Семејство од Скопје моли за помош. Исчезнато е лице Даниела Пецевска од скопско Драчево. Доколку ја имате некаква информација исконтактирајте го семејството на телефонскиот број: 076-360-309.Последно забележана во реон на скопски Аеродром.
Македонија | пред 7 години
Премиерот Зоран Заев и министерот за здравство, д-р Венко Филипче, денеска, учествуваа и се обратија на Националниот форум за здравство „За поздрав живот: патот до квалитетна и ефикасна примарна здравствена заштита во Република Северна Македонија“, кој во Скопје беше организиран од Светската здравствена организација (СЗО).„Создавајќи сигурен и цврст здравствен систем, систем којшто за сите ќе нуди беспрекорни услуги, Република Северна Македонија истовремено исполнува една од 17-те цели за одржлив развој, од Агендата за одржлив развој, 2030-та година на Организацијата на Обединетите Нации. Постигнување на целите кои се содржани во целта за одржлив развој под број 3, којашто вели „Обезбеди здрав живот и промовирај благосостојба за сите граѓани, на сите возрасти“, може да се направи исклучиво преку унапредување на превентивната здравствена заштита“, подвлече премиерот Заев говорејќи за темата на денешниот Форум.Премиерот Заев посебно истакна дека фокусот на Владата е да обезбеди и гарантира што поквалитетна примарна здравствена заштита за сите граѓани, како еден од носечките столбови на целиот здравствен систем, посебно осврнувајќи се и на важноста на вклучувањето на сите останати фактори како социјалните, економските и еколошките влијанија вклучително и планираните кампањи за физичкото здравје остварувани преку образовниот процес.„Годинава во буџетот за здравствена заштита се издвоени средства во износ од 30 милијарди денари, што во споредба со 2018 година, е за околу две милијарди денари повеќе“, рече премиерот Заев, додавајќи дека во таа насока за постигнување на социјална и здравствена еднаквост, се преземаат координирани политики на неколку нивоа и во неколку сегменти, вклучувајќи измени на одредени закони и прописи, промена на средината, како и информативни и едукативни кампањи.За измените на законските регулативи како еден сегмент во настојувањата за подобрување на целокупниот здравствен систем и превенцијата и грижата за мајките и децата, старите и ранливите групи на населението, како дел од примарната здравствена заштита, говореше министерот за здравство Филипче, кој пред аудиториумот на Форумот ги изнесе и анализите од секундарната и терцијалната здравствена заштита како дел од севкупниот систем.„Со добар систем, за релативно кус период успеавме да ја намалиме новороденечката смртност. Условите на Клиниката за гинекологија и акушерство, ги доведовме на ниво, каде новороденечката смртност е намалена за 8 процентни поени или од 25 на 18 отсто. Ги подобруваме условите секаде каде има деца на лекување, купуваме нова опрема, образуваме и вработуваме соодветен стручен кадар.Одобрена е набавка за осум мамографи во вредност од 85 милиони денари. Мамографите ќе се дистрибуираат во цела Северна Македонија, каде што е најкритично и во руралните средини. До граѓаните ги доближуваме програмите за скрининг и превенција од рак на дојка и цервикален карцином“, информираше министерот Филипче, кој подвлече, дека со поддршка на СЗО во нашата држава се спроведуваат низа проценки на системот за спроведување на здравствените услуги со посебен фокус на примарната здравствена заштита.„Целта беше да се добијат докази на кои ќе се заснова нашата нова визија и нашите планови. Нов модел кој ќе одговори на предизвиците и ќе се заснова на зајакнување на примарната здравствена заштита како основ за обезбедување подобро здравје и здравствен систем воопшто. Но, исто така и да го намалиме оптоварувањето во болничкиот сектор и да најдеме решение за предизвиците со кои се соочуваат здравствените работници“, оцени министерот Филипче.На Форумот, на кој беа презентирани резултати од истражувања, модели како и услови за нивна интеграција и имплементација за примарната здравствена заштита во Република Северна Македонија, воведно обраќање имаше и Ханс Клуге, директор на одделот за здравствени системи и јавно здравје во рамки на Светската здравствена организација (СЗО).
пред 7 години
Во рамки на објаснувачкиот скрининг за Поглавје 18 - Статистика во Луксембург, делегација предводена од Посебниот советник за евроатлантски интеграции на претседателот на Владата на Република Северна Македонија и главен технички преговарач со ЕУ Бојан Маричиќ, во придружба на директорот на Државниот завод за статистика Апостол Симовски и Државната секретарка во Секретаријатот за европски прашања Калинка Габер, оствари средба со Претседателот на Европскиот суд на правдата Коен Ленартс.На средбата, Претседателот на Европскиот суд на правдата Коен Ленартс упати искрени честитки до Владите и Парламентите на Република Северна Македонија и Република Грција за надминување на 27-годишната разлика во уставното име меѓу двете земји потенцирајќи дека Договорот од Преспа е доказ дека Европската унија се уште е мировен проект.Во разговорот, претседателот Ленартс рече дека владеењето на правото е камен темелник на Европската унија и е заедничка одговорност како на земјите членки, така и на идните земји членки. Потенцираше дека за демократија, владеење на правото и почитување на човековите права е потребно време, но и голема волја. Тој исто така ги истакна потребата од подобрување на ефикасноста на судската администрација и дигитализација на судството како клучни актуелни прашања за европското правосудство.Главниот технички преговарач Бојан Маричиќ се заблагодари на упатените честитки, објаснувајќи дека Европската унија имаше круцијална улога во враќањето на демократијата во нашата земја, во реформирањето на судството и борбата против корупцијата како приоритетна област, како и во решавањето на отворените прашања со соседите. Маричиќ посочи дека поддршката на ЕУ и залагањата на Владата го отворија патот на Северна Македонија за одлука за почеток на преговорите за членство која ја очекуваме во јуни 2019 година.На крајот од средбата, нашата делегација упати покана до Претседателот на Европскиот суд на правдата Коен Ленартс да ја посети Република Северна Македонија, за поблиску да се запознае со спроведувањето на реформите и да даде дополнително охрабрување и мотивација на нашите институции и граѓани.
Македонија | пред 7 години
Во дворот на ОЕМУЦ „Св.Наум Охридски“ започна изградбата на спортска сала, што се изведува во рамки на проектот „Изградба на 145 спортски сали“ на Министерството за образование и наука, а во соработка со Локалната самоуправа на општина Охрид.Спортската сала ќе се протега на површина од 650 метри квадратни, и ќе биде опремена со потребните спортски реквизити, а динамиката на изградбата ќе зависи и од временските услови. Предвидено е таа да биде пуштена во употреба на почетокот од наредната учебна година.Во рамки на проектот предвидена е и замена на постојната покривна конструкција, како и замена на дотраената дрвена дограма со нова. Овие градежни активности ќе бидат реализирани до почетокот на учебната 2019/2020 година.
Македонија | пред 7 години
Основното јавно обвинителство Скопје поднесе Обвинителен предлог против четири лица на кои им се става на товар дека сториле кривично дело – Злоупотреба на службена положба и овластување од член 353 став 2 во врска со став 1 од Кривичниот законик.Обвинетите, вработени како службени лица во Агенцијата за катастар на недвижности Скопје, со искористување на својата службена положба и овластување и спротивно на одредбите од Законот за катастар на недвижности, склучиле договори за извршување консултантски услуги со Републичкиот геодетски завод Србија.Договорите биле склучени на ист датум во декември 2016 година, во рамките на Проект за управување со недвижности, а врз основа на нив на обвинетите им биле исплаќани средства во текот на повеќе месеци во 2017 година. На овој начин, секој од обвинетите, во зависност од својот ангажман, за себе прибавил противправна имотна корист од поголема вредност – односно 1.000.541 денари, 763.031 денари, 753.072 денари и 930.378 денари соодветно.
пред 7 години
И претседателот на СДСМ Гостивар, Зоран Ангелов доби работа во државната ЕЛЕМ, дознава ТВ 24.Тој од пред некој ден е вработен на неопределено време во ХЕЦ „Маврово“. Од ЕЛЕМ ја потврдија информацијата дека со последниот оглас кај нив добил работа и Ангелов, како инженер за машинско одржување, на неопределено време.Текстот во целост на 24.мк
Македонија | пред 7 години
Константин Плевнеш, кој предава на Универзитетот за аудиовизуелни уметности ЕСРА, континуирано објавува коментари со говор на омраза на својот Фејсбук профил, објаави civilmedia.mk.Порталот пишува:Меѓу останатите, пораки со говор на омраза беа упатени кон новиот декан на Универзитетот ФОН проф. д-р Љубомир Фрчковски и проф. д-р Катерина Колозова.Во една од објавите пишува: „Љубомир Данаилов Фрчковски е п***р и педофил али импотентен“.Јавните изливи на „патриотизам“ на Константин Плевнеш се преполни со вулгарности, омаловажување, навреди и говор на омраза, не само кон лицето кон кого е упатена пораката, туку и кон цели категории на луѓе.Без оглед на личните несогласувања, неприфатливо е еден професор да користи таков речник воопшто, а да не зборуваме за јавен говор. Во случајов, неговите студенти и нивните семејства можат да посведочат на ниското ниво на јавна комуникација на нивниот професор.Текстот во целост на: civilmedia.mk
Македонија | пред 7 години
Борче Поповски таткото на сопругата на генералниот секретар на СДСМ , Александар Кирацовски е вработен во ЕЛЕМ во Битола пишува Лидер.Кирацовски тврди дека тој е ангажиран преку приватна агенција и дека тоа е посебна фабрика, која не е ЕЛЕМ.-Не е точно. Таткото на мојата сопруга е вработен во ДООЕЛ ФОД-Фабриката за опрема и делови преку приватна агенција за вработување. Претходно работел во фабриката Киро Дандаро, а сега работи во алатницата на фабриката за опрема и делови, изјави Кирацовски, пренесе ТВ24.Минатиот месец Мери Поповска, мајка на сопругата на генералниот секретар на СДСМ Александар Кирацовски е ново вработена во „Државниот Ученички Дом Мирка Гинова“ во Битола.
Македонија | пред 7 години
За само два месеци, пратеничката на СДСМ Мира Стојчевска успеа да си го вработи синот во ЕЛЕМ, братот во РЕК Битола, а најново и да го унапреди својот маж во командир на шумската полиција во Делчево.Илјо Стојчевски, сопругот на пратеничката, од јануари станал командир на шумската полиција.
Македонија | пред 7 години
Германската авиокомпанија „Луфтханза“ поднесе тужба против еден патник, кој не се појавил на лет за последната делница на патувањето. Патникот патувањето го резервирал и платил.Како што јавува Си-ен-ен, станува збор за пракса која ја користат некои патници за билетот да го платат поевтино. Патниците кои преседнуваат на некоја локација не го продолжуваат патот до крајната дестинација бидејќи патувањето така им е поевтино.Луфтанза сега го тужи патникот кој купил билети за повратен лет од Осло за Сиетл, со преседнување во Франкфурт. Патникот се појавил на сите летови, но не се појавил на повратниот лет од Франкфурт за Осло. Наместо тоа, букирал друг лет на Луфтханза од Франкфурт до Берлин.Германската компанија од патникот бара 2.112 евра компензација.
Свет | пред 7 години
Во Кривичниот суд денеска не се одржа рочишта за случаите „Титаник“ на Специјалното јавно обвинителство.Судијата Осман Шабани рече дека со писмен поднесок од 12 февруари 2019 година бил информиран дека Ендмонд Темелко е спречен да присуствува на денешната расправа поради нарушена здравствена состојба.Адвокатот на Темелко кажа дека обвинетиот е хоспитализиран и е на болничко лекување во Струга.Во судница не беа спроведени од домашен притвор и обвинетите Мунир Пепиќ и Миле Јанакиески.Обвинетиот Илија Димовски го извести судот дека од 13 до 21 овој месец нема да може да присуствува на рочишта бидејќи како шеф на делегација на Собранието ќе присуствува на Парламентарно собрание на НАТО.Во „Титаник“ се обвинети поранешниот премиер Никола Груевски, кој е во бегство во Унгарија, Кирил Божиновски, Миле Јанакиески, Гордана Јанкулоска, Билјана Бришкоска-Бошковски, како и Илија Димовски, Мунир Пепиќ, Едмонд Темелко, Леко Ристовски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашајковска.Судењето за изборни нерегуларности „Титаник“ се наоѓа во доказна постапка и треба да продолжи со изведување материјални докази.На минатото рочиште меѓу другото беа прикажани службени белешки, партиски известувања, изјави од лица, потврди за одземени предмети…Судењето за изборни нерегуларности „Титаник“ на Специјалното јавно обвинителство се одложува за 27 февруари поради здравствени проблеми на обвинетиот Ендмонд Темелко.Тие се осомничени за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за за финансирање изборна кампања.
пред 7 години
Вчера излезе извештај на Голд брокер, според кој нашата Македонија се наоѓа на 6-то место. Не е лошо местото, туку е лоша основата на која е правен извештајот. Истиот извештај е за стапка на невработеност и според истиот Македонија со 20% невработеност е на делба на 6-то место со Ангола. Полошо котираат од нас Босна и Херцеговина (35%) и Косово (30%), велат од Граѓанско Демократска Унија- ГДУ.Тие додаваат:Извештајот кој е изработен е невалиден и заснован на стари, непроверени, не update-ирани податоци, кои најверојатно се од времето на Режимот. Нашата нова Влада со сите сили се бори со невработеноста и според сите статистички показатели (јавно објавени и лесно достапни) невработеноста е целосно искоренета и сега имаме 100% вработеност.Ама вработеност во семејствата на функционерите. Проектот Минимум едно вработување од секое семејство на функционер ги надмина очекуваните и предвидени резултати, па вроди со плод што никој не го очекуваше. Нема дете, жена, родител, роднина по права или странична линија или сватовство што не е вработен. Зачудува и фактот што сите се сместени во државната администрација.Со тоа се оневозможува нивниот претприемачки дух и се гаси иницијативата за сопствен бизнис и за енормни заработки преку тендери (малку филувани и поднаместени), но во корист на нашата напатена земјичка, сите тие сложно решија да земаат плата од заедничкиот буџет. Колку и да е истата плата, барем редовно се зима, а и за намален број на работни часови.Сега државните институции и претпријатија се полни со висококвалификувани и обучени кадри со звучни имиња (Фрчковски, Бучковски, Џафери, Бејта, Грчев) што е огромен плус за нас. Странските инвеститори веруваат на докажани и проверени кадри, кои со сопствени напори и мака се пробиваат на пазарот на трудот и ги земаат најдобите места. Затоа и странците (во широк лак) не заобиколуваат како земја за инвестирање. Си станавме дупка за складирање на светскиот отпад.Младите, квалификувани и паметни веќе одамна ни отидоа од земјава. Останаа само оние што се докажуваат дома пред тато и мама, за да ја наследат нивната функција, од Бога дадена и пренослива по крвно сродство.Е вака- НЕМА ДА НЕ БИДЕ!!!, велат од Центарот за комуникации на Граѓанско Демократска Унија-ГДУ
Македонија | пред 7 години
Во Белгија денеска парализирани се воздушниот, поморскиот и железничкиот сообраќај, а затворени се и стотина фабрики, поради генералниот штрајк на работниците низ земјата, кои бараат повисоки плати.Според белгиските медиуми синдикатите протестираат против лимитирањето на платите во време на економски раст и бараат подобри услови за предвремено заминување во пензија, минимлна плата и подобро стручно усовршување.
Свет | пред 7 години
Вчера било доставено заедничкото писмо до Генералниот секретар на ООН, со кое се информира Антонио Гутереш за датумот на влегување на сила на Конечната Спогодба, со што се става крај на повеќедеценискиот билатерален спор меѓу двете земји, велат од МНР.Од таму додаваат дека Вербалните ноти до Секретаријатот на ООН, земјите-членки, земјите набљудувачи на ООН, како и сите останите меѓународни организации чија членка сме, ќе бидат испратени во најкус можен рок, тој процес е во тек.
Македонија | пред 7 години
Претседателката на Европското движење на Република Македонија проф. д-р Милева Ѓуровска испрати отворено писмо до министерот за култура Асаф Адеми. Во писмото се вели:Откако Министерството за култура на 8 февруари ја објави Годишната програма за финансирање проекти од национален интерес во културата за 2019 година, стана јасно дека не е одобрен проектот на Европското движење во Република Македонија (ЕДРМ) за одбележување на 9 Мај - Денот на Европа.Би сакале да Ви укажеме дека бурните реакции од јавноста се сосема оправдани ако се знае дека со одбивањето на овој проект директно се минимизира значењето на европските вредности, кои ние секоја година ги промовираме преку низата активности опфатени со него, меѓу кои препознатливиот студентски ораторски натпревар, изборот на европска личност на годината (меѓу кои беа Тоше Проески, Влатко Стефановски, Симон Трпчевски...), потоа детскиот ликовен конкурс во кој учествуваат дечиња од осум основни училишта, традиционалниот масовен планинарски марш на Водно и уште неколку слични манифестации по повод Денот на Европа.Со одлуката да се прекине реализацијата на проектот, исто така, се придонесува да згасне една долгогодишна и препознатлива традиција за одбележување на Денот на Европа, која почна уште од осамостојувањето на Република Македонија, поздравена и од Европската делегација во Република Македонија и од речиси сите амбасади на земјите-членки на Европската Унија во Република Македонија.Сметаме дека е скандалозно да се прекине европска традиција на македонската општествена сцена токму во време кога Република Македонија прави невидени напори и жртви со цел да се приближи кон членството во ЕУ и кон европските вредности, чие негување се обидува да го спречи токму Министерството со кое раководите.Активностите за одбележување на 9 Мај не само што ги промовираат овие европски предности преку стимулирање на креативниот и уметничкиот потенцијал на сите граѓани на Република Македонија на возраст од 7 до 77, туку целосно ги исполнуваат и условите кои ги дефинира и самото Министерство за култура, а тоа се негување и поттикнување на културниот диверзитет, уметничкото творештво и културниот развој.Затоа, сметаме дека одлуката да не се поддржи проектот на ЕДРМ за одбележување на Денот на Европа е неоправдана и бараме да ја преиспитате уште еднаш, впрочем како што и самите Вие и ветивте на јавноста и како што дури и премиерот Зоран Заев најави.Ви стоиме на располагање да ги дополниме или коригираме евентуалните забелешки или пропусти во одност на техничката документација, за која тврдиме дека е комплетна и уредна исто како и сите претходни години, се вели во писмото од Претседателката на Европското движењење Република Македонија Ѓуровска до министерот за култура Асаф Адеми.
Македонија | пред 7 години
Преку Проектот на УСАИД Партнерство за подобра бизнис регулатива, кој се спроведува во партнерство со четирите најактивни стопански комори во земјата, одржа презентација на годишното истражување за оцена на бизнис средината во Македонија за 2018 година. Ова истражување се спроведува веќе трета година по ред, на репрезентативен примерок кој го претставува македонскиот бизнис сектор. Добиените резултати треба да им помогнат на стопанските комори и останатите креатори на стратешките државни политики за подобро разбирање на моменталната ситуација во бизнис секторот во Македонија, особено во делот на најчестите предизвици со коишто секојдневно се соочуваат компаниите при извршување на своите активности."Силна соработка помеѓу јавниот и приватниот сектор е важна за создавање на деловно опкружување кое ќе го поддржи и поттикнува растот. Силната и енергична мала бизнис заедница е од суштинско значење за да се изгради столбот на секоја економија и ги повикувам сите тука да се посветат во развивањето и приоретизирањето на овој важен сектор во општеството", изјави Гречен Биркл, вршител на должност претставник на Канцеларијата на УСАИД во Македонија.Резултатите покажуваат дека во споредба со изминатите две години информациите поврзани со законската усогласеност постепено се зголемуваат меѓу компаниите. Во согласност со ова, во 2018 година резултатите покажаа позитивен тренд од 35% во споредба со 2016 година, каде компаниите пријавиле зголемено ниво на вклученост во развојот на деловната регулатива. Во однос на целокупната проценка на националното законодавство, компаниите посочија дека сивата економија е едно од клучните прашања кои го попречуваат растот на деловниот сектор во Македонија. Се посочува дека решавањето на ова прашање ќе го подобри деловното опкружување и ќе им помогне на компаниите да го подобрат своето работење. Покрај тоа, повеќето од испитаниците како најголеми приоритети на коишто треба да се работи во наредниот период ги наведоа реформите за создавање ефикасен судски систем и овозможување стабилно макроекономско опкружување. Сепак, генерално, компаниите веруваат дека во изминатите 3 години земјата ја зголемила својата регионална конкурентност во трката со другите земји од западен Балкан.Коморите со досегашните напори за застапување веќе дадоа конкретни резултати кои носат придобивки за приватниот сектор во Македонија. Досега намалени се казните за мали даночни и царински прекршоци , а рокот за приватизација на земјиштето е продолжен; со финализирање на новиот Закон за јавни набавки кој и официјално е донесен пред две недели, се очекува да се зголеми транспарентноста, да се овозможи подобар квалитет на набавките, да се зголеми конкуренција и да се цели кон подобра контрола во јавните набавки; новиот Закон за практикантство и новиот Закон за инспекциски надзор, кои наскоро треба да бидат усвоени, исто така беа подготвен врз основа на добиените информации од приватниот сектор.Стопанските комори и понатаму ќе ги обработуваат и анализираат резултатите од истражувањето со цел да се развијат конкретни предлог политики за подобрување на деловната клима и олеснување на управувањето на бизнисите. При тоа коморите ќе ја користат Платформата за јавен приватниот дијалог, која претставува механизам за олеснување на дијалогот помеѓу клучните претставници на владата и приватниот сектор, со цел да се изнајдат решенија за надминување на идентификуваните предизвици кои придонесуваат за неповолно деловно опкружување. Во текот на првата седница на Комисијата за јавно приватен дијалог која се одржа во декември минатата година, коморите презентираа 38 предлог политики поврзани со градежништвото, урбанизмот, јавните набавки, туризмот и управувањето со отпадот, при што истите и директно беа претставени пред заменик на претседателот на Владата на Република Македонија, задолжен за економски прашања и релевантните министри кои се дел од овој механизам. Ваквите препораки во моментот се земени предвид при креирањето на идните реформи кои го засегаат бизнисот.
Македонија | пред 7 години
Комуналните служби на Општина Карпош во континуитет работат на отстранување на новонастанати депонии од отпад на своја територија. Така вчера исчистија уште една дива депонија, долж булеварот „8 – ми Септември“, во Тафталиџе 1.По пријава на повеќе граѓани и Здружението на граѓани – Македонски центар за одржлив развој и конкурентност – Скопје (МЦОРК), хигиеничарите отстранија поголемо количесто на пластика, стакло и друг вид отпад.Општина Карпош продолжува со секојдневната грижа за животната средина и расчистување на диви депонии по јавните површини.
Скопје | пред 7 години
Во текот на изминатот ден на подрачјето на Секторот за внатрешни работи Скопје се случиле вкупно седум сообраќајни незгоди од кои две сообраќајни незгоди со телесни повреди и пет со материјална штета. Во сообраќајните незгоди две лица се здобиле со телесни повреди. Од преземените мерки и активности констатирано е дека 22 возачи управувале возила со брзина поголема од дозволената.Од сообраќај се исклучени 18 возачи од кои: двајца возачи затоа што управувале возило под дејство на алкохол, 14 возачи управувале возила без да се стекнат со право за управување на моторно возило и двајца возачи затоа што биле возачи-почетници. Исто така исклучени од сообраќај се и 12 возила бидејќи биле нерегистрирани.Санкционирани се тројца возачи поради поминување на крстосница на црвено светло, двајца возачи поради недавање првенство на минување на пешаци, четворица поради неправилно престројување, осум поради непоседување пропишана зимска опрема, 11 поради неносење сигурносен појас за време на управување на моторно возило и 13 возачи поради користење на мобилен телефон при управување на возило.Во однос на пешаците санкционирани се 31 пешак поради поминување коловоз вон пешачки премин и осум пешаци поради поминување коловоз на црвено светло. Во текот на изминатите денови издадени се 134 мандатни платни налози и 86 возила се подигнати со специјално возило пајак.
Скопје | пред 7 години
На 12.02.2019 година во 18.45 часот на клучка Радишани- oбиколница во Скопје полициски службеници запреле патничко возило „Опел“ со косовски регистарски ознаки, управувано од Р.А. од Косово. При проверка во багажниот дел на возилото биле пронајдени повеќе пакети со лекови. Поради постоење основи на сомнение за сторено кривично дело „недозволена трговија“, казниво по член 277 од Кривичниот законик, Р.А. бил приведен во Полициската станица Чаир за понатамошна постапка.
Македонија | пред 7 години
Откако СДСМ одлучи да не оди на предвремени парламентарни избори, се огласи претседателот на ВМРО-ДПМНЕ, Христијан Мицкоски.- Зоран Заев и СДСМ избегаа од избори, ама од волјата на народот нема!СДСМ е во страв и хаос. Многу брзо ќе се соочат со вистината на сопствениот неуспех.Колку и да бегаш Заев ќе те победам на парламентарни избори, затоа што народот ќе ве порази, ќе ја вратиме честитоста на нашата земја, Македонија ќе победи!, пишува Мицкоски во статусот на Фејсбук.
Македонија | пред 7 години
Нашата татковина веќе е дел од НАТО. Постигнат е историски успех и остварување на еден од клучните стратешки национални приоритети.Оваа година се очекува и датум за преговори со Европската унија и реализирање на сите неопходни реформи.Одговорна партија, одговорна власт, не би ја загрозила таа шанса, не би го загрозила датумот за преговори во Европската унија со предвремени избори и стопирање на реформите.Иако поддршката на граѓаните е многу поголема од онаа на опозицијата, СДСМ не мисли на предвремени избори туку на интересите на граѓаните и интересите на државата. Тоа е државнички и одговорно.Граѓаните, јавноста бараат резултати, во економијата, реформите, интеграциите.СДСМ како одговорна и државотворна партија презема одговорност пред граѓаните и интересите на државата.Република Северна Македонија ќе има кристално чисти, фер слободни и демократски претседателски избори на кои ќе победат граѓаните, ќе победи СДСМ.Фер и слободни избори на кои ќе загуби ВМРО-ДПМНЕ. Деструкцијата и блокадите одново ќе бидат поразени.На нашата татковина и е потребен вистински претседател на сите граѓани, којшто ќе работи исклучиво во интерес на граѓаните и државата а не како досега само за партиските интереси.Граѓаните на претстојните претседателски избори ќе изберат вистински претседател!СДСМ е против одржување на предвремени парламентарни избори како што бараше опозицијата. Ова вечерва беше одлучено на седницата на Извршниот одбор на партијата која заврши предмалку. Оттаму соопштија дека предвремени парламентарни избори не се потребни бидејќи би се запреле реформите во клучен момент кога се чека датум за преговори со ЕУ и дополнија дека иако рејтинзите се повисоки од оние на опозицијата имале одговорност пред граѓаните и државата.„СДСМ превзема одговорност пред граѓаните и интересите на државата. Граѓаните бараат резултати. Државотворна партија на која на прво место и се граѓаните и државата не мисли на предвремени праланетрани избори дури и кога рејтинзите се повисоки од оние на опозицијата. Дел сме од НАТО, очекуваме датум за преговори од ЕУ. Одговорна партија и одговорна власт не би ја загрозила шансата за датум за преговори со ЕУ со предвремени избори и запирање на реформите“, изјави Костадин Костадинов, портпарол на СДСМ.Оваа одлука ја најави премиерот и лидер на партијата, Зоран Заев, пред почетокот на Извршниот одбор кој кажа дека „не е добро време за избори“.„Вечерва Извршниот одбор ќе дискутира. Направивме анализи и истражувања, разговаравме со меѓународните фактори и Општинските организации, Централниот одбор дебатираше и даде насоки уште пред нкеколку седмици, јас верувам дека ќе донесеме одлука, и штом ќе ја донесеме одлуката, официјално ќе ја соопштиме преку вас новинарите до граѓаните.Мнозинството како што го чувствувам јас, е за одговорноста пред се пред државата“, рече Заев.Претседателот на опозициската ВМРО - ДПМНЕ веднаш се огласи преку социјалната мрежа „Фејсбук“ обвинувајќи ги СДСМ дека бегаат од избори.„Зоран Заев и СДСМ избегаа од избори, ама од волјата на народот нема! СДСМ е во страв и хаос. Многу брзо ќе се соочат со вистината на сопствениот неуспех. Колку и да бегаш Заев ќе те победам на парламентарни избори, затоа што народот ќе ве порази, ќе ја вратиме честитоста на нашата земја, Македонија ќе победи!“, напиша Мицкоски.Премиерот Заев ја остави можноста за консензуален кандидат за претседателски избори отворенa, нагласувајќи дека тој ќе се залага за преговори со коалцисиките партнери и ДУИ.„Ќе биде на мој предлог да влеземе во разговор со политичките субјекти во државата, не само коалиционите, туку вонпарламентарните партии, опозиционите партии, барем дел од нив да се обидеме преку заедничка анализа да изнајдеме кандидат којшто чувствуваме дека би бил поддржан од сите граѓани. Верувам дека имаме шанси да успееме, во најмала рака верувам дека нема ништо да изгубиме ако се обидеме“, рече Заев.Ова беше потврдено по завршувањето на седницата на која Заев бил овластен да почне преговори со коалциските и владини партнери околу наоѓање на евентуално заедничко решени за кандидат со кој би се истрчало на претседатлеските избори кои ќе се одржат во април.„Извршниот одбор го овласти претседателот на партијата да се консултира со коалициските партнери, парламнтарни и вонпарламентарни партии за да се дојде до консензуален претседател“, рече Костадинов.СДСМ, како и опозициската ВМРО - ДПМНЕ, распиша јавен оглас за кандидати за претседател кои треба да се избрат на партискиот конгрес закажан за 3 март.Оваа одлука наиде на жестока критика на ДУИ кои беа подготвени да поддржат евентуален консензуален кандидат, стои во соопштението на СДСМ.
Македонија | пред 7 години
Извршниот одбор на СДСМ одлучи да не се оди на предвремени парламентарни избори. „ Одговорна партија не мисли на предвремени парламентарни избори, дури и кога рејтингот и е повисок од оној на опозицијата.„Одиме само на претседателски избори”, велат од СДСМ.„СДСМ превзема одговорност пред граѓаните и интересите на државата. Граѓаните бараат резултати. Државотворна партија на која на прво место и се граѓаните и државата не мисли на предвремени праланетрани избори дури и кога рејтинзите се повисоки од оние на опозицијата. Дел сме од НАТО, очекуваме датум за преговори од ЕУ. Одговорна партија и одговорна власт не би ја загрозила шансата за датум за преговори со ЕУ со предвремени избори и запирање на реформите“, изјави Костадин Костадинов, портпарол на СДСМ.Инаку на седницата на Извршниот одбор, имало поделени мислења, но преовладал ставот дека не е време за предвремени парламентарни избори и дека Владата треба да се фокусира на реформите и на економијата.
Македонија | пред 7 години
Трагедија го потресе регионов. Вчера, 12-годишно дете од едно село во јужна Србија извршило самоубиство, пукајќи си во уста со пиштолот на својот татко. Покрај неговото безживотно тело е пронајдено и проштално писмо упатено до родителите, како и 15 евра.Лекарите не можеле ништо да направат.Српските медиуми пишуваат дека детето било шесто одделение, а пиштолот го земало од заклучена фиока каде бил.Како што информира Курир.рс до телото на детето имало и проштално писмо во кое пишувало:„Не можам веќе да поднесам критики поради лошите оцени. Сега веќе нема да има кој да критикувате. Се надевам дека детето кое мама ќе го роди ќе биде подобро од мене, се надевам дека тоа ќе ве усреќи. Немам ништо да ви оставам освен заштедата од 15 евра“, напишал Никола.Семејството има уште едно дете, помлада сестра.Соседите велат семејството е добро и културно и ништо не укажувало дека ќе се случи ваков трагичен настан.
Свет | пред 7 години
Милијардерот Џорџ Сорос ги повика проевропските гласачи да се разбудат пред Европската Унија да исчезне. Тој истакна дека доколку луѓето не делуваат ЕУ ќе исчезне како Советскиот сојуз.„Европа оди кон уништување, а народот во Европа мора да се разбуди пред да биде доцна. Доколку тоа не се случи ЕУ ќе исчезне како Советскот сојуз од 1991. ЕУ се наоѓа во „револуционерен момент“, но крајниот исход е „целосно неизвесен““, изјави Сорос.Според него, најлошо од се е фактот дека ниту европските лидери, ниту нивните граѓани не се свесни за оваа ситуација.Во врска со изборите за Европски парламент, милијардерот смета дека тоа е точка во која ќе дојде до нов судир во Унијата, очекувајќи дека антисемитските, евроскептичните партии ќе остварат добри резултати.
Свет | пред 7 години
Бројот на заболени од грип, од кој во Србија оваа сезона животот го загубија 23 лица, секојдневно расте. Најмладата жртва е две годишно момче кое почина пред неколку дена. Само во вторникот во Србија како последица од грипот починале 4 лица.Според епидемиолозите во наредниот месец може да се очекува раст на бројот на заболени на територијата на целата земја.„Зимскиот распуст го успори ширењето на грипот. Од друга страна се очекува дека со враќањето на децата во училиште ќе се зголеми бројот на заболени“, вели д-р Дарија Кисиќ Тепавчевиќ за српски Блиц.Од Институтот за јавно здравје на Србија соопштуваат дека е регистриран среден интензитет на активност на грипот, но широка географска распространетост.
Свет | пред 7 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
