ЃОРЃИЕВСКИ

Меѓународна поддршка за Скопје како Европска престолнина на културата 2028: Ѓорѓиевски домаќин на делегации од Германија, Италија и Словенија

Градоначалникот на Скопје Орце Ѓорѓиевски беше домаќин на делегации од Германија, Италија и Словенија, во рамки на меѓународна размена поврзана со подготовките за Скопје како Европска престолнина на културата 2028 година. На средбата со претставници од Кемниц, Гориција и Нова Горица, како и со европски дипломати и градоначалници, беа разменети искуства за културни политики, урбана трансформација и меѓуградска соработка.„Денес сум домаќин на моите колеги од Германија (Кемниц), Италија (Гориција) и Словенија (Нова Горица) - град Скопје со силна меѓународна поддршка!Имав чест да ги пречекам моите колеги од Кемниц, Гориција и Нова Горица, градови со богато искуство, визија и докажана културна сила.Заедно со градоначалниците Само Турел, Радолфо Зиберна, Џозефин Хаге, како и со Бен Нупнау - вршител на должноста амбасадор при Делегацијата на ЕУ, разговаравме за искуствата и предизвиците што ги носи титулата Европска престолнина на културата, титула што Скопје гордо ќе ја носи во 2028 година.Во рамки на посетата, прошетавме низ срцето на градот, низ неговите симболи и приказни, а потоа ја продолживме соработката на официјална средба во Europe House Skopje, место каде идеите се претвораат во визија, а визијата во конкретна иднина.Оваа средба е вистински простор каде културата дише, се движи и создава.Токму во тоа е суштината на Европската престолнина на културата, да го истакнеме богатството на различностите, но уште повеќе - да изградиме мостови на заедништво, разбирање и заеднички европски идентитет.За Скопје, патот до 2028 е процес на отворање, на учење, на поврзување. Процес во кој културата станува двигател на промени што гради похуман, поотворен и посилен град.Затоа, денешната размена со нашите пријатели од Нова Горица, Гориција и Кемниц има посебна тежина. Тие градови покажаа дека културата е жива енергија што создава нови односи, отвора дијалог и гради чувство на припадност. Нивните искуства ни помагаат да ја обликуваме сопствената приказна што Скопје ќе ја раскаже пред Европа. Ова партнерство не завршува со денешните разговори. Напротив, продолжува и добива своја видлива форма преку изложбата што вечерва се отвора во Музеј на Град Скопје, достапна за сите посетители од 15 до 26 април, како сведоштво за заедничката визија и културната поврзаност.Скопје 2028 е обврска да го зајакнеме европскиот дух на градот, да создадеме нови партнерства и да ги вклучиме граѓаните, младите, уметниците и институциите во една заедничка приказна на трансформација.Со искрена благодарност до сите партнери, до Делегацијата на Европската Унија и до нашите пријатели од Европа, продолжуваме заедно.Посилни, поврзани и со јасна визија за иднината“, вели Ѓорѓиевски.

Скопје | пред 1 седмица

Ѓорѓиевски во хуманитарна акција: Поделени над 300 оброци за бездомни и социјално загрозени лица

Градоначалникот Орце Ѓорѓиевски денеска, по повод Велики Четврток, учествуваше во хуманитарна акција насочена кон поддршка на бездомни и социјално загрозени лица. Заедно со Тони Станковски и претставници на Здружението на граѓани за помош на бездомни и социјално загрозени лица, беа поделени повеќе од 300 оброци.Акцијата имаше за цел да обезбеди основна поддршка и да испрати порака за солидарност и грижа кон најранливите категории граѓани. Од Општината информираат дека заложбите за подобрување на условите за живот продолжуваат, при што во изминатиот период се овозможени работни ангажмани и сместување за десетина лица кои претходно биле без дом.Градоначалникот потенцира дека локалната самоуправа ќе продолжи со активности насочени кон намалување на социјалната исклученост и обезбедување достоинствен живот за сите граѓани.

Скопје | пред 1 седмица

Ѓорѓиевски најави: Универзална сала ќе биде готова до 2027

Градоначалникот на Скопје, Орце Ѓорѓиевски, информираше дека започнува изградбата на Универзална сала, еден од најзначајните културни објекти во главниот град, потенцирајќи дека со овој проект по долгогодишно чекање се враќа животот во симболот на скопската култура и солидарност.„Конечно, Универзална сала почнува да се гради!По долгите години чекање, симболот на солидарноста и културниот идентитет на Скопје, Универзална сала, повторно оживува.Започнува изградбата на објектот кој е сведоштво за духот на градот, за неговата истрајност и љубов кон културата.Проектот ќе се реализира по принципот „клуч на рака“, а реконструкцијата е предвидено да заврши до декември 2027 година.Ова е еден од клучните проекти во подготовките на Скопје за носење на престижната титула Европска престолнина на културата 2028 - признание што го става нашиот град на културната мапа на Европа.Со новиот лик на Универзална сала, Скопје ќе добие современ, функционален и репрезентативен културен храм, место каде ќе се создаваат спомени, ќе се негува уметноста и ќе се слави креативноста.Театар, концерти, фестивали и големи културни настани ќе добијат дом достоен за нивната вредност. Универзална сала е симбол на солидарноста по катастрофалниот земјотрес, место каде генерации скопјани ги доживеале своите најубави културни моменти.Нејзиното обновување значи враќање на душата на градот и создавање мост помеѓу минатото и иднината.Посебна благодарност до Премиерот Христијан Мицкоски за огромната поддршка и посветеност во реализацијата на овој значаен проект, како и до министерот за култура Зоран Љутков. Продолжуваме да градиме, за Скопје какво што го заслужуваме“, вели Ѓорѓиевски.

Скопје | пред 2 седмици

Ѓорѓиевски ги награди најуспешните спортисти и екипи за 2025 година

Градоначалникот на Скопје, Орце Ѓорѓиевски, денеска им оддаде признание на најдобрите спортисти, тренери и спортски екипи на градот за 2025 година. Тој истакна дека нивните успеси се гордост за Скопје и силна мотивација за младите генерации.„Денес, со особена чест и искрена почит, им оддадовме признание на најдобрите спортисти, тренери и спортски екипи на Град Скопје, на оние кои со својата посветеност, дисциплина и искрена љубов кон спортот достоинствено го претставуваат нашиот град на највисоко ниво.Ова е ден на почит кон вложениот труд, кон секоја жртва направена на патот до успехот, кон секоја победа што нѐ воздигнува, но и кон секој пораз од кој се учи, се зајакнува карактерот и се станува подобар и посилен.Особена гордост претставува што денес ги наградуваме и нашите млади, јуниорите, иднината на спортот.Вие сте жив доказ дека со упорност, верба и чиста страст, соништата не се далечни, туку достижни.Подеднакво значајни се и нашите сениори, веќе докажани спортисти, кои го носат името на Скопје и на нашата држава со чест и достоинство на меѓународната сцена.Вие сте вистински амбасадори на успехот и на вредностите што градат едно здраво и силно општество.Со посебна чест денес ги истакнуваме и олимпијците, како и спортистите со попреченост – вистинските херои на нашето време.Вашата сила, храброст и истрајност се инспирација за сите нас.Вие не само што ги поместувате границите во спортот, туку ги рушите и бариерите во општеството, отворајќи пат кон еднаквост и почит.Град Скопје останува цврсто определен да го поддржува спортот преку инвестиции, развој на инфраструктурата и создавање услови во кои секој млад човек ќе има можност да се развива, да напредува и да успее.Драги добитници, вашите успеси се и наша гордост.Продолжете да бидете пример, инспирација и двигател на позитивни промени во нашето општество.Од срце ви честитам на сите наградени и ви посакувам уште многу победи и успеси во годините што следуваат“, вели Ѓорѓиевски.

Скопје | пред 2 седмици

Од Драчево до центар за 11 минути: Градски воз ќе јури низ Скопје

Градоначалникот на Орце Ѓорѓиевски најави значаен чекор кон модернизација на јавниот превоз во Скопје – градски воз што ќе ја поврзува населбата Драчево со центарот на градот за само 11 минути. Проектот, кој веќе е во напредна фаза на реализација, ветува побрз, поефикасен и еколошки транспорт за граѓаните.„Скопје забрзано чекори кон иднината.Денес, заедно со заменик-претседателот на Владата и министер за транспорт Александар Николоски како и директорот на ЈП „МЖ Инфраструктура“ Синиша Ивановски, извршивме увид во градежните активности на еден од најзначајните инфраструктурни проекти за нашиот град, кој наскоро ќе стане реалност за сите граѓани. Градскиот воз претставува визија што се претвора во дело.Со рехабилитација на железничката пруга на делницата Транспортен центар Скопје - Зелениково, во должина од околу 25 километри, се поставуваат темелите на модерен, ефикасен и одржлив јавен транспорт.Проектот носи директни придобивки за секој граѓанин - побрзо движење, намален сообраќаен метеж и значително почист воздух.Намалувањето на емисијата на штетни гасови ќе има позитивно влијание врз животната средина, но и врз здравјето на сите нас.Со подобрување на техничките карактеристики на пругата, се зголемува безбедноста во сообраќајот, се враќа проектираната брзина и се обезбедува стабилност на колосечната конструкција, дури и при зголемено оптоварување.Се задржува постојната траса, но со внимателни и прецизни корекции, во согласност со највисоките стандарди.Во рамки на активностите се врши целосна модернизација, како демонтажа на стариот колосек, замена на дотраените дрвени прагови со нови бетонски, подобрување на засторот, како и машинско подбивање и регулирање со современа механизација.Со степен на реализација од околу 65%, овој проект веќе добива јасни контури на успех.Како Град Скопје, активно и посветено сме вклучени во реализацијата, со цел да создадеме интегриран транспортен систем.Преку синхронизација на возниот ред меѓу автобусите и возовите, граѓаните ќе добијат поврзан, ефикасен и непречен превоз низ целиот град.Голема благодарност до сите кои вложуваат труд и знаење во овој процес, а особено до премиерот Христијан Мицкоски, човекот кој со својата посветеност, одговорност и искрен пристап покажува што значи вистинска грижа за народот.Доаѓа време на конкретни резултати.Време кога нема да се прашуваме дали можеме подобро, туку тоа подобро реално ќе го живееме“, вели ЃорѓиевскиПрвата линија од новиот Градски воз во Скопје, која ќе ги поврзува Зелениково и скопската Железничка станица, ќе биде градежно завршена до јуни, а официјално ќе биде пуштена во сообраќај на 1 септември, со почетокот на новата учебна година, најави вицепремиерот и министер за транспорт, Александар Николоски.

Скопје | пред 2 седмици

Ѓорѓиевски заедно со лица со Даунов синдром засади дрвја во ЗОО Скопје како симбол на надеж и еднаквост

Градоначалникот на Град Скопје денеска присуствуваше на настанот организиран по повод Светскиот ден на лицата со Даунов синдром, кој се одржа во Скопската Зоолошка градина.Настанот беше реализиран во соработка со здруженијата „Видлива поддршка“ и „Трисомија 21“, при што беа засадени дрвца како симбол на животот, растот и надежта.„Со оваа симболична активност се испрати порака за важноста на прифаќањето, еднаквоста и поддршката за лицата со Даунов синдром, како и за потребата од градење општество без бариери. Засадените дрвја претставуваат траен потсетник дека секое дете заслужува љубов, почит и можност да го достигне својот потенцијал.Град Скопје и понатаму останува посветен на унапредување на инклузивните политики и создавање средина во која различностите се прифаќаат како вредност, а не како пречка.Преку вакви иницијативи, се зајакнува свеста за значењето на солидарноста, емпатијата и заедничката одговорност во градењето похумано и праведно општество за сите“, вели Ѓорѓиевски.

Скопје | пред 4 седмици

Ѓорѓиевски: Отворен е шелтер-центарот - сигурност, заштита и нов почеток за жртвите на семејно насилство

Градоначалникот на Скопје, Орце Ѓорѓиевски, денес официјално предаде стан во сопственост на Градот на Националната мрежа против насилство врз жени и семејно насилство „Глас против насилство“, обезбедувајќи сигурен дом и простор за поддршка на жртвите.„Денес направивме чекор кој значи многу повеќе од формален чин, потпишавме договор и официјално предадовме стан во сопственост на Град Скопје на Националната мрежа против насилство врз жени и семејно насилство „Глас против насилство“, претставувана од извршниот директор Елена Димушевска.Со ова, една идеја за поддршка и заштита добива свој дом, своја врата која ќе биде секогаш отворена за оние на кои им е најпотребна.Овој простор е засолниште, надеж и нова шанса. Место каде што стравот полека се заменува со сигурност, каде што тишината добива глас, а болката, разбирање.Со обезбедување на соодветни услови за работа и згрижување, ги зајакнуваме сервисите кои секојдневно обезбедуваат директна помош, советување, заштита и поддршка на жртвите.Од безбедносни причини и за заштита на корисниците, локацијата на станот останува строго доверлива.Оваа мерка е дел од нашата поширока визија - да го изградиме Скопје како безбедна, солидарна и инклузивна заедница, во која секој човек знае дека не е сам и дека постои систем што ќе го заштити и поддржи во најтешките моменти.Паралелно, преку јавниот повик за финансирање на здруженија, невладини организации и фондации, обезбедивме средства за сите сервиси за поддршка од превенција до директна заштита.Така обезбедуваме континуитет во работата на организациите кои се првата линија на помош и го зајакнуваме партнерството меѓу институциите и граѓанскиот сектор.Ова е порака дека насилството нема место во ниту еден дом. Дека секој човек заслужува живот без страв, без понижување и без болка. Дека љубовта, почитта и достоинството се темелите врз кои треба да се гради секое семејство.Остануваме цврсто посветени на креирање политики и мерки што значат вистинска, системска заштита, затоа што секој живот вреди, а секоја приказна заслужува нов, достоинствен почеток“, вели градоначалникот Ѓорѓиевски.

Скопје | пред 1 месец

Пролетна генералка во Скопје: Започна голема акција за чистење на градот

Градоначалникот на Скопје, Орце Ѓорѓиевски на социјалните мрежи објави дека започнала пролетна генералка на Скопје„Уште од раните утрински часови, заедно со екипите на јавните претпријатија на Град Скопје, започнавме широка и координирана акција за темелно чистење на сите површини под надлежност на градот„Ова е јасна порака дека редот, чистотата и грижата за заедничкиот простор стануваат секојдневие.Екипите на „Комунална хигиена“ интензивно ги чистат улиците и го отстрануваат отпадот, вклучително и оној што, за жал, е оставен од несовесни поединци.„Водовод и канализација“ ги перат улиците и јавните површини, „Паркови и зеленило“ се грижат за уредување и косење на зелените површини, додека „Улици и патишта“ поставуваат метални столпчиња со кои се става крај на узурпацијата на тротоарите и јавниот простор.Започнавме од Кисела Вода, но тука не застануваме, продолжуваме во секоја општина, систематски, посветено и без компромиси.Оваа слика на чисто, уредено и достоинствено Скопје ќе биде наша секојдневна реалност до крајот на мандатот.Она минато на кое четири години бевме навикнати, слика на депонии и негрижа - не е и нема да биде пракса во мојот мандат.Чистата животна средина не е луксуз, туку основно право и обврска.Таа значи поздрав живот за нашите деца, почист воздух и повисок квалитет на живеење за сите.Градот може да чисти, но вистинската промена доаѓа кога сите заедно ќе ја преземеме одговорноста.Затоа, упатувам јасен апел до сите граѓани да го чуваме она што заеднички го создаваме.Да не фрламе отпад каде што не му е местото, да не уништуваме и да не го узурпираме јавниот простор.За оние што нема да ги почитуваат правилата, следуваат санкции, затоа што ред мора да има!Грижата за вас и за нашето Скопје останува приоритет кој стои највисоко.Скопје заслужува, а ние заеднички ќе го направиме тоа реалност“, вели Ѓорѓиевски.

Скопје | пред 1 месец

Жестока дебата меѓу Ѓорѓиевски и Мустафаоглу: Таа која ви беше ментор потпишала договор, чекам извинување уште неколку часа, ако не тужба ќе има

Дарја Мустафаоглу од Левица, на денешната седница на Град Скопје упати критики до градоначалникот Орце Ѓорѓиевски дека повторно ги пробива законските рокови.Станува збор за принцип. Вие некако се навикнавте на прекршоци на глобите, бидејчи после огромен притисок од јавноста ви текна, цел мандат преспиен во Кисела Вода да не поднесете анкетен лист. Порбавте и со Град Скопје, но имавте притисок од јавноста и го поднесовте“, изјави Дарја.На ова Орце Ѓорѓиевски возврати дека со се што е изнесено не се согласува.Не е така како што кажувате, но тоа е ваша воспоставена пракса и начин на делување и тука не можам да ви помогнам. Не пример вчера имавте излагање како политичка партија па сега чекам уште неколку часа до рокот, извинување, ако не тужба ќе има. Мислам дека внимателно ве слушав, сега треба да имате малце желудник и да слушнете од другата страна, а не само да напаѓате. Сега ве молам да бидете коректни, ниту законот е прекршен, ниту некој прави преседан. Тоа што Апасиев и поединци од кај вас, самодекларирани правници коишто не знам како станале професори на факултети, ви држат предавања, ве собираат во подруми и ви објаснуваат како треба да кажувате овде на совет не значи дека нешто е вистина. Зошто вие како претставник на Левица не се извинивте после обвинувањата вчера кои ги направите, каде што таа која ви беше ментор, потпишала договор, а вие ме обвинувате мене дека јас сум потпишал договор. Не ви беше ментор Арсовска? Немавте вие директори? Околу тоа што вие го кажувате, апсолутно како и се останато е расфрлање на пердуви“, изјави Ѓорѓиевски.

Скопје | пред 1 месец

(Видео) Ѓорѓиевски до Левица: Вие сте најголемо бандитско здружување во Градот Скопје

На денешната седница на Советот на Град Скопје, градоначалникот Орце Ѓорѓиевски истакна дека политичката партија Левица е најголемо бандитско здружување во Скопје.„Стојче Јовановски е лицето кое што неколку години наназад, систематски, еве ги доказите, го уништува јавното предпријатие ЈСП Скопје. ЈСП Скопје е уништувано од кадар на Левица. Исто како што и КИЦ беше уништуван. Вие сте најголемото зло што му се случило на градот изминативе 10 години. За разлика од вас, за разлика од Стојче ваш и од цела ваша група, нема да ви поминат овие инсинуации. И ако мислите дека некој ќе ве толерира да кажувате приказни, да ја замајувате јавноста на погрешна адреса сте, само тоа ќе ви го кажам. На погрешна адреса сте. И за се, ќе ви биде одговорено соодветно. Вие сте научени некој да ви ќути. Вие сте најголемо бандитско здружување во градот Скопје. Само тоа ќе ви кажам. А еве и КИЦ, и ЈСП со докази говорат за тоа. Така што за Левица немам повеќе ниту што да одговорам, ниту што да опонирам“, изјави Ѓорѓиевски.

Скопје | пред 1 месец

Ѓорѓиевски и даде 24 часа на Левица да се извини: Тендерот за којшто манипулирате е потпишан од Арсовска

Левица, пак удривте статива. Ама дури ни противничката не ја погодивте, туку својата.Тендерот за којшто манипулирате во јавноста е потпишан од поранешната градоначалничка Данела Арсовска, истата таа која ги бодреше и штитеше вашите директори на претпријатија, вели градоначалникот на Скопје, Орце Ѓорѓиевски.„Станува збор за постапка што е наследена и развојна.Тоа сигурно добро го знаете бидејќи тој период, токму вие бевте тие кои имаа исклучителна блискост со нејзината администрација, ги полневте управните одбори, добивавте работни позиции и договори на дело во институциите на Град Скопје.Истите тие институции кои, да потсетиме, беа оставени во финансиска дупка од околу 300 милиони евра, последица на недомаќинско и неодговорно управување.Затоа, пред да делите лекции за транспарентност и отчетност, добро би било прво да се соочите со сопствената политичка улога во тој период.Граѓаните имаат добра меморија, а фактите се тврдоглава работа.Наместо да трошите енергија на фабрикување наративи и фејсбук-објави со краток рок на траење, би ви препорачал конечно да почнете да се однесувате како сериозна опозиција.Граѓаните очекуваат идеи, решенија и визија за подобар град, а не дневна доза политички театар.Затоа, ви давам рок од 24 часа да се извините за пласираната невистина.А во иднина, пред повторно да се обидете да креирате политичка конструкција, проверете ги фактите.Во спротивно, ризикувате повторно јавно да се избламирате“, вели Ѓорѓиевски.

Скопје | пред 1 месец

Ѓорѓиевски: Соработката меѓу институциите, локалната власт и академската заедница е клучна за одржливи политики

Градоначалникот на Град Скопје, Орце Ѓорѓиевски, присуствуваше на редовното годишно собрание на Македонската академија на науките и уметностите (МАНУ), кое се одржа на покана на претседателот на Академијата, академик д-р Живко Попов.На собранието беа презентирани визии и проекти насочени кон планирањето на идниот развој на државата, при што беше истакната значајната улога на академската заедница во креирањето научно засновани политики и долгорочни решенија за општествениот развој.Ѓорѓиевски истакна дека соработката меѓу институциите, локалната самоуправа и академската заедница е од исклучително значење за креирање одржливи политики, особено во областите на безбедноста, инфраструктурата и системската подготвеност за предизвиците со кои се соочува општеството.Тој потенцираше дека Град Скопје останува отворен за продлабочување на соработката со МАНУ, со цел преку заедничко знаење, експертиза и визија да се придонесе кон подобар развој и посигурна иднина за граѓаните.

Скопје | пред 1 месец

Ѓорѓиевски: Болката од Холокаустот сè уште живее во сеќавањето на градот

Денес со тешко срце се сеќаваме на нашите 7.144 сограѓани македонски Евреи, кои на овој ден беа насилно одземени од своите домови, од своите семејства и од своето Скопје, испратени кон сигурна смрт во логорот Треблинка, вели градоначалникот на Скопје, Орце Ѓорѓиевски.„Ова е болка што сè уште живее во сеќавањето на нашиот град.Тие беа наши соседи, пријатели, еснафи - луѓе што со својата работа, култура и дух го градеа животот на Скопје.Еден ден исчезнаа, а зад нив остана тишина што трае со децении. Трагедијата на Холокаустот е вечна опомена за човештвото и доказ колку ниско може да падне човекот кога омразата ќе стане идеологија, а злото политика.Затоа нашата должност е да паметиме.Да ја чуваме вистината.И никогаш да не дозволиме темнината повторно да се врати.Скопје никогаш нема да ги заборави своите сограѓани.Нека е вечен споменот на жртвите“, додава Ѓорѓиевски.

Скопје | пред 1 месец

Договорот е потпишан: Скопје ќе гради две катни гаражи кај Клиничкиот центар, инвестиција од 3 милиони евра

Градоначалникот на Скопје, Орце Ѓорѓиевски, информира дека е потпишан договор за закуп со што започнува реализацијата на проектот за изградба на две катни гаражи во Клиничкиот центар „Мајка Тереза“.Ѓорѓиевски соопшти дека договорот го потпишал заедно со министерот за здравство Азир Алиу, а проектот има за цел да го реши долгогодишниот проблем со паркирањето во клиничкиот комплекс.Според најавите, двете катни гаражи ќе имаат капацитет од околу 500 паркинг места, а инвестицијата е проценета на околу три милиони евра.„Со изградбата на две нови катни гаражи конечно ќе ставиме крај на долгогодишната голгота со која секојдневно се соочуваат пациентите, нивните семејства, но и здравствените работници“, изјави Ѓорѓиевски.Тој додаде дека проектот ќе придонесе за подобра организација на сообраќајот во Клиничкиот центар, непречен пристап за возилата на итната медицинска помош и поголема безбедност за сите учесници во сообраќајот.Градоначалникот нагласи дека Град Скопје ќе биде институцијата која ќе ги проектира, ќе ги изведува и ќе управува со катните гаражи, со што, како што рече, ќе се избегне зголемување на цените на паркингот доколку управувањето би било препуштено на приватни компании.Во рамки на проектот, најавено е и воведување на дигитално зонско паркирање во градот, со мобилна апликација преку која граѓаните ќе можат во реално време да проверуваат каде има слободни паркинг места.Ѓорѓиевски најави дека по ребалансот на градскиот буџет, кој се очекува следната недела, ќе биде распишана тендерската постапка, по што ќе започнат и градежните активности.Проектот, како што посочи, се реализира во координација со Владата и со поддршка од премиерот Христијан Мицкоски.

Скопје | пред 1 месец

Подземна со шест ленти и нови кружни текови во центарот на Скопје

Градоначалникот на Скопје, Орце Ѓорѓиевски, заедно со премиерот Христијан Мицкоски, извршиле увид во градежните активности на булеварот „Македонија“, проект со кој, како што истакна, главниот град ја добива својата прва подземна сообраќајница.Според информациите од Град Скопје, работите се одвиваат со засилена динамика, а на терен се ангажирани десетици камиони и градежни машини, вклучително и во вечерните часови, кога сообраќајот е намален. Ѓорѓиевски најави дека ваквата практика ќе продолжи и во наредниот период.Проектот, кој со години беше во застој, добива нова временска рамка и динамика на реализација. Иако третата фаза – подземната сообраќајница – е веќе изградена, нејзиното целосно ставање во функција е условено со реализација на сите останати фази.Првата фаза започна пред неколку недели и опфаќа реконструкција и рехабилитација на постојниот коловоз, како и проширување на одделни коловозни ленти со цел подобрување на проточноста на сообраќајот. Зафатите ги опфаќаат булеварот „Борис Трајковски“ кај Рампа, улиците „11 Октомври“ и „Пролет“, како и крак од булеварот „Македонија“ до приклучокот со „Борис Трајковски“.Предвидено е и проширување на улицата „Пролет“ од полициската станица „Пролет“ до Тутунскиот комбинат со дополнителна коловозна лента. На овој потег ќе се уредува раскрсница со два острови во форма на триаголник и три во форма на солза, со цел зголемување на безбедноста.На делницата од улицата „Пролет“ кон Лимак, како и од Лимак кон булеварот „Борис Трајковски“, ќе се воведе еднонасочен режим на сообраќај, додека на раскрсницата меѓу „Борис Трајковски“ и „11 Октомври“ ќе бидат поставени нови семафори.Во наредните фази се предвидува изградба на кружен тек кај „Нова Македонија“, како и уште два кружни текови на потегот меѓу булеварот „Кочо Рацин“ и улицата „Јордан Мијалков“, како и проширување на булеварот „Св. Кирил и Методиј“.Паралелно со коловозната инфраструктура се изведува и атмосферска канализација, со поставување повеќе од 60 шахти и сливници.Подземната сообраќајница ќе има шест ленти – четири за двонасочен автомобилски сообраќај и две наменети за јавен превоз, како и пешачки патеки. Од Градот очекуваат со пуштањето во употреба да се намали метежот во централното градско подрачје и да се подобри протокот и безбедноста на сообраќајот.„Скопјани заслужуваат модерен град“, порача Ѓорѓиевски, додавајќи дека проектот претставува ново поглавје во развојот на главниот град.

Скопје | пред 2 месеци

Ѓорѓиевски: Екипите целосно мобилизирани поради паднати дрвја во Скопје

Во Скопје, поради засилениот ветер и неповолните временски услови, на повеќе локации низ градот беа регистрирани паднати и оштетени дрвја, а градоначалникот Орце Ѓорѓиевски информира дека екипите се веќе на терен.„Екипите се на терен, реагираме навремено и координираноПоради засилениот ветер и неповолните временски услови, на повеќе локации низ градот беа регистрирани паднати и оштетени дрвја. Нашите служби веднаш излегоа на терен и постапуваат со целосна мобилизација, со цел отстранување на опасностите и обезбедување безбедно движење за граѓаните.Се сечат и расчистуваат паднатите дрвја, се отстрануваат скршените гранки и се нормализира сообраќајот таму каде што имаше застој.Приоритет ни е безбедноста на граѓаните и непреченото функционирање на градот.Апелирам до сите на зголемена внимателност додека траат активностите на терен. Продолжуваме посветено и одговорн“, вели градоначалникот Орце Ѓорѓиевски.

Скопје | пред 2 месеци

Орце Ѓорѓиевски ги објави новите директори на скопските јавни претпријатија

Градоначалникот на Скопје, Орце Ѓорѓиевски, вечерва во гостување во емисијата „Само интервју“ на Канал 5 ги соопшти имињата на новите вршители на должноста директори во четири јавни претпријатија: „Улици и патишта“, „Водовод и канализација“, ЈСП „Скопје“ и „Комунална хигиена“.На чело на „Улици и патишта“ се враќа Борис Настов, кој ја извршуваше истата функција во почетокот на мандатот на поранешната градоначалничка Данела Арсовска. Ѓорѓиевски рече дека Настов моментално е заменик-директор во ЈП за државни патишта и го оцени како „човек што најдобро ја разбира проблематиката“.За „Водовод и канализација“, нов в.д. директор ќе биде Иван Митровски, поранешен заменик-градоначалник на Кисела Вода и кадар со искуство во банкарскиот сектор.Во „Комунална хигиена“, на местото директор е назначен Драги (без наведено презиме), лице со долгогодишно искуство во комуналниот сектор на Град Скопје. Ѓорѓиевски посочи дека токму тој се покажал „исклучително добро“ во последната акција за чистење на градот, додавајќи дека не е партиски експониран кадар.Во ЈСП „Скопје“, пак, функцијата в.д. директор ја презема Саше (без наведено презиме), долготраен вработен во претпријатието со богато искуство во јавниот превоз.„Некои од нив, за своето назначување, ќе дознаат токму преку оваа емисија,“ рече Ѓорѓиевски, додавајќи дека очекува да бидат „добри соработници во процесот на обновување на градот“.На новинарско прашање дали ќе го врати поранешниот директор на Зоолошката градина, Ѓорѓи Галетановски, градоначалникот одговори дека тој моментално е советник во Советот на Град Скопје, но дека ќе може да помогне со совети и идеи.„Ќе дадам сè од себе одлуките во Советот да се носат со поддршка од сите советнички групи. Ќе соработувам со сите избрани од граѓаните,“ изјави Ѓорѓиевски.Потврди дека Мишко Ралев, заедно со Огнен Марина, Горан Мијовски, Славе Трпевски и Аљоша Шопар, ќе биде дел од урбанистичкиот тим што ќе работи на нови планови и политики за градот.Ѓорѓиевски категорично ги негираше шпекулациите дека ќе ги приватизира јавните претпријатија, нагласувајќи дека приоритет му е нивно јакнење и финансиска самоодржливост.„Сметките за граѓаните нема да се зголемат. Така сум ветил во кампањата,“ порача градоначалникот.

Скопје | пред 5 месеци

(Видео) На депонија со метан да никне парк: Ѓорѓиевски раскажа за планот и уверува „Ќе шетам таму со моето дете“

Кандидатот за градоначалник на Скопје и актуелен градоначалник на Кисела Вода, Орце Ѓорѓиевски, во гостувањето во „Претрес со Ландов“ зборуваше за својата идеја на местото на депонијата Вардариште да изгради голем парк, кој, како што рече, ќе стане „новите бели дробови на Скопје“.„Откако ќе го направам паркот, да, јас ќе застанам таму лично со моето дете. Ќе отидеме и нема да ми смета почесто за викенди да одам таму“, изјави Ѓорѓиевски.Тој објасни дека првиот чекор е целосно одгаснување на депонијата, за што веќе бил во контакт со специјализирани странски компании, бидејќи во Македонија такви нема.„Прво треба Вардариште да се одгаси. Има метан таму. Но, одгасувањето не го попречува процесот да се започне со деконтаминација на просторот, односно чистење на депонијата“, рече тој.„Кога ќе влезам во градот Скопје, првите неколку дена ќе започнам со соодветен третман на Вардариште. Потоа ќе следи повеќеслојно поставување земја, а најгоре ќе биде хумус. Садиме трева“, додаде Ѓорѓиевски, притоа нагласувајќи дека претоварната станица не претставува пречка.„Триста илјади квадрати површина од која што се труделе и јас, и ти, и нашите родители. Одговорно тврдам дека на Вардариште ќе никне нов парк – новите бели дробови на Скопје“, истакна кандидатот.На прашањето од новинарот Ландов дали би ја повлекол идејата и извинил на граѓаните доколку експертите проценат дека теренот останува опасен за деца и рекреација, Ѓорѓиевски одговори:„Откако ќе исчистам депонијата? Да. Но не постои простор да не биде така. Јас ќе го завршам. Не сум спремен после мојот четиригодишен мандат граѓаните пак да се гушат со тоа што се случуваше на Вардариште повеќе од триесет години. Не може цело време да одбегнуваме од проблемот.“

Скопје | пред 7 месеци

Ѓорѓиевски од терен: Во овој момент сведочиме на ужас кој не смее да се повтори

Градоначалникот на Општина Кисела Вода и кандидат за градоначалник на Скопје, Орце Ѓорѓиевски, соопшти дека заедно со своите колеги е на терен од почетокот на големиот пожар што ја зафати околината на главниот град.„Во овој момент сведочиме на ужас кој не смее да се повтори, огромен пожар ја уништува животната средина и директно го загрозува здравјето на скопјани. Од самиот почеток, заедно со моите колеги Бобан и Дејан сме на терен и даваме сѐ од себе за да го ставиме под контрола овој разбеснет оган“, напиша Ѓорѓиевски на социјалните мрежи.Тој информира дека ангажирале општествено одговорни компании кои со машинерија и песок помагаат во затрупувањето, а во акцијата учествуваат и екипи на Противпожарната служба од Скопје и на Министерството за внатрешни работи. „Се користат сите расположливи сили за ставање под контрола на оваа катастрофа“, додаде тој.Ѓорѓиевски порача дека пожарот е „злосторство против народот и здравјето на луѓето“ и апелираше до институциите да постапат итно и безмилосно. „Скопје и неговите граѓани не смеат да се гушат во чад и отров. Ние остануваме на терен со луѓето сѐ додека пожарот целосно не биде изгаснат“, истакна тој.

Скопје | пред 7 месеци

Ѓорѓиевски: Пожарите околу Скопје се подметнати за создавање вештачка криза

Кандидатот за градоначалник на Скопје од ВМРО-ДПМНЕ, Орце Ѓорѓиевски, остро реагираше поради честите пожари на депониите околу главниот град. Тој ја изрази својата загриженост за здравјето на граѓаните и побара институциите итно да постапат.„Го повикувам Министерството за внатрешни работи и Јавното обвинителство да ги превземат сите неопходни мерки за откривање на сите кои се замешани во свесното и намерно потпалување на сите депонии околу главниот град. И ги повикувам да постапат брзо. Институциите треба и мора да делуваат, а здравјето на граѓаните да биде заштитено,“ изјави Ѓорѓиевски.Тој истакна дека постојат основани сомнежи дека пожарите се подметнати со цел создавање на вештачка криза во пресрет на локалните избори. „Никогаш во последните неколку децении не ни се случувало ова, да се палат ридови и сите ѓубришта во радиус од 20 километри околу главниот град. Овие пожари се со цел да се предизвикаат политички пожари. За жал, граѓаните и ние скопјани сме жртви,“ додаде тој.Ѓорѓиевски најави дека негов приоритет по изборите ќе биде воспоставување на систем кој ќе обезбеди чисто и безбедно Скопје, без пожари и загадени депонии. „Имам План за чисто и здраво Скопје. Имаме комунални претпријатија со илјадници вработени, а немаме кој да се грижи за комуналниот ред. На овој напад против животната средина и против здравјето на граѓаните мора да му се стави крај,“ порача кандидатот на ВМРО-ДПМНЕ.

Скопје | пред 7 месеци

Ѓорѓиевски со културните работници: „Скопје мора да добие ново лице во културниот живот“

Кандидатот за градоначалник на Скопје од ВМРО-ДПМНЕ, Орце Ѓорѓиевски, оствари средба со културни работници, професори од Драмската и Музичката академија, претставници од Друштвото на ликовни уметници, Националниот џез оркестар, директорот на МНТ, филмски автори, МКЦ и независната културна сцена.„Разговаравме за иднината на културниот развој на Скопје, за поддршката на уметниците, зачувувањето на културното наследство, отворањето на нови простори за културна експресија, како и за соработката со младите таленти и независната сцена, но и со докажаните автори и институции“, изјави Ѓорѓиевски, кој на средбата беше придружуван од својот советник за култура, Лазе Трипков.Тој нагласи дека Скопје е „град на слоеви – град на историја, уметност и визии“ и додаде дека ваквите средби претставуваат мост помеѓу институциите и културните работници, преку кои се создаваат заеднички стратегии и проекти.„Сите идеи и иницијативи што денес ги слушнавме ќе бидат интегрирани во новите културни политики на Град Скопје“, порача Ѓорѓиевски.

Скопје | пред 7 месеци

Ѓорѓиевски: За прв пат во историјата се градат толку многу училишта, градинки и спортски објекти

На Саемот-Отчет под мотото „4 години работа за тебе“, претседателот на ЗЕЛС и градоначалник на Кисела Вода, Орце Ѓорѓиевски, истакна дека државата прв пат сведочи на масовна реализација на капитални инвестиции во сите општини, без поделби и селективност.На панел-дискусијата „600 милиони евра за развој и локален прогрес“ тој нагласи дека со години постоела подготвена техничка документација за проекти, но поради недостаток на финансии тие не се реализирале. Според него, промената дошла со новата власт, кога започнало инвестирање во сите општини подеднакво.„За прв пат во историјата на Република Македонија, 30 години наназад, инвестициите стигнуваат до секое населено место. Наеднаш се градат училишта, градинки, спортски објекти и патна инфраструктура како никогаш досега“, изјави Ѓорѓиевски.Тој додаде дека секој градоначалник ги насочува средствата според потребите на својата општина, што овозможува рамномерен развој на локално ниво.„Овој проект недостасуваше повеќе од три децении. Се надевам дека ќе продолжи и понатаму, за сериозно да ја градиме и менуваме Македонија како што тоа го правиме во моментов“, порача Ѓорѓиевски.

Скопје | пред 7 месеци

Ѓорѓиевски: Обезбедивме 70 километри патна инфраструктура, изградивме над 20 спортски терени и обезбедивме градинки за згрижување на сите дечиња во Кисела Вода

На денешниот настан, Саем-Отчет под мотото „4 години работа за тебе“ свое обраќање на панел дискусијата имаше градоначалникот на Кисела Вода и кандидатот за градоначалник на Град Скопје, Орце Ѓорѓиевски, кој образложи што е направено изминатите 4 години за општината односно ги истакна клучните проекти кои се направени изминатиот период како вложувањето во патната инфраструктура, изградба на градинки, инвестирање во образованието со изградба на основни училишта и спортски терени, притоа истакнувајќи дека сето тоа искуство ќе го пренесе и за градот Скопје.„Во минатото имавме еден затворен однос од институциите, ниту пак некој ни подаде рака различна е состојбата од кога се направија промени на централно ниво, откако претседателот Христијан Мицкоски е на чело на Владата на Република Македонија. Еден од најгорливите проблеми за нашето население во Кисела Вода, особено за младите брачни парови, беше недостатокот на места во градинките, ние ја наследивме општината со над 450 дечиња на листите на чекање. Во финална фаза ни е градинката во Потстаница, се потрудивме во изминатиот период да во секое населено место да обезбедиме објект во којшто ќе бидат згрижувани дечињата и практично листите од 450 ги сведовме на нула, што е сериозен прогрес. Што се однесува до основното образовани и инвестициите таму, во моментот сме во фаза на доградба на две основни училишта, каде што нашата интенција води кон тоа и од аспект по практично да биде за родителите но и од аспект на заштеди на институциите, особено за општината и основните училишта , да воведеме едносменско работење на сите основни училишта“, вели Ѓорѓиевскки.Ѓорѓиевски истакна дека се изградени многу спортски терени и дека е направена модерна, современа патна инфраструктура како и дека е решен проблемот со дивеењето урбаната мафија во Расадник, со тоа што се поништени 99 маркици за градба.„Повеќе од 20 спортски терени се изградени изминативе 4 години во општина Кисела Вода, во моментов се градат три нови спортски сали и четири се целосно реконструирани. 70 километри патна инфраструктура имаме за четири години во Кисела Вода, создадовме модерна современа патна инфраструктура и сите населени места бидат обезбедени со подземна инфраструктура, тоа подразбира водоводна и одводна мрежа. Она што претставуваше горлив проблем во минатото беше и дивеењето на урбаната мафија, јас бев еден од ретките кој што спроведе Меѓународен конкурс за идејно решение за деталниот урбанистички план во Расадник и поништивме 99 маркици за градба таму“, рече Ѓорѓиевски.

Скопје | пред 7 месеци

Како Ѓорѓиевски би го решил проблемот со уличните кучиња

Кандидатот за градоначалник на Скопје од ВМРО-ДПМНЕ, Орце Ѓорѓиевски, информира дека имал средба со претставници на Здружението за заштита на животни „Анима Мунди“, новинарката Мери Јордановска, Ирена Ристиќ и волонтери од градот.На средбата се разговарало за хумано решавање на проблемот со бездомните животни, што, како што истакна Ѓорѓиевски, е прашање од заедничка одговорност кое директно ја засега и безбедноста на граѓаните.„Преку вистински политики и искрена волја можеме да изградиме град во кој животните нема да бидат заборавени, туку згрижени и заштитени. Заслужуваме град каде што целосно ќе биде решено ова хуманитарно, здравствено, безбедносно и економско прашање“, порача Ѓорѓиевски.Меѓу идеите што беа разменети се подобрување на условите во прифатилиштата, чипирање и стерилизација за контрола на популацијата, поттикнување на вдомувањето и едукација на граѓаните за одговорно сопствеништво.„Верувам дека заедно можеме да создадеме Скопје кое ќе биде пример за хуманост, град во кој граѓаните ќе се чувствуваат безбедно, а секое куче ќе има право на достоинствен живот,“ додаде кандидатот за градоначалник.

Скопје | пред 8 месеци

Ѓорѓиевски: Владата предводена од ВМРО-ДПМНЕ со конкретни мерки и финансиска поддршка е партнер на општините во Македонија

„Она што Владата го вети, а се однесува за реалокација на средства, односно средства коишто ќе завршат во општините за реализација на капитални проекти тоа аполутно се реализира насекаде“, прецизираше во своето излагање градоначалник на Општина Кисела Вода, Орце Ѓорѓиевски на вчерашното гостување во дебатната емисија „24 анализа“ на 24ТВ.Ѓорѓиевски истакна дека во рамки на јавниот повик за финансирање за реализација на капитални проекти тоа апсолутно се реализира во сите општини. Тој додаде дека од првиот повик веќе во општина Кисела Вода има 3 проекти кои се во напредна фаза на реализација.„Од првиот повик јас имам 3 проекти коишто ми се во напредна фаза на реализација, и како што се завршуваат ситуациите така и навремено се исплаќаат. Ние по завршна ситуација добиваме веднаш во истиот момент средства од Владата и нема никаков застој. Во Кисела Вода од првиот повик градиме доградба на основно училиште“, истакна Ѓорѓиевски.Ѓорѓиевски е дециден дека опозицијата постојано бара начин како да го дискредитира целиот процес кој е поврзан со реализација на проектите, но реалноста и фактите го говорат спротивното. Тој подвлече дека во секоја фаза на реализација на проектот се вршат исплати.„Опозицијата содаваше балон во јавноста дека нема средства и проекти да се потпишуваат со општините, се потпишаа договорите. Подоцна се бараше начин како да се дискредитира целиот процес па се отиде кон тоа многу често поставувано прашање да биде дека фирми нема да има кои ќе одговорат на реализација на проектите, сега се оди кон тезата дека не се пуштени средствата. Не се пуштени средствата затоа што не се завршени проектите, односно во секоја фаза на реализација на проектот по завршена ситуација се вршат исплатите“, категоричен е Ѓорѓиевски.

Скопје | пред 11 месец