ЗДРАВСТВО

Манолева донесе наредба операционите сали да отпочнат со работа со користење на надворешни компресори и дополнително садови со компримиран воздух

Заменик министерката за здравство д-р Маја Манолева денеска одржа состанок со медицинските директори на хируршките клиники при Клиничкиот центар „Мајка Тереза“ со цел реорганизација на работата поради новонастанатата ситуација со компримираниот воздух.Во текот на вчерашниот ден, заменик министерката д-р Манолева донесе наредба универзитетските клиники кои се сместени во зградата на хируршки клиники во Клиничкиот центар операционите сали да отпочнат со работа со користење на надворешни компресори и дополнително со садови со компримиран воздух. Министерството за здравство ќе укаже до клиниките да набават надворешни компресори со цел функционирање на установите со итен и елективен програм.Во наредбата до УК за урологија, за ТОАРИЛУЦ, за неврохирургија, за дигестивна хирургија, за пластична и реконструктивна хирургија, за торако-васкуларна хирургија, за детска хирургија реализирањето на оперативниот програм да се организира по принцип работа во две смени (прва и втора), а оперативниот план и редослед на пациентите да се реализира согласно Одлука и утврден распоред од страна на стручниот колегиум на секоја јавна здравствена установа.Дополнително, Универзитетската клиника „Св. Наум Охридски“ и ГОБ „8 Септември“ да продолжат да работат со максимално искористување на капацитетите и со поддршка од дополнително потребен здравствен персонал согласно склучени договори за соработка со универзитетските хируршки клиники при Клинички центар кои е потребно да се достават до Министерството за здравство.Наредбата предвидува секоја од клиниките да стапи во контакт со Клиниката „Св. Наум Охридски“ и ГОБ „8 Септември“ за потребата од дополнителен персонал кој ќе биде пратен на работа како помош за одреден временски период, а врз основа на склучена спогодба за меѓусебна соработка помеѓу јавните здравствени установи.„Оваа одлука се носи со цел изнаоѓање на преодно решение во насока на функционирање на оперативниот програм. Со цел обезбедување на пружање соодветна и квалитетна здравствена заштита на пациентите се укажа потребата од реорганизирање на начинот на функционирање и обезбедување на компримиран воздух со надворешни компресори и дополнително со садови со компримиран воздух како преодно решение до надминување на состојбата“, истакнува заменичката Манолева.На следната владина седница, заменичката Манолева ќе достави информација и ќе побара од Владата да ја задолжи Службата за општи и заеднички работи да спроведе итна набавка на нова компресорска станица.

Македонија | пред 1 година

Министерот Демири и заменичката Манолева да одговорат дали се работи за 120.000 евра санација за цела Хирургија и дали за 120.000 евра сиот здравстен систем е колабиран?, праша Стоилковски

„СДС/ДУИ го потврди пресот од петокот дека цел викенд никаде ќе ги нема, поважен е викендот и партиските функции од катастрофата во Хирургија“, вели Наум Стоилковски, портпарол на ВМРО-ДПМНЕ и додава:Доколку некаде ја видите д-р. Маја Манолева од СДС, потсетете ја дека е заменик министер за здравство! И прашајте ја дали е ова „нема откажување од иднината“ за кое водеше кампања два месеци? Или дали семејните бизниси, од приватно здравство до трговија со струја се поважни во моментов од Хирургија и колапсот на здравствениот систем? Д-р. Маја Манолева, заменик министер и потпретседател на лекарската комора, никаде ја нема. И уште едно прашање, дали таа ветува заштита на оние 12 директори кои функционираат на Хирургија и молчат пред проблемите?Здравството тоне, проблемот со Хирургија и уште повеќе немањето волја брзо да се реши не може да се исклучи од аспектот за намерно рушење, односно мини државен удар во здравството.Оттука, ќе поставам и прашања и до исчезнатиот министер Илир Демири, и до заменичката Маја Манолева, дали се работи за санација која би вредела 120.000 евра? Дали заради 120.000 евра, се создаде колапс на сиот здравствен систем? Каде е сега претприемачкиот дух на ДУИ, каде е претприемачкиот дух на семејството на Али Ахмети, или тој важи само за трговски центри и бизниси со енергенси?Дали СДС/ДУИ свесно креираа проблем којшто го уништи столбот на терцијалното здравство, Хирургија, 12 оддели се исклучени, а нив никаде ги нема, вклучително и директорите, вклучително и оние Заеднички служби, вклучително и економскиот директор и администраторите кои заминаа на Азурен брег?Почитувани, ова е срамно, недостоинствено, и над се неетички и нехумано. Трета недела нема никаков план за решавање на проблемот на хирургија, ниту пак некакви решенија се понудени.12-те директори на оддели кои функционираат на Хирургија се уште немаат доблест да излезат во јавност и да проговорат за проблемите и за тоа колку пациенти со тешка медицинска состојба се оставени на чекање.Одговорност ќе има, а неа нема да ја сноси повторно некој кабел!

Македонија | пред 1 година

Доктор Каревски предлага решение за Клинички: Со доволен број на боци во секоја сала на Клинички, тие би можеле да работат?

Д-р Александар Каревски, ортопедски хирург смета дека можеби салите во Клинички центар „Мајка Тереза“ можат да се вратат во функција, доколку анестезиолошката машина биле исклучена од централен довод и секоја сала има доволен број боци на кислород и воздух. Ова го предлага како решение откако повеќе од половина месец тие се вон функција бидејќи од централниот довод се шири миризба.„Не сум инжињер но сакам и мислам дека ми е должност да ја познавам опремата со која што работам. Со оглед на тоа до сега не сум сретнал анестезиолошка машина која не функционира на боци и која исклучиво бара централен довод на кислород и воздух, ми личи дека со доволен број на боци секоја сала би можела да работи. Можеби грешам, а можеби и за тоа треба тендер?“, пишува Каревски.На ова реплицираше Дејан Трајковски, професор во Универзитет “Св. Климент Охридски” Технички Факултет – Битола.„Порано, додека немаше централен довод во болниците можеа да се видат само боци. Како привремено решение можат повторно да се користат, иако најправилно би било да се оспособи централниот довод на гасови. Ова сето предолго трае и укажува на целосна негрижа и неспособност, а не треба да се исклучи ни диверзија, т.е. специјална војна“, напиша Трајковски.

Коментари | пред 1 година

Доктори од Кардиохирургија му го возвратија ударот на министер во заминување: Лиферува безброј лаги!

,,Реакцијата е поради наводите изнесени во јавноста во вчерашната емисија WIN- WIN, на која беше гостин техничкиот министер за здравство во заминување, д-р Илир Демири, во која беа лиферувани безброј лаги, шпекулации и невистини во врска со долгогодишното работење на клиниката за кардиохирургија.Дали е целта да се направи дефокусирање на јавноста од вистинските проблеми во здравството со што се доведуваат во општа опасност животот и здравјето на граѓаните на РСМакедонија. Имено командната одговорноста за нефункционирањето на хируршкиот блок на клиничкиот центар, кој претставува срцето на здравствениот систем, е во рацете на човекот за чија стручност и професионалност сите беа информирани кога како раководител на КОВИД центарот во време на пандемија Македонија заврши на неславното 4-ро место во Европа и 6-то место во светот по бројот на смртни случаи.Зарем на овој човек ќе му се дозволи со давање на паушални и своеволни субјективни судови, со кои ја доведува во прашање стручноста, капацитетот и многугодишното образование на малкумината специјалисти кои пожртвувано, свесно и одговорно го даваат и последниот атом од својата сила за да им помогнат и да ги лекуваат најтешките случаи за кои навидум нема спас, притоа запоставувајќи ги своите семејства, своето здравје и жртвувајќи го своето слободно време, да предизвика непоправлива штета.Со злоупотреба на својата позиција како министер, се служи со секакви методи познати во некои други општествени уредувања за да дисциплинира исклучителни професионалци. Тој го доведува во прашање кредибилитетот на образовниот систем, медицинскиот факултет и сите професионални здруженија на лекари.Ја напаѓа програмата на владата за кардиоваскуларни болести преку која во нашата институција дошле да ги споделат своите искуства врвни професионалци како Проф. Омер Џемаили, кој е сега директор на одделот за Кардиохирургија во Цирих, Швајцарија, Д-р Петар Ристевски кој е негов заменик, Проф. Светозар Путник, директор на клиниката за кардиохирургија во универзитетската клиничка болница во Белград, Проф. Слободан Мичовиќ, директор на институтот за кардиоваскуларни заболувања - Дедиње во Белград,Проф.Иван Кнежевиќ,директор на хируршки блок при КБЦ - Љубљана Проф. Марек Ерлих, шеф на универзитетската клиника АКХ во Виена, Проф. Теодосиј Биздас, врвен експерт во ендоваскуларната хирургија од реномираниот центар Оназис во Атина. Судејќи според неговата стручност и експертиза се сомневаме дека воопшто слушнал за овие центри и нивните достигнувања.Очигледно мотивиран од други цели спротивни на хуманоста, грижата за здравјето и животот на граѓаните, а опкружен со луѓе кои се наоѓаат на дното на стручноста и професионалноста, неговиот порив е да се предизвика неповторлива штета на јавното здравство со непромислените и невистинити изјави, како и дејствија планирани во јавноста. Уште еднаш повикуваме релевантните институции задолжени за заштита на законитоста, животот и здравјето на граѓаните да реагираат согласно нивната надлежност. Го повикувам целиот еснаф, министерството за здравство и образование каде има се уште професионалци кои си ја знаат својата работа. Истовремено го повикуваме медицинскиот факултет при УКИМ, кој е директно нападнат со овие наводи, да излезат и да се произнесат. Неговите закани кои секојдневно ги слушаме во јавноста нема да не поколебаат да ја докажеме вистината, да го одбраниме професионалниот и одговорен однос.Времето ќе покаже и докаже на која страна е вистината.Почитувани граѓани, ние сме професионалци кои ќе продолжат како досега да се грижат за вашето здравје и вашиот живот, и покрај сите актуелни случувања и по сите напади врз нашата стручност, бидејќи ние имаме морална и професионална одговорност кон сите вас.Res, non verba (ДЕЛА, НЕ ЗБОРОВИ).”, изјавуваат од Стручен колегиум на ЈЗУ УК за Државна Кардиохирургија.

Македонија | пред 1 година

Матичните лекари се жалат за изречените казни

Појавата на казни кај наводни пречекорувања на издадени лекови, во услови на незголемен буџет за лекови за хронична терапија, при што некои од лекарите биле доведени во ситуација да мораат да враќаат пари, иако, како што велат, морале да препишат лекови, беше првата причина за денешната реакција на матични лекари пред Фондот за здравствено осигурување. Иако, како што беше нагласено, пари сѐ уште не им биле наплатени, им било ветено дека никој нема да биде казнет.- Втор проблем е што сите извештаи од специјалистички прегледи и слично се бараат од матичните лекари. Тоа е еден голем трошок за нас, а парите што ги добиваме не се зголемуваат, што ни претставува проблем во функционирањето. Според нашите анализи, за да опстанеме, потребни ни се многу повеќе пари. Има многу заминувања на здравствен кадар, тешко се наоѓаат медицински лица. Ние сме спремни за работа електронски, хартијата да ја исфрлиме. Лекарите совесно си ја вршат професијата, понекогаш и на сопствена штета, само и само секому да се даде лек. А има недостиг на лекови. Решенија во корист на здравството многу бавно се носат. Апелираме тоа да биде побрзо. Кога подолго време не наидовме барем на знаци дека нешто ќе се подобри, решивме да обрнеме внимание дека сме во лоша ситуација - рече доктор Љубомир Стефановски, матичен лекар и член на Управен одбор на здружението и потпретседател во Лекарска комора за примарна здравствена заштита.Доктор Анкица Станоевска, специјалист по семејна медицина, рече дека дури ни катедрата по семејна медицина, за жал, досега од Министерството, како специјализација по семејна медицина, воопшто не била признаена.- Се ветуваше дека ние како специјалисти по семејна медицина ќе имаме поголеми ингеренции во однос на нашите пациенти, во однос на давање лекови и издавање дијагностички процедури. Меѓутоа, тоа сѐ уште не е сторено. Затоа матичните бараат средба со правните служби, за промена на правните регулативи што доведуваат до вакви небулози - подвлече таа, нагласувајќи дека бараат и промена на казнените политики со кои се соочуваат, а како што истакна, работат во корист на пациентите.

Македонија | пред 1 година

Хоспитализирани уште три лица со голема кашлица, вкупно 631 случај во државава

Од 17 до 23 мај, пријавени се 34 нови случаи на голема кашлица, со намалување од 22,7 отсто споредено со претходниот седмодневен период, кога беа евидентирани 44 новозаболени. Од новите 34, три случаи се хоспитализирани, покажуваат податоците од најновиот извештај на Институтот за јавно здравје (ИЈЗ), објавен изутринава.Во однос на географската дистрибуција, најголем дел од случаите се пријавени во рамките на епидемијата во Скопје - 27, а пријавени се и четири случаи од Тетово и по еден од Прилеп, Кичево и од Велес. Возраста на заболените се движи од еден месец до 73 години. Најголем број случаи се од возрасната група под една година и од пет до девет години.-Заклучно со 23 мај, во Република Северна Македонија се регистрирани вкупно 631 случај на голема кашлица, со инциденца од 34,4/100.000 жители. Тоа претставува неколкукратно зголемување на бројот на заболени во однос на изминатиот петгодишен период - од 2019 до 2023 година, кога се регистрирани вкупно 10 случаи. Дистрибуцијата на случаите по однос на место на живеење покажува дека најголем број лица живеат во Скопје - 507 или 80,3 проценти со зафаќање на седумнаесет различни општини. Во рамките на епидемијата во Куманово, пријавени се 35 заболени лица или 5,5 отсто. Случаи се пријавени и во други 17 градови низ државата, се наведува во извештајот на ИЈЗ.Дистрибуцијата по пол покажува дека 297 лица се од машки, а 334 од женски пол.- Епидемиската крива укажува дека појавувањето на нови случаи на голема кашлица започнува во првата недела од 2024 година. Согласно податоците од евиденцијата на пријавувањето - за седмодневен период од понеделник до недела, се забележува континуиран пораст на бројот на случаи на неделно ниво, до 12-та недела. Од 12 до 21-ва недела, бројот на пријавени случаи флуктуира, забележуваат од Институтот.Од вкупниот број заболени, хоспитализирани се 90 лица или 14,3 проценти. Од нив, 75 или 83,3 отсто - на возраст до четири години. Најголем број од случаите - 60 или 66,7 проценти се хоспитализирани во УК за белодробни заболувања кај деца во Козле. Од вкупниот број хоспитализирани лица, 85 се испишани. Во просек, заболените биле хоспитализирани по девет дена.- Во тек се две епидемии пријавени во ниво на територијата на Скопје и на Куманово. Од вкупниот број регистрирани случаи - 631, 379 односно 60,1 отсто не биле вакцинирани, не се комплетно вакцинирани согласно возраста или нема доказ за вакцинација. Од случаите кои се комплетно вакцинирани - 201, просек на поминато време од последната доза вакцина до заболување изнесува 12,4 години, заклучуваат од ИЈЗ.Од 18 јануари до 23 мај дадени се вкупно 49.934 дози вакцина со компонента против голема кашлица.

Македонија | пред 1 година

Хирург од Воена болница: Не знам како на друг начин да го опишам ова освен лудило

Ортопедски хирург во Општа градска болница - Скопје, 8-ми септември Скопје (стара Воена болница), Александар Каревски, алармира дека 10 дена има хаос во здравството откако салите на Клиничкиот центар „Мајка Тереза“ се вон функција. Тој бара да се спасат пациентите и предлага решение, а потоа да се бара кој е крив.„10 дена хаос, неодговорност и не знам како на друг начин да го опишам ова освен лудило. 10 дена се бара кој е крив а проблемите никој никој не ги решава. Сакате решение? Пратете инструментарки, материјали и останат среден персонал од клиниките кои немаат сали затоа што и ние сме виртуозно изменаџирани па ние "секундарната" 8ми Септември ќе ги згрижиме пациентите.Ставете го стационарот на клиниките на наше располагање за веќе оперираните пациенти за кои не треба кислород и ќе имаме места.Спасете ги пациентите а после барајте си кој е крив. А важно е да се најде кој е крив, само да не ви треба огледало за истото?Морам да ги спомнам и колегите од Св Наум Охридски кои се на истиот удар и колегијално со нас се договараат и успеваме некако да издржиме“, напиша доктор Каревски.

Коментари | пред 1 година

(Видео) Новинарите добија нов колега-министерот за здравство наместо одговори имаше прашања

Илир Демири, министерот за здравство, по една недела молк излезе на прес конференција за да каже зошто се затворени хируршките сали во Клинички центар.Не лоцирајќи конкретна одговорност, Демири ја откри професијата која најмногу му лежи.Наместо да одговара на новинарски прашања за колапсот и хаосот, тој се обиде да им го земе лебот на новинарите. И тој, иако е предложен од политичка партија за министер, не ја научил основната лекција дека треба да одговараат на прашања кои се од интерес за јавноста, а не да се расправа и да им поставува прашања на новинарите?Па, на секое нивно прашање имаше контра-прашање.Не му беше јасно и побара одговор зошто би ја сменил економската директорка, Бесија Иљази која не знае македонски јазик, не е редовна на работа и против која протестираа лекарите од оваа Клиника.„Зошто да ја разрешам? Сте се фатиле околу Бесија. Таа не ги вработила тие 18 лица, туку се вработени во 2023. Каде бевте вие и останатите директори и министрите да кажувате за квалитет и неквалитет? Зошто дозволувате тие луѓе да се на список на дежурства и смени, а месец дена пред изборите, реагирате зошто се вработени”, ги праша министерот новинарите.Од нив бараше одговори до каде е изградбата на Клинички центар, болницата Штип, модуларните болници.Ги подучи новинарите:„Драги мои новинари, бидете коректни, не се занимавајте со цевки во парното, занимавајте се со суштински работи. Не се занимавајте со луѓето кои се оставени без леб, туку кој ги остави без леб. Спротивно поставете ги прашањата”.Се налути и зошто податоците од ДСЗИ ги добиваат новинарите пред министерот.

Македонија | пред 1 година

Министерот Демири во одбрана на директорката на Токсикологија

Откако на денешната прес конференција Министерот Демири најави разрешување на директори на клинички беше запрашан дали ќе ја разреши и организациската директорка на Клиниката за Токсикологија, Бесија Иљази, околу која последните месеци се низа скандали.,,Таа не го прекршила законот. Каде беше ДСЗИ кога тие пет месеци не примале плата и да реагираат? Каде е ДСЗИ да достави извештај за случувањата на хируршките сали.”, рече Демири.,,Сте се фатиле околу Бесија. Таа не ги вработиле тие 18 лица, туку се вработени во 2023. Каде бевте вие и останатите директори и министрите да кажувате за квалитет и неквалитет? Зошто дозволувате тие луѓе да се на список на дежурства и смени, а месец дена пред изборите, реагирате зошто се вработени? Имам факти дека медицинскиот директор заедно со другиот колега кои се трудеа да направат мобинг, сум ги разрешил. Бесија кога ќе го прекрши законот, ќе биде разрешена. Таа не го прекршила законот. Каде беше ДСЗИ кога тие пет месеци не примале плата и да реагираат? Каде е ДСЗИ да достави извештај за случувањата на хируршките сали.”, рече Демири.

Македонија | пред 1 година

Треба да лечиме или да баеме?! Матичните доктори добија мејлови со намалување на сумата од капитација за терапија, алармира Дервишова

Претседателката на Здружението на приватни лекари, Лили Чолакова-Дервишова алармира дека за време на викендот кој измина, здравствените власти решиле да ја намалат сумата за капитација во два дела во однос на препишана терапија, која ја земаат матичните доктори. Таа бара итна промена на буџетот.“За викендов матичните доктори добија мејлови со намалување на сумата од капитацијата и за делот на хронична тетапија и во делот за антибиотици и анксиолитици!!! Дали треба не квалитетно да лечиме,дали треба да баеме!!! Под итно да се смени буџетот за лекови за матични доктори!!! Огромен дел од лековите кои ги пропишуваме се по препорака од специјалисти,антибиотици,анксиолитици и се друго.Не смее само нас да ни се крати за работење“, напиша Чолакова-Дервишова па додаде:„Дали знаете колку проблеми има народов??? Ние сме доктори За нас на прво место е здравјето на нашиот народ!!! Дали се слушаме??? Под итно да се донесе промена на буџет на Управен на ФЗОМ,кој ќе важи ретроградно од почеток на годината!!! Со месеци има некоја сува кашлица кај пациентите која трае по три недели и како да ја лекуваме ,со волшебно стапче??? Кили направија луѓето од кашлање!!! Огромен број влезови,нема блокирани болници,еден тон разводи,фамилијарни проблеми,животов не им е розов на луѓево и мора терапија да примаат за да го издржат притисокот на времето и животот!!! Чекаме одговор…“

Македонија | пред 1 година

„Многу сум загрижен за нефунцкионирањето“ - кислородната мрежа на Клинички ќе се проверува дел по дел

Дел по дел треба да се испитува кислородната мрежа во Клиничкиот центар, за да се утврди од каде доаѓа смрдеата која стига до салите за операција. Ова го кажа министерот за здравство, Илир Демири. Тој кажа дека е многу загрижен и бидејќи нема бекап.„Огромна мрежа е, треба да се испита дел по дел. Јас сум многу загрижен за нефункционирањето. Иако тешките случаи ќе се интервенираат, со помош на надворешните компресорски единици ставени во КАРИЛ. Јас не сум министер четири години туку два месеци, го правам максимумот за да го решам проблемот. Ги имам сите ресурси ангажирано, и дадов налог без разлика на цената да се реставрира целата компресорска станица“, рече Демири.Тој кажа дека би ги разрешил сите директори на Клинички центар, а имаше и забелешка на бројот на директори.

Македонија | пред 1 година

Разрешен Шокаровски од директорската фотелја на Кардиохирургија: Пациенти прегледувани без да ги има во систем, лоши меѓучовечки односи меѓу песоналот

Разрешен медицинскиот директор од Клиниката за кардиохирургија, Марјан Шокаровски. Министерот за здравство, Илир Демири, кажа дека преку ред биле пуштани лица во Клиниката, а не биле внесувани во системите. Според него, таму и натаму има нарушени меѓучовечки односи.„170 лица не биле внесени во Мој термин. Денеска одлучив да го суспендирам медицинскиот директор Шукаровски. Крајно нарушените меѓучовечки односи е втората причина за ваквата одлука. Бидејќи сум министер во заминување сакав ова да го одложам, за наредниот министер.. Таму треба директор да биде експерт од надвор“, рече Демири.Д-р Шокаровски е супспецијалист по кардиохирургија, завршена во Универзитетски клинички болнички центар- Загреб, Хрватска со повеќегодишно хируршко и академско искуство во оваа област, раководител е на оперативниот блок, ангажиран е и како асистент на Медицински факултет-Скопје. Тој е дел од тимот на досега извршените трансплантации на срце во нашата држава, вклучен и во иновативните хируршки интервенции на срце со минимален инвазивен пристап. Исто така се едуцирал во повеќе земји, како Германија, Австрија, Англија, Франција, Бугарија, Србија и присустувал на голем број меѓународни конгреси, се наведува во соопштението од Министерството за здравство.Доктор Шокаровски дојде на местото на кардиохирургот Јовев.?si=-HrzpIYbwG1A6xGp

Македонија | пред 1 година

Смрдеата низ станиците за кислород на Клинички присутна: не се знае која е причината, необјасниво е што се случува

Министерот за здравство, Илир Демири, кажа дека 8-9 дена има проблем со кислород станиците во Клиничкиот центар кои се користат при оперирање на пациенти. Не знаат од каде доаѓа проблемот. Присутна е миризба, а за Демири е необјасниво што се случува и која е причината за проблемот. Тој јавил и во Обвинителството да проверат за што станува збор.„Некаде пред 30 години се градени, точно 30 години е компресорската станица. Пред месец дена имаше хаварија во компресорската станица кога се расипа еден од компресорите и доведе до влегување на улје во тие цевки, па тој компресор е изваден од финкција, Клиниката функционираше со два компресори, имаше технички преглед од независни фирми. Хибербарната комора ја извадивме од функција. Побарав од менаџерите да поднесат барање за сервисирање на компресорите“, рече министерот и додаде:„Пред 8-9 дена имаше исти проблем, без да има хаварија во системот, едноставно има лоша миризба во дистрибутивната мрежа на кислород. Ги повикавме независните фирми, спроведоа испитување, а во Северна Македонија нема лиценцирана компанија за лиценцирање за квалитетот на испорачување на гласови. Побаравме странска компанија и испратени се мостри во Германија. Од двете компании не нашле никаков недостаток во квалитетот на гасови, освен што има зголемена влага. Препорачаа промена на филтри во компресорските станици“.Според Димири, ќе се користат надворешни компресори се додека не се најде конкретно решение за постоечките кои ги има Клинички.

Македонија | пред 1 година

ДСЗИ: Договорите на нововработените се само со потпис од Иљази

Државниот санитарен и здравствен инспекторат (ДСЗИ) откри дека договорите за вработување на 18 лица на Клиниката за токсикологија се неважечки, што претставува прекршување на Законот за здравствена заштита. Министерството за здравство ја задржува надлежноста да го реши проблемот и да утврди соодветни активности.„Што се однесува до потпишувањето акти на самата клиника од страна на медицинскиот и организацискиот директор, кои имаат заедничка надлежност, децидно стои во Законот за здравствена заштита дека договори за вработување треба да бидат потпишани од двајцата директори, како и за отказни решенија, јавни набавки. Во овој случај станува збор за договори за вработување кои се потпишани само од организацискиот директор“, вели директорката на ДСЗИ, Рената Младеновска.Таа вели дека извршиле контрола на Клиниката откако на 2 мај издадоа решение во кое се забрани пристап на здравствени работници и работници кои немаат важечки договори за вработување и извршување здравствена дејност.

Македонија | пред 1 година

Разрешен медицинскиот директор на Клиниката за токсикологија, но не и економската директорка Бесија Иљази

Министерот за здравство во заминување, Илир Демири го разреши директорот на Токсикологија, д-р Данил Петровски, но не и економската директорка, Албанката Бесија Иљази која не знае македонски јазик, не е редовна на работа и против која неодамна протестираа лекарите од оваа клиника, меѓу кои и со звање професор и примариус. Демири ја оствари својата закана дадена пред да завршат изборите и Токсикологија ја остава во несредена состојба.Од министерството за здравство само кусо соопштија дека тој е разрешен поради „неправилности во работата“ без да се прецизираат за што точно станува збор, и кои членови од Законот тој ги прекршил.Директорот Петровски потврди дека е информиран од правната служба за неговото разрешување но не сакаше да даде изјава. Вели дека ќе го чека образложението на решението пред да даде било каков коментар. Не ја исклучува можноста да е разрешен бидејќи дежурал на Клиниката во период кога е на одмор а тоа го сторил исклучиво поради недостиг на кадар.Бесија Иљази ја остави Клиниката за токсикологија без биолог и без осигурување (имаше хаварија поради поплава од пукната парно цевка) поради што токсиколошката лабораторија работи незаконски, само со еден лаборант, но тоа не беше причина да биде разрешена. Оваа состојба не е ни констатирана од Државниот здравствен и санитарен инспекторат.

Македонија | пред 1 година

Бројот на заразени од голема кашлица се намалува, минатата недела пријавени 27 нови случаи

Институтот за јавно здеавје во новиот извештај објави дека во текот на изминатата недела во земјава се регистрирани 27 нови случаи на голема кашлица.Ова е намалување од 41,3 проценти во однос на претходната недела. Најголем дел од заразените се во Скопје, а нивната возраст се движи од еден месец до 54 години. Најголемиот број случаи се регистрирани кај деца од 10 до 14 години.Четворица од новопријавените 27 случаи на голема кашлица се хоспитализирани.Заклучно со 25 април, како што стои во извештајот на ИЈЗ, пријавени се вкупно 516 случаи на голема кашлица досега.Од заболените, хоспитализирани се 73 лица, а 59 од нив се на возраст до четири години.„Епидемиската крива укажува дека појавувањето на нови случаи на голема кашлица започнува во првата недела од 2024 година. Согласно податоците од евиденцијата на пријавувањето, за седмодневен период од понеделник-недела, се забележува континуиран пораст на бројот случаи на неделно ниво, до 12. недела. Од 12. недела, со мали варијации, бројот на пријавени случаи се намалува“, се вели во извештајот на ИЈЗ.Во периодот од 18 јануари до 25 април годинава, аплицирани се 42 857 дози вакцини против голема кашлица.Се намалува и бројот на заразени со грип.Од 15 до 21 април 2024 во земјава биле пријавени 120 случаи на групни пријави за заболени од грип/заболувања слични на грип, што е за 17,2% помалку во споредба со претходната недела.Најголем број од заболените се во Гостивар – 55, Неготино – 20 и Скопје – 15.Заклучно со 21 април, во земјава вакцинирани се вкупно 61.826 лица со бесплатна или комерцијална вакцина против грип.

Македонија | пред 1 година

Дон Кихот конечно го напушта оклопот: д-р Беќаровски заминува од Токсикологија

Доктор Нико Беќаровски од Токсикологија во објава на ФБ навести го напушта јавното здравство и дека ќе си замине од Клиниката за токсикологија.„35 години бев најголем борец за здрав јавен здравствен сектор. Дон Кохот, конечно, го напушта оклопот. Време е во некоја од приватните болници да се отвори одделение за детоксикација и клиничка токсикологија. Бројот на консументи на психоактивни супстанции секојдневно расте“, напиша Беќаровски.Ова се случува откако зовре состојбата на климиката и тој вчера на прес-конференција заедно со уште пет доктори од стручниот колегиум на токсикологија јавно ја прозваа економската директорка на Клиниката за токсикологија, Бесија Иљази, дека не дозволува вработување на двајца дипломирани биолози и еден болничар.Тие посочија дека тас саксла да се вработат осумнаесетмина на кои им истекле договорите за дело, меѓу нив и лица без соодветно образование.Беќаровски, откри шокантен податок дека болничар, вршел притисок врз лаборант, урина во која имало наркотици да биде сменета со урина која е чиста, но лаборантот не прифатил.За образованието на Иљази лекарите не знаат ништо, ниту за познавањето јазици – со оглед на тоа што македонскиот не го зборува, а Беќаровски се обидел да комуницира со неа на англиски јазик.Министерот за здравство, Илир Демири, најави разрешување на медицинскиот директор на Клиниката за токсикологија, д-р Данил Петровски, но не и на економската директорка бидејќи немал сознанија за прекршок.Директорката не говори македонски јазик, на работа доаѓа со нејзиниот татко.Деновиве таа излезе и на прес-конференција,но не даде одговор на македонски јазик, по што новинарите си заминаа.Граѓаните се револтирани и велат дека нема да има кој да ги лекува.,,Тешко на народот.Ќе не лечи Баба Рада на ТВ!Сите доктори што вредат заминаа”, реагираат граѓаните на социјалните мрежи.

Македонија | пред 1 година

Министерот за здравство ги обвини специјализантите за политичка мотивираност, а на Онкологија нема лекари и со часови се чека терапија

Денеска 400 приватни специјализанти ангажирани во Клиничкиот центар „Мајка Тереза“ не дојдоа на работните места во клиниките. Ревилторани се од нивниот нерешен статус и од изјавата на министерот за здравство Демири кој го поврза протестот со политиката.,, Ако бевме политички мотивирани до сега ќе бевме вработени, како што се случува деновиве на повеќе клиники каде без задршка во предизборие се примаат секакви кадри, а дури и се назначуваат нови економски директори со кои министерот се фотографира на Фејсбук”, велат специјализантите.,,Срамно е еден доктор да нема здравствено осигурување. Мислам дека нема ниедна политичка партија што треба да не мотивира за ние да си ги бараме основните човекови права кои ни се загарантирани со Устав.Јас лично немам ниедна книшка од политичка партија. Единствената книшка што ја имам дома е крводарителската на која што пишува „нулта позитив“. Штрајкот ќе го продолжиме додека не помине седницата на Влада и додека Министерството за здравство не излезе со официјално известување што е одлучено на таа седница, а после тоа ќе разговараме со колегите и ќе одлучиме што ќе правиме понатаму”, вели Христина Илиоска Чешлароска, приватен специјализант.Граѓани така ја изразија својата поддршка за соецијализантите, се жалат дека на Онкологија нема доволно доктори, глетката е страшна, полни чекални каде со часови се чека да се прими хемотерапија.,, На Онкологија е ужас, луѓето чекаат со часови за да дојдат до хемотерапија, а некои влегуваат преку ред. Дајте нека ги вработат овие луѓе, зошто да стојат тука, зошто да бидат невработени, да не им тече стаж како на сите нормални луѓе? Дајте да се направи барем нешто за овие млади луѓе да ни останат тука. Како да останат? Како и народов да остане тука кога ќе нема доктори, ќе нема ништо? Малку доктори има на Онкологија, но треба нови да се примат. До каде отидовме? Многу е жално ова што се случува во нашата држава. Два милиони народ не можеме да се организираме. Срамота е, 21 век е, светот до вештачка интелигенција дојде, возбуденаби револтирана вели ќерка на онколошка пациентка.

Македонија | пред 1 година

Министерство за здравство: Се осовременува календарот за имунизација со деветвалентна вакцина против ХПВ

Министерот за здравство, д-р Илир Демири, заменик министерката за здравство д-р Маја Манолева, националната координаторка за имунизација, проф. д-р Александра Грозданова, специјалната претставничка на СЗО во земјава, Ане Јохансен, претставничката на УНИЦЕФ во Северна Македонија, Патриција ДиЏовани и претставникот од УНФПА, денеска одржаа заедничка прес-конференција на која информираа за осовременување на календарот за имунизација со деветвалентна вакцина против ХПВ.Демири потенцираше дека покрај преминувањето од четиривалентна на деветвалентна, ХПВ вакцината ќе биде достапна и за момчињата.-Со ова, го следиме примерот на високоразвиените европските здравствени системи и обезбедуваме поголема заштита на младата популација од ХПВ вирусите. Деветвалентната ХПВ вакцина е од светски реномиран производител, МСД од Холандија и ги исполнува највисоките критериуми за квалитет, безбедност и ефикасност - ХПВ вакцината обезбедува долготрајна повеќегодишна заштита. Оваа вакцина штити од инфекции предизвикани од хуман папилома вирус и од развој на преканцерозни лезии, рече Демири.Грозданова истакна дека целта за вакцинирање на момчињата е двојна и дека со тоа се спречува момчињата да бидат трансмитери, односно да ја пренесуваат ХПВ инфекцијата, но и самите да бидат заштитени бидејќи и кај нив се развиваат ХПВ асоцирани болести.-Најчестите ХПВ асоцирани болести кај жените се цервикалниот карцином на грло на матка, кацином на вагина, вулва и анус, додека кај мажите тоа е ларциномот на пенисот, карцином на анусот и кај двата пола забележан е пораст на ортофаријангијалниот карцином. Со вакцинирање на возраст помеѓу 12 и 15 години се постигнува најдобар имунолошки одговор на организмот. Се вакцинираат и девојчиња и момчиња пред да бидат изложени на вирусот, истакна проф. Грозданова.Деветвалентните ХПВ вакцини ќе бидат достапни од следниот месец во сите вакцинални пунктови во државата.-По повод воведувањето на новата вакцина, искрени честитки за напредокот на државата кон остварувањето на долгорочните стратешки цели од „Агендата 2030“. Вклучувањето на момчињата во процесот на вакцинација, нè приближува сите до посакуваното зголемување на опфатноста со ХПВ вакцина во Северна Македонија од околу 90%. Воедно, голема, искрена благодарност и до новинарите, чија улога и помош во обликувањето на јавното мислење високо ја цениме. Ви благодариме што сте наши партнери на патот кон подобро здравје за сите, рече д--р Ане Јохансен, специјална претставничка на Светската здравствена организацијаСе проценува дека ХПВ-вакцината може да спречи 70% од случаите на цервикален карцином, 80% од анален карцином, 60% од вагинален карцином, 40% од вулварен карцином, и покажуваат повеќе од 90% успешност во спречувањето на ХПВ-позитивните орофарингеални карциноми. Во однос на заштитата веќе се достапни податоци за потврдена ефикасност од повеќе од 10 години на оваа деветвалентма вакцина.

Македонија | пред 1 година

Манолева на билатерални средби со министрите за здравство на Словенија и Црна Гора

Заменик министерката за здравство, д-р Маја Манолева оствари билатерални средби со министерката за здравство на Република Словенија, Валентина Преволник Рупељ и д-р Шимон Војислав, министер за здравство на Република Црна Гора, на маргините на десеттиот состанок на високо ниво на Иницијативата за мали земји на СЗО/Европа, кој се одржува во Лимасол, Кипар.На билатералните средби се разговараше за предизвиците со кои се соочуваат земјите во здравствениот сектор, можностите за обезбедување финансиска одржливост на здравствените системи, зајакнување на превенцијата на болести, како и за продолжување на соработката, посебно во делот на едукација и професионализација на сестрите и акушерките.

Македонија | пред 1 година

Манолева: Република Македонија едногласно прифатена како 12-та членка на Иницијативата за мали земји на СЗО/Европа

Заменик министерката за здравство, д-р Маја Манолева денеска се обрати на 10-от Состанок на високо ниво на Иницијативата за мали земји на СЗО/Европа кој се одржува во Лимасол, Кипар.Таа потенцираше дека пристапувањето кон Европската Унија е главен двигател на земјата, која полека, но стабилно прави чекори во усвојувањето на реформите на ЕУ.„Република Северна Македонија е цврста во својата посветеност на заедничките напори на Иницијативата за мали земји при СЗО во европскиот регион. Со здружување на силите со нашите ценети партнери, имаме за цел да ја искористиме споделената експертиза и ресурси за да го зајакнеме нашиот капацитет за промоција на здравјето, превенција на болести и испорака на квалитетна здравствена заштита. Уверена сум дека приклучувањето на Република Северна Македонија во Иницијативата за мали земји на СЗО/Европа не само што ќе ги унапреди напорите за здравствена заштита на нашата нација, туку и ќе поттикне колективен стремеж кон постигнување на универзална здравствена заштита и подобри здравствени резултати за сите“, истакна Манолева.На денешниот состанок со 11 министри на земјите членки на Иницијативата за мали земји на СЗО/Европа, Република Северна Македонија беше едногласно прифатена како 12-та членка на оваа Платформа.

Македонија | пред 1 година

Нема фотографија

Министерството им врати на специјализантите кои ќе протестираат: Секогаш се залагаме за подобрување на условите за работа на сите здравствени работници, вклучително и на приватните специјализанти

Министерството за здравство секогаш ќе се залага за подобрување на условите за работа на сите здравствени работници, вклучително и на приватните специјализанти кои се важни во здравствениот систем.Ве информираме дека по средбата со нив, е изготвен извештај и доставен на Влада, кадешто на некоја од седниците ќе дојде на разгледување со цел да се видат нивните барања и можните решенија во овој предизборен период.Во 2018 година, приватните специјализанти за првпат беа препознаени во јавното здравство и платени за својата работа. Ставот на Министерството е позитивен, со цел да им се излезе во пресрет на приватните специјализанти.Во изминативе години платите на здравствените работници се покачија неколку пати и им се подобрија условите за работа. Со истиот пристап ќе им се помогне и на приватните специјализанти.

Македонија | пред 1 година

Поради дефект на еден од компресорите два дена одложен беше елективниот програм, а не итните случаи, проблемот е саниран

Министерството за здравство информира дека поради дефект на еден од компресорите во тек на два дена беше одложен елективниот програм, а не итните случаи за операција на пациенти. Не е точна информацијата за наводен колапс на Клинички центар.Се работи за дефект на еден од компресорите поради што многу инструменти зависат од притисок кој го генерираат пумпите, затоа во тек на два дена елективниот програм, а не итните случаи беа одложени. Проблемот е саниран, а со кислородот немало никаков дефект. Во вторникот е реализирана средба со директорите на Градската општа болница „8 Септември“, ТОАРИЛУЦ, Клиниката за дигестивна хирургија, КАРИЛ кадешто е постигнато усогласување и во тек е усвојување план како ќе се одвива кохортацијата на пациенти кога ќе почне реновирањето на КАРИЛ.Компресорската станица требала да биде променета уште пред 3 години. Во тек се активности на министерот за здравство за проверка на сите компресорски станици во Клинички центар и брзо ќе се пристапи кон промена на сите компресори кои се дотраени.Апелираме јавноста да се информира исклучиво од Министерството за здравство, а информациите да не се злоупотребуваат од политичките партии со цел собирање на политички поени.

Македонија | пред 1 година

Нема фотографија

Приватните специјализанти најавија штрајк од 15 април

,,И покрај одржаниот протест на приватните специјализанти , на ден 27.03.2024 и остварената средба со Министерот за Здравство д-р Илир Демири, одржана на 02.04.2024 сеуште не се исполнети нашите барања. На средбата со Министерот за Здравство, од негова страна ни беше ветено дека нашите барања ќе бидат изнесени на следната седница на Влада. После остварената средба со Министерот се одржани две седници на Влада и тоа на ден 03.04 и 09.04.2024, на кои според јавно достапните информации на Влада, во ни една од нив не е разговарано за нашите барања.Поради тоа ние, приватните специјализанти сме приморани да го направиме следниот чекор , а тоа е пристапување кон ГЕНЕРАЛЕН ШТРАЈК од 15 Април, кој ќе трае се до исполнување на нашите барања.”, известија приватните специјализанти.

Македонија | пред 1 година

Демири: Го зајакнуваме здравствениот систем, вложуваме во нови лекови, инфраструктура, опрема и се грижиме за медицинскиот персонал

Министерот за здравство д-р Илир Демири истакнува дека откако стапил на функцијата министер за здравство посветено се работи на зајакнување на здравствениот систем.„Република Северна Македонија е прва земја од Западен Балкан што официјално го усвои Националниот акциски план за здравствена безбедност, во соработка со Светската здравствена организација, што е важен чекор напред во зајакнување на нашата посветеност за заштита на здравјето и благосостојбата на нашите граѓани. Фокусирани сме на зајакнување на превенцијата и раното откривање на заболувањата.Минатата година се воведоа шест нови лекови за ретки болести и пациентите со цистична фиброза за првпат примија лек. Инвестираме во нова медицинска опрема, со што двојно е зголемен буџетот за оваа намена, а исто така ги подобруваме и условите во јавно здравствените установи преку реконструкции. Продолжуваме посветено да работиме и во следниот период, со цел унапредување на условите за работа на здравствените работници во јавното здравство, како и во интерес на сите пациенти во државата. Нека ни е честит Светскиот ден на здравјето!“ истакнува Демири.

Македонија | пред 1 година