НАФТА

Актерот Владо Јовановски револтиран: „Нема дизел – затоа што чекате поголем профит?“

Актерот Владо Јовановски јавно реагира на актуелната состојба со недостиг на гориво на бензинските пумпи, споделувајќи лично искуство од посета на пумпа на „Макпетрол“.Тој раскажува дека отишол да ги напумпа гумите на своето возило и да наточи бензин во вредност од 1000 денари, за автомобилот кој, како што вели со доза хумор, е „скоро со ист датум роден како него“, произведен во 1999 година.Додека бил на пумпата, зад него стоел човек кој побарал дизел гориво, но добил краток одговор од вработените дека дизел нема.„Зад мене некој бараше дизел. ‘Нема бе’, беше одговорот. А зошто нема? Затоа што сакате поголем профит по 24 часот во понеделник или...?“, прашува Јовановски.Тој нагласува дека во вакви кризни ситуации не треба само Владата да обезбедува субвенции и помош за граѓаните, туку и компаниите кои остваруваат профит да покажат општествена одговорност.„Не треба само Владата на Македонија да дава субвенции како помош за граѓаните во вакви кризни состојби. Треба и вие, на кои ви се полнат џебовите, да бидете општествено одговорни“, порача актерот.На крајот од реакцијата, Јовановски кусо ја оцени состојбата со зборот: „Срамота“.

Коментари | пред 2 седмици

Пазарите се смируваат: Нафтата падна под 90 долари по барел, берзите се стабилизираат

Цените на нафтата, кои за време на викендот достигнаа врв на светските пазари, во последните часови бележат значителен пад, додека финансиските пазари се стабилизираат по изјавите на американскиот претседател Доналд Трамп дека војната меѓу Соединетите Американски Држави и Иран би можела наскоро да заврши.Во телефонско интервју за телевизијата Си-Би-Ес њуз, Трамп изјави дека конфликтот е „практично завршен“ и дека воената операција напредува многу побрзо од првичниот план, кој предвидувал траење од четири до пет недели.„Мислам дека војната е речиси завршена“, изјави американскиот претседател, додавајќи дека иранската воена инфраструктура е сериозно ослабена. „Немаат морнарица, немаат комуникации, немаат ни воздухопловни сили“, рече Трамп.Паралелно со овие изјави, нафтените пазари забележаа значителни поместувања. Откако за време на викендот цената на нафтата накратко надмина 118 долари за барел, во последните часови таа падна за повеќе од 10 долари и се спушти под границата од 90 долари.Падот доаѓа во момент кога најголемите светски економии размислуваат за координирани мерки за обезбедување итни енергетски резерви, а изјавите на Трамп дополнително ги поттикнаа очекувањата дека конфликтот би можел да се приближува кон крај.По неговите изјави, американските берзи ги надоместија претходните загуби. Индексот Си-Ен-Пи 500 порасна за околу еден процент, додека цените на нафтата и приносите на американските државни обврзници се намалија.Сепак, и покрај смирувањето на финансиските пазари, ситуацијата околу Ормускиот теснец останува неизвесна. Овој стратешки морски премин, низ кој поминува значителен дел од глобалната трговија со нафта, и натаму е речиси затворен, а сè уште нема договор како ќе се обезбеди безбеден премин на бродовите.Трамп изјави дека поморскиот сообраќај низ теснецот постепено се зголемува и дека неговата администрација размислува за можноста да преземе контрола над тој поморски пат, без да прецизира какви конкретни мерки би можеле да бидат преземени.Во меѓувреме, американскиот претседател разговарал и со рускиот претседател Владимир Путин за ситуацијата во Иран и за војната во Украина, пренесе руската новинска агенција ТАСС, повикувајќи се на советникот на Путин, Јуриј Ушаков.Конфликтот доаѓа во период кога Трамп се соочува со силни политички притисоци во САД поради инфлацијата во пресрет на изборите на средина од мандатот. Војната дополнително ги зголеми цените на горивата во земјата.Трамп претходно изјави дека цена на нафта од 100 долари за барел е „мала цена што треба да се плати“, додавајќи дека трошоците ќе се намалат кога, како што рече, ќе заврши уништувањето на иранската нуклеарна закана.Поради речиси целосното затворање на Ормускиот теснец, Саудиска Арабија, најголемиот светски извозник на нафта, беше принудена да го намали производството, а слични потези презедоа и Обединетите Арапски Емирати, Кувајт и Ирак.Министрите за финансии на земјите од групата Г7 во меѓувреме порачаа дека се подготвени да преземат сите неопходни мерки за стабилизација на глобалното снабдување со енергија, вклучително и можно пуштање на стратешките резерви на нафта, иако конечна одлука за тоа сè уште не е донесена.

Свет | пред 3 седмици

Енергетска тревога: Г7 расправа за пуштање нафтени резерви поради војната со Иран

Министрите за финансии на земјите од Г7 одржаа итен онлајн состанок поради силниот раст на цените на нафтата, кои надминаа 119 долари за барел поради ескалацијата на конфликтот со Иран.На состанокот се разговарало за влијанието на војната врз глобалните пазари и можните мерки за стабилизирање на снабдувањето со енергенси.Јапонската министерка за финансии Сатсуки Катајама изјави дека Меѓународната агенција за енергија предложила координирано ослободување на дел од стратешките нафтени резерви.„Меѓународната агенција за енергија ги повика сите земји координирано да пуштат дел од своите нафтени резерви“, рече Катајама на брифинг со новинарите.Според неа, на состанокот министрите разговарале за последиците од конфликтот во Иран врз енергетските пазари, откако цената на нафтата во понеделникот надмина 119 долари за барел.Аналитичарите предупредуваат дека натамошната ескалација на конфликтот на Блискиот Исток може дополнително да ги зголеми цените на енергенсите и да предизвика нови економски потреси на глобално ниво.

Свет | пред 3 седмици

(Видео) Првите ефекти од ценовниот шок на бензинските

Долги колони од автомобили се забележуваат пред повеќе бензински станици во Скопје, откако граѓаните брзаат да наполнат гориво пред стапувањето на сила на новите, повисоки цени.Регулаторната комисија за енергетика денеска донесе одлука со која малопродажните цени на нафтените деривати се зголемуваат во просек за 14,27 проценти во однос на претходната одлука од 2 март 2026 година. Новите цени ќе почнат да важат од полноќ, односно од 10 март во 00:01 часот.Според одлуката, ЕУРОСУПЕР БС-95 ќе се продава по 79,50 денари за литар, а ЕУРОСУПЕР БС-98 по 81,50 денари за литар. Најголемо поскапување има кај дизелот, при што ЕУРОДИЗЕЛ БС ќе чини 85,50 денари за литар, што е зголемување од 14,50 денари.Екстра лесното масло за домаќинство ЕЛ-1 ќе се продава по 82,50 денари за литар, односно поскапува за 12,50 денари, додека цената на мазутот М-1 НС се зголемува за 7,044 денари и ќе изнесува 42,586 денари за килограм.Цената на нафтата на светските пазари бележи раст поради тензиите на Блискиот Исток.

Македонија | пред 3 седмици

Владата на Србија го забрани извозот на нафта и нафтени деривати

Владата на Србија на вонредна седница донесе одлука за забрана на извозот на нафта и на сите нафтени деривати за погон на моторни возила.Забраната се однесува на извоз на дизел, бензин и сурова нафта со сите видови транспорт до 19 март, по што ќе носиме понатамошни одлуки. Суштината на оваа забрана е заштита на домашниот пазар од недостиг и од пораст на цените, како резултат на глобалните нарушувања на светскиот пазар“, изјави министерката за рударство и енергетика Дубравка Ѓедовиќ Хандановиќ, се наведува во соопштението на Министерството.Таа потсети дека Србија е земја во која граѓаните плаќаат нафтени деривати пониска цена во однос на нивната реална берзанска вредност и дека државата прави сè за да ги заштити граѓаните и стопанството.

Свет | пред 3 седмици

Енергетски шок: Цената на нафтата скокна над 100 долари, се стравува од нов бран инфлација

Цената на суровата нафта надмина 100 долари за барел за првпат во последните четири години, откако војната со Иран сериозно го наруши глобалното снабдување со енергенси.Според светските медиуми, цената на нафтата во неделата вечерта ја проби оваа граница, која последен пат беше надмината за време на руската инвазија врз Украина.Пазарите се под силен притисок поради стравувањата дека конфликтот ќе предизвика нов инфлаторен бран, особено поради нарушувањето на транспортот низ Ормускиот теснец, низ кој поминува околу една четвртина од глобалното снабдување со нафта и гас.Американскиот секретар за енергетика Крис Рајт изјави дека прекините во поморскиот сообраќај веројатно ќе траат со недели. Тој посочи дека викендов само еден танкер поминал низ Ормускиот теснец, додека вообичаено низ него дневно минуваат десетици бродови.Францускиот претседател Емануел Макрон во неделата стана првиот западен лидер кој директно го повика иранскиот претседател да овозможи повторно отворање на поморската рута.Аналитичарите на инвестициската банка „Голдман Сакс“ предупредија дека цената на нафтата може да достигне и околу 150 долари за барел доколку кризата не се смири до крајот на месецот. Во екстремни сценарија, некои трговци со енергенси предупредуваат дека цената би можела да порасне и до 250 долари за барел.Порастот на цените на нафтата веќе создава притисок врз цените на горивата, при што во некои земји постои ризик полнењето на семеен автомобил повторно да надмине 100 фунти, што последен пат се случи по почетокот на војната во Украина.Во меѓувреме, иранските државни медиуми објавија дека за нов врховен лидер на земјата е избран Моџтаба Хамнеи, 56-годишниот син на покојниот ајатолах Али Хамнеи. Изборот на конзервативниот духовник, според анализите, сигнализира подготвеност на Техеран да ја продолжи конфронтацијата со Соединетите Американски Држави.

Свет | пред 3 седмици

Над 270 контроли на бензински пумпи – кај дваесетина привремен недостиг од гориво

Пазарните инспектори утврдиле дека на дел од бензинските станици во државата имало привремен недостиг на гориво, но станувало збор за краткотрајни прекини во снабдувањето, кои траеле од еден до два часа.Контролите биле спроведени откако на социјалните мрежи се појавија информации дека на некои бензински станици не се точи гориво, по што Државниот пазарен инспекторат излезе на терен со вонредни проверки.Директорот на Државниот пазарен инспекторат, Стојкоски, за телевизија Сител изјави дека во изминатите три дена биле извршени повеќе од 270 контроли на бензински пумпи низ целата држава.При инспекциските надзори било утврдено дека кај дваесетина бензински станици имало привремен недостиг на гориво. Сепак, како што појасни Стојкоски, прекинот траел кратко – додека се дополнат резервоарите, по што точењето продолжувало без проблеми.Поради тоа, инспекторите не изрекле казни.Според директорот на Пазарниот инспекторат, причината за ваквата состојба е нагло зголемената побарувачка за гориво, која во одредени моменти била и до четири пати поголема од вообичаеното.

Македонија | пред 3 седмици

Трампов сојузник и нафтен милијардер им порача на Американците: „Издржете еден месец“ додека растат цените на горивата

Њујоршкиот милијардер Џон Катсиматидис, близок сојузник на американскиот претседател Доналд Трамп и сопственик на нафтената компанија United Refining Company, им порача на потрошувачите да не паничат поради поскапувањето на горивата во сенката на војната со Иран, оценувајќи дека станува збор за „привремена флуктуација“.Во интервју за „Форбс“, Катсиматидис предвиде дека цената на нафтата „во следните неколку дена“ може да се искачи и до 100 долари за барел, но истовремено изрази уверување дека ќе се намали „исто толку брзо“ кога ќе се овозможи нормално движење низ Ормутскиот Теснец. Тој, исто така, рече дека не направил промени во набавките или работењето на компанијата бидејќи очекува конфликтот да заврши за „помалку од 30 дена“.„Издржете еден месец“, порача Катсиматидис, додавајќи дека САД треба да можат да „ги елиминираат терористите“.Тој предупреди и дека „никој не треба ни да помисли да им се спротивстави на Соединетите Американски Држави“, тврдејќи дека ќе биде „срамнет“.Катсиматидис смета дека дел од меѓународните нафтени компании „ја сакаат паниката“ затоа што би можеле да заработат повеќе, но нагласи дека тоа, според него, не е случајот со неговиот бизнис. Рече и дека со Трамп не разговарал конкретно за цените на горивата, но дека би му советувал побрзо да ги заврши операциите.Во меѓувреме, цените на горивата на бензинските пумпи во САД во петокот достигнале 3,45 долари за галон, според податоците на организацијата AAA, што е речиси 50 центи повеќе отколку една недела претходно. Цената на нафтата во петокот се искачила на 90 долари за барел, а катарскиот министер за енергетика предупредил дека до крајот на месецот може да достигне и 150 долари.„Ние само произведуваме гориво. Тоа е светски пазар. Сите ќе ги почувствуваме последиците“, посочи Катсиматидис, објаснувајќи дека кога влезните трошоци растат, цените мора да се прилагодат и на пумпите.Според проценка на „Форбс“, Катсиматидис располага со богатство од околу 4,8 милијарди долари. Тој е основач и извршен директор на холдингот Red Apple Group, во чие сопствеништво е и United Refining Company, која располага и со рафинерија во Ворен, Пенсилванија, со капацитет за преработка од околу 70.000 барели сурова нафта дневно. Компанијата, според објавените податоци, снабдува околу 400 бензински пумпи под брендовите Kwik Fill и Country Fair во Пенсилванија, Њујорк и Охајо.Во текстот се потсетува и на неговите реакции во американската внатрешна политика: Катсиматидис, кој го поседува и синџирот супермаркети Gristedes во Њујорк, минатото лето остро реагирал по подемот на демократскиот кандидат за градоначалник Зохран Мамдани, кој во кампањата зборувал за поевтини намирници и градски продавници, најавувајќи дека би можел да затвори повеќе свои продавници.

Свет | пред 3 седмици

(Фото) Ограничување на дизел два дена пред новите цени: известување од „ЛУКОИЛ“ предизвика реакции

Известување за потрошувачи од компанијата „Луколил Македонија“ се појави на социјалните мрежи, а со кое се ограничува точењето на дизел, трактори, автобуси. Ова се случува во период кога граѓаните и онака се во паника дека цените драстично ќе се покачат веќе од вторник, бидејќи секој понеделник Регулаторна комисија ги утврдува новите цени на дериватите.Според известувањето, врз основа на одлука за привремено ограничување на продажбата на дизел гориво – Евро дизел БС и ЕКТО дизел – за камиони, трактори и автобуси е ограничена на најмногу 50 литри. Граѓани пак, кои со автомобили биле на пумпите, посочуваат дека не биле ограничени колку гориво да наточат.Во документот се наведува и дека е забрането точење гориво во садови, односно туби и канистри, кои не ги исполнуваат пропишаните безбедносни стандарди.Ограничувањето, како што стои во известувањето, не се однесува на возила кои точат гориво согласно склучени договори со ЛУКОИЛ Македонија.Од компанијата наведуваат дека мерката се воведува како дел од, како што се наведува, општествено одговорното работење и со цел еднаква заштита на интересите на сите потрошувачи.На известувањето има печат од подружницата „Б.С. Прилеп 004“, која според податоците на нинвниот веб-сајт се наоѓа на патот Прилеп-Битола, на влез од градот.„Скопје1“ испрати прашања до компанијата дали ова известување е пратено до сите подружници, зошто се решиле на ограничување на точење на дизел два дена пред да стапат на сила новите цени, но и дали компанијата очекува да се „збогати“ доколку ја сочува нафтата и ја продава по новите цени од Регулаторна. На прашањата очекуваме одговор, како и официјален став за ова објавено извстувањеВчера, премиерот Христијан Мицкоски уверуваше дека инсппекциските служби се на терен, бидејќи ограничување на продажбата или затворање на пумпи, граѓаните јавуваат дека се случува и кај други компании.

Македонија | пред 3 седмици

(Видео) Погодено складиште за нафта во Техеран во нови израелски напади

Израелските воздухопловни сили извршуваат напади врз иранската нафтена инфраструктура во Техеран, соопштија израелски официјални претставници, додека на социјалните мрежи се појавија и снимки од експлозии во иранската престолнина.Израелските одбранбени сили соопштија дека започнале нов бран напади насочени кон инфраструктура на иранскиот режим во главниот град, најавувајќи дека дополнителни детали ќе бидат објавени подоцна.Според иранската новинска агенција „Фарс“, која е поврзана со Иранската револуционерна гарда, погодено е складиште за нафта во јужниот дел на Техеран.Нападите следуваат откако израелската армија претходно соопшти дека започнала „бран напади“ насочени кон цели во иранската престолнина, во рамки на ескалацијата на конфликтот меѓу двете држави.

Свет | пред 3 седмици

Орбан до Зеленски: Не ѝ се заканувајте на Унгарија со војници, прекинете со уцените

Унгарскиот премиер Виктор Орбан денеска на социјалната мрежа Икс објави порака упатена до украинскиот претседател Володимир Зеленски, во која го обвини за закани и уцени и побара да престане со притисоците и да овозможи непречен премин на унгарските пратки на нафта.„Претседателе, ја примив вашата порака. Ми се заканивте со војници и преку мене на цела Унгарија. Претседателе, тоа не поминува. Престанете со тоа. Ова е Унгарија. Унгарците не може да се уценуваат, а мене не можете да ме заплашите. Синоќа Унгарците порачаа дека не сакаат влада наклонета кон Украина и не сакаат проукраински премиер во Унгарија. Подобар е мирот. Престанете со уцените и заканите. Прекинете ја нафтената блокада и пуштете ги унгарските пратки на нафта. Наместо закани и уцени, дајте им на Унгарците почитта што ни припаѓа“, напиша Орбан.Нивниот спор во последните денови ескалираше откако Зеленски на средба со новинарите изјави дека би можел „да даде адреса на една личност во Европската Унија“ која ја блокира европската помош за Украина, за украинските војници „да ја повикаат и да разговараат со неа на свој јазик“.Во Будимпешта, но и во дел од Европската Унија, ова беше протолкувано како алузија на Орбан, кој повеќепати се судри со европските партнери околу пакетите помош за Киев. Паралелно трае и спорот околу енергетиката, при што унгарската страна зборува за „нафтена блокада“ и тврди дека се загрозува снабдувањето со енергенси.

Свет | пред 3 седмици

(Видео) Иран: Нема да напаѓаме соседни држави освен ако нападите доаѓаат од нивна територија

Иранскиот претседател Масуд Пезешкијан изјави дека соседните држави повеќе нема да бидат цел на ирански напади, освен во случај ако од нивна територија биде извршен напад врз Иран.Како што пренесуваат иранските медиуми, ваквата одлука ја одобрил привремениот совет за раководење на државата.Пезешкијан во своите изјави се извинил и до соседните земји за нападите што се случија во изминатите денови, нагласувајќи дека Техеран не сака дополнителна ескалација во регионот.Според него, Иран ќе реагира само доколку од некоја соседна држава биде започната воена акција против иранска територија.

Свет | пред 3 седмици

Нафтата „експлодира“ поради војната на Блискиот Исток: најсилен неделен раст од 1983, се споменува и сценарио од 150 долари

Цените на нафтата забележаа драматичен пресврт, откако ескалацијата на војната на Блискиот Исток ги засили стравувањата од долготраен конфликт и тешки пореметувања во глобалната испорака на горива. Според објавените податоци, американската лесна нафта WTI оствари најголем неделен раст откако во 1983 година започна тргувањето со фјучерси.Во петокот, фјучерсите за WTI пораснаа за 12,21% (9,89 долари) и затворија на 90,90 долари за барел. Брент, глобалниот репер, се зголеми за 8,52% (7,28 долари) и се стабилизираше на 92,69 долари за барел. На неделно ниво, WTI скокна за 35,63%, додека Брент порасна за околу 28%.Притисокот врз пазарот се засили и по политичките пораки од Вашингтон. Во текстот се наведува дека по изјавата на американскиот претседател Доналд Трамп, со која побара „безусловнo предавање“ од Иран, дополнително се зголемиле стравувањата дека конфликтот би можел да предизвика хаос на светските пазари на нафта и гас.Клучна точка на загриженост е Ормускиот Теснец, витална поморска рута за енергетските испораки. Катарскиот министер за енергетика Саад ал-Кааби предупреди дека цената на суровата нафта може да достигне 150 долари за барел во наредните недели доколку нафтените танкери не можат да минуваат низ теснецот.„Такво сценарио би можело да ги урне светските економии“, предупреди ал-Кааби.Покрај стравувањата, пазарот реагира и на конкретни оперативни проблеми. Според наведени изјави, Ирак прекинал производство од 1,5 милиони барели дневно, а Кувајт почнал да го намалува производството поради недостиг од складишен простор. Во меѓувреме, и покрај најавениот програм за танкери во Персискиот Залив, неизвесноста не се намали значително.Порастот на суровата нафта веќе се прелева и кон потрошувачите. Во САД, просечната цена на галон обичен бензин се зголемила за речиси 27 центи во седмицата до четврток, достигнувајќи 3,25 долари.Аналитичарите предупредуваат дека ако блокадите и прекините продолжат, ценовниот притисок може да стане уште посилен, со ризик од нов удар врз инфлацијата и трошоците за транспорт и индустрија ширум светот.

Свет | пред 3 седмици

Ирак активира „план за вонредни состојби“ и најавува остро кратење на нафтата

Ирачката државна нафтена компанија „Basra“ планира значително да ја намали експлоатацијата на низа нафтени полиња на југот на земјата, активирајќи план за вонредни состојби поради застојот на транзитот низ Хормушкиот теснец. Според извори од индустријата, намерата е паралелно да се пренасочи тежиштето кон гасот за да се обезбеди домашно производство на електрична енергија.Планот предвидува четири фази со кои би се закочиле или целосно би се запирале активности на девет полиња во јужен Ирак, со пад на производството од околу четири милиони барели дневно на приближно еден милион барели дневно.Во првата фаза, според истите извори, е прекинато производството на нафтеното поле „Румаила“, кое често се наведува меѓу најголемите во светот. Причината, како што се посочува, е тоа што бродови не пристигнуваат за преземање нафта поради блокадата во Хормуз, а складишните капацитети се исполнети.Проценките за „Румаила“ во текстот се движат околу 1,4 милиони барели дневно, а наредните фази би опфатиле и други полиња на југот, со цел активностите да се приспособат на ограничените извозни рути.Во меѓувреме, ирачкото Министерство за нафта ја нагласува потребата од стабилно снабдување со гас, за поддршка на домашната електропроизводство.Според наводите, испораките низ Хормушкиот теснец речиси запреле по ескалацијата на воените дејства во регионот, а дополнителни ризици се споменуваат и поради оштетувања на енергетската инфраструктура. Во истиот контекст, се наведува и дека дел од производителите во Заливот преземаат превентивни мерки, додека Катар, според текстот, ги стопирал испораките на течен природен гас.

Свет | пред 3 седмици

САД и дозволи на Индија привремено да купува руска нафта поради војната во Иран

По повеќемесечен притисок врз Индија да престане со купување руска нафта, Соединетите Американски Држави ѝ одобрија на Индија привремено изземање кое ѝ овозможува набавка на гориво од Москва поради ограничувањата на глобалните резерви на нафта предизвикани од војната на Блискиот Исток.Американскиот министер за финансии, Скoт Бесент, објави дека Министерството за финансии издава привремено 30-дневно изземање, со кое индиските рафинерии ќе можат да купуваат руска нафта.Целта е да се обезбеди непречен проток на нафта на светскиот пазар“, истакна Бесент, додавајќи дека оваа краткорочна мерка нема да и донесе значителна финансиска корист на руската влада, бидејќи се однесува на нафта која веќе е на пат кон потрошувачите.Тој посочи дека „Индија е клучен партнер на САД“ и истакна дека Вашингтон очекува Њу Делхи да ја зголеми куповината на американска нафта.Ова привремено решение ќе го ублажи притисокот предизвикан од обидот на Иран да ја држи светската енергетика како заложник“, заклучи Бесент.Според шест извори кои зборувале за Ројтерс, индиските рафинерии веќе започнале да купуваат милиони барели руска сурова нафта за да се справат со намалените резерви предизвикани од американско-израелската воена кампања во Иран.Оваа одлука следува по повеќемесечниот притисок од Вашингтон врз Њу Делхи да ја намали куповината на руска нафта, со цел да се ограничат клучните приходи за воените напори на Москва во Украина.

Свет | пред 3 седмици

Паника на дел од бензиските поради гласини дека „ќе снема нафта“, Мицкоски: Нема простор за грижа

Редици се формираа на дел од бензинските станици во земјава, откако меѓу граѓаните се проширија шпекулации дека може да дојде до недостиг на гориво или значително поскапување на нафтените деривати.„Скопје1“ на две бензиски станици во Скопје разговараше со вработени кои велат: „И денеска, цел ден се прават гужви, има некоја хистерија дека ќе нема деривати, а никој не знае да каже од каде е инфомрацијата и на што се темели освен шпекулации дека дознале од пријатели. Ова трае веќе два дена“.Според неофицијалните информации што се шират во јавноста, граѓаните се плашат дека е можно привремено редуцирање на продажбата на гориво до одредување на новите цени, но ваквите тврдења засега не се потврдени од надлежните институции.Премиерот Христијан Мицкоски по средбата со претставници на нафтената индустрија порача дека нема место за загриженост.„Залихи на горива има и нафтените потреби целосно се задоволуваат. Состојбата е под контрола“, напиша Мицкоски.Во меѓувреме, цената на нафтата на светските пазари порасна до околу 84 долари за барел поради стравувањата од можноста Иран да го блокира Ормутскиот теснец, една од најважните рути за транспорт на нафта во светот. САД најавија дека со морнарицата ќе обезбедуваат безбедност на танкерите во регионот.

Македонија | пред 3 седмици

Сијарто: Поголема е веројатноста Киев да остане без пари отколку Унгарија без нафта

Унгарскиот министер за надворешни работи и трговија, Петер Сијарто, денес изјави дека не се очекува напредок во врска со блокадата на нафтоводот „Дружба“ пред априлските избори во Унгарија.Тој оцени дека доколку актуелната власт во Будимпешта остане на позиција и по изборите, Украина ќе мора да постигне договор, бидејќи, како што нагласи, поголема е веројатноста Киев да остане без пари отколку Унгарија без нафта. Истовремено, украинскиот министер за енергетика Денис Шмигал соопшти дека сè уште не е донесена одлука за продолжување на работата на тој нафтовод кон Унгарија и Словачка.Сијарто, како што пренесува МТИ, рече дека не очекува поместувања во врска со прекинот на испораките на руска нафта преку нафтоводот „Дружба“ до одржувањето на парламентарните избори, бидејќи, како што наведе, Украина се обидува да влијае врз нивниот исход со запирање на транспортот.Според неговите зборови, украинската компанија што управува со нафтоводот во повеќе наврати ја известила унгарската државна нафтена компанија МОЛ дека нафтоводот е во исправна состојба и дека се чека политичка одлука за обновување на транспортот.Ситуацијата е јасна. Ако победиме на изборите, што е многу веројатно, и продолжиме да ја водиме земјата, Украинците ќе мора да соработуваат со нас. Нивните пари ќе исчезнат пред нашата нафта“, истакна Сијарто.Тој оцени дека војната денес е „деловен модел“ во Украина, тврдејќи дека таа земја во последните четири години од Европската унија добила 193 милијарди евра, што, според него, е повеќе отколку што нејзината економија би можела да произведе во мирнодопски услови.Живеат од средствата што ги добиваат од ЕУ. Затоа им е важен и овој заем од 90 милијарди евра, бидејќи им недостигаат средства. Ако стане јасно дека во наредните четири години ќе мора да соработуваат со нас, веднаш по изборите ќе мора да постигнат договор“, рече Сијарто.Од друга страна, украинскиот министер за енергетика Денис Шмигал изјави дека сè уште не е донесена одлука за времето на продолжување на работата на нафтоводот „Дружба“, преку кој руската нафта се транспортираше кон Унгарија и Словачка.Тој наведе дека украинската енергетска компанија Нафтогаз ја привршува анализата на хаваријата на постројката, по што ќе бидат утврдени трошоците, роковите и ресурсите потребни за санација и обновување на контролата на системот.Според неговите зборови, незгодата на еден од резервоарите предизвикала значителни внатрешни оштетувања на нафтоводот, кои не се видливи од површината.

Свет | пред 3 седмици

Македонија меѓу најподготвените во регионот, државните нафтени резерви се стабилни, вели Министерството за енергетика

Министерството за енергетика, рударство и минерални суровини информира дека државните нафтени резерви се стабилни и гарантираат сигурност на снабдувањето за граѓаните и стопанството, во услови на зголемени геополитички ризици и неизвесност на светските пазари.Од Министерството посочуваат дека Агенцијата за задолжителни нафтени резерви континуирано ги следи и одржува резервите на нафта и нафтени деривати, со цел да се обезбеди стабилност на пазарот и подготвеност за навремена реакција доколку дојде до нарушување на увозот или снабдувањето.Агенцијата има законска обврска да ги формира и одржува резервите во согласност со европската регулатива, односно Директивата 2009/119/ЕЗ, која предвидува задолжително минимално ниво на покриеност во однос на просечната потрошувачка или увозот во определен број денови.Државните резерви се чуваат како стратешки безбедносен механизам и не се користат во редовни пазарни услови, туку исклучиво со одлука на Владата во случај на прогласување енергетска криза или сериозно нарушување на снабдувањето.Според последните податоци, државата располага со:– 138.877.053 литри еуродизел,– 32.098.680 литри еуросупер БС-95,– 10.772.342 литри екстра лесно масло за домаќинство (ЕЛ-1),– 5.287.794 килограми мазут М-1 НС.Министерството наведува дека во моментов увозот на нафтени деривати се одвива непречено и без ограничувања. Доколку се појави евентуален недостиг поради затворање на граници, прекини или други нарушувања, Владата ќе реагира соодветно и навремено.Нафтените резерви се складирани кај овластени трговски друштва, меѓу кои се ОКТА – Рафинерија на нафта, Макпетрол АД Скопје, Лукоил Македонија ДООЕЛ и Супер Трејд ДООЕЛ. Овие капацитети се редовно мониторирани од надлежните државни органи, со цел да се обезбеди техничка исправност и навремена достапност на резервите.Како дополнителен сигурносен механизам, во функција е и продуктоводот Солун–Скопје, кој обезбедува алтернативен доток на сите видови нафта и нафтени деривати, намалувајќи ја зависноста од други транспортни правци.Од Министерството нагласуваат дека системот е поставен превентивно, со повеќеслојна заштита преку стратешки резерви, диверзификација на снабдувачите, алтернативни транспортни коридори и постојан мониторинг на потрошувачката.И покрај актуелните случувања на Блискиот Исток и можните глобални пореметувања, надлежните уверуваат дека Република Северна Македонија има обезбедено стабилен проток на деривати од повеќе извори и останува целосно подготвена да реагира во случај на какво било нарушување на снабдувањето.

Македонија | пред 3 седмици

Танкери заглавени во Заливот: Осигурителните компании го укинуваат покривањето за воен ризик

Неколку осигурителни компании соопштија дека ќе го укинат покривањето за воен ризик за бродовите поради конфликтот во Иран и Персискиот Залив.Осигурителните компании, меѓу кои се Gard, Skuld, NorthStandard, лондонскиот P&A клуб и Американскиот клуб, соопштија дека укинувањето на осигурувањето од воен ризик за бродовите ќе стапи на сила од 5 март, пренесува Ројтерс.Според соопштението, осигурувањето од воен ризик ќе биде укинато за бродовите во иранските води, како и во Персискиот Залив и соседните води.Јапонската осигурителна група MS&AD изјави за Ројтерс дека привремено суспендирала низа полиси за осигурување кои покриваат воени ризици во водите околу Иран и Израел, како и соседните земји.Тензиите на Блискиот Исток ескалираа откако американските и израелските сили започнаа напади врз Иран за време на викендот, по што Техеран ја затвори пловидбата низ Ормускиот теснец, клучна точка за глобалниот проток на нафта и гас.Неколку сопственици на танкери, големи нафтени компании и трговски куќи од тогаш ја запреа испораката на сурова нафта, гориво и течен природен гас преку теснецот, а сателитските податоци покажуваат дека бродовите се собираат во близина на клучни пристаништа во Обединетите Арапски Емирати, како што е Фуџеира.Податоците за следење на бродови од вчера покажуваат дека најмалку 150 танкери се закотвени во отворените води зад Ормускиот теснец.

Свет | пред 4 седмици

Раст на акциите на руските нафтени компании по нападите врз Иран

Акциите на водечките руски нафтени и гасни компании, меѓу кои се Роснефт, Лукоил, Газпром Нефт и Новатек, забележаа значителен раст по нападите врз Иран.Напнатоста на Блискиот Исток директно влијаеше на глобалниот пазар на енергетици, што доведе до нагло покачување на цените на суровата нафта. Аналитичарите предвидуваат дека овој тренд може да продолжи, сметајќи дека побарувачката за руска нафта би можела да расте, бидејќи таа станува алтернатива на резервите од Персискиот Залив, кои поради конфликтот сега се несигурни.Нафтениот пазар нагло се промени по нападите врз ИранЦените на нафтата силно пораснаа, додека берзанските индекси забележаа пад на почетокот на тргувањето. Американската сурова нафта во неделата навечер поскапе за осум проценти, на околу 72 долари за барел, за подоцна да се стабилизира на 71 долар. Бренд нафтата, глобална референтна цена, прво скокна повеќе од 12 проценти на околу 82 долари, но подоцна падна под 78 долари. Во петокот цената на Бренд изнесуваше нешто повеќе од 73 долари за барел.Во меѓувреме, фјучерс договорите за S&P 500, Nasdaq и Dow паднаа за околу еден процент. Од друга страна, договорите за нафтени компании како Exxon и Chevron пораснаа за околу два проценти, додека акциите на компании од одбранбената индустрија, како што се Northrop Grumman и Lockheed Martin, забележаа блага стапка на раст.Првичниот скок на цените на нафтата, иако остар, беше очекуван и во рамките на проценките на аналитичарите, кои сметаат дека сегашниот поремет на пазарот ќе биде релативно краткотраен. Сепак, постои значителна неизвесност околу обемот и траењето на војната, за која претседателот Доналд Трамп најави дека може да трае недели.Аналитичарите предупредуваат дека поголеми немири, хаотичен вакуум на моќта, прекин на производството или долготрајно затворање на Ормутскиот теснец може да ја подигне цената на нафтата на 100 долари за барел или повеќе.

Свет | пред 4 седмици

(Видео) Иран започна напади врз нафтени капацитети во Саудиска Арабија

Според првите извештаи, Иран започнал напади врз нафтени објекти во Саудиска Арабија. Со дронови од типот „Шахед“ нападнат е еден од најголемите нафтени јазли во светот.Непосредно по нападот, рафинеријата на Saudi Aramco го прекина производството, јавува Sky News Arabia.Рас Тануура е еден од најважните енергетски центри во светот – се наоѓа на источната обала на Саудиска Арабија и служи како главен терминал за извоз на сурова нафта. Комплексот вклучува еден од најголемите нафтени терминали и рафинериски капацитети на планетата, со огромна моќност за преработка и транспорт на нафта со танкери кон Азија, Европа и САД, и долго време е клучна алка во глобалните енергетски текови.Заради својата стратешка улога во снабдувањето со сурова нафта и рафинерирани производи, секое нарушување на операциите во Рас Тануура може да има сериозни последици за светскиот енергетски пазар.

Свет | пред 4 седмици

Затворен Ормутскиот Теснец, Иран ја блокира клучната нафтена рута

Иранската револуционерна гарда го затвори Ормутскиот Теснец, што доведува до зголемување на цените на нафтата и преиспитување на транзитните политики.Иранската револуционерна гарда упати порака до бродовите дека не можат да поминат низ Ормутскиот Теснец, пренесува агенцијата „Тасним“.Претходно беше соопштено дека поголем број танкери за нафта или гас ја избегнуваат пловидбата низ Ормутскиот Теснец, кој го поврзува со нафта богатиот Персиски Залив со Индискиот Океан.Танкери со нафта и гас се натрупуваат и внатре и надвор од влезот во теснецот, при што некои сопственици ја преиспитуваат својата политика за транзит, а други одобруваат пловидба на своите бродови, но со зголемена претпазливост, пренесуваат западни медиуми.Ормутскиот Теснец е едно од најголемите жаришта во периоди на тензии со Иран, бидејќи секојдневно низ оваа рута поминува една петтина од светската морска нафта и течен природен гас.Што ќе се случи со цената на нафтата?До поголем и подолготраен раст на цените на нафтата би дошло доколку биде прекината нафтената инфраструктура или испораките, на пример поради попречување на танкерскиот сообраќај низ Ормутскиот Теснец.Низ Ормутскиот Теснец секој ден поминува околу 20% од светската испорака на нафта. Извозниците од Блискиот Исток – Саудиска Арабија, Ирак и Обединетите Арапски Емирати – најголемиот дел од извозот го испраќаат токму по овој правец.Аналитичарите претходно наведоа дека Иран нема мотив да се обиде да го затвори теснецот, бидејќи со тоа би го прекинал сопствениот извоз и би му наштетил на својот единствен голем купувач – Кина. Сепак, според сè изгледа Ормутскиот Теснец е затворен.Поширока војна што би вклучувала иранско попречување на танкерскиот сообраќај би можела да ја подигне цената на суровата нафта над 90 долари за барел.

Свет | пред 1 месец

Русија ќе го намали попустот на нафтата на околу 10 долари по барел

Рускиот потпретседател на Владата, Александар Новак, изјави дека руската влада ќе настојува да го намали попустот на нафтата на околу 10 долари по барел.Според податоците на компанијата Аргус, по воведувањето санкции од страна на САД и Велика Британија кон Роснефт и Лукоил, попустот на руската нафта на пристаништата достигна 27 до 29 долари по барел. „Во најдобрите периоди откако беа воведени санкциите, нашиот попуст изнесуваше околу десет долари по барел“, изјави Новак.Рускиот функционер додаде дека Владата работи на тоа повторно да го намали попустот приближно на ова ниво.

Свет | пред 1 месец

ЕУ планира трајна забрана за увоз на руска нафта

Европската комисија планира да предложи закон кој ќе предвиди трајна забрана за увоз на руска нафта. Предлогот е предвиден да биде објавен на 15 април, три дена по парламентарните избори во Унгарија, со цел прашањето за забраната да не стане доминантна тема во предизборната кампања.ЕУ уште во 2022 година забрани увоз на руска нафта превезуван по море, со исклучок на земјите без излез на море – Чешка, Унгарија и Словачка – кои можат да увезуваат нафта преку морски транспорт ако не е можно да се користи нафтопроводот.Испораките преку нафтопроводот Дружба беа прекинати на 27 јануари по руски напад со дронови. Унгарија ја обвинува Украина дека го одложува поправувањето на нафтопроводот, па затоа го блокира 20-тиот пакет санкции против Русија и кредитот од 90 милијарди евра за Украина, при што Словачка ѝ се приклучи на Унгарија во блокадата.Со новиот закон, Комисијата сака трајно да ја забрани руската нафта. Иако во последното тромесечје ЕУ увезувала само 1 отсто руска нафта, Унгарија и Словачка не презеле мерки за намалување на зависноста, па денес речиси целосно зависат од руски енергенти.Минатиот месец, ЕУ донесе закон за целосно запирање на увозот на руски гас од есен 2027 година. Унгарија и Словачка најавија дека ќе се борат против тоа пред Судот на ЕУ.

Свет | пред 1 месец

Цената на нафтата се искачи над 68 долари

Ценaте на нафтата на меѓународните пазари се искачи над 68 долари, одразувајќи ја загриженоста на инвеститорите пред новиот круг американско-ирански нуклеарни преговори што започнува во вторник во Женева. На лондонскиот пазар, барелот се тргуваше по 68,41 долари, што е за 66 центи повеќе во однос на цената на затворање минатата недела, додека на американскиот пазар цената се зголеми за 65 центи и достигна 63,54 долари.Преговорите во Женева се фокусирани на иранскиот нуклеарен програм, при што Техеран најавува подготвеност за компромис доколку САД ги укинат санкциите. Иранскиот министер за надворешни работи, Абас Аракчи, ќе се сретне со американските претставници Стив Виткоф и Џаред Кушнер, со посредство на Оман. Замениот директор за економска дипломатија во Министерството за надворешни работи, Хамид Ганбари, истакна дека договорот би требало да донесе економски бенефит за двете страни, вклучувајќи заеднички интереси во гасните и нафтените полиња, инвестиции во рударството и набавка на авиони.Иранската морнарица одржа во понеделник воена вежба во Теснецот Ормус, преку кој поминуваат околу 20 милиони барели нафта дневно, со цел да ја провери подготвеноста за „можни безбедносни и воени закани“, објави новинската агенција Тасним.САД веќе испратија уште еден носач на авиони, USS Ford, кој би требало да пристигне на Блискиот Исток најрано кон крајот на неделата. Индија, од почетокот на месецот, заплени три танкери поврзани со Иран и го зајакна надзорот во поморската зона за да ја спречи незаконската трговија. Целта е да се спречи пренесување на нафта од брод на брод за прикривање на нејзиното потекло.Одделни пресметки на Организацијата на земјите извознички на нафта (OPEC) покажуваат дека барелот на нафта од кошницата на нејзините членки во петокот беше поевтин за 1,44 долари и чинеше 66,62 долари.

Свет | пред 1 месец