите случувања на меѓународните и домашните финансиски пазари, во контекст на поставеноста на монетарната политика.На оваа седница, Извршниот одбор одлучи да ја задржи основната каматна стапка на нивото од 4%. На аукцијата на благајнички записи, којашто ќе се одржи на 25 март, понудата ќе изнесува 36 милијарди денари, а понудата на наредните аукции ќе се утврдува согласно проектираната промена на ликвидносната позиција на банкарскиот систем на неделна основа. Досегашните измени во задолжителната резерва, макропрудентните мерки поврзани со критериумите за квалитетот на кредитната побарувачка од физичките лица, како и одлуките за управување со системските ризици, обезбедуваат дополнителна поддршка за претпазливата поставеност на монетарната политика.Одлуката за монетарната политика се носи во услови на исклучително зголемена светска неизвесност и непредвидливост, предизвикана од неодамнешното избувнување на воениот конфликт на Блискиот Исток. Првичните ефекти се видливи преку нарушувањето на снабдувањето со нафта во светот и растот на цените на енергентите. Севкупните ефекти врз светската економија се условени од интензитетот и времетраењето на конфликтот на Блискиот Исток. Евентуалното подолго времетраење, како и проширување на воените дејства ќе предизвикаат подолготрајни нарушувања на пазарот на енергенти, посилно зголемување на нивните цени, пролонгирана неизвесност, раст на општото ценовно ниво и полоши економски изгледи. Во ваков контекст, ЕЦБ на последниот состанок за монетарната политика ја задржа истата каматна стапка, правејќи нагорна корекција на очекуваната инфлација и надолна на растот.Во домашната економија, инфлацијата и натаму забавува во согласност со очекувањата, а годишната стапка на инфлација се сведе на 2,9% во февруари. Значително забавување бележи и базичната компонента на инфлацијата, којашто е послаба од очекувањата. Наспроти досегашниот поволен тренд кај домашната инфлација, ризиците околу нејзината идна динамика се зголемени. Тие се поврзани со последните воени случувања и прекините во снабдувањето со енергенти од земјите од Заливот. Пазарните оцени за цените на нафтата во следниот период се ревидирани поизразено во нагорна насока, на кус рок. Подолгорочните ефекти врз светските цени, а со тоа и врз домашната инфлација се условени од силината и времетраењето на воените дејства на Блискиот Исток.На крајот на февруари 2026 година, нивото на девизните резерви изнесува 5.558 милиони евра и е повисоко во однос на крајот на 2025 година што, според сите релевантни меѓународни показатели за адекватноста на девизните резерви, се оценува како соодветно за одржување на стабилноста на курсот на домашната валута. Во 2025 година, надворешната позиција на економијата гледана преку билансот на плаќања беше подобра од очекувањата. Тоа е видливо преку повисокото ниво на девизните резерви на крајот на годината во однос на проекциите, што овозможува и подобра појдовна позиција за справување со шоковите. Во однос на последните расположливи податоци од надворешниот сектор, во јануари 2026 година, трговскиот дефицит главно е во согласност со очекувањата за првиот квартал од октомврискиот циклус проекции. Заклучно со февруари, остварувањата на менувачкиот пазар упатуваат на поумерени нето-приливи од приватните трансфери, во споредба со проекциите за првиот квартал.Во изминатата година, домашната економија се покажа генерално отпорна на неизвесното и променливо надворешно окружување и забележа забрзан економски раст, под влијание на домашната инвестициска активност, но и на солидниот извоз, а остварувањата се во согласност со проекциите. Така, економски раст од 3,8% беше забележан и во последниот квартал од 2025 година, со што растот за целата година изнесуваше 3,5%. Расположливите високофреквентни податоци за првиот квартал од 2026 година во моментов се ограничени за попрецизни согледувања. Во однос на ризиците за растот во следниот период, тие се поврзани пред сѐ со случувањата во надворешното окружување, односно со зголемената неизвесност што произлегува од тековниот конфликт на Блискиот Исток. Во однос на домашното окружување, обемот и динамиката на остварување на домашните инфраструктурни проекти претставуваат едни од главните фактори за темпото на идниот економски раст.Движењата во монетарниот сектор и натаму се солидни. Податоците за депозитите и кредитите на банките во февруари 2026 година упатуваат на натамошно јакнење на депозитната база на банките. Кредитната активност и натаму расте, но забавено, умерено над очекувањата за првиот квартал од годината.Општо земено, Народната банка го задржува внимателниот пристап во водењето на монетарната политика, во согласност со најновите движења кај главните макроекономски показатели и проценетите надворешни и домашни ризици. Надворешните ризици се особено изразени поради неизвесноста во однос на интензитетот и времетраењето на воениот конфликт на Блискиот Исток. Се следат и домашните фактори коишто влијаат врз доходот и побарувачката. Народната банка внимателно ги следи сите случувања и редовно ги оценува ризиците од можните ефекти врз домашната економија и е подготвена да ги искористи сите расположливи инструменти и да презема соодветни мерки за одржување на стабилноста на девизниот курс на денарот во однос на еврото и за обезбедување на ценовната стабилност на среден рок.

Македонија | пред 1 седмица

1 нед.

„Гранит“ го остави да се сруши историското училиште „Св. Сава“, институциите со години молчат, реагираат од Охрид СОС

Граѓанската иницијатива „Охрид СОС“ упати остри критики до градежното претпријатие „Гранит“ и надлежните државни институции поради катастрофалната состојба во која се наоѓа објектот на поранешното училиште „Св. Сава“ во старото градско јадро на Охрид. Според активистите, овој објект од 19-от век кој е заштитен како културно добро, е оставен на забот на времето и е пред целосно обрушување.„Пред три седмици го контактиравме GD Granit AD Skopje за архитектонскиот објект на ул. „Нада Филева“ бб во Охрид, како што е заведен во Листата на културни добра на територијата на општина Охрид, Струга и Дебрца или училиштето „Св. Сава“, како што е локално познат, а кој е изграден на крајот од деветнаесеттиот век. Овој објект (КП 15613, КО Охрид 3) веќе подолго време е во сопственост на градежното претпријатие, но е оставен на забот на времето. Делува малку иронично, најстарото и најголемо македонско претпријатие за изградба, кое располага и со стручен кадар и со технологија, кое изградило толку многу во републиката, регионот и странство, да не реагира соодветно за еден ваков објект во старото градско јадро на Охрид.Ги потсетивме дека она што им е отстапено од страна на Општина Охрид има своја историја и значење и дека титулата споменик на културата или културно добро од особена важност не е само формално доделена од институциите, туку таа претставува и обврска. Овој објект е дел и од културното наследство на Охридскиот Регион кое е на Листата светско наследство на УНЕСКО. Дополнително, на нивната интернет страница е наведено дека „луѓето кои стојат позади името на Гранит денес, имаат една заедничка желба – да го зачуваат тоа што било формирано до овој момент.“Во таа насока, побаравме информации за нивните намери, дали имаат изготвено план за итна реконструкција и реставрација на објектот, со приоритет да се зачува изворниот изглед и специфики на објектот. Од она што го гледаме и што се објавува периодов, објектот забрзано деградира и постои опасност од обрушување доколку не се преземат итни мерки. Веќе се срушени делови од подот, а меѓукатната конструкција е уништена. Пропаѓа и фасадата, а веќе подолго време делови од објектот се покриени со бујна вегетација. Побаравме да ја покажат на дело нивната општествена одговорност и да го спасат и сочуваат овој уникатен и за Охрид значаен објект и за следните генерации. Градежното претпријатие има и законска обврска и одговорност, како имател на културно наследство во рамките на заштитеното подрачје, за одржувањето, чувањето, почитувањето и правилното користење на културното наследство во рамките на заштитеното подрачје.Симптоматично е што со години и надлежните Завод за заштита на спомениците на културата и Музеј-Охрид и Управа за заштита на културното наследство воопшто не реагирале за овој објект до новиот сопственик, имајќи ја предвид неговата историска важност. Во членот 9 од Законот за прогласување на старото градско јадро на Охрид за културно наследство од особено значење е наведено дека „националната установа - Завод за заштита на спомениците на културата и Музеј - Охрид е одговорна за преземање заштитно-конзерваторски мерки во заштитеното подрачје во согласност со Законот за заштита на културното наследство.“ Веќе е крајно време да го повикаат на одговорност имателот на културното наследство со оглед дека не го почитува законот и да иницираат итна заштита на објектот пред да биде доцна.Во Старото градско јадро на Охрид режимот на заштита се остварува според детално дефинирани параметри во деталните урбанистички планови кои се донесуваат за споменичната целина, како и според посебни заштитно-конзерваторски услови што се однесуваат на зачувување на заштитенитe добра во изворна состојба преку конзервација, санација и во исклучителни случаи со факсимилна обнова. Вака е на хартија но досега на дело ова многу малку или воопшто не се спровело. Ретки се објектите кои сè уште ја имаат својата изворна состојба, а она што со децении се преферира е т.н. факсимилна обнова, која обично се применува на објекти кои настрадале во одредени природни непогоди или во вонредни околности (како војна). Кај нас, во мирнодопски услови се дозволува тотална деградација и губење на објектот, за дури потоа да се подигне негов „факсимил“. Допрва треба да се донесат и Деталните урбанистички планови за деветнаесетте урбани комплекси кои го сочинуваат старото градско јадро како и планот за интегрирана заштита на Старото градско јадро на Охрид, а кои требаше да се изготват уште пред десет години. Во меѓувреме неповратно се изгубени десетици уникатни објекти, изградени се несоодветни градби па дури и висококатници во самото старо градско јадро и неговата контактна зона, спротивно на членот 7 од Законот за прогласување на старото градско јадро на Охрид за културно наследство од особено значење“, велат од Охрид СОС.

Македонија | пред 1 седмица

1 нед.

ВМРО-ДПМНЕ: Лоши ПР лекции на дуото Башановиќ и Шчекиќ до дуото Заев и Филипче

Српското дуо Башановиќ-Шчекиќ со лоши лекции за дуото Филипче-Заев. Горивата ќе поскапеа за 10.5 денари за дизел и 6 денари за безоловен бензин да не беше реакцијата на Владата. Ефектот од мерката е заштеда за граѓаните од 200 илјади евра секој ден, велат од ВМРО-ДПМНЕ како реакција на соопштението на СДСМ.„Тезата на СДС дека сепак поскапеле горивата и нема ефект од мерките на Владата не само што не е точна, туку говори и за принципот по кој се води Социјалдемократскиот сојуз, а тоа е колку полошо за државата толку подобро за Венко и Заев.Нескриена е радоста на СДС поради зголемувањето на цените на бензините што е директна последица на воениот конфликт на Блискиот Исток. СДС и во овој случај одбра да биде неконструктивна опозиција“, се вели во реакцијата

Македонија | пред 1 седмица

1 нед.

Комунална расчисти диви депонии на Пластичарска и во Старата чаршија, oтстранети 45 кубни метри отпад

Екипите на ЈП Комунална хигиена-Скопје отстранија две обемни диви депонии лоцирани на булеварот Никола Карев (Пластичарска улица) и во Старата скопска чаршија.Локацијата на булеварот Никола Карев, на пресекот со улицата Максут Садик, веднаш до детското игралиште, претставува „црна точка“ каде што континуирано се одлага отпад на јавни и сообраќајни површини. ЈП Комунална хигиена-Скопје во текот на своите последни активности на оваа локација отстрани приближно 25 кубни метри непрописно одложен мешан комунален и кабаст отпад. По подигнувањето на отпадот беше извршено машинско миење на просторот со употреба на автоцистерна.Втората поголема интервенција за расчистување диви депонии беше реализирана во Старата скопска чаршија, каде што беа подигнати 20 кубни метри непрописно одложен мешан комунален, градинарски и кабаст отпад во непосредна близина на културно-историскиот локалитет Куршумли ан, кој претставува културно наследство од особено значење за државата.Само во текот на изминатата недела, екипите на ЈП Комунална хигиена-Скопје подигнаа и транспортираа 575 кубни метри отпад од диви депонии на територијата на градот Скопје.Секое одлагање отпад надвор од наменски поставените садови претставува кршење на Законот за јавна чистота и директно ја загрозува животната средина и јавното здравје.

Скопје | пред 1 седмица

1 нед.

(Видео) Инцидент во Мостар: пет маскирани навивачи запалија автомобил

Во раните утрински часови во Мостар се случила тепачка помеѓу навивачите на Зрински и Вележ.Пет маскирани навивачи на Зрински, со бакљи пресретнале едно возило каде се наоѓале навивачи на тимот Вележ, познати под името „Red Armi“. Потоа во автомобилот фрлиле бакља и побегнале.Според порталот hercegovacki.ba, нема лица со сериозни повреди, а дополнителни информации се очекуваат во текот на денот.Се сомнева дека навивачите на Вележ се упатиле кон Сараево, со цел да ја поддржат фудбалската репрезентација на Босна и Херцеговина, која игра натпревар бараж за пласман на Светското првенство против Велс.

Настани | пред 1 седмица

1 нед.

24 март 1999: Денот кога започна НАТО агресијата врз СРЈ

Воздушните напади на НАТО врз Србија, или тогашна СРЈ, започнаа на овој ден во 1999 година. Се проценува дека околу 2.500 цивили биле убиени, вклучувајќи 89 деца, а околу 6.000 луѓе биле повредени.Мостови биле срушени, инфраструктурата била уништена, училишта, здравствени установи, медиуми, амбасади, културни споменици, цркви и манастири биле бомбардирани, а речиси и да нема град што не бил цел на бомбите на НАТО.Одлуката за бомбардирање на тогашната СРЈ беше донесена, за прв пат во историјата, без одобрение од Советот за безбедност на ООН, а наредбата до тогашниот командант на сојузничките сили, американскиот генерал Весли Кларк, ја издаде генералниот секретар на НАТО Хавиер Солана.Кларк подоцна напиша во својата книга „Модерно војување“ дека планирањето на воздушната операција на НАТО против СРЈ не само што се интензивирало кон средината на јуни 1998 година, туку и дека било завршено до крајот на август истата година.СРЈ беше нападната под изговор дека е виновна за неуспехот на преговорите во Рамбује и Париз за идниот статус на покраината Косово и Метохија.Откако одлуката да не се прифатат странски трупи беше потврдена од страна на српскиот парламент, кој предложи силите на Обединетите нации да го следат мирното решавање на конфликтот во Косово, НАТО започна воздушни напади со крстосувачки ракети и авиони врз неколку области на Србија и Црна Гора во 19:45 часот на 24 март 1999 година.Деветнаесет земји-членки на НАТО почнаа со бомбардирање од бродови во Јадранското Море, од четири воздухопловни бази во Италија, поддржани од стратешки бомбардери што летаа од бази во Западна Европа, а подоцна и од Соединетите Американски Држави. Прво, беа цел на напади касарните и единиците за воздушна одбрана на Армијата на СРЈ, во Батајница, Младеновац, Приштина и на други места.Речиси и да нема град во Србија кој не бил цел на силите на НАТО барем неколку пати во текот на 11-неделните напади.Претседателот Александар Вучиќ ќе присуствува на одбележувањето на Денот на сеќавање на загинатите во агресијата на НАТО во Врање.

Свет | пред 1 седмица

1 нед.

ФЗО апелира: Јавните здравствени установи да обезбедат хелиум за МР апарати

Фондот за здравствено осигурување (ФЗО) упати итно предупредување до јавните здравствени установи во Македонија кои располагаат со апарати за магнетна резонанца да направат проверка на своите резерви на хелиум и навремено да обезбедат дополнителни количини. Причината е можен прекин во снабдувањето на европскиот пазар, како и значителен раст на цените поради актуелните геополитички тензии поврзани со ситуацијата во Иран.Според надлежните, хелиумот е клучен елемент за функционирање на апаратите за магнетна резонанца, бидејќи се користи за ладење на суперспроводливите магнети. Без него, уредите не можат да работат, што би можело да доведе до прекин во дијагностичките услуги за пациентите.Како што информира директорот на ФЗО, Сашо Клековски, апелот е превентивен и има за цел навреме да се избегнат можни проблеми во функционирањето на здравствениот систем. Тој посочи дека е важно установите да направат проценка на состојбите и да реагираат додека хелиумот сè уште е достапен на пазарот.Во моментот, цената на хелиумот е зголемена за околу 30 проценти, а постојат најави дека може дополнително да расте. Проблемите во снабдувањето се поврзуваат со нарушувања во глобалните синџири на испорака, делумно предизвикани од конфликтите и штетите на инфраструктурата во регионот на Персискиот Залив.Хелиумот е редок гас со екстремно ниска температура на вриење од околу -269 степени Целзиусови, што го прави незаменлив за одржување на стабилна работа на МР апаратите. Еден апарат за магнетна резонанца може да користи и до околу 1.700 литри течен хелиум за оптимално функционирање.ФЗО нагласува дека навременото планирање и набавка се клучни за да се избегнат можни застои во дијагностиката, особено имајќи предвид дека магнетната резонанца е една од најважните и најчесто користени методи за современа медицинска дијагностика.

Македонија | пред 1 седмица

1 нед.

(Фото) Пластично столче наместо капак на шахта - граѓаните со креативно решение на проблемот

Невладината организација „Сакаме чист Чаир“ објави фотографија од Качанички пат во Скопје, од шахта без капак.За да се избегне можноста за несреќа, локалните жители пронашле иновативно решение и како предупредување поставиле пластично столче пред дупката, со што ја означиле опасната точка за минувачите и возилата.„Качанички пат, срамота“ велат од организацијата.

Скопје | пред 1 седмица