ИРАН

Контрадикторни информации за состојбата на новиот ирански врховен лидер

Новиот ирански врховен лидер Мојтаба Хаменеј наводно е повреден за време на американско-израелските воздушни напади врз Техеран на 28 февруари, објави Си-Ен-Ен повикувајќи се на извор запознаен со ситуацијата.Според тие информации, Хаменеј има скршеница на стапалото, модринка околу левото око и полесни повреди на лицето.Иранскиот амбасадор на Кипар, Алиреза Саларијан, изјави за „Гардијан“ дека новиот врховен лидер бил повреден во нападот во кој загинале шест членови на неговото семејство, меѓу кои и неговиот татко, ајатолахот Али Хаменеј. Тој наведе дека Хаменеј најверојатно се наоѓа во болница и поради повредите не може да се појави во јавноста.Во меѓувреме се појавуваат различни информации за неговата здравствена состојба. Дел од иранските претставници тврдат дека повредите се полесни и дека Хаменеј продолжува да ги извршува своите должности, додека други извори наведуваат дека тој закрепнува по нападот.Хаменеј досега не се појави во јавноста откако ја презеде функцијата врховен лидер по смртта на неговиот татко.

Свет | пред 2 седмици

(Видео) Иран погоди складиште за нафта во Оман

Складишта за нафта се погодени во оманското пристаниште Салала, соопшти британската компанија за поморска безбедност „Амбри“.Според информациите, беспилотни летала погодиле резервоари со гориво во пристаништето, пренесе оманската државна телевизија.Од „Амбри“ наведуваат дека засега нема информации за оштетени трговски бродови.Нападот доаѓа во време кога Иран продолжува да таргетира енергетска инфраструктура во регионот на Персискиот Залив, како одговор на нападите на САД и Израел врз иранска територија.

Свет | пред 2 седмици

Мојтаба Хамнеи, повреден во нападот во кој загинаа шест членови на неговото семејство, потврди иранскиот амбасадор во Кипар

Новиот врховен лидер на Иран, Мојтаба Хамнеи, беше повреден во нападот на 28 февруари во кој загинаа шест членови на неговото семејство, вклучувајќи го и неговиот татко, потврди амбасадорот на Техеран во Кипар.Во интервју спроведено во комплексот на неговата амбасада во Никозија, Алиреза Саларијан ги објасни околностите во кои беше повреден 56-годишниот Хамнеи, велејќи дека имал среќа што го преживеал нападот, кој ја срамнил со земја резиденцијата на покојниот ајатолах.„Тој исто така беше таму и беше повреден во тој бомбашки напад, но не видов дека тоа се гледа во странските вести“, изјави тој за „Гардијан“. „Слушнав дека е повреден во нозете, раката… Мислам дека е во болница затоа што е повреден“.Објаснувајќи зошто свештеникот не се појавил јавно ниту дал никакви изјави откако го наследил својот татко во неделата, тој додаде: „Не мислам дека му е удобно [во која било состојба] да одржи говор“.Нападот се случи на денот на почетокот на воздушните напади предводени од САД против Иран, кога беше цел на пространиот претседателски комплекс во срцето на Техеран. Беше 10-ти ден од светиот месец Рамазан, рече амбасадорот, а ајатолахот Али Хамнеи беше во својата резиденција со неколку членови на неговото семејство, вклучувајќи ја сопругата на Мојтаба, Захра, и неговиот син тинејџер, Мохамед Багер, кои исто така беа убиени во нападот.Извештаите на иранските медиуми сугерираа дека сопругата на Али Хамнеи, Мансур, починала три дена по воздушниот напад.„[Покојниот] врховен лидер беше убиен со својата сопруга, со својата ќерка, со својот зет и со 14-месечното бебе на неговата ќерка“, рече Саларијан, кој беше во Иран кога започна офанзивата предводена од САД. „Тие беа во нивната куќа во близина на претседателската канцеларија. Врвните команданти беа исто така убиени бидејќи и тие беа поканети. Врховниот лидер имаше четири сина и две ќерки и всушност живееше на истото место каде што работеше“.Во среда Јусеф Пезешкијан, врвен владин советник и син на иранскиот претседател, рече дека Мојтаба Хамнеи е ранет, но не објасни како. Во објава на својот Телеграм канал, тој напиша: „Слушнав вест дека г-дин Мојтаба Хамнеи е повреден. Прашав некои пријатели кои имаат врски. Тие ми кажаа дека, фала му на Бога, тој е здрав и жив“. Ирански функционер во средата изјави за Ројтерс дека Хамнеи е „лесно повреден“.Порано оваа недела, иранската државна телевизија го опиша новиот лидер на режимот како „ранет ветеран од рамазанската војна“, но не ги прецизираше неговите повреди.Американскиот претседател, Доналд Трамп, го нарече изборот на Мојтаба Хамнеи од страна на 88-члениот комитет на свештеници „неприфатлив избор“, додавајќи: „Тој нема да трае долго“.Израел предупреди дека нема да се двоуми да го убие шиитскиот свештеник, за кој се смета дека е тврдокорен како и неговиот татко, кој ја држеше функцијата 37 години по Исламската револуција.Саларијан изјави за Гардијан дека покојниот ајатолах „не сакал неговиот син“ да го замени. „Високи свештеници го прашаа, но покојниот врховен водач рече „не“ затоа што не сакаше династички систем. Тој беше избран. [По нападот] високо рангираните свештеници рекоа: „Ова е твоја работа; мора да се покориш“.Западните разузнавачки служби веруваат дека новиот водач намерно се држи подалеку од очите на јавноста од страв од обид за атентат. „Не знам дали тој [новиот водач] е загрижен или не, но знаеме дека САД, а особено Израел, ќе го таргетираат“, рече амбасадорот.

Свет | пред 2 седмици

Реза Пахлави со апел до Иранците: „Останете дома“

Синот на последниот ирански шах, Реза Пахлави, денес ги повика Иранците да „ги напуштат улиците“ и заради сопствената безбедност да останат дома.Почитувани сограѓани, влегуваме во критична фаза на нашата завршна борба. Ве молам што побрзо да се снабдите со најважните работи, заради сопствената безбедност, да ги напуштите улиците и да останете дома“, напиша тој на платформата Икс.Тој им порача и да продолжат со штрајкот и да не се појавуваат на работа за да ја покажат својата солидарност, како и да продолжат силно да скандираат ноќе за да го демонстрираат своето единство. На воените и безбедносните сили им порача дека ова е нивната „последна шанса да се одделат од репресивните сили и да се приклучат на народот“.Претходно денес, шефот на полицијата на Иран, Ахмад Реза Радан, ги предупреди граѓаните да не излегуваат на улиците на протести поради промена на режимот, истакнувајќи дека лицата кои учествуваат во протестите ќе бидат третирани како непријатели на државата.Веќе нема да го сметаме за демонстрант оној кој ќе излезе на улиците по барање на непријателот. Ќе го сметаме за непријател, а не за демонстрант, и така ќе го третираеме“, рече Радан на државната телевизија, пренесува Ројтерс.Израелскиот премиер Бенјамин Нетанјаху претходно ги повика Иранците да востанат против раководството на земјата, додека траат американско-израелските напади врз Иран.Американскиот претседател Доналд Трамп повеќепати претходно ги повикувал Иранците да го соборат раководството во Техеран, но исто така ги повика да не излегуваат на улиците, во време на тековните американско-израелски напади.

Свет | пред 2 седмици

Владата организира нов лет за евакуација на македонски граѓани од Бахреин, Кувајт и Саудиска Арабија

Во тек е организирање на нов лет за евакуација на македонски граѓани од Бахреин, Кувајт и Саудиска Арабија. Авионот е предвидено да полета од Ријад, главниот град на Саудиска Арабија, а поради тоа што не постои директен воздушен договор со арапските власти, слетувањето ќе биде на аеродромот во Приштина, од каде патниците со автобуси ќе бидат пренесени до Скопје.До овој момент се пријавени вкупно 153 патници кои ќе полетаат од Riyadh – King Khaled International Airport. Од нив, 9 се од Саудиска Арабија, 15 од Бахреин, 96 од Катар и 33 од Кувајт. Напоменуваме дека целата организација на летовите, вклучително и сите поврзани трошоци, е покриена од страна на Владата преку Министерството за надворешни работи и надворешна трговија“, информираат од МНР.Министерот за надворешни работи и надворешна трговија Тимчо Муцунски претходно изјави дека евакуацијата на македонските државјани од повеќе земји во регионот се спроведува координирано и дека се очекува процесот да заврши до крајот на неделата.Вчера на Меѓународниот аеродром Скопје пристигна втората група македонски граѓани кои безбедно полетаа од Дубаи и ја напуштија територијата на Обединетите Арапски Емирати.Станува збор за вкупно 150 патници, од кои 125 македонски државјани, 7 државјани на Србија, 11 државјани на Косово, 2 државјани на Босна и Херцеговина, 2 државјани на Албанија, 1 државјанин на Германија, 1 државјанин на Ерменија и 1 државјанин на Црна Гора.Според податоците на Министерството, во Обединетите Арапски Емирати во моментов се наоѓаат околу 200 македонски државјани, но тие засега не побарале евакуација.

Македонија | пред 2 седмици

Трамп одобри – Иран може да учествува на Мундијалот во САД

Џани Инфантино, претседател на ФИФА, изјави дека Доналд Трамп,потврдил дека репрезентацијата на Иран е добредојдена да учествува на Светското првенство 2026, и покрај тековните тензии.Инфантино рече дека се сретнал со Трамп и дека за време на разговорот станало збор за учеството на Иран на турнирот кој ќе се одржи во Соединетите Американски Држави, Канада и Мексико, пренесува белгискиот „Политико“.Според неговите зборови, Трамп истакнал дека иранскиот тим „секако е добредојден“ да се натпреварува.Иран веќе се квалификувал за Светското првенство 2026 и се очекува да одигра три натпревари од групната фаза помеѓу Лос Анџелес и Сијетл, но неговото учество во последните недели беше доведено во прашање поради ескалацијата на конфликтот меѓу САД и Иран.Инфантино порача дека светот има потреба од настан како Светското првенство, кој може да ги обедини луѓето, и му се заблагодари на претседателот на САД за поддршката.Иран треба да игра во Група Г со Белгија, Египет и Нов Зеланд.

Спорт | пред 2 седмици

Хутите испратија порака до Иран: „Ќе ја уништите славата на Америка“

Портпаролот на јеменските Хути, Јахја Саре, се огласи поради конфликтот меѓу Израел и САД со Иран и испрати порака до народот и раководството на Иран дека не смеат да прифатат услови кои ги нуди Вашингтон.Јахја Саре истакна дека е важно Иран да остане обединет.Разберете ја важноста на вашето единство и интегритет. Вашите непријатели се обединети во своето непријателство кон Иран. Сочете се со американските барања и не ја губете вашата слобода и независност поради ционистичкиот режим. Ќе ја уништите славата на Америка“, рече тој.Тој нагласи дека ветувањата на непријателите се само привид.Тие не размислуваат за ништо друго освен за уништување на Иран. Единствениот начин да ги победите е продолжување на џихадот, отпорот и конфликтите со трпение и истрајност на Божјиот пат“, порача портпаролот на јеменското движење.Саре имаше порака и за младите во Иран. Тој истакна дека еден од клучните фактори за победата на иранската нација, од Исламската револуција до денес, била приврзаноста на народот кон верното, храброто и мудро раководство.Им препорачувам на иранската младина да ја чита историјата на Иран. Сè што се случило пред револуцијата и настаните по револуцијата, како и сите нејзини успеси, истражувајте ги во сите области и знајте дека ветувањата кои ги дава непријателот се само фантазија и измама. Во текот на сите овие четириесет и пет години, тие не размислувале за ништо друго освен за непријателство и уништување на вас“, рече тој.

Свет | пред 2 седмици

Зеленски: Ако никој не ja запре војната на Блискиот исток, може да се претвори во светска војна

Ако конфликтот на Блискиот исток наскоро не се запре, тој би можел да прерасне во светска војна, изјави денеска украинскиот претседател Володимир Зеленски.Ако никој брзо не ja запре војната на Блискиот исток, таа може да трае многу долго и да се претвори во светска војна“, рече Зеленски, пренесува Укринформ.Тој оцени дека светот е многу близу до нова светска војна.Многу сме блиску. Не гледам како операцијата во Иран може да биде брза. Гледам повеќе глобални предизвици. Ако војната не се запре до есен, ќе трае долго“, додаде Зеленски.Украинскиот претседател исто така нагласи дека Русија подоцна би можела да испрати свои единици за помош на Иран.Технички, светот не е подготвен за ова. Европа не е подготвена, освен поединечни земји. Германците се многу брзи, но тоа не е доволно. Нема доволно време да се подготвиме за такви предизвици оваа година“, заклучи Зеленски.

Свет | пред 2 седмици

Арагчи: Целосно уништување, уплашени лидери и одбрана во хаос, а ние штотуку започнавме

Иранскиот министер за надворешни работи, Абас Арагчи, се огласи поради одлуката на Израел да го забрани снимањето на безбедносните локации и преносите во живо додека важи предупредување за напади.Арагчи рече дека израелскиот премиер Бенјамин Нетанјаху не сака да се види „како моќните вооружени сили на Иран го казнуваат Израел за неговата агресија“.А еве што пријавуваат нашите мажи и жени на теренот: целосно уништување предизвикано со нашите проектили, уплашени лидери и противвоздушната одбрана во хаос. А ние штотуку започнавме“, напиша Арагчи на платформата X, пренесувајќи текст од Франс 24 кој наведува дека израелската армија забранила преноси во живо додека траат предупредувањата за воздушни напади од Иран со ракети или дронови.Во објавата што ја пренел Арагчи, Франс 24 наведува дека снимките на израелската противвоздушна одбрана која пресретнува ирански проектили биле вообичаени на почетокот на војната, од 28 февруари, како и за дванаесетдневната војна во јуни минатата година.Арагчи исто така упати порака до Американците, нагласувајќи дека тврдењето оти Иран имал намера да ги нападне САД или американските сили е „чиста и очигледна лага“.Единствената цел на оваа лага е да се оправда ‘Операцијата Голема грешка’, опасна авантура што ја смисли Израел, а ја платија обичните Американци“, рече Арагчи.

Свет | пред 2 седмици

Њујорк тајмс за Мојтаба Хамнеи: Жив е, но е ранет

Три дена откако беше прогласен за нов врховен водач на Иран, Мојтаба Хамнеи сè уште не се појавил во јавноста, ниту објавил каква било писмена или видео порака.Причините за тоа би можеле да бидат безбедносни, но и здравствени.Како што наведува „Њујорк тајмс“, повикувајќи се на три ирански официјални лица кои зборувале под услов на анонимност поради чувствителноста на темата, постои страв дека секоја јавна комуникација би можела да ја открие неговата локација и така да го доведе во опасност.Но, според истите извори, постои и друга причина за неговото отсуство од јавноста.Хамнеи (56) наводно бил повреден уште првиот ден од нападите што врз Иран ги извршија Израел и Соединетите Американски Држави.Ирански официјални лица тврдат дека во текот на последните два дена од повисоки членови на власта добиле информации дека Моjтаба Хамнеи се здобил со повреди, вклучително и повреди на нозете.Сепак, наводно е при свест и се наоѓа на многу безбедна локација, со ограничена комуникација со остатокот од светот.Според пишувањето на њујоршкиот весник, и двајца израелски воени официјални лица изјавиле дека собраните разузнавачки информации го навеле израелскиот одбранбен систем на заклучок дека Хамнеи се здобил со повреди на нозете во нападот на 28 февруари.До тој заклучок дошле дури и пред во неделата официјално да биде избран за нов врховен водач на Иран.Целосните околности и тежината на неговите повреди не се познати.Хамнеи дојде на чело на Иран по смртта на неговиот татко, Али Хамнеи, долгогодишниот врховен водач на земјата.Тој загина на 28 февруари во израелски воздушен напад врз комплексот на државното раководство во центарот на Техеран.Во истиот напад загинале и членови на неговото најтесно семејство, како и неколку високи ирански одбранбени официјални лица.Поради недостигот од официјални изјави и јавни настапи на новиот врховен водач, во Иран и во меѓународната заедница расте неизвесноста.Останува нејасно кога Моjтаба Хамнеи би можел првпат јавно да настапи и да го потврди своето водство во еден од најчувствителните моменти за земјата во последните децении.

Свет | пред 2 седмици

Израел повторно го напаѓа Техеран: започнат втор бран удари

Израел започна втор бран напади врз Техеран во текот на денот, соопшти израелската војска.Претходно во првиот бран биле нападнати Техеран и градот Табриз, при што, според израелската армија, биле погодени „централни командни локации каде се наоѓале оперативци на иранскиот режим“.Во нападите бил погоден и воен објект, како и голем комплекс во Табриз кој припаѓа на иранската паравоена организација Басиж.

Свет | пред 2 седмици

Џо Роган го нападна Трамп: Ветуваше крај на војните, а сега имаме нова

Познатиот подкастер Џо Роган остро го критикуваше американскиот претседател Доналд Трамп поради војната со Иран, оценувајќи дека многу од неговите поддржувачи се чувствуваат изневерени.Во најновата епизода од својот подкаст, Роган изјави дека конфликтот е „лудост“, потсетувајќи дека Трамп за време на кампањата ветувал крај на „бесмислените војни“.„Тоа е лудо ако се има предвид на што ја градеше кампањата. Многу луѓе се чувствуваат изневерени. Се кандидираше со порака ‘Нема повеќе војни’ и ‘Запрете ги овие глупави, бесмислени војни’, а сега имаме војна за која ни самите не знаеме јасно зошто ја започнавме“, рече Роган.Роган му даде поддршка на Трамп во изборната кампања во 2024 година и го угости во својот подкаст, но по неговиот повторен избор повеќепати јавно го критикуваше, особено поради имиграциската политика.Загриженост поради конфликтот се појавува и меѓу дел од републиканците. Неколку членови на Републиканската партија предупредија дека војната со Иран може да се претвори во долгорочна обврска за САД, по двете децении конфликти во Ирак и Авганистан.Според нова анкета на Универзитетот „Квинипијак“, речиси три четвртини од американските гласачи очекуваат конфликтот со Иран да трае со месеци или подолго. Дури 71 процент од испитаниците сметаат дека војната може да продолжи „со месеци“, „околу една година“ или „уште подолго“.Во меѓувреме, Трамп изјави дека конфликтот е „пустоловина“ која наскоро ќе заврши.„Ова беше само пустоловина, нешто што мораше да се направи. И многу сме блиску до крајот“, изјави Трамп на прес-конференција.Неговите коментари доаѓаат само неколку дена откако порача дека од иранското раководство ќе прифати само „безусловна предаја“. Републиканскиот конгресмен Тим Берчет претходно предупреди дека гласачите на движењето МАГА треба да бидат загрижени дека воената акција против Иран може да прерасне во „уште една вечна војна“.

Свет | пред 2 седмици

Балистички ракети од Иран кон Емиратите, војската во целосна готовност

Противвоздушната одбрана на Обединетите Арапски Емирати е активирана по активирањето на балистички проектили од страна на Иран, соопшти Министерството за одбрана на земјата.Во објава на социјалната мрежа Икс, од министерството наведоа дека системите за противвоздушна одбрана во моментов реагираат на ракетниот напад.Војската, како што се додава, е ставена во целосна готовност за да одговори на сите потенцијални закани и да ја обезбеди безбедноста на државната територија, како и сигурноста на граѓаните и жителите на Емиратите.

Свет | пред 2 седмици

Мапа на нападите: Пентагон ги прикажа првите 10 дена од војната со Иран

Американското Министерство за одбрана објави карта која ги прикажува нападите изведени во првите десет дена од воената операција наречена „Епски гнев“.Графиката, објавена на социјалните мрежи, покажува на кои локации се извршени нападите и нивната позиција во однос на американските воени бази и иранските системи за противвоздушна одбрана.Објавата доаѓа во време кога конфликтот меѓу САД, Израел и Иран продолжува да се интензивира.Во меѓувреме, американскиот претседател Доналд Трамп соопшти дека американските сили „целосно уништиле“ десет неактивни ирански бродови наменети за поставување морски мини, додавајќи дека воените операции ќе продолжат и во наредниот период.

Свет | пред 2 седмици

(Видео) Американската војска објави снимки од напади врз ирански бродови

Американската војска објави снимки од напади врз ирански бродови, откако претседателот на САД Доналд Трамп претходно соопшти дека американските сили погодиле „неактивни бродови за поставување мини“.Американското Централно заповедништво (ЦЕНТКОМ) соопшти дека операциите се насочени кон намалување на иранската „способност за проекција на моќ на море“.На видеоснимките објавени на социјалните мрежи се гледаат напади врз различни типови бродови, од кои најголемиот дел се наоѓаат во пристаништа.Засега не е јасно дали нападите прикажани на снимките се директно поврзани со операциите што ги спомена претседателот Трамп во својата изјава.

Свет | пред 2 седмици

Специјален лет од Дубаи донесе 150 патници во Скопје

Втората група македонски државјани е безбедно евакуирана од Обединетите Арапски Емирати и вечерва пристигна на Меѓународниот аеродром Скопје со специјално организиран лет од Дубаи, информираше министерот за надворешни работи Тимчо Муцунски.Станува збор за 150 патници, од кои најголемиот дел се македонски државјани, кои успешно ја напуштиле територијата на Обединетите Арапски Емирати и се вратиле во државата.Според Муцунски, процесот на евакуација бил реализиран врз основа на претходно утврден план и во координација со надлежните институции.Организацијата на летот ја спровело Министерството за надворешни работи и надворешна трговија, а трошоците за овој и за останатите евакуациски летови се целосно покриени од државата.

Македонија | пред 2 седмици

Трамп: Уништивме десет ирански бродови за поставување мини

Американскиот претседател Доналд Трамп изјави дека американските сили погодиле и „целосно уништиле“ десет ирански бродови наменети за поставување морски мини.Според неговата објава, станува збор за неактивни бродови за поставување мини, а американските сили ќе продолжат со нападите врз иранските цели.Само неколку минути претходно, Трамп објави дека засега нема извештаи дека Иран навистина поставил мини во Ормускиот теснец, но предупреди дека доколку тоа се случило, тие мора веднаш да бидат отстранети.Тој истакна дека во спротивно Иран ќе се соочи со воени последици „на ниво какво досега не било видено“.Ормускиот теснец претставува една од најважните светски поморски рути за транспорт на нафта и енергенси, па секоја закана за негово затворање предизвикува силни реакции на меѓународната сцена и на енергетските пазари.

Свет | пред 2 седмици

Иран: Тврдењата дека сме планирале напад врз САД се „целосна лага“

Иран ги отфрли тврдењата на администрацијата на американскиот претседател Доналд Трамп дека Техеран планирал превентивен напад врз Соединетите Американски Држави или нивните воени сили.Иранскиот министер за надворешни работи Абас Арагчи изјави дека таквите обвинувања се „целосна и чиста лага“.Во објава на социјалната мрежа Икс, Арагчи се осврна и на називот на американската воена операција, наречена „Операција Епски гнев“.„Единствената цел на таа лага е да се оправда операцијата која всушност е епска грешка – авантура што ја осмисли Израел, а ја платија обичните Американци“, напиша шефот на иранската дипломатија.Изјавата доаѓа во време на засилени тензии меѓу САД, Израел и Иран по воените операции во регионот.

Свет | пред 2 седмици

Трамп му се закани на Иран: Ако има мини во Ормускиот теснец, нека се отстранат веднаш

Американскиот претседател Доналд Трамп побара итно отстранување на евентуално поставените мини во Ормускиот теснец, откако се појавија медиумски извештаи дека Иран започнал со нивно поставување во оваа клучна поморска рута.Во објава на својата социјална мрежа, Трамп наведе дека САД засега немаат потврдени информации дека Иран навистина поставил мини, но предупреди на сериозни последици доколку тоа се покаже како точно.„Ако Иран поставил било какви мини во Ормускиот теснец, а засега немаме извештаи дека тоа го направил, сакаме тие веднаш да се отстранат“, напиша Трамп.Тој додаде дека доколку мини навистина се поставени и не бидат отстранети веднаш, Иран ќе се соочи со воени последици какви што, според неговите зборови, досега не биле видени.„Ако, од друга страна, го отстранат она што можеби е поставено, тоа ќе биде голем чекор во вистинска насока“, порача американскиот претседател.

Свет | пред 2 седмици

Захарова: Експлозијата во Иран го оштетила рускиот конзулат

Рускиот генерален конзулат во иранскиот град Исфахан е оштетен во неделата за време на напад врз блиска зграда на покраинската влада, изјави портпаролката на руското Министерство за надворешни работи, Марија Захарова.Според нејзините зборови, ударниот бран од експлозијата соборил неколку вработени и ги искршил прозорците на зградата на конзулатот, како и на околните станбени објекти.Во инцидентот, како што соопшти руската страна, нема загинати ниту лица со сериозни повреди.Захарова оцени дека нападите врз дипломатски и конзуларни мисии претставуваат кршење на меѓународното право.„Бараме сите страни строго да ја почитуваат неповредливоста на дипломатските простории и да се воздржат од какви било напади кои би можеле да ја загрозат безбедноста, животот и здравјето на нивниот персонал“, изјави таа.

Свет | пред 2 седмици

Белата куќа: Трамп ќе обезбеди слободен проток на нафта низ Ормускиот теснец

Американскиот претседател Доналд Трамп е решен да обезбеди непречен проток на нафта низ Ормускиот теснец, изјави портпаролката на Белата куќа Каролин Ливит.На прес-конференција таа повтори дека претседателот предложил американската морнарица, доколку биде потребно, да ги придружува танкерите што минуваат низ оваа клучна поморска рута.„Американската војска разработува дополнителни опции по директивата на претседателот Ормускиот теснец да остане отворен“, изјави Ливит.Таа додаде дека засега нема да ги открива деталите за тие опции, но нагласи дека претседателот е подготвен да ги употреби доколку ситуацијата го наложи тоа.Ормускиот теснец претставува една од најважните светски поморски рути за транспорт на нафта, низ која минува значителен дел од глобалните испораки на енергенси. Во последниот период пловидбата низ теснецот е сериозно нарушена поради ескалацијата на конфликтот меѓу САД, Израел и Иран.

Свет | пред 2 седмици

(Видео) Белата куќа: Војната ќе заврши кога Иран ќе биде доведен до „безусловна капитулација“

Војната ќе заврши кога Иран ќе биде доведен во позиција на „безусловна капитулација“, изјави портпаролката на Белата куќа Каролин Ливит на прес-конференција.Таа појасни дека тоа не значи дека иранското раководство мора јавно да признае пораз, туку дека ќе биде доведено во ситуација во која повеќе нема да може реално да се заканува.„Иран може и понатаму да упатува закани, но тие ќе бидат празни“, изјави Ливит.Таа додаде дека американската војска преминува во нова фаза од операцијата, насочена кон уништување на инфраструктурата што Иран ја користи за производство на ракети.Според нејзините зборови, американските стратешки бомбардери Б-2 неодамна фрлиле десетици пробивни бомби тешки околу 900 килограми врз длабоко утврдени ирански ракетни позиции.Ливит истакна дека нападите се дел од пошироката воена операција насочена кон ослабување на воените капацитети на Иран.

Свет | пред 2 седмици

Си-Ен-Ен: Трамп живее во алтернативна реалност, не знае што се случува во Иран

Американскиот претседател Доналд Трамп изнесувал тврдења за конфликтот со Иран без да располага со доволно информации, оценува телевизијата Си-Ен-Ен во анализа на неговите последни јавни настапи.Според медиумот, Трамп во саботата изјавил дека ирански проектил погодил основно училиште во Техеран и усмртил десетици деца, но во понеделникот признал дека всушност не знае доволно за настанот.На прес-конференција, запрашан зошто никој од неговата администрација не го повторува истата тврдeње и зошто се чека официјална истрага, Трамп одговорил: „Затоа што едноставно не знам доволно за тоа“, додавајќи дека ќе ги почитува резултатите од истрагата.Станува збор за напад кој предизвика силни меѓународни реакции, а според анализата на достапните докази постои веројатност дека за нападот е одговорна американската војска. Во меѓувреме се појави и видео-снимка која, како што се наведува, покажува американски проектил кој погодува поморска база на Корпусот на чуварите на исламската револуција во близина на училиштето.Си-Ен-Ен наведува дека тоа не е единствениот пример на неточни или непотврдени тврдења од страна на Трамп. На истата прес-конференција тој изјавил дека државите од Персискиот Залив се приклучиле на војната против Иран заедно со САД и Израел.Меѓутоа, според достапните информации, ниту една од тие држави официјално не се приклучила на воените операции. Обединетите Арапски Емирати, кои беа меѓу целите на иранските напади, не возвратиле со воена акција, додека Саудиска Арабија предупреди на можен одговор само доколку нападите продолжат.Катар, пак, јавно соопшти дека не е дел од воената кампања против Иран и повика на смирување на тензиите во регионот.Во анализата се наведува и дека Трамп тврдел дека блокадата на Ормускиот теснец „не ги погодува“ САД бидејќи земјата произведува доволно нафта, иако глобалната поврзаност на пазарите значи дека растот на цените сепак има влијание и врз американската економија.Трамп исто така повеќепати тврдел дека Иран наскоро би можел да нападне САД со интерконтинентални балистички ракети и дека Техеран планирал да го преземе целиот Блиски Исток, но за овие тврдења досега нема јавни разузнавачки докази.Според Си-Ен-Ен, ваквите изјави отвораат прашања за тоа колку американскиот претседател навистина е информиран за состојбата на теренот во конфликтот со Иран.

Свет | пред 2 седмици

Иран тврди дека погодил рафинерија во Хаифа и сателитски центар кај Тел Авив

Иран соопшти дека во нов бран напади погодил енергетски објекти во Израел, вклучително и рафинерија во Хаифа и сателитски комуникациски центар во близина на Тел Авив.Портпаролот на иранскиот воен штаб „Хатам ал-Анбија“ изјави дека иранските сили со беспилотни летала гаѓале рафинерија за нафта и гас, како и резервоари за гориво во Хаифа.Според соопштението, во нападите бил уништен и сателитски комуникациски центар во близина на Тел Авив.Иранските власти наведуваат дека операцијата е дел од „33. бран“ напади, изведени како одговор на претходните напади врз ирански нафтени складишта.Во истото соопштение се наведува и дека Иран испалил пет ракети кон американското воено командување во базата Харир, која се наоѓа во курдскиот регион на северот на Ирак.

Свет | пред 2 седмици

Експлозии одекнаа во Техеран, иранската престолнина повторно под напад

Неколку силни експлозии одекнале во Техеран, при што иранската престолнина повторно била цел на напади, јавуваат странските медиуми.Допишниците на сервисот Би-Би-Си Персиски известуваат дека во градот се слушнале нови експлозии, а според нивните информации Техеран во моментот е под напад.Новинарите на агенцијата Франс прес, исто така, потврдиле дека во градот се слушнале најмалку три експлозии.Во меѓувреме, три американски стратешки бомбардери од типот Б-1 полетале од воздухопловната база РАФ Ферфорд во југозападниот дел на Англија.Присуството на бомбардерите Б-1 и Б-52 во оваа британска база привлекло голем број љубители на авијацијата и аматерски фотографи. Дел од нив изјавиле дека на локацијата изброиле вкупно 12 бомбардери Б-1, откако претходно таму слетале уште четири авиони од истиот тип.Во базата е забележана зголемена активност, при што кај дел од авионите моторите биле вклучени, додека други биле опкружени со технички персонал кој, според очевидци, вршел проверки.Британското Министерство за одбрана и американскиот Пентагон засега не потврдија дали овие бомбардери учествувале во нападите врз цели во Иран.

Свет | пред 2 седмици