Најнови вести

7 год.

Нема фотографија

Асанж одбил предлог да оди во Москва како дипломат на Еквадор

Основачот на Викиликс, Џулијан Асанж минатата година го отфрлил предлогот на Владата на Еквадор да биде именуван за нивни дипломат на служба во Москва и со тоа конечно да ја напушти Еквадорската амбасада во Лондон, каде ги мина изминатите шест години.Според писмо од декември 2017 година, Владата на Еквадор му дала ваков предлог на 47-годишниот австралиски државјанин, по кој САД распишаа потерница поради објавувањето огромно количество доверливи материјали од американската дипломатска служба, како и за воени злосторства извршени во текот на војната во Ирак.Асанж беше обвинет за силување извршено во Шведска, што послужи како изговор британската Влада да распише потерница по него, принудувајќи го побара засолниште во амбасадата на Еквадор во Лондон.Екадорските власти се обидуваат да му помогнат на Асанж да ја напушти нивната Амбасада и како дипломат да отпатува во Москва, каде што веќе живее другиот најпознат „свиркач“ во светот, Американецот Едвард Сноуден.

Свет | пред 7 години

7 год.

Нема фотографија

Ново рочиште за „27 април“ – ќе бидат сослушани четворица сведоци

На денешното рочиште за настаните во Собранието на 27 април минатата година треба да бидат сослушани четворица нови сведоци – Ацо Ангеловски, Александра Богоевска Крстановска, Маријан Митевски и Алим Алими.Во петокот маратонското рочиште заврши со сведочењето на Сашо Тасевски, кој е актуелен директор на БЈБ, а во времето на случувањето во Собранието беше обезбедување на министерот за внатрешни работи Оливер Спасовски.Тој на рочиштето за „27 април“ во Кривичниот суд, посочи дека напаѓачите извикувале дека ќе ги убијат, дека нема каде да одат и оти ќе биде прогласена воена состојба. Како последица на нападите Тасевскисе здобил со две расекотини на главата, му била изместена вилицата и имал модринки по телото.Претходно во Судот сведочеа Драган Крстевски од МВР, Владимир Стојков вработен во Собрание на РМ и Агим Нухиу, заменик министер за внатрешни работи.Нухиу кој неколку часови сведочеше за текот на настаните во МВР за време на насилствата во Собранието на 27 април, кажа дека тогашниот директор на БЈБ, Митко Чавков, не одговарал на неговите повици. Со Чавков, кој раководеше со оперативниот штаб, остварил контакт во 20 часот откако претходно повеќепати залудно се обидувал да го добие на телефон. Нухиу рече дека кога го прашал што се случува, а Чавков, сега обвинет во случајот, му рекол дека „се случува народ“.Обвинетиот Игор Југ на судењето вербално го нападна Нухиу и на судијката Добрила Кацарска и порача дека ако сака може да го осуди и на сто години затвор. Тој праша каде е српскиот разузнавач Живаљевиќ и забележа дека им се суди на 33 Македонци, додека странски разузнавач се шетал по Собранието. Обвинетиот Јане Ченто, пак, кажа дека токму Нухиу е првиот што треба да сноси одговорност.Вработениот во Собранието, Владимир Стојков, раскажа дека дента за главниот влез бил задолжен обвинетиот Абдулфета Алими и опиша како пратеници ги отвориле вратите. Неговото работно место тогаш било покрај вратата од пленарната сала.Кога дошло до тензии помеѓу пратеници, сведокот Владимир Стојков и Алими добиле насоки од началникот да го пренесат формациското оружје горе во кабинет зашто не е безбедно да остане долу бидејќи може да дојде некој да го земе и да го употреби. Кога го носеле оружјето кон кабинетот слушнале викање и кога се вратил назад кај главниот влез ги забележал пратениците.

Македонија | пред 7 години

7 год.

Македонски кардиолози на најголемиот светски конкурс за кардиологија

Кардиолози од „ ЈЗУ Завод за Кардиоваскуларни заболувања - Охрид “ и универзитетеската Клиника за кардиологија од Скопје престојуваат на најголемиот конгрес од областа на интервентната кардиологија TCT 2018 кој секоја година се одржува во САД , а оваа година домаќин на настанот е градот Сан Диего во Калифорнија.На овој годишен собир Кардиолошкиот Завод од Охрид го преставуваа Д-р Никола Бакрачески, Д-р Дејан Манчески и Д-р Благоја Стефаноски од Охрид, а Д-р Оливер Бушлетиќ ја преставуваше Клиниката за Кардиологија од Скопје. Нивното учество на конгресот беше заокружено со успешна презентација на интересни клинички случаи и техники на работа кои се применуваат во Охрид.[embed][/embed]На ТСТ 2018 се презентираа најновите научни и технолошки достигнувања, како и техники на работа во областа на Интервентната кардиологија, на софистициран начин преку пренос во живо од различни операциони сали од повеќе реномирани центри во светот, но и преку дидактички лекции и интерактивни тренинзи, за кои државното здравство во Македонија се обидува да следи чекор и да ги применува.Раководителот на интервентната кардиологија во Охрид, д-р Никола Бакрачески, одржа презентација на случаи на тема „ Како не треба да се пристапува на коронарна бифуркација“, а Д-р Дејан Манчески презентација на тема “ Три годишно следење на пациент со руптурирана коронарна артерија стентирана со графтстент”.Младите доктори од охридскиот кардиолошки завод како Д-р Благоја Стефаноски и Д-р Дени Размоски даваат значаен придонес како коавтори на вакви научни трудови кои се објавуваат на голем број научни собири светот.

Македонија | пред 7 години

7 год.

Дали ако гласате „за“ на референдумот, животот во Македонија ќе цвета?

Претседателот на Владата, Зоран Заев, на неколку дена пред одржување на референдумот оствари средба со граѓаните на Демир Капија и се обрати на граѓанска трибина.Посочувајќи ги бенефитите од членството на Македонија во НАТО и во ЕУ, премиерот Заев истакна дека за земјата тоа ќе донесе стабилност, економски просперитет, повисоки плати за граѓаните и подобар стандард.Заев пред жителите на Демир Капија објасни и каква била состојбата во некои земји пред и по нивното зачленување во двата големи сојузи.„Пред да бидат членки на НАТО и на ЕУ, невработеноста во Бугарија била 17,3 проценти, кога станала членка на НАТО, Бугарија и на ЕУ, невработеноста паднала на 5,5 отсто. Странските инвестиции се зголемиле за 3 до 5 пати повеќе од претходно. Во Романија платите пораснале за 400 проценти, во Бугарија платите претходно биле 244 евра, сега се 550 евра. Затоа се бориме и ние да ги достигнеме“, рече премиерот Заев.Ова како што рече тој, ќе се случува и во Македонија. Премиерот Заев истакна дека со отворање на европските фондови, ќе се почувствува директна финансиска поддршка за младите, за земјоделците, но и за сите важни сектори во општеството; здравство, социјала, комунална инфраструктура, образование.„Тенденцијата на Европа е рамномерен развој насекаде на територијата на ЕУ. Сите земји кои се под 85% од просекот на развој на ЕУ, тие директно ги ползуваат сите фондови на ЕУ. И социјалниот и за земјоделие и кохезивниот фонд. Ова нам не ни се отвора како можност по 5, 10 години. Буквално од 1 октомври го почнуваме скринингот, преговорите, а поглавјата ги отвораме во јуни 2019 година – тоа се неколку месеци од сега. Со отворање на поглавјата, се отвораат фондовите и затоа не смееме да ја пропуштиме оваа историска шанса, додаде премиерот .Пред граѓаните на Демир Капија, Заев зборуваше и за важноста на договорот со Грција, како и за фактот дека оваа генерација има привилегија, шанса, но и огромна одговорност за неколку дена, на 30 септември, да донесе вистинска одлука за иднината на Македонија, но пред сè за иднината на нашите деца и внуци.„Сега на 30 што и да направиме секако ќе влијае. Ако сме за, ќе влијаеме за да ги отвориме сите можни перспективи. Ако сме против, јас сум убеден дека ќе ни биде жал. А тие што ќе останат дома – знам дека ќе се срамат. Тоа ти е како – какво семе ќе засадиме. Ако засадиме за ќе никне убава лозинка, ќе даде убав род и богат плод. Ако засадиме против, ќе никне една прачка што нема да даде никаков род. Ако засадиме бојкот, ќе останат само трња и троскот“, заклучи премиерот Заев повикувајќи ги граѓаните на Демир Капија в недела со кренати глави и со убава насмевка да гласаат „за“ европска Македонија.

Македонија | пред 7 години

7 год.

Нема фотографија

(ВИДЕО) Нов случај во Македонија: Ученички се тепаат, а другарите навиваат

Снимка од тепачка на две девојчиња, која се појавила на интернет, објави Канал 5 каде што едното од девојчињата прво вербално, а потоа со шлаканици и клоци го напаѓа другото девојче, кое е не може да се одбрани. Ова не е прв ваков случај во Македонија. Јавноста претходно беше згрозена од тепачка меѓу ученички во Неготино.[embed][/embed]

Македонија | пред 7 години

7 год.

Нема фотографија

Ќерка на милионер изела сендвич на аеродром и починала

Таткото, милионер и основач на фабриката за играчки Wow Toys, тврди дека компанијата за сендвичи не ставила етикета на лебот дека има во него сусам .Денеска почнува судскиот процес во кој таткото на девојчето , милионерот Надим Еднан – Лаперуз ја тужи компанијата за сендвичи за убиство на неговата ќерка. Тој веднаш на девојчето и дал две инекции , бидејќи била алергична на сусам , но немало помош .Од компанијата Pret a Manger, велат дека девојчето требало да праша кога го купувала сендвичот дали во него има сусам . Тие велат дека не ставаат етикети на секој производ за содржината во него , туку дека има заедничка декларација на полиците пред производите.Девојчето во 2016 починало во болницата во Ница од алергиски шок поради силна алергија на сусам .

Свет | пред 7 години

7 год.

Без електрично напојување делови од Ѓорче Петров, Студеничани и Сарај

Од „ЕВН Македонија“ известуваат дека поради технички зафати во дистрибутивната мрежа, без електрична енергија, во периодот од 9 до 14 часот, ќе останат дел корисниците од улиците „Есперанто“ и „Мраморец“ од општина Ѓорче Петров.Во периодот од 8:30 до 11 часот електирична енергија ќе немаат корисниците од Караула „Чашка“, викенд-населбата Веле Поле, Кучково, Геолошки силекс и село Грачани.Во периодот од 11:30 до 14 часот без елетрично напојување ќе останат дел од корисниците од село Љубин и Водовод во село Кондово во општина Сарај, а од 9 до 15 часот корисниците на улиците „4“, „6“ и „7“ од село Батинци во општина Студеничани. 

Скопје | пред 7 години

7 год.

Нема фотографија

19-годишното момче од Индонезија преживеа 49 дена на отворено море

Алди Новел Адиланг ја чувал рибарската колиба на вода поставена на 125 километри од брегот, кога силни ветрови ги искинале јажињата на кои се држела и го однеле на отворено море во средината на јули.Ветровите го носеле 19-годишното момче илјадници километри, до Гуам, каде го нашол рибарски брод.Откако го однеле ветровите, почнале да му се намалуваат залихите храна, па ловел риба и ја печел на дрвените даски што ги корнел од колибатаНамената на рибарската колиба е да биде мамка за рибите, а работата на Алди била да ги пали светилките што ги привлекуваат рибите.Секоја недела, некој од неговата компанија му носел залихи храна, вода и гориво и ги земал уловените риби.Откако го однеле ветровите, почнале да му се намалуваат залихите храна, па ловел риба и ја печел на дрвените даски што ги корнел од колибата.Намената на рибарската колиба е да биде мамка за рибите, а работата на Алди била да ги пали светилките што ги привлекуваат рибите.Според службите, момчето честопати било исплашено и плачело додека лутало низ отворено море, незнаејќи дали ќе преживее.Секојпат кога ќе видел голем брод му се разгорувала надежта, но повеќе од 10 бродови го одминале без да го забележат.На 31 август го спасил панамскиот брод МВ Арпеџо во близина на Гвам.Стигнал во Јапонија на 6 септември, а два дена подоцна се вратил во Индонезија каде повторно бил обединет со неговото семејство.

Свет | пред 7 години

7 год.

АЛСАТ М : СЈО нема кривично да ги гони „сваровски судиите“

Специјалното обвинителство, освен прислушуваните разговори, нема други докази кои укажуваат дека дел од судиите носеле одлуки по директен политички диктат на ВМРО – ДПМНЕ. Преку „бомбите“ и СМС пораките СЈО утврдило дека судиите Јово Вангеловски, Светлана Костова, Софија Лаличиќ и поранешната претседателка на Судскиот совет, Александра Зафировска покажале дека тие биле на „жешка линија“ со високи преставници на претходната власт. Но, специјалната обвинителка Катица Јанева за Алсат посочи дека нема основ СЈО кривично да ги гони.Сметам дека во самите разговори има повеќе нарушување на моралниот кредибилитет на судиите, а дека кривично правна одговорност нема и во тој дел не прибавуваме ние посебни докази, зошто сметавме дека роковите за тоа се поминати“, вели Јанева.Јанева во интервјуто за Алсат М објасни дека мета на нелегално прислушување биле судијките Софија Лаличиќ и Светлана Костова. Актуелниот претседател на Врховниот суд, Јово Вангеловски и поранешната шефица на Судскиот совет, Александра Зафировска не биле таргет. Тие биле снимени кога разговарале со најистакнатите функционери во владата на ВМРО – ДПМНЕ.Јас сметам дека треба да понесат морална одговорност, но тоа го оставаме на нив“, вели Јанева.Специјалното обвинителство посебниот извештај наменет за четворицата судии го објави пред десет дена. Наведе дека судиите Вангеловски, Костова, Лаличиќ и Зафировска интервенирале во судски одлуки по налог на ВМРО. Во документот СЈО наведе дека тогашниот претседател на Судскиот совет, премиерот, министрите за правда и внатрешни работи како и директорот на тајната полиција Мијалков, одлучувале кој судија да биде избран, а кој разрешен. Оделе до таму што по партиски список ги вработувале и стручните соработници, но интервенирале и преку судии во постапките.

Македонија | пред 7 години

7 год.

Нема фотографија

Удбашки структури ќе предизвикаат инциденти на протестот против референдумот во Скопје?

По најавата за протести против промена на името и референдумот, универзитетската професорка Билјана Ванковска на социјалните мрежи напиша дека здружението „Бојкотирам“ не го организира протестот и дека истиот повик е објавен од сомнителни структури.„Не излегувајте! На „Бојкотирам“ не му требаат собири од ваков вид, организирани од сомнителни структури, а со намера да се исценираат инциденти. Тоа е и денот кога Иванов ќе има историско обраќање во ООН. Ако наседнеме на овој собир и на удбашките структури кои стојат зад него, тие ќе успеат да создадат страв и одбивност кај мирните граѓани, а се' со цел да се зголеми излезноста во недела! Кога би било ова автентично би излегла дури и под закана од употреба на полициска сила - но, ова не е тоа! Се служат со сите (не)дозволени средства, затоа внимавајте! „Бојкотирам“ е легален и легитимен, ненасилен облик на граѓански отпор и затоа треба да се чува подалеку од Тројански коњи со руски знамиња, со качулки, со запаллива реторика и омраза кон Другиот. Тоа не сме ние! Ние со нечинење ќе го постигнеме она што го заговараме“, напиша Ванковска на социјалните мрежи.Според социјалните мрежи, настанот е организиран од „Млади за Македонија“, кои и досега протестираа низ повеќе градови. Тие велат дека се студенти кои нема да дозволат менување на името, идентитетот и јазикот.„Државата останува на младите и токму затоа ние сме тие кои треба да одлучуваат за иднината на Македонија. Затоа токму ние ќе ја поведиме битката за одбара на нашите човекови права, за нашето достоинство и нашата чест. Во име на нашите основни човекови права и достоинство, ние студентите ве повикуваме сите вас да се придружите на огромениот сенароден собир за бојкот на референдумот за наше преименување во Северна. Огромениот сенароден и непартиски протест кој ќе се оддржи на 27ми септември во 19:00 часот пред Собранието во Скопје“, пишува на објавите на социјалните мрежи.

Скопје | пред 7 години

7 год.

Нема фотографија

Крвав инцидент во Скопје: Пукале во момче додека возело автомобил

Ноќеска во Градската општа болница „Свети Наум Охридски“ во Скопје било донесено 22-годишно момче од с. Љуботен, Скопско, со повредa од огнено оружје.„Додека Ј.Б. со возило „мерцедес“ се движел по улицата Алија Авдовиќ, од страна на непознати лица било пукано кон возилото, при што тој добил прострелна рана во пределот на градниот кош“, соопшти МВР.Повредениот со друго возило бил пренесен во Градската општа болница „Свети Наум Охридски“, а потоа во комплексот клиники „Мајка Тереза“. Се преземаат мерки за целосно расчистување на случајот.

Скопје | пред 7 години

7 год.

42528638_2159192220965800_8350112581788106752_n

Скопјанка претепана од свршеникот

Со тешки телесни повреди вчера во Градската општа болница „Свети Наум Охридски“ била донесена скопјанката С.П., која била физички нападната од својот свршеник С.Ф., соопшти МВР.„Истиот ден, околу 11 часот, С.П. отишла во домот на својот свршеник по што настанала расправија и тој физички ја нападнал. Околу 18.40 часот таа со такси-возило заминала во Градската општа болница ‘Свети Наум Охридски’, каде што од страна на лекар ѝ била констатирана тешка телесна повреда и била задржана на понатамошно лекување“, се наведува во соопштението на МВР.Се преземаaт мерки за целосно расчистување на случајот.

Скопје | пред 7 години

7 год.

42489749_936693473203550_6309795025022615552_n

Ветерот искорна бандери во Скопје

Скопскиот регион во текот на денешниот ден беше зафатен од силен ветер кој достигнуваше брзина и до 95 километри на час и истиот предизвика штети. Ветрот откорна бандера со кабли за електрично напојување во Лисиче. Очевидците велат дека за среќа, во тој момент, немало минувачи ниту автомобили.Бандерата не паднала целосно поради затегнатите жици, но жителите велат дека можело да биде трагично, бидејќи улицата била фреквентна.Попладнево, ветерот со голема брзина допридонесе и за енормно загадување на Скопје, на што реагираат жителите.

Скопје | пред 7 години

7 год.

Ако граѓаните бојкотираат, Собранието ќе одлучи за промена на името, најави Димитров

Ако мнозинството граѓани на референдумот се изјаснат за договорот со Грција и влез во ЕУ и НАТО а притоа го нема потебниот цензус тоа ќе биде земено предвид и процедурата ќе се врати во законодавниот дом.Доколку пак има само еден глас повеќе кој е против референдумското прашање тогаш процедурата завршува. Ова се пораките кои ги испрати од прес-конференцијата министрерот за надворешни работи Димитров на која јавно пред медиумите ги објаснуваше членовите од договорот за кои се крена фама во јавноста.Димитров порача дека со седење дома не се донесува одлука и дека одлучуваат само оние кои ќе излезат да гласаат.„Ние ќе се поклониме и ќе кажеме 'Оваа работа не поминува'. Само тие што гласаат може да влијаат на таа одлука. Ако мнозинството каже, дури и да нема цензус, тоа ќе биде земено в предвид, но ситуацијата ќе се врати во Собранието“, изјави Димитров. 

Македонија | пред 7 години

7 год.

Нема фотографија

Крави се шетаат по автопатот Пријателство

На стариот автопат, со ново име, освен автомобили, има и крави. На потегот од првата патарина во правец Скопје до Интернационалниот аеродром-Скопје денес крава пасеше на третата лента. Со ова, се отвора прсшањето дали е безбеден сообраќајот на автопатот “Пријателство”.Исто така, возачите се жалат на крпениот пат и многуте дупки. Тие прашуваат дали кога веќе плаќаат патарини, надлежните ќе го санираат асфалтот на автопатот.

Македонија | пред 7 години

7 год.

Нема фотографија

Автобусите на ЈСП палат само на туркање

Старите автобуси на ЈСП кои возат низ Скопје, се почесто со технички проблеми. Претпријатието поради недоволен број на возила ги пушта старите автобуси да превезуваат граѓани. Пред еден месец од сообраќај беа исклучени десетина автобуси од страна на МВР бидејќи биле технички неисправни.Од ЈСП тврдат дека автобусите се безбедни за превоз на патници. Но, според фотографијата, тие не можат ниту да тргнат, па патници морале да помогнат за да стартува автобусот.Техничкиот директор, Васил Толевски, вели дека поплаките од граѓаните се за удобноста на новите автобуси кои се набавени пред пред 8 години.Васил Толевски вели дека во моментов ЈСП прави напор за набавка на автобуси кои ќе возат со природен гас. Во тој момент од функција ќе бидат исфрлени старите автобуси, а очекувањата се дека тоа ќе се случи идното лето.

Скопје | пред 7 години

7 год.

Џеј Ло падна среде концерт

Џенифер Лопез минатиот викенд одржа концерт во Лас Вегас и освен на нејзините песни и танцување, обожавателите ќе се сеќаваат на овој настап поради уште една работа.Имено, додека ја изведуваше песната Dance Again, пејачката одеше по работ на сцената подавајќи им ги рацете на одушевените обожаватели, но во еден момент таа очигледно се наведна премногу и ја изгуби рамнотежата и падна на задникот. И тоа една минута пред да ја изведе песната On The Floor.Иако пејачката побргу стана отколку што падна, камерите успеаја да снимаат сè, па Џеј Ло набргу стана заразен хит.Пејачката се чини веднаш заборави на незгодата и по настапот продолжи да се дружи зад сцената со Џесика Алба, Софија Вергара, Дуо Липа и многубројни познати личности.

Магазин | пред 7 години

7 год.

Драма во кафана во скопско

На 24.09.2018 година во 00,40 часот во Секторот за внатрешни работи Скопје било пријавено дека во скопското село Кучково во угостителски објект дошло до нарушување на јавниот ред и мир помеѓу повеќе лица.Имено, на една од масите во објектот лицата кои седеле, започнале да кршат чаши и шишиња и на вработените им кажале дека ќе ја подмират штетата што ќе ја направеле. На тоа реагирал сопственикот А.Т.(25) од Скопје кој им кажал дека работното време завршува за 20 минути и дека треба да ја подмират сметката и да го напуштат објектот.Тогаш лицата започнале најпрво со чаши и пепелници да фрлаат кон А.Т. а потоа и физички го нападнале.Потоа дошле В.М.(21), М.К.(20), П.М.(29) и В.А.(26) сите од Скопје, но веднаш лицата започнале и кон нив да фрлаат шишиња и други предмети, а потоа и физички ги нападнале, по што го напуштиле местото на настанот. Нападнатите со возило на Итна медицинска помош биле пренесени во Градската општа болница “8-ми Септември“ за укажување на лекарска помош.По преземени мерки и активности, околу 02,15 часот пронајдени и приведени во Полициската станица Ѓорче Петров биле лицата: М.М.(26) од с.Кисела Јабука, Д.Б.(22) од с.Волково, И.Ј.(41), С.К.(30) М.З.(34) и Н.С.(20) сите од с.Кисела Јабука. По целосното расчистување и документирање на случајот ќе следат соодветни поднесоци.

Скопје | пред 7 години

7 год.

Нема фотографија

Оркански удари на ветрот во Сплит корнат дрва

Изненадувачки силна бура дува денеска на широкотo подрачје на Сплит, каде орканските удари на ветрот достигнуваат брзина од 122 километри на час. Во Подвелебитскиот канал брзината на ветровите е 150 километри на час, соопшти хидрометеоролошката станица Марјан.Бурата крши гранки и корне од корен цели стебла.Урнати стебла има во Каштел Сучурац, на Марај, а поради бурата откорнат е кров на автобуска станица.Поради орканските удари на ветрот и грмотевиците проблеми има и во воздушниот сообраќај.

Свет | пред 7 години

7 год.

Нема фотографија

Почнува постапката за изградба на тунелите под Кале

Градоначалникот на Скопје Петре Шилегов на денешната прес-конференција со видеопрезентација го најави почетокот на постапката за проектирање на капиталниот градежен зафат „Тунелите под Кале".Целта на Град Скопје со овој проект е да го поврзе булеварот „Св. Климент Охридски“ со Пластичарска улица во Чаир. Булеварот ќе биде издигнат на височина од шест до девет метри. Потоа, од зградата на Владата сообраќајот ќе се одвива по нов мост преку реката Вардар кој ќе биде долг 173 метри, а широк 20 метри и ќе има четири сообраќајни ленти. Мостот ќе продолжува како вијадукт долг 262 метри се до влезот во тунелот под Калето, рече Шилегов.Нагласи дека Скопје првпат ќе добие тунел долг 250 метри, а широк 20 метри. Од тунелот сообраќајот ќе продолжи на кружен тек издигнат пет метри над Пластичарската улица.Со овој проект Град Скопје го оформува вториот сообраќаен прстен во метрополата. Тоа ќе овозможи брз влез и излез на возилата од центарот и од северната страна на градот. Рутата ќе ја користат и автобусите на јавниот превоз.„Со подземни тунели под Кале и нов мост преку Вардар ги спојуваме двете страни на Скопје. Голем дел од планираните транзитни и градски магистрали во градот не се реализирани, што претставува сериозна тешкотија за нормално одвивање на сообраќајот. Продолжувањето на булеварот „Св. Климент Охридски“, со мост над реката Вардар, со тунел под Скопското кале и поврзување со булеварот „Никола Карев“ (Пластичарска улица) ќе ја зголеми мобилноста и протокот на возила и ќе има позитивни еколошки ефекти од намалената емисија на гасови и бучава“, рече Шилегов.Според одредени анализи, секојдневно на мостот „Гоце Делчев“ транзитираат од 80 до 90 илјади возила. Со ова решение ќе се растовари сообраќајот во западниот дел од градското подрачје. Оската југ-запад ќе стане пофункционална, а се очекува голем дел од возилата кои транзитираат кон северните делови на градот да се движат по новоизградената сообраќајница.Шилегов објасни дека постои можност за изведба на сообраќајницата во фази. Прва фаза - булевар „Св. Климент Охридски“ од пред крстосницата со булеварот „Илинден“ со изградба на мост и вијадукт до тунелот, втора фаза - тунелот како посебен и трета фаза - булеварот „Св. Климент Охридски“ и крстосницата со булеварот „Никола Карев“.„Со проектот „Тунели под Кале“ ставаме крај на сообраќајниот метеж во централното градско подрачје. Го растоваруваме сообраќајот на Бит-Пазар, Цветан Димов и на мостот „Гоце Делчев“. До саканата дестинација ќе се пристигнува за најмалку пет до 20 минути побрзо за разлика од сега. Тоа придонесува за заштеда на време и на гориво, а намалениот обем на сообраќај значи и почист воздух во Скопје“, нагласи градоначалникот Шилегов.

Скопје | пред 7 години

7 год.

Нема фотографија

Ветерот го загади воздухот во Центар

Загадувањето на воздухот значително се искачи по ветерот што го зафати Скопје. Највпечатлива промена во воздухот има во центарот на Скопје.Овие податоци се според апликацијата МојВоздух.мкВетер со брзина над 95 километри на час го зафати скопскиот, но и источниот дел од земјава.Од УХМР информираат дека силен ветер од северен правец ќе дува до крајот на денот. На моменти ќе надмине и над 95 километри на час.Ветерот ќе продолжи да дува и во текот на утрешнит ден, но со посмален интензитет.Врнежи од дожд, како што информираат од УХМР, нема да има.

Скопје | пред 7 години

7 год.

Партијата на Лилјана Поповска бара сопствениците на миленици да плаќаат надоместок

Според ДОМ, проблемот со бездомните кучиња во Скопје не може да го реши само градската управа.„По јавно искажаните заложби на градоначалникот на Скопје, Петре Шилегов, за решавање на проблемите со бездомните кучиња, ДОМ му дава поддршка со неколку конкретни сугестии. Тие се базираат на консултации со стручни лица и претставници од граѓански асоцијации за заштита на животни, посебно со „Анима мунди“, со кои имаме соработувано и на законската регулатива.Прво, ова не е проблем само на Скопје и не може да го реши сама градската управа. Бездомните кучиња може да се решат само со интерсекторска соработка на Град Скопје, ЈП „Комунална хигиена“, ЗЕЛС, Агенцијата за храна и ветеринарство, Ветеринарната комора, Кинолошкиот сојуз и организациите за заштита на животните. Сите заедно, треба да изградат одржлива политика за справување со бездомните кучиња“, велат од партијата.Според ДОМ, Законот за благосостојба на животните не се спроведува во целост, а некои одредби треба да се преиспитаат низ јавна расправа и можеби да се променат.„Мора да дојдеме до одговорно сопствеништво на миленици, со ограничување на неконтролираното размножување и со следење на патот на новородените единки. Ако се знае дека една единка двапати годишно може да продуцира 6-10 кученца, не треба да чуди огромната бројка од 6 до 8.000 бездомни кучиња само на скопските улици. Не постои стационар што може да ги згрижи. Се разбира, во секој момент ја имаме на ум обврската за хуман третман и стерилизација. Трето, оние сопственици што сакаат да имаат домашно милениче и да го размножуваат, треба да се регистрираат како одгледувачи, со плаќање соодветен надоместок. Со оглед на веќе драматичните димензии на проблемот, треба да се размисли можеби и за привремен мораториум за купување кучиња и понуда на оние што немаат дом“, предлага ДОМ.Според партијата, моделот што ќе се избере треба да добие соодветна ставка и во државниот буџет и во локалните буџети. „Сè на сè, ќе бидат потребни најмалку пет години за да се реши овој проблем, но треба да се почне веднаш. Постојат многу успешни модели во Германија, Данска, Шведска, Словенија и во други земји, кои може да послужат како патоказ“, велат од ДОМ.

Македонија | пред 7 години

7 год.

Нема фотографија

Криминалот во Куманово зголемен за 20 проценти?

На денешната седница на Советот на Општина Куманово како прва точка се разгледа извештајот за работата на полициската станица во надлежност на Куманово. Во овој извештај видовме фрапантен податок дека во последните 6 месеци криминалитетот во општина Куманово е зголемен дури 20 отсто. Оваа особеност се однесува на делот економски криминал, каде што зголемувањето е 170 отсто, и на делот недозволена трговија, каде што зголемувањето е 75 отсто, изјави Драган Петковски од ВМРО-ДПМНЕ.„Затоа, како советничка група на коалицијата ‘За подобра Македонија’ го повикуваме ресорниот министер да обрне малку повеќе внимание за својот роден град и да си ја врши својата работа како што треба за неговите сограѓани да бидат задоволни од работата на полициската станица, а со тоа сигурноста на граѓаните во Куманово ќе се зголеми бидејќи моментно не е баш така“ додаде тој.

Македонија | пред 7 години

7 год.

Нема фотографија

Јанакиески: Нашите како војска уште од сабајле гласаат

Во повеќе од 70 „бомби“ на поранешни функционери на ВМРО-ДПМНЕ се слушнаа раговори за активностите за кампањата за изборите од 2012 година кои ги превземала тогашната партија на власт, а се со цел, како што се слушна, да добијат убедлива победа на изборите.Во еден од разговорите се слуша како Јанакиески говори за носење на автобуси од Италија полни со луѓе за кои калкулираа дека може да донесат околу 300 гласачи во шест автобуси. Јанакиески на соговорник кого го ословува со „куме“ му рече дека на денот на изборите „нивните“ гласаат како војска уште од сабајле.Во една од „бомбите“ поранешниот министер за транспорт и врски Миле Јанакиески со соговорник договара поставување на билборди во Кавадарци и Прилеп, додека во друга, пак поранешната министерка за внатрешни работи Гордана Јанкулоска прашува кога Коце Трајановски ќе го пушти патот во населбата Камник за да биде погоден тајмингот. Таа прашува соговорник како стојат во Куманово, а тој и вели дека таму е многу тешко. Јанкулоска во разговорот констатира дека со нивните е потешко да се соработува отколку со другите. Поранешната прва полицајка на соговорникот му бара список со фирми кои, како што рече, се запоседнати од Бајруш.Поранешниот министер за финансии Зоран Ставрески и Миле Јанакиески на денот на изборите бараат помош од еден соговорник да им заврши работа во ромското маало во Струмица додека друг, пак, му се жали на Миле дека му дошла финансиска полиција. Јанакиески дава насока да се јават кај Сеат Кочан да му даде неколку фактури за да ја средат работата со финансиите.

Македонија | пред 7 години

7 год.

Нема фотографија

Мажите завршуваат на Токсикологија бидејќи чистеле по дома

Секој ден по едно лице завршува на токсикологија поради мешање на солна киселина и варикина додека чистеле по дома. Од клиниката алармираат дека бројот на пациенти кои што вдишиле отровни гасови последната година драстично е зголемен.Речиси стана секојдневие, нема дежурство а да не дојдат 1-2 домакинки или домакини како резултат на вдишување на пареа од корозивни средства. Најчесто во домакинството се користат солна киселина и варикина и нашите домаќинки мислат дека ќе постигнат поголем ефект ако ги помешаат овие 2 супстанци. За жал при ова се формира хемиска реакција, при што се ослободуваат страшно иритативни дури и отровни гасови кои предизвикуваат проблеми, изјави д-р Нико Беќаровски, директор на Клиниката за токсикологија.Вдишувањето на опасната хемиска реакција според токсиколозите предизвикува компликации на целиот респираторен систем, а посебно на белите дробови. Ако порано помош од лекарите поради нарушено здравје од корозивните средства за чистење барале само жени, сега тоа го прават и се повеќе мажи.Возраста е различна и во последните години нема само жени како што беше порано карактеристично, се повеќе и мажи завршуваат после чистење на санитарии, итн.додаде д-р Беќаровски.Годишно на токсикологија завршуваат и стотина пациенти кои со намера да се отрујат испиле солна киселина или друго средство за чистење.

Македонија | пред 7 години