ЈСП

ЈСП воведува дополнителни линии за Саемот на книгата

ЈСП Скопје и годинава обезбедува дополнителен јавен превоз за посетителите на 38. „Меѓународен саем на книгата“, кој ќе се одржува во СЦ „Борис Трајковски“, се наведува во соопштение од претпријатието.Од 23 до 29 април 2026 година во редовниот линиски превоз ќе бидат вклучени линиите „100“ и „200“, со цел полесен пристап до саемот. Линијата „100“ ќе сообраќа од Ново Лисиче, а линијата „200“ од Дексион, со редовни интервали и по цени согласно важечкиот тарифник.Како што информираат од ЈСП, линијата „100“ ќе поаѓа од Ново Лисиче во неколку термини во текот на денот и ќе сообраќа до СЦ „Борис Трајковски“ преку булевари и главни градски сообраќајници, додека линијата „200“ ќе сообраќа од Дексион по трасата преку Ѓорче Петров и булевар „Партизански одреди“ до истата дестинација.Од СЦ „Борис Трајковски“ ќе се реализираат повратни возења во истите временски интервали, додаваат од ЈСП.

Скопје | пред 12 часа

Ветерот ја сопре жичницата на Водно, ЈСП најавува нормализација кога ќе се подобрат условите

Жичницата на Водно денеска не сообраќа поради засилен ветер, информираа од ЈСП Скопје.Од претпријатието посочуваат дека јачината на ветерот ги надминува дозволените безбедносни граници за нормално функционирање, поради што е донесена одлука за привремен прекин на работата.„Надлежните служби ја следат состојбата на терен и веднаш штом ќе се создадат соодветни временски услови, жичницата ќе продолжи со редовен превоз на патници“, велат од ЈСП.Жичницата кон Водно важи за една од најпосетените рекреативни атракции во Скопје, особено за време на викенди и празници, а ваквите прекини најчесто се воведуваат од безбедносни причини.

Скопје | пред 4 дена

ЈСП: Изменет режим на линиите 31 и 163 поради реконструкција во Кисела Вода

Поради реконструкција на улица во општина Кисела Вода, од 17 април ќе има измени во сообраќајот на автобусите на линиите 31 и 163, информира ЈСП.Реконструкцијата ќе се одвива на ул. „Киро Фетак“, кај мостот по вкрстувањето со „Герника 10“, при што улицата ќе биде затворена во двата правци во наредните шест месеци.Во зависност од динамиката на градежните активности, автобусите ќе бидат пренасочени и ќе сообраќаат по изменета траса преку бул. „Србија“, бул. „12-та Македонска Бригада“ и ул. „Горно Лисиче“, во двата правци.

Македонија | пред 5 дена

ЈСП: Автобусите сообраќаат по зимски возен ред, дел со изменета траса

Јавниот превоз во Скопје продолжува да функционира по зимски возен ред, информираат од надлежните служби.Од ЈСП Скопје соопштуваат дека поради градежни работи на пат, автобусите на линиите 3б, 4, 7, 9, 18, 23, 24, 44, 54 и 118 во еден дел сообраќаат по изменета траса.

Скопје | пред 6 дена

Јавниот превоз и Жичницата ќе сообраќаат по неделен возен ред за Велигден

По повод верскиот празник Велигден, автобусите од јавниот превоз во Скопје ќе сообраќаат по неделен возен ред во продолжениот викенд, од петок, 10 април, до понеделник, 13 април 2026 година.„Билетарниците и центрите за персонализација ќе работат според посебен распоред.Во сабота, 11 април, билетарниците што работат во една смена ќе бидат отворени од 08:00 до 13:00 часот, додека оние што работат во две смени ќе работат од 08:00 до 18:00 часот.Во петок и недела дежурна ќе биде билетарницата и центарот во Транспортен центар, со работно време од 08:00 до 14:00 часот.Понеделник, 13 април, сите билетарници и центри ќе бидат затворени.Жичницата ќе работи со редовно работно време од 10:00 до 18:00 часот во петок, сабота и недела, додека во понеделник нема да работи, вообичаено како секој понеделник. Потоа, се потсетува дека секој последен вторник во месецот, Жичницата исто така е неработен ден.Корисниците на јавниот превоз и посетителите на Жичницата се советуваат да ги следат овие промени за време на празничниот викенд“, информираат од ЈСП.

Скопје | пред 1 седмица

Жичницата на Водно денес не работи поради силен ветер

Јавното сообраќајно претпријатие – ЈСП Скопје ги известува патниците дека денес, 8 април 2026 година, жичницата на Водно нема да биде во функција поради засилен ветер.„Ветерот ја надминува безбедносната граница за непречено функционирање на објектот.Надлежните служби ја следат состојбата и штом временските услови дозволат, жичницата ќе продолжи со превоз на патниците“, информираат од ЈСП.

Скопје | пред 2 седмици

„Од критични 130, денеска секојдневно од гаражите на ЈСП излегуваат по 180 автобуси“, вели Ѓорѓиевски

Градоначалникот на Скопје, Орце Ѓорѓиевски, денеска соопшти дека состојбата со јавниот градски превоз значително се подобрила во споредба со претходниот период. Одговарајќи на советнички прашања, тој истакна дека бројот на функционални возила на ЈСП Скопје постојано расте.Според него, од критични 130 возила, денеска секојдневно од гаражите на претпријатието излегуваат по 180 автобуси.„Имаме зголемување од 50 функционални автобуси во изминатиот период. Дали состојбата е идеална? Далеку е од тоа, но даваме максимум“, нагласи Ѓорѓиевски.Тој додаде дека проблемите со приватните превозници се решаваат преку исплата на заостанатите долгови кои со години се таложеле, со што се зголемува бројот на возила и кај нив.

Скопје | пред 2 седмици

Нов возен ред за дел од линиите во Скопје од 4 април

Јавното сообраќајно претпријатие Скопје информира дека од 4 април 2026 година стапува во примена нов возен ред за дел од линиите во рамки на единствената мрежа на јавниот превоз во градот.Како што соопштуваат од ЈСП, измените се прават со цел усогласување на возниот ред со Одлуката за интегриран тарифен систем во линискиот превоз на патници, со што треба да се подобрат организацијата и ефикасноста на јавниот превоз.Деталните информации за изменетиот возен ред, вклучително и распоредот по линии и по постојки, ќе бидат објавени на официјалната веб-страница на претпријатието и ќе важат од денот на нивната примена.

Скопје | пред 2 седмици

За Рамазан Бајрам јавниот превоз во Скопје по неделен возен ред

Јавниот превоз во Скопје за време на продолжениот викенд по повод празникот Рамазан Бајрам ќе сообраќа по неделен возен ред, информираат надлежните.„Во петок (20.03.2026 год.) и недела (22.03.2026 год.) дежурна ќе биде билетарницата на Транспортен центар.Во сабота (21.03.2026 год.) билетарниците и центрите за персонализација ќе работат со вообичаеното работно време (во две смени од 08:00 – 18:00 часот, и тие што работат во една смена од 08:00 – 18:00 часот).Жичницата за време на продолжениот викед ќе работи вообичаено, од 10 до 17 часот“, информираат од ЈСП.

Скопје | пред 1 месец

ЈСП демантира: Автобуската линија број 35 воопшто не е укината ниту променета

Јавното сообраќајно претпријатие – Скопје ги демантира информациите кои вчера беа изнесени на седницата на Советот на Град Скопје, и предизвикаа паника и вознемиреност кај дел од граѓаните, особено кај учениците од средните училишта во Град Скопје.„ЈСП Скопје ги известува граѓаните дека автобуската линија број 35 воопшто не е укината ниту променета. Дополнително, таа не беше ниту предмет на разгледување во Одлуката за измена на линискиот превоз на патници во Град Скопје.Ги повикуваме граѓаните, особено корисниците на јавниот превоз во Град Скопје, со резерва да ги прифаќаат непроверените информации изнесени во јавноста.ЈСП Скопје останува посветено на обезбедување сигурен, редовен и достоен јавен превоз за сите граѓани“, информираат од ЈСП.

Скопје | пред 1 месец

Мисајлески демантира: Автобуската линија со број 35 не е укината

Советникот во Советот на Град Скопје, Славчо Мисајлески, преку социјалните мрежи реагираше на информациите на Левица дека автобуската линија со број 35 во Град Скопје е укината. Демант на лажните вести кои произлегуваат од ПП Левица и кои шират паника и вознемиреност меѓу граѓаните, посебно кај најмладата популација, учениците од средните училишта во Град Скопје.Имено на вчерашната седница на Советот на Град Скопје од страна на советничката Милица Давчева беше дадена изјава дека е укината линијата 35 која доаѓа од Скопје Север и оди до Аеродром а која ја користат учениците од СУГС Марија Кири Склодовска - Скопје и истата свесно споделена на социјалните мрежи со цел создавање паника помеѓу корисниците на таа линија.Вистината е дека линијата со број 35 воопшто не е променета а впрочем не беше ни предмет на разгледување во Одлуката за измена на линискиот превоз на патници во Градот Скопје.Доколку ги проучуваат материјалите правилно и присуствуваат на матичните комисии како и на организираните јавни средби каде што се разгледуваше пред усвојување одлуката не би дале свесно ваква изјава. Но можеби впрочем и затоа не присуствуваат се со цел да имаат простор за да продуцираат на ваков начин лажни вести.Во иднина ги замолувам граѓаните на Град Скопје со голема резерва да ги прифаќаат сите изјави изнесени од советниците на ПП Левица во Советот на Град Скопје затоа што се со единствена цел за свесно создавање лажна паника и вознемиреност.Се докажа дека интересот на ПП Левица не се граѓаните на Град Скопје туку единствено е нивниот личен политички интерес кој го добиваат преку лажен ПР, лажни вести и манипулации со јавноста.Воедно барам од советничката Милица Давчева јавно да се извини за дадената лажна изјава и за тоа што свесно создаде паника и вознемиреност кај граѓаните посебно меѓу учениците од средното хемиско училиште Марија Кири Склодовска - Скопје“, напиша Мисајлески.

Скопје | пред 1 месец

Распишан тендер за 150 електрични автобуси, 100 за Скопје, од кои 30 да се испорачаат до септември

Министерството за транспорт објави јавен повик за набавка на 150 електрични еколошки автобуси и 75 полначи, со што започнува постапката за една од најавуваните инвестиции во јавниот превоз. Согласно планот, 100 автобуси се предвидени за потребите на Град Скопје, додека останатите 50 ќе бидат распределени во други општини во државата.Според условите од повикот, најповолниот понудувач ќе има обврска да произведе и испорача 30 автобуси во рок од шест месеци од склучување на договорот, дополнителни 60 во рок од 12 месеци и уште 60 автобуси во рок од 18 месеци. Рокот за доставување на потребната документација од страна на заинтересираните економски оператори е до 30 март 2026 година.Од Министерството за транспорт наведуваат дека набавката претставува јасна политичка определба за заштита на животната средина и за подобрување на ефикасноста на јавниот превоз во Скопје и во останатите општини. Покрај еколошките придобивки, се посочува и долгорочната економска исплатливост, имајќи ги предвид пониските трошоци за одржување и енергија во споредба со конвенционалните автобуси.Надлежните оценуваат дека инвестицијата е дел од стратешки план за трансформација на градскиот сообраќаен систем и за зголемување на економичноста на транспортната мрежа. Со реализацијата на проектот, како што се наведува во соопштението, се испраќа јасна порака во насока на борба против аерозагадувањето и подобрување на условите за користење на јавниот превоз, како долгорочна инвестиција во транспортниот сектор и јавните услуги.

Македонија | пред 1 месец

Жичницата на Водно денес не работи поради силен ветер

Јавното сообраќајно претпријатие - ЈСП Скопје ги известува своите корисници дека денес, жичницата на Водно нема да биде во функција поради засилен ветер.„Јачината на ветерот ги надминува дозволените граници како објектот би функционирал непречено и безбедно.Надлежните служби ја следат состојбата на терен и во оној момент кога ќе се создадат соодветни временски услови за работа, жичницата ќе продолжи со непречено превезување на патниците.Ви благодариме на разбирањето“, велат од ЈСП.

Скопје | пред 1 месец

Ѓорѓиевски најавува промена на возниот ред на ЈСП

Градоначалникот на Скопје Орце Ѓорѓиевски во гостувањето на Сител изјави дека во периодот којшто следи неопходно е да се спроведе промена на возниот ред на ЈСП„Повеќе децении возниот ред во Скопје не е променат. При тоа, во моментите кога е правен во минатото, не се предвидени некои нови населби коишто во меѓувреме се прошириле или пак никнале на територија на градот Скопје, некаде каде што имало засилени потреби од автобуси, веќе е намалена потребата од автобуси, што значи дека тоа ќе биде еден процес којшто ќе го водиме во наредниот период, но не сакам јас тоа да биде процес којшто ќе го направиме преку ноќ, брзоплето, и повторно да имаме пропусти во системот. Затоа, кога велам дека тоа ќе го правиме прецизно, подразбира, и да ги вклучиме максимално и граѓаните со своите забелешки“, изјави Ѓорѓиевски.

Скопје | пред 1 месец

Поради силен ветер, жичницата на Водно денеска не сообраќа

Жичницата на Водно денеска нема да продолжи со работа поради силен ветер, информираат од Јавното сообраќајно претпријатие Скопје.Според соопштението, јачината на ветерот ги надминува дозволените граници за објектот да функционира непречено и безбедно, поради што е донесена одлука за привремен прекин на превозот на патници.Надлежните служби ја следат состојбата на терен и веднаш штом се создадат услови за безбедно функционирање, жичницата ќе продолжи со редовен превоз.Од ЈСП апелираат до граѓаните за разбирање и почитување на мерките, со цел да се гарантира безбедноста на сите корисници.

Скопје | пред 2 месеци

ЈСП има 341 автобус, а исправни се 185: катастрофална е состојбата, има и драматичен пад на патници

Анализата на Центар за граѓански комуникации за капацитетите на јавниот автобуски превоз во Скопје укажува на сериозно влошување на состојбата во ЈСП Скопје, со намален број автобуси, зголемена просечна старост на возилата и значителен пад на бројот на патници.Според податоците од анализата, од вкупно 341 автобус со кои располага претпријатието, дневно исправни се 185, а во сообраќај се пуштаат 157 возила. Во споредба со 2015 година, кога ЈСП имало 430 автобуси, денес располага со 89 автобуси помалку. Бројот на дневно исправни автобуси е намален од 316 на 185, што претставува пад од околу 40 проценти.Просечната старост на автобусите достигнала 13,3 години и е во пораст од 2021 година наваму. Поголемиот дел од возниот парк го сочинуваат 210 автобуси од марката „Јутонг“ и 64 од марката „ЛАЗ“, што претставува над 80 проценти од вкупната флота. Само мал дел од автобусите ги исполнуваат највисоките еколошки стандарди, додека останатите се со пониски категории, што отвора прашања и за еколошкиот аспект на превозот.Анализата бележи и драматичен пад на бројот на патници. За десет години, ЈСП изгубило околу 30 милиони патници годишно – од над 50 милиони во 2015 година на околу 22 милиони во 2025 година. Иако дел од намалувањето се поврзува со пандемијата, трендот продолжува и по нејзиното завршување, што укажува на подлабоки системски проблеми.Во финансиска смисла, претпријатието остварува просечни годишни приходи од околу 29 милиони евра. Приближно половина од приходите доаѓаат од продажба на билети, а значителен дел од субвенции за бесплатен превоз и покривање на трошоците во работењето. Иако за 2024 година е прикажана добивка, анализата укажува дека реалниот финансиски резултат би бил значително понизок доколку биле евидентирани сите обврски кон приватните превозници.Заклучокот на Центарот за граѓански комуникации е дека капацитетите на ЈСП се во континуиран пад, што директно влијае врз квалитетот на услугата и довербата на граѓаните во јавниот превоз, додека одржливоста на системот сè повеќе зависи од буџетска поддршка.

Скопје | пред 2 месеци

Казните за сообраќајни прекршоци на товар на возачите на ЈСП и јавните претпријатија

Возачите на автобусите на ЈСП и на возилата на останатите јавни претпријатија во Скопје отсега самите ќе го сносат трошокот за сообраќајните прекршоци, а доколку не може да се утврди кој точно возел, одговорноста ќе ја сносат шефовите на возниот парк, соопшти градоначалникот на Скопје Орце Ѓорѓиевски.„И во Град Скопје и во сите јавни претпријатија одговорноста е пред се кај оној кој што го вози возилото. Целиот трошок ќе биде на сметката на тој којшто направил прекршок. Онаму каде што не знаеме кој е возачот, дал ие тоа механизација или лесно возило одговорноста оди кај шефот на возниот парк“, изјави Ѓорѓиевски„Возилата нема да можат да стартуваат без картичка од возачот, за точно да знаеме кој управува во секој момент“, појасни Ѓорѓиевски.Покрај сообраќајната дисциплина, градот ќе инсталира и специјални мерачи на гориво и ГПС-уреди. Системот веднаш ќе алармира доколку се забележи потрошувачка поголема за само еден литар, со цел, како што вели градоначалникот, да се спречат долгогодишните злоупотреби и кражби на нафта од тешката механизација и автобусите.

Скопје | пред 2 месеци

ЈСП ги ажурираше инфо-дисплеите на автобуските постојки по реакции од граѓаните

Јавното сообраќајно претпријатие – Скопје соопшти дека инфо-дисплеите поставени на автобуските постојки се ажурирани согласно најновата софтверска верзија, по добиените реакции и забелешки од граѓаните. Дисплеите се наменети за прикажување точни информации за реалното време на пристигнување на автобусите.Од претпријатието истакнуваат дека укажаните забелешки и сугестии од јавноста ги разгледуваат со должно внимание и дека континуирано работат на надминување на наталожените проблеми, како и на унапредување на услугите што им се нудат на граѓаните.„Информираноста на граѓаните и точноста на информациите се од суштинско значење за транспарентното работење на едно претпријатие. Со обезбедување пристап до проверени и навремени информации, ја зајакнуваме довербата на граѓаните во нашите услуги“, наведуваат од ЈСП – Скопје.

Скопје | пред 2 месеци

Парализиран јавниот превоз: дел од автобусите на ЈСП не стигнуваат до крајните станици

Состојбата со врнежите од снег и патната инфраструктура до 09:00 часот покажува дека зимските услови и натаму влијаат врз нормалното одвивање на сообраќајот и снабдувањето во повеќе делови од државата. Во Битолскиот регион, на територијата на Општина Крушево, регионалниот пат Крушево – Пуста Река, кој е пат од втор приоритет, е прооден исклучиво за теренски возила и за возила со соодветна зимска опрема, а надлежните служби најавуваат интервенција во претпладневните часови. Во Општина Демир Хисар, поради дефект на електричната мрежа, без електрична енергија се корисниците во селото Големо Илино, при што екипите на ЕВН се на терен и работат на санација на проблемот.Во Охридскиот регион, во Општина Кичево, дел од патните правци кон планинските села сè уште се чистат од снег, а се очекува целосно расчистување во текот на денот. Во Штипскиот регион, на подрачјето на Општина Виница, на повисоките населени места е забележана појава на голомразица, поради што се апелира до возачите за зголемена внимателност и прилагодување на брзината. Во Кумановскиот регион, во Општина Ранковце, во текот на денешниот ден ќе се изведуваат активности за расчистување на патните правци кон селата Герман и Огут.Во Скопскиот регион, од ЈСП Скопје информираат дека мал број автобуси од приградските линии не сообраќаат до крајните дестинации. Станува збор за линиите со броеви 11, 64, 74, 80 и 81, каде што сообраќајот е делумно редуциран поради условите на терен. Надлежните служби апелираат граѓаните редовно да се информираат и да ги почитуваат препораките за безбедно движење.

Скопје | пред 3 месеци

Изменет режим на јавниот превоз на 19 јануари поради Богојавление

Од Јавното сообраќајно претпријатие Скопје информираат дека во понеделник, 19 јануари 2026 година, поради верскиот празник Богојавление – Водици, јавниот превоз во главниот град ќе функционира по неделен возен ред.Исклучок од овој режим ќе бидат автобуски линии 18А, 32, 51, 56, 56А, 70, 74, 81, 118 и 180, кои на празничниот ден ќе сообраќаат според саботен возен ред.Од ЈСП дополнително соопштуваат дека на Водици, во периодот од 7 до 14 часот, дежурна ќе биде билетарницата во Транспортниот центар, додека жичницата нема да биде во функција.Воедно, од претпријатието потсетуваат дека жичницата не работи секој понеделник, како и секој последен вторник во месецот, согласно редовниот распоред за одржување и работа.

Скопје | пред 3 месеци

Силен ветер ја стопираше жичницата на Водно, можни измени и на автобуски линии

Жичницата на Водно денеска (11 јануари 2026 година) нема да сообраќа поради силниот ветер, информира Јавното сообраќајно претпријатие – ЈСП Скопје.Од претпријатието појаснуваат дека јачината на ветерот ги надминува дозволените безбедносни граници за непречено и сигурно функционирање на жичницата. Надлежните служби ја следат состојбата на терен, а превозот ќе продолжи веднаш штом временските услови го дозволат тоа.Воедно, ЈСП Скопје информира дека поради ниските минусни температури и најавените временски услови со можни снежни врнежи во Скопје и околината, во наредниот период можно е привремено прилагодување на сообраќањето на одредени автобуски линии.Како што наведуваат од претпријатието, ефектот на средствата за одржување на коловозите е ограничен при екстремно ниски температури, поради што на одделни делници може да се појават отежнати услови за сообраќај. Поради тоа, дел од автобусите ќе сообраќаат до локации кои, согласно проценките на надлежните служби, се оценети како безбедни и проодни за возилата на ЈСП.Од ЈСП потенцираат дека безбедноста на патниците и вработените е апсолутен приоритет. Доколку временските услови не дозволуваат сигурно одвивање на јавниот превоз, ќе се преземаат соодветни мерки, а јавноста ќе биде навремено информирана за сите промени.Во периоди на стабилни временски услови, јавниот превоз ќе се одвива согласно редуцираниот делничен зимски возен ред, кој важи до крајот на зимскиот училиштен распуст.Екипите на ЈСП Скопје, во координација со службите на Град Скопје и локалните самоуправи, континуирано се ангажирани на терен со соодветна механизација, со цел навремено реагирање и обезбедување безбедно и непречено функционирање на јавниот превоз.

Скопје | пред 3 месеци

ЈСП Скопје најавува можни измени во автобускиот сообраќај поради ниските температури и снег

ЈСП Скопје ги информира корисниците на јавниот превоз дека, поради ниските минусни температури и најавените временски услови со можни врнежи од снег во Скопје и околината, во наредниот период можно е привремено прилагодување на сообраќањето на одредени автобуски линии.Од претпријатието појаснуваат дека ефектот на средствата за одржување на патиштата е ограничен при екстремно ниски температури, поради што на одделни делници може да се појават отежнати услови за сообраќај. Како резултат на тоа, дел од линиите ќе сообраќаат до локации кои во моментот се проценети како безбедни и проодни за автобусите, согласно проценките на надлежните служби.Од ЈСП нагласуваат дека безбедноста на патниците и вработените е апсолутен приоритет и дека, доколку условите не дозволуваат сигурно одвивање на сообраќајот, ќе се преземаат соодветни мерки. За сите евентуални промени, јавноста ќе биде навремено информирана.Во периоди на стабилно време, јавниот превоз ќе се одвива согласно редуцираниот делничен зимен возен ред, кој важи до крајот на зимскиот училиштен распуст.Екипите на ЈСП Скопје, заедно со надлежните служби на Градот Скопје и локалните самоуправи, континуирано се ангажирани на терен со соодветна механизација, со цел навремено реагирање и создавање услови за безбедно и непречено функционирање на јавниот превоз.

Скопје | пред 3 месеци

(Видео) Викање и пцуење по шоферот: хаос се случи откако автобус на ЈСП доцнел, па се расипал на втора станица

Со дерење и пцуење по шоферот се манифестираше револтот на корисници на јавниот превоз, кои како што сведочат, речиси еден час чекале автобус кој вози на линија 9, за по една станица тој да се расипе.Од снимката доставена до „Скопје1“ се слуша како патниците му посочуваат дека саат време чекале.„На работали одиме? Што сме ние, говедо едно. Што прават горе, спијат?“, се слуша од снимката.Тие дополнитено посочуваат дека ѕвонеле во ЈСП, но никој не одговорил на повиците.

Скопје | пред 4 месеци

ЈСП Скопје: Нема заглавени патници на жичарата на Водно – информациите се неточни

Јавното сообраќајно претпријатие Скопје реагираше на медиумските објави за наводен инцидент на жичарата на Водно, во кој, според некои извештаи, биле „спасени“ тригодишно дете и тројца возрасни патници.Во своето официјално соопштение, ЈСП категорично ги демантира ваквите информации, нагласувајќи дека на денешен ден не е евидентиран ваков настан, ниту настан од сличен карактер.„Категорично укажуваме дека содржината е објавена без соодветна проверка и ги доведува граѓаните во заблуда. Начинот на кој е претставен настанот создава погрешна слика за актуелната состојба и непотребно предизвикува паника и несигурност кај јавноста,“ се наведува во соопштението.Од претпријатието потенцираат дека ваквото пласирање на непроверени информации претставува несериозен и неодговорен пристап, кој може да ја наруши довербата на граѓаните.„Од медиумите очекуваме професионално и точно информирање, а не сензационализам и објавување содржини што ја нарушуваат довербата кај граѓаните,“ порачуваат од ЈСП Скопје.

Скопје | пред 5 месеци

Автобус на ЈСП се запали во движење, возачот успеал навреме да застане

Утрово околу 06:30 часот на булевар „Гоце Делчев“ во Скопје избувнал пожар во автобус на Јавното сообраќајно претпријатие (ЈСП) кој бил во движење, но без патници во моментот на инцидентот, соопшти Министерството за внатрешни работи.Пожарот бил брзо изгаснат од екипа на Бригадата за противпожарна заштита на Скопје, а за среќа нема повредени лица.Полицијата извршила увид на местото на настанот и се работи на утврдување на причините за пожарот.

Скопје | пред 5 месеци