САД

САД го замрзнуваат издавањето имигрантски визи и за Македонија

САД привремено го запираат процесирањето на имигрантски визи за државјани од вкупно 75 земји, меѓу кои и Македонија, јавува „Фокс њуз“, повикувајќи се на интерен меморандум на американскиот Стејт департмент.Според документот, конзуларните службеници добиле насока да ги одбиваат апликациите за имигрантски визи согласно постојниот закон, додека трае преоценка на процедурите за проверка и селекција на апликантите. Паузата ќе започне на 21 јануари и ќе трае на неопределено време, сè додека американските власти не ја завршат ревизијата на целиот систем за издавање имигрантски визи.Како причина за мерката се наведува намерата да се спречи влез на лица за кои се проценува дека би можеле да станат товар за американскиот социјален систем, односно да зависат од државна помош. Во тој контекст, повторно ќе се применува т.н. одредба за „јавен товар“, која им овозможува на конзуларните службеници да одбијат виза врз основа на проценка дека апликантот веројатно ќе користи јавни средства.Проценката, според упатствата, ќе се врши врз широка лепеза критериуми, меѓу кои се возраста, здравствената состојба, финансиската стабилност, познавањето на англискиот јазик, како и можната потреба од долготрајна медицинска нега. Меѓу факторите што може да влијаат негативно се наведуваат и претходно користење на парична социјална помош или институционална грижа.Од Стејт департментот појаснуваат дека исклучоци од оваа мерка ќе има „во многу ограничени случаи“ и само откако апликантите ќе ја поминат проценката за ризик од станување јавен товар.За македонските граѓани ова значи дека апликациите за имигрантска виза кон САД ќе бидат ставени во мирување, без јасна временска рамка кога постапката би можела повторно да продолжи. Во листата на опфатени држави, покрај Македонија, се наоѓаат и земји од регионот и пошироко, како Косово, Црна Гора, Босна и Херцеговина, Србија, Албанија, но и Русија, Иран, Ирак, Египет, Нигерија и други.Американските медиуми потсетуваат дека одредбата за „јавен товар“ постои со децении, но нејзината примена варирала во зависност од администрацијата. Таа беше значително проширена во времето на Доналд Трамп, потоа делумно укината, а сега повторно се активира во построга форма, со што директно се засегаат и апликантите од Македонија кои планирале трајно иселување во САД.

Свет | пред 2 месеци

САД стопираат издавање визи за државјани од 75 земји

Администрацијата на американскиот претседател Доналд Трамп од 21 јануари ја запира обработката на визи за посетители од вкупно 75 земји, објави „Фокс њуз“, повикувајќи се на интерен допис на американскиот Стејт департмент.Според информациите, меѓу земјите за кои ќе се применува оваа мерка се Сомалија, Русија, Иран, Авганистан, Бразил, Нигерија и Тајланд. Со дописот, американските дипломатски претставништва добиле насока привремено да ги одбиваат апликациите за визи во согласност со постојните законски одредби, сè додека Стејт департментот не изврши анализа и ревизија на актуелните правила.Одлуката се вклопува во строгата имиграциска политика што Трамп ја спроведува од стапувањето на функцијата, со фокус на ограничување на влезот во САД од земји кои администрацијата ги оценува како безбедносен ризик.Во ноември минатата година, Трамп најави дека ќе се залага за „трајно запирање“ на миграциите од, како што ги нарече, земји од „третиот свет“, по инцидентот во кој авганистански државјанин отвори оган во близина на Белата куќа и усмрти припадник на Националната гарда.Истовремено, потсетува „Фокс њуз“, дел од авганистанските државјани кои аплицирале за азил во САД по 2021 година добиле специјални имигрантски визи, наменети за лица кои соработувале со американската армија за време на дваесетгодишната воена мисија во Авганистан.

Свет | пред 2 месеци

Нема фотографија

Америка го запира издавањето визи за 75 земји – апликациите ќе бидат одбивани по ред

Администрацијата на американскиот претседател Доналд Трамп ја запира обработката на сите визи за посетители од 75 земји, почнувајќи од 21 јануари, објави „Фокс њуз“, повикувајќи се на интерен допис на американскиот Стејт департмент.Според информациите, меѓу земјите кои се опфатени со оваа мерка се Сомалија, Русија, Иран, Авганистан, Бразил, Нигерија и Тајланд.Во дописот, кој бил испратен до американските амбасади ширум светот, се наложува визите да се одбиваат во согласност со постојните закони, додека Стејт департментот врши анализа и ревизија на важечките правила за издавање визи.Оваа одлука се вклопува во строгата имиграциска политика што републиканскиот претседател Доналд Трамп ја спроведува од стапувањето на функцијата во јануари минатата година. Во ноември, Трамп најави дека ќе ги „трајно запре“ миграциите од, како што ги нарече, „земјите од третиот свет“, по инцидентот во кој авганистански државјанин пукаше во близина на Белата куќа и уби припадник на Националната гарда.Инаку, по повлекувањето на американските сили од Авганистан во 2021 година, голем број авганистански државјани кои поднеле барања за азил во САД добија специјални имигрантски визи, наменети за лица кои соработувале со американската војска за време на дваесетгодишниот конфликт во земјата.

Свет | пред 2 месеци

Светот на работ на нова ескалација: САД размислуваат за удар врз Иран по масовните убиства на демонстранти

Светската јавност со големо внимание ја следи драматичната ескалација на состојбата во Иран и дилемата дали САД ќе се одлучат на воен одговор. Американскиот претседател Доналд Трамп јавно му се закани на иранскиот режим со воени удари доколку безбедносните сили продолжат со насилството врз демонстрантите, во услови кога протестите веќе однесоа, според различни извори, повеќе од две илјади човечки животи.Снимките што доаѓаат од Иран сведочат за размерите на кризата. Во Форензичкиот медицински центар Кахризак, јужно од Техеран, е формирана импровизирана мртовница, преполна со тела сместени во црни вреќи, додека очајни семејства се обидуваат да ги препознаат своите најблиски. Протестите траат од крајот на декември и се поттикнати од гневот поради колапсот на националната валута и драматичното влошување на животниот стандард.Во ваква атмосфера сè погласно се зборува за можен американски воен удар. Вашингтон одамна го смета Иран за еден од главните фактори на нестабилност на Блискиот Исток, а евентуална интервенција би претставувала најопасна ескалација на односите меѓу двете држави во последните години.Проценка изнесе и германскиот канцелар Фридрих Мерц, кој изјави дека иранскиот режим, соочен со сериозни внатрешни проблеми, можеби се наоѓа во своите „последни денови и недели“. Сепак, не сите аналитичари се уверени дека воената интервенција е најизвесното сценарио.Во меѓувреме, од Белата куќа протекуваат информации дека Трамп ги разгледува и иранските сигнали за можни преговори. Според изјава за „Аксиос“, американскиот претседател е наклонет кон опцијата за удари како казна за убиствата на демонстранти, но сè уште нема донесено конечна одлука. Доколку се одлучи за акција, таа најверојатно би била насочена кон структури на режимот поврзани со внатрешната безбедност, кои се сметаат за директно одговорни за репресијата.Американскиот амбасадор во Израел, Мајк Хакаби, изјави дека во моментов не постојат конкретни планови за воен напад, но истовремено нагласи дека таквата одлука може да се промени. Геополитичките експерти посочуваат дека САД располагаат со широк спектар алатки, од кибернапади и саботажи, до дронови и ракетни удари од воздух и море, како и можни напади врз нуклеарната и воената инфраструктура со цел да се намалат капацитетите на режимот и да се одврати од понатамошни дестабилизирачки дејства.Ковачевиќ дополнително истакнува дека ваков развој на настаните го посакува и значаен дел од поддржувачите на Трамп, кои веруваат дека уривањето на иранската власт би ја елиминирало заканата за Израел и би придонело за заштита на христијаните од, како што сметаат, верски непријателски режими. Во случај на промена на власта, се споменува и можноста за враќање на династијата Пахлави, иако таквото сценарио засега останува неизвесно.

Свет | пред 2 месеци

Кина против САД: Пекинг се спротивставува на употреба на сила

Кина се спротивставува на какво било надворешно мешање во внатрешните работи на Иран, соопшти кинеското Министерство за надворешни работи, откако американскиот претседател Доналд Трамп предупреди дека Вашингтон ќе преземе „многу силни мерки“ против Техеран.Кина не го одобрува користењето сила, ниту заканите со сила во меѓународните односи, изјави Мао Нинг, портпаролка на кинеското Министерство за надворешни работи, на редовна прес-конференција, одговарајќи на прашање за ставот на Пекинг по изјавите на Трамп.Американскиот претседател претходно ги повика демонстрантите во Иран да продолжат со протестите и порача дека помошта е на пат.

Свет | пред 2 месеци

САД прогласија три огранока на Муслиманското братство за глобални терористи

САД во вторник ги прогласија египетскиот, либанскиот и јорданскиот огранок на Муслиманското братство за глобални терористи, наведувајќи меѓу причините и нивната поддршка на палестинската милитантна група Хамас.Овој потег, кој Вашингтон официјално го започна минатиот ноември, ќе воведе санкции кон еден од најстарите и највлијателните исламски движења во арапскиот свет.Министерството за финансии на САД соопшти дека овие три огранока се означени како посебно глобални терористи, обвинувајќи ги за поддршка или поттикнување насилни напади врз Израел и американските партнери. „Ограноците на Муслиманското братство тврдат дека се легитимни граѓански организации, но зад кулисите експлицитно и со ентузијазам поддржуваат терористички групи како Хамас“, соопшти Министерството.Египетското Министерство за надворешни работи ја поздрави одлуката, оценувајќи ја како „клучен чекор што ја отсликува сериозноста на групата и нејзината екстремистичка идеологија, како и директната закана што ја претставува за регионалната и меѓународната безбедност и стабилност“.Муслиманското братство победи на првите слободни претседателски избори во Египет во 2012 година, но година дена подоцна беше соборено од војската по масовни протести против нивната власт и од тогаш се соочува со жесток прогон од страна на властите.

Свет | пред 2 месеци

Односите меѓу Копенхаген и Нук се распаѓаат: „Неслогата им оди во прилог на Американците“

Утре во Вашингтон, министерката за надворешни работи на Гренланд, Вивијан Моцфелд, и данскиот министер за надворешни работи, Ларс Леке Расмусен, ќе се сретнат со американскиот државен секретар Марко Рубио во обид да се најде решение за гренландската криза. Сепак, се чини дека данската и гренландската страна сè помалку настапуваат единствено во однос на американските претензии.Ниту во рамки на гренландското политичко раководство и парламентарните партии нема единство околу тоа како да се одговори на заканите на Доналд Трамп, повторно изразени во ноќта кон вторникот преку објава на Белата куќа на мрежата Икс, на која американскиот претседател е прикажан како низ прозорец гледа во карта на Гренланд.Денеска во Копенхаген пристигнува американска делегација составена од осум сенатори и членови на Претставничкиот дом на Конгресот, најмногу од редовите на Демократската партија. Тие ќе се сретнат со претставници на данската и гренландската влада, како и со бизнис-лидери.Кабинетот на демократскиот сенатор Крис Кунс во кратко соопштение наведува дека тој ќе ја предводи конгресната делегација во Копенхаген со цел да се истакнат повеќе од 200 години пријателство меѓу САД и Данска.Зошто сенаторите доаѓаат во Данска, а не на Гренланд?Претседателката на Комитетот за надворешна и безбедносна политика на гренландскиот парламент, Пипалук Линге, која очигледно не била поканета, веднаш побарала да присуствува на средбата со американските сенатори. Таа изјави дека за Гренланд не може да се разговара без присуство на негови претставници и оцени дека е чудно што сенаторите се поканети во Данска, а не на Гренланд.Гренландскиот премиер Јенс-Фредерик Нилсен исто така пристигнал во Копенхаген и ќе остане во главниот град на Данска цела недела, очигледно со цел да биде што поблиску до данските лидери додека се водат разговори за иднината на неговата земја.Во меѓувреме, дел од данските политичари го загубија трпението. Поранешниот лидер на националистичката и популистичка Данска народна партија, Кристијан Тулесен Дал, за весникот Јиландс-Постен изјави дека е неодржлива сегашната ситуација во која гренландските лидери можат без никаква одговорност и последици да зборуваат што сакаат за Данска.Сите гренландски партии сакаат независностТулесен Дал оцени дека можеби е време односите меѓу Данска и Гренланд да бидат целосно отворени. Тој потсети дека Гренланд повеќепати јасно ставил до знаење дека сака да се отцепи и дека тоа е само прашање на време и начин. Според него, долгорочната цел на речиси сите партии на Гренланд е независност.Тој додаде дека сега на сите мора да им биде јасно дека САД нема да прифатат независен Гренланд и постави прашање дали Гренланѓаните ја гледаат својата иднина со Данска или нивната желба за отцепување ќе ги однесе во американска прегратка. Според него, Гренланѓаните треба директно да разговараат со САД и врз таа основа да ја изберат својата иднина.Инеќи Килсен, потпретседател на левичарската партија Сиумут, исто така смета дека Гренланд треба самостојно и директно да разговара со САД и дека данскиот министер за надворешни работи нема што да бара на такви средби. Тој потсети дека данската влада повеќепати изјавила оти Гренланд им припаѓа на Гренланѓаните и дека сега треба да се држи до тој став.Страв од ескалација и американска интервенцијаОд друга страна, данската левичарска партија Единствената листа апелираше над палатата Кристијансборг во Копенхаген, седиштето на парламентот, владата и Врховниот суд, да се истакне гренландското знаме. Пратеникот Педер Хвелплунд изјави дека парламентот треба да дејствува во знак на солидарност и сочувство со гренландскиот народ и нивното право самостојно да одлучуваат за иднината на Гренланд.Гренландската пратеничка во данскиот парламент и поддржувачка на независноста на Гренланд, Аки-Матилда Хег-Дам, песимистички оцени дека Доналд Трамп тешко може да се одврати од намерата да го преземе Гренланд. Таа смета дека не е нужно проблематично да се склучи договор со САД доколку тоа може да им обезбеди поголема независност на Гренланѓаните.Според неа, САД и онака доаѓаат на Гренланд, па затоа треба да се обидат да извлечат нешто од тоа. Таа изјави дека изборот е меѓу тоа земјата да биде преземена со сила или преку преговори да се извлече најдоброто за гренландскиот народ, оценувајќи дека трета опција не постои.Во тој контекст, данската премиерка Мете Фредериксен пред два дена беше директно прашана што би се случило доколку САД тргнат со сила кон Гренланд. Таа одби јасно да одговори, наведувајќи дека постојат работи кои не може да ги сподели со јавноста и дека се наоѓаат во судбоносен момент.

Македонија | пред 2 месеци

Американски конгресмен предлага Гренланд да стане сојузна држава на САД

Републиканскиот конгресмен на САД Ренди Фајн поднесе предлог-закон кој предвидува анексија на Гренланд и доделување статус на сојузна држава во рамки на Соединетите Американски Држави, се наведува во соопштението, пренесува РИА Новости.Фајн денеска го претстави Законот за анексија и државност на Гренланд, кој, според него, има за цел да ги обезбеди стратешките интереси на националната безбедност на САД на Арктикот и да се спротивстави на растечките закани од Кина и Русија.Во соопштението се наведува дека, со заострувањето на глобалната конкуренција на Арктикот, Соединетите Држави не можат да си дозволат да им остават простор на ривалските сили да стекнат влијание во еден од стратешки најважните региони во светот.„Гренланд е витален елемент на нашата национална безбедност. Кој го контролира Гренланд, ги контролира клучните арктички поморски патишта и безбедносната архитектура што ги штити Соединетите Американски Држави. Америка не може да ја остави таа иднина во рацете на режими кои ги презираат нашите вредности и сакаат да ја поткопаат нашата безбедност.“, изјави конгресменот Фајн.Како што се наведува на официјалната веб-страница на неговата канцеларија, претседателот на САД Доналд Трамп и државниот секретар Марко Рубио јасно укажале дека Арктикот брзо се појавува како главна арена на глобалното натпреварување меѓу големите сили. Во соопштението се тврди дека Кина и Русија агресивно го шират своето присуство во регионот, додека, според Фајн, „години на слаба политика“ довеле до нарушување на стратешката позиција на Америка.Според предложениот закон, претседателот на САД би имал овластување да ги преземе сите неопходни чекори за анексија или стекнување на Гренланд како американска територија. Исто така, се предвидува поднесување детален извештај до Конгресот со измените на федералните закони потребни за Гренланд да стане официјална сојузна држава на САД.„Предолго американското раководство стоеше настрана додека нашите противници ја поткопуваа нашата геополитичка доминација. Мојот закон ќе ја заштити нашата татковина, ќе ја обезбеди нашата економска иднина и ќе гарантира дека Америка – а не Кина или Русија – ќе ги поставува правилата на Арктикот. Така изгледа американското лидерство и сила“, изјави Фајн.

Свет | пред 2 месеци

„Не сакаме ниту да сме Данци, ниту да сме Американци“ - Судбоносен момент за Гренланд!

Данската премиерка Мете Фредериксен изјави дека Данска се наоѓа во „судбоносен момент“ поради изјавите на американскиот претседател Доналд Трамп дека САД би можеле да преземат дејствија за Гренланд, дури и без согласност на Копенхаген и гренландските власти, пренесува Гардијан.Фредериксен, обраќајќи се на политички собир во неделата, изјави дека земјата е на раскрсница и дека во прашање е суштината на сојузништвото во НАТО. Според неа, проблемот не е само Гренланд, туку и пораката што ја испраќаат САД ако му се закануваат на сојузник.Таа оцени дека доколку ваквото однесување значи свртување грб на западната алијанса, тогаш тоа би имало далекусежни последици за целата безбедносна архитектура во Европа.Изјавите доаѓаат во пресрет на средбите на министрите за надворешни работи на Данска и Гренланд со американскиот државен секретар Марко Рубио, кои се очекува да бидат клучни за понатамошните односи.Во петокот, Трамп изјави дека САД ќе преземат чекори во врска со Гренланд „без разлика дали тоа им се допаѓа или не“, додавајќи дека постојат „добар и потежок начин“ за решавање на прашањето. Американската администрација досега не ја исклучи можноста за употреба на сила, иако Данска и Гренланд се дел од НАТО.Како реакција, гренландскиот премиер Јенс-Фредерик Нилсен, заедно со лидерите на сите парламентарни партии, објави заедничка изјава во која порачаа дека иднината на Гренланд не е предмет на надворешни одлуки.Во изјавата се наведува дека Гренландците не сакаат да бидат ниту Американци, ниту Данци, туку дека сакаат сами да одлучуваат за својата иднина.Фредериксен истакна дека Данска ќе продолжи да ја брани својата позиција и дека по прашањето на Гренланд нема простор за отстапки. Таа додаде дека Копенхаген добил поддршка од повеќе земји-членки на НАТО.Поддршка за Данска изрази и шведскиот премиер Улф Кристерсон, кој оцени дека заканувачката реторика кон сојузници е неприфатлива. Во исто време, Шведска најави дополнителни инвестиции во воздушната одбрана, оценувајќи дека безбедносната состојба во Европа се влошува.

Свет | пред 2 месеци

Американски сенатор до Иранците: Помошта пристугнува

Републиканскиот сенатор Линдзи Греам, близок сојузник на американскиот претседател Доналд Трамп, изјави дека помошта за иранските демонстранти „е на пат“, само неколку часа откако Трамп јавно порача дека Соединетите Американски Држави се подготвени да им помогнат на граѓаните на Иран во нивната борба за слобода.Во објава на социјалната мрежа Икс, Греам се обрати директно до иранскиот народ, наведувајќи дека „долгата ноќна мора наскоро се приближува кон својот крај“. Тој порача дека претседателот на САД, како и сите кои ја поддржуваат слободата, ја забележале храброста и решителноста на демонстрантите да стават крај на, како што наведе, угнетувањето во земјата.Сенаторот додаде дека пораката на Трамп „Да го направиме Иран повторно голем“ претставува јасен повик иранските демонстранти да надвладеат над исламските водачи. Според Греам, ова е најјасниот сигнал досега дека американскиот претседател разбира оти Иран не може да биде просперитетна држава сѐ додека, како што рече, ајатоласите и нивните следбеници се на власт.На крајот од пораката, Греам упати поддршка до сите кои учествуваат во протестите, порачувајќи дека нивната жртва нема да остане незабележана и дека помошта е веќе во движење.Изјавата на Греам доаѓа неколку дена откако тој се појави во јавноста заедно со Доналд Трамп, при што вниманието го привлече капа со натпис „Make Iran Great Again“, која ја носеше американскиот претседател. Дел од аналитичарите овој гест го протолкуваа како симболичен сигнал за можна поинтензивна американска поддршка на протестите во Иран.

Свет | пред 2 месеци

„Дејли мејл“: Трамп наводно побарал план за инвазија на Гренланд, генерали остро се спротивставиле

Американскиот претседател Доналд Трамп наводно им наредил на командантите на американските специјални сили да изработат план за можна инвазија на Гренланд, но ваквата идеја наишла на остро противење од највисоките структури во воениот врв, објави британскиот таблоид Daily Mail.Според написот, станува збор за исклучително чувствителен и контроверзен предлог кој, доколку би бил реализиран, би можел да доведе до сериозно нарушување на односите во НАТО и до длабока геополитичка криза. Извори блиски до британската дипломатија тврдат дека ваквите идеи доаѓаат во период на зголемени глобални тензии и растечка конкуренција меѓу големите сили за контрола на стратешки важни региони.Истите извори наведуваат дека дел од политичкиот круг околу Трамп, меѓу кои и неговиот советник Стивен Милер, биле охрабрени од неодамнешната американска операција за приведување на венецуелскиот лидер Николас Мадуро, по што сметале дека САД треба брзо да дејствуваат и да го зацврстат своето влијание врз Гренланд, пред тоа да го сторат Русија или Кина.Во написот се посочува и дека Трамп можеби бил мотивиран од внатрешно-политички причини, односно од обид да го пренасочи вниманието на американската јавност од економските проблеми во земјата, во пресрет на претстојните меѓуизбори, на кои неговата партија би можела да ја загуби контролата врз Конгресот.Наводно, претседателот побарал од Заедничката команда за специјални операции да подготви конкретен оперативен план, но Здружениот штаб на американската војска го одбил тоа барање, оценувајќи дека станува збор за потег без законска основа и без поддршка од Конгресот. Според дипломатски извори, воените лидери сметале дека таков план би бил и политички и правно неодржлив, поради што се обидувале да го одвратат Трамп нудејќи други, помалку контроверзни опции.Меѓу нив, наводно, биле идеи за засилени акции против руската „флота во сенка“, која Москва ја користи за заобиколување на западните санкции, како и други безбедносни операции на Блискиот Исток. Еден извор за „Дејли мејл“ изјавил дека генералот врв го сметал планот за Гренланд за „луд и незаконски“, опишувајќи ја комуникацијата со претседателот како исклучително тешка и напната.Иако станува збор за тврдења на таблоид и за информации кои официјално не се потврдени, објавата предизвика бурни реакции и отвори сериозни прашања за насоката на американската надворешна и безбедносна политика во услови на зголемена глобална нестабилност.

Свет | пред 2 месеци

Драстичен пад на популарноста на имиграциската агенција во САД

Довербата на Американците во Агенцијата за имиграција и царина бележи драстичен пад, а сѐ поголем број граѓани изразуваат поддршка за протестите насочени против оваа федерална служба, покажува нова анкета. Истражувањето е спроведено веднаш по инцидентот во Минеаполис, каде што федерален агент смртно застрела 37-годишна жена, настан што дополнително ги засили тензиите во јавноста, пренесува „Аксиос“.Овие податоци се особено значајни ако се има предвид дека строгата имиграциска политика е еден од клучните столбови на агендата на американскиот претседател Доналд Трамп. Сепак, контроверзните методи што ги применуваат Агенцијата за имиграција и царина и Министерството за внатрешна безбедност редовно предизвикуваат протести и судски спорови. Нето-поддршката за агенцијата за само една година е намалена за дури 30 процентни поени.Сѐ поголемо неодобрувањеАнкетата на „ЈуГав“, спроведена на 7 јануари меѓу повеќе од 2.600 возрасни Американци, открива загрижувачка слика. Дури 52 проценти од испитаниците не го одобруваат начинот на кој агенцијата ја извршува својата работа, додека 39 проценти изразуваат поддршка.Повеќе од половина од анкетираните, односно 51 процент, сметаат дека тактиките на агенцијата се „премногу агресивни“. Само 27 проценти ги оценуваат како „главно исправни“, додека 10 проценти сметаат дека не се доволно строги. Во исто време, 44 проценти од Американците ги поддржуваат неодамнешните протести против агенцијата, а 42 проценти се против нив.Стрмоглав пад за една годинаСпоред податоците на „ЈуГав“, во февруари минатата година, на почетокот на вториот мандат на Трамп, Агенцијата за имиграција и царина имала позитивен рејтинг од +16. Денес, тој е намален на -14, што аналитичарите го поврзуваат со спроведувањето на новите имиграциски политики на администрацијата, меѓу кои и контроверзниот план на Стивен Милер за апсење до 3.000 лица дневно.Анкетата открива и дека речиси шест од десет Американци, односно 58 проценти, веруваат дека во градовите низ САД се одвива некаков вид на конфликт или „војна“. Само 26 проценти не го делат ова мислење. Оваа перцепција е најизразена кај постарите граѓани – дури 74 проценти од оние над 65 години сметаат дека конфликтот е во тек.Расте поддршката за укинување на агенцијатаПаралелно со падот на популарноста, расте и поддршката за целосно укинување на Агенцијата за имиграција и царина. Податоците на истражувачката компанија „Сивикс“ покажуваат дека во септември 2024 година само 19 проценти од граѓаните го поддржувале укинувањето, додека 66 проценти биле против.Овој месец, поддршката за укинување пораснала на 42 проценти, додека 49,5 проценти се против. Кај демократите, оваа идеја веќе стана доминантна, со поддршка од 69 проценти од нивните гласачи.Лошиот имиџ не е ограничен само на оваа агенција. Министерството за внатрешна безбедност, под чија надлежност таа функционира, со години се вбројува меѓу најнепопуларните федерални институции, според годишното истражување на „Пју рисрч центар“ за 2025 година.Истражувањата покажуваат и јасна партиска поделба: републиканците во 2025 година ја оценуваат работата на министерството значително попозитивно отколку во 2024 година, последната година од мандатот на Џо Бајден, додека кај демократите е забележан спротивен тренд.Падот на довербата во агенцијата оди паралелно и со општиот пад на поддршката за имиграциската политика на Доналд Трамп, која бележи рекордно ниски нивоа на одобрување.

Свет | пред 2 месеци

САД го предупредија Иран да не користи странски милиции против демонстрантите

Соединетите Американски Држави јавно го предупредија Иран да не користи странски вооружени групи за насилно задушување на антивладините протести што во изминатите денови ја зафатија земјата. Од Вашингтон изразија сериозна загриженост поради информации дека иранските власти ангажираат припадници на Хезболах и ирачки милиции за справување со мирните демонстранти.Преку иранската верзија на официјалниот профил на американскиот Стејт департмент на социјалната мрежа Икс, беше соопштено дека постојат извештаи за вмешаност на странски вооружени формации во сузбивањето на протестите. Во објавата се наведува дека ваквите постапки претставуваат сериозна ескалација и дополнително загрозување на основните човекови права.Американската администрација посочува дека иранските власти со години трошеле милијарди долари од државниот буџет, односно од средствата на сопствените граѓани, за поддршка на, како што ги нарекуваат, терористички структури надвор од земјата. Според Вашингтон, нивна можна употреба против сопственото население би претставувала уште едно тешко предавство на иранскиот народ.Од Стејт департментот потенцираат дека мирните протести се легитимен израз на незадоволство и дека секој обид за нивно задушување со помош на странски вооружени групи ќе биде внимателно следен од меѓународната заедница. Засега, иранските власти официјално не ги коментираа овие наводи.

Свет | пред 2 месеци

Ново вознемирувачко видео од пукањето во Минеполис каде е убиена жена од имиграциската служба

Објавена е снимка од мобилен телефон на агентот на Службата за имиграција и царина на САД (ICE), Џонатан Рос, кој во Минеполис ја убил 37-годишната Рене Гуд. Снимката ја направил самиот агент Рос, потврди Министерството за внатрешна безбедност на САД, а ја објавија медиумите Alpha News и CNN.На видеото се гледа како Рене Гуд застанува со својот темноцрвен SUV на улица, а агентот Рос приоѓа кон возилото. Преку прозорецот на автомобилот се гледа како Гуд го гледа агентот и зборува со него. Снимката го прикажува и моментот кога автомобилот се движи наназад и потоа нагло напред, по што следат три истрели. Не е јасно дали SUV-то го допрело агентот, но се слушаат звуци од судир и извици во позадина.Градоначалникот на Минеполис, Џејкоб Фреј, го критикуваше однесувањето на федералните власти и побара вклучување на државни истражители во случајот, истакнувајќи дека жртвата веднаш била прогласена за „домаќински терорист“ од високите федерални функционери.Случајот предизвика и политички реакции. Потпретседателот на САД, Џ.Д. Ванс, ја објави снимката на социјалната мрежа X тврдејќи дека покажува како животот на агентот бил загрозен. Локалните власти ја критикуваат истрагата на федералното истражно биро, кој го презеде случајот и им го оневозможи пристапот на државните истражители до доказите.Градот е загрижен поради можноста за повторување на насилни протести слични на оние од 2020 година, по убиството на Џорџ Флојд, на само километар и половина од местото на трагедијата.

Свет | пред 2 месеци

Американската амбасада во Киев предупредува на можен воздушен напад врз Украина

Американската амбасада во Киев издаде предупредување за можност од значаен воздушен напад врз Украина во наредните денови, објави на социјалната мрежа Икс (поранешен Твитер) Јулија Мендел, поранешна портпаролка на украинскиот претседател Володимир Зеленски.Во соопштението што денеска го објави Амбасадата на САД во Киев се наведува дека заканата се однесува на целата територија на Украина, односно на сите региони во земјата. Според американските власти, добиени се информации за можен силен воздушен удар кој би можел да се случи во било кој момент во следните неколку дена.Американската амбасада повторно ги повика своите државјани да бидат подготвени веднаш да побараат засолниште во случај на прогласување воздушна тревога. Вакви предупредувања Вашингтон редовно објавува во периоди на зголемени безбедносни ризици, особено кога постојат разузнавачки информации за можни напади од руската војска.Предупредувањето доаѓа во време кога Украина со недели се соочува со интензивни ракетни и дронски напади врз енергетската инфраструктура и градовите низ целата земја. Властите во Киев предупредуваат дека Русија би можела да продолжи со нови бранови масовни удари.Зеленски: Можно е голем руски напад во текот на ноќтаУкраинскиот претседател Володимир Зеленски исто така предупреди на можен голем руски напад врз Украина во текот на ноќта. Во своето редовно видеообраќање, тој ги повика граѓаните на максимална претпазливост и строго почитување на воздушните тревоги.„Постојат информации дека вечерва може да следи нов голем руски удар. Многу е важно да се обрне внимание на предупредувањата за воздушни напади и навремено да се оди во засолништа“, порача Зеленски.Предупредувањето доаѓа во период кога Украина се соочува и со тешки временски услови, за кои, според Зеленски, Русија се обидува да ги искористи. „Русите се доследни – се обидуваат да ги искористат временските услови. Ѝ наложив на владата да им помогне на локалните власти и да обезбеди максимална поддршка за сите вклучени“, изјави тој.Зеленски додаде дека временските услови значително се влошиле низ целата земја, предизвикувајќи бројни проблеми на патиштата и со комуналните мрежи. Поради тоа, најави и посебни мерки. „Ова практично е вонредна состојба за сите служби. Со премиерот се договоривме владата да подготви одлука со која, за време на овие временски услови во наредните денови, некритичните институции и обичните канцеларии ќе можат да им овозможат на вработените да останат дома“, објасни тој.Тешка состојба со снабдувањето со електрична енергијаПретседателот информираше и за исклучително тешката состојба со снабдувањето со електрична енергија во Дњепропетровската и Запорошката област, по руските напади врз енергетската инфраструктура.„Во Запорошката област, планираното снабдување со електрична енергија беше обновено во текот на денот. Днипро, Криви Рих, Никопол, Павлоград и други градови и општини во Дњепропетровската област сè уште се во процес на санација“, изјави Зеленски, но и потврди дека имало нови напади.„За жал, денеска имаше нови удари, особено врз енергетскиот и цивилниот сектор, како и врз станбени згради во Криви Рих“, заклучи украинскиот претседател.

Свет | пред 2 месеци

САД се повлекуваат од 66 меѓународни организации

Одлуката на американскиот претседател Доналд Трамп за повлекување на Соединетите Американски Држави од дури 66 меѓународни организации претставува тежок удар за глобалниот систем на управување, оценуваат кинески аналитичари, предупредувајќи на долгорочни последици за светскиот поредок и создавање вакуум на моќ во клучни области како климата и безбедноста.Портпаролката на кинеското Министерство за надворешни работи, Мао Нинг, изјави дека континуираното повлекување на Вашингтон од мултилатерализмот ја поткопува основата на меѓународниот поредок со Обединетите нации во неговото јадро. Таа предупреди дека само функционален мултилатерален систем може да спречи ширење на „законот на џунглата“, односно враќање кон принципот дека силата е правдата.Трамп во средата потпиша извршна уредба со која се суспендира американската поддршка за 31 агенција на ОН и уште 35 други меѓународни организации. Според соопштението на Белата куќа, станува збор за тела кои, како што се наведува, дејствуваат спротивно на американските национални интереси, безбедност, економски просперитет или суверенитет.Меѓу најпогодените се организации поврзани со климата, трудот и миграциите, за кои администрацијата на Трамп тврди дека промовираат „воук“ иницијативи. Особено значајно е повлекувањето од Рамковната конвенција на ОН за климатски промени, која претставува основа за сите главни меѓународни климатски договори.Директорот на Кинескиот климатски центар при Asia Society Policy Institute, Ли Шоу, оцени дека ваквиот чекор е сериозен удар за глобалната климатска акција и најголем предизвик за меѓународните напори од усвојувањето на Парискиот договор. Според него, одлуката го отвора прашањето како светот може да се справи со глобалните кризи без учество на највлијателната светска сила.Експертите потсетуваат дека уште од првиот претседателски мандат, Трамп ги повлече САД од повеќе тела на ОН, меѓу кои и Светската здравствена организација, и значително го намали финансирањето на други агенции. Шангајскиот аналитичар Шен Дингли смета дека ваквиот пристап е воден од логиката „Америка на прво место“, при што меѓународните организации се користат само кога се корисни за американските интереси, а се напуштаат кога тоа не е случај.

Свет | пред 2 месеци

Нема фотографија

Врховниот суд утре може да ги укине царините на Трамп, илјадници чекаат поврат на пари

Претстојната одлука на Врховниот суд на САД за користењето на вонредните царински овластувања на поранешниот претседател Доналд Трамп може сериозно да ги потресе финансиските пазари, особено доколку судиите решат да ги поништат воведените царини.Одлуката, која би можела да биде објавена уште утре, ќе утврди дали Трамп имал право да се повика на Законот за меѓународни вонредни економски овластувања (IEEPA) за да воведе царини без одобрување од Конгресот, пренесува Reuters.Илјадници компании бараат поврат на париДодека Врховниот суд се подготвува да реши за судбината на поголемиот дел од царините, илјадници компании веќе поднеле тужби против државата, надевајќи се на поврат на дел од милијардите долари што досега ги платиле по основ на царини. Судските записи покажуваат дека во правната битка се вклучени над 1.000 корпоративни субјекти од речиси сите сектори на економијата.Бранот тужби започнал по рочиштето одржано на 5 ноември, кога судиите јавно покажале скептицизам кон клучната трговска политика на Трамп. Анализите покажуваат дека најголем дел од компаниите што тужат се со седиште во САД, распоредени во речиси 40 сојузни држави, со најголема застапеност од Њујорк и Калифорнија. Помал број тужители доаѓаат од Канада, Сингапур и неколку европски земји.Кои компании се вклучени?Меѓу јавно познатите компании што поднеле тужби се Costco, Goodyear, EssilorLuxottica, како и Dole Fresh Fruit, e.l.f. Cosmetics и J. Crew. Најзастапени се производителите и дистрибутерите на облека и текстил, автомобилската индустрија, како и компании од областа на индустриска и електрична опрема. Дел од тужителите се јавни компании чии акции се тргуваат на берза, но повеќето се приватни фирми.Страв од силни пазарни потресиИнвеститорите и аналитичарите предупредуваат дека укинувањето на царините и можниот масовен поврат на пари може да има сериозни последици за државните приходи, пазарот на обврзници и берзите. Според проценките, увозниците би можеле да добијат поврат од 150 до 200 милијарди долари.„Никогаш не сме виделе одлука со вакво економско влијание“, изјави Еди Габур, извршен директор на KEY Advisors Wealth Management. Тој предупреди дека враќањето на сите царини би значело „исцрпување на ликвидноста од системот“.Оптимизам, но и претпазливостДел од инвеститорите веруваат дека укинувањето на царините краткорочно би ги поттикнало акциите, особено во малопродажбата, стоките за широка потрошувачка и електрониката. Сепак, други предупредуваат дека секој позитивен ефект може да биде краткотраен, бидејќи администрацијата би можела да најде алтернативни правни механизми за повторно воведување царини.Самиот Трамп изјави дека поништувањето на царините би било „економска катастрофа“. Според проценките на JPMorgan, годишните приходи од царини би можеле да паднат од околу 350 на 250 милијарди долари, што повторно ги отвора прашањата за фискалната стабилност на САД.Одлуката на Врховниот суд се очекува со големо внимание, бидејќи нејзините последици би можеле да се почувствуваат далеку надвор од американските пазари.

Свет | пред 2 месеци

Трамп повторно шокира: САД излегува од 66 меѓународни тела и договори, не го интересира ниту климата

Не престануваат изненадувањата од администрацијата на Доналд Трамп, која донесе одлука Соединетите Американски Држави да се повлечат од вкупно 66 меѓународни организации и договори, вклучувајќи и низа тела на Обединетите нации поврзани со борбата против климатските промени, објави Би-би-си.Меѓу напуштените договори е и Рамковната конвенција на ОН за климатски промени (UNFCCC), која претставува основа на глобалната соработка за справување со глобалното затоплување. На списокот се најде и Меѓувладиниот панел за климатски промени (IPCC), телото на ОН задолжено за научна процена на климатските промени на светско ниво.Од Белата куќа соопштија дека повлекувањето е резултат на ревизија на меѓународните ангажмани на САД, при што овие организации биле оценети како структури што „повеќе не им служат на американските интереси“. Според администрацијата, тие промовираат агенди што се неефикасни, идеолошки или директно спротивни на приоритетите на САД, ставајќи „глобалистички цели пред националните интереси“.Со одлуката, САД го прекинуваат финансирањето и учеството во тела кои, како што се наведува, трошат средства на даночните обврзници за политики поврзани со радикални климатски мерки, глобално управување и програми што, според Белата куќа, го поткопуваат американскиот суверенитет и економска моќ.Освен климатските организации, погодени се и повеќе агенции на ОН што работат во областите на мирот и демократијата, семејното планирање, здравјето на мајките и децата, како и спречувањето сексуално насилство во вооружени конфликти.Меморандумот за повлекување бил потпишан во средата. Ова не е прв ваков чекор на Трамп, кој и претходно ги критикуваше климатските политики, нарекувајќи ги „измама“, и укинуваше или намалуваше финансиска поддршка за меѓународни организации. Минатата година тој повторно ги повлече САД од Парискиот договор за климата и одби да испрати американска делегација на климатскиот самит COP30 во Бразил.Иако Уставот на САД предвидува јасна процедура за пристапување кон меѓународни договори со одобрение од Сенатот, правната рамка за повлекување од вакви обврски останува нецелосно дефинирана, што отвора нови прашања за институционалната и правната тежина на одлуката.

Свет | пред 2 месеци

Повлекувањето на САД од Хашкиот механизам отвора прашања за иднината на пресудите за воените злосторства

Соединетите Американски Држави се повлекоа од Меѓународниот механизам за кривични судови во Хаг, институцијата која го наследи Меѓународниот кривичен трибунал за поранешна Југославија и судот за Руанда.Овој потег е дел од поширока одлука на Вашингтон да се повлече од вкупно 66 меѓународни организации и механизми, врз основа на претседателски меморандум со кој се наложува прекин на учеството и финансирањето на тела за кои е проценето дека не се усогласени со американските интереси.Меѓу институциите опфатени со оваа одлука се најде и Меѓународниот механизам за кривични судови, заедно со бројни тела на Обединетите нации и нивни специјализирани агенции. Иако во меморандумот не се наведени поединечни образложенија за секоја организација, фактот што механизмот задолжен за процесуирање на воени злосторства е ставен во иста група со политички и развојни форуми укажува на промена во односот на САД кон меѓународната кривична правда.За Босна и Херцеговина оваа одлука има особено значење. Механизмот го чува правниот континуитет на пресудите за геноцид и воени злосторства извршени за време на војните во деведесеттите години, води жалбени постапки и управува со архивите кои се од клучно значење во борбата против негирањето на злосторствата.Во рамките на својата надлежност, овој судски механизам донесе правосилни пресуди против Ратко Младиќ и Радован Караџиќ, кои се осудени на доживотен затвор за геноцидот во Сребреница и други злосторства против човештвото. Правосилна пресуда беше изречена и против Јовица Станишиќ и Франко Симатовиќ, поранешни челници на Службата за државна безбедност на Србија, со што повторно беше отворено прашањето за улогата на Белград во војната во Босна и Херцеговина.Повлекувањето на САД, една од клучните држави што стоеја зад основањето и работата на Хашкиот трибунал, дополнително го ослабува меѓународниот рамковен механизам кој ги штити овие пресуди од политичко оспорување и релативизирање.Иако Меѓународниот резидуален механизам формално продолжува да функционира под покровителство на Обединетите нации, без целосната политичка и финансиска поддршка од Соединетите Американски Држави, неговиот авторитет и оперативни капацитети остануваат сериозно намалени.

Свет | пред 2 месеци

(Многу вознемирувачко видео) Имиграциски агент убива жена, испукува неколку куршуми дирекно во глава: „Убијци, убијци!“, извикуваат бројни сведоци

Американски имиграциски агент уби 37-годишна жена во Минеаполис, што предизвика силна јавна реакција и остри политички судири, откако локалните власти ги отфрлија тврдењата на администрацијата на Доналд Трамп дека станувало збор за самоодбрана, пренесува Би-Би-Си.Инцидентот се случил во средата околу 10:25 часот по локално време. Според Министерството за внатрешна безбедност на САД, жената, идентификувана како Рене Никол Гуд, била „насилна демонстрантка“ која се обидела со возилото да ги прегази агентите на Имиграциска и царинска служба. Од друга страна, градските власти тврдат дека станува збор за прекумерна и неодговорна употреба на сила.Снимки објавени на социјалните мрежи прикажуваат напната сцена на улица, со теренско возило што ја блокира сообраќајницата и присуство на демонстранти и полициски возила. На видеата се гледа како агентите се приближуваат до автомобилот, по што следува пукање. Воопшто не се гледа дека возилото навистина го удира агентот.Американската секретарка за внатрешна безбедност Кристи Ноем изјави дека жената со часови ги следела и попречувала службениците и дека се обидела да го „претвори возилото во оружје“, оценувајќи го инцидентот како чин на „домашен тероризам“. Таа наведе дека агентот испукал „одбранбени истрели“ и дека бил повреден, но по укажаната лекарска помош бил пуштен од болница.Спротивно на тоа, градоначалникот на Минеаполис Џејкоб Фреј остро ја осуди постапката, нарекувајќи ја „безобѕирна употреба на моќ која завршила со смрт на лице“, и јавно побара федералните агенти да го напуштат градот.Градскиот совет соопшти дека убиената жена само „се грижела за своите соседи“. И гувернерот на Минесота, Тим Волз, ја оспори официјалната верзија на федералните власти, порачувајќи дека државата ќе спроведе целосна, брза и независна истрага за да се утврди одговорноста.Трамп: агентот бил прегазенПретседателот Трамп на својата платформа Truth Social напиша дека агентот на ИЦЕ бил „брутално прегазен“ и дека е чудо што преживеал. За инцидентот ја обвини „радикалната левица“, тврдејќи дека таа систематски ги напаѓа припадниците на службите за спроведување на законот.Водечки демократи, меѓу кои и поранешната потпретседателка Камала Харис и лидерот на демократите во Претставничкиот дом Хаким Џефрис, изјавите на администрацијата ги оценија како манипулација.Сведоштво и протестиСведок на настанот, Емили Хелер, за Си-Ен-Ен изјави дека видела расправија меѓу агентите и демонстрантите, по што агент се обидел да ја отвори вратата од автомобилот на жената. Според неа, кога возилото почнало да се оддалечува, агентот пукал од непосредна близина.Смртта на жената предизвика масовни протести во Минеаполис и во други американски градови, меѓу кои Њу Орлеанс, Мајами, Сиетл и Њујорк. Дел од протестите се одржаа во близина на местото каде што во 2020 година беше убиен Џорџ Флојд.Јавните училишта во Минеаполис ја откажаа наставата до крајот на неделата поради безбедносни причини, откако федерални агенти наводно извршиле апсење во близина на едно средно училиште.Зошто ИЦЕ е во МинеаполисВо последните недели администрацијата на Трамп распореди дополнителни 2000 федерални агенти во регионот, како дел од операција поврзана со сомнежи за злоупотреби на социјална помош. Градоначалникот Фреј тврди дека присуството на ИЦЕ не ја зголемува безбедноста, туку создава страв и хаос и доведува до разделување на семејства.Операцијата е дел од поширока кампања за спроведување на имиграциските закони, насочена кон лица со налози за депортација, меѓу кои и припадници на големата сомалиска заедница во градот, која Трамп и претходно јавно ја критикуваше.

Свет | пред 2 месеци

Трамп даде зелено светло за нови санкции кон Русија: Притисок врз Москва поради војната во Украина

Американскиот претседател Доналд Трамп дал зелено светло за законски предлог со нови санкции против Русија, изјави синоќа републиканскиот сенатор Линдзи Греам, по состанокот во Белата куќа. Според Политико, Сенатот би можел да гласа за предлогот веќе идната недела.Сенаторот од Јужна Каролина изјави дека целта на санкциите е дополнителен притисок врз Москва за да ја прекине војната против Украина.„По многу продуктивен состанок со претседателот Трамп за низа прашања, тој даде зелено светло за двопартискиот законски предлог за санкции против Русија, на кој со месеци работам заедно со сенаторот Ричард Блументал и многу други“, изјави Греам, мислејќи на демократскиот сенатор од Конектикат, кој е коавтор на долго блокираниот закон.На прашање за изјавите на Греам, претставник на Белата куќа потврди дека Трамп го поддржува законодавството. Греам додаде дека гласањето во Сенатот „се надеваме може да се одржи веќе следната недела“.Како што наведува Политико, Греам и републиканското раководство во Сенатот со месеци соработувале со Белата куќа за усогласување на конечната верзија на законот. Сепак, ова не е првпат да се најавува брзо гласање, по што иницијативата повторно заглавувала во процедура.Според предлогот, законот предвидува воведување т.н. секундарни санкции кон држави како Кина и Индија кои купуваат руска нафта и гас, со цел да се пресече приливот на средства што ја финансира воената машинерија на рускиот претседател Владимир Путин.„Украина прави отстапки заради мир, а Путин само зборува и продолжува да убива невини луѓе“, изјави Греам, оценувајќи дека донесувањето на законот во овој момент е „навремено“.Од кабинетот на Линдзи Греам не одговорија веднаш на прашањето дали во законот ќе бидат внесени измени на барање на Трамп. Претседателот, како што потсетува Политико, претходно побарал целосна флексибилност кога станува збор за воведување и укинување санкции, односно право лично да одлучува кога тие ќе се активираат или повлечат.Според анализата, сè уште е нејасно дали конечната верзија целосно ќе ги задоволи барањата на Белата куќа, но јасно е дека поддршката од Трамп претставува клучен чекор за законот, по повеќемесечен застој, конечно да се најде на дневен ред на Сенатот.

Свет | пред 2 месеци

Три фази за Венецуела

Американскиот државен секретар Марко Рубио го претстави планот на администрацијата на Доналд Трамп за Венецуела, кој е структуриран во три фази – стабилизација, опоравување и транзиција на власта. Тој порача дека со привремената влада на земјата ќе следуваат „уште договори“, јавува CNN.Говорејќи по затворениот брифинг одржан за сите американски сенатори, Рубио истакна дека првата и клучна фаза е стабилизацијата, со цел да се спречи Венецуела да западне во дополнителен хаос. Според него, администрацијата во Вашингтон има значително влијание врз привремената венецуеланска влада, предводена од Delcy Rodríguez.Како централен елемент на оваа почетна фаза, Рубио го посочи нафтниот договор, нагласувајќи дека САД очекуваат наскоро да започнат со продажба на милиони барели венецуеланска нафта. Приходите од продажбата, според него, би биле под контрола на Соединетите Американски Држави и би се распределувале „на начин што ќе биде од корист за венецуеланскиот народ“.„Веќе гледаме напредок со овој нов договор што беше најавен, а ќе следуваат и дополнителни договори“, изјави Рубио, без да открие конкретни детали за идните аранжмани.Втората фаза, опишана како период на опоравување и помирување, има за цел да овозможи американските, западните и другите странски компании да добијат „фер и отворен пристап“ до венецуеланскиот пазар. Истовремено, според Рубио, САД сакаат да го поттикнат процесот на национално помирување, кој би вклучувал амнестија за опозициските актери, ослободување на политичките затвореници или нивно враќање во земјата, како и постепена обнова на граѓанското општество.Последната фаза од планот е транзицијата на власта. Рубио нагласи дека конечната одговорност за трансформацијата на земјата останува кај самите граѓани на Венецуела. Тој додаде дека дел од фазите ќе се одвиваат паралелно, а не строго последователно.„Ова детално им го објаснив на сенаторите. Во наредните денови ќе има повеќе информации, но чувствуваме дека напредокот оди во позитивна насока“, заклучи Рубио.

Свет | пред 2 месеци

Американците гонат танкер низ Атлантикот, Русија испрати воени бродови

Русија испрати поморски сили за да го следат танкерот што американските сили го гонат преку Атлантикот, во сè понапната „игра на мачка и глушец“. Бродот, кој моментално е празен, но во минатото превезувал венецуелска сурова нафта, вчера се наоѓал меѓу Шкотска и Исланд, објави Би-Би-Си.Ескалацијата доаѓа откако американскиот претседател Доналд Трамп минатиот месец најави „блокада“ на санкционирани танкери што влегуваат и излегуваат од Венецуела – потег што властите во Каракас го оценија како „кражба“. Во пресрет на саботното апсење на поранешниот венецуелски лидер Николас Мадуро, Трамп повеќепати ја обвини неговата влада дека користи бродови за шверц на дрога кон САД.Американската крајбрежна стража уште минатиот месец се обидела да пристапи до танкерот, тогаш под името „Бела 1“, во Карибите, сомневајќи се дека плови кон Венецуела. Постоел налог за заплена поради кршење американски санкции и превоз на иранска нафта. По тоа, бродот нагло го сменил курсот и името – сега се вика „Маринера“ – и наводно ја сменил и заставата од гвајанска во руска. Неговиот влез во европски води се совпаднал со пристигнувањето на десетина американски воени транспортни авиони и хеликоптери.Двајца американски функционери изјавија за „CBS News“ дека американските сили планираат да се качат на бродот и дека Вашингтон претпочита заплена, а не потопување. Американската Јужна команда соопшти дека останува подготвена да ги поддржи партнерските агенции „во спротивставување на санкционирани пловила и актери“ во регионот, нагласувајќи дека поморските служби се „будни, агилни и подготвени“.Според проценките, „Маринера“ во ноќта меѓу вторник и среда се наоѓала меѓу Шкотска и Исланд, при што големата оддалеченост и лошите временски услови го отежнуваат евентуалното качување на бродот.Москва соопшти дека „со загриженост ја следи“ ситуацијата. Руското Министерство за надворешни работи нагласи дека пловилото се движи во меѓународни води под државно знаме на Руската Федерација и целосно ги почитува нормите на меѓународното поморско право. Во соопштението се наведува дека бродот добива „засилено и очигледно несразмерно внимание“ од американската и НАТО војската, и се повикува западните земји да се придржуваат до принципот на слободна пловидба.Според експертите, иако меѓународното право ги штити пловилата според знамето што го носат, промената на името и заставата можеби нема да биде пресудна. Вишиот аналитичар во поморската разузнавачка компанија „Kpler“, Димитрис Ампацзидис, за Би-Би-Си изјави дека американската акција се води според основниот идентитет на пловилото (IMO бројот), сопственичките мрежи и историјата на санкции, а не според ознаките или тврдењата за знаме. Тој предупреди дека преминот на руски регистар може да предизвика дипломатски тензии, но не и да ја запре американската акција.Овој потенцијален поморски судир се случува само неколку дена по апсењето на Мадуро во Каракас, операција што предизвика силни меѓународни реакции.

Свет | пред 2 месеци

САД го игнорираа предупредувањето од руското Министерство за надворешни работи

Пред да биде објавено дека САД го заплениле танкерот за нафта „Маринера“, руското Министерство за надворешни работи соопшти дека пловилото се наоѓа во меѓународни води и дека работи во согласност со меѓународното поморско право, јавува руската државна телевизија RT.Министерството наведе дека бродот, кој претходно бил познат под името „Бела 1“, плови под руско знаме и ги повика западните земји, меѓу кои и САД, да го почитуваат неговото право на слободна навигација.

Свет | пред 2 месеци

САД успешно го презедоа танкерот!

Танкерот за нафта „Маринера“ е обезбеден, според изјава на американски функционер за нашата партнерска мрежа во САД, NBC News.Операцијата била спроведена од Одделот за домашна безбедност, со поддршка од американската армија.Функционерот изјавил дека американски службеници за спроведување на законот веќе се наоѓаат на бродот, а надлежноста официјално ја презема Домашната безбедност.

Свет | пред 2 месеци