БОКИ13

Боки 13 испадна помаж од многумина кои му избегаа на затворот, вели Божиновски

Со нов извештај од лекарски преглед, правниот тим на Бојан Јовановски-Боки 13 тврди дека алармантно му е влошена здравствената состојба на осудениот. Тие преку соопштение за јавноста прашуваат и на кого му одговара влошеното здравје да резултира со смртни последици. Потенцираат дека Јовановски-Боки 13 не е третиран според насоките на докторите во затворот „Идризово“. Според правниот тим, предлогот е Јовановски-Боки 13 да биде опериран и да му се извади желудникот. Извештајот на Јовановски од направена гастроскопија е од државната Клиника „Мајка Тереза“.Во врска со оваа тема на социјалните мрежи се огласи Божидар Божиовски кој вели дека доколку неговиот живот е во ризик, мора да се реагира.„Според адвокатите на Боки 13 тој е во животнозагрозувачка состојба и му е потребна итна операција. Може за боки да имате какво и да сакате мислење, сепак, ако му е животот во ризик мора да се реагира.Затворите служат за ресоцијализација на затворениците не за нивно убивање. Не само тој туку и сите затвореници кои живеат во тие нехумани услови.И на крај тој испадна помаж од многумина кои му избегаа на затворот. Кукаа, бегаа, бараа финти да не легнат. Некои се демек хуманитарци, други аналитичари, трети во влада“, вели Божиновски.

Коментари | пред 3 години

Поради линчот и тортурата, здравјето на Боки 13 му е во алармантна состојба, а живот загрозен, кому му одговара да умре?, прашува правниот тим

Со нов извештај од лекарски преглед, правниот тим на Бојан Јовановски-Боки 13 тврди дека алармантно му е влошена здравствената состојба на осудениот. Тие преку соопштение за јавноста прашуваат и на кого му одговара влошеното здравје да резултира со смртни последици. Потенцираат дека Јовановски-Боки 13 не е третиран според насоките на докторите во затворот „Идризово“. Според правниот тим, предлогот е Јовановски-Боки 13 да биде опериран и да му се извади желудникот. Извештајот на Јовановски од направена гастроскопија е од државната Клиника „Мајка Тереза“.„На осудениот Бојан Јовановски со прекар Боки 13, му беше напревена горнодигестивна ендоскопија, гастроскопија , при која инвестигација, со предлог за оперативен третман тотална гастректомија со езофаго-јејуно анастомоза, односно целосно отстранување на витален орган желудник, бидејќи врз пациентот терапевтскиот третман не е спроведуван, ниту реализиран, односно со ова медицинско иследување и наод се потврдува фактот дека осудениот Бојан Јовановски нема услови и можност да се лекува и да се третира во пенални затворски услови. Наодот од извршената гастроскопија е рефериран и одобрен од стручниот колегиум на Клиниката УК за ГЕХ Скопје. Животот на осудениот Бојан Јовановски е ставен во ризик, бидејќи извесно е во секој момент да настане компликација која ќе биде фатална по неговиот живот, па наместо законита постапка имаме состојба на хазардерско постапување од страна на надлежните органи, а како влог е ставен животот на осудениот Бојан Јовановски!“, велат од правниот тим.Тие потсетуваат дека Кривичен суд четири месеци нема правосилна одлука за прекинот на издржување на казната поради влошеното здравје.„Постапка по својот карактер е итна, а истовремено судот не презема никакви дејствија и не одлучува по жалбената постапка ниту во разумен рок, иако до судот навремено се доставени сите овие медицински докази и од страна на одбраната се преземени сите расположливи средства предвидени со закон, но за жал, негативната тенденција и тортура кон осудениот Боја Јовановски е поголема од сите реални факти и законски основи за уважување на барањето за прекин на издржување на казна затвор. Воедно ја информираме јавноста дека на ден 01.02.2023 година поднесено е барање за прекин и до директорот на Управата за извршување на санкциите, кој е суверен во својата одлука и не е врзан со одлуката на судот, но и од овој орган нема сѐ уште одлука!“, додаваат од правниот тим.Потсетуваат дека состојбата на Јовановски за која тврдат дека е од животно-загрозувачки карактер е потврдена со безброј медицински докази.„Ја информираме општата и стручната јавност дека оваа агонија и тиранија кон осудениот Бојан Јовановски трае повеќе од седум месеци и дека во текот на двете последователни постапки за прекин кон судот и кон двете постапки за прекин кон Управата за извршување на санкциите, од страна на одбраната се поднесени безброј писмени поднесоци, темелени врз основа на цврсти медицински докази кои укажуваат на сериозноста и животно-загрозувачкиот карактер на болеста на осудениот Бојан Јовановски, кој е дефинитивно предмет на нечовечно однесување, истиот се третира како експериментален предмет, а не како човек, врз осудениот Бојан Јовановски веќе несомнено се спроведува тортура од највисок степен и му се нарушуваат сите загарантирани човекови права согласно Устав и согласно Европската конвенција за заштита на човекови права“, додаваат тие.Според нив, ваквото третирање на затвореникот е изживување врз него.„Вакво институционално постапување и директно изживување од позиција на моќ е незапаметено во поновата историја, дотолку повеќе што однапред предупредувавме во барањата за прекин дека доколку осудениот Бојан Јовановски не се лекува и третира согласно специјалистичките извештаи и конзилијарните мислења на десетици специјалисти и суб-специјалисти, ќе дојде до оваа крајна и непосакувана последица, а тоа е операција со висок ризик на смртност и настанување на траен инвалидитет кај Бојан Јовановски. После сето ова веруваме, но не сме убедени, дека за Бојан Јовановски еднакво важи загарантираното Уставно начело на неповредливост на физичкиот и психичкиот интегритет, како и за сите други граѓани во Р.С.Македонија“, се вели во соопштението.Тие и јавно упатија прашања.„Оттука, јавно прашуваме на кого му одговара да настанат смртоносни последици по животот на осудениот Бојан Јовановски? Дали системот свесно, организирано и координирано, секојдневно и стихијно го убива Бојан Јовановски? Кој ќе понесе одговорност за веќе настанатите последици по здравјето и животот на Бојан Јовановски? Осудениот Бојан Јовановски беше осуден и пред да биде осуден со пресуда на сомнително правен начин, но тоа е тема за друго идно време, а на оваа тортура мора да се стави крај! Знаеме и свесни сме од каде доаѓаат наредбите за ова изживување кон Бојан Јовановски, но по словото на законот и легалитетот ќе се бориме со сите законски средства до крајна линија на секој расположлив начин со наредбодавачите и извршителите на оваа системска тортура и линч!“, се додава во соопштението.Правниот тим на Бојан Јовановски-Боки 13 велат дека нема да се откаже од намерата правдата да излезе на виделина.„Порачуваме дека не се откажуваме од намерата за правдата да добие светлост на денот и дека не се плашиме од директните и индиректните закани, од причини што бранејќи ги правата на осудениот Бојан Јовановски, ја браниме законитоста, а преку тоа ја браниме и правната стабилност која е сериозно разнишана преку вакви негативни примери. И секако важно за напомена е дека барањето за прекин на издржување казна затвор претставува институт од времен карактер, а не ослободување од изречената санкција!“, се вели во соопштението од правниот тим.

Македонија | пред 3 години

Коментар на денот: Државата, системот, моќници или кои и да е се решени да го убијат Боки 13

Божидар Божиновски на социјалните мрежи објави статус во кој вели дека државата, системот или моќниците се решени да го убијат Боки 13.„Државата, системот, моќници или кои и да е се решени да го убијат Боки 13. Пак ќе речам, какво и да имате мислење за него - направил криминал и лежи за истиот.За разлика од некои шо глумат хуманитарци или политичари за доброто на народот со поголеми гревови од него се на слобода и добиваат поддршка од разна цревна флора. Затворениците, а со тоа и Боки имаат право на лекување и терапија (која не му било дозволено да ја прима), затворот не треба да е смртна казна туку место за ресоцијализација после која осудениците ќе можат да се вратат во општеството“, вели Божиновски.Пред само неколку дена Бојан Јовановски итно беше задржан на болничко лекување. Состојбата на Боки 13 се влошила поради тоа што затвореникот во „Идризово“ не добивал терапија и третман за лекување.

Коментари | пред 3 години

Која е докторката која не му дава терапија на Боки 13, со што му го загрозува животот

Јулијана Ангелова е домскиот доктор кој и покрај јавните алармирања од страна на адвокатот Владимир Туфегџиќ, го остави Бојан Јовановски-Боки 13 без медицинска терапија, пишува „А1он“. Никој од здравствените власти, не го контактирале адвокатот, откако тој обзнани дека Боки 13 не добива терапија, ниту е однесен на болнички контроли.„А1он“ се обиде да добие одговори од доктор Ангелова, која не ординирала соодветни медикаменти согласно отпусното писмо од болницата каде се лекуваше Боки 13, но таа молчи на прашања дали чувствува одговорност за нејзините постапки и дали ќе гледа вина кај неа ако затвореникот дополнително има влошена здравствена состојба.Адвокатот на Боки 13 кажа дека на овој начин, на неговиот штитеник му е дополнително загрозено здравјето.Повеќе

Македонија | пред 3 години

Боки 13 пред операција која може да заврши со смртни последици

Низа испитувања му се прават на Бојан Јовановски-Боки 13, по кои треба да се одлучи дали ќе му се отстрани желудникот, операција за која има висок ризик од смртност.Двајца хирурзи ја разгледуваат секоја можност за да му се подобри здравствената состојба, откако тој беше хоспитализиран во болница. Докторот Божин Ефтимов за „А1он“ посочува дека прават обиди за да се подобри здравјето на Јовановски без операција, но испитувањата ќе го дадат конечниот одговор.„Доколку не дојде до подобрување на здравствената состојба пациентот ќе мора да биде опериран. Се прават дополнителни медицински иследувања по кои ќе донесеме одлука“, вели хирургот Ефтимов за „А1он“.Бојан Јовановски е хоспитализиран веќе една недела.Повеќе

Македонија | пред 3 години

Прва победа на Боки 13 и Катица Јанева пред судот

Судијата Андреј Димовски реши дека бизнисменот Јордан Камчев не може да добие назад 1,5 милиони евра од Катица Јанева, Бојан Јовановски-Боки 13, Јавното обвинителство и СЈО. Според него, Камчев немал својство на оштетен за да ги добие овие пари, туку е само сведок. Но посочи и дека не може да се бараат пари дадени за коруптивно влијание.„При одлучувањето, дилемата пред која беше исправен судот беше дали може да се пружи судска заштита на оној кој се повикува на сопствениот дигнитет. Со други зборови, дали може да се заштити тужителот кој знаел дека презема дејствие кое е недопустливо од аспект на законските норми. За оваа дилема, судот го примени начелото ‘никому не може да се дозволи сопствените недопустливи постапки да чини основ за судска заштита’. Кога некој ќе преземе обврска врз основа на договор кој е спротивен на првните прописи, таа обврска не е правно важечка. И тоа, обврската постои како натурална облигација, но странката не може да го бара назад она што го дала врз основа на натурална облигација. Странката која дејствувала несовесно, односно знаела дека чини нешто што е недопустливо, не може да го бара назад она што го примила странката која дејствувала исто така несовесно.“, објасни судијата Димовски, пренесува „А1он“.Ова е прва победа на Боки 13 и Катица Јанева во судот, откако претходно беа осудени на високи затворски казни за „Рекет“.

Македонија | пред 3 години

Затворот „Идризово“ се огласи за претепувањето на Боки 13, новиот директор само што дојде започна со нетранспаретност

Ниту за здравствената состојба на Бојан Јовановски-Боки 13, ниту дали е претепан во затворот во Идризово, не открива новиот директор и Управата. „Скопје1“ испрати прашања, но наместо одговори доби само насоки. Иако безбедносната проценка ја прави самиот затвор, а праксата е самиот затвор да дава одговори на новинарски прашања, овојпат не е така. Останува не одговорено дали и од кого е претепан Боки 13.На прашањата каква е здравствената состојба на Боки 13, дали бил нападнат, но и дали е правилно проценета безбедносната состојба, дали е заштитен и во какво одделение се чува, од затворот испратија одговор во кој не одговараат ништо: „За бараните информации обратете се до Управата за извршување на санкции“.Ваквата нетранспарентност на затворот доаѓа откако пред помалку од две недели со него почна да раководи нов директор, Шпенд Тахири. Тој е кадар на Алтернатива. Веднаш по неоговото доаѓање започнаа и ваквите потреси со тепачки, со оглед дека Боки 13 помина пет години во затворот, а освен поплаки за здравјето кое му е сериозно влошено, немаше загрозена безбедност. Засега непознато е ниту како се чува Боки 13, дали е одделен од другите, како што беше безбедносната проценка до сега.„Скопје1“ ги препрати прашањата до Управата, по насока на затворот „Идризово“. Но одговори, досега, нема.

Македонија | пред 3 години

Боки 13 дециден: Жив сум и простување нема!

Без влакна на јазикот, Бојан Јовановски-Боки 13 преку администраторот на неговите профили, им порача на неговите некогашни лажни пријатели дека кармата е кучка. Не дефинираше кон кого конкретно е упатена пораката, но е дециден дека станува збор за сите кои му правеле лице додека тој беше модна икона и во регионални рамки.„Кога бев добро, сите тие многу ме "сакаа" и "почитуваа"... во контекст на тоа имам едно прашање: Можете ли да ми кажете на кој ден се слави Светата лага? Затоа што морам да испратам честитки до неколку луѓе... Единствениот порок што не може да се прости е лицемерието. Покајанието на лицемер е само лицемерие, па затоа простување нема! А, да и уште една работа, жив сум, менталната хигиена ми е на добро ниво, фала му на Бога, се држам бидејки несомнено знам дека животот е тркало и дека кармата е озбилна кучка“, вели Боки 13.

Коментари | пред 3 години

Боки 13 по одлуката на Врховен: Откажување нема, вистината ќе биде светлост на денот

Откако Врховен суд одлучи да не го врати предметот „Рекет“ на повторно судење, а со тоа ги потврди казните за Катица Јанева и Бојан Јовановски-Боки 13, имаше реакција и од осудениот. Тој испрати до судиите кои одлучувале.„Одлуката на Врховниот суд е врховен срам !!! Ова е политичка одлука, без примена на право, но откажување нема !!!Правдата ќе ја барам пред меѓународниот суд за човекови права во Стразбур и на крајот вистината ќе добие светлост на денот, а до тогаш радувајте се а потоа сите ќе одговарате за целото злосторничко здружување и нанесено зло !!!“, стои во објавата на Боки 13, на профилот на „Фејсбук“ со кој управува администратор.Во „Рекет“ Јовановски е осуден за делата примање награда за противзаконито влијание и за перење пари, а Јанева за злоупотреба на службената положба и овластување.

Македонија | пред 3 години

Боки 13 гневен по спогодбата на Камчев за „Империја“: Се потврди зошто сме осудени со Катица, нека каже Русковска каде е „Луј витон“ чантата!

Бојан Јовановски-Боки 13 излезе со јавна реакција откако Обвинителството обзнани дека бизнисменот Орце Камчев се спогодил за случајот со „Империја“. Тој вели дека токму поради спогодба која никогаш не се случила за истиот случај, тој и Катица Јанева се осудени за „Рекет“.„Браво, алал вера!!! Е тоа е кога ти е жирант Вилма Русковска!!! Од денеска е се јасно како бел ден!!! ВНИМАНИЕ : Токму за спогодба која никогаш не се случила се до денеска и олеснување на позицијата на Камчев како обвинет во Империја која никогаш не била олеснета се до денеска, ние сме осудени за случајот Рекет!!! Оваа веќе верифицирана спогодба аминувана од Русковска, Јовевски, Стефанова и Основниот кривичен суд, е доказ за пазарењето на Камчев за спас од сите негови криминали. Денеска се потврди зошто е направен и конструиран предметот Рекет и зошто сме ние осудени!!! Камчев како првоосомничен во Империја се теретеше за кривичните дела Злосторничко здружување, Оштетување или повластување на доверители, Злоупотреба на службената положба и овластување, Измама и Перење пари и други приноси од казниво дело.За оштета на државата од мулти-милионска вредност, каде запретената казна затвор е до 20 години, а доби 1 година затвор (као демек, бидејќи после ќе добие амнестија и нема да лежи ни еден ден) и решил "бизнисменот" во договор со жирантот Русковска да врати само еден мал дел од украдените пари во износ од 5 милиони, а јас без НИЕДНО ЕВРО ОШТЕТА КОН ДРЖАВАТА И БЕЗ НИЕДЕН ДОКАЗ ЗА БИЛО КАКВО СТОРЕНО КРИВИЧНО ДЕЛО, осуден сум на 18 години затвор!!! БРАВО МАЈСТОРИ НА "ПРАВДАТА", АЛАЛ ВЕРА!!! И СЕГА НА КРАЈ, ЕВЕ ЈАС ЈА ПРАШУВАМ РУСКОВСКА, КАДЕ Е ФАМОЗНАТА ЛУЈ ВИТОН ЧАНТА ??? И уште еден предлог да влеземе во домовите на Русковска, Стефанова и Јовевски може ќе најдеме некоја гарнитура, нова и модерна ! После оваа бесконечна брука, бескомпромисно барам ново фер судење за (денеска докажано) конструираниот предмет Рекет До конечна правда !!! Рекет е паднат !!!“, напиша Јовановски.

Коментари | пред 3 години

„Верата е во срцето и душата, а не во устата и на истетовираното тело“, Боки 13 удри јако за Велигден

„Секоја минута помината со саканите и блиските е поважна од било што друго. Секој ден треба да го живееме со добра мисла. Во ова време-невреме вистински ни е потребно покајанието и сплотеноста, бидејќи навистина е лицемерно и нехристијански само на празник навидум сите да се сакаме и почитуваме, а веќе од утре да шириме омраза, да бидеме од туѓи потуѓи, поделени, скарани, обесправени...“, напиша Бојан Јовановски-Боки13.Тој додава:„За мене верата и вербата се многу интимна и лична работа. Моето искуство ми говори дека ништо лошо не сум доживеал од оние кои не се фалеле и покажувале дека се големи верници, напротив зло ми нанеле оние кои се колнеле во Господ, а лажеле, и оние кои на своите тела го тетовирале светиот лик на Богородица и други светци... е од такви да се пазите, тие се Јуда и Пилат на нашето време!!!Верата е во срцето и душата, а не во устата и на истетовираното тело!!! Камо среќа сите да бевме толку големи верници и вистински христијани, колку што сме верници и христијани позади тастатура!И камо среќа честитките од високите државни функционери да се вистински, а не паушално напишани од некој службеник од нивните кабинети. Денеска честитки а утре предавства во секоја смисла ( чест на ретките политичари кои тоа го прават со искрени и чесни намери )Ме одушеви обраќањето на Г.Г Стефан, нека е здрав и жив ! Велигден е победа на доброто над злото, па во тоа име почитувани, нека е за многу години Христовото воскресение! Честит Велигден, Христос воскресе. Ова се фотографии од минатата година додека бев во домашен притвор, вистинската среќа е во малите нешта, пронајдете ја каде и да сте... Содржината е авторски текст на Бојан Јовановски, објавено од администратор на профилот“.

Коментари | пред 3 години

(ФОТО) Боки 13 се отвори пред јавноста: Овие слики се товар на судијките, Русковска, докторите, кој ќе го носат цел живот

Бојан Јовановски-Боки 13 објави фотографии од првото рочиште за случајот „Рекет“. Тој вели: „Овие слики ќе одбележат еден период од мојот живот за кој ќе зборувам описно и детално кога ќе дојде време. Многумина се радуваа кога ме видоа во оваква состојба, ликуваа, се потсмеваа, ме понижуваа, едноставно овие слики беа кулминација на малодушноста и злобата на поединците кој со сета сласт ги шеруваа и публикуваа овие слики со најгрозни коментари“.Тој додава дека фотографиите се грозни, па објаснува: „Но единствено би сакал да знаете дека еден ден пред да почне судењето кај омилените и инструирани судии Васка Николовска-Масевска и Софче Гаврилова-Ефремова и пред овие слики бев буквално исфрлен, како куче скитник, од болницата 8-ми септември, со недовршена инфузија и канила на раката, по налог на директорот на болницата (другар на Заев), под наредба и закана директно од Русковска, наредба да бидам испуштен од болница во катастрофална здравствена состојба на судиите и чинителите од власта ( кој мислат дека се богови на земјата ). Токму оние судии кој по секоја цена мораа да ја извршат зададената задача, кршејќи ги сите законски норми и да ме осудат по секоја цена!!!“.„Овие слики не се мој срам, овие слики се срам и товар кој погоре опишаните ќе си го носат додека се живи!!! Нека трепкаат овие слики и нека бидат синоним и приказ што значи вистинска тортура во 21 век!!! Денеска е Велики петок, најтажниот ден во христијанскиот свет, денот кога Исус бил мачен, камшикуван, осуден на смрт и распнат, последните негови зборови биле : "Господе, опрости им, оти не знаат што прават", а јас како скромен верник и христијанин ќе кажам, Господе, само твојот суд е вистински и суди им по твоја воља. Содржината е авторски текст на Бојан Јовановски, објавено од администратор на профилот“, пишува на профилот на Фејсбук.

Коментари | пред 3 години

Боки 13 по пресудата за „Плацови на Водно“: Дајте мене осудете ме на уште една казна затвор за сите криминали на Камчев за да го спасиме

И Бојан Јовановски-Боки 13 ја искоментира пресудата за „Плацови на Водно“, каде меѓу другите, беше обвинет и првостепено осуден, Јордан Орце Камчев, кој пак, беше поднесител на пријава за „Рекет“. Боки 13 се смее и вели: „Денешната пресуда, да не беше судска трагедија, навистина ќе беше прав театар комедија!!!“.Бит пазар е комшиски поврзан со Основен суд Скопје 1 и Обвинетелството на Русковска, но не само комшиски, туку и суштински, бидејки вакво апла пазарење, нема ни на Бит пазар, во смисла на изречените смешни казни од по 1-на година и условни казни... ( тоа е, кога ти е Русковска жирант и кога од нејзе чекаш гаранции, си добиваш 1 година која никогаш нема да ја лежиш )„Бит пазар е комшиски поврзан со Основен кривичен суд Скопје 1 и Обвинетелството на Русковска, но не само комшиски, туку и суштински, бидејки вакво апла пазарење, нема ни на Бит пазар, во смисла на изречените смешни казни од по 1-на година и условни казни... (тоа е, кога ти е Русковска жирант и кога од нејзе чекаш гаранции, си добиваш 1 година која никогаш нема да ја лежиш). Пазарџиите од Бит пазар со своте пиперки и патлиџани имаат повеќе чесност и интегритет од вашите дипломи и судски одлуки! Битно мене лупни ме 9 години, па пак лупни ме 9 години без ниеден доказ, на рекла-кажала со милион повреди на постапките и судот го обели лицето на правдата со мене ( жално и трагично )... а, бе како не ви е срам до толку да се брукате не ми е јасно???Ееее, да ви предложам нешто, поради тоа што многу сакате мене да ме обвинувате и судите без докази и да ми изрекувате казни надвор од здрав разум, од ракав и омраза, дајте мене осудете ме на уште една казна затвор за сите криминали на Камчев во случајот Империја, за да го спасиме Камчев, греота е, па нели тоа е крајната цел на сите организирани структури на целиов циркуз ( случај Рекет за спас на Камчев ), мене осудете ме и за Империја, барем поштедете не од оваа брука и мизерија која ја вреѓа интелегенцијата на секој од нас...Оној судијана претпоставувам дека фатил ларингит, поради предолгото читање на се она што сториле обвинетите, објаснувајќи ја таа финансиска шизофренија на Камчев, за на крајот, демек да ги казни... единствено на крајот фалеше да им се извини, заблагодари за вниманието и да им даде црвено велигденско јајце. Велат дека судијава бил дете на Кацарска, примен како судија додека таа била претседател... јасно како бел ден!!! За многу години Велики Четврток на сите верници, на крајот Господ ги суди сите овоземски неправди како оваа денешнава! Содржината е авторски текст на Бојан Јовановски, објавено од администратор на профилот“, напиша Јовановски-Боки 13

Коментари | пред 3 години

„Ќе си речеш: Русиве и Украинците го претераа... Ама па, Камчев да си ги бара парите назад...“, реакции по судењето со Боки 13 и Јанева

По рочиштето на кое Бојан Јовановски-Боки 13 и Катица Јанева како тужени, а Јордан Орце Камчев како тужител, сведочеа за 1.5 милиони евра за кои бизнисменот тврди дека ги дал, јавноста исто така излезе со низа коментари.https://twitter.com/IdamNaMore/status/1515064620146438148https://twitter.com/karambabaramba/status/1515001429043421199https://twitter.com/QbraveheartQ/status/1514978184143454211https://twitter.com/IdamNaMore/status/1515068697064488965https://twitter.com/beba19581/status/1514949259040284676Бојан Јовановски-Боки 13 остана на тврдењето дека не зел пари од Орце Камчев во износ од 1.5 милиони евра, кои сега бизнисменот ги бара да му се вратат. Тужениот Јовановски-Боки 13 имаше низа квалификации за бизнисменот, раскажуваше за неговото минато, а исказот кој Камчев го дал пред судиите го оцени како лажен и конструиран додавајќи: „Ние сме правосилно осудени и издржуваме казна додека криминалците шетаат слободно на улица“.„Точно е дека Камчев подмитува за да се спаси. Но не го подмитил Бојан Јовановски, за да изврши влијание врз тужената Катица Јанева. Јордан Камчев навистина имал контакт со највисоките функционери во државава, па во таа смисла, одговорно тврдам дека не сум му олеснил никаква позиција, ниту сум влијаел да му се олесни било што и еднаш засекогаш да се знае. Човекот кој му ветуваше на Камчев и влијаеше со уцени и закани да му биде вратен пасошот, поради нивни криминални интереси, со сторена шпионажа во државата е Зоран Заев. Не беше пуштен само Камчев туку сите од ‘Империја’ поради тоа гласање (за промена на Уставот)“, рече Јовановски на судењето.Зоран Милески-Кичеец, за Јовановски-Боки 13 е торбоносец, токму поради тоа што од домот на Камчев ја изнел торбата „Луј витон“.„Торбоносецот Зоран Милески-Кичеец, не случајот е повлечена тужбата за него, па во таа смисла Камчев нека си ги бара парите онаму каде се договарал и нешто добил. И нека ги бара таму каде некој му дал гаранција, тоа е Русковска, поради нивниот блиски однос. Ова за што сум тужен, целосно го негирам особено поради недореченостите во правосилната пресуда“, кажа Јовановси-Боки13.Јовановски-Боки 13 тврди дека не броел пари во домот на Камчев, ниту бил присутен кога се броеле пари. Тој додаде: „Да имало такво нешто Камчев немало да одолее да ме сними“. Потоа, продолжи со сведоштво дека Камчев заедно со ексминистерот за здравство Венко Филипче и Милески-Кичеец преговарале за како што вели, бизнисменот да ја земе со јавно-приватно партнерство болницата „8 септември“.„Сакаа да ја земат 8 септември, тука беше Венко Филипче, Камчев, Кичеец па преговараа за јавно приватно партнерство, па му оставија на господинот време да направи потребни студии, па Венко да направи некакви пропозиции за документација. Камчев му ветуваше милионски износи на Венко за 8 септември. Имаше две средби, на едната средба беше Зоран Заев на мобилен телефон. Одговорно тврдам дека се лажни исказите на тројцата актери во оваа приказна за тие 500 илјади евра затоа што има и три противречни искази. Во нивното вештачење стои дека не се знае ниту дали се дадени парите. Зоран Милески Кичеец кажа дека ми дал 250 со 250 илјади евра, Јордан Камчев кажа дека неговата сопруга ми дала 500 илјади евра. Кажуваат различни места и временски периоди. И, за сега да чуеме дека тие 350 илјади евра ми биле дадени во канцеларија во ‘1ТВ’. Вака не се утврдува материјална вистина, бидејќи кога лажат треба да се договорат како ќе лажат, бидејќи вака забораваат што лажат“, посочи Јовановски-Боки 13.Пред судот, раскажуваше и како според него течеле средбите со бизнисменот Камчев.„Јас во 2016 година стапив во контакт со неговата сопруга која бев опериран во клиниката ‘Систина’. За операцијата уредно ги подмирив трошоците. Потоа не сум имал никаков контакт со Јордан Камчев. Бев повикан од Зоран Милески-Кичеец да се сретнам во ресторанот ‘Сушико’ со него и тужителот, на негово барање и инстирање, за што постои материјален доказ, бидејќи ме снимале цело време, каде јас му кажувам на Милески-Кичеец: ‘Со таква гнида каква што е Камчев не сакам да се среќавам’. Ова е токму поради мислењето кое претходно го опишав. Улогата на Милески-Кичеец е повеќе од јасна, поради тоа што, истиот беше оперативецот на Јордан Камчев, па по негово инсистирање, бидејќи јас со Милески-Кичеец имав поблиска релација, се сретнавме во ‘Сушико’, разговаравме за рекламирање во телевизијата, ме испрашуваше перфидно, од околу, дали имам некои сознанија за негов прогон, но за обвинителот Наум Паноски, а не Катица Јанева, бидејќи се водеше предистрага за фиктивни фактури кои ги испраќале до Фондот за здравство. Таква предистрага се водеше против него, а ја водеше Наум Паноски. Во тој момент Камчев ми кажа дека преку бугарски пријатели блиски до Зоран Заев, а се мисли на Бојко Борисов и негов советник, дека Камчев ќе си ги среди сите работи и тоа ми беше кажано со зборовите: ‘Шефе јас знам како ќе си средам. Јас сум бизнисмен, тој е оперативец, но ти си за медиуми главен’. Тогаш Камчев сакаше да ме фали. Потоа ми ја прати директорката на ‘Систина’, да преговара со мене за сумата за рекламирањето. Сумата од 160 илјади евра беше понудена од нивна страна, уште пред да ја знам Катица Јанева или Лазар Јанев да биде вработен во телевизијата. Улогата на Кичеец во целата оваа рашомонијада беше како мене да ме држи мене во кондиција. Под точно утврден ценовник и утврдени термини, по нивно барање, така што ноторна лага е дека договорот бил без ценовник и утврден систем на рекламирање“, кажа Јовановски-Боки 13.Според него, односот продолжил со ручеци и вечери.„Па заврши со злоупотреба на мојот лик и дело од страна на двајцата, но повеќе од тужителот, што значи инсистираше да се гледа со мене. Јас поседувам телефон кој не е вештачен и може да се види кој кога и кого барал. Станува збор за искажани тврдења дека му се завршени и дека има цврсто ветување од Зоран Заев и бугарските пријатели, дека за него нема да има кривичен прогон и вели: „Јас со Зоки завршив работа“. По ова излегува интервју од тужителот каде го глорифицира Зоран Заев, и зборува дека тој е најдобриот премиер кој го имала Македонија“, посочи Јовановски-Боки 13.„Во Кривичната постапка, тужителот кажа дека: ‘Мене Бојан не ми побара пари, туку дојде Зоран Милески-Кичеец и Лазар Јанев и тие ми побараа пари’. Па судот нека цени за каков профил станува збор. Измама и влијание се нема случено. Суден сум за претпоставено влијание и не сум бил надреден над тужената за да имам авторитет“.Раскажа и за односот со ексспецијалната јавна обвинителка Катица Јанева со која заедно се осудени во „Рекет“.„Мојот однос со Катица Јанева беше пријателски, септември 2018 година кога ја повикав да гостува во емисијата ‘Лица’ кај Анета Кочишки. Тогаш настана тоа фамозно селфи, каде јас велам: ‘Почнува нешто големо’. А се пишуваше дека јас сум најавувал дека ќе го апсат Камчев. Така беше презентирано. Тужената Катица Јанева гостуваше, ние останавме во пријателски односи. Таа не оддавала службени тајни, ниту постои таков доказ. Се е базирано на претпоставки и шпекулации. Кога се случи апсењето на Камчев, јас како прокурист во ‘1ТВ’ известував објективно и неселективно, иако рекламер беше ‘Систина’. Човекот кој вршеше притисок да не биде добиен ефективен притвор за Камчев беше лично Зоран Заев. Тоа го знам од непосредно признание стеканто по лично кажување на Зоран Заев во неговиот кабинет кога јас бев на средба кај него, за што постојат материјални докази во мојот телефон. Кичеец беше оперативец и на Зоран Заев. Потоа Зоран Заев ми кажа дека кога не успеал да издејствува куќен притвор за Камчев и дека обвинителката Катица Јанева му создавала големи политички проблеми. Ми беше кажано дека двајца пратеници се од Камчев обезбедени за уставните промени, односно дека нема да гласаат за промените бидејќи СЈО и отворањето на ‘Империја’ создал проблем. Ова не е гол исказ, туку постои материјален доказ кој не е изведен, каде има порака меѓу мене и Зоран Заев за лицето Катица Јанева каде што зборуваме и ми пишува порака за мекнеење (омекнување) на Јанева“, кажа Јовановски-Боки 13.Посочи дека Милески-Кичеец земал позајмица од него, за да му ги даде на Камчев.„Зоран Милески-Кичеец побара од мене заем за да му ги даде како позајмица на Камчев, кои сакаше да му ги даде него, а не сакаше да каже од кого се парите. Зоран Милески влегува кај мене во 11 часот сабајле и во Космо црна кеса, парите кои ги побара од мене ги изнесува. Со истата Космо црна кеса влегува кај Камчев околу 12-1 часот, истиот ден. Кичеец после тоа ме зема сам, па заедно одиме заедно кај Камчев. Излегува Кичеец со торбата, а што имало во неа, треба да каже тој што ја носел торбата. Јас никогаш не сум ја допрел. Потоа, истиот ден, вечерта повторно бевме кај него. Јас сум бил присутен милион пати кога Милески-Кичеец и Камчев си разменувале торби и кеси, никогаш не сум прашувал што има во нив, исто како што мене никој не ме прашува што носам јас во мојата торба“, кажа Јовановски-Боки13.

Коментари | пред 3 години

„Во петок ќе се сретнеме Катица Јанева, Камчев, Кичеец и јас“, најавува Боки 13

Бојан Јовановски-Боки 13 кој е тужен од бизнисменот Јордан Камчев за да ги врати парите за кои Кривичен суд досуди дека се земени од него, објави најава на неговиот профил на „Инстаграм“. Во неа пишува тие двајца, но и ексспецијалната обвинителка која беше осудена Катица Јанева и осудениот Зоран Милевски-Кичеец одново ќе се сретнат во судница. Овојпат, во Граѓанскиот суд.„Известување до медиумите и граѓаните. Петок, 15.04.2022, 09 часот, Граѓанскиот суд ќе има рочиште, распит на странки, за тужбеното отштетно барање на Камчев. Во судница ќе се сретнеме јас Бојан Јовановски, Катица Јанева, Зоран Милевски-Кичеец и Јордан Камчев. Мислам дека ќе биде и повеќе од важно, ќе има што да се слушне. пс. Имам некое чувство дека оној торбоносецон Кичеец нема да дојде и дека само за него Камчев ќе ја повлече тужбата, па така уште еднаш ќе се види кој е и како го монтираше Рекет. До конечна правда. Show must go on“, стои во писанието објавено од администраторот на профилите на Боки 13.

Коментари | пред 3 години

Боки 13 кажува како би се спасил: Да бев лигуш, да молчев и да се договорев ќе бев Крсто Мукоски

Бојан Јовановски познат како Боки 13, се заблагодари за поддршката која ја доби по драконската, деветгодишна казна за случајот „Меѓународен сојуз“. Тој сега има 18 години затворска казна, што ако се спореди, е најдраконската. Посочува дека можел да се спаси, ако бил, како што вели „лигуш“, но и ако молчел.Неговото писание:„Од се срце ви благодарам за секој убав збор, за искрената поддршка, за пружената рака и позитивна мисла и за вашата храброст да ми дадете поддршка... Сите вие драги, чесни и искрени луѓе сте единствената светла точка во ова време-невреме , во оваа невидена и нечуена неправда, во оваа апла селективна и корумпирана правда, во овој линч кон мене како небаре да сум масовен убица, во целата оваа колективна хистерија и мизерија насочена кон мене како поединец , ви се заблагодарувам и ви потенцирам дека сте моја мотивација во секоја смисла за мое идно делување !!!Во целото ова НЕПРАВО, има само една добра работа, што преку мојот пример со казна од 18год. е дефинитивно разголено нечистото лице на правосудните власти, бидејки од авион се гледа тенденцијата, одмаздољубието и селективноста!Па реално другари, да бев ЛИГУШ и да молчев, да не ја пишував вистината преку отворени писма, да не поднесов огромен број на кривични пријави против високи функционери (патем ни трага , ни глас од обвинетелството за поднесените пријави) да бев сервилен и да се договорев со власта на Заев и да одев по онаа одвратна линија на помал отпор и да ја прифатев нивната прљава игра , ќе пројдев полесно, ќе бев Крсто Муковски и сличните на Крсто што се на чуден начин ослободени !!! Мојата одлука од првиот ден кога ме притворија беше дека пактови нема да правам, па затоа доживеав незапаметена тортура и притисоци се со цел да ме замолчат, на секое мое споменување пред судикана на името на Заев, или други политичари, бев хистерично преќинуван и бркан од судница, па зарем тоа не кажува СЕ?!?Селективното право е НЕПРАВО!!!Најавувам дека ќе ги искористам сите расположливи правни инструменти кон повисоките судови и се надевам дека ќе дојде ден кога ќе имам можност да ја доказам својата невиност пред непристасен судија, кој ќе суди по закон, по докази, кој ќе спроведе фер постапка почитувајќи го начелото на еднаквост на орудија на страните во постапката и беспоговорно почитување на ЗКП!Ова беше судиска фикција со која требаше да се оправда смешната, селективна и криминална пресуда!!!Едно прашање за крај, што почнува на буква, на буква С ?П.с и нека не ве замајуваат само со М.Зекери“, напиша Јовановски-Боки 13 а објави неговиот администратор.

Македонија | пред 3 години

Боки 13: Џабе наместениот корумпиран судија свири пенали, кога на крајот самите нечесни противници ќе си дадат автоголови

Бојан Јовановски-Боки 13 и по новата пресуда од девет години затвор, која многумина ја нарекоа драконска казна, посочи: „Најмрачните места во пеколот се загарантирани за оние кои остануваат неутрални во кризни времиња!!!“.Тој во објавата додава:„Знаеш ли како можеш да постанеш шампион? Кога ке излезеш на терен кога е најтешко и кога на крајот после долга, мачна, кварна, нечесна и нефер игра со наместен судија на теренот ЌЕ ПОБЕДИШ !!! За таква шампионска победа соиграчи ти се времето, силата, издржливоста и трпението !!! Џабе наместениот корумпиран судија свири пенали, кога на крајот самите нечесни противници ќе си дадат автоголови, шампионот со неговите соиграчи ќе победи историски, а наместениот судија ќе си остане само со малото свирче во уста !!!А да, многумина веќе ме ребрендираа од Боки 13 во Боки 18...ако де, слободно, мајтапете се, ликувајте и радувајте се, не ми пречи, само ми е тажно кога ја гледам таа човечка злоба, не чини, не е добро, бидејки не знае никој што го чека утре... и полека не се радувајте премногу однапред, натпреварот не е завршен!!! Таков е животот, денес си горе, утре долу, важно е да останеш човек! Па затоа , од срце им благодарам на оние луѓе кои ми ја даваат нивната безрезервна поддршка, нека им се врати само со убавини и благосостојба!“.

Коментари | пред 3 години

Боки 13 драматично ја напушти судницата: Вие сте најголемата хиена и слуга на Заев

Бојан Јовановски-Боки 13 е осуден на девет години затвор. Јасна Мандиќ која беше заменик-претседателка на Меѓународен сојуз доби осудителна казна, казна од четири години. Фросина Ременски е ослободена од обвинение. Христина Блажевска доби една година затвор. Миле Јовановски е осуден на условна осуда.Бојан Јовановски за време на изрекувањето на пресудата и порача на судијката Софче Гаврилова-Ефремова дека е слуга на експремиерот Зоран Заев.Тој беше револтиран од моментот кога судијката убедуваше дека парите од околу 700 илјади евра биле законски одмрзнати и без да добие збор и кажа: „Не, ослободени беа по налог на Зоран Заев, по негова интервенција за да ги лапнат парите“.„Најголемата хиена, слуга на Зоран Заев. Оваа пресудата е доказ дека ти си слуга на Зоран Заев. Господ ќе суди, ќе казни“, рече Јовановски по што ја напушти судницата.

Македонија | пред 3 години

Осуден Боки 13 на девет години затвор, Фросина Ременски е ослободена

Бојан Јовановски-Боки 13 е осуден на девет години затвор. Јасна Мандиќ која беше заменик-претседателка на Меѓународен сојуз доби осудителна казна, казна од четири години. Фросина Ременски е ослободена од обвинение. Христина Блажевска доби една година затвор. Миле Јовановски е осуден на условна осуда.Боки 13 е првообвинет за перење пари и измама, а Ременски, Мандиќ и асистентката се обвинети за помагање во извршување на кривичното дело. Таткото на Боки 13 е обвинет за помагање при Перење пари, како и за Неовластено изработување, држење, посредување и тргување со оружје или распрскувачки материи откако во домот при претресот биле пронајдени нефункционални пиштоли за кои немал дозвола, а се останати од неговиот дедо.Судењето за овој предмет го води судијката Софче Гаврилова – Ефремова, а застапник на обвинението е обвинителката Ивана Трајчева.

Македонија | пред 3 години

Боки 13 прозборе за тортурата и мајчините солзи: Јасминке моја најмила, знаеш дека никому не сум му направил ништо лошо

Бојан Јовановски, познат како Боки 13 одново ја бранува јавноста. Пред неговата пресуда, се заблагодари на неговата мајка Јасминка, како и на најблиските пријатели кои останале до него откако беше притворен, па затворен и осуден. Боки 13 во објавата објавена од негов администратор зборува за тортура која била вршена врз него, кога не дозволувале неговата мајка да влезе во болничка соба каде се лекувал. Како што е познато, Боки 13 неколкупати завршуваше со Брза помош во болница.„Постојат ли зборови, постои ли опис, постои ли мисла, постои ли стих, постои ли песна што може нас да не опише, мене и тебе... Постои ли клетва за оние што ни го направија ова ЗЛО, постои ли утеха, постои ли начин да се избришат мајчините солзи кои се единствените искрени и многу болни, постои ли гума со која може да се избрише тортурата и сите оние моменти кога не ни дозволуваа да се видиме и да се гушнеме додека лежев во болница кога ме држеа во притвор по секоја цена, постои ли начин да ги заборавам белите листови хартија натопени со моите солзи на кои ти ги пишував моите писма од притвор бидејки тоа ни беше единствената комуникација, а кога ќе добиев повратно писмо со твојот краснопис го бакнував милион пати и со него заспивав... постои ли казна на овој свет за сите оние бездушници кои ни глумеа пријатели и роднини додека имаа само гола корист па потоа ја покажаа својата бедотија и постои ли награда и збор за благодарност за оние кои што беа покрај нас и покажаа човечност и големина, и на крајот постои ли заборав за сите злодела и неправди кои ни ги нанесоа... Постои ли поголема среќа од онаа кога ме дочека дома кога се "смилуваа" и ме пуштија во куќен притвор.... НЕ ПОСТОИ !!! ПОСТОИ САМО НАДЕЖ, ВЕРБА И ЉУБОВ Надеж дека правдата ќе дојде и дека ова се , еден ден ќе биде минато од кое сите ќе научиме по нешто и ќе бидеме уште посилни...“, напиша Јовановски.„Јасминке моја најмила, ти ме познаваш најдобро, знаеш каков сум, знаеш дека никому не сум му направил ништо лошо, исто така знаеш колку многу ме имаат повредувано, понижувано, навредувано, дискриминирано и знаеш дека сум издржувал се, а сум издржал се возможно и невозможно поради твојата љубов и поддршка, мојата единствена и вистинска животна среќа е што ти си моја мајка!!! Само посакувам да си ми здрава и жива ти и татко ми, а за се останато ќе се борам, машки , чесно и достоинствено! Овие фотографии се од дочек на Нова Година 2021 кога бев во куќен притвор, бевме јас, ти, кучињата и неколку наши драги и искрени пријатели, Миле не беше со нас... (а за тоа во друга прилика во засебен текст) нема лажен сјај на сликиве, нема филтри и фотошоп, има само љубов и топлинаОвој пост ќе го завршам со стихови од песна на Пепи Бафтировски. Ти не плачи мајко, што сум далеку и сам... Ќе препливам води, назад ќе се вратам пак, во градите едра распнувам за пат, огнови високи сам ќе изодам Ако згрешам, нека изгорам!“, додаде тој.

пред 3 години

Боки 13 сподели фотографии од Русковска и дел од Владата: Прво место за најдобра маска ја понесе женско лице

Споделувајќи фотографии од половина тогашна Влада, обвинителката Вилма Русковска, тогашниот уредник во 1ТВ, Ацо Кабранов, а сите направени при одбележувањето на медиумот во Македонската Филхармонија, Бојан Јовановски-Боки 13 посочи дека првата награда за најдобра маска ја понело женско лице. Тој ја опиша како изгледа, но не спомена име.Интегрално го пренесуваме статусот објавен на неговиот профил:„На денешен ден 1 април 2019, во Македонскатаа Филхармонија беше фамозната и најзборувана прослава за годишницата на 1ТВ, во случајности не верувам, бидејки времето е најдобар показател дека случајности не постојат, па затоа од денешна дистанца гледам дека терминот и денот не биле случајни! Тогаш мислев дека правам роденденска церемонија ( никој не ми е крив што сакав да правам церемонии за лицемери додека истите ми го копаат "гробот " и да се правам важен ) , а од денешна дистанца констатирам дека тоа беше еден голем ГАЛА ПРВОАПРИЛСКИ МАСКЕМБАЛ и еден сериозен натпревар помеѓу присутните кој да ја понесе титулата за НАЈДОБРА МАСКА... Имаше и луѓе кои дојдоа без маска, со сопствено лице и став и единствено им благодарам на таквите... Првото место за НАЈДОБРА МАСКА на ГАЛА МАСКЕМБАЛОВ одржан на 1 април 2019 , во Филхармонија, ја понесе женско лице со исклучително автентична маска со стајлинг ала Бети Буп , во дезен на точкици, туфници, машни и други тракатанци адекватни на личноста и карактерот на истита! Имаше присутни кои беа маскирани во луѓе, пријатели, другари, роднини и соработници... се и сешто!!!По завршувањето на официјалниот ГАЛА маскембал имаше и првоаприлски афтер парти, каде победничката на маскембалот беше највесела, пееше, пиеше, играше, се вртеше као на рингишпил и на крај не можевме по скали да ја симнеме за да си оди дома!!! Се поставува едно прашење и една констатација... Што правиме кога маските паѓаат и кога останувате со вашето лицемерие, злоба и користољубие? На оваа држава доста и од маски и маскирани, потребни и се луѓе со ЛИЦЕ, СТАВ И ИНТЕГРИТЕТ!!! Содржината е авторски текст на Бојан Јовановски Објавено од страна на администратор на профилот“, е споделено на профилот на Боки 13.

Коментари | пред 3 години

Боки 13 направи ‘потрес’, открива детали за тоа кој го наместил да го апсат на граница

Во објавениот натпис објаснува и дека лице вработено во неговата телевизија го наместило да биде уапсен на граница, кога практично, јавноста дозна за случајот „Рекет“.„Од оваа дистанца, жалам што не ги предвидов сите аспекти и жалам што верував на поединци кои беа поставени на високи раководни позиции токму од мене. Јас им дадов шанса, а тие ми вратија со нож во грб, дел од нив ги "оживеав", беа заборавени и потонати во своите самозамислени новинарски величини, длабочини... Новинарите беа почитувани и вреднувани, дел од нив тоа го заслужуваа, беа посветени и одговорни, се трудеа бидејки имаа мотив, слобода и предизвик да создадат нов медиум, само имаа еден хендикеп, им требаше главен и одговорен уредник кој ќе ги води и насочува, а не лице кое со платен превоз доаѓаше на работа последен, а прв со платениот превоз си заминуваше!“, пишува на профилот од Бојан Јовановски, меѓудругото кое стои во натписот.Боки 13 открива и кој го наместил за апсењето, им се извинува на дел од новинарите, и кажува што е лага и мизерија. Ја споменува и обвинителакта Вилма Русковска, но и како што наведува, негов вработен:`Прочитајте сѐ:

Коментари | пред 3 години

Боки 13 со итно барање до државата, а поврзано со неговата запленета скапа и брендирана гардероба

Бојан Јовановски-Боки 13, чекајќи ја пресудата за Меѓународен сојуз каде со факти објаснуваше дека е невин, посочи дека се откажува од неговата запленета брендирана обкека и бара државата веднаш да ја стави на лицитација. Тој им посочиМене ми беше одземена целата гардероба, чевли, чанти, часовници, наочари, накит, уметнички слики... тоа беа "фантастичните докази" на Русковска со кој бев огласен за виновен и осуден, без да биде утврдена вредноста, годината на производство и кога се истите набавени и без никакво вештачење за одземените предмети, се на ѓутуре и жими мајка, но неисе, изјавувам и давам јавно ветување, доколку некогаш победи ПРАВДАТА и доколку дојде тој ден да ми бидат вратени сите неосновано одземени предмети, јас во целост се откажувам од истите во корист на семејства и лица кои се во социјален ризик, при што истите би биле предмет на јавна лицитација и парите од продажбата би биле донирани на оние на кои што им е најпотребно!!!“, напиша администраторот на профилот на Боки 13.„Воедно, истакнувам предлог до надлежните во државата наместо да скапуваат бесправно одземените предмети во некој си магацин (иако сметам дека дел од предметите се веќе украдени од оние кои што ми ги одземаа), веднаш да биде спроведена јавна лицитација и продажба на истите и средствата да бидат донирани на лица и семејства на кои им потребна помош !!! Направете барем нешто добро од целиот правен циркуз и неправда!!! Со се мојот пурпурен капут бев, сум и ќе бидам поголем маж од многу самонаречени мажи од политиката и бизнисот“, се додава во објавата.

Коментари | пред 3 години

Боки 13 проговоре за сите пријатели и соработници кои му свртеа грб: Ме крадеа, земаа огромни плати, се дистанцираа

Бојан Јовановски познат како Боки 13, си ја отвори душата пред јавноста. Тој проговоре преку писмо испратено до администраторот на неговите профили на социјалните мрежи. Писанието доби виралност, а тој поддршка изразена во илјадници допаѓања на објавите, нивно споделување, како и коментирање.„Кога ме притворија и затворија многу од моите таканаречени пријатели, роднини, другари и соработници ме избришаа од листата на ЖИВИТЕ... како небаре да сум мртов и да ме закопале, а не притвориле и затвориле... Па така занесени во сопственото лицемерие и хиенски потреби, едни велеа дека не ме познаваат, други дека ме познавале само од телевизија, трети велеа дека ми биле но дека повеќе не ми се пријатели и дека они биле шокирани кога дознале што сум правел (а ништо не сум правел и ништо не сум им направил и токму тие први ме осудија, баш тие кои што сум се обидувал да ги направам луѓе иако биле обични штетни крлежи закачени на мојата кожа) , четврти ме испокрадоа, петти се дистанцираа најмизерно од мене а добро им беше кога земаа огромни плати, а еден голем дел се оние, најодвратните, кои што ми се лигушеле најполтронски во "нормалниот" свет, а потоа се наслудуваа на мојата ситуација велејќи "убаво му направија, малку му е" е на таквите полтрони им посакувам истото мое "убаво" да го доживеат на сопствена кожа за да почуствуваат колку е убаво...“, е објавено на профилот од Боки 13.Таму се додава: Сите овие погоре опишани, лицемери, крлежи, лопови, мршојадци, лешинари, го занемариле фактот дека нивното лицемерие, гадотија и нечовечност, денеска се моја мотивација! Мотивација да продолжам со дигната глава, да се борам и да успеам во својата борба, со Божја волја и помош а не со нивна! За волја на вистината со мене во моите најтешки моменти покрај мајка ми и татко ми останаа само неколку луѓе кои можат да се избројат на прсти, но верувајте ми дека сум благодарен што ги имам и тие малку по бројка, но премногу по квалитет и значење, нека се сите тие живи и здрави и од срце им благодарам што покажаа дека сеуште имало и по некој човек....Фала ви од се срце!!! Благодарам и на оние луѓе кои што не ги познавам лично а ми пружиле поддршка искрена и од срце, верувајте во ситуација во која се наоѓам, секој убав збор, планина вреди, затоа ви благодарам.Скоцкан сум и од затвор... тоа ви пречеше , ви пречи и нека ви пречи, ако е тоа главниот проблем во нашата држава, тогаш ние сме навистина среќно и успешно општество!!! Скоцканиот "криминалец" го фативте... смешни сте!“.

Коментари | пред 4 години

Боки 13 со доказите на Обвинителството ја побива Трајчева дека проектот бил наводен и Владата не знаела

Бојан Јовановски-Боки 13 кој е првообвинет во случајот „Меѓународен сојуз“ дава завршни зборови пред судијката Софче Гаврилова-Ефремова. Тој пред судот сакаше да ги побие фактите на обвинителката Ивана Трајчева дека тој лажел дека има поддршка. Ова е првпат да му се чуе глас во јавност по две години, откако започнаа процесите против него.„Поддршката од Владата од лицето Зоран Заев тогашен премиер јас лично ја имав од првиот ден на формирањето на Меѓународниот сојуз. Обвинителството во своите завршни зборови го крсти тоа како ‘поттик’ од Зоран Заев. Не е мое да толкувам искажаното, а поттикот е голема форма особено кога доаѓа од лице кое извршува највисока државна функција во државата. Дека Зоран Заев бил информиран и знаел за активностите, работењето, а особено дека знаел за проектите е неспорен факт дотолку повеќе што кусо и со конкретни дејствија ќе ја опишам улогата на Зоран Заев, партиски функционери од СДСМ, како и претставници на локалната самоуправа.Точно е дека Ардијан Амзовски дал 350.000 евра во готовина и дека имал потпишано договори. Под целосна одговорност тврдам дека Христина, мојот татко Миле, биле присутни, давале пари. Не знаела ни Јасна Ерцеговиќ за тие 350.000 денари, туку знаеле политичари. Парите се дадени на лидер на партија Зоран Заев, генерален секретар на партија Александар Кирацоски и градоначалник Стефан Богоев. Мене ме злоупотребил Зоран Заев, а не јас него“, кажа Јовановски.Според него, бизнисмените не се откажале од проектот поради тоа што сметале дека тој нема да се реализира и е измама, туку бидејќи имало притисок од извршната власт. Како доказ рече дека е тоа што против Меѓународен сојуз или него како претседател – нема тужба од бизнисмените.За тоа зошто 719.000 евра од Силјан Мицевски не биле упатени на „Меѓународен сојуз“ туку на Лилјана Тодоровска рече дека тоа е според договорот.„Имаме два правни потпишани договори, со волја од двете страни, предадена платформа, сме ги започнале активностите, кој е овде оштетен – дали мислите дека ние сме сакале да прекинат овие договори и свесно не сме сакале да работиме на самоодржлив проект? Не. Сме сакале и сѐ сум направил, сѐ сум дал од себе. Тоа го потврди и Силјан Мицевски пред судот кој рече: ‘И телефонски се каравте за да направат нешто, а не направија ништо, иако можеа и да направат’. За овој проект, министерот за транспорт и врски потпиша наменски меморандум за соработка со цел брзо, ефикасно, целисходно реализирање на овој проект. Овој проект бил поддржан од Владата на Зоран Заев. Не само што добивме поттик и поддршка, добивме и ветување од него дека: ‘ќе биде формирана комисија за реализација на проектите на ‘Меѓународен сојуз’. Дека Зоран Заев и Владата ги знаела сите околности со ‘Меѓуанродниот сојуз’ зборува и доказот на Обвинителството. Изведен беше доказ скриншот од комуникација со Зоран Заев, каде го информирам дека има договор со ‘Пелистер’, обврските целите, го информирам дека е информирам дека знаел Трајче Заев и го информирам за блокирани средства. Тој се информира за проектот, го интересира, и вели дека: ‘ќе направат истрага и ако нема проблем ако се законски ќе ги одмрзнат средствата, не треба да стравуваш’, по што јас барам средба, а тој вика: ‘не е проблем ќе се видиме’“, додава Јовановски.

Македонија | пред 4 години