ВУЧИЌ

Поранешна хрватска премиерка за Вучиќ: Нема тој што да бара во Хрватска

Поранешната премиерка на Хрватска, Јадранка Косор, на социјалните мрежи напиша дека претседателот на Србија, Александар Вучиќ, нема што да бара во Хрватска.„Браво за откажувањето на Вучиќ. Нема тој што да бара во Хрватска. За жал, тој беше почитуван гостин во Дубровник пред две години иако неговите ставови за Хрватска, агресијата, Домовинската војна, беа исти и во 1995, 2024 и 2026 година“, напиша таа на мрежата X.Претходно хрватскиот претседател, Зоран Милановиќ, изјави дека не е возможнo доаѓање на претседателот на Србија во Хрватска и дека поради тоа одлучил да го откаже состанокот на Процесот Брдо-Бриони.

Свет | пред 2 часа

Вучиќ до Милановиќ: Мене таму не ми е место, секогаш сакав да одам во Јасеновац

Претседателот на Србија, Александар Вучиќ, одговори на изјавите на хрватскиот претседател, Зоран Милановиќ, кој рече дека не е возможнo доаѓање на претседателот на Србија во Хрватска и дека поради тоа одлучил да го откаже состанокот на Процесот Брдо-Бриони.„Ја поддржувам одлуката на Зоран Милановиќ да го откаже собирот Брдо-Бриони, мене таму не ми е место. Секогаш сакав како претседател на Србија да одам и да положам цвеќе во Јасеновац и тоа ми беше неспоредливо поважно, а на Бриони можам професионално да одам, да ја слушнам и другата страна, да разговарам, затоа што никогаш не сум бегал од дијалог“, рече Вучиќ.На хрватскиот претседател Зоран Милановиќ не му се допаднале изјавите на претседателот на Србија, поради што, како што соопшти, одлучил да го откаже самитот Брдо-Бриони, кој требаше да се одржи во мај.„Политичките изјави и постапки на претседателот на Република Србија, Александар Вучиќ, кои ги гледаме во последните денови и недели се во целосна спротивност со целта на Процесот Брдо-Бриони, го нарушуваат меѓудржавниот однос и го загрозуваат мирот и стабилноста во регионот на југоисточна Европа. Претседателот на Република Хрватска, Зоран Милановиќ, смета дека во такви околности не постојат услови и не е возможно доаѓање на претседателот на Република Србија во Република Хрватска“, се наведува во соопштението од кабинетот на Милановиќ.Хрватскиот претседател соопшти дека за тоа ги известил шефовите на држави и дека следниот самит ќе се одржи кога ќе се создадат соодветни услови.Во соопштението на Милановиќ не се наведени конкретно кои изјави на српскиот претседател му пречеле.

Свет | пред 5 часа

Се огласи Кремљ за разговорот меѓу Путин и Вучиќ: „Српскиот претседател ја даде својата проценка за ситуацијата на Балканот“

Претседателот на Србија, Александар Вучиќ, и претседателот на Русија, Владимир Путин, разговарале, за ситуацијата на Балканот и го истакнале фундаменталното значење на Резолуцијата 1244 на Советот за безбедност на ОН за решавање на прашањето за Косово и Метохија, соопшти Кремљ.„Српскиот претседател ја даде својата проценка за ситуацијата на Балканот. Двете страни го истакнаа фундаменталното значење на Резолуцијата 1244 на Советот за безбедност на ОН за решавање на прашањето за Косово, како и потребата за обезбедување на правата на Република Српска во рамките на Босна и Херцеговина согласно Дејтонскиот договор“, се наведува во соопштението.Во телефонскиот разговор, кој, како што се наведува, бил инициран од српската страна, двајцата лидери разговарале и за актуелните прашања на руско-српското стратешко партнерство, вклучувајќи соработка во енергетскиот, нафтено-гасниот и нуклеарниот сектор, како и за подготовките за претстојниот априлски состанок на Руско-српскиот меѓувладин комитет за трговија, економска и научно-техничка соработка.Се наведува и дека Вучиќ изразил благодарност за продолжувањето на стабилните испораки на руски гас, кои се од клучно значење за одржување на енергетската сигурност на земјата.Темата на разговорот, додаваат, била и ситуацијата околу Украина и тековната ескалација на судирите со големи размери на Блискиот исток.Истакнуваат дека е договорено да се продолжат контактите.

Свет | пред 5 часа

Вучиќ: Разговарав со Путин, добивме поевтин гас и го информирав за „сојузот меѓу Загреб, Приштина и Тирана“

Српскиот претседател Александар Вучиќ соопшти дека разговарал со рускиот претседател Владимир Путин, при што Србија добила продолжување на договорот за снабдување со гас за уште три месеци под, како што рече, многу поволни услови.Вучиќ изјави дека цената ќе остане формулирана според нафтениот модел и дека Србија ќе има една од најниските цени на гас во Европа.Тој предупреди дека без државна интервенција, цените на горивата во Србија би пораснале значително, посочувајќи дека дизелот би можел да достигне и до 300 динари по литар.„Колку што државата може да издржи – ќе издржи, но ако продолжи оваа состојба, ќе мора да се запрат многу работи за да се преживее“, изјави Вучиќ.Тој нагласи дека евентуален копнен напад врз Иран би предизвикал најголема енергетска и економска криза во историјата, што би довело и до нови политички и воени конфликти.Во разговорот со Путин биле отворени и други теми, вклучително и Косово и Република Српска, како и состојбите во Украина и на Блискиот Исток.„Го информирав и за сојузот меѓу Загреб, Приштина и Тирана“, изјави Вучиќ, без да даде дополнителни детали.Тој апелираше до меѓународната заедница внимателно да ги процени следните чекори, оценувајќи дека Европа и светот не се подготвени за долготрајна енергетска криза од ваков обем.

Свет | пред 10 часа

Вучиќ прогласи победа „10-0“: СНС освои во сите општини

Претседателот на Србија, Александар Вучиќ, прогласи победа на коалицијата предводена од Српската напредна странка на локалните избори, тврдејќи дека неговата листа победила во сите 10 општини и градови.„Победа со 10-0“, изјави Вучиќ, повикувајќи се на прелиминарни резултати, и им се заблагодари на граѓаните за довербата.Изборите се одржаа во повеќе општини, меѓу кои Бор, Кула, Аранѓеловац, Бајина Башта и Смедеревска Паланка, а право на глас имале околу 250.000 избирачи.Според Вучиќ, најнеизвесна била трката во Кула, каде што, како што рече, СНС победила со разлика од околу 530 гласови.Сепак, изборниот ден беше обележан со бројни инциденти и обвинувања за нерегуларности. Опозициските партии, студентските листи и невладините организации пријавија физички напади, притисоци врз гласачите, фотографирање на гласачки ливчиња и појава на таканаречен „бугарски воз“.Судири и тензии беа регистрирани во повеќе места, вклучително и во Бор, Бајина Башта и Кула, каде што имало и напади врз активисти и новинари.Во текот на вечерта, полицијата влезе и во просториите на опозицискиот Народно движење на Србија, што предизвика дополнителни реакции. Лидерот на партијата, Мирослав Алексиќ, соопшти дека им било кажано оти станува збор за полициска постапка против лица затекнати во објектот.Вучиќ, пак, изјави дека постојат сомнежи оти од тие простории се вршело влијание врз гласачите и најави можни апсења.И покрај критиките, тој оцени дека поддршката за СНС расте во повеќето средини во споредба со претходните избори, нагласувајќи дека партијата „стои најдобро во последните шест години“.

Свет | пред 16 часа

Србија стабилно снабдена со горива, проблем со дизелот во Словенија

Според извештаите и објавите на социјалните мрежи, Словенија се соочува со недостиг на дизел, при што на многу пумпи горивото е речиси целосно недостапно, додека бензинот е достапен.Претседателот на Србија, Александар Вучиќ, истакна дека во Србија има доволно гориво и дека редовното снабдување не е доведено во прашање. Од државните резерви ќе бидат издвоени 40.000 тони нафта со цел намалување на ударот врз буџетот и финансиските текови.Вучиќ нагласи дека државата располага со големи резерви и е подготвена да ја „хеџира“ цената на нафтата, со цел да ги мотивира нафтените компании и помалите пумпи во селата да обезбедат гориво. Според него, во моментот има доволно дизел и бензин за нормално снабдување на пазарот.

Свет | пред 1 седмица

Вучиќ: Нема да се срамам од српското оружје, Србија нема да дозволи да биде покорена

Претседателот на Србија, Александар Вучиќ, изјави дека државата ја зајакнува својата војска за да ја зачува слободата и независноста, а не за да напаѓа други земји.Говорејќи на предизборен собир во спортската сала во Аранѓеловац, Вучиќ порача дека граѓаните можат мирно да спијат, но дека никој не треба да помисли дека Србија може да биде покорена.„Србија ќе остане слободна и независна и ќе ја чуваме со сета наша сила. Затоа ја зајакнуваме војската“, изјави Вучиќ.Тој се осврна и на реакциите од регионот поради српското вооружување, коментирајќи ги изјавите на хрватскиот премиер Андреј Пленковиќ дека за тоа ќе го извести НАТО.„Не мораш ти да го известуваш НАТО, јас ќе го известам. Не се срамам од она што српските раце го создадоа. За разлика од оние што сакаат да уништуваат српско оружје, јас сакам да ја зајакнам Србија“, рече Вучиќ.Тој нагласи дека Србија нема намера да нападне никого, но предупреди дека државата нема да дозволи некој да ја заплаши.Во говорот Вучиќ се осврна и на внатрешните политички тензии во земјата, тврдејќи дека во изминатата година и половина имало обиди за дестабилизација на Србија.„Се обидуваа да ја срушат Србија, да ги поделат луѓето и семејствата, да ги свртат младите против постарите“, рече тој.Вучиќ порача дека неговата политика е обединување на општеството и најави економски цели според кои до 2030 година просечната плата во Србија би требало да надмине 1.300 евра, а пензиите 750 евра.Тој додаде дека ќе се обиде да најде начин најниските пензии да растат побрзо од останатите, со цел да им се помогне на најсиромашните граѓани.

Свет | пред 2 седмици

Вучиќ: Во Хрватска настана хистерија поради една ракета, другите не ги ни видоа

Претседателот на Србија, Александар Вучиќ, го посети селото Раниловиќ во општина Аранѓеловац, каде што разговараше со жителите кои го пречекаа со аплауз и овации, а за време на посетата се обрати и пред медиумите.Тој, меѓу другото, ги коментираше реакциите од Хрватска поради кинеските хиперсонични квази-балистички ракети CM-400, кои наводно се забележани на српските борбени авиони „Миг“ и за кои српските таблоиди тврдат дека имаат дострел до 400 километри, нарекувајќи ги „Загрепчанки“.„Во Хрватска настана хистерија поради една ракета. Другите не ги ни видоа“, изјави Вучиќ.Хрватскиот премиер Андреј Пленковиќ претходно соопшти дека за ракетите писмено го известил генералниот секретар на НАТО, Марк Руте.Вучиќ во својата изјава истакна дека на Србија ѝ се потребни мир и стабилност во свет во кој, како што рече, „повеќе не владее правдата, туку неизвесноста и непредвидливоста“. Тој нагласи дека Србија ја зајакнала својата армија, но дека тоа не значи дека има намера да нападне некого.„Не мора Пленковиќ да го известува НАТО, јас ќе ги известам затоа што се гордеам со она што го заработиле српските раце. Нема да го топам српското оружје, туку ја зајакнувам Србија. Не за да нападнеме некого – можете мирно да спиете. Немојте да мислите дека некој ќе ја покори Србија“, изјави Вучиќ.Премиерот Пленковиќ претходно изјави дека писмено го информирал генералниот секретар на НАТО за набавката на кинески хиперсонични ракети од страна на Србија и дека Алијансата треба да разговара за тоа прашање.„Како што најавив вчера, испратив писмо до генералниот секретар на НАТО и го известив за ова. Сметам дека тоа е релевантна информација која Алијансата и другите членки треба да ја земат предвид“, рече Пленковиќ пред новинарите.Тој додаде дека станува збор за вид кинеско вооружување кое, според неговите зборови, „досега не било забележано на европска територија“.Вучиќ во четвртокот вечерта потврди дека Србија располага со хиперсонични балистички ракети воздух-земја, истакнувајќи дека Србија нема намера никого да нападне, но и дека стравува оти во иднина би можела да биде цел на наводен воен сојуз меѓу Хрватска, Албанија и Косово.

Свет | пред 2 седмици

Вучиќ: Се подготвуваме за можен напад од Хрватска, Албанија и Косово

Претседателот на Србија, Александар Вучиќ, во емисија во живо на Радио и телевизија на Србија (РТС) го коментираше за воениот сојуз на Хрватска, Албанија и како што тој го нарече, таканареченото Косово и рече дека верува дека се подготвуваат за напад на Србија во иднина, пренесуваат медиумите во Србија.„Се подготвуваме за нивниот напад. Тие чекаат моментот што ќе се случи во иднина да избувне поголем конфликт меѓу Европејците и Русите и уште поголем на Блискиот Исток. Сè што правиме, го правиме за да ја одбраниме нашата земја. Не можеме да ги напаѓаме земјите од НАТО, а Албанија и Хрватска се едни од нив, ама ова се нивните намери. Тие чекаат поволен момент кога ќе има општ хаос во светот. Но, луѓето не треба да се грижат, само ќе кажам дека Србија има доволно сила за одвраќање за сите тие три ентитети, две држави и еден ентитет, што и да е. Има доволно сила за да има јасна порака за одвраќање“, рече Вучиќ.Тој рече „можете мирно да спиете, граѓаните на Србија можат мирно да спијат“.„Србија е доволно силна за да го зачува својот територијален интегритет, суверенитет, слобода и безбедност на своите граѓани. Тие нема да нè нападнат затоа што знаат каков би бил одговорот“, додаде српскиот претседател.Тој потоа откри какви ракети има српската армија. Претседателот откри дека такви ракети биле користени во конфликтот меѓу Пакистан и Индија.„Зборуваме за ракети воздух-земја. Тоа се ракети со разорна моќ. Можат да тежат до 950 килограми и да имаат дострел до 400 километри. Имаме значителен број од овие ракети и ќе имаме уште повеќе. Тие беа користени во конфликтот меѓу Пакистан и Индија. Тие го уништија радарскиот систем С-400“, истакна Вучиќ.„Тоа е кинеска алатка која се покажа како исклучителна во конфликтот меѓу Пакистан и Индија. Тие успеаја да го уништат францускиот радар и радарскиот систем С-400. Имаме многу работи што не сте ги виделе и ќе продолжиме да ги набавуваме“, објасни Вучиќ.Вучиќ ја коментираше и изјавата на хрватскиот премиер Андреј Пленковиќ дека „Хрватска ќе го информира НАТО за вооружувањето на Србија“ во врска со балистичките суперсонични ракети.„Јас сум претседател на бројно мала земја. Јас не сум Трамп и Путин, големи претседатели кои решаваат сè. За мене нема мали работи, сакам моето наследство да биде мир, а не војни и конфликти. Во средината на никаде, пред вас се појавува воен сојуз – Албанија, Хрватска и таканареченото Косово. Морам да ја зачувам стабилноста во земјата“, рече Вучиќ.

Свет | пред 2 седмици

Вучиќ: Оштетена е српската амбасада во Техеран, нашите луѓе се повлекуваат кон Баку и Азербејџан

Претседателот на Србија, Александар Вучиќ, во неговото денешно обраќање го коментираше оштетувањето на српската амбасада во Техеран.Таа е оштетена, цел на американскиот напад беше базата Басидж. Шрапнели ја оштетија нашата амбасада. Важно е да кажеме дека нашите луѓе се повлекуваат кон Баку и Азербејџан, документацијата е уништена и запалена целосно, во согласност со правилата. Нашиот амбасадор ќе замине во Баку со луѓето од дипломатското претставништво, но на лично инсистирање ќе се врати во Техеран, таму имаме еден брачен пар со сурогат бебе и сакаме да направиме сè што можеме за да им помогнеме“, рече тој.„Ние ги подготвивме авионите на Ер Србија, и тоа ме погодува, затоа што така и за време на короната им зборувавме на луѓето да не одат на Бали, па моравме на трошок на граѓаните на Србија да испраќаме авиони за да ги враќаме“, нагласи тој.

Свет | пред 4 седмици

Токаев ќе го одликува Вучиќ со орденот „Златен орел“

Претседателот на Србија, Александар Вучиќ, од Астана порача дека ќе му биде доделен највисокиот орден на Казахстан – „Златен орел“.Ќе имам голема чест да го примам највисокиот орден на оваа држава, Златниот орел, огромна чест за Србија и тоа го прифаќам во име на нашата земја. Многу сум среќен што ќе го добиеме најголемото признание на Казахстан“, изјави Вучиќ.Тој додаде дека утре него и српската делегација ги очекуваат важни состаноци, како и посета на казахстанскиот центар за вештачка интелигенција.Орденот на Вучиќ ќе му го врачи претседателот на Казахстан, Касим-Жомарт Токаев.

Свет | пред 1 месец

Вучиќ: Го посетив Дачиќ утрово и подобро е

Претседателот на Србија, Александар Вучиќ, изјави дека утрово е малку подобра состојбата на министерот за внатрешни работи, Ивица Дачиќ, кој вчера беше примен во болница со тешко воспаление на белите дробови и е во тешка здравствена состојба, интубиран и на респиратор.Вучиќ го посети Дачиќ утрово пред да замине за Казахстан, а на Инстаграм од авионот напиша дека лекарите велат дека на Дачиќ му е нешто подобро и оти верува во него.– Го посетив Ивица утрово и Дачиќ е подобро, тоа е добра вест, секако претпазливост е и понатаму неопходна и ништо не е извесно, но подобро е, на радост на неговото семејство и на сите луѓе кои го сакаат – рече Вучиќ во говорната порака објавена преку Инстаграм.Потпретседателот на Владата на Србија и претседател на Социјалистичката партија на Србија, Ивица Дачиќ, вчера беше хоспитализиран на Клиниката за пулмологија при Клиничкиот центар на Србија поради тешко воспаление на белите дробови. Помошник-директорот за пулмологија, Спасоје Попевиќ, синоќа за Танјуг изјави дека ситуацијата е многу тешка и оти Дачиќ има тешка пневмонија и дека претстојните 72 часа ќе бидат клучни.– Моментално е на механичка вентилација – респиратор, го добива сето она што е потребно, сите лекови, терапијата. Со тој респиратор, кој е начин на лекување, ние купуваме време кое е потребно за тие лекови да делуваат и се бориме за неговиот живот – рече Попевиќ. Тој прецизираше дека министерот Дачиќ е хоспитализиран во 16:30 часот и додаде дека не може да дава никакви прогнози.

Свет | пред 1 месец

(Видео) Драма на средба со граѓани: Вучиќ натера жена на болно дете да му признае дека не му е биолошка мајка

Видео од посетата на српскиот претседател Александар Вучиќ на Бор предизвика бурни реакции во јавноста, откако една жена, по негово инсистирање, пред своето болно дете откри дека не му е биолошка мајка.Настанот се случил за време на разговор со граѓани, кога Гордана Кариќ, корисничка на социјална помош, побарала збор за да укаже на, како што навела, деветмесечен застој во исплатата на надомест за своето болно дете, кое има срцеви проблеми и повеќе операции.Наместо директен одговор за причините за прекинот на исплатата, претседателот, според објавените видеа и медиумски извештаи, упатил прашања поврзани со проверките на имотната состојба од страна на Центарот за социјална работа, алудирајќи дека можеби постои законска пречка.Жената одговорила дека нема имот освен куќата во која живеат и нагласила дека не може да зборува за одредени детали пред детето. И покрај тоа, по натамошно инсистирање, таа низ солзи изјавила дека не може да го посвои детето, бидејќи е негова тетка, а биолошката мајка починала пред 13 години.„Не сакав да дознае на ваков начин дека не сум му мајка“, рекла таа пред присутните, додека детето седело до неа.По откривањето на семејната тајна, претседателот изјавил дека процедурите се сложени, но дека ќе се вложат напори случајот да се реши и дека ќе добие одговор во наредните денови, додавајќи дека таа, како што рекол, „секако му е мајка затоа што се грижи за него“.Сцената предизвика бројни реакции на социјалните мрежи и во медиумите во Србија, со различни толкувања за начинот на кој бил воден разговорот и за јавната експозиција на приватна семејна информација.

Свет | пред 1 месец

Вучиќ: Пленковиќ ми рече дека воениот сојуз не е насочен против Србија

Српскиот претседател Александар Вучиќ од Њу Делхи, каде што учествува на четвртиот глобален самит за вештачка интелигенција, изјави дека имал низа важни средби со европски лидери и дека Србија мора да продолжи со напорите за економски раст и стабилност.Тој откри дека разговарал 45 минути со францускиот претседател Емануел Макрон за клучните прашања во Европа, европскиот пат на Србија и актуелната геополитичка состојба. Дополнително, како што наведе, имал долг разговор и со хрватскиот премиер Андреј Пленковиќ, при што станало збор и за воениот сојуз меѓу Загреб, Тирана и Приштина. Според Вучиќ, Пленковиќ нагласил дека тој сојуз не е насочен против Србија.Најдолг разговор, како што посочи, имал со словачкиот претседател Петер Пелегрини.Осврнувајќи се на економската состојба, Вучиќ изјави дека инфлацијата во јануари изнесувала 2,4 проценти и дека е под контрола, односно на ниво што го бара Европа. Додаде дека стапката на раст ќе зависи од ангажманот и работата во наредниот период, порачувајќи дека „ќе мора да се трудат и да се борат“.Говорејќи за инцидентите за време на протестите во Нови Сад, тој ги обвини демонстрантите дека се обиделе да го нарушат секој српски празник и дека нападнале и на Матица српска. Според него, полицијата интервенирала против лица кои рушеле ограда и се однесувале криминално.Вучиќ изјави и дека сè уште нема донесено одлука дали ќе помилува човек кој удрил учесник во блокада, додавајќи дека институциите треба да одговорат кој бил санкциониран за претходните насилни инциденти.На крајот, тој нагласи дека претстојниот ден е важен за претставувањето на Србија, посочувајќи дека индискиот Си-Ен-Ен емитувал 15-минутно интервју со него во ударен термин, што го оцени како значаен успех за земјата.

Свет | пред 1 месец

Курти бара меѓународен суд за „снајперски туризам“ во Сараево, го спомена и Вучиќ

Премиерот на Косово, Албин Курти, повика на формирање посебен меѓународен суд за истрага и судење за наводните злосторства познати како „Сараево сафари“, односно таканаречен „снајперски туризам“ за време на опсадата на Сараево. Тој изјави дека, според тврдења кои се појавиле во јавноста, во оваа појава се спомнува и улогата на претседателот на Србија, Александар Вучиќ.Курти говореше на Втората меѓународна научна конференција на Институт за воени злосторства на Косово, организирана по повод 18-годишнината од независноста на Косово. Тој посочи дека, според информации што кружат, за време на опсадата на Сараево во почетокот на 1990-тите, поединци наводно плаќале за да пукаат со снајпер врз цивили од ридовите околу градот.„За помала сума пари, од ридовите околу Сараево можело да се пука врз босански цивили во опколениот град. За истрага и судење на злосторствата на ‘Сараево сафари’ потребен е посебен меѓународен суд“, изјави Курти.Тој истовремено повтори дека, според негов став, таканаречената „жолта куќа“ за трговија со органи во Албанија никогаш не постоела и дека станува збор за, како што наведе, хибриден наратив насочен против Ослободителна војска на Косово. Курти оцени дека борбата на поранешните водачи на ОВК, на кои им се суди пред Специјализирани совети за Косово во Хаг, била праведна и неопходна.На конференцијата се обрати и извршниот директор на Институтот, Атдхе Хетеми, кој истакна дека целта е продлабочување на научниот дијалог и пошироко истражување на воените злосторства преку интердисциплинарен пристап.Претседателот на Србија, Александар Вучиќ, во претходни изјави ги отфрли медиумските наводи што го поврзуваат со случајот „Сараево сафари“, оценувајќи ги како политички мотивирани и непроверени информации.Случајот беше актуелизиран од италијанскиот новинар Ецио Гавацени, чие обраќање до обвинителството во Милано доведе до отворање истрага против засега непознати лица за наводно организирање викенд-снајперски тури за време на војната во Босна и Херцеговина.

Свет | пред 1 месец

Вучиќ: „Од Шекеринска можат да се слушнат многу работи што немаат многу смисол“

„Од Шекеринска можат да се слушнат многу работи што немаат многу смисол“, изјави српскиот претседател Александар Вучиќ од Минхенската безбедносна конференција, критикувајќи ја заменик-генералната секретарка на НАТО, Радмила Шекеринска.Вучиќ, одговарајќи на новинарско прашање во врска со нејзината изјава дека Хрватска и Албанија се сигурни партнери на НАТО и дека нивната воена соработка има цел да придонесе за стабилноста во регионот, оцени дека таа, како и многу други, „не сака да ја вметне во својата гледна точка она што е вистина и очигледно“. Според него, тоа се видело и кога таа зборувала за сецесионизмот и Република Српска, пренесе РТС.Тој нагласи дека доколку Шекеринска се задржела само на повикот за политички дијалог меѓу земјите од Западен Балкан, немал што да додаде. „За жал, Радмила Шекеринска зборуваше и за други работи што навистина немаат многу смисол“, изјави Вучиќ, додавајќи дека, според него, таа сакала да ја критикува Република Српска кога изразила загриженост за сецесионистички изјави и одлуки во регионот.„Ова ни го кажуваат луѓе кои доведоа до сецесија, барем според нив, на дел од територијата на Србија – помеѓу 13 и 14 проценти“, рече Вучиќ, алудирајќи на прашањето за Косово. Тој порача дека оние кои зборуваат за регионот треба да покажат повеќе почит кон Србите и да внимаваат на изјавите.Вучиќ во своето обраќање се осврна и на изјави поврзани со настаните во Бањска и на страдањето на вработени во РТС, наведувајќи дека постои селективен пристап во толкувањето на настаните.Воедно, тој ја коментираше и изјавата на министерот за одбрана на Босна и Херцеговина, Зукан Хелез, во врска со наводен воен сојуз меѓу Србија и Унгарија. „Немаме воен сојуз со никого. Ние сме воено неутрална земја. Имаме воено-техничка соработка со повеќе од сто земји во светот, понекогаш поинтензивна, понекогаш помалку интензивна“, изјави српскиот претседател.Тој додаде дека Србија добила и документ од Соединетите Американски Држави поврзан со Одборот за мир, кој, како што рече, ќе биде разгледан во наредниот период.

Свет | пред 1 месец

Вучиќ повторно кон премиерската фотелја, се отвора прашањето за промена на Уставот на Србија

Сè појасно се наѕира дека српскиот претседател Александар Вучиќ повторно има амбиција да се врати на премиерската функција, додека неговата Српска напредна странка се соочува со сериозен проблем – нема јасен кандидат кој со сигурност би победил на идните претседателски избори. Токму поради тоа, во јавноста сè погласно се зборува за можноста власта да побара излез преку промена на Уставот, со што би се сменил начинот на избор на претседателот на државата.Како „пробен балон“ во јавниот простор се појавува предлогот на Војислав Шешељ, кој отворено сугерира дека претседателот на Србија не треба да се избира на непосредни избори, туку во Народното собрание. Таквата идеја, според аналитичарите и дел од опозицијата, совршено се вклопува во интересите на владејачката структура, имајќи предвид дека СНС располага со двотретинско мнозинство потребно за уставни измени.Во изминатиот период во јавноста се споменуваат повеќе можни наследници на Вучиќ – од Томислав Николиќ, преку Ана Брнабиќ, до Милош Вучевиќ – но ниту едно од тие имиња не гарантира изборна победа. Дополнителен проблем за СНС претставуваат истражувањата на јавното мислење, кои покажуваат пад на рејтингот на партијата. Во таков контекст, загубата на претседателската функција би била сериозен удар за власта, што ја прави идејата за уставна интервенција политички привлечна.Шешељ јавно изјавува дека изборот на претседател во Собранието е „подемократски“, бидејќи овозможува и негово разрешување, за разлика од директниот избор од граѓаните. Истовремено, тој потврдува дека неговата Српска радикална странка останува во коалиција со СНС и дека не планира самостојни политички маневри.Од опозицијата реагираат остро. Потпретседателот на Странката на слободата и правдата, Бoрко Стефановиќ, оценува дека Шешељ јавно го изговара она што Вучиќ го мисли, нагласувајќи дека меѓу двајцата постои долготрајна политичка и идеолошка симбиоза. Според него, ваквиот предлог оди кон дополнително слабеење на врската меѓу граѓаните и институцијата претседател, и кон зајакнување на авторитарен модел на владеење, во кој центарот на моќта се концентрира во рацете на еден човек.Стефановиќ предупредува дека не би било изненадување доколку иницијативата за уставни измени навистина стигне до Народното собрание, бидејќи процедурата тоа го дозволува. Според српскиот Устав, иницијатива за измена можат да поднесат најмалку една третина од пратениците, претседателот на државата, Владата или најмалку 150.000 избирачи. За започнување и усвојување на измените потребно е двотретинско мнозинство, кое владејачката коалиција моментално го има.Српскиот Устав последен пат беше изменет во 2022 година, по референдум за усогласување на судскиот систем со европските стандарди. Дали сега следи нова, далеку поконтроверзна уставна интервенција, која би го променила начинот на избор на претседателот, останува отворено прашање, но сигналите што доаѓаат од врвот на власта и од нејзините најгласни сојузници сè повеќе упатуваат токму во таа насока.

Свет | пред 1 месец

Србија не е вмешана во заплената на пет тони марихуана со потекло од Македонија, тврди Вучиќ

Српскиот претседател Александар Вучиќ тврди дека Србија не е вмешана во поседувањето на петтe тони марихуана со потекло од Македонија.Тој изјави дека неговите противници „сè превртеле наопаку“, па сега тврдат дека во скандалот околу откриените пет тони марихуана – стои државата.„Пред неколку дена, луѓе од Управата за криминалистичка полиција пронајдоа пет тони некаква дрога. А сега дали само синот или и синот и таткото знаеле за тоа, тоа е друго прашање, нека утврдат надлежните органи, нема да претпоставам ништо. Ние ја спроведовме таа акција“, рече Вучиќ, за ТВ Пинк, зборувајќи за запленувањето на пет тони марихуана на имот на локален функционер на владејачката Српска напредна партија (СНС) на Вучиќ.Тој изјави дека неговите противници сега велат: „бидејќи не е на насловната страница на ниту еден од таблоидите, државата сигурно е вмешана во тоа“.Пет лица се осомничени во случајот со рекордната заплена на повеќе од пет тони марихуана пронајдени во четвртокот во селото Коњух, во близина на Крушевац, и  се бранеа со молчење пред Обвинителството за организиран криминал на Србија.

Свет | пред 1 месец

(Видео) Вучиќ се вклучи на лајв со Бака Прасе на „Тикток“, па следуваше необчен разговор

Претседателот на Србија, Александар Вучиќ, синоќа за првпат направи TikTok лајв, во кој директно се вклучи и еден од најпознатите српски јутјубери, Бака Прасе. Во разговорот, кој предизвика големо внимание на социјалните мрежи, се зборуваше од даночната политика, преку локалната власт, до конфликтите во медиумскиот простор.Пред вклучувањето на Бака Прасе во лајвот, Вучиќ погледна негова вирална снимка во која јутјуберот кажува што би го прашал доколку добие можност да се вклучи во TikTok пренос.„Не сум ниту за вашата, ниту за другата страна, не ме интересира политика, ама дали може да се укине данокот за инфлуенсери?“ прашува Бака Прасе во видеото, на што Вучиќ со насмевка одговори дека данок не може да се укине и додаде дека државата функционира токму преку наплатата на даноци.Неколку моменти подоцна, Бака Прасе директно се вклучи во лајвот, шеговито забележувајќи дека, доколку стане градоначалник, би поделил откази затоа што лајвот не бил технички добро подесен. На прашањето на Вучиќ за кој град станува збор, тој одговори дека мисли на Белград и праша дали претседателот смета дека би бил подобар градоначалник од актуелниот, Александар Шапиќ. Вучиќ со насмевка возврати дека не мисли така, но дека одлучувачко е мислењето на граѓаните.Во продолжение на разговорот, Бака Прасе побара од Вучиќ да го контактира Доналд Трамп за да му бидат вратени неговите Јутјуб канали, кои, како што тврди, му биле згаснати поради масовни пријави. Вучиќ одговори дека ќе има разговори со американски претставници и дека може сериозно да го постави прашањето, но истовремено праша и што точно било причината за гасењето на каналите.Јутјуберот објасни дека каналите биле пријавувани поради конфликт со Жељко Митровиќ. Вучиќ тогаш зазеде советодавен тон, посочувајќи дека изјавите насочени кон семејството на Митровиќ биле „застрашувачки“ и дека смета оти е коректно прво да се извини за тоа. „Не мешај семејства, тоа не ти прилега. Извини се за тоа, па потоа расправај се колку сакаш“, порача Вучиќ.Бака Прасе возврати дека никогаш не го навредувал семејството на Митровиќ и дека, според него, првично бил нападнат неговиот татко. Вучиќ, сепак, оцени дека изговореното од страна на јутјуберот било потешко и повтори дека извинувањето би било фер чекор.Во завршницата на разговорот, Вучиќ го праша Бака Прасе како решил да се занимава со Јутјуб и што го мотивирало да влезе во тој свет. Јутјуберот одговори дека почнал со гејминг, дека пријателите го охрабриле и дека, откако не запишал факултет, решил да оди „на сè или ништо“, што, како што рече, на крајот му се исплатело.Лајвот, кој комбинираше политика, поп-култура и интернет феномени, предизвика бројни реакции и коментари, отворајќи нов простор за комуникација меѓу политичките лидери и дигиталните инфлуенсери.

Свет | пред 1 месец

Вучиќ: Оваа година одиме на избори, мислам дека ќе бидат на есен

Претседателот Александар Вучиќ изјави за „Blic TV“ дека оваа година ќе се одржат избори и дека најверојатно тоа ќе биде на есен.„Оваа година одиме на избори. Мислам дека сите избори ќе бидат на есен. Мислам дека тоа е поверојатна опција“, рече Вучиќ за Blic TV.На прашањето дали би поднел оставка од претседателската функција за да се спојат претседателските и парламентарните избори, тој рече дека не ја исклучува таа можност.

Свет | пред 2 месеци

Вучиќ: Луѓето видоа дека министрите не работат како што треба; Барав две работи – борбеност и храброст

Претседателот на Србија, Александар Вучиќ, во гостување на ТВ Блиц изјави дека граѓаните имаат јасна слика дека не сите министри се посветени на своите обврски, посебно во критични моменти како што беа снежните непогоди кои оставија делови од земјата без струја.Претседателот посочи дека граѓаните кои беа без струја за време на снежните врнежи видоа дека министрите заминале на одмор и не ги решавале проблемите.„Проблемите секогаш ќе постојат, но важно е луѓето да видат дека министрите се трудат да ги решат, а сега тоа не се случи и луѓето тоа го забележаа“, истакна Вучиќ.Од министрите, како што нагласи, барал две квалитети: борбеност и храброст при носење на одлуки, со уверување дека граѓаните ќе им простат грешки.Тој истакна и дека во земјата постојат луѓе чиј единствен сон е да рушат и дека затоа е важно да се изготват конкретни планови за иднината. Вучиќ потенцираше дека секогаш ги чита сите документи пред да одлучи што е потребно и што да се фрли, за разлика од другите.

Свет | пред 2 месеци

Вучиќ најави остри прашања до министрите: Нема умор, не сте тука за себе, туку за граѓаните

Претседателот на Србија, Александар Вучиќ, во пресрет на денешната тематска седница на Владата на Србија посветена на клучните стратешки прашања, упати критики до носителите на извршната власт, порачувајќи дека мора да работат посериозно и поодговорно.„Ќе поставувам прашања кои се едноставни, но на кои не е лесно да се дадат одговори, со цел некои да ги натерам да работат посериозно и да сфатат дека не се тука поради себе, туку поради граѓаните“, изјави Вучиќ во гостување на телевизијата Прва, пред седницата што ќе се одржи во Палатата Србија, а на која ќе присуствуваат и тој и претседателката на Собранието, Ана Брнабиќ.Вучиќ најави дека на седницата ќе зборува за приоритетите на Владата и за областите во кои е неопходно забрзување на активностите, нагласувајќи дека ветувањата дадени пред граѓаните мора да бидат исполнети.„Ветив мир и најдобра економска година. Кога нешто ќе се вети, тоа мора да се исполни“, рече тој, посочувајќи дека постојат сериозни предизвици поврзани со проектот Експо, како и со енергетиката.Тој оцени дека државата покажала отпорност и подготвеност во однос на снабдувањето со енергенси, но дека и натаму има бројни отворени прашања, меѓу кои и оние поврзани со декарбонизацијата, НИС и обврските кон Европската Унија.„Ќе им поставувам прашања на министрите. Нема оправдување за замор. Некои одговори постојано ги одминуваат, па ќе мора јасно да кажат дали сакаат да се борат или не“, изјави Вучиќ.Тој додаде дека седницата ќе биде динамична и исполнета со конкретни барања за отчетност и резултати.

Свет | пред 2 месеци

Вучиќ од Давос најави летечки такси за Експо 2027, преговорите во завршна фаза

Претседателот на Србија, Александар Вучиќ, денеска во Давос изјави дека преговорите за воведување летечки такси за Експо 2027 се во завршна фаза, најавувајќи уште еден амбициозен проект кој, како што рече, треба да го покаже „новото лице на Србија“.„Не смеам пред 15 часот да зборувам за тоа, но ветив летечки такси за Експо и сега го приведуваме процесот кон крај“, изјави Вучиќ пред новинарите, додавајќи дека го очекува средба со американска компанија со која се водат финалните разговори.Вучиќ наведе дека за време на престојот на Светскиот економски форум во Давос имал низа средби со највисоки светски функционери.„Имавме бројни состаноци, меѓу кои и со директорката на ММФ, а ја слушавме и Урсула фон дер Лајен“, рече српскиот претседател.За време на престојот во Давос, Вучиќ, според најавите, ќе оствари и бројни билатерални средби со светски и европски претставници, како и со претставници на меѓународни организации, финансиски институции и водечки глобални компании.

Свет | пред 2 месеци

(Видео) Вучиќ со жестока реакција по инцидентот со Ана Бекута во Чачак: Таа не бегаше и не се скри од теророт

Српскиот претседател Александар Вучиќ со остра реторика реагираше по инцидентот во Чачак, каде што пејачката Ана Бекута беше гаѓана со снег за време на новогодишниот концерт, организиран на градскиот плоштад.Во објава на социјалните мрежи, Вучиќ жестоко ги осуди граѓаните кои, како што наведе, „од чиста мира“ нападнале жена која, според него, „на секој од нив може да му биде мајка, баба или сестра“. Тој употреби навредливи квалификации за учесниците во протестот, нагласувајќи дека нема право јавно да ги изговори сите зборови што, како што рече, „народот би ги употребил“.Претседателот посебно ја пофали Бекута за, како што оцени, нејзината храброст и одлуката да не го прекине настапот и да не се повлече од сцената.„Таа не сакаше да бега, не сакаше да се крие и не дозволи теророт и дивјаштвото да ја натераат да се повлече“, напиша Вучиќ.Инцидентот се случи во услови на сериозни временски непогоди во Србија, кога делови од земјата беа зафатени од обилни снежни врнежи, прекини во снабдувањето со електрична енергија и прогласена вонредна состојба во одредени општини. Дел од граѓаните изразија незадоволство што, во такви околности, од буџетот биле издвоени околу 40.000 евра за концертот на пејачката, што и беше повод за протестите за време на нејзиниот настап.

Свет | пред 2 месеци

Вучиќ од Требиње: Подобро еден ден живот како сокол, отколку како 100 години како глушец

Александар Вучиќ во Требиње кажа дека како држава нема молчат, да се додворуваат или да се срамат од вистината. Тој вети дека Србија ќе направи сè што е можно за да го зачува мирот во регионот, и покрај, како што оцени највалканата кампања што се води против неговата земја од Приштина и Загреб, од Сараево и Подгорица.Ова тој го кажа во говор во Требиње, Република Српска. Присутен беше и поранешниот претседател на српскиот ентитет, Милорад Додик.„Ќе се грижиме да го зачуваме мирот. Мали сме, не можеме премногу да се конфронтираме со големите, но најдовме сила да ја кажеме вистината и секогаш ќе ја имаме. Подобро е да се живее како сокол еден ден отколку да се крие како глушец сто години. Србија е горда на ова и ова е судбината на српскиот народ“, рече Вучиќ и предупреди дека во светот се подготвуваат големи бури.

Свет | пред 2 месеци