ГЛАВНИ-ВЕСТИ

Денеска е Водокрст - на полноќ се отвора небото

На 18 јануари се слави празникот Водокрст. За православните Христијани е строг пост.Во Светата Црква се воспева силата и моќта на Крстот. Се врши крштевање на водата и таа со силата на Светиот Дух добива лековита моќ. На празникот наречен Водокрст секоја година се извршува голем Богојавленски водосвет.Водокрст паѓа во очи Богојавление и секогаш е посен ден, без оглед на тоа во кој ден од неделата се паѓа.Се верува дека во глуво доба од ноќта, пред Богојавление, на момент се отвора небото, за да се вкрстат ветровите кои дуваат зиме со оние кои дуваат лете и дека целата вода станува света. Кој тогаш ќе се затекне на отворено и го види тоа, може од Бога да посака исполнување на една желба.Некои овој празник го нарекуваат Водокрштение или Водопост. Овој празник е празнува на 18 ти јануари. Водокрст доаѓа од крштевањето односно осветувањето на водата, а Водопост поради тоа што се работи за строг пост.

Македонија | пред 7 години

Агатангел удри по Груевски: Избеганиот екс-премиер, има вина во страдањата на македонскиот народ

Во емисијата „Отворено“ на ТВ Алфа, синоќа гостуваше Владиката Агатангел. Тој дебатираше за последните политички случувања во Македонија.„Мислам дека со Договорот од Пржино почнаа сите трауми, сите страдања, страмотилаци и понижувања на македонскиот народ. Тука најголема вина има екс-премиерот, Никола Груевски, затоа што според мене,тој не требаше да го потпише тој Пржински договор. Потоа дојде и Договорот со Бугарија“, истакна Агатангел.

Македонија | пред 7 години

Во тек се конкурси за поддршка за активности за заштита на децата на улица и во социјален ризик

Министерството за труд и социјална политика објави јавни конкурси за поддршка на активности на здружениja за социјална заштита на деца на улица и психо-социјална поддршка на деца во социјален ризик. МТСП наскоро ќе објави уште два конкурса на кои ќе финансира активности поврзани со деца со пречки во развојот и со аутизам. Со овозможување повеќе и поквалитетни услуги надвор од институциите градиме поефикасен систем за заштита на децата и нивна интеграција во општеството.Со конкурсите коишто се во тек МТСП поддржува активности за заштита на децата на улица и нивно вклучување во општеството, намалување на негативните влијание на улицата врз децата и нивниот развој, зајакнување на системот за заштита на децата на улица и промовирање на вонинституционалната форма на социјална заштита - Дневен центар за деца на улица.Меѓу предвидените активности ќе се работи и на обезбедување храна, облека и хигиенски средства за потребите на децата, медицинска нега и едукација за здравствената заштита, мотивација и подготовка на децата и нивните родители за вклучување во редовниот образовен систем, како и теренски активности и работа со децата на самото место (раскрсници, семафори и други места).Целта на доставените проекти за психо-социјална поддршка на деца во социјален ризик треба да биде зајакнување на животните вештини на децата со воспитно социјални проблеми и нарушено поведение, со посебен акцент на деца кои употребуваат психоактивни супстанции. Во рамки на овој проект ќе се спроведат активности за идентификација и поддршка во надминување на социјалниот ризик на децата кои употребуваат психоактивни супстанци, а ќе се овозможи и помош за совладување на образовните содржини, односно довршување на образовниот процес или доквалификација заради полесно вклучување на пазарот на труд.Конкурсите траат 5 дена од денот на објавувањето, а крајниот рок за доставување на апликациите е до 16 часот на последниот ден на конкурсот.Двата јавни конкурси се достапни на: http://www.mtsp.gov.mk/oglasi-izvestuvanja.nspx

Македонија | пред 7 години

Времето денеска облачно и магловито, на места со слаб дожд

Времето денеска ќе биде претежно облачно, по котлините магливо. Во југозападните делови ќе има слаб локален дожд, во Пелагонија со услови за замрзнат дожд. Ќе дува слаб јужен ветер. Прогнозата на метеоролозите за утре е дека ќе преовладува умерено облачно со услови за магла по котлините.Во наредниот период ќе преовладува облачно време со слаби локални врнежи од дожд, а на планините од снег. По одделни котлини ќе има појава на магла, а повеќе сончеви периоди ќе има утре. Пообилни врнежи се очекуваат во вторник.

Македонија | пред 7 години

Новата комбинирана метода на тромболиза и тромбектомија, применета во Македонија

На пациент кој доживеал мозочен удар, поради запушување на магистрален крвен сад во мозокот, завчера тим лекари невролози, анестезиолози и радиолози, спасен му е животот со помош на новата комбинирана метода на тромболиза и тромбектомија, која кај нас веќе станува практика.„Пациентот се чувствува добро. Најважно е дека навреме се спасени сите витални функции кај него, непречено ги движи и нозете и рацете. Без примената на оваа нова метода пациент со ваков мозочен удар или ќе починеше или ќе останеше со трајни инвалидни последици. Голем успех за тимот лекари кои беа вклучени во овој, за нас иновативен пристап, но кој покажува многу добри резултати при состојби на акутен мозочен удар. Им честитам на колегите, а на пациентот му посакувам побргу да закрепне и да биде со семејството“, истакна министерот за здравство Венко Филипче.Зафатот го изведе тим од лекари и медицински сестри од Универзитетските клиники за Неврологија д-р Анита Арсовска и д-р Бојан Бошковски, од Клиниката за Радиологија д-р Петар Јаневски, д-р Менка Лазарова и д-р Дејан Даскалов и од КАРИЛ анестезиологот д-р Азби Агуши.

Скопје | пред 7 години

Нема фотографија

Мицковски најави кривични пријави за Заев и Џафери

Извршен е атентат, Македонија веќе не е правна држава, ќе поднесеме кривични пријави за Заев и Џафери за Законот за двојазичност и претставка до Уставниот ,изјави лидерот на ВМРО-ДПМНЕ Христијан Мицкоски.Мицкоски истакна дека коалициските партнери ја поддржале идејата за предвремени парламентарни избори заедно со претседателските и веднаш и неодложно распуштање на Собранието.

Македонија | пред 7 години

(ВОЗНЕМИРУВАЧКА СОДРЖИНА) Дали мртви бебиња се чуваат во фрижидери низ цела Србија и служат за експерименти?

Можно е мртвите бебиња да има и во другите болници во Србија, да се складираат во фрижидери исто како во Краљево, вели Радиша Павловиќ, член на Републичката комисија за исчезнати бебиња, кој инсистираше на тоа дека овој ужас бил откриен денеска.- Имавме можност да погледнеме во болничкта евиденција денеска и да откриеме дека едно бебе не беше мртвородено. Она што се случило со тоа бебе, обвинителството и полицијата истражуваат, но јасно е дека не се родени сите бебиња во оваа болница. Тоа бебе е одземено од депонија, и оттогаш не е погребано. Недозволиво е дека бебињата, без оглед дали се мртвородени или умреле по раѓањето, да се чуваат во обични замрзнувачи! - нагласува Павловиќ.Тој се сомнева дека слични начини за починување на доенчиња се користат и во други породилишта во Србија, а она што било денеска откриено во Краљево, според него, треба да е сигнал до сите српски болници дека треба да се придржуваат кон законот, пред сè, Законот за погреб.Го замоливме обвинителот и полицијата да ги поканат сите мајки што ги родиле овие 13 деца, да потврдат дека се нивни и да одговорат напрашањата од директорот дека одбиле да ги земат своите деца. Не знам дали ова е точно, но според мое мислење, уште повеќе е шок ако родителите одбиле да го погребаат своето дете ", вели тој за Телеграф.Да потсетиме, телата на 13 бебиња беа откриени денес во болницата Студеница во Краљево, откако Радиша Павловиќ, активист за откривање на вистината за исчезнатите бебиња во Србија, доби предупредување за оваа ситуација.извор: курир.рс

Свет | пред 7 години

(ВИДЕО) Орденот „Александар Невски“ на градите на Вучиќ

Рускиот претседател Владимир Путин денеска во Белград на претседателот Александар Вучиќ му го врачи орденот „Александар Невски".Путин од Палата Србија порача дека е среќен што го одликува претседателот на Србија со висока државна награда на Русија. Путин додаде дека орденот носи име на голем светец и покровител на дипломати кој се изборил за независност во борбата против странските освојувачи.„Во текот на речиси 300-годишна историја на награди запишани се славни имиња на претставници на Србија, меѓу кои се кнез Милош Обреновиќ и Никола Пашиќ. Сега во листата добитници е запишано и вашето име“, истакна рускиот претседател.За Вучиќ пак, како што кажа овој орден значи голема чест и одговорност во идното проширување на соработката меѓу Србија и Русија.„Горд сум на Србија која ја заслужи оваа награда. Србија во последниве години успешно ја чуваше својата независност, територијален интегритет и воена неутралност. Ова признание значи дека ја сочувавме Србија како слободна држава“, рече Вучиќ по доделувањето на орденот.Според Вучиќ , Путин „ја подигна и ја заштити Русија“, но и виталните интереси на српскиот народ.

Свет | пред 7 години

(ФОТО) Високиот гостин претседателот на Русија, Путин пристигна во Србија

Претседателот на руската федерација, Владимир Путин пристигна во официјална посета на Белград. На аеродромот „Никола Тесла“ го пречека неговиот домаќин, претседателот на Србија, Александар Вучиќ.Авионот со претседателот на Руската федерација Владимир Путин слета на аеродромот Никола Тесла во придружба на шест српски воени авиони МИГ 29 . 

Свет | пред 7 години

Нема фотографија

Хорор: Во Краљевска болница пронајдени 13 мртви бебиња во фрижидер

Курир.рс нeофицијално објави дека членови на комисијата за исчезнати бебиња, во фрижидер на општата болница во Краљево пронашла 13 мртви бебиња.Српскиот Курир најави подоцна повеќе информации за овој незапамтен хорор.

Свет | пред 7 години

МВР: Сопственикот на куќата која изгоре - под дејство на алкохол ја попречувал работата на пожарникарите

На 16.01.2019 година околу 20.30 часот во СВР Скопје било пријавено дека на булевар „3-та Македонска Бригада“ во Скопје избувнал пожар во куќата сопственост на О.Е.(62) од Скопје. Бидејќи сопственикот, кој бил под дејство на алкохол и го нарушувал јавниот ред и мир и им ја попречувал работата на припадниците на Бригадата за противпожарна заштита, бил приведен во Полициската станица Аеродром.Увид на местото ќе се врши во текот на денот.

Скопје | пред 7 години

Апасиев: Без потпис од Претседателот, законот е обично бело парче хартија за виткање тегли

Професорот Димитар Апасиев, на својот Фејсбук профил во врска со законот за јазиците напиша дека Законот за двојазичност е обично парче хартија.“Дај бе не им паѓајте на националистичките провокации на ДУИ. Без претседателскиот потпис, т.н. Закон за двојазичност е обично парче хартија во кое можете да си ги виткате теглите од ајвар или зимница. Игнорирајте го! Никого не обврзува. НЕ ВАЖИ.Само жал ми е за дечкото од Службен весник… Ќе нае.е со казна затвор кога ќе падне Тира.иновА за тие шо се праите правници ко Фрчко, еве ви ја Одлуката на Уставен суд од 1998, коа Тито Петковски исто вака се ку.чеше ко сеа Таљат од УЧК и за прв пат у нашата правна историја објави закон без потпис на Глигоров. Ова е втор пат“, напиша Апасиев.

Македонија | пред 7 години

Путин во Белград ќе слета на пладне - покрај рускиот претседател неофицијлно низ Белград ќе шетаат и двајца двојници

Владимир Путин денеска ќе пристигне во Белград, во придружба на 30 најблиски специјалци од Федералната служба за обезбедување, а околу 7.000 полицајци и лица од безбедносните служби ќе се грижат за неговата безбедност во Белград.Неофицијално покрај рускиот претседател и двајца двојници ќе има во главниот град на Србија.Рускиот претседател Владимир Путин денеска пристигнува во Белград. Тој доаѓа во официјална посета на Србија на покана на шефот на српската држава Александар Вучиќ.Според најавите, по свечениот пречек на белградскиот аеродром „Никола Тесла“, Путин ќе положи венци на Гробиштата на ослободителите на Белград и на Споменикот на црвеноармејците, по што ќе има официјална средба со неговиот домаќин Вучиќ.Путин во белград ќе слета во 12:01 минута. Официјалниот дочек ќе биде пред палатата Србија во 2:45 мин.По разговорите во четири очи меѓу двајцата шефови на држави, ќе се одржи официјална средба меѓу делегациите на двете земји и ќе бидат потпишани повеќе документи за соработка, по што Путин на Вучиќ ќе му го врачи Орденот на Александар Невски.Путин ќе го заврши престојот во Србија со посета на белградскиот храм „Свети Сава“ во 18:00 часот.Детлите за посетата за espreso.rs ги објавил шефот на кабинетот од Кремљ.

Свет | пред 7 години

Митревски: Младите играчи од клупата играа како се да е загубено

Македонија го доживеа вториот пораз на Светското првенство, загубивме од Шпанија со 32:21 одигравме одлично прво полувреме, но по само неколку минути во вториот дел го загубивме мечот.„Одигравме квалитетно прво полувреме, не калкулиравме, заслуживме да водиме 3-4 разлика, но не ги искористивме шансите. Во второто полувреме се случи тоа што се случи, ќе видиме утре дали било тоа за добро или лошо. Утре ни е финале, за пласман во следната фаза. Можевме да бидеме во егал до 59. минута и да изгубевме, тоа ќе беше полошо. Штета, бевме расположени за игра, но тоа е тоа, шпанците успеаа да реализираат. Треба да се спремиме за утре, Исланд имаат млади и добри играчи, ќе биде многу тешко и ќе дадеме се од себе“, изјави Кире Лазаров.„Одигравме многу лошо, имавме многу лесни голови, многу лесно се предадовме. Младите играчи од клупата играа како се да е загубено. Почнавме одлично, добив удар во пределот на слабината, па имав проблем во второто полувреме. Позитивно прво полувреме и очајно второ.Од почетокот кога беше ждрепката за групите, знаевеме дека натпреварот со Исланд ќе биде одлучувачки. Ретко кој игра 60 минути без грешки, има големи падови во текот на уткмицата, но битно е тие грешки да бидат во прав момент, и да го добиеме тој натпревар. Освен за Палмерсон, треба да се премиме добро за сите 16 играчи. Тој натпревар за нас е финале, доколку добиеме ќе биде врвот за ова првеснство, а тоа во втората фаза е само бонус“, изјави Никола Митревски.

Спорт | пред 7 години

Ципрас „преживеа“ со 151 глас „ЗА“ доби поддршка од парламентот

Владата на грчкиот премиер Алексис Ципрас го преживеа гласањето доверба и со 151 глас „ЗА“ доби поддршка од парламентот. Од пратениците, 148 гласаа „против“, јави дописничката на МИА од Атина.Грчките пратеници вечерва поединечно гласаа за доверба на Владата на Алексис Ципрас.Како што беше очекувано и најавувано, освен 145 пратеници од СИРИЗА, за доверба на владата гласаа четворица независни пратеници и двајца од Независни Грци, односно: министерката за туризам, заменик министерот за земјоделство, кои до неодамна беа дел од Независни Грци, заменик министерката за цивилна за заштита - независен пратеник, пратениците од Независни Грци и сега веќе независниот пратеник, а до завчера член на Река.Сите пратеници од опозициските партии, Нова демократија, Движење на промена, Златна зора, Река, Сојуз на централисти, Комунистичката партија на Грција, гласаа против.Откако Ципрас ја доби довербата од пратениците ќе се пристапи кон Договорот од Преспа и пратениците кои што би гласале за негова ратификација.

Свет | пред 7 години