Најнови вести

7 год.

Заев го искоментира формирањето на косовска војска

„Jас знам дека и ставот на НАТО е тој, не е време. Не ни требаат нови тензии, уште еднаш да не заборавиме дека Балканот нема намера да биде повторно буре барут“, рече Заев запрашан да го прокоментира денешното формирање на Војската на Косово.Премиерот Заев присуствуваше на Националната конференција за градоначалници „Децентрализација: Патот што претстои“, а потоа одговараше на новинарски прашања.Запрашан за неговиот став за формирање на Војската на Косово и што би значело тоа за регионот, Заев изјави:„Jас знам дека и ставот на НАТО е тој, не е време. Не ни требаат нови тензии. Уште еднаш, да не заборавиме дека Балканот нема намера да биде повторно буре барут. Апелирам до колегите, до премиерите, претседателите на државите, да внимаваат на своите чекори затоа што наша заедничка обврска како шест земји од западен Балкан, коишто имаме аспирации за членство во Eвропската Унија, е да ја унапредиме економската соработка, регионалниот развој да расте, да обезбедиме вечен мир, и траен мир овде, и да имаме интеграција во Европската Унија.“Македонскиот премиер апелираше да се преиспитаат и мерките на косовската Влада во однос на воведувањето царини за производите од Србија.„Апелирам и оние другите мерки коишто постојат во делот на царините или сл., да ги преиспитаме, да се вратиме, да ги почитуваме меѓународните организации и договори што ги имаме, поради тоа што наша обврска е да ја зголемиме соработката. Ако политичарите бидат повнимателни во своите изјави, во своите чекори, јас верувам дека овој дел на Балканот, вклучително и нашата Македонија, но и соседите, ќе се движиме во вистински правец“, нагласи Заев.

Македонија | пред 7 години

7 год.

(ФОТО) Али Ахмети во униформа на УЧК со честитки за косовската војска

Лидерот на ДУИ Али Ахмети на Фејсбук, облечен во униформа на УЧК го честиташе формирањето на косовската војска.– Многу жртвувања, многу соништа, многу напори, многу мачеништво низ вековите за да дојдеме до овој ден на слободата, независноста, војската, еднаквоста и перспективите, напиша Ахмети на својот Фејсбук профил.https://www.facebook.com/AliAhmetiOfficial/posts/1991866130849911

Македонија | пред 7 години

7 год.

Нема фотографија

Пад на вредноста на еврото

Еврото забележа пад на вредноста во однос на доларот по разочарувачките економски показатели од Франција и од Германија.Првпат за 2,5 години намалена е активноста на францускиот приватен сектор поради протестите на Жолтите елеци.И во Германија регистирано е успорување на приватниот сектор на четиригодишниот минимум.По објавувањето на податоците за успорувањето во последниот квартал кај двете најголеми економии во евро зоната, вредноста на еврото се намали за 0,6 отсто и е под 1,13 долари.

Свет | пред 7 години

7 год.

70-годишен неподвижен маж загина во пожар во Сопиште

70-годишен неподвижен маж настрада во пожар во Сопиште. Како што информира полицијата, вчера, во 20:20 часот на улица 1 во скопското село Сопиште настанал пожар во куќа, по што опожарени биле две соби, a во една од собите било пронајдено телото на П.С.(70), кој подолг период бил неподвижен.Починатиот живеел со својот син, кој во моментот на пожарот не бил дома. По наредба на Јавен обвинител, телото на починатиот е предадено за обдукција. Од страна на екипа на Противпожарна единица пожарот е изгаснат. Увид се врши во текот на денешниот ден.

Скопје | пред 7 години

7 год.

СДСМ: Ајде Мицкоски собери храброст и кажи зошто си против ЕУ и НАТО

Ајде Мицкоски собери храброст, кажи јасен став, зошто си против ЕУ и НАТО и која е алтернативата, прашува СДСМ, реагирајќи на прес-конференцијата на Димче Арсовски од ВМРО-ДПМНЕ, кој претходно со зборовите „Ајде господине Заев, бирајте каде сакате“, побара од премиерот да излезе на дебата.„Христијан Мицкоски треба да се охрабри и да каже јасен став, зошто е против ЕУ и НАТО? Наместо да врти од околу, да се крие зад портпаролите и да одбегнува одговори, Мицкоски да каже која е алтернатива за членството во најмоќните сојузи ЕУ и НАТО, за да може да учествува на ТВ-дуел. ТВ-дуелот подразбира соочување на ставови. Крајно несериозно е Мицкоски да повикува на телевизиско соочување, а при тоа да нема јасен став за најважните прашања за иднината на Македонија“, се вели во реакцијата на СДСМ.Владејачката партија додава дека Мицкоски стои во заштита на криминалот на Никола Груевски и се профилира како анти ЕУ и анти НАТО.

Македонија | пред 7 години

7 год.

Фатен нарко дилер од Охрид

Секторот за внатрешни работи Охрид до надлежното Јавно обвинителство поднесе кривична пријава против Н.М.(43) од Охрид поради постоење основи на сомнение за сторено казнено дело ,,неовластено производство и пуштање во промет наркотични дроги, психотропни супстанции и прекурсори“.При извршен преглед во мопед што го управувал пријавениот на улица „Абас Емин“ во Охрид, од страна на полициските службеници, под седиштето пронајдена била најлонска кеса со марихуана.

Македонија | пред 7 години

7 год.

Нема фотографија

(ВИДЕО) Ѓорчев: Наместо живот донесоа невиден егзодус во Република Македонија

Оваа прес конференција ќе биде посветена на темата поврзана со иселувањето и егзодусот во Македонија, по повод секојдневните извештаи за падот на ученици во Македонија од општина по општина. Падот на новородени деца и зголемување на иселувањето. Ова би бил содржинскиот дел од оваа прес конференција. Наместо живот со Зоран Заев во Македонија дојде до егзодус и невидено, невидено до сега иселување, изјави на прес-конференција Владимир Ѓорчев член на ИК на ВМРО-ДПМНЕ кој додаде:„Се иселуваат луѓето од сите региони на Република Македонија, се иселуваат младите од Скопје, се иселува Источна Македонија, се иселуваат луѓето од Полог, Тетовско, Гостиварско, Липковско. Си заминуваат луѓето од Битолско, од Прилепско, од Охрид и Охридско. Ова е невиден, невиден егзодус.Последица на штетните политики на Зоран Заев и на неговата Влада. Од Македонија секогаш имало иселување. Но ова што сега го гледаме како невидено иселување како егзодус. Како евакуација од Македонија на цели семејства до сега не сме го виделе никогаш. Од долгите векови на македонска историја.“-Со тага и со тежина вчера беше објавена веста дека за само 10 месеци, внимавајте само од Нова година речиси денес од основните училишта во Штип и од средните училишта се отпишани 77 ученици. 77 отпишани ученици само од Штип. Жал и тага. Тоа значи дека од градот Штип од најголемиот центар од најголемиот град на Источна Македонија само од Нова година до сега, само откако ја поскапеа акцизата на дизелот Заев и Анѓушев заедно со Тевдовски се иселени околу 300 до 400 граѓани. Понатаму, ако го видиме бројот на отпишани ученици во Кочани, Кочани е помал град, само од Кочани од истиот дел од годината значи од почетокот на годината до сега се отпишани 20 ученици. Тоа не е толку голем град, значи во Кочани само од почетокот на годината отпишани се 20 ученици. Уште еднаш ако треба сето ова да го резимирам и да го заокружам би го кажал следново, наместо живот со Зоран Заев во Македонија дојде до невидено, невидено до сега иселување и егзодус, потенцираше Ѓорчев.Ѓорчев додаде дека си заминуваат и се евакуираат цели семејства, дека си заминуваат младите од Скопје, се иселува Источна Македонија, бегаат луѓето од Полог, од Тетовско, од Гостиварско, од Липковско, од Дебарско, од Маврово – Ростуша, си одат луѓето од Струшко и од Охрид. Се испразнува и иселува Битола, Прилеп исто така, луѓето од Струмица си одат. Да не ги набројуваме сите градови.-Штетните политики на Зоран Заев доведоа до тоа да Македонија се истенчува, да народот ни се топи, државата ни исчезнува. Македонија умира, паѓа бројот на новородени деца, имаме во 2018 година во три квартали најмал, најмало ако има статистика во Македонија, најмал број на родени бебиња. Страшни падови. Невидени падови. Наместо живот донесоа егзодус и невидено иселување. Жал и тага, заклучи Ѓорчев.

Скопје | пред 7 години

7 год.

Шилегов: Со поскпувањето на паркингот во Кинички, Градот Скопје се обиде да исправи неправда

Градот Скопје се обиде да исправи неправда. Ја воедначи цената на паркингот на Клиничкиот центар со другите паркинг зони околу кои гравитираат други институции. Градот не би се однесувал подеднакво кон своите граѓани ако на едно место дава услуга за 800 денари, а на друго за 350, рече денеска градоначалникот Петре Шилегов, одговорајќи на новинарски прашања.Градоначалникот истакна дека во Клиничкиот центар мора да се изведат нови сообраќајни решенија за Брзата помош лесно да доаѓа до клиниките, наместо да чека ред со дргутие возила, а на две места на паркингот на Клинички центар треба да се изградат монтажни катни гаражи со што ќе се зголеми каацитетот за повеќе од 350 нови паркинг места.-На паркингот кај „Нова Македонија“ луѓето плажаат по 800 денари, а во катната гаража „Беко“ вработените во министерствата за финансии и за правда плаќаат по 1.000 днари. Ја воедначивме цената на услугите, а зошто некој во дадена фаза решил концептот на сообраќај на Клинички центар да го уништи давајќи 1.500 месечни карти за 670 паркинг места без да го зголеми капацитетот за непречен пристап на возила, не можам јас да кажам. Тоа се одлуки на претходната власт. Она што сакаме е да исправиме неправда кон останатите граѓани, од една страна, а од друга, да најдеме доволно средства за изградба на двете монтажни катни гаражни, рече Шилегов по националната конференција за децентрализација.

Скопје | пред 7 години

7 год.

Општина Кисела Вода сади 160 високо стеблести дрва на својата територија

Општина Кисела Вода спроведува активности за садење на разни видови на високо стеблести дрва за парковско уредување на својата територија.Во периодот што следува нови садници/дрвореди ќе добијат повеќе тревни површини, како и објекти на јавните детски градинки и основни училишта под надлежност на Општината.Локалната самоуправа со цел да делува за намалување на аерозагадувањето и следната година ќе продолжи со засадување на нови садници. Активностите на терен ги врши фирмата ДПТУ ГРЕЕН ПИАНТИ ДООЕЛ.

Скопје | пред 7 години

7 год.

Нема фотографија

„Парни ваљак“, домашни пејачи и група од Косово ќе ги забавуваат скопјани за дочек на Новата 2019

Аки Рахимовски и Парни ваљак, неколку македонски пејачи, ди џеј и група од Косово ќе ги забавуваат скопјани за новогодишната ноќ. Новогодишната програма ќе почне во 21 часот на Градскиот плоштад „Македонија“ и ќе трае до еден часот по полноќ.Ова на денешната прес-конференција го соопштија скопскиот градоначалник Петре Шилегов и главниот извршен директор на Македонски телеком, Никола Љушев.Градоначалникот Шилегов изјави дека никогаш не би го пропуштил настапот на Парни Ваљак и оти ќе присуствува на новогодишната прослава заедно со скопјани

Скопје | пред 7 години

7 год.

Да помогнеме ...

Хуманоста пред се. Да и помогнеме на 9 годишната Марија да продолжи и понатаму да ја гледа светлината на животот.Се молат сите хумани луѓе да излезат во пресрет секој според своите можност и да донираме за Марија.Паричните средства може да ги уплатите на име Елизабета Илиеска, жиро сметка 200003040734749 Стопанска банка.

Македонија | пред 7 години

7 год.

Која неодговорност, заборавиле срце за трансплатација во авион, па морале да се вратат назад

назадАвион на компанијата „Саутвест“, кој летал на релација Сиетел – Далас, на половина пат морал да се врати назад откако екипажот отркил човечко срце за трансплатација, пренесуваат американски медиуми.Компнаијата објавила дека донираниот орган бил пренесен од Калифорнија во Сиетел и истиот требало да заврши во болница, но тоа никогаш не било симнато од авионот. Било најдено кога авионот се наоѓал на половина пат до Далас.Патниците биле шокирани кога пилотот ги известил дека авионот, откако прелетал 950 од планираните 2500 километри, мора да се врати на аеродромот од каде полетале. Летот траел вкупно 3 часа.

Магазин | пред 7 години

7 год.

Кој ќе биде амнестиран за 27 април, а кој не?

Со новиот закон со кој ќе се обезбеди амнестија за настаните во Собранието на 27 април ќе бидат опфатени вкупно 30 лица, додека преостанатите 40-мина осомничени, обвинети и осудени ќе бидат изоставени според проектираниот опфат, објави Дојче Веле.Низ „филтерот“ ќе поминат сите кои не извршиле никакво насилство, кои не го подготвувале и организирале упадот во Собранието, и кои не се гонат по командна одговорност.Според тоа, низ овој „филтер“ треба да поминат 20 лица, од вкупно 33 кои се гонат за загрозување на уставниот поредок, и на околу десетина лица засега обвинети за „учество во толпа што ќе спречи службено лице во вршење на службена должност“.Апсолутно нема да има „простување“ за седумтемина осудени за обидот за убиство на Зијадин Села, 12 лица обвинети за кривично дело насилство, и полициските функционери на кои им тежи командната одговорност.

пред 7 години

7 год.

Мицкоски: Заев бега од дебата- условува, затоа што не сака да се чуе вистината

„Ајде да се соочиме на дуел и граѓаните да видат кој е криминалец, а кој чесно си ја извршува својата функција“, вака зборуваше Зоран Заев во 2013-та година, и во 2016-та година велеше (цитирам), „заслужува граѓанинот на Македонија да види дебата помеѓу премиерот и шефот на опозицијата“. Денес 2018-та година месец декември, премиерот Зоран Заев бега од дебата. Условува, се препелка, лаже, се крие, затоа што не сака да се чуе вистината. И уште еднаш, којзнае по кој пат, си го погазува претходно реченото, напиша лидерот на ВМРО-ДПМНЕ Христијан Мицкоски на својот Фејсбук профил.-Бега и се крие од дебата, по втор пат, првиот одби во кампањата пред референдумот, и сега на крајот од годината, а се крие затоа што треба да даде одговори за црнилата кои ги донесе на Македонија. Не сака да одговори за името кое спротивно на волјата на граѓаните го менува, за даноците кои ги покачува, со кои се удира по сите граѓани, а не само по богатите, за уништеното здравство и фактот дека Македонија е најзагадена држава во Светот, за сиромаштијата, за очајот и изневерените очекувања. За тоа дека нема просечна плата од 500 евра, дека нема поврат на ДДВ, нема инвестиции, го нема животот кој го ветуваше. Да одговори за неправдите и политичките притисоци и прогони. За криминалните тендери, за црниот Вотергејт во судството и обвинителството, пишува Мицкоски и додава:„Тешко му е да оди на дебата, ама не му е тешко да излаже. Устите им се полни со Европа, но само формално, не и на дело. Една од основните придобивки на европската политика е отвореноста и дебатата, тоа го заслужуваат и нашите граѓани. Наместо афрички монарх, прифатете европски вредности. Ајде без изговори, без банални оправдувања Заев прифатете дебата? Велите да сум ја кажел алтернативата, ќе ви ја кажам, тоа е вие да си заминете од власт, веднаш и што побрзо, затоа што со Вас Македонија тоне во црнила и драматично губи, имаме држава пред економски банкрот, за се останато ќе чуете на дебатата која се надевам дека ќе ја прифатите!“.

Скопје | пред 7 години

7 год.

Заев: Ќе прифатам дуел со Мицкоски, доколку го каже својот став за Договорот од Преспа

Премиерот Зоран Заев денеска уште еднаш повтори дека прифаќа телевизиски дуел во кое било време и во кој било медиум со лидерот на ВМРО-ДПМНЕ, Христијан Мицкоски само доколку тој претходно се изјасни дали е за членство во НАТО и ЕУ преку прифаќање на Преспанскиот договор, а ако не е за тоа, треба јасно да го каже и да понуди алтернатива.„Подготвен сум во секое време и на секое место да дебатирам со Мицкоски. Меѓутоа чесно е тој да го каже прво својот став дали е за членство на Македонија во ЕУ и НАТО и дали го поддржува Договорот од Преспа. Доколку не е, тогаш нека ја каже алтернативата. Потоа нека го избере медиумот, денот и терминот. Јас сум подготвен на соочување. Тоа е демократски чин“, изјави Премиерот по денешната национална конференција за децентрализација.

Скопје | пред 7 години

7 год.

21 декември (петок) - Денот на настава на турски јазик е неработен ден за граѓаните на турската заедница

Министерството за труд и социјална политика соопштува дека согласно со Законот за празниците на РМ („Службен весник на РМ“ бр.21/98 и 18/07), 21 декември 2018 година (петок), Денот на настава на турски јазик е неработен ден за граѓаните припадници на турската заедница во Република Македонија.Истовремено, Министерството за труд и социјална политика на граѓаните припадници на турската заедница во Република Македонија им го честита Денот на наставата на турски јазик.

Македонија | пред 7 години

7 год.

Усвоен Буџетот за 2019 со дополнувања со дел од амандманите за повеќе пари за животна средина, за регионален развој, за инфраструктура

Владата на Република Македонија на денешната, 109-та седница, го усвои Дополнетиот Предлог - Буџет на Република Македонија за 2019 година, усогласен соодветно на амандманите што произлегоа од расправата за буџетот во Собранието на Република Македонија.Согласно амандманите кои дојдоа од владеачкото мнозинство и од опозицијата во собраниската амандманска расправа, во Предлог Буџетот за 2019 година се направени дополнувања на буџетски износи во програмите за заштита на животната средина, со фокус на мерките за почист воздух, на локалната инфраструктура и на програмите за развој на планските региони, како и на зголемување на буџетската поддршка за работата на дел од министерствата, агенциите, управите и други органи на државната управа.Соодветни интервенции по собраниската амандманска расправа за дополнителни буџетски износи се направени и за дел програмите на Универзитетот „Св. Кирил и Методиј“.На денешната седница на владата се утврдени и насоките за нивелирање на платите во културата за што активностите треба да започнат од јануари 2019 година, согласно буџетската динамика во претстојната година.Вкупните приходи на Буџетот на Република Македонија за 2019 година се планираат на ниво од 210,8 милијарди денари, а расходите се планирани на ниво од 228,5 милијарди денари. Вака планираните приходи и расходи резултираат со намалување на буџетскиот дефицит на ниво од 2,5% од БДП или 17,7 милијарди денари во апсолутен износ.Планираниот дефицит е во согласност со Фискалната стратегија на Република Македонија 2019-2021, која на денешната седница на Владата на РМ беше усвоена како информација, и која заедно со конечниот дополнет предлог за Буџет за 2019 година, ќе се испрати на усвојување во Собранието на Република Mакедонија.

Скопје | пред 7 години

7 год.

Косовското собрание ги усвои законите, Косово доби војска

Во косовското собрание се усвоени три нацрт закони кои овозможуваат трансформација на косовските безбедносни сили, а во парламентот во Приштина влегоа и неколку „војници“, јавуваат косовските медиуми.Како што јавува Коха диторе, нацрт законите се усвоени по забрзана постапка и едногласно.Одлуката, која доаѓа по повеќегодишни обиди, е поддржана од САД и Германија, но ѝ се противат ЕУ и НАТО, кој во моментов ги чува границите на Косово. Коха пишува дека Србите се во „состојба на тревога“ поради опасноста од влошување на ситуацијата, и бараат интервенција од меѓународните претставници. 

Свет | пред 7 години

7 год.

Одложено рочиштето за смртта на Никола Саздовски

Поради оправдано отсуство на еден од поротниците причина смртен случај, денешното судско рочиште за обвинетите за смртта на Никола Саздовски е одложено.Во случајот за убиството на Саздовски, осомничени се три лица: Бесир Беља, Скендер Демири и Јетон Љужа кој е во бегство. На минатото рочиште се презентираа наоди од судска медицина кои потврдија дека Саздовски бил убиен со употреба на физичка сила.Нападот на Саздовски се случи на автобуска постојка во Автокоманда. Претходно искази даваа сведоци кои на моментот на убиството било на постојката.На претходното рочиште во судот беа презентирани наодите од судска медицина.Вештото лице, доктор Златко Јаќоски од Судска медицина на рочиштето посочи дека обдукцискот наод извршен врз Никола Саздовски покажал крвни повреди на главата, поточно на левата страна на лицето и во темената регија, оштетување на мозокот и крвен подлив на градниот кош.Според вештото лице, Саздовски бил донесен во болница во предсмртна фаза за што итно била направена реанимација, а заради неможност на функционирање на мозокот бил поставен на механичка вентилација со пропратна терапија со медикаменти.Двајцата од напаѓачите, Бесир Беља и Скендер Демири, се во притвор во затворот „Скопје“ во Шутка, а за третоосомничениот, Јетон Љужа, кој се уште е недостапен за органите на прогонот распишана е домашна и меѓународна потерница.Дваесетгодишниот Никола Саздовски почина на 9 јули годинава, откако беше крвнички претепан на автобуската постојка на булевар „Александар Македонски“ во Автокоманда на 29 јуни годинава околу 17:30 часот од Б.Б.(20), С.Д.(21) и Ј.Љ.(19), сите од Скопје.

пред 7 години

7 год.

Благица Ласовска од Свети Николе, нов претседател на Унијата на жени на ВМРО-ДПМНЕ

Благица Ласовска од Општинскиот комитет на ВМРО-ДПМНЕ од Свети Николе е новата претседателка на Унијата на жени на ВМРО-ДПМНЕ.Таа беше избрана во стандардна партиска процедура на оваа носечка партиска функција откако поранешната претседателка Даниела Рангелова се повлече од функцијата по сопствена иницијатива.Благица Ласовска е родена на 8.3.1970 во Штип. По националност е Македонка. Магистер по менаџмент во образование и образовни политики, УГД Штип.Моментално таа е една од најангажираните пратенички во Македонското собрание со што претставува еден од носечките столбови во заштитата на интересите на граѓаните на Република Македонија.„Извршниот комитет на ВМРО-ДПМНЕ одлучи за нов Претседател на Унијата на жени на ВМРО-ДПМНЕ да ја назначи Благица Ласовска, која до сега беше ВД Претседател. Благица Ласовска е поранешен Претседател на УЖ Свети Николе, поранешен член на Извршниот Комитет на Унијата на жени и актуелен пратеник во Собранието на Република Македонија од редовите на ВМРО-ДПМНЕ.Извршниот комитет на ВМРО-ДПМНЕ на вчерашната седница одлучи за Секретар за меѓународна соработка да го назначи Тимчо Муцунски. Тимчо Муцунски е докторанд и асистент на правниот факултет при УКИМ и поранешен заменик министер за информатичко општество и администрација. Муцунски во изминатите години извршувал повеќе функции во ВМРО-ДПМНЕ, од кои член на Извршниот комитет на Унијата на млади сили, како и советник за меѓународни односи на Претседател на ВМРО-ДПМНЕ. Извршниот комитет на ВМРО-ДПМНЕ со искажаната доверба на Ласовска и Муцунски верува дека со својата посветеност и капацитет ќе ги исполнат целите и политиките на ВМРО-ДПМНЕ“, велат од ВМРО ДПМНЕ .

Македонија | пред 7 години

7 год.

Изменет сообраќаен режим на делницата Катланово-Велес во двата правца

 Изменет сообраќаен режим денеска и утре ќе има на делницата Катланово-Велес, пред наплатната рампа Сопот и на делницата Велес-Катланово, после наплатната рампа Отовица.Изменетиот сообраќаен режим, како што соопшти Авто мото сојузот на Македонија повикувајќи се на „Виадукт трејд“, е поради изведување градежни активности. 

Македонија | пред 7 години

7 год.

Општина Дебрца ќе развива културно-археолошки туризам - Промовиран проектот “Археолошка топографија на старите градови и тврдини во општина Дебрца 2018”

Општина Дебрца ги презентираше резултатите од Проектот „Археолошка топографија на старите градови и тврдини во општина Дебрца 2018“. Во рамките на проектот се изврши археолошки мониторинг на 10 најзначајни археолошки локалитети со цивилизациски карактер на територијата на општина Дебрца, изработка на археолошка, техничка, наративна и илустративна фото/видео документација. Средствата за реализација на проектот, во износ од 100.000 денари се обезбедени од буџетот на општина Дебрца, конкретно од Програмата за развој на културата во 2018 година, а истражувањето го спроведе истражувачкиот тим на Филозофскиот факултет Скопје.„Најнапред сакаме дел од овие истражувања да ги внесеме во една посебна брошура, а понатаму да извршиме и детални истражувања, со што во наредниот период акцентот ќе го ставиме пред се на требенишкото Кале, требенишката некропола која е светски позната, а многу малу се знае кај нас, посебно во општина Дебрца, а токму оваа година се навршуваат 100 години од пронаоѓањето на првите златни маски во 1918 година. Сите овие истражувања претставуваат значаен импулс за туристичката понуда на општина Дебрца“ – изјави градоначалникот Зоран Ногачески.Презентацијата ја изврши раководителот на истражувачкиот тим, Проф. д-р Виктор Лилчиќ Адамс.„Мислам дека има уште 2-3 локалитети кои што јас би ги нарекол градови, Кула Песочани, Кула Годивје, Градиштето Слатино се веќе мали градчиња, фантастични локалитети кои се ретки дури и во регионов. Имаат и поволна позиција каде што поминува магистралата, ние тука ќе се обидеме да ги задржиме туристите. Тоа е таа спрега помеѓу Општините, археолозите, туристичките работници, па и нормално Музеите “– изјави Проф. д-р Виктор Лилчиќ Адамс.   

Македонија | пред 7 години

7 год.

Општина Охрид и годинава ќе избира најубаво украсен двор или балкон

Општина Охрид за Новата 2019 година објавува Конкурс за најубаво украсен новогодишен двор или балкон.Пријавувањето на конкурсот ќе трае од 14 до 27. 12.2018 година. Заинтересираните граѓани можат да се пријават во просториите на Општина Охрид ул. „Димитар Влахов“ бр.57 со пополнување на пријава на шалтерот на архивата на Општина Охрид.На конкурсот ќе бидат доделени три награди:Прва-10.000денари, Втора-6.000денари, Трета-4.000денариКомисијата формирана од Градоначалникот ќе ги посети сите пријавени кандидати и при оценувањето ќе се води од следните критериуми:При новогодишното украсување на дворови и балкони треба да биде запазена природноста и естетиката на просторот. Значајно влијание ќе има композицијата на повеќе елементи, осветлувањето и зачувување на амбиенталноста.Објавувањето на наградите ќе биде по новогодишните празници. 

Македонија | пред 7 години

7 год.

ГТЦ ќе има зелен кров - Градските власти го подготвуваат

Градот Скопје во моментов ги превзема сите административни процедури околу реализацијата на проектот за изградба на зелен кров на Градскиот трговски центар (ГТЦ), објави build.mk.Откако ќе бидат склучени сите договори со институциите, ќе се пристапи со јавната набавка на проектната документација за изведба на овој проект, којшто ќе овозможи оформување на нов парк во строгиот центар на Скопје поголем од паркот „Жена борец“. Од Градот Скопје информираат дека подетални информации околу вредноста на проектот, видот на зеленилото и изведбата на неопходните инсталации ќе се знаат по изработката на проектот„Врз основа на искуствата и резултатите од овој проект, Град Скопје во иднина би размислувал и на проширување на овие зелени покриви и на покривите на објектите на институцитие кои се во надлежност на Град Скопје“ велат за „Билд“ од градската администрација. И покрај тоа што допрва ќе се работи проектот, не е тешко да се предвиди дека зелениот кров на ГТЦ би имал далекусежни позитивни последици. До кровот на самото здание и денес е обезбеден пристап за граѓаните со скали, што значи дека идниот зелен кров би можело многу едноставно да се претвори во нов јавен простор за одмор и рекреација на граѓаните. Од друга страна, зголемената фреквенција на граѓаните како резултат на достапниот кров би овозможила покачување на атрактивноста на дуќаните што се лоцирани на двата горни ката на ГТЦ.Изградбата на зелениот кров на ГТЦ би ги решила и досегашните маки на дуќанџите од горните катови, кои имаат проблеми со прокиснување при поголеми дождови. Доколку се изведе проектот, со поставување на идното зеленило ќе мора да се најде солуција и за нова хидроизолација на постојниот рамен кров. Реализацијата на овој проект ќе овозможи севкупно зголемување на атрактивноста на Градскиот трговски центар во наредниот период.Од Градот Скопје посочуваат дека постапката за изработка на проектот за изградба на зелен кров на покривот на ГТЦ се прави во соработка со Програмата за развој на Обединетите Нации (УНДП) преку проектот „Отпорно Скопје: поголема одржливост и иновации за справување со климатските промени“.Извор: build.mk

Скопје | пред 7 години

7 год.

Нема фотографија

ЕВН: Без струја делови на Пинтија, Бутел, Центар и Кисела Вода

Од „ЕВН Македонија“ АД информираат дека поради технички зафати во дистрибутивната електромрежа, без електрична енергија ќе останат дел од корисниците во населба Пинтија, Бутел, Центар и Кисела Вода.Во периодот од 8:30 до 9:30 часот струја ќе немаат корисниците од дел од ул. 1520 во нас. Пинтија и корисниците од поголем дел од стопанските објекти приклучени на трафостаницата Пинтија 5.Во периодот од 9 до 11:30 часот без струја ќе бидат корисниците од дел од улицата Хо Ши Мин (општина Бутел), од 11 до 12:30 часот корисниците од ул. Ганчо Хаџипанзов од број 10 до број 18 (општина Центар) и во периодот од 9 до 11 часот корисниците од улицата Саса бр. 18 и краците и подуличките во близина (општина Кисела Вода). 

Скопје | пред 7 години