Премиерот Христијан Мицкоски вели дека нема информации оти Македонија нема да добие патоказ за пристапување кон Европската Унија, како што објави „Политико“. Тој оцени дека таквите наводи се нелогични, имајќи предвид дека, според него, Македонија во два извештајни периоди добила највисоки оценки за спроведените реформи.
„Моите информации велат дека не е така“, рече Мицкоски, додавајќи дека доколку информациите се точни, за нив треба да се праша Европската Унија.
Мицкоски посочи дека Македонија веќе испорачала најголем дел од реформите предвидени со Реформската агенда и Планот за раст и нагласи дека процесот на пристапување треба да се темели на заслуги.
„Имајќи предвид дека ние испорачавме најголем дел од реформите што се дел од Реформската агенда и Планот за раст веќе во два извештајни периоди, и ако пристапувањето во ЕУ е процес во кој се оценува врз основа на заслуги, за мене ова е нелогично“, изјави премиерот.
Тој најави дека на средбата со претседателката на Европската комисија, Урсула фон дер Лајен, во петок ќе разговара и за состојбата со проширувањето на ЕУ и предизвиците што следуваат.
Говорејќи за пошироките политички случувања во Европа, Мицкоски ги спомена политичките процеси во Германија и Франција, референдумот во Исланд, како и војните во Украина и Иран. Според него, овие случувања треба да се земат предвид при креирањето на политиките на државата.
„Ние нашата домашна задача ќе ја работиме, другото не е до нас“, порача Мицкоски.
Во однос на европските партнери, премиерот претходно изјави дека односите треба да се гледаат рационално и без емоции. Тој посочи дека условите со кои денес се соочува Македонија биле прифатени од претходната Влада.
Мицкоски оцени дека сегашната Влада треба „чекор по чекор“ да се обидува да го откочи процесот и нагласи дека интеграцијата во ЕУ е процес кој ќе трае.
„Ние мораме да се бориме. Тоа што е погрешено, чекор по чекор да го враќаме“, рече Мицкоски.
Македонија не е меѓу четирите земји со нови патокази за членство во ЕУ
Европската Унија подготвува посебни патокази со јасни чекори и индикативни рокови за четири земји кои во моментов се меѓу најнапредните кандидати за членство – Црна Гора, Украина, Молдавија и Албанија, објавува „Политико“, повикувајќи се на двајца високи претставници на Европската комисија.Целта е процесот на пристапување, кој трае со години, да добие појасна структура и конкретни насоки за реформите што треба да ги спроведат овие земји. Патоказите треба да покажат што се очекува од секоја од ни
Македонија | пред 23 часа
