ДПМНЕ

Мицкоски тврди: Нема да се смени Уставот!

Христијан Мицкоски одговарајќи на новинарско прашање во однос на тврдењето на власта дека референдумот нема да успее истакна дека единствен начин да се види дали ќе успее референдумот е тој да се одржи и да не се бараат изговори формални, туку да се поддржи оваа иницијатива и да им се даде можност на граѓаните да се произнесат.„Единствен начин да видиме дали ќе има излезност е да се одржи тој референдум да не се бараат изговори, формални, туку да се поддржи оваа иницијатива и да излеземе и да видиме граѓаните дали ќе бидат за она што ние го бараме како одговор на прашањето или против. И од тоа нема поедноставен начин. Така што јас ги охрабрувам еве демократски во насока на европскиот дух, кој што од нивните усти додека крадат не престанува да излегува еве и сега тоа да го направат и второ да ги мобилизираат оние малкумина поддржувачи кои што се уште ги имаат да излезат и да се произнесат во согласност со нивните политики, да бидат против ова наше барање и на тој начин јас сум сигурен дека ќе успее референдумот. Но ќе повторам без разлика на резултатот на референдумот, ВМРО-ДПМНЕ како политичка партија нема да поддржи промена на Уставот под овие околности тоа го повторувам, без разлика каков ќе биде резултатот на референдумот“, нагласи Мицкоски.

Македонија | пред 3 години

Нема крај на партиски вработувања, функционерка на СДС ухлебена во АЕК за 55.000 плата!, вели Стоилковски

„Сеуште не стивнал скандалот со вработувањето на Бесмира Ејупи во МНР, антимакедонската СДС се уште нема вистински одговори со што Ејупи заслужила да биде дел од МНР и дали тоа не е чекор до нејзино именување за генерален конзул, а сепак не застануваат со скандалите за ухлебување на своите партиски миленици и функционери“, вели Наум Стоилковски, портпарол на ВМРО-ДПМНЕ.Тој додава:Почитувани, партиската функционерка на антимакедонската СДС, Емилија Костурски е вработува во АЕК за плата од 55.000 денари, на место соработник за информатички технологии, а доаѓа од позиција долгогодишен наставник во средното медицинско училиште во Битола.Антимакедонската СДС мора да објасни како Агенцијата за администрација оценува дека 56 годишната наставничка од медицинско училиште во Битола е посоодветна за позиција соработник за информатички технологии во АЕК, е посоодветна од 35 годишник со завршени информатички студии, којшто исто така конкурирал на огласот?Антимакедонската СДС мора да објасни дали зад максималниот број на поени за работа во АЕК и петте поени разлика од кандидатот информатичар, пресуден бил фактот што Емилија Костурски е член на ЦО на СДС и заменичка на екс-градоначалничката на Битола?Почитувани,Македонија тоне во кризи и во сиромаштија, а буџетот се користи за вработувања на партиските миленици на ДУИ и антимакедонската СДС. Половина милион граѓани живеат во сиромаштија, со енергетската криза предизвикана од криминал ја доведоа државата во банкрот, ама важно е кадарот на ДУИ и на антимакедонската СДСМ да биде ухлебен. Наместо да се занимаваат за струја, за гас, храна, млеко, наместо да се борат со растечката инфлација, тие го користат буџетот за вдомување на свои миленици во администрација и плата од празниот буџет.Ова почитувани мора да има крај и затоа се потребни итни тројни избори, парламентарни, претседателски и Референдум.

Македонија | пред 3 години

Од потребните 150.000 собрани се 500 потписи за еден час, кои треба да го распишат рефенредумот

Собрани се над 500 потписи за неполн час за иницијативата за референдум, соопшти претседателот на ВМРО-ДПМНЕ, Христијан Мицкоски.Мицкоски потсети дека потребни беа 100 потписи.„Собрани над 500 потписи за неполн час, иако за иницијативата за референдум се потребни само 100. Благодарам за брзиот одговор и иницијативност. Народот не сака решенија со кои се негира нашата посебност и идентитет. На потег е Собранието“, напиша Мицкоски на социјалните мрежи.Тој претходно денес во Државната изборна комисија ја поднесе иницијативата за референдум за укинување на Договорот за добрососедство со Бугарија. Побара со референдумот, на еден трошок, да се организираат и предвремени избори.ДИК понатаму ќе треба да ја достави иницијативата до Собранието, па до законодавно-правната комисија и комисијата за политички систем.За да се распише задолжителен референдум, потребно е да се соберат 150.000 потписи. За референдумот да биде успешен треба да излезат и да гласаат над 910.000 граѓани.

Македонија | пред 3 години

(ВИДЕО) Мицкоски најави референдум

„Вечерва заседаваше Извршниот комитет каде се разговараше за иницијативата за референдумско изјаснување, која доаѓа по наметнатите потценувачки услови за отворена бугаризација и идентитетско редефинирање на Македонија, нешто што владата на СДСМ го прифати“, вели Христијан Мицкоски, претседател на ВМРО-ДПМНЕ.Мицкоски додава:Веднаш јасно да посочам ВМРО-ДПМНЕ поддржува интеграција на Македонија во рамките на Европската Унија без никакви дилеми, но ВМРО-ДПМНЕ не поддржува асимилација, промена на историски факти, откажување од посебноста на јазикот и идентитетско обезличување.Праксата досега покажа дека Владата и Ковачевски не ја говореа вистината кога велеа дека историските прашања не се тема на разговор, не само што се тема на разговор тие станаа и услов за Македонија да напредува кон ЕУ, што самото по себе преставува една не фер позиција која македонската влада на штета на целата држава и одејќи надвор од својот мандат ја прифати.При тоа суверенот во државата, народот не беше ниту прашан, ниту пак Ковачевски има мандат да ја става Македонија во подредена позиција.Да не зборувам што Македонија попушти за името, попушти за Бугарија, попушти за преговарачката рамка, а за возврат не доби ништо. Напротив животот е се потежок, енергетската криза и инфлацијата ја разорува државата и носи сиромаштија.Овој Извршен комитет следи по широките консултации кои ги направив изминатиот месец дена. Разговарав и се консултирав со експерти и професори по уставно право, коалициските партнери, пратениците при што заеднички стигнавме до решение кое беше потврдено едногласно од страна на Извршниот комитет.Се донесе одлука да граѓанска иницијатива за собирање на потписи за распишување на референдум и во наредната недела ќе собереме најмалку 100 квалификувани потписи со што таквата иницијатива ќе биде доставена до Собранието. На оваа иницијатива прво потпишан ќе бидам јас, Извршниот комитет на партијата, пратениците. По што очекувам Собранието во брзи рокови да ја легитимира и одобри иницијативата по што ќе започнат роковите за собирање на 150 илјади потписи за распишување на задолжителен референдум, повторувам задолжителен референдум.Референдумското прашање ќе се однесува на Договорот за добрососедство со Бугарија кој Заев го склучи со Борисов. Тој е изворот и почетокот на сите проблеми за Македонија и основата по која потоа Бугарија ги темелеше своите максималистички барања и позиции, затруеното дрво раѓа затруени плодови. Раскинувањето на овој договор ќе значи раскинување на барањата за промена на учебници, спорење на јазикот историјата, културата итн.Затоа референдумското прашање предлагаме да гласи и како такво денеска го усвои и потврди Извршниот комитет на партијата: Дали сте за напуштање на важноста на ЗАКОНОТ ЗА РАТИФИКАЦИЈА НА ДОГОВОРОТ ЗА ПРИЈАТЕЛСТВО, ДОБРОСОСЕДСТВО И СОРАБОТКА МЕЃУ РЕПУБЛИКА МАКЕДОНИЈА И РЕПУБЛИКА БУГАРИЈА објавен во Службен весник бр: 12/2018 од 18.01.2018 година?ВМРО-ДПМНЕ ќе повика да се гласа за престанување на важноста за овој штетен договор.Очекувам власта да дозволи да се изјасни народот и да се стави крај на уцените притисоците и кочењата на Бугарија. Ова да биде одговор на народот за својата Македонија и за нашата заедничка иднина.

Македонија | пред 3 години

Трипуновски: Ковачевски и Николовски го уништија АД Водостопанство, трет месец по ред над 500 вработени немаат земено плата

„Власта, Димитар Ковачевски и Љупчо Николовски ги уништуваат институциите во државата. Трет месец по ред над 500 вработени од АД Водостопанство немаат земено плата и се без здравствено и пензиско осигурување. Додека Ковачевски и Николовски шетаат и трошат народни пари, над 500-тини семејства едвај преживуваат“, вели Цветан Трипуновски, претседател на Комисија за земјоделство, шумарство и водостопанство на ВМРО-ДПМНЕ.Тој додава:Во време кога има двоцифрена инфлација, скапа струја и нафта, Ковачевски и Николовски оставаат 500 семејства без основна животна егзистенција.Помеѓу овие вработени има лица кои имаат потреба од медицинска помош и им е потребно здравствено осигурување, лица кои имаат кредити, а веќе доцнат со исплата на рати, и лица кои имаат деца кои што чекаат храна од своите родители.Дополнително, според информациите кои што ги добивам од голем број на вработени во претпријатието, претпријатието нема основни средства за работа, нема резервни делови и нафта кои се неопходни за непречено функционирање на истото, и ова е сериозен проблем.Состојбата во АД Водостопанство е алармантна и е потребно е веднаш да се реагира.Ова што го прават Ковачевски и Николовски на 500 вработени кои чесно и поштено ги заработиле платите е нечесно и нехумано.Наместо некој да сноси одговорност кога предупредував и алармирав пред една недела дека претпријатието трет месец нема исплатено пари, Ковачевски и Николовски продолжија со игнорантскиот однос.Почитувани,Ако има пари Ковачевски да дава за промоции, шетање, пиење скапи вина, и делење на тендери на фирми омилени на владата на СДС, тогаш да најде пари и за вработените во АД Водостопанство.Затоа барам веднаш да им се исплатат сите три плати на вработените во АД Водостопанство, и тоа без дополнителни изговори.Власта на СДС е неспособна, Ковачевски повеќе нема никаков легитимитет да раководи со владата, а Николовски со министерството за земјоделство.Затоа потребни се предвремени парламентарни избори час поскоро.

Македонија | пред 3 години

Дуото Ковачевски овозможи за 12 дена трговци да заработат над 610.000 евра преку продажба на евтина струја, обвинува Митева

„Дуото Ковачевски во ек на енергетска криза ги пљачка граѓаните и продава евтина струја произведена во Македонија на трговци кои потоа ја препродаваат за големи заработки. Во два наврати АД ЕЛЕМ за период од 13-ти до 19-ти август и од 20-ти до 26-ти август продава 3.500 MWh електричен енерген по цена од околу 300 евра, а во исто време цената на струјата на берза достига и над 600 евра за МWh“, вели Марија Митева, портпарол на ВМРО-ДПМНЕ.Таа додава:Имено, во периодот од 13.08 до 19.08 1.750MWh се продадени по цена од 277 евра за МWh. Во исто време, цената на берза достига до 467 евра по MWh. Разликата односно заработка која некој трговец си ја ставил во џеб е 260.260 евра. Имено, преку резултатите од продажба на ЕСМ може да се види дека како купувач на струјата во овој период се јавува фирмата ДАНСКЕ КОМОДИТИС ДООЕЛ. Она што фрла сомнеж е профилот на лицето Виктор Делов на социјалната мрежа LinkedIN каде како работно место му е наведено дека е регионален менаџер за односи во истоимената фирма. Тука се поставува прашањето дали станува збор за Виктор Делов, поранешен директор на агенцијата за странски директни инвестиции во период од 2004-2006 година кога на власт биле СДСМ?За периодот од 20.08 до 26.08 исто така е продадена струја во висина од 1.750 MWh за цена од 303 евра. Во тоа време цената на берза достигнува и до 612 евра. Разликата која што овој пат некој си ја ставил во џеб е 353.937 евра. Во овој случај, преку резултатите од продажба на ЕСМ може да се види дека како купувач на струјата во овој период се јавува фирмата ЕТМТ ЕНЕРГИ која е во сопственост на Енер Трејд од Албанија која му припаѓа пак на Артур Мицкај, директор на форумот на млади на социјалистичката партија на Еди Рама и син на тамошен судија. Во еден серијал може да се утврди дека истата фирма во месец декември во 2021 година и продала струја на ЕСМ за 3,9 милиони евра и тоа по цена од 325 евра за MWh. Сега процесот е обратнопропорционален, оваа фирма купува од ЕСМ струја по поевтина цена, отколку што претходно самата и продала.Или вкупно за 12 дена некои трговци заработиле над 610.000 евра.Почитувани граѓани,Сето ова се случува кога домашните фирми плаќаат цена на струја и до 800 евра за MWh и бараат начин како да опстанат, а да не ги затворат своите капацитети. Во исто време домаќинствата плаќаат до 50% повисоки сметки за струја, во споредба со лани.Луѓето се на работ на сиромаштија, а фирмите пред затворање и сето тоа заради високите цени на струјата, а власта наместо да помогне, овозможува профит на поединци блиски до неа.Дуото Ковачевски практично овозможува огромен профит на двајца трговци наместо истата таа струја да ја продаде по истите тие цени на домашните претпријатија, со што ќе спаси илјадници работни места и илјадници фирми од затворање.Апелираме, не е крајно време, туку ќе нема втора шанса за да се спаси економијата и државата од банкрот, а домаќинствата од сиромаштија доколку најбрзо што може не се применат мерките кои ние ги предлагаме и не се пристапи кон зголемено домашно производство.

Македонија | пред 3 години

Зајкова да се повлече од морални причини, ЈО да го провери работењето на Урбанизам во Маврово и Ростуше, бара Стоилковски

„Моника Зајкова, пратеник од владејачкото мнозинство има морална обврска да се повлече од пратеничката функција и да се извини за сите нејзини демагогии и антимакедонски зафати“, вели Наум Стоилковски, портпарол на ВМРО-ДПМНЕ.Тој додава:Институциите мораат да го разгледаат досието за легализација на дивоградбата на Зајкови во Трница, Маврово, но и да ја разгледаат работата и легализациите од секторот за Урбанизам, а во врска со злоупотребите на Законот за легализација од 2011-та година.Ова е текстот на писмото до претседателот на државата каде што второпотпишана е Моника Зајкова, писмо со коешто таа во суштина тврди дека доколку се донесе закон да се легализираат дивоградби изградени по 2011-та година, односно градењето на диво по 2011-та година, тогаш се стимулира криминал, се легализира криминал, а „сите одговорни граѓани, кои што ги минале сите предвидени постапки од ДУП-от за прибивање на одобрение за градба, се ставаат во подредена и дискриминирачка позиција“, односно дека се испраќа порака дека може да се узурпира како вели државно земјиште. Таа со овој потпис е децидно против тоа.Почитувани,Моника Зајкова настапувајќи со вакви ставови во јавноста, а знаејќи дека токму нејзината семејна вила е легализирана на криминален начин, дека градена по 2014-та година, значи речиси 5 години по законот кој што важи легализацијата, а е легализирана со лажна изјава на нотар, изградена врз државно земјиште, најмалку е бесрамно и демагогија.Почитувани,Ова е демагогија, ова е срамно и недостоинствено, ова е поразително за македонскиот Парламент. Ова ги доведува во прашање сите одлуки и гласања на Зајкова а антимакедонските политики во Собранието.Истовремено, знаејќи ја фактичката состојба во Трница, институциите не смеат да спијат и со тоа да бидат соучесници во овој криминал туку мора да направат детална истрага во општината Маврово Ростуше во врска со легализирањето на дивите градби на Трница. Македонската црвена буржоазија не може да биде над народот, ниту да ужива во нејзина неказнивост. Додека народот го доведоа на просјачки стап, тие градат вили, а системот им ги легализира.Ова мора да има крај.

Македонија | пред 3 години

За време на претседателот Мицкоски во ЕЛЕМ, струјата беше намалена, а претпријатието оставено со позитивно салдо, вели ВМРО-ДПМНЕ

„Чиста лага и извртување на факти е да се вели дека струјата е покачена за 100% во време на претседателот Мицкоски во ЕЛЕМ. Откако претседателот е именуван за советник во владата за енергетика, во Април/2015 година, па се до неговото разрешување како генерален директор на ЕЛЕМ во Август/2017 година, струјата за граѓаните поевтинува од 4,47 ден/kwh на 4,45 ден/kwh или околу 0,5%. Ова се факти од кои антимакедонската СДС не може да избега“, велат од ВМРО-ДПМНЕ.Тие додаваат:За разлика од времето кога претседателот Мицкоски го водеше ЕЛЕМ, сега цената на струјата заклучно со Јуни/2022 година граѓаните е 5,87 ден/kwh или за околу 32% поскапа струја од времето кога тој беше директор на ЕЛЕМ, после последното поскапување од 1-ви јули оваа година, граѓаните плаќаат за повеќе од 50% поскапа струја, а стопанството, поточно компаниите за 400% поскапа струја.За разлика од сега, кога ЕЛЕМ има негативно салдо и владата дотура пари во истото за да може да функционира, претседателот Мицкоски го остави претпријатието со полна каса, цели 30 милиони евра, од кои 25 милиони евра депозити, 5 милиони евра пари на сметка и нула долгови. Во 2020 година ЕЛЕМ денешно ЕСМ бележи загуба од 16,7 милиони евра, а загубата во 2021 година достигнува фантастични 28 милиони евра.Претседателот Мицкоски е пример дека со домаќинско работење цената на струјата може да се намали, и ЕЛЕМ да има позитивно салдо.

Македонија | пред 3 години

ВМРО-ДПМНЕ во одбрана: Ковачевски поразите си ги покрива со лаги, вистината е дека со Мицкоски како директор на ЕЛЕМ струјата поевтини

„Секогаш кога антимакедонската СДСМ спроведува криминал и прави предавства се служи со лаги. Па така огромна лага е дека во време на директорувањето на претседателот Мицкоски со ЕЛЕМ се купувало скапа струја и дека поскапела струјата“, велат од ВМРО-ДПМНЕ.Тие дополнуваат:Еве ги фактите:1. Откако Мицкоски е именуван за советник во владата Април/2015 година, до негово разрешување како генерален директор на ЕЛЕМ во Август/2017 година, струјата за граѓаните поевтинува од 4,47 ден/kwh на 4,45 ден/kwh или околу 0,5%, а до скоро граѓаните плаќаа 5,87 ден/kwh или за околу 32% поскапа струја од времето кога претседателот Мицкоски е разрешен од местото генерален директор на ЕЛЕМ, или по последното поскапување од 1ви јули оваа година, граѓаните плаќаат за 50 % поскапа струја, а стопанството, поточно компаниите за 400% поскапа струја.2. Мицкоски ЕЛЕМ го остави со полна каса, цели 30 милиони евра, поточно 25 милиони евра депозити и 5 милиони евра пари на сметка. Сега долгот на компанијата е близу 30 милиони евра.Недомаќинското работење, криминалот и незнаењето да се работи се главните причини зошто граѓаните плаќаат за 50%, а компаниите за 400% поскапа струја.Заклучокот е јасен.Ковачевски да си ги покрие поразите и предавствата лаже. Вистината е дека со Мицкоски како директор на ЕЛЕМ струјата поевтини, а денес со антимакедонската СДС се плаќа за 50% поскапа струја, а ЕЛЕМ има долгови од 30 милиони евра.

Македонија | пред 3 години

Ако Ковачевски уште од мај знаел дека ќе има енергетска криза, што правел до сега и зошто не преземал ништо?!, прашува ВМРО-ДПМНЕ

„Ако Ковачевски уште од мај знаел дека ќе има енергетска криза, што правел до сега и зошто не преземал ништо?! Македонија со Ковачевски како премиер повторно е оставена на цедило. Јаглен се набавува по скапи цени, а не се знае ниту колку има, мазут нема доволно и ТЕЦ Неготино работи со половичен капацитет, а гасот е скап“, вели ВМРО-ДПМНЕ.Тие додаваат:Ковачевски имаше цело лето да набави енергети, и не го направи тоа. Само за споредба земјите од соседството и Европа, кои немаат јаглен го набавуваат, складираат гас и склучуваат договори за купување на струја по пазарни услови.Последен пример за договорање за купување на струја по поволна производствена цена имаме помеѓу Србија и Азербејџан.И додека другите држави договораат ефтини цени за купување струја, дуото Ковачевски кај нас најавува дека струјата ќе поскапи.Цела Европа работи за да дојде до поефтина струја или суровина, само Ковачевски цело лето го помина без да ја обезбеди државата за зимата која ни претстои.Уште по неодговорно е истиот тој Ковачевски да признава дека знаел дека ќе има криза, а воопшто не се потрудил да ја подготви државата.СДСМ и Ковачевски немаат капацитет да ја водат државата. Со СДСМ само ќе се зголемува бројката од 500.000 наши сограѓани кои живеат со по 150 денари на ден.

Македонија | пред 3 години

Од инспектор до крупен градежник: Кој е Кочо што сакаше да ја урне терасата на ВМРО-ДПМНЕ

Кочо Стојчески исплива од анонимноста пред седум години, кога во својство на градежен инспектор сакаше да го урне нелегалниот балкон над влезот во Белата палата, пишува Призма.„ВМРО-ДПМНЕ има рок од 30 дена да ја урне дивоизградената тераса на партиското седиште“, се закануваше тој во 2015 година.Некаде во тоа време ја проверуваше легалноста и на кафулето „Дистрикт“, дел од хотелот „Мериот“ во сопственост на тогаш влијателниот шеф на тајната полиција Сашо Мијалков и Александар Ивановски – Алек Теранова.Денес, терасата на ВМРО ДПМНЕ не е урната, кафулето „Дистрикт“ се реновира, а Кочо Стојчески е крупен играч во градежниот бизнис, купувач на плацови од сега веќе осудениот Мијалков и рамноправен бизнис-партнер на неговиот „човек од доверба“.„Пола-пола сме во бизнисот со Алек Теранова“, ни објасни Стојчески во разговорот што го водевме во канцеларијата на Теранова во центарот на Скопје. „А, кој не се вработил преку партија?“Овој 43-годишен крушевчанец само што го завршил Правниот факултет во 2001 година, влегол во администрацијата, поточно во „Паркови и зеленило“, кога со во скопското јавно претпријатие управувал Сашко Насев.Не крие дека тоа било со помош на СДСМ.„А, кој не се вработил преку партија?“, реторички прашува.Партиската припадност била фактор при неговото вработување и во Министерството за одбрана и во Министерството за правда и конечно при трансферот во Општина Центар.Повеќе

Македонија | пред 3 години

Мицкоски има коронавирус, ќе прави и втор текст

Лидерот на ВМРО-ДПМНЕ, Христијан Мицкоски е позитивен на КОВИД-19, информираат од партијата.Мицкоски денеска требаше да биде присутен на настан во општина Маврово Ростуше заедно со кандидатот за градоначалник, но како што информираат од партијата истиот е откажан.– Ве известуваме дека посетата и настанот на претседателот Христијан Мицкоски во општина Маврово- Ростуше закажан за денес (16.08.2022 година) во 17:45 е откажан. Причини за негово откажување е развивањео на симптоми од Ковид 19 на претседателот Мицкоски, при што беше направен брз антигенски тест, каде што истиот беше позитивен. Во текот на денот претседателот Мицкоски ќе биде тестиран со ПЦР тест за вирусот Ковид 19, соопштија од партијата

Македонија | пред 3 години

Арсовски:Оставка од министерката Стојчевска заради цензурата на културата која се обидува да ја направи

„Бисера Стојчевска трет ден ниту им се извинува на граѓаните, ниту пак има намера да си даде оставка. Ставајќи се во улога на „Големиот брат” како во орвеловата книга 1984, Стојчевска сака да диктира и да цензурира уметниците што смеат, а што не смеат да пишуваат во своите дела“, вели Димче Арсовски, портпарол на ВМРО-ДПМНЕ.Тој додава:Протоколот кој го потпиша владата на Ковачевски и овозможува на Бугарија секое уметничко творештво да го оценува дали преставува говор на омраза и таквите дела од културата да не смеат да бидат финансирани со народните пари. Ете затоа скафандер министерката за култура дава цензурирачки насоки до уметниците да не творат дела со историски наратив. Оттука е и нејзината скандалозна изјава која што сите за жал ја слушнавме: „Мора да се ослободиме. Историјата нам повеќе не смее да ни биде затвор“, што според неа е „нешто што повторно ќе го врати народот назад, кон едни мрачни времиња каде што навистина не видовме ништо добро“.Сега веќе е јасно и кој давал наредби за цензурирање на строфи од песни кои ги пее официјален хор на МОБ, како и цензурирање на официјална државна химна.Замислете, со вакви доктори на науки и професори, во која насока ни се движи образованието коешто ни ги подучува новите идни генерации, а не пак да размислиме во која насока ни се движи културата со ваква министерка.Според Бисера Костадиновска Стојчевска безмалку најубавите филмски дела кои што ги има оваа држава, романи, песни и драми треба да се зафрлат во подруми и да не се говори за историјата на Република Македонија, нешто што е најсвето. Недостига уште сето тоа да биде поставено на клада целото тоа творештво и да биде спалено.Еве неколку прашања за кои што јавноста треба да ги размисли, а треба владата да ги одговори бидејќи се многу реални и можно е набрзо да се случат.-Дали следно ќе биде прогонување на режисерите и сценаристите кои што ги реализирале ваквите дела за кој што говореше Костадиновска Стојчевска и дали можеби ќе им бидат одземени сите награди кој што ги собрале низ годините?-Дали следно е цензурирање на имињата и укинување на имињата на одредени културно уметнички друштва?Почитувани,Ова е невидена цензура на творештвото, согласно Протоколот кој што го потпиша владата на Ковачевски. Ваквата изјава на Костадиновска Стојчевска е скандалозна и за тоа мора да понесе одговорност, односно да си поднесе оставка.Комедијантката Стојчевска која што нели им наложува да пишуваат комедии, уметниците во Македонија треба да се извини на македонскиот народ и веднаш, ама веднаш дури и денес во недела да отиде да си го собере парталите од министерството и да го напушти. Што повеќе говори на темата, толку повеќе ја срами цела држава. СДСМ и Стојчевска ќе бидат запаметени како мрачно минато во историјата на Република Македонија.

Македонија | пред 3 години

ВМРО-ДПМНЕ си направи анализа од анкетата на ИПСОС: На предвремени избори ќе победиме со близу 200 илјади гласови разлика во однос на СДСМ

Агенцијата ИПСОС за потребите на ВМРО-ДПМНЕ спроведе теренска анкета на јавното мислење на 1.014 испитаници за периодот од 01 до 18 јули 2022 година. Анкетата се однесува на повеќе актуелни прашања.„Согласно анализата на бројките на следните парламентарни избори би излегле од 870 до 875 илјади граѓани.Изведено од измерената процентуална доверба распоредот на гласовите во децимали би бил следен:• ВМРО-ДПМНЕ 355-360 илјади гласови• СДСМ 170-175 илјади гласови• ДУИ 110-115 илјади гласови• Левица 100-105 илјади гласови• Алијанса за Албанците 50-55 илјади гласови• Други 75-80 илјади гласовиПотсетување:На прашањето доколку на следните избори би се кандидирале само партии , а не коалициии, за која партија би гласале, резултатите се следни? (*на целата популација)• ВМРО-ДПМНЕ 19.7%• СДСМ 9.5%• ДУИ 6.2%• Левица 5.9%• Алијанса за Албанците 2.8%• Други 4.2%• Неодлучиле 22.5%• Одбиле да одговорат 17%• Не би гласале 12.2%На прашањето доколку на следните избори би се кандидирале само партии , а не коалиции, за која партија би гласале? (* со push нa 48% од определената популација)• ВМРО-ДПМНЕ 40,8%• СДСМ 19,6%• ДУИ 12,8%• Левица 12,2%• Алијанса за Албанците 5,9%• Други 8,7%“, вели ВМРО-ДПМНЕ

Македонија | пред 3 години

Арсовски: Министерката што се срами и ја цензурира сопствената култура треба да си поднесе оставка

„Вчера сите се згрозивме од скандалозната изјава на министерката за култура, Бисера Стојчевска. Министерка која што доаѓа директно од редовите на СДСМ. Стојчевска ни кажа всушност дека треба да живееме како Орвеловата 1984, цензурирано“, вели Димче Арсовски, портпарол на ВМРО-ДПМНЕ.Тој додава:Министерката јасно и гласно ги потврди стравувањата на македонското општество, на македонските граѓани, на народот дека договорите на оваа влада која што ги прави со Бугарија водат кон асимилација и тивка цензура на македонското творештво, нашето најголемо богатствоМинистерката за култура меѓу редови кажа што содржи и што предвидува Протоколот кој што го усогласија владата на СДСМ и Бугарија. Секое она дело кое што ќе обработува содржина која според бугарската страна е оценето како говор на омраза нема да биде поддржано со државни средства.Имено таа вели: мораме да бидеме свесни дека мора да одиме напред. Мора да се ослободиме. Историјата нам повеќе не смее да ни биде затвор. Ова го вели министерката за култура од СДСМ.Г-ѓо министерке, дали вие воопшто знаете колку творечки дела, филмови, песни, романи се создадени и се поврзани со тематиката од втората светска војна или историјата на македонскиот народ, која што сега е оспорувана од страна на Бугарија? Дали знаете или не знаете? Очигледно не знаете и тоа е уште поголем срам за вас како министерка.Знаете ли министерке дека ова кое сега власта и вие го прави е класичен тоталитаризам кој цензурира говор, кој ограничува творечка мисла на уметниците?!Замислете никој во светот не ограничува творечка мисла на уметниците. И сега повторно најверојатно ќе почнете како и во претходното време во комунизмот да создавате подобни и неподобни уметници. Најверојатно тоа е вашата цел.Дали сте свесни и вие како Стојчевска и целото СДСМ, дека вчера се откажаа од сите историски филмови кои ги снимиле доајените на македонското платно, се откажаа од сите сценарија напишани за македонскиот непокор и мака, се откажаа од буквално се, но и онака како и што се очекуваше дека ќе се откажете буквално од се што е македонско.Да биде срамот поголем министерката освен што сугерира забрана на творби со историска содржина, таа дава една бедна квалификација за досегашното творештво на автори како Петре М Андреевски кои имаат историски наратив, нарекувајќи ги мрачни времиња.Цитирам: да се твори во духот кон тоа што ќе ги расположи народот и публиката. Не нешто што повторно ќе го врати народот назад, кон едни мрачни времиња каде што навистина не видовме ништо добро.Да го квалифицирате творештвото на Петре М Андреевски како мрачно, мора да не сте прочитале ниту една книга од него, да не се чувствувате како Македонец и да се срамите од вашата култура. Тие мрачни времиња кои што сега ги споменувате ги живееле нашите предци, за ние денеска да живееме во независна Република Македонија, која што вие како СДСМ и влада се обидувате да ја распродадете.Очигледно министерката за култура нема никаква врска ниту со творештво, ниту со дела, ниту пак со култура. Залудно е на тоа место каде што седи. Ако евентуално прочитала некоја си лектира е врвот на нејзиниот контакт со културата, па сега дојде време на уметниците да им ава насоки какви дела да пишувале и како да расположувале публика, вели да се пишувале само комедии. Најголема комедија во оваа држава е СДСМ. А таа комедија СДСМ најголемата трагедија и ја нанесува на Република Македонија.Срамно и бедно! После ваков скандал Стојчевска треба да си поднесе оставка, бидејќи министерка што се срами и ја цензурира сопствената култура, не може да биде министерка на Република Македонија. Срамно и бедно, може да биде само министерка која што одработува за туѓи интереси.

Македонија | пред 3 години

Нова анкета: ВМРО-ДПМНЕ со двојна предност над СДСМ, огромното мнозинство против францускиот предлог, Ковачевски со непролазна единица како премиер

Агенцијата ИПСОС за потребите на ВМРО-ДПМНЕ спровела теренска анкета на јавното мислење на 1.014 испитаници за периодот од 01 до 18 јули 2022 година. Анкетата се однесува на повеќе актуелни прашања.1. На прашањето доколку на следните избори би се кандидирале само партии , а не коалиции, за која партија би гласале? (*на целата популација)• ВМРО-ДПМНЕ 19.7%• СДСМ 9.5%• ДУИ 6.2%• Левица 5.9%• Алијанса за Албанците 2.8%• Други 4.2%• Неодлучиле 22.5%• Одбиле да одговорат 17%• Не би гласале 12.2%2. На прашањето доколку на следните избори би се кандидирале само партии , а не коалиции, за која партија би гласале? (* со push нa 48% од определената популација )• ВМРО-ДПМНЕ 40,8%• СДСМ 19,6%• ДУИ 12,8%• Левица 12,2%• Алијанса за Албанците 5,9%• Други 8,7%3. Според вас кои се најзначајните проблеми со кои се соочува Република Македонија во моментов, проблеми за кои вие лично сте најмногу загрижени?• Економија/економска состојба/финансии 20%• Лош стандард/мали плати и пензии/ високи цени/ инфлација 16%• Француски предлог/Бугарија 8%• Невработеност 7%• Политика и политичка криза/партизирано општество 4%• Корупција/криминал 4%• Здравство 3%• Проблеми со идентитетот на државата 2%• Промена на името 2%• Сиромаштија 2%• Иселување на младите од државата 2%• Неизвесна иднина/несигурност/нестабилност/ нема напредок 2%• Има многу проблеми/ општ хаос 2%• Лоши политичари 1%• Меѓучовечки односи/поделеност меѓу населението/дискриминација 1%• Образование 1%• Земјоделие/пласман на производи 1%• Владата/тековната власт 1%• Меѓуетнички односи 1%• Влез во ЕУ/ евроинтеграција 1%• Судство 1%• Проблеми во меѓународна политика 1%• Енергетска криза/струја 1%• Нефункционирање на системот и институциите 1%• Војна/ Украина / Русија/ мир 1%• Друго 6%• Не знам 8%4. Дали го поддржувате или не го поддржувате францускиот предлог за надминување на спорот помеѓу Македонија и Бугарија?• Не го поддржувам 58%• Го поддржувам 26%• Одбива да одговори 16%5. Како би го оцениле досегашното работење на Димитар Ковачевски како премиер на Република Македонија со оценка од 1 до 5, при што 1 е многу лош резултат, а 5 е одличен резултат?• Оценка 1 - 36%• Оценка 2 - 15 %• Оценка 3 - 20%• Оценка 4 - 11%• Оценка 5 - 8%• Не знам - 10%

Македонија | пред 3 години

Николоски: Македонија слепо црево на Балканот, Србија доби 137 милиони евра грант, а владата на СДСМ/ДУИ потпишува штетни договори

„Уште еден ЕВРОПСКИ ПОРАЗ! Македонија СЛЕПО ЦРЕВО на Балканот Владата СДСМ/ДУИ потпишува и прифаќа штетни договори, а не прави ништо за економскиот развој и развојот на инфраструктурата 🏗️. Ако имаа добри контакти во Брисел ќе знаеа дека следниот голем инфраструктурен проект на ЕУ е брза пруга 🛤️ од пристаништата во Атина (Пиреа) и Солун до централна Европа, со цел скратување на времето за транспорт на луѓе и стоки во двата правци“, пишува Александар Николоски, потпретседател на ВМРО-ДПМНЕ.Тој додава:„Паметна Влада оди во Брисел и зема грант за брза пруга 🚆 од Табановце преку Скопје до Солун. Мрзелива и неспособна Влада тоа го игнорира.📌 Денес Србија на која сеуште и се потсмеваат дека е анти Европска добива 137 милиони евра грант за брза пруга 🚝 Ниш - Димитровград - граница со Бугарија што е прв чекор кон заобиколување на Македонија од проектот за брза пруга Атина - Солун - Будимпешта - Виена, што ако се реализира е чекор кон претварање на Македонија во слепо црево на Балканот и губење на стратешката позиција на Македонија што е прв чекор кон ПОДЕЛБА и ИСЧЕЗНУВАЊЕ. Звучи апокалиптично, ама државите опстојуваат само ако има геостратешки интерес околу нив.Интерес на Бугарија е Македонија да е слепо црево и стратешки небитна, кој е интересот на СДСМ/ДУИ?“.

Македонија | пред 3 години

Арсовски: Ковачевски да се извини на македонскиот народ затоа што ја носи државата против волјата на граѓаните кон ново национално предавство

„Димитар Ковачевски е срам за македонскиот народ. Продолжувањето по стапките на неговиот ментор Зоран Заев, каде што убедливо ја носи државата кон патот на пропаст и национален срам, го прави уште полош премиер и од самиот Заев. Прашањето кое што го поставува јавноста е следново: Зошто Ковачевски бега од соочување со граѓаните на референдум? Дали со тоа што вели дека е чекор назад референдумот во целиот процес значи дека е свесен дека граѓаните не го поддржуваат?“, прашува Димче Арсовски, портпарол на ВМРО-ДПМНЕ.Тој додава:Да, граѓаните не ја поддржуваат неговата политика. Тоа што Ковачевски се плаши да оди на референдум е само доказ дека граѓаните не даваат поддршка на преговарачката рамка која што тој ја промовира и турка, што во превод значи асимилација и бугаризација. Граѓаните не се за ова.Ако говориме за чекори наназад, Република Македонија чекори наназад цело време откако е дојдена СДСМ на власт. Со Ковачевски само се интезивира тоа темпо на чекорење наназад.Димитар Ковачевски треба да се извини на македонскиот народ, на граѓаните затоа што ја носи државата против волјата на граѓаните кон ново национално предавство.ВМРО-ДПМНЕ нема да дозволи промена на Устав по ниту една цена. Цената што сака Ковачевски да ја платат граѓаните и државата е преголема.Манипулациите на Ковачевски и кликата околу него ќе пропаднат ако тој прифати и излезе на референдум и затоа и е исплашен и се плаши од народот, како што всушност видовме дека е исплашен и на онаа приватна партиска прослава која што ја имаше направено во Крушево каде што не им допушти на граѓаните да го чествуваат празникот како што доликува и треба.Дополнително, додека Ковачевски оди против сопствениот народ, на државата и се случува економски крах. Ценовни шокови, поскапувања, инфлација, најнизок раст на БДП во регионот, најмалку странски директни инвестиции во државата.Ова е класичен неуспех на Ковачевски и на целиот тим на СДСМ во владата. Ковачевски и сите тие околу него кои што управуваат со владата се срам за Република Македонија.

Македонија | пред 3 години

Мицкоски: Македонија треба да го поврати изгубеното, народот да не наседнува на лагите на СДСМ и од нив платен полусвет

„Нека е вечен споменот на комитите, на партизаните, на тие снажни мажишта и жени кои се бореа за нашата слобода. Епска е нашата столетна борба за слобода во која се нижеа падови, но и победи, една ретка крвава драма, препочна со страдања, горчина, треперења и мирис на барут кој подеднакво ја пратеше и нашата копнеж за слобода и верувањето во идеалите“, вели Христијан Мицкоски, претседател на ВМРО-ДПМНЕ.Тој додава:Првиот Илинден е светол, иако Крушевската Република беше крваво задушена, а неуспехот да се ослободиме беше страдањето кое Македонците го прифатија и се носеа со него затоа што не престанаа да веруваат. А, знаеја дека таа борба за своја држава вреди, а успехот дојде четириесетина години по првиот Илинден, оделотворен во Асномска Македонија, Македонија на Ченто, на Петре Пирузе, на Михајло Апостолски, една цела плејада на херои кои ја креваа главата гордо високо, кога многумина им велеа дека треба да клечат. Но ваквата историска читанка ни вели дека Македонија и Македонците секогаш без оглед и на периодите на очигледна слабост на капацитетот на елитите да водат во дадените моменти, раѓала поединци чии дела ечеле во немиот простор на суровата реалност на беспаќата, обезнадеженоста на духот на нацијата и безволноста да се продолжи борбата. Тие поединци ја правеле разликата од останатите и биле примерот во кој народот верувал и по кој тргнувал во борба да го отсонува својот сопствен сон. Овие татковци на нацијата ја пишуваа нашата историја и го водеа нашиот народ. И тие не клечеа, не се колебаа, не тргуваа со светите работи за нашата кауза. Нивните имиња денес ги изговараме со особено чувство на почит и со трепет во нашите срца, затоа што тие веруваа во идејата која многумина се откажуваа. Ако некој се сомнева во нивната припадност, за тоа кои биле и што биле, нивните коски се расфрлани насекаде низ оваа земја и тие извираат и живеат во нашите сеќавања, во раскажувањата на генерациите кои доаѓаат потоа, а нивната слава е неизбришлива. Делата на овие луѓе ја создаваа Македонија и затоа нејзиното постоење нема цена, и ако прашањето е на што сме подготвени да направиме за да Македонија опстои треба да знаат дека ќе ја платиме секоја цена за да го зачуваме непроценливото, а тоа е нашата Македонија.Драги пријатели,Она што денес ни се случува со нашата Македонија е едно историско дежа ву на сите аспирации на дел од соседите кои безмалку во различни облици не прателе како проклетство низ вековите. Не е проблем што тие удираат, но болката е што одвнатре Македонија е распродавана. И тука немаме ние некаков идеолошки судир, туку постои математичка пресметливост на владејачката елита која преку трговијата со најскапото ја задржува власта. Власта за мене е одговорност да се води, власта за оваа моментална елита е да ја крадат нашата Македонија. И затоа во овие пет години оваа власт е најразорната атомска катастрофа која Македонија во не само економски, туку политички контекст ја уназади децениски, правејќи штета по нашите стратешки позиции за кои ќе бидат потребни нови децении заедничка битка да се повратат. И кога тргуваа со заедничкото за нивна лична корист, го убиваа духот на Македонецот, го убиваа тој ентузијазам за новата држава кој полека прерасна во разочарувања, го убиваа сонот на тие момчиња и девојки кои ги вееја македонските сонца тој 8-ми Септември, ја убиваа секоја надеж дека можеме поинаку, секој план, секоја прогресивна размисла за потрага по колективната среќа која без исклучок завршуваше со желбата да бидеме признаени Македонци од Македонија како дел од Европското семејство на рамноправни народи. И сега кој е повеќе за Европската Унија? Ние кои треперевме за идејата да имаме своја независна и суверена држава Македонија која ќе биде дел од семејството на Европската Унија, со зачувано достоинство, име и идентитет, или овие кои сега ја водат земјата, а кои нема европска вредност која не ја погазија, поплукаа, или идентитетска вредност која не ја начнаа или истргуваа само со една цел за да продолжат со богатење на грбот на народот и неговата колективна несреќа.Драги пријатели,Денес би сакал да говорам малку и за стратегијата на власта преку која сака да постигне две значајни цели за нив. Првата, да ја обвини Европската Унија и меѓународната заедница дека тие се виновни за ова што и се случува денес на Македонија, а не неспособноста, поданичкиот и предавнички карактер на власта и втората цел е да го нападне ВМРО-ДПМНЕ и коалицијата дека недоволно се бори за македонскиот национален идентитет. Сигурно си го поставувате прашањето како тие би ја реализирале првата цел, кога вакви политичари, безрбетници кои коленичат каде стигнат, Македонија нема ниту чуено ниту видено во својата независност? Ќе ве потсетам драги пријатели, браќа и сестри на нападите во медиумите од страна на владините гласноговорници кон поранешниот француски амбасадор, г-динот Тимоние кога Франција бараше измена на претпристапната методологија, или пак месеците потоа кога цела Европска Унија и врвните политичари од ЕУ беа виновни затоа што добивавме вето. Тоа е инженерингот што криминалната власта изминативе години го правеше. Преку платените гласноговорници обвинуваа и ја убедуваа јавноста дека ЕУ ни е виновна за неправдата создавајќи преку таквата кампања во народот гнев и недоверба кон ЕУ, а позади завесата го подготвуваа завршниот чин на предавството кое го завршија оваа година и се разбира во целиот тој период не престанаа да крадат и да го пљачкосуваат народот. Втората е да го нападнат ВМРО-ДПМНЕ и коалицијата дека недоволно се бори за македонскиот национален идентитет преку сопствените инсталации во опозицијата и помеѓу македонскиот народ, а кои се ништо повеќе од полу свет за кој ќе зборувам малку подоцна. Не смееме браќа и сестри да конзумираме од измамите на власта и нивните лакеи во опозицијата. Не е виновна ЕУ за ова што денес и се случува на Македонија и македонскиот народ, виновникот има име и презиме, Пендаровски, Ковачевски, Османи, Заев итн..., а политичката партија која што е извор на сите овие порази и предавства има име и се вика Социјалдемократски Сојуз на Македонија или СДСМ. Драги пријатели, недалеку од овде има три фабрики кои потекнуваат од ЕУ и илјадници наши сограѓани своите семејства ги хранат, директно или индиректно работејќи во или со тие фабрики. Илјадници граѓани на ЕУ годишниот одмор го поминуваат недалеку од овде на охридско/струшкото крајбрежје, да бидеме супер домаќини, чесни и честити како што може Македонецот да биде, вредни и скромни, секогаш пријателски расположени, па следната година да ги убедиме повеќе туристи од ЕУ да не посетат. Ве молам да не дозволиме на инсталациите на власта, тие лакеи во форма на полусвет да не поделат и фрагментираат. Тие се платени со вашите пари, вашите крадени пари или пак се уценети и чекаат милост од власта. Ќе си го поставите прашањето, кој е излезот? Излезот е избори и мнозинство на ВМРО-ДПМНЕ и коалицијата во парламентот како гаранција дека Македонија ќе го врати загубеното. Тоа е единствениот пат.А колку реално им значи народот се гледа по тоа колку прифаќаат да го чујат неговото мислење. Референдумот за отфрлање на асимилацијата која тие ја прифатија, е добра можност оваа елита да покаже колку го вреднува ставот на народот дури и тогаш кога поинаку мисли од него. Бегството од референдум на владата е бегство од народот и доказ за тоа колку големо предавство прават на својата земја и на својот народ. Референдумот е огледалото на нивната немоќ, на нивниот морален хазард, и за тоа како бегајќи од референдум сакаат преку трупа, жедни преку езеро, на мала врата да го пренесат народот без да имаат обѕири за тоа каква катастрофа прифаќаат. Јавно повикувам да поддржиме референдум, сите заедно да повикаме и на народот да му дадеме шанса да донесе одлука. И сакам тука да потенцирам уште еднашка по кој знае кој пат, народот да биде спокоен, без оглед на тоа што ќе смисли оваа власт како опструкција или отпор за референдумот, гаранцијата, блокадата и чувањето на уставот од страна на пратениците на ВМРО-ДПМНЕ и Коалицијата се факт и тоа останува. Нема промена на уставот под овие околности, по ниту една цена.Драги пријатели,Не смее да постои разочарување ниту пак губење на надежта. Поединците за кои на почетокот зборев, не ја губеле вербата и во најтешките времиња воделе храбро. Таквите тивки херои постојат и денес и тие се, тие се нашата надеж. И таквите луѓе се секој еден од вас кој со искрено срце ја сака Македонија и посакува државата да престане да губи.Вие-врз чии плеќи се крепи државата и кои не барате ништо повеќе од само малку достоинство и изгледи за иднина. И знам дека ги живееме најтешките времиња од независноста до денес, но работите никогаш не биле појасни. Во периодот што следи власта ќе продолжи да крева прашина, димни облаци за тоа дека тие биле проЕУ, а сите кои не се како нив одработувале за трети држави. Сум чул во политиката многу манипулации, ама ова е некако најпровидната лага до сега. Од крадци како овие на власт европејци не бива. Втората работа која ќе се обидат да ја прават е да не прикажат за радикали и да внесат етнички поделби. Не верувајте ниту во ова. Нашата љубов кон Македонија не значи омраза кон некој друг туку подадена рака кон секого заеднички да се бориме против власта која носи проблеми кои се исти за сите, впрочем патриотизмот не значи национализам. За овие намери на власта задолжени се оние инсталации кои треба да се преставуваат како се друго, само не она што навистина се, а тоа е продолжена рака на власта на ДУИ и СДС. Тие инсталации се најподлите, или што би рекол Прличев в лице светци, в срце в’лци. Таквиот полу свет дебело финансиран или уценет од власта има за цел да внесува раздор во македонското ткиво, да стимулира жолт печат и невистини, да создава експлозија од ниски страсти и да одвлекува внимание. Со други зборови тој полу свет на СДС и ДУИ постои за да се занимавате со ВМРО-ДПМНЕ за да не се види дебаклот на власта. Тој полу свет се отпадоците на власта, најдобрите чираци на срамното сценарио на релативизрање и рушење на секаков отпор. Една шака платеници, друга шака уценети одработувачи кои ќе сакаат да внесат сомнеж во секој еден кој се бори против предавствата и болната реалност. Бидете претпазливи, тие не се моќни за победа, но имаат сила да внесуваат сомнеж во секоја прогресивна сила која се бори за Македонија. Најдобриот одговор на сето ова е обединувањето. Затоа колку тие ќе се обидуваат да фрагментираат, да не поделат ние треба да се обединиме. И тоа обединување да е на една принципиелна основа каде подаваме рака кон секому на кој Македонија му е на прво место и секоја друга наша разлика е помала од оваа наша појдовна основа и мотив. Да бидеме сите како едно. Затоа одговорот на поделеноста и фрагментирањето е обединувањето, национално, политички. Обединети партии, здруженија, синдикати, поединци и организации, сите против оваа корумпирана ненародна и предавничка власт предводена од СДСМ и ДУИ. Сите против оние кои ја одземаат колективната среќа и иднина. Обединување заосновано на нашиот сон за Македонија.Да ја вратиме енергијата, да ја вратиме Македонија. Да го вратиме изгубеното и да создаваме иднина. И да можно е сето ова. Како што и илинденците не се откажаа.И не заборавајте, имаше прв, имаше втор Илинден, третиот Илинден беше 8 Септември 91та, да се избориме за уште еден нов Илинден каде ќе имаме победа на Македонија над сите неправди, инсталации, и сили кои не влечат надоле.Илинден не учи дека нема откажување и дека борбата е константа, а љубовта кон татковината најголема сила. Затоа и Македонија ќе победи и ќе одиме напред. Пламенот е разгорен, промените ќе се случат.Честит Илинден Македонијо!Македонија е вечна!

Македонија | пред 3 години

Арсовски: Пендаровски сериозно го има совладано синдромот на ретерирање и ја одбра антимакедонската политика

„Стево Пендаровски веќе сериозно го има совладано синдромот на ретерирање кој што го наследи од Зоран Заев. Стево Пендаровски јавно се откажа од македонските национални интереси и интересите на граѓаните, и ја одбра антимакедонската политика и по кој знае кој пат покажа и докажа дека не е на страната на граѓаните, туку е на страната на тесно партиските политички, антидржавни интереси на СДСМ, Димитар Ковачевски и Зоран Заев, како основоположник на сите овие неуспеси на Република Македонија“, вели Димче Арсовски, портпарол на ВМРО-ДПМНЕ.Тој додава:Наместо заштитник на државните и националните интереси како што сакаат граѓаните да изгледа и да биде, и да работи нивниот претседател на државата, претседател на Република Македонија како што треба да изгледа, Стево Пендаровски стана соучесник на Ковачевски и негов послушник.По само неколку денови Стево Пендаровски ретерираше од сопствените ставови. Ретерирајќи од референдум, за кој што и самиот Пендаровски се изјасни дека треба да има референдум со чесна формулација, кој треба го поддржат сите политички партии, Стево Пендаровски покажа дека или нема политички капацитет да има сопствен став на кој што ќе опстои цело време или пак Ковачевски и Зоран Заев сериозно го имаат притиснато и му имаат покажано дека тој е само нивни пиун кој го манипулираат и управуваат како сакаат од Владата.Стево Пендаровски, како што можевте и самите да видите и да слушнете, во само неколку дена успеа да го излаже целиот народ, најпрвин за да ги придобие симпатиите на граѓаните и на јавноста, се изјасни дека треба да има референдум во насока како што ВМРО-ДПМНЕ и претседателот Мицкоски предложија, за потоа политички кажано, Владата да му свитка рака и да му каже дека не треба референдум и сето тоа било манипулација. Со што Стево Пендаровски ги пренесе повторно ставовите на Владата, ретерирајќи од она што го кажа само неколку денови претходно.Граѓаните можат да ја видат антимакедонската страна на Пендаровски на дело.Драстично менување на ставови и биполарно политичко однесување во само неколку денови, може да се карактеризира како политичка незрелост за заземање став за крупни и важни политички прашања.Оттука мораме да потенцираме дека референдумот по ова прашање не е желба на Пендаровски дали да се случи или не, туку морална обврска на еден сериозен претседател на држава кој треба да оди по линија со граѓаните. Случајот со Пендаровски, очигледно е дека му е свиткана раката од страна на Владата и морал потоа да се изјасни и да каже онака како што му кажале од Владата и да го смени ставот.Почитувани граѓани,Почитувани медиуми, вклучително и Пендаровски,Се уште има шанса да се поправи. Секако, ако тој самиот е самостоен политичар и институција, а не човек со кој управува Владата и Ковачевски. Сепак интересот на граѓаните и на државата е поважен од се, вклучително и од ретерирањето на Пендаровски. Кога еднаш го сменил ставот, може уште еднаш само и само во интерес на граѓаните и на Република Македонија.

Македонија | пред 3 години

Мицкоски: Нема да го поддржиме заемот од 100 милиони евра се додека не видиме каде отидоа парите на граѓаните од претходната енергетско кризна состојба

„Оптимизмот е дека ќе се набави јаглен, а не дека нема да имаме енергетска криза. А, не е оптимизмот по која цена и од каде пари. Еве сега да речеме повторно ќе дојде во Парламентот закон со кој што вие граѓаните ќе се задолжите со 100 милиони евра. И они сега што сакаат да направат? Сакаат да прогласат енергетско кризна состојба, за да можат овие 100 милиони евра при оваа набавка на јаглен, на мазут, и на останато, да ги трошат во четири очи, да ги крадат“, појасни претседателот на ВМРО-ДПМНЕ, проф. д-р. Христијан Мицкоски при посета на општина Петровец одговарајќи на новинарско прашање.Мицкоски додаде дека ВМРО-ДПМНЕ нема да го поддржи заемот од 100 милиони евра се додека власта не каже каде ги потроши парите од минатата енергетско кризна состојба.„Нашиот став е ДА за енергетската кризна состојба, но прво да видиме каде ги потрошија парите на граѓаните од минатата енергетско кризна состојба. И нема да го поддржиме овој заем од 100 милиони евра се додека не видиме каде отидоа парите на граѓаните“, нагласи претседателот на ВМРО-ДПМНЕ.„Владата и владините министри се сѐ побогати, а народот е се посиромашен. Додека не видиме каде отидоа парите ние нема да се согласиме ниту на нова енергетска кризна состојба, ако треба мерки за поддршка на стопанството подготвени сме како мерки да ги поддржиме, но не и да дозволиме Владата да биде на начин на кој што ќе ги краде парите преку условно кажано енергетско кризна состојба. И сега видете го вториот парадокс, првиот парадокс е го опљачкаа ЕЛЕМ, ЕЛЕМ кој што произведувал по 6 – 6 ипол терават саати, сега произведува помалку од 3 терават саати и како награда добија нова компанија со нови управни, со нови надзорни одбори која што треба да го врши затоплувањето на Скопје. Овие „способниве“ што ја уништија ЕЛЕМ сега треба да им дадеме во рака нови 100-тина – 200 милиони евра, пари на граѓаните да ја доуништат новата компанија со нови управни, со нови надзорни одбори итн. Од прилика тоа е планот, и тоа е она кое што ни го нуди Владата, а нормално во јавноста пред граѓаните шири условно би рекол песимизам и позади завесата ги бројат провизиите од тендерите во четири очи. Тоа е суштината, а тоа ние нема да го дозволиме како ВМРО-ДПМНЕ и како опозиција“, рече Мицкоски.

Македонија | пред 3 години

Обвинителниот акт за модуларната во Тетово не ги опфаќа вистинските виновнци, наместо по коњот се удира по самарот, смета опозицијата

„Најавениот обвинителен акт за трагедијата со модуларната болница е нецелосен и не ги опфаќа вистинските виновници, туку лица кои се далеку подолу на прирамидата на одговорноста. Тоа само покажува дека и случајот со модуларната болница, исто како и со трагедијата со Дурмо Турс и Беса Травел се водат без да се најде вистинскиот системски причинител, поради кои десетици животи беа предвреме згаснати“, вели ВМРО-ДПМНЕ.Тие додаваат:Обвинителниот акт не ги дава одговорите која е улогата на министерството за здравство во изградбата на овие објекти, како од надлежните инспекции тие добиле дозвола да работат, која е одговоноста за материјалите од кои беше изграден објектот и редица на други фактори кои доведоа до трагедијата.Семејствата на настраданите во вакви случај, со вакво судство и обвинителство нема да ги добијат вистинските одговори, како и поради што настрадаа нивните најблиски. Нивната болка нема утеха, но уште поболно е што во Македонија се создава систем на неказнивост во која наместо по коњот се удира по самарот. Затоа за жал системот на неказнивост создава нови и нови трагедии. Тоа мора да престане. Вистинските виновници мора да одговараат и во случајот со тетовската модуларна болница и во секој друг случај, затоа што само така може да се изгради владеење на правото и правна држава.

Македонија | пред 3 години

Мицкоски: Наќе Чулев е избркан од работа од страна на овој хибриден режим кој не може да се соочи со неистомислениц

Ние сме навикнати четири и пол години, колку што сум јас претседател, ова да се случува. Тие се пресметуваат со мене, индиректно се пресметуваат на ваков начин брутален, со луѓето кои што соработуваат со мене и со луѓето кои што се дел од раководството на ВМРО-ДПМНЕ, вели претседателот на ВМРО-ДПМНЕ проф. д-р Христијан Мицкоски од Гевгелија каде што присуствуваше на пуштање во употреба на спортско игралиште во рамките на активноста „Промените се случуваат, секогаш со народот“, каде беше запрашан за коментар за бркањето од работа на Наќе Чулев по 25 години професионална служба во безбедносниот систем на државата.„Ова не е нешто ново, бидејќи сите знаете дека станува збор за врвен професионалец кој што 25 години работи во безбедносниот систем, извршувал врвни функции, врвни државни функции, сега е избркан од страна на овој, според некој бирократи во Брисел, проевропски режим, но според меродавните ранг листи, хибриден режим кој што не може да се соочи со неистомисленици и посегнува вака брутално по нивното лично и човечко достоинство“, рече Мицкоски.Но, додава Мицкоски, мојата порака и до нив е дека, поминува времето, познавав јас и во минатото многу вака луѓе кои што се силеа, па потоа беа мачени, ќе дојде и тој ден кога повторно ќе се соочиме, повторно ќе се видиме и тогаш ќе мораме да дадеме одговори на многу прашања, а ние ќе го издржиме ова.Мицкоски истакна дека Наќе Чулев ја има неговата целосна поддршка и дека е исклучително важна алка во партијата, кој од сега ќе биде уште по посветен во структурата на ВМРО-ДПМНЕ.„Наќе Чулев ја има мојата целосна поддршка, Наќе Чулев е исклучително важна алка во структурата на ВМРО-ДПМНЕ. Сега ќе биде многу по посветен во делот и околу мене и во структурата на ВМРО-ДПМНЕ. ВМРО-ДПМНЕ не остава ниту еден свој човек. Наќе Чулев ќе биде дел и продолжува да биде дел од ВМРО-ДПМНЕ, да се бори за ВМРО-ДПМНЕ“, рече Мицкоски.

Македонија | пред 3 години

СДСМ знае дека ќе доживее дебакл, затоа не поддржува референдум, предавникот Ковачевски ја чува фотељата, тврди ВМРО-ДПМНЕ

„СДСМ знае дека ќе доживее дебакл, затоа не поддржува референдум, предавникот Ковачевски ја чува фотељата“, вели ВМРО-ДПМНЕ.„Ако СДСМ беа уверени дека договорот кој го постигнале и протоколот кој го потпишаче се толку добри, тогаш немаше да имаат проблем да излезат на референдум.СДСМ знаат дека договорот е лош и дека е на штета на македонскиот јазик, идентитет и историја, и затоа бегаат од референдум.На СДСМ им е страв од народот. Кој масовно се обедими против бугаризацијата планирана од предавникот Ковачевски.Предавникот Ковачевски се крие и зад пратениците на СДСМ и зад владага во целост, бега од референдум и само се бори да ја зачува позицијата“, додаваат тие.

Македонија | пред 3 години

Од оваа хибридно-режимска власт се очекува да го дели народот по разни основи, наместо да работи на решавање на реалните проблеми на граѓаните, вели Мицкоски

Од оваа недемократска, хибридно – режимска власт во овие тешки времиња наместо да се фокусира на реални проблеми на граѓаните, како што е борбата против корупцијата која е исклучително голема, таа да го дели народот по разни основи, истакна претседателот на ВМРО-ДПМНЕ, професор д-р Христијан Мицкоски од денешниот настан во хотел Континентал, запрашан за став по последни изјави на владините претставници дека со гласањето на промена на Уставот ќе се видело кој е за Европската Унија, а кој против.„Тоа е очекувано од страна на оваа недемократска, хибридно – режимска во Македонија, да се обидат дополнително да го поларизираат и онака поларизираното општество. Но, од анкетите можете да видите вие дека таа половина која што нив ги поддржува е незначително, односно помала од 10-тина проценти. И навистина жалам што во овие тешки времиња, наместо да се фокусираме на реалните проблеми на граѓаните, а тоа е борбата против корупцијата која што е исклучително голема“, рече Мицкоски.Додаде дека сите гледаме, како додека ја распродаваат државата и македонскиот идентитет не престануваат да крадат и да нижат тендери во четири очи, додека стандардот галопирачки паѓа и граѓаните мака мачат да се прехранат од први до први во месецот.„Гледате дека додека ја распродаваат државата и идентитетот не престануваат да крадат, па се нижат тендерите кој што се случуваат во четири очи. Имаме неколку такви во изминатиов период. За жал, состојбата во образованието, во здравството е катастрофална, економијата веќе и да не ја споменува никој во државата. Граѓаните, буквално, мака мачат да се прехранат од први до први, бидејќи инфлацијата е галопирачка, стандардот стагнира оди надолу“, истакна Мицкоски.Мицкоски додаде ова се суштинските проблеми со кои треба да се занимава една европска Влада, а ние, за жал, имаме хибридно-режимска власт која се занимава со делби на граѓаните на вакви и такви, наместо да обединува и во овие тешки времиња заеднички да ги надминеме предизвиците со кои ќе се соочиме оваа есен, како што се грејната сезона, предизвиците во образование, здравството, економијата и така натаму.„Тоа се суштинските проблеми со кои што би требало да се занимава една европска Влада, но за жал, ние имаме хибрридно-режимска власт која што се занимава со делба на граѓаните на вакви или такви. Наместо да ги обединува и наместо во овие тешки времиња сите заеднички да ги поминеме предизвиците со кој ќе се соочуваме оваа есен, а и оваа зима. За месец дена од денеска, нешто повеќе, ќе почне учебната година, доаѓа и грејната сезона за нешто повеќе од два месеци од денска. Од тоа што можам да го видам, ниту имаат план, ниту имаат визија, но затоа пак имаат план и те како имаат визија за да продолжат да крадат. Ако се тоа европските вредности, тогаш јас кажал „не, благодарам“ на такви европски вредности. Мене тие европски вредности не ми се познати иако голем дек од своето образование сум поминал во таа Европа“, посочи Мицкоски.

Македонија | пред 3 години