БИТОЛА

Кривична пријава против четири лица за тешка кражба, нанеле штета од над 10 милиони денари на ЈП за железничка инфрастрактура

СВР Битола до Основното јавно обвинителство Битола поднесе кривична пријава против М.М.(39) од Ресен и И.Б.(19) од Ресен поради постоење основи на сомнение за сторени две кривични дела „тешка кражба“ и против Д.Н.(29) од Битола и М.Џ.(27) од Охрид поради постоење основи на сомнение дека сториле кривично дело „прикривање“.Прво и второпријавениот, во периодот од 01.02.2025 до 23.04.2025 во два наврати извршиле „тешка кражба“, при што на делница од Битола до село Кременица одзеле поголема количина на акумулатори, сопственост на Јавно претпријатие за железничка инфраструктура – Железници на Северна Македонија. Додека, трето и четвртопријавениот за одредена сума ги откупиле предметите и покрај тоа што знаеле дека потекнуваат од кривично дело и не го пријавиле во МВР.На тој начин пријавените предизвикале материјална штета во висина од 10.606.746 денари. На прво и второпријавениот од страна на судија на претходна постапка одредена им е мерка притвор во траење од 30 дена.

Македонија | пред 7 месеци

Обвинителството бара притвор за дилерот од Битола

Основното јавно обвинителство Битола донесе Наредба за спроведување истражна постапка против едно лице за продолжено кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 во врска со член 45 од Кривичниот законик.-Осомничениот од октомври 2024 се до почетокот на овој месец, неовластено продавал наркотична дрога на повеќе лица-сведоци. На 4 август полицијата извршила претрес во неговиот дом и други простории. Во мопедот паркиран пред домот и во објект во непосредна близина кој не се користи полициските службеници пронашле вкупно 16,21 грама марихуана и 10,44 грама амфетамин. Дрогата била спакувана во повеќе помали пакувања наменети за натамошна продажба и скриена во различни предмети. Јавниот обвинител, оценувајќи дека се исполнети законските основи, до судијата на претходна постапка достави предлог за определување мерка притвор за осомничениот, се наведува во сооштението.

Македонија | пред 7 месеци

(Видео) Битола под ритамот на Армин ван Бурен: „Sеmpre msuic“ ја загреа сцената на „Битола Опен Ер“

Битола синоќа живееше музичка еуфорија каква што одамна не се памети. Под ѕвездите, во рамките на фестивалот „Битола Опен Ер“, на сцената настапи еден од најголемите диџеи на светската електронска сцена – Армин ван Бурен. Атмосферата беше токму онаква каква што ѝ прилега на една таква музичка легенда – експлозивна, хипнотична и незаборавна.Пред светската ѕвезда да го преземе пулсот на градот, на сцената се качија момците Sempre Music – кои со својот сет маестрално ја отворија вечерта. Со динамична комбинација од мелодичен техно и длабоки грувови, Sempre Music успеаја да ја раздвижат публиката уште од првата минута, поставувајќи го темелот за ноќ исполнета со ритам и енергија. Нивниот настап беше пречекан со ентузијазам, а нивната музика – со аплауз и скандирања.Битола полека, но сигурно, станува нова точка на мапата на големите фестивали. Настапот на Армин ван Бурен тоа само го потврди.

Магазин | пред 7 месеци

Битолчанецот Дарко Талевски 20 часа и 11 минути пиеше едно кафе и победи на првиот „Филџан маратон“

По неверојатни 20 часа и 11 минути поминати на маса со полн филџан во рака, Дарко Талевски од Битола ја испи последната голтка и влезе во историјата како победник на првиот Филџан Маратон во светот!Со истенчена концентрација, цврста волја и љубов кон кафето, Дарко докажа дека не е важно само да пиеш кафе – туку и како и колку долго можеш да го правиш тоа.Огромна благодарност до сите учесници и до вас што не следевте и навивавте, се вели на Фејсбук профилот на Бабам Битола.

Македонија | пред 7 месеци

Студенти заглавени во Велес – патничкиот воз не продолжил поради чекање друга композиција

Група студенти синоќа останале заглавени на железничката станица во Велес, откако патничкиот воз кој тргнал од Скопје кон Битола во 20:05 часот, застанал во Велес околу 21:50 часот и не го продолжил патувањето.Патниците се нашле во незгодна ситуација и неизвесност, бидејќи било потребно да се префрлат од една композиција на друга која доаѓала од спротивен правец.Како што сведочат некои од присутните во возот, не била дадена навремена најава ниту разјаснување за причината поради која доцни продолжувањето на патувањето.фото: Unsplash

Македонија | пред 8 месеци

Обид за убиство во Битола, поведена истрага: Напаѓачот е приведен

Основното јавно обвинителство Битола донесе Наредба за спроведување истражна постапка против едно лице, осомничено за кривично дело – Убиство од член 123 став 1 во врска со член 19 (во обид) од Кривичниот законик.Настанот се случил на 10 јули во објектот „Новиот пазар“ во Битола, каде 42-годишен битолчанец се обидел да лиши од живот едно лице, напаѓајќи го со кујнски нож од зад грб додека оштетениот редел роба на тезгата.-Му пришол од зад грб додека оштетениот редел роба на тезгата и го нападнал со кујнски нож, при што му задал два удари и убодни рани во грбот и слабината. Двајца сведоци го совладале, па осомничениот се дал во бегство. Бидејќи постојат и особени околности кои го оправдуваат стравот дека осомничениот, доколку биде оставен на слобода, ќе ја попречува кривичната постапка со влијание врз сведоците, како и дека би можел да го доврши обиденото кривично дело, јавниот обвинител предложи да му биде определена мерка притвор, се наведува во соопштението на ОЈО Битола.

Македонија | пред 8 месеци

Запалена сува трева во кругот на битолската болница предизвика пожар, навремено е локализиран

Министерството за здравство информира дека синоќа избил пожар во кругот на Клиничката болница „Др. Трифун Пановски“ во Битола, како резултат на палење сува трева.Според соопштението, веднаш по појавата на огнот биле известени Центарот за управување со кризи и Територијалната противпожарна единица, по што екипите интервенирале навремено и успеале брзо да го локализираат пожарот.„Болницата ги презеде сите потребни мерки за следење на состојбата и заштита. Нема никакви оштетувања на болничките објекти, ниту беше загрозена безбедноста на пациентите и персоналот. Работата во установата се одвива непречено. Интервенцијата беше брза и успешно завршена, без потреба од евакуација или дополнителни мерки“, стои во известувањето од Министерството.Од таму додаваат дека состојбата во сите јавни здравствени установи се следи постојано.

Македонија | пред 8 месеци

Пукање врз полиција во Битола – едно лице рането и хоспитализирано под надзор

Дежурен јавен обвинител од Основното јавно обвинителство Битола врши увид на локација во битолскиот регион каде, според првични информации, лице по кое трагала полицијата отворило оган врз полициски службеници. Во престрелката, еден од полицајците возвратил, при што осомничениот бил повреден, а потоа приведен и задржан на болничко лекување под надзор.Обвинителството соопшти дека се издаваат наредби и насоки за целосно расчистување на настанот.

Македонија | пред 8 месеци

Притвор за битолчанец кој нападнал лекар и полицајци во казино

Основното јавно обвинителство Битола поведе постапка против 28-годишен маж кој на 29 јуни во казино во Битола физички нападнал доктор од Итната медицинска помош, а потоа и двајца полициски службеници.Како што информира Обвинителството, лицето најпрво го нападнало докторот кој се обидувал да му укаже здравствена помош, удирајќи го со тупаница и нанесувајќи му телесна повреда. Подоцна, додека бил пренесен во Клиничката болница во Битола, продолжил да дава отпор на медицинскиот персонал, по што била повикана полиција.При интервенцијата, осомничениот ги нападнал и двајцата полицајци – ги удирал и им се заканувал.Обвинителството го гони за две кривични дела – напад врз здравствен работник при вршење дејност и напад врз службено лице при вршење работи на безбедноста. Поради опасност од бегство и можност за повторување на делото, јавниот обвинител побарал притвор за осомничениот.

Македонија | пред 8 месеци

Токсична прашина во Битола, Обвинителството отвори предмет, инспекторатот констатирал недостатоци кај РЕК

Поради сомневање дека во Битола се шири токсична прашина од РЕК Битола, тамошното Обвинителство оформи предмет за да се утврди одговорност. Инспекторатот за животна средина направил вонредна контрола и утврдил повеќе недостатоци. Според неофицијални информации, токсичната  прашина се добива при производството на струја, која треба да се одлага во касети и да се затрупува со земја. Но, посебно при ветровито време, таа се разнесува низ воздухот, а оваа појава е видлива и од Битола.„ОЈО Битола издаде наредба до СВР Битола за увид на лице место и утврдување факти за евентуално постоење на кривично дело кое се гони по службена должност. Државниот инспекторат за заштита на животната средина изврши вонреден инспекциски надзор, при што веќе беа утврдени определени недостатоци во однос на мерките за спречување и намалување на емисијата на прашина на одлагалиштето за пепел“, соопштија од ОЈО Битола.На прашањето на Телма пред еден месец на што се должи големиот облак прашина, од РЕК Битола одговорија дека се почитувале сите протоколи при одлагањето на пепелта. Сега, пак, потврдуваат дека при увидот Инспекторатот утврдил неправилности.

Македонија | пред 11 месец

(Видео) Застрашувашки: Во Битола фатени на лице место две лица кои договриле средба со малолетнички

Застрашувачко видео од лице на возраст од 49-години, кое признава дека договорило средба преку „Фејсбук“ со девојче кое му кажало дека е 14 години, е објавено од неформалната организација „Пантер“. Во видеото, организацијата го обвинува дека е педофил. Тој сам кажува дека е женет човек, кој има и внуци.„Се каам што се допишувам со малолетнички, ова не ми требаше, ова е најголемата глупост што сум ја направил“, јас сум најголемото ѓубре, вели тој, кој негира дека е педофил, ама признава дека пишувал со девојче кое му рекло дека е 14-годишно дете.И друго лице договорило средба со 14-годишно дете. Тој пак тврди дека требало да пијат кафе со малолетничката.

Македонија | пред 1 година

Нема фотографија

Коњановски: Битола во моментов е едно големо градилиште, заедно со локалната самоуправа насочени сме кон завршување на проектите во градот

Годинава го изгласавме досега историски најголемиот буџет од 2 милијарди 760 милиони денари вкупниот буџет или оперативниот дел е 1 милијарда 330 милиони, истакна градоначалникот на Општина Битола Тони Коњановски во вечерашното гостување во централниот Дневник на ТВ Сител во „Тема на денот“.Коњановски укажа дека потребна им е дополнителна инјекција од страна на централната власт.„Потребна е дополнителна инјекција, макар да општина Битола со средствата кои сама ги собираше работеше и дотогаш функционално, ова значи многу посебно во инфраструктурата да се направи нешто позначајно имајќи го во предвид дека најголемиот дел од овие средства ќе се искористат во делот на инфраструктурата. Добивме пари за 16 проекти со кои аплициравме, тие поминуваат низ министерствата и владина проверка. Најголем дел од нив 13 се за инфраструктура, патишта и улици. 2 проекти се во делот на спортот, реконструкција и обнова на боксерска сала во Битола и јужната трибина на стадионот Петар Милошевски што би се дооформила таа целина. Имаме и реконструкција, изведба на фасада на училиштето Стив Наумов во Битола“, вели Коњановски.Коњановски потенцираше дека заедно со локалната самоуправа се насочени кон завршување на проектите во Битола.„Јас и локалната самоуправа насочени сме кон завршување на тие проекти. Битола е едно големо градилиште во моментов и јас се заблагодарувам и на граѓаните зошто им направивме мали непријатности затоа што улиците се во фаза на реконструкција, некој работи гледаме да ги завршиме пред нова година. Топлификацијата е во завршна фаза, прв пат Битола после 7 години застој се надевам дека тој проект ќе заживее“, заклучи Коњановски.

Македонија | пред 1 година

Претрес во Битола: пронајдена дрога, уапсен 49-годишен маж

На 26.10.2024 полициски службеници од СВР Битола го лишиле од слобода Д.Р.(49) од Битола, затоа што при претрес во неговиот дом и помошни простории, извршен со судска наредба, биле пронајдени марихуана и прашкаста материја.Д.Р. бил задржан во полициска станица и по документирање на случајот ќе следува соодветен поднесок.

Македонија | пред 1 година

Искра од апарат за заварување го предизвикала пожарот во трговскиот центар „Блис“ во Битола

Искра од апарат за заварување го предизвикала пожарот во трговскиот центар „Блис“ во Битола, чие отворање е закажано за 5 август.Пожарот избувна вчера попладне, го зафати североисточниот дел од објектот, а противпожарната единица од Битола веднаш интервенирала.Пожарот бил пријавен вчера околу 18 часот, и за нешто повеќе од 1 еден час бил ставен под контрола.„Нема жртви, ниту повредени. Единствено, според првичниот увид, причинета е материјална штета која го опфаќа фасадниот панел на источната страна, кој благодарение на фактот што е со PIR исполна (огноотпорен) во комбинација со PIR (огноотпорни) кровни панели и дополнителна внатрешна изолација со камена волна и огноотпорни ѕидови од гипсени табли, се спречи проширување во внатрешноста на објектот и на околните фасади од објектот“, се вели во соопштението.

Македонија | пред 1 година

(Видео) Македонија плачеше, снимка со загинатата Мартина која ја испрати најсилната порака

Ден пред да ја испрати на вечното почивалиште, на „Инстаграм“ се огласи вереникот на Мартина Наумовска, 29-годишната битолчанка која загина во сообраќајната несреќа што се случи во близината на Солун. Тој сподели снимка на која тој свири на гитара и двајцата ја интерпретираат баладата „Расцветај“, големиот макфестовски хит на Ѓоко Танески.Денес не можеш да ме сопреш… Овој ангел не беше тивок, видео кое не ми дозволуваше да го објавам, сега има смисла, видео кое стои година и пол во драфт спремно да го објавам, сега има смисла зошто не сакаше, видео кое трае повеќе од 40 минути, друго немам, и секоја песна што е одбрана има смисла, но не ви го давам цело, не сакаше внимание, го добивме наметнато и трагично, затоа го објавувам, цел свет знае за тебе душо, а не знае ништо, покрај душата не беше свесна што поседува, и двајцата пеевме, но таа беше посебна, тивкиот ангел имаше неверојатен ангелски глас кој само јас го слушав, природна музичка интелегенција, едвај чекав да запееме и скришно снимав, се договоривме дека еден ден ќе пееме јавно, ја чувавме среќата само за нас, но сега гледам што значело ова видео, јас во црна маичка, а таа само сенка на нашиот магичен прозорец кој ја имаше Битола на дланка, беше толку добро да е вистинито, ја чувавме среќата само дома, не ја експониравме, но сепак џабе, сите знаеја што имаме и ни завидуваа, еве сега ситете се сите душегрижници. Ристе го нема скриениот дијамант кој го брусеше со години, и бев најголемата поддршка и гориво во животот, ја охрабрував да си ги цени вредностите, беше многу храбра и се трудеше но секогаш велеше: “нема назад за вас, ѓаволот ве има земено длабоко под контрола”, за жал во право беше. Научете ја лекцијата од чупето, барем малку некогаш сетете се да помогните некому без интерес, не судете, почитувајте се, радувајте се на малите работи, бидете смирени, со молк како ангел ни држеше лекции и се разочаруваше, скромен ангелу не сме достојни да зборуваме за тебе, сите сме грешници, секогаш ни велеше: “блазеси ви на паметот што го имате, камо јас да можев така”……….имам многу да кажувам за тебе но толку е доволно. Цветај расцветај, љубов мила, таму горе…“, напиша вереникот Ристе.Тој се обрати и после погребот.„Пред се да се заблагодарам на огромниот број луѓе кои дојдоа денес да дадат сочуство до нашата Мартина и нашите семејства, бескрајно благодарен... Се потрудив на крајот да одржам говор кој ја носеше оваа порака на Кристијан, порака кој секој треба да ја прочита, трогнат од нашиот настан, Кристијан и другите јавни личности а и медиуми можеби премногу чекаат вакви трагични настани за да се потсетиме на она старото, она бесплатното, она што со пари не се купува, тоа е толку едноставно а толку комплицирано денес, сите грешиме но мораме подобро, знам дека сето ова е свако чудо за три дана, но потрудете се да се сетите некогаш на овие зборови. Се од ова што е набројано е БЕСПЛАТНО. Мартина, не грижи се, твојата тивка мисија, ќе се потрудам јас да ја пренесам малку погласно“, додаде Илијовски.

Коментари | пред 1 година

Се трага по Стефан од Битола: се води за исчезнат, пријавено е како е облечен

Исчезнато е лицето Стефан Ангеловски од населбата Горно Оризари во Битола, објавено е на социјалните мрежи.Како што е наведено во објавата која масовно се споделува, младото момче е високо 190 сантиметри, има тежина од околу 90 килограми.„Стефан е облечен во црна маица, бермуди и бели патики. За било каква информација јавете се на 192“, се вели во објавата.

Македонија | пред 1 година

Алармантно во битолскиот затвор: „Заштитени осуденици се чуваат тука, место нема, 26 вработени се справуваме со 100 осудени лица“

Алармантна е состојбата во затворот во Битола, алармира Независниот синдикат на затворската полиција и администрација-Битола. Тие посочуваат дека затворот е пренатрупан, директорот за извршување санкции Јовица Стојановиќ им носи уште затвореници, а тие се само 26 вработени кои треба да се справат со 100 осуденици и 18 притвореници.„После настаните во Казнено поправните домови проблемот се пресели и во затвор Битола. ДВАЕСЕТ И ШЕСТ ВРАБОТЕНИ ВО ЗАТВОРСКА ПОЛИЦИЈА неможат да се справат со пренатрупаноста од осудени лица во затворот.Како што знаете КПУ Затвор Битола е затвор од полуотворен тип во кој што престојуваат 100тина лица (иако капацитетот е за 60) и има притворско одделение во кое моментално има 18 лица. И покрај ваквата пренатрупаност и неможноста за прием на лица за издржување казна затвор, Управата за извршување на санкции и Директорот Јовица Стојановиќ од нему познати причини пред 2 месеци издаде решенија за преместување на лица кои се од Скопско Апелационо подрајче и на кои што местото не им е во затвор Битола, а кои се заштитени од моменталната гарнитура на власт во државата.Како ние 26 луѓе да се справиме со 100 осудени лица и 18 притворени меѓу кои се и овие лица кои ги премести Директорот Јовица Стојановиќ наводно на неколку денови а ги остави 2 месеци и сега несака да слушне да ги врати во Скопје во затворите каде што и треба да ја издржуваат казната.Ние како вработени во Кпу Затвор Битола се обративме писмено преку Независен Синдикат на затворска полиција и администрација до Директорот на Управата и Министерот за Правда за проблемот меѓутоа не наидовме на разбирање.После ваквиот игнорантски однос на Директорот на УИС и Министерот за Правда одлучивме да ја известиме јавноста за проблемот и дека ги разгледуваме законските можности за стапување во генерален штрајк се до моментот на решавање на проблемот“, велат од Независен синдикат на затворска полиција и администрација Битола

Македонија | пред 1 година

Запален битолскиот затвор, повреден е затвореник

Пожар избил во битолскиот затвор во текот на вчерашниот ден, а осуденик бил повреден. „Скопје1“ проба да стапи во контакт со тамошниот директор, Драган Крајовски, но тој не одговори на нашите повици.Според информации од полицијата, осуденикот кој е повреден има 33 години и е од Бтиола. Засега не се знае како избил пожарот.Интервенирала и противпожарната бригада, а пожарот е изгаснат. Увид извршила и увидна екипа.

Македонија | пред 2 години

Почина ќерката на ексградоначалникот и актер, Владимир Талевски

Марија Талеска-Мургоска, ќерка на ексградоначалникот на Битола и актер, Владимир Талевски, почина на 39-годишна возраст. Лошата вест, доаѓа во моменти кога нејзиниот татко издржува затворска казна за случајот „Транспортер“ во прилепскиот затвор. Марија е една од двете ќерки на Талевски. Причината за смртта, според првичните информации, е срцев удар.Талевски денеска ќе биде пуштен од затворот за да присуствува на погребот. Марија Талеска-Мурговска е сопруга и мајка.Нејзините пријатели и сограѓани се опростуваат од неа и на социјалните мрежи.

Македонија | пред 2 години

„Ваквите сомнителни случаи не трпат годишни одмори, ќе разбери целиот свет, дури и до Стразбур ќе стигнам, вели родилката од Битола

Во Институтот за Судска медицина конечно стигнати се наодите од обдукцијата за починатото новороденче, кое пред безмалку четири месеци почина во битолската Клиничка болница, само по два часа од породувањето. Меѓутоа, резултатите од вештачењето, најрано можат да се очекуваат дури во септември, зашто во тек биле годишните одмори.Родилката Викторија Крстевска, денеска повторно објави статус на Фејсбук."Би требало до септември да го завршиме вештачењето“...Би требало и моето бебе да е живо сега и да бидам најсреќната мајка. Но, за жал.. Не е така.Најранетата птица сум во моментов. Мајка.. но моето дете е на небото.Ви треба време се разбира, додека се годишни одмори да се фатат пријатели.. некоја врска, партија, тато, мама..вујче владика. 💰💸💵💲Ова го нема никаде!Ваквите СОМНИТЕЛНИ СЛУЧАИ, не трпат годишни одмори! Не трпат месеци! Ама во нашето продадено државиче, се трпи. Не знам кај ќе ви оди душата.. без трошка осет.И што..?Само ви ветувам дека овој случај нема да го заташкате како што си знаете.Министерство за здравство / Ministria e ShëndetësisëЈзу Клиничка Болница БитолаНе бил Таче, Маче, Грујо...Ќе разбери целиот свет.Па дури и до Стразбур ќе стигнам!Ама нема да ве оставам!До последен здив“, вели Крстевска.

Коментари | пред 2 години

Според ДСЗИ нема пропусти ниту за мртвото новороденче во Битола

Државниот санитарен и здравствен инспекторат не констатирале пропусти ниту во случајот со мртвороденото бебе при вонредниот надзор во Битолската Клиничка болница. Претходното, родилката Викторија Крстевска и натаму вели дека нема да се откаже од намерата да ја истера правдата до крај.Од инспекторатот за Сител потврдија дека во рамките на нивните надлежности медицинскиот кадар постапил како што треба со 21 годишната родилка која била породена со мртов плод во 36-тата недела.Сепак, ниту инспекторатот, министерството за здравство не го објавува извештајот, тврди телевизијата. Од ДСЗИ велат дека го доставиле до кабинетот на министерот зошто тие го инцирале надзорот и тие требало да ја информираат јавноста, а од таму пак го велат тека тоа треба да го стори инспекторатот.Државниот санитарен и здравствен инспекторат при вонреден инспекциски надзор во ЈЗУ Клиничка болница „Д-р Трифун Пановски“ Битола – одделение за педијатрија не пронајде грешка ниту во врска со лекувањето и третманот на починатото 6-годишно девојче Јана Христовска од село Кравари-Битола.

Македонија | пред 2 години

Детали за пожарот во битолскиот затвор: Откако не успеале да го изгаснат со ПП апарати, биле евакуирани 18 притворени лица

Управата за извршување на санкциите Ве информира дека на ден 11.07.2023 година во период околу 19 часот и 20 минути во КПУ Затвор Битола избил пожар во притворското одделение. Службените лица од КПУ Затвор Битола најпрво со ПП апарати пробале самите да го изгасат пожарот, но бидејќи не успеале веднаш почнале со евакуација на 18 притворени лица кон шеталиштето за притворени и повикале надворешно обезбедување-СВР Битола, пожарна и брза помош. Пожарот бил за кратко време локализиран.Дел од вработените лица биле упатени на превентивни прегледи во Клиничката болница во Битола, при што за среќа нема повредени притворени и вработени лица од Установата.Сите притворени лица согласно наредбите на надлежните судови биле преместени во други притворски одделенија во КПУ Затвор Скопје и во КПУ Затвор Охрид, со полициска асистенција.Надлежните истражни органи дополнително ќе ги утврдуваат можните причинители за пожарот.

Македонија | пред 2 години

Mомче се удави во базенот во Битола

Момче на 22-годишна возраст од Шпанија вчера се удави на отворениот Олимписки базен во Битола, пренесе ТВ Телма.Несреќата се случила околу 17 часот, а безуспешни биле обидите на лекарите од Итната помош за негова реанимација, по што е констатирана смрт кај младиот шпански државјанин кој престојувал во Битола.На местото на несреќата излегла полиција, а по наредба на јавен обвинител телото било предадено на обдукција, од која се очекува да бидат прецизирани причините и околностите за овој трагичен настан.

Македонија | пред 2 години

Поднесено обвинение против битолчанец кој бил овластено лице на бугарското здружение за ширење омраза и дискриминација

Основното јавно обвинителство Битола поднесе обвинителен предлог против 45-годишен битолчанец, овластено лице на Здружението „Културен центар Иван Михајлов“, кој се товари за продолжено кривично дело – Предизвикување омраза, раздор или нетрпеливост врз национална, расна, верска и друга дискриминаторна основа и за продолжено кривично дело – Ширење расистички и ксенофобичен материјал по пат на компјутерски систем.-Обвинетиот како овластено лице на Здружението „Културен центар Иван Михајлов“, со намера да ги повреди чувствата на припадниците на еврејската заедница, го сместил просторот кој го користело здружението токму во т.н. Еврејско Маало во Битола, односно на истата улица во која се наоѓа и објектот познат како „Пионерски дом“, во кој пред Втората светска војна било сместено Здружението на Млади Евреи „Хашомер Хацеир“. Овој простор бил свечено отворен за користење за членовите на Здружението „Културен центар Иван Михајлов“ на 16 април 2022 година – ден Шабат и прв ден Песах – еден од најголемите еврејски празници, соопшти државното Јавно обвинителство.Со цел промоција на животот, идеологијата, рехабилитирање и осветлување на ликот и делото на Иван Михајлов, што е декларирана цел во Статутот на Здружението, обвинетиот дозволил на влезот во просториите да биде поставена табла со цитат од Иван Ванчо Михајлов со кој се негира посебноста на македонската нација.-Како администратор на фејсбук-страницата на Здружението, обвинетиот континуирано објавувал постови со кои се негира посебноста на македонскиот народ и јазик и историската улога на борците од Народно-ослободителната антифашистичка војна 1941-1945 во создавањето на независната македонска држава. Со објавите се промовирале контроверзни ставови на Иван Михајлов и се поттикнувала омраза и дискриминација спрема наследниците, почитувачите и продолжувачите на делата на Сојузот на борците, како и спрема македонскиот народ и македонскиот јазик, информира ЈОРСМ. ​Обвинетиот 45-годишен битолчанец ги сторил кривичните дела во периодот од 16 април 2022 година до 22 март 2023 година, „свесен декa на дискриминаторен начин ќе разгори омраза и нетрпеливост врз основа на етничка припадност, јазик, религија и општествен статус спрема македонскиот народ и спрема припадниците на еврејската заедница во земјава“.

Македонија | пред 2 години

Родилката од Битола се уште не ја добила отпусната листа

Викторија Крстеска, родилката чие бебе почина на гинеколошкото одделение во Битолската клиничка болница се жали дека и по речиси две недели се уште ја нема добиено отпусната листа. Тоа според неа фрла дополнителна сенка врз нејзиниот случај и дава сомнеж дека нешто се крие, пишува Телма.Таа повторно се обрати преку статус на ФБ во кој прашува зошто се дозволува и по 12 дена откако е дома се уште да не е испишана, односно нема отпусно писмо, иако како што вели тоа треба да биде направено веднаш откако го напуштила објектот.Рскажува дека вчера била да го побара документот на гинеколошкото одделение но одговор зошто се уште го нема не добила.Вели дека се сомнева и во обдукцискиот наод кој според неа може да биде наместен, а додава и дека не очекува брзо да го добие иако било наложено тој да биде изработен во најбрз можен рок.Крстеска и претходно се огласи по трагичниот настан. Најави дека нема да отстапи од барањето правда, но и дека дел по дел ќе обелодени сѐ.

Македонија | пред 2 години