ЗДРАВСТВО

Манолева: Министерството за здравство посветено работи на реализација на приоритетите во здравството

,,Светскиот ден на здравјето–7 април традиционално претставува можност да зборуваме за предизвиците во здравството, да ги сублимираме реализираните инвестиции во здравствениот систем, како и заеднички да ги разгледаме аспектите на идниот развој на здравството во нашата држава.Во оваа прилика сакам да упатам благодарност до Македонското лекарско друштво за поканата заеднички да го одбележиме Светскиот ден на здравјето.Изминатиот период Министерството за здравство посветено работи на реализација на приоритетите во здравството, нови инвестиции во медицинска опрема, подобрување на инфраструктурните услови во јавните здравствени установи, а паралелно и за зајакнување и доусовршување на кадарот, што претставува еден од столбовите на секој здравствен систем.Со задоволство можам да кажам дека Република Северна Македонија е прва земја од Западен Балкан што официјално го усвои Националниот акциски план за здравствена безбедност, во соработка со СЗО, што е важен чекор напред во зајакнување на нашата посветеност за заштита на здравјето и благосостојбата на нашите граѓани.Во насока на продолжување на успешната соработка со Светската здравствена организација, вчера беше потпишан и двогодишниот договор за соработка меѓу Министерството за здравство и СЗО за 2024 – 2025 година.Посебно сме фокусирани на зајакнување на превенцијата и рано откривање на заболувањата - тука би го споменала успешното спроведување на скрининзите за рано откривање карцином на дојка и на грло на матка. Во рамки на Програмата за рана детекција и скрининг на малигни заболувања од годинава почнуваме и со активности за организирана скрининг колоноскопија, со идентификување на пациентите со просечен ризик за колоректален карцином на возраст од 50 до 75 години.Исто така, организираме бесплатен скрининг за две илјади пациенти во ризик од хронично бубрежно заболување.Како што знаете, актуелен предизвик со кој се соочуваме е зголемување на опфатот со вакцинација и за таа цел заедно со фелата, деновиве потпишавме заедничка Декларација за поддршка на вакцинацијата, со цел зајакнување на институционалната поддршка на процесот на вакцинација и континуирано спроведување заеднички активности за нејзина промоција.Во оваа прилика сакам да истакнам и други новини од областа на здравствената заштита, реализирани во претходниот период – минатата година се воведени шест нови лекови за ретки болести, а годинава се воведуваат уште четири нови лека.Само за споредба, во 2009 година буџетот за ретките болести изнесувал околу 25 милиони денари, а денеска изнесува 950 милиони денари. Ова е показател за посветеното вложување во третманот и лекувањето на ретките болести.Само во сегментот на нова медицинска опрема, изминатиот период е иницирано двојно зголемување на буџетот за набавка на опрема од 2,6 на 5 милиони евра.Во делот на инфраструктурни вложувања, сакам да потсетам дека веќе е потпишан договор за формирање нов Ургентен интернистички центар на Универзитетската клиника за токсикологија.Меѓу позначајните инвестиции изминатата година се и отворањето нов дијагностички центар на Клиниката за пулмологија, реновирана хируршка сала на Универзитетската клиника за ортопедски болести, отворен оддел за онкологија и реновиран одделот за радиологија во тетовската болница, а за потсетување пуштена е во употреба и комплетно нова поликлиника во Сарај.Во делот на дигитализација на здравствените услуги, успешно е имплементирана и се користи мобилната апликација „Мое здравје“, веб платформата „Е-здравство, како и можноста за електронско поднесување барање за електронски извод од матична книга на родените.Како што споменав, ова се само дел од бројните инвестиции кои се реализирани во здравствениот сектор изминатиот период. Продолжуваме посветено да работиме и во следниот период, со цел унапредување на условите за работа на здравствените работници во јавното здравство, како и во интерес на сите пациенти во државата.На крај, уште еднаш сакам да упатам благодарност до Македонското лекарско друштво и канцеларијата на Светската здравствена организација во Скопје, со кои заеднички, традиционално го одбележуваме овој ден.”, изјави заменик министерката за здравство, д-р Маја Манолева.

Македонија | пред 1 година

Во Скопје се стабилизира состојбата со голема кашлица, во другите градови бројот на заболени се зголемува

Комисијата за заштита од заразни болести денеска одлучи да не препорача нови мерки за сузбивање на големата кашлица, остануваат истите препораки кои важат за целата држава.И натаму во градинка можат да престијуваст само деца со примени три дози од ДиTеПер вакцината. Останува и условот ревакцината да биде примена во рок од шест месеци.„Центрите за јавно здравје ја следат епидемиолошката состојба и доколку има значаен пораст, самите центри пријавуваат епидемија за регионот што го контролираат”, велат од Министерство за здравство.Во Скопје, состојбата полека се стабилизира, а бројот на регистирани со пертусис надмина 300. Загрижува податокот што во последните денови најголем број регистрирани се бебиња.Внимателно се следи состојбата со голема кашлица во Куманово, каде има зголемување на пријавени заболени.Центарот за јавно здравје во Куманово прогласи епидемија на пертусис со регистрирани 23 случаи кои се на возраст од 4 месеци до 60 години.Надлежните препорачуваат и апелираат на масовна вакцинација.

Македонија | пред 1 година

Манолева: Кумановската болница се залага за инвестиции во човечки капитал

Заменик министерката за здравство д-р Маја Манолева денеска беше во посета на Општата болница во Куманово кадешто во изминатите неколку години реализирани се бројни активности за унапредување на квалитетот на работа на установата преку инвестирање во трите столбови - инфраструктура, медицинска опремна и кадровски потенцијал.„Со поддршка од Министерството за здравство изграден е и пуштен во употреба нов Хируршки ургентен центар, граѓаните секојдневно добиваат здравствени услуги од областа на хирургија, ортопедија, анестезија и радиодијагностика. Со наша соработка изградена и пуштена во употреба е котлара на гас со што затоплувањето на установата е решено целосно со гас и со тоа е намалено загадувањето“, рече Манолева.Оваа установа, исто така годиниве е зајакната со нов современ рентген апарат, нов современ мамоград, ендоскопски столб, најсовремен 128 слајден компјутерски томограф и ехотомографски апарат.Од сопствени средства на болницата набавена е нова опрема за патолошка лабораторија и целосно е обновена апаратурата на одделот за физикална медицина.Кумановската болница важи за установа која силно се залага за инвестиции во човечкиот капитал. За неколку години реализирани се вработувања на 199 лица, а за седум години упатени се 35 доктори на специјализација во различни области.

Македонија | пред 1 година

Демири: Потпишан двогодишниот договор за соработка со СЗО

Министерството за здравство, д-р Илир Демири, заедно со д-р Ханс Клуге, регионален директор на СЗО за Европа денеска го потпишаа двогодишниот договор за соработка меѓу Министерството за здравство и Светската здравствена организација за периодот 2024 – 2025 година.Министерот Демири потенцираше дека СЗО е постојан партнер на Министерството во заложбите за унапредување на капацитетите на нашиот здравствен систем.Показател за нашата континуирана и успешна соработка се бројните проекти реализирани со поддршка на СЗО во јавните здравствени установи низ државата. Во оваа прилика би сакал да изразам искрена благодарност до регионалниот директор на СЗО, д-р Ханс Клуге, за континуираната поддршка во насока на зајакнување на здравствениот систем во Северна Македонија, како и за постојаната поддршка од канцеларијата на СЗО во Скопје во спроведување бројни активности, рече Демири.Во своето излагање, министерот посочи дека Северна Македонија е земја со аспирации кон Европската унија, и токму затоа се стремиме кон исполнување на сите обврски коишто произлегуваат од процесот на пристап кон ЕУ, како и исполнувањето на глобалните и регионални обврски, посебно на целите за одржлив развој на Обединетите нации, европската програма на СЗО за здравје 2021 – 2025 и патоказот за Западен Балкан.Во своето излагање, регионалниот директор на СЗО за Европа, д-р Ханс Клуге, честитајќи му на министерот за одличната соработка досега, изрази решеност за за продолжување на соработката и во иднина.„Презедовме низа активности за да ги зајакнеме управувачките функции на Министерството за здравство. Многу сум горд на тие активности, бидејќи се од заеднички интерес. Ви се заблагодарувам за поддршката при успешното спроведување на здравствените политики на одржлив начин, Северна Македонија е пример за целиот регион на Западен Балкан.“Министерот Демири истакна: „Во изминатиот месец откако сум назначен на позицијата министер за здравство, еден од моите главни приоритети е токму одржувањето континуитет во спроведувањето на овие активности“.Потпишувајќи го двогодишниот договор за соработка, министерот Демири и регионалниот директор Клуге, се заблагодарија за успешната работа и на колегите од СЗО во Скопје, предводени од д-р Ане Јохансен, специјална претставничка на СЗО за Северна Македонија.

Македонија | пред 1 година

Нема фотографија

Демири и Манолева: Болницата Св.Еразмо во Охрид пример за установа која вложува во нова опрема и зајакнување на кадарот

Министерот за здравство, д-р Илир Демири заедно со заменик министерката, д-р Маја Манолева денеска ја посетија Специјализираната болница за ортопедија и трауматологија „Св.Еразмо“ во Охрид, каде изминатите неколку години се реализирани бројни инвестиции во нова медицинска опрема, инфраструктурни проекти, како и континуирано зајакнување на кадарот.Една од најзначајните инвестиции во нова опрема е апаратот за магнетна резонанца во вредност од 1.2 милион евра, обезбеден со поддршка од Европската унија. Исто така, преку ИПА проектот набавени се повеќе апарати во вредност од 150.000 евра и тоа: апарат за артроскопија, ЕЕГ-ЕМГ апарат, ЕХО апарат стационарен и мобилен, пациент монитори, како и апарати за физикална терапија. Покрај вложувањето во нова опрема во насока на унапредување на квалитетот на здравствената заштита, оваа установа е пример и за континуирано зајакнување на кадарот. Само во изминатите неколку години се реализирани вкупно 73 нови вработувања, потенцираше министерот Демири по средбата со раководството на Специјализираната болница за ортопедија и трауматологија „Св.Еразмо“.Заменик министерката д-р Манолева истакна дека во установата е реализирана и реконструкција на постојниот базен за физикална терапија во вредност од 125.000 евра, како и доопремување со хидрауличен лифт, кади за физикална терапија и апарат за крио терапија во вредност од околу 40.000 евра.Овие проекти се реализирани со поддршка од Центарот за Југозападен плански регион, Швајцарската Амбасада и Министерството за локална самоуправа. Во Специјализираната болница за ортопедија и трауматологија „Св.Еразмо“ во Охрид се вработени вкупно 221 лице, а во моментот девет доктори се на специјализација. Во болницата се реализираат над 1.600 хируршки интервенции и над 65.000 амбулантски прегледи на годишно ниво, рече Манолева.

Македонија | пред 2 години

Нема фотографија

Демири и Манолева: Здравствениот дом Охрид со реновирана Служба за вакцинации и две нови амбулантни возила

Министерот за здравство д-р Илир Демири и заменик министерката д-р Маја Манолева, денеска се во работна посета на Охрид, каде што ги посетуваат Здравствениот Дом во Охрид и Специјализираната болница за ортопедија и трауматологија „Св.Еразмо“–Охрид.Во изминатиот период, Здравствениот дом значително ги унапреди условите со реновирање на просториите во Службата за вакцинации, како и зголемување на нивото на здравствена заштита, рече министерот Демири.Со обнова на опремата за лабораторија и медицинска апаратура се прошири делокругот на анализи кои сега се вршат во зздравствената установа.Како што ме информираше директорката, набавени се две амбулантни возила за Итната медицинска помош од сопствени средства, со што се изврши обнова на возниот парк, поефикасно, побрзо и навремено реализирање на здравствените услуги за пациентите, изјави заменичката Манолева.Со цел подостоинствени услови за пациентите и вработените, потпишан е договор за поправки, санација на објектот „Маларична“ со примена на дограма, фасада, кров и партерно уредување. Исто така, спровена е постапка за санација на објектот амбуланта Белчишта во вредност од 7.665.280.00 денари од сопствени средства.

Македонија | пред 2 години

Демири и Д-р Димитров: Продолжување на работниот однос на докторите кои имаат навршено 64 години - младите лекари учат од експерти со докажано искуство

Министерот за здравство д-р Илир Демири денеска оствари средба со претседателот на Македонското лекарско друштво проф. д-р Горан Димитров на којашто разговараа за продолжување на работниот однос на докторите кои имаат навршено 64 години и кои учествуваат во едукација на младите кадри на сите медицински факултети во земјава.Со оваа иницијатива и прифаќањето на оваа одлука ќе се овозможи континуирана продукција на нови и млади кадри коишто ќе допринесат за зајакнување на здравствениот систем. Младите здравствени работници ќе учат од експерти докажани во својата област по соодветните специјалности со долгогодишно искуство и успех зад себе.

Македонија | пред 2 години

(Видео) Глушец снимен како шета на Клиника: Направете место, доаѓа главниот доктор. Кардиологија ве поздравува

Пациент сними како стаорец шета низ ходниците на Кардиологија. Снимката стана вирална веќе два дена, а под неа има разноразни коментари. Дел се критики затоа што станува збор за здравствена установа, а други се исмејување на состојбите во Македонија.„Направете место, доаѓа главниот доктор. Кардиологија ве поздравува“, пишува во еден од коментарите. Друг пак, додава: „Не го закачајте има повеќе предавања ислушано од партиските вработени“.

Македонија | пред 2 години

Министерот за здравство и медицинските комори им најавија војна на антиваксерите

Декларација за промоција и поддршка на вакцинацијата потпишаа трите медицински комори:Лекарската, Фармацевтската и Стоматолошката, Министерството за здравство, медицинските факултети во земјава и Институтот за јавно здравје.Вакцинацијата, беше потенцирано е најголема придобивка на човештвото.Состојбата со имунизацијата е незадоволителна, податоците за 2022 година, во однос на примарната вакцинација и ревакцинација покажуваат дека не е постигнат препорачаниот опфат од над 95 отсто за ниту една вакцина на национално ниво.,, Како последица на ова, веќе се соочуваме со епидемија на голема кашлица, а ризикот од повторно соочување со нови епидемии на мали сипаници, е сериозен”, рече Калина Гривчева – Старделова, претседател на Лекарската комора.Министерот за здравство, Илир Демири посочи дека сите доктори во јавното и приватното здравство треба да се вакцинирани и да бидат амбасадори на вакцинацијата, но има доктори што им советуваат на родителите на мали деца да не ставаат вакцина додека детето не прооди и не почне да зборува. Во земјава функционира здружение кое јавно се залага против вакцинацијата.,,Земам јавна обврска да се испита како е засновано тоа здружение на антиваксери и под кои законски принципи функционира. Секоја изјава во медиуми треба да се проследи и да се види точно што стои зад такви антиваксерски кампањи. Не знам законски каква е можноста да се атакува на тие структури, но ако има потреба ќе влијаеме и да се сменат законите со кои ќе се казнуваат сите луѓе кои почнуваат некаква си кампања против вакцинацијата”, изјави Демири.

Македонија | пред 2 години

Нема фотографија

Демири потпиша заедничка Декларација со Лекарска комора за поддршка на вакцинацијата

Министерот за здравство д-р Илир Демири денеска потпиша заедничка Декларација со Лекарската комора за поддршка на вакцинацијата, со цел зајакнување на институционалната поддршка на процесот на вакцинација и континуирано спроведување заеднички активностите за нејзина промоција.Во своето излагање, тој истакна дека сме сведоци на објавување лажни вести и дезинформации во секој сегмент од општеството, но дезинформациите кога е во прашање здравството можат да бидат опасни по живот.“Оттаму, неопходно е заеднички да работиме на подигнување на нивото на здравствена едукација кај населението, имајќи предвид дека многу болести се превенирани токму поради вакцинацијата. Епидемијата со голема кашлица со која за жал се соочуваме во моментов е поради невакцинирањето на децата, а можеме да ја сузбиеме преку имунизација на нашите деца”, рече Демири.Тој потсети дека во периодот 2018-2019 година кога беше регистрирана епидемија на морбили заради опаднат опфат на вакцинација од 74 проценти - само во таа година се дадени 41.623 дози вакцини на деца до 14 години и како резултат на тоа е спречено натамошно ширење на епидемијата.“Во насока на подигнување на свесноста и афирмирање на имунизацијата, Министерството за здравство, во соработка со УН партнерите, спроведе неколку кампањи за информирање на родителите за важноста од вакцинацијата. Од двете реализирани кампањи „Од врата до врата“ над пет илјади деца се вакцинирани или закажани за термини вакцинација и повеќе од 13 илјади едукативни материјали се поделени, како за рутинска, така и за ковид вакцинацијата. Со потпишување на заедничката Декларација формираме поширок фронт за поддршка на вакцинацијата, одржување континуитет на активностите и потенцирање на важноста на имунизацијата. Наша заедничка цел е заштита и унапредување на здравјето на граѓаните и само заеднички - со здравствената фела можеме да ја реализираме оваа цел”, рече Демири.

Македонија | пред 2 години

Нема фотографија

Младите лекари изреволтирани излегуваат на протест - повик упатен и до нивните колеги

Младите лекари излегуваат на протест. Тие, во среда на 27.03 во 11 часот ќе бидат пред Министерството за здравство, каде ќе бараат достоинствени плати.„Достоинство за младите лекари!Нашите помлади колеги решија повеќе да не молчат и јавно преку протест да го изразат својот револт од односот на здравствените власти кон нив. Асоцијација на специјализанти и млади лекари-АСМЛ во целост го поддржува протестот на младите колеги и АПЕЛИРА до секој оној колега кој сака подобар статус да дојде и излезе на овој протест!“, велат од Асоцијација на специјализанти и млади лекари-АСМЛ.

Македонија | пред 2 години

Нема фотографија

Демири и Баланс МК разговараа за зголемување на опфатот на пациенти со инсулинска пумпа и сензори за мерење на гликемијата

Министерот за здравство д-р Илир Демири вчера оствари средба со претставници на Асоцијацијата за детски дијабетес Баланс МК. На средбата, разговараа за зголемување на опфатот на пациенти со инсулинска пумпа и сензори за континуирано мерење на гликемија.„Министерството за здравство и Баланс МК имаат успешна соработка која продолжува и во следниот период со цел подобрување на квалитетот на живот на пациентите со дијабетес во земјава“, вели Демири.За потсетување, минатата година за првпат се набавија 650 сензори за безболно мерење гликемија во крвата кај деца и млади до 18 години со дијабет тип 1, бремени жени со дијабет тип 1 и слепи лица.

Македонија | пред 2 години

Економската директорка на Токсикологија не знае македонски и доаѓа на работа со татко ѝ?

Новоназначената економската директорка на Клиниката за токсикологија Бесија Илјази не знае македонски јазик, пишува медиумот „Мкд.мк“. Додаваат дека кога мора да соработува со колегите, преведувачи ѝ се двете секретарки врботени во оваа клиника. Во текстот се додава дека таа не ретко на работа доаѓа со својот татко кој постојано е со неа како да е нејзино обезбедување.„Ја видовме само еднаш кога дојде да се претстави. Тоа што го кажуваше го читаше од ливче на исклучително лош македонски јазик. Неколку пати ја видовме како низ ходниците оди со татко ѝ кој личи како да е нејзино обезбедување“, велат извори за „Мкд.мк“.Од Министерството за здравство добиле кус одговор дека Иљази е назначена за директорка на Клиниката за токсикологија на 14 февруари годинава.„Бесија Иљази е назначена за организациски директор на Клиниката за токсикологија на 14 февруари оваа година, секоја универзитетска клиника според законот за здравствена заштита треба да има по двајца директори, еден медицински и еден организациски директор. Таа има завршено економски факултет, со претходно работно искуство во струката“, пишува во одговорот од Минстерството за здравство.

Македонија | пред 2 години

Три дози од „ДеТеПер“ пропусница за во градинка: дел од децата се вратија, дел завршија на вакцинација

Три дози од „ДеТеПер“ вакцината против голема кашлица беа доволни за децата денеска да почнат во градинка. Десетици кои минатата недела останаа дома, сега се назад во занималните, а ќе можат да останат само ако во наредните шест месеци примат и ревакцина. Ова се мерките на Комисијата за заразни болести, откако беше обзнането дека состојбата со големата кашлица е лоша, особено во Скопје каде 50 отсто од децата се невакцинирани.Рестриктивните мерки на здравствените власти ги наполнија вакциналните пунктови. Интересот за вакцинирање и натаму е голем, но Скопје се уште брои деца кои што треба да ја комплетираат вакцинацијата против пертусис.Вкупно во земјава се евидентирани 216 случаи на голема кашлица, а 88 проценти или 190 се во главниот град, каде е прогласена епидемија на голема кашлица на 8 февруари.

Македонија | пред 2 години

(Фото) Срна си оди дома! Девојчето за кое се обедини цела Македонија е пуштена од болница

Тригодишната Срна замина од болница, откако со помош на граѓаните се собраа средствата за лекување во приватната болница „Систина“. Мајката Васка Цветаноска-Панова се заблагодари на докторот Ристо Симеонов.„Др Ристо Симеонов немам зборови да опишам колку сме ви благодарни! Затворивте едно поглавје од приказната на нашата Срна, и тоа успешно! Како родители решивме да не чекаме повеќе и да го олесниме нејзиното лекување. Целосно ви ја доверивме а вие целосно и се посветивте. Срна имаше класична отворена операција за отстранување на каменот, кој веќе беше тргнал надолу. Каменот голем, но мал за вашата стручност, грижа и топлина. Кога ме свикаа сестрите да одам во соба за будење, вие бевте до неа и ме пречекавте со насмевка. Во истиот момент ми падна камен од душава.Медицинскиот персонал, вие мили тетки и дадички ни бевте ветер во грбот. Толку бевте внимателни и трпеливи кон Срна но и кон нас како родители.Народе наш, благодарение на сите вас денес си ја носиме дома. Но повторно ќе се вратиме тука, следат контроли и нови испитувања. Среќна сум што имаме каде и има кој...“, вели Васка Цветаноска-Панова.

Македонија | пред 2 години

Нема фотографија

Демири: Крводарителите се луѓе со големи срца кои својата крв ја даваат таму каде е најпотребна, МЗ има посебен фокус за крводарителството

Министерот за здравство д-р Илир Демири денеска се обрати на свечениот настан по повод Денот на основањето на Црвениот крст и Ден на крводарителството на Република Северна Македонија во организација на Црвениот крст.Демири го честиташе овој ден на крводарителите истакнувајќи дека се големи хуманисти, луѓе со големи срца кои секогаш се подготвени својата крв да ја дадат таму кадешто е најпотребна.„Министерството за здравство посебен фокус става на оваа тема и за таа цел, во насока на поддршка и афирмација на крводарителството, Министерството секоја година изготвува посебна Програма, во која се содржани мерки и активности за поддршка на крводарувањето во нашата држава. Во неа се содржани мерки и активности за организирање и спроведување крводарителски акции, изготвување материјали за промоција, мотивациски средства за крводарителите, надомест на трошоци за организирање крводарителски акции за општинските организации на Црвениот крст, активности на Институтот за трансфузиона медицина и партиципација при користење здравствени услуги на дарители со над 10 крводарувња“, рече Демири.Тој посочи дека ова е посебно важно затоа што немањето континуитет во обезбедувањето крв ќе предизвика застој на хируршки и други интервенции за кои е потребно апликација на крв и спасување многу животи.„Преку чинот на дарување крв и во иднина ќе се стремиме кон напорите за обезбедување крв и крвни продукти за задоволување на потребите на здравствениот систем во РСМ. Честитки по повод денешниот ден и ви посакувам натамошни успеси, посебно на сите волонтери, крводарители и мотиватори, кои преку сопствениот позитивен пример - се пример и за целата заедница“, изјави Демири.

Македонија | пред 2 години

„Не е во ред да се враќаат заразни болести во 21 век“, инспекторите не најдоа невакцинирани деца во градинките

Сите градинки ги почитуваат насоките да не се примаат на чување деца кои не се вакцинирнани.„Извршивме околу стотина инспекциски надзори, детските градинки, предучилишните установи, соработуваат до инспекторите, го почитуваат издаденото решение и објавено е во нивните предучилишни установи. Од извршените контроли до сега, нема констатирано недостатоци. Одговорните лица во градинките, се ажурираат податоците на секое дете. Сега за сега, сме задоволни од самата соработка и од начинот како се спорведуваат надзорите“, кажа директорката на ДСЗИ Рената Младеновска.Според неа, родителите ќе мора да имаат трпение, бидејќи не е во ред да се враќаат заразни болести во 21 век.

Македонија | пред 2 години

Стигнаа вакцините за возрасни против голема кашлица - уште денеска може да се прими во пунктовите

Вакцините против голема кашлица за возрасни се стигнати во Македнија. Министерот за здравство, Илир Демири, посочува дека тие се веќе во вакциналните пунктови.„Вакцините се стигнати и одма ќе можат да се аплицираат кај луѓе кои имаат потреба за таков вид ревакцинација“, вели Демири.Прашан дали може граѓаните кои имаат потреба да одат на вакцинација, тој одговори: „Да може уште денеска, има во вакциналните пунктови“.Засега возрасните не се загрозени од епидемијата на голема кашлица која ја има во Скопје.

Македонија | пред 2 години

Низ пример објаснета препораката на Комисијата за заразни болести за вакцинација на децата

Доктор Нико Беќаровски, ја објасни препораката на Комисијата за заразни болести, која се однесува на вакцинирањето против големата кашлица.„Сите кои ме прашувате што значи да се примени СИТЕ ТРИ ДОЗИ DTaP вакцини ВО ПОСЛЕДНИТЕ ШЕСТ МЕСЕЦИ, еве Ви едноставен пример:1 доза септември 20232 доза ноември 20233 доза јануари 2024Од утре ќе може да го однесете детето во градинка, бидејќи ќе има привремен солиден имунитет, но ќе мора во јули да прими ревакцина.Сите кои ги примиле првите три дози пред октомври 2023 ќе мора да примат ревакцина, за да обезбедат солиден имунитет и не може без ревакцината да одат во градинките.Сите кои ги немаат примено трите дози, ќе мора да ги примат трите дози во растојание од 2 месеци, за да може да тргнат во градинка.Накратко ова е денешната препорака на КЗБ, објаснета низ едноставен пример“, напиша Беќаровски.

Коментари | пред 2 години

Нова опасност: Можна епидемија од морбили

Епидемиолозите, педијатрите и детските лекари предупредуваат дека е можна уште една опасност и да се појави епидемија од морбили.Кај нас сè уште нема регистрирани заразени од морбили, но укажувањето е поради загрижувачката состојба во регионот и случаите со заразени од морбили.„Ќе апелираме до градинките проверката на картоните да оди поинтензивно, поригорозно и во проверката да биде вклучена и вакцинацијата против морбили. Имаме шанса да го изгаснеме овој пожар пред да почне. Тука сме, на прагот на почнување нов пожар“, рече претседателот на Комисијата за заразни болести, Александар Петличковски.На вчерашната прес- комференција, Александра Грозданова, претседателка на Комитетот за имунизација, предупреди дека ризикот од две епидемии кај нас е многу голем. Сипаниците ни се доближуваат на ист начин како што ни се доближи големата кашлица и прерасна во епидемија во Скопје.„Исто онака како што посочивме во октомври дека бранот на движење на пертусис во регионот, движејќи се од Хрватска и Србија, доаѓа накај нас, а сега го потврдивме, сериозно апелираме и во однос на морбилите. Секаде во регионот веќе имаме епидемии. Мора да се подигне свеста кај родителите, кај граѓаните, дека мора да го запазиме делот на превентивата со цел да имаме здрави поколенија, здрави деца. Вакви состојби на здравствена криза воопшто не ни се потребни, особено ако две епидемии ни се случат истовремено“, рече Грозданова.Таа беше јасна дека вакцината против морбили може да се прими во ист ден со дитепер.Уште во јануари Комитетот за имунизација до вакциналните тимови испрати препорака секое дете што доаѓа да ја прими ревакцината против пертусис на 18 месеци, бидејќи МРП се прима најрано на 13 месеци, да се искористи ревакцинацијата на дитепер и заедно да се прими МРП.Тие ги едуцираат родителите дека не постои никаков проблем двете вакцини да се примат во ист ден. Претседателот на Комисијата за заразни болести д-р Александар Петличковски, вчера изјави дека состојбата со голема кашлица не е добра, можно е да има и построги епидемиолошки мерки.Во однос на состојбата со грип, во државата има нови 427 случаи од 4 до 10 март, а најмногу од тоа во Кавадарци.Децата кои примиле три дози на ДиТеПер вакцината ќе може да посетуваат градинка, но под услов да се ревакцинираат за шест месеци

Македонија | пред 2 години

(Фото) Доктор од Прилеп ги посрамоти колегите од Битола во извештај: „За срамота, при 10 хирурзи во Битола да се праќа пациентот во Прилеп за катетер!“

Пациент од Битола бил пратен во Прилеп за да му биде ставен катетер. Ваквиот чекор на битолските доктори е причина за остра реакција од страна на нивните колеги во Прилеп. Во специјалистичкиот извештај, докторот ѝ се обраќа и на директорката на Клиничката болница „Битола“ и ѝ посочува дека крајно време е да преземе мерки. За овој случај „Скопје1“ исконтактира со в.д. директорката на битолската болница, Елизабета Ивановска. Таа не беше запознаена со случајот. Ѝ го испративме извештајот.„Ставен катетер. За срамота при 10 хирурзи во Клиничката болница Битола се праќа пациент во Прилеп, за поставување на катетер на пациент со ретенција, крајно време директорот да си преземе и повеќе мерки да не се случуваат вакви работи. Здравството во Битола го допре дното“, стои во извештајот.Откако ја прочита препораката во која се бара да преземе мерки за нејзиниот кадар, директорката одговор ни достави преку лицето за односи со јавност во ЈЗУ Клиничка болница-Битола. Оттаму потврдуваат дека лицето било пратено во Прилеп, не поради катетерот, туку бидејќи требало да биде третиран.„Причината поради која пациентот кој што беше примен во Клиничка болница Битола на 03.03.2024 година од страна на доктор супспецијалист кардиолог во Оддел за интерни болести и беше препратен на доктор специјалист Уролог во општа болница Прилеп бил под специфична состојба и тоа со 24 часовна ретенција на урина. Причината поради која беше пратен при Општа болница Прилеп е да истиот биде понатаму прегледан и третиран од доктор специјалист уролог, со цел да се спречи понатамошна компликација на неговата специфична состојба, која може да биде и живото-загрозувачка“, вели Ивона Трифунов - лице за односи со јавност при ЈЗУ Клиничка болница Битола.Оваа здравствена установа е честопати споменувана во медиумите. Таму почина шестгодишната Јана Христова, случај кој ја потресе јавноста. Потоа, почина новороденче непосредно по раѓањето, откако на родилката и била дадена таблета за провокации по што била пуштена дома. По сето ова, директорот Александар Обедниковски денеска ја депонираше оставката, а Елизабета Ивановска беше назначена за в.д. директор.Во болницата влегоа и јавни обвинители со истражители. Ревизорскиот извештај покажа малверзации и неправилности, а тоа беше причина да се отвори предистрага.Последен во низата скандали беше на почеток од месецов, кога докторка од одделението за Психијатрија нападнала колешка, исто така специјалист психијатар при Клиничката болница Битола.

Македонија | пред 2 години

Изведена мултиорганска трансплантација на органи - пациенти добија срце, црн дроб, бубрези, а во следните денови и коскени ткива

Министерството за здравство информира дека во текот на вчерашниот ден направена е уште една мултиорганска трансплантација на органи во којашто еден пациент доби срце, еден пациент доби црн дроб, двајца пациенти добија бубрези, а во наредните денови пациенти од Универзитетската клиника за ортопедија ќе имаат шанса да добијат и коскени ткива.Министерот Демири упатува огромна благодарност до семејството на донорот коешто се одлучи да ги донираат органите од нивниот близок и притоа да спасат најмалку 4 животи.„По добиената согласност во вторникот, вчера во раните утрински часови започнаа трансплантациите на срце, црн дроб, бубрези и коскени ткива. Упатувам огромна благодарност до семејството на донорот кои повторно не потсетија на важноста, на емпатијата и на хуманоста и во најтешките моменти од животот. Нивната одлука денес значи нов живот за некого, од вчера спасуваме најмалку 4 животи. Дарувањето органи е највисокиот чин на алтруизам кои сите нас не прави подобри луѓе спасувајќи човечки животи. Голема благодарност и до сите медицински тимови кои овие 48 часа работат со пациентите и се грижат за нивното здравје“, истакнува Демири.Од 2020 година досега трансплантирани се 11 срца, 4 црни дроба, 38 бубрези и 24 коскено ткива, вкупно 77 органи што живот значат.

Македонија | пред 2 години

Состојбата не е добра и не е стабилна, можат и возрасните да бидат донесени во ризик, алармира Петличковски за големата кашлица

Претседателот на Комисијата за заразни болести, Александар Петличковски кажа дека состојбата со големата кашлица не е стабилна. Докторката Александра Гроздановска посочува дека ако се продолжи со невакцинација на децата, возрасните ќе бидат донесени во ризик. Петличковски посочи дека мора да се почитува календарот на имунизација.„Состојбата не е добра и не е стабилна, а во оваа состојба сме се довеле поради долги години наназад неодговорно однесување на граѓаните. Поразителен податок за државата е податокот за 50 отсто невакцинирани деца. Имаме научна поткрепа дека дека имунизацијата со трите дози помага. Ние сме пред прагот на нов пожар (со морбили). Можно е следните недели да излеземе со построги епидемиолошки мерки, зависно од комисијата“, кажа Петличковски.Професор Александра Гроздановска од Комисија за имунизација. потврди дека имунолошката состојба е далеку од добра. Посочува дека и возрасните ќе бидат донесени во ризик.„Оценивме дека детето вакцинирано со три дози во последните шест месеци, ќе биде оптимално заштитено, со цел да може да посетува градинка, да се социјализира, со напомена дека ревакцината мора да биде примена во наредните шест месеци. Целосно заштитен, имунолошкиот систем може да биде само така“, рече професор Александра Гроздановска од Комисија за имунизација.Новата порепорака значи дека без разлика на возраста на детето, ако прима вакцинација од три дози, може да иде во градинка, но во наредните шест месеци, да мора да биде ревакцинирано.„Овде ги имаме во предвид децата кои од различни причини не се вакцинирале, има здравствени ситуации, ковид-пандемија“, додаде Петличковски.

Македонија | пред 2 години

„Ризикот е сериозен, две епидемии истовремено не ни се потребни“ - професорката Гроздановска алармира за вакцинирање против морбили

Нема зголемување на бројот на заразени со мобили, но случувањата во регионот укажуваат дека состојбата може да се влоши. Ризикот за појава и на ваква епидемија е сериозна, со оглед на ниското ниво на вакцинација. Професор Александра Гроздановска од Комисија за имунизација кажа дека ваква здравствена криза може да се превенира.„Сериозен апел и за морбилите. Секаде во регионот има мини епидемии. Еднаш имавме таква ситуација. Мора делот на превентивата да го запазиме, за да има здрави деца и здрави поколенија, здрави деца. Вакви состојби на здравтвени кризи не ни се потребни. Посебно, да не прејудицираме, ако две епидемии ни се случат истовремено. Со ваков опфат на вакцинација, ризикот е сериозен, а секоја мерка понатаму ќе биде поригорозна“, алармираше професор Александра Гроздановска од Комисија за имунизација.Таа упати апел до родителите да ги вакцинираат своите деца навремено, според календарот за имунизација.

Македонија | пред 2 години

Нема фотографија

Клиника Жан Митрев се залага за еднакво бубрежно здравје за сите

Клиника Жан Митрев се приклучува на глобалната кампања за подигање на свеста за важноста и грижата за бубрежно здравје и за рамноправен пристап до нега и оптимално медицинско лекување на бубрежно болните, со намалени цени за нефролошки преглед во текот на месец март. Нефролошките прегледи ќе ги изведува д-р Катерина Ристоска, специјалист по нефрологија, а заинтересираните треба само да закажат термин за преглед на телефонскиот број 02 3091-484.За сериозноста на бубрежната болест укажуваат и статистиките дека секој десетти возрасен во светот има одреден степен на бубрежна слабост. Во нашата држава, секоја година околу 400 нови пациенти започнуваат лекување со хронична дијализа, која што претставува доживотен третман.Хроничната бубрежна болест може да се развие на која било возраст, но е почеста со зголемувањето на возраста. Дијабетесот и високиот крвен притисок се најчести причинители на бубрежни заболувања. Во раните стадиуми на хронична бубрежна болест нема никакви симптоми и знаци. Може да е загубена и повеќе од 90% од бубрежната функција без да се почувствуваат какви било симптоми.Најновите откритија во терапевтскиот пристап нудат огромни можности за спречување, одложување на болеста и ублажување на компликациите. Новите терапии и терапевтски пристапи би требале да бидат подеднакво достапни за сите пациенти, но недоволната свест за хроничната бубрежна болест, недоволното познавање и довербата во новите терапевтски можности и стратегии, како и недостигот на соодветен професионален кадар придонесуваат за појава на големи разлики во пристапот до лекување.Она што треба да се направи за да се намали ризикот од развој на бубрежна болест е секако:· Да бидете активни и да вежбате;· Да јадете здрава храна, да ја контролирате телесната тежина;· Редовно да го проверувате и контролирате шеќерот во крвта;· Барем еднаш годишно да го проверувате нивото на протеини во урина;· Редовно да го проверувате и контролирате вашиот крвен притисок;· Да земате соодветен внес на течности;· Да прекинете со пушење;· Да не користите лекови без препорака на вашиот доктор;Проверете ја вашата бубрежна функција ако имате еден или повеќе ризик фактори како што се дијабет, хипертензија, обезност или доколку имате семејна историја на бубрежна болест.

Македонија | пред 2 години