Најнови вести

7 год.

Нема фотографија

ВИДЕО: Над 20 мртви при вооружен напад за време на воена парада во Иран

Дваесет и четири лица се убиени, а 53 повредени во утринскиот напад на вооружени луѓе за време на воена парада во Ахваз. Нападот се случи во југозападниот дел на Иран, а државната новинска агенција „Ирна“ објави нов биланс на жртви.https://twitter.com/PressTV/status/1043396182578536449Претходно, иранските медиуми објавија дека во нападот се убиени најмалку осуммина членови на иранската револуционерна гарда, а ранети 20. Парадата беше организирана по повод Националниот ден на вооружените сили.„Бројот на лица загинати во терористичкиот напад се зголеми на 24, вклучувајќи и жени и деца кои биле меѓу гледачите, а бројот на мртви може да се зголеми во зависност од состојбата на ранетите“, наведува „Ирна“.Локални медиуми објавија дека меѓу загинатите има и еден новинар. Досега ниту една група не ја презеде одговорноста за нападот на Ахваз.

Свет | пред 7 години

7 год.

Потребниот цензус за референдумот ќе биде постигнат, рече Груби на средбата со француската пратеничка Танги

Претседателот на Комисијата за европски прашања, Артан Груби, денеска оствари средба со Лилијана Танги, пратеник во француското собрание и заменик-претседател на Комисијата за европски прашања.Како што информираат од прес-службата, на средбата биле разменети мислења за актуелните случувања во земјата и во регионот, со посебен осврт на претстојниот референдум на 30 месецов.Груби информирал дека кампањата за успешен референдум е во тек и дека состојбата на теренот досега е задоволителна, односно постои позитивно расположение кај гласачите во земјата да се изјаснат за поддршка на договорот од Преспа и зачленување на Македонија во ЕУ и НАТО.Во тој контекст, претседателот истакнал дека референдумот ќе успее и дека владејачкото мнозинство засилено работи на постигнување на потребниот цензус на излезност на гласачите.Пратеничката Танги ја потврдила континуираната поддршка на Франција за евро-атланското зачленување на Македонија, при што ја истакнала француската поддршка за успешен референдум, потенцирајќи го значењето на референдумот за иднината на земјата

Македонија | пред 7 години

7 год.

Секој вторник ќе се собира селектираната пластика од домовите во Лисиче

Од завчера почна да се собира селектираната пластика од околу 300 семејства во населбата Лисиче кои се вклучија во проектот „Ја собираме пластиката од дома“.Неформални собирачи ќе ја подигнуваат пластиката директно од домовите на жителите од оваа населба, кои во август преку потпишување договор се согласија да селектираат тврда пластика и ПЕТ-амбалажа.Оваа акција има двојна цел – од една страна да се подобри управувањето со отпад во општина Аеродром и на тој начин да се заштити животната средина, а од друга страна да се развијат здрави навики кај жителите и во исто време да се овозможи економска инклузија на онаа ранлива категорија граѓани, кои неорганизирано собираат пластика. Проектот го имплементира еколошкото здружение „Гоу грин“ и ромскиот „Бизнис информативен центар“ со активна поддршка на Општина Аеродром и финансиска помош од Градот Скопје.

Скопје | пред 7 години

7 год.

Нема фотографија

Акција за чистење на општина Карпош

Општина Карпош се приклучува кон иницијативата за одбележување на Светскиот ден на чистење – 15 Септември. Станува збор за глобална акција во која се вклучуваат милиони волонтери, граѓани и општествено одговорни субјекти од 150 земји. Оваа година локалната самоуправа ќе спроведе акција за темелно чистење на целата општина. Покрај комуналните служби, кон акцијата ќе се приклучат и општинската администрација, општинското раководство и членовите на Советот на Општина Карпош.Општина Карпош ги повикува и сите граѓани, организации, компании и општествено одговорни субјекти да се приклучат кон оваа еколошка акцијата. На 15 септември, со почеток во 9 часот, сите заинтересирани граѓани ќе може да се приклучат на некои од следниве собирни места / пунктови:Карпош 1 и Карпош 2 (собирно место кај Полициската станица Карпош, улица Иван Аговски;Карпош 3 и Карпош 4 (зад „Скопје сити мол“ на улицата МАНАПО;Влае 2 (кај спортските игралишта – до мостот „Обединети нации“;Нерези (кај автобуската постојка на последна 57);Тафталиџе 2 (кај основното училиште „Братство“, улица Московска бб);Тафталиџе 1 (кај основното училиште „Јан Амос Коменски“, улица Варшавска бр. 23);Козле (кај основното училиште „Владо Тасевски“, улица Миле Поп Јорданов бр. 74);Платото кај „Млечен“ (кај кафе „Ли“);Кеј на Вардар (на патеката под хотелот „Александар палас“).Општина Карпош ќе обезбеди соодветна опрема за чистење за сите граѓани што ќе учествуваат во оваа акција (ракавици и кеси за отпад).

Скопје | пред 7 години

7 год.

Нема фотографија

„Комбинирај и движи се!“ порачаа најмалите во Аеродром

Општина Аеродром оваа година ја одбележа Европската недела на мобилност заедно со децата од градинките „Бубамара“ и „Срничка“.Настанот беше посветен на зголемување на јавната свест за заштита на животната средина, придонесот и одговорноста на секој од нас при изборот на превозно средство.Под мотото „Комбинирај и движи се!“ децата од клоновите „Сонце“ и „Лале“ возеа велосипеди и тротинети, цртаа и учествуваа во разни едукативни активности. Настанот се одржа утрово во паркот „Јане Сандански“.

Скопје | пред 7 години

7 год.

42249302_10156813307629726_513535100550381568_n

Ристиќ: Против полицајците кои ме приведоа ќе бидат преземени сите правни мерки

Актерката Ирена Ристиќ и нејзиниот адвокат Јанаки Митровски најавија дека против полицајците кои во саботата ја приведоа и ја одведоа во психијатриска болница ќе бидат преземени сите правни мерки.„Ве известуваме дека ќе бидат преземени сите правни мерки против инволвираните кои си создаваат илегална пракса на носење на наводно алкохолизирани лица во психијатриска болница за ‘стручно лице’ да процени по физиономија дали сте пијан, нешто што не поминува на суд, или не, што нема законски основ прво, а второ е идиотски“, велат тие во заедничка изјава.Ристиќ и Митровски наведуваат дека немаат намера да прејдат преку, како што велат, незаконитото и непрофесионално однесување на овластените службени лица. „Секој полицаец во моментот кога ве приведува е должен прво да се легитимира, да ве запознае со причините за вашето приведување на јазик што го разбирате, да ви даде поуки дека имате право да молчите, да ви даде поуки дека имате право на бранител и да ви овозможи да повикате бранител веднаш. Време е, ако сакаме да тврдиме дека веќе не живееме во режим, да се позанимаваме со оние кои треба да бидат пример за чест, а не за потсмев“, велат тие.Ристиќ беше приведена во саботата бидејќи, како што вели, чистела догорчиња од цигари пред Влада. Таа рече дека односот на полицајците бил арогантен, а три часа од приведувањето не ѝ дозволиле ниту да повика адвокат. Од полицијата соопштија дека таа била приведена заедно со уште лице едно поради нарушување на јавниот ред и мир. Од МВР соопштија дека Ристиќ била однесена во психијатриска болница затоа што одбила да направи алкотест.

Скопје | пред 7 години

7 год.

42135624_1988681177844751_8368098113822392320_o

Програма за обука на општинските советници

Како дел од проектот на мисијата на ОБСЕ „Зајакнување на демократското управување“, денеска во хотелот Александар Палас се одржа презентација на Програмата за обука на општинските советници за 2018 година.На промоцијата на програмата присуствуваа Претседателката на Советот на Град Скопје, Љубица Јанчева и членовите во Советот, Арзу Камбер и Игор Вељаноски.Целта на настанот беше да се презентира програмата за обука на општинските советници, која ќе се спроведува во текот на октомври и ноември, како и начинот на кој советниците од избраните општини можат да аплицираат.Проектот на мисијата во 2018 година „Зајакнување на демократското управување“ предвидува градење на капацитетите на одредена група на општински советници од неколку избрани единици на локалната самоуправа.

Скопје | пред 7 години

7 год.

Забрана за пренесување на вреќи со компири во автобусите на ЈСП

ЈСП и приватните превозници велат дека Градот Скопје има правила за тоа што смеат, а што не смеат да внесуваат патниците во автобус и тие правила мораат да бидат почитувани. Често се случува автобусите да бидат преполни со патници кои со себе носат тобри на тркала за пазарење или торби во кои се превезува се и сешто. Со ваквиот начин се попречува нормалното циркулирање на останатите патници и притоа се создаваат големи гужви.На официјалната страница на ЈСП Скопје е истакнат кодекс за однесување на патниците. Според него, во возилата не е дозволено внесување:– личен багаж чии димензии се поголеми од 100x60x25 или потешки од 30кг.– оружје, високо запаливи, експлозивни, отровни и други опасни материи– предмети кои можат да го загрозат животот, здравјето на патниците и возачкиот персонал– внесување на велосипед, влез со ролери, лизгалкиНа патниците вооедно им е забрането и:– попречување на одговорното лице во вршење на својата работа– задржување во возилото на начин кој попречува при наплата на карти и влез и излез– оневозможување отварање и затварање на вратите, како и насилно нивно отварање– влегување и излегување од возилото додека е во движење– фрлање на отпадоци– оштетување на возилото– пушење во возилото– конзумирање на храна и пијалоциОсвен поплаки во врска со гужвите, патниците се жалат и на пребрзо возење, пуштање гласна музика од страна на одредени возачи, често незастанување на утврдените станици, често пушење цигари од страна на превозниците, возење со отворени врати во најтоплите денови наместо пуштање клима, доцнење или предвремено тргнување од почетните постојки и слично.Освен патниците, и вработените во ЈСП имаат свој кодекс на однесување до кој мораат да се придружуваат. Одредбите содржани во истиот се обврзувачки и нивното непочитување повлекува соодветни санкции.

Скопје | пред 7 години

7 год.

Град Скопје: Намалени расходи и нови проекти со ребалансот на буџетот

На следната седница на Советот на Град Скопје ќе биде разгледуван Предлог за изменување на Буџетот на Град Скопје за 2018 година со кој е предвидена рационализација на трошењето на буџетските средства. Буџетот на Градот за 2018 година ќе биде намален вкупно за 346 милиони денари. Наместо предвидените 4,23 милијарди Град Скопје во текот на 2018 година со овој ребаланс планира да потроши вкупно 3,88 милијарди денари.Овој ребаланс е подготвен во согласност со усвоениот втор квартален извештај за извршување на Буџетот на Град Скопје за 2018 година. Во првото полугодие остварувањето на приходите се одвива согласно со планираното, а плаќањата на расходите се одвиваат редовно и навремено. Вкупните приходи за овој период од годината се остварени во износ од 2,2 милијарди денари што претставува 36% во однос на планот за 2018 година.Во ребалансот кој ќе се гласа на 27 септември, најголемите промени во вкупните предвидени средства се однесуваат на Секторот за планирање и уредување на градежно земјиште каде е предвидено намалување на средствата за 226,82 милиони денари, како и Секторот за сообраќај каде што е предвидено намалување за 32 милиони денари.Намалувањето на средствата во Секторот за планирање и уредување на градежно земјиште се должи на постигнатите поевтини цени во текот на тендерските постапки на проектите кои се изведуваат оваа година во однос на проектите во изминатите години. На пример, за булеварот Христијан Тодоровски Карпош, чија тендерска постапка за првата фаза е завршена во 2016 година, постигнал значително повисока цена по километар во однос на втората фаза, чија тендерска постапка заврши годинава. Втората фаза за истиот булевар во текот на тендерската постапка постигнува цена по километар која е 21,85 % поевтина во однос на цената на првата фаза.Промени во буџетот има и во секторите за: информатичка технологија и модернизација (намалување од 32,1 милиони денари) и општи работи (намалување од 23,05 милиони денари). Незначителни промени има и во секторите за: животна средина, локален економски развој, образование, комунални работи, правни работи, јавни дејности, како и инспекторат.Во делот на комуналните работи предвидени се 5 милиони денари за набавка на контејнери за одлагање отпад, 5 милиони денари за набавка на комунални возила за собирање отпад и 3 милиони денари за опрема на стационарот Вардариште. Во делот на планирање и уредување на градежното земјиште предвидени се дополнителни 3,18 милиони денари за проекти за надворешни содржини за спорт, спортски објекти и култура, како и дополнителни 1,5 милиони денари за вело паркинзи и мини спортски игралишта.

Скопје | пред 7 години

7 год.

Нема фотографија

Сугарески: Низ цела држава се случува офанзива за изградба и реконструкција на патната мрежа

Mинистерот за транспорт и врски, Горан Сугарески, и директорот на ЈП за државни патишта, Зоран Китанов, извршија увид во реконструкцијата на oбиколницата Скопје.Како што информираат од ресорното министерство, во тек е реконструкција на делницата од клучка Стајковци до клучка Мирковци, во должина од 10 километри, а станува збор за инвестиција од околу 600 илјади евра, средства обезбедени од буџетот на ЈП за државни патишта.„Ова што сега се работи всушност претставува дел од вкупниот инвестициски циклус во патната инфраструктура што се реализира во Република Македонија. Во моментов се реализираат проекти во висина од преку 800 милиони евра, што е историски највисока инвестиција во изградба и реконструкција на патната мрежа во земјава. Интензивно се работи на двата автопатишта, се работи и на изградба на четирите експресни патишта, на реконструкција и санација на регионални патишта, така што низ цела држава се случува една градежна офанзива“, изјави Сугарески.Според директорот на ЈПДП, Зоран Китанов, сите проекти се реализираат во предвидените рокови.„Сакам да информирам дека се завршени и тендерите за реконструкција на 31 регионален пат. Од нив, 12 патишта се со заем од Светска банка, 7 преку ЕБОР и останатите се со средства од буџетот на ЈПДП, или вкупна должина од преку 360 километри. Очекувам оваа градежна сезона да почнеме со работа“, изјави Китанов.

Македонија | пред 7 години

7 год.

Младите од општината Карпош го одбележаа Светскиот ден на мирот

Ученици од скопската гимназија „Никола Карев“ го одбележаа 21 септември, Светскиот ден на мирот. Дваесетина ученици ја посетија општината Карпош и на вработените им поделија пораки за толеранција, љубов, разбирање меѓу луѓето и превенирање конфликти, особено меѓу младата, училишна популација. Тие беа придружени и од дваесетина ученици од основното општинско училиште „Лазо Трповски“ од Карпош.– Општината Карпош беше пример за ширење мир, толеранција и позитивни вредности кај младите – вели претставникот од „Цивилмедија“ и професор во гимназијата „Никола Карев“, Елвира Мустафа.Претседателот на Советот на општината Карпош, Андреј Манолев, ги пречека младите гости и ги задржа во краток разговор, на кој си разменија заеднички визии за напорите што ги прави општината во насока на ширење позитивни вредности и подобрување на нивното секојдневно живеење.Во одбележувањето на Светскиот ден на мирот, во посета на локалната администрација дојдоа и членовите на Мировниот клуб, Кристијан Кулевски и Жарко Ванески, кои порачаа дека токму денеска треба да се искаже ставот контра психичкото и физичкото насилство меѓу младите, да ја разбудат свеста и кај родителите и кај учениците, а на жртвите на оваа појава да им укажат дека секогаш има некој што стои зад нив, ги поддржува и дека ќе им бидат достапни во секое време. Инаку, одбележувањето на настанот „Светски ден на мирот“, кое почна со посетата на општината Карпош, вклучи и централен марш на млади ученици и активисти што ќе појдат од спомен-обележјето на „Мајка Тереза“ на градскиот плоштад.

Скопје | пред 7 години

7 год.

Мас: Помирување, а не поместување на границите за решение за Косово

Германскиот министер за надворешни работи, Хајко Мас, изразил загриженост за преговорите меѓу Србија и Косово.Тој навел дека обидот за укинување на различностите со поместување на граничните линии е опасно. Хас вчера ја посети Тирана, а денеска е во Атина. Во интервју за „Катимерини“ рекол дека меѓу Србија и Косово треба да дојде до вистинско помирување.Според него, единствен начин да дојде до тоа е поголема толеранција и прифаќање на различностите. „Спротивно на тоа, сметам дека обидот таа различност да се укине со поместување на границите е опасно“, заклучил тој.

Свет | пред 7 години

7 год.

Јавното обвинителство формираше комисија за следење на противправности во врска со референдумот

Јавниот обвинител на Република Македонија формираше комисија за следење на евентуални противправности при организирањето и спроведувањето на референдумот на 30 септември.Како што информираат од Јавното обвинителство, за претседател на привремената комисија е определен јавниот обвинител Џељаљ Бајрами, а во неа членуваат и по еден јавен обвинител од четирите Виши јавни обвинителства.Комисијата има за задача на дневна основа да ги следи сите настани поврзани со процесот на организирањето и спроведувањето на референдумот. За оние настани за кои ќе се оцени дека даваат индиции за извршени нерегуларности, известувањата веднаш ќе се проследат до соодветното основно јавно обвинителство. Во исто време, ќе се дадат задолженија до основните јавни обвинителства за итно постапување, односно да формираат предмет и да ги преземат сите дејствија за утврдување на сите релевантни факти од кои зависи правилната примена на Кривичниот законик.„Проактивното и превентивно дејствување на Јавното обвинителство со формирањето на привремената комисија е одговор на ставот дека настаните поврзани со претстојниот референдум се од поширок општ интерес во јавноста, каде има потреба од поголема организираност во насока на заштита од криминални или други противзаконски дејствија“, се наведува во соопшението.Јавното обвинителство, преку привремената комисија за следење на евентуални противправности ја повикува јавноста, граѓанските организации, други организации, политички партии, домашни и меѓународни институции и сите кои сметаат дека во некоја постапка има индиции за сторено кривично дело поврзано со референдумот, да достават пријава до комисијата на електронската адреса – referendum@jorm.gov.mk.

Македонија | пред 7 години

7 год.

Русија ги обвини САД дека финансираат терористи во Сирија

Соединетите Држави снабдувале со оружје терористички групи активни во Сирија, објави руското Министерство за надворешни работи на официјалната веб-страница.„Двојните стандарди на Вашингтон станаа особено јасни во Сирија. Откако руските воздухопловни сили реагираа на барањето на легитимната влада (од Сирија) и се приклучија во борбата против тероризмот во таа земја уништена од долгогодишната војна, САД направија максимални напори за заштита на жедните за крв“, се наведува во соопштението, а пренесува агенцијата „Тасс“.Во соопштението се додава дека таканаречените сили на умерената опозиција биле користени како човечки штитови за заштита на екстремистите, вклучувајќи ги и припадниците на терористичката група Џабхат ал-Нусра и покрај тоа што таа е огранок на Ал Каеда, одговорна за смртта на 3 000 Американци на 11 септември 2001.„Во исто време, САД ги снабдуваа овие групи со оружје, муниција и воена опрема“, стои во соопштението.

Свет | пред 7 години

7 год.

Нема фотографија

Се преврте траект во Танзанија, се стравува дека 200 луѓе се удавиле

Траект кој пренесувал стотици луѓе, се преврте во eзерото Викторија, во Танзанија, објави Би-би-си. Според информациите, досега се извлечени 86 тела на удавени луѓе, а се стравува дека бројот на загинати би можел да се искачи и над 200. Спасувачка акција е во тек.Несреќата се случила меѓу островите Укора и Буголора.Се претпоставува дека причина за инцидентот било таа што преголемиот броја патници се поместиле на едната страна од траектот. Локалните медиуми пренесуваат дека официјалниот капацитет на траектот е 100 луѓе, а според извештајот, бродот пренесувал повеќе од 400 патници.Околу 100 луѓе се спасени, а 37 се во критична состојба. Како што пренесува „Ројтерс“, починал и човекот кој ги продал билетите.

Свет | пред 7 години

7 год.

Нема фотографија

Стејт департмент: Најмалку 150 Македонци им се приклучиле на терористите во Сирија и Ирак

Во извештајот на Стејт департментот за тероризам во 2017 година, се наведува дека Македонија соработувала со САД во антитерористички операции, како и дека е членка на Глобалната коалиција за пораз на Исламска држава.„Македонските власти процениле дека припадници и симпатизери на Исламска држава го оддржуваат присуството во земјата, а Министерството за внатрешни работи и разузнавачката агенција проценуваат дека најмалку 150 македонски државјани патувале за да се приклучат на терористичките групи во Сирија и Ирак“, се наведува во извештајот на Стејт департментот.Како што се додава во извештајот, од нив 30 се убиени, 40 и натаму се наоѓаат во тие зони, додека 80 се вратиле во Македонија.

Македонија | пред 7 години

7 год.

Islamisti-dzihadisti-islamska-drzava-ISIS-2

Стејт департмент: Над 400 луѓе од Косово заминале во редовите на Исламска држава

Минатата година од територијата на Косово во Сирија и Ирак заминале 403 луѓе со цел да се борат во редовите на Исламска држава и Ел Нусра фронт. Од нив 74 загинале, се наведува во извештајиот на Стејт департментот за тероризам во 2017 година, претставен во Вашингтон.Според податоците на Стејт департментот, на Косово се вратиле 133 лица, додека, пак, 196 останале во конфликтните зони.Во извештајот, исто така, се оценува дека Владата на Србија презела чекори за подобрување на својата способност во борбата против тероризмот, пренесе „Глас на Америка“.Се наведува дека во Србија во текот на 2017 година немало терористички напади и дека нивото на активности во врска со регрутација на борци за Исламска држава било ниско.Најголеми закани за тероризам во Србија, според податоците од овој извештај, остануваат потенцијалноте движење на пари и оружје преку нејзината територија, повратокот на странски терористички борци и радикализацијата.Во извештајот се наведува дека Србија продолжила да ја користи обуката на американската Влада во изградба на свои капацитети за борба против тероризмот.

Свет | пред 7 години

7 год.

Нема фотографија

Присилна евакуација во села на Филипините поради лизгање на земјиштето

Припадници на филипинската војска и полиција присилно евакуираа жители од пет села загрозени од лизгање на земјиштето, кое однесе десетици куќи и уби најмалку 29 лица во централните делови на земјата.Локалниот полициски службеник Деболд Синас изјави дека повеќето од 1 200 жители на селaта биле евакуирани минатата ноќ, но некои исто така одбиле да го сторат тоа.Синас додаде дека околу 270 војници и полицајци биле распоредени за да ги спречат луѓето да се вратат во загрозените села, објави агенцијата АП. Се верува дека повеќе од десетина луѓе се затрупани под урнатините.Лизгањето на земјиштето, кое почна по обилните дождови, вчера затрупа околу 30 куќи во две села. Во текот на викендот имаше обилни врнежи по налетот на тајфунот Мангхут, кои предизвикаа повеќе од 100 лизгања на земјиштето.Според последните податоци, 88 лица загинаа во невремето, а повеќето од нив биле убиени во лизгање на земјиштето.

Свет | пред 7 години

7 год.

Нема фотографија

Уапсена Германка осомничена за членство во Исламска држава

Германската полиција уапси 20-годишна девојка осомничена дека е членка на Исламска држава, соопшти денеска федералното обвинителство.Осомничената е идентификуван како Сара О., Германка со алжирско потекло, и е обвинета за припадност на странска терористичка организација.Обвинителството тврди дека таа како тинејџерка отпатувала во Сирија во октомври 2013 година, каде што била обучена како да користи оружје. Следната година се омажила со борец на Исламска држава од Германија.Германските власти велат дека двојката спроведувала „полициски задачи“ во областите под контрола на Исламска држава, објави АП.Се верува дека таа се обидела да регрутира и други лица во Европа за членство во терористичката организација, како и дека заедно со сопругот добивале по 118 долари месечно.

Свет | пред 7 години

7 год.

Жерновски се сретна со специјалниот претставник на Канцеларијата на ОН во Македонија, Лујза Винтон

Заменик-министерот за надворешни работи на Република Македонија, Андреј Жерновски, ја прими Лујза Винтон, специјален претставник на Канцеларијата на Обединетите нации во Република Македонија.Состанокот беше во функција на информирање и консултации во однос на престојното 73. Генерално собрание на Обединетите нации, кое ќе се одржува во Њујорк од 24 до 28 септември оваа година, а на кое Жерновски ќе ја претставува Република Македонија како дел од македонската делегација.Винтон ги посочи заедничките предизвици во поглед на борбата против радикализацијата на насилен екстремизам и тероризам, профелирација на оружје за масовно уништување како закана за светската безбедност, потребата за заедничка акција за подобрување на човековите права и промоција на дијалогот како средство за разбирање и соработка помеѓу нациите.Жерновски истакна дека Македонија е силен подржувач на мултилатерализмот и дека ќе работи со сите земји членки на Обединетите нации со цел да се заштитат човековите права, да се подобри безбедноста и да се зачува мирот во светот.На состанокот стана збор и за актуелните внатрешно-политички состојби, текот на домашните реформи и надворешно-политичките приоритети на Република Македонија, со акцент на актуелностите поврзани со спроведувањето на претстојниот референдумот.„Убеден сум дека граѓаните ќе ја препознаат сериозноста на одлука пред која сме исправени, а со приближување на денот на референдумот, поддршката за евро-атлантската иднина на земјава ќе расте сѐ повеќе”, потенцираше Жерновски на состанокот.„Ова е неповторлива шанса и сите обединети мора да се вложиме за да ѝ помогнеме на сопствената земја и на сопствените граѓани, во исполнување на нашите аспирација за членство во ЕУ и НАТО”, заклучи Жерновски на состанокот.

Македонија | пред 7 години