главни-вести

ДОМ предлага, пешачка зона во центарот на Скопје како решение за загадувањето

Младинската организација на ДОМ – МОДОМ има конкретен предлог до Град Скопје и до надлежните институции во врска со енормното загадување на воздухот, објави скопјеинфо.мк.По примерот на повеќе европски зелени метрополи, каде што строгиот центар на градот е претворен во пешачка зона, МОДОМ предлага улицата Димитрие Чупоски од крстосницата кај „Палома Бјанка“ до крстосницата кај Собранието на Република Македонија, да биде зелена зона за пешаци, велосипедисти и возилата за јавен транспорт.„Се надеваме дека овој предлог ќе наиде на позитивен прием кај граѓаните, бидејќи тој е во интерес на зачувувањето на нивното здравје, на елиминирањето на постојаниот сообраќаен метеж во Центарот на градот и на загадувањето на воздухот од издувните гасови на возилата. Очекуваме овој наш предлог за проширување на пешачката зона во строгиот Центар, градските власти сериозно и итно да го земат предвид и да го реализираат во најбрз можен рок. Со тоа и имиџот на центарот на градот може да добие нов подобар и поатрактивен лик, со нови содржини пријатни за скопјаните и привлечни за туристите“, велат од партијата.извор: скопјеинфо.мк

Скопје | пред 7 години

Во Скопје посебен сообраќаен режим од 17:00 часот

Министерството за внатрешни работи ја информира јавноста, дека денес од 17,00 часот е закажан протест во Скопје организиран од страна на политичка партија со релација на движење од плоштадот ВМРО, десно по улицата “Даме Груев“, право по улицата “Васил Главинов“, право по булеварот “ВМРО“, лево по булеварот “Илинден“ до пред зградата на Влада на Р.Македонија.Од тие причини ќе бидат превземени мерки за посебен режим на сообраќајот по сообраќајниците на централното подрачје на Град Скопје во периодот непосредно пред и за време на одржување на протестотМВР апелира до граѓаните да ги почитуваат наредбите што ги издаваат полициските службеници.

Скопје | пред 7 години

Нема фотографија

Охриѓани во чест на патронот на градот „Свети Климент Охридски"

Со изложбата на книги „Свети Климент Охридски во македонската книжевност и научна мисла", Општина Охрид почна со чествувањата на престојниот патронен празник 8 декември – Свети Климент Охридски.Изложбата ќе биде отворена попладне во 17 часот во Градската библиотека „Григор Прличев".Во 19:00 часот во центарот за култура Григор Прчичев ќе се одржи приредба по повод птрониот празник на основното училиште Св. Климент Охридски.Агендата на чествување предвидува бројни културни настани и содржини: промоции на книги, изложби на фотографии, музички концерти и приредби на институциите што го носат името на патронот.Централната манифестација е Свечената академија по повод Денот на Свети Климент Охридски, на која ќе бидат врачени годинашните највисоки општински награди и признанија што ги доделуваат Градоначалникот и Комисијата за доделување награди и признанија, а чии добитници се уште не се официјално соопштени.

Македонија | пред 7 години

Жена пронајдена мртва во хотел во Битола

На 04.12.2018 година околу 07:30 часот во хотел на улицата „Васко Карангелевски“ во Битола била пронајдена почината 66-годишна жена од Битола, објави ТЕРА.Лекар од Итна медицинска помош констатирал смрт, а увид на местото на настанот извршила увидна екипа од СВР Битола.-По Наредба на Јавен обвинител телото на починатата било предадено за обдукција, соопшти битолската полиција.

Македонија | пред 7 години

Кривични пријави за двајца скопјани дилери на марихуана

Секторот за внатрешни работи Скопје до Основно јавно обвинителство Скопје поднесе две кривични пријави против М.М. (32) и Д.П. (47) од Скопје поради неовластено производство и пуштање во промет наркотични дроги, психотропни супстанции и прекурсори“, предвидено и казниво по член 215 од Кривичниот законик.При извршен преглед и легитимирање кај нив била пронајдена марихуана, информира МВР.

Скопје | пред 7 години

Малолетна Србинка силувана и крвнички убиена од мигрант

Германските медиуми открија нови детали од најновото брутално убиство на малолетна девојка од страна на мигрант. 17-годишната Елма Ц. имала српско потекло и била убиена во бегалски камп во градот Санкт Аугустин во близина на Бон на западот на Германија.19-годишниот Кениец, Брајан С. го признал злосторството и открил дека ја убил девојката после расправа. Истрагата утврдила дека несреќната девојка најпрвин била силувана, а потоа и претепана до смрт.Мртвото тело на Елма било чувано два дена во соба во бегалскиот центар.Родителите на девојката го пријавиле нејзиното исчезнување во петокот. Таа на родителите им рекла дека ќе оди во Бон да се сретне со некоја пријателка. Меѓутоа, според полицискиот извештај, таа заминала да се види со обвинетиот. Откако била пронајдена кеса со нејзината облека и документи, германската полиција организираше опсежна истрага и потрага по тинејџерката.Елма наводно го запознала осомничениот во кафетерија неколку седмици порано и наводно биле во врска. Полицијата со помош на заедничките фотографии на Фејсбук ја поврзале жртвата и Брајан, па така набрзо го разрешиле мистериозното исчезнување на Србинката.Уапсениот Кениец имал германско државјанство, а поседувал и документи од својата земја. Тој чекал да му доделат стан и најчесто престојувал кај својата сестра во Бон, соопштија од полицијата.Брајан од претходно ѝ бил познат на полицијата затоа што во неколку наврати бил приведуван поради кражби, ширење на порнографија и сексуално злоставување на дете.

Свет | пред 7 години

30 дена притвор за Груевски за случајот ,,Титаник“

На денешното рочиште за случајот ,,Титаник”, судот на барање на СЈО, на обвинетиот Никола Груевски, кој е во бегство, му одреди мерка притвор од 30 денови.Ова е втор притвор за Груевски во отсуство. Пред 7 дена судот изрече притвор и за случајот ,,Талир“.Денешното судење за предметот ,,Тврдина“, започна со задоцнување од 53 минути, според набљудувачите на здру\ението ,,Зелена лупа“, поради доцнењето со спроведувањето на обвинетите Миле Јанакиевски и Кирил Божиновски од истражниот затвор.Инаку, во образложението на судот за новиот притвор на Груевски се вели:,,Имајќи го во предвид барањето на јавниот обвинител ,поднесено на 23.11.2018 за определување мерка притвор за обвинетиот Никола Груевски, како и известувањето на Претседателот на Собранието на Република Македонија поднесено на 27.11.2018, по советување и гласање Судечкиот совет, по член 365 став 3 , а во врска со член 165 став 1.4 од ЗКП , на обвинетиот НиколаГруевски му одредува мерка притвор во траење од 30 дена и истата стапува на сила од денот на неговотп лишувње од слобода “-стои во објавата на судот.

Скопје | пред 7 години

Пресуда против базен поради дискриминација на Роми

Основниот суд во Битола донесе втора пресуда против базенот „Довлеџик“ во Битола поради директна дискриминација и повреда на правото на еднаквост на неколку Роми со тоа што не им дозволил влез на базенот на 12 август лани поради нивната етничка припадност, соопштија од Европскиот центар за правата на Ромите. Судот му наредил на правното лице кое управувало со базенот да ја прекине практиката за одбивање влез на базенот за Роми и исплата на оштета во висина од 10.000 денари за секој тужител поединечно.„Оваа е веќе втора пресуда на македонските судови во кои како доказ се прифаќа тестирање на ситуација која е организирана од страна на Европскиот центар за правата на Ромите. Во оваа постапка тимот на ЕЦПР на 12.08.2017 година во соработка со локалната НВО Баирска Светлина од Битола, организираше тестирање за дискриминација во Битола во кое беа вклучени шестмина Роми и пет не-Роми, а подоцна резултатите од ова тестирање беа поднесени до судот како доказ. Притоа, на сите лица кои не се Роми им било дозволено да влезат на базенот, додека на сите Роми им бил забранет влез“, велат од ЕЦПР.Од таму порачуваат дека овие две пресуди на Основниот суд во Битола праќаат порака дека Ромите не смеат повеќе да бидат дискриминирани и истите ќе имаат позитивен ефект за Ромите во Битола.„Пред сè ова е голема победа на Ромите од Битола, кое секое лето се соочуваа со расна дискриминација на локалните базени, а истото тешко можеа да го докажат. Токму тестингот ни помогна да собереме доволно докази за ваквата систематска пракса и соодветно да го претставиме проблемот пред Судот. Несомнено, пресудата од ваков вид претставува прецедент во македонското судство, а верувам и во регионот. Значајно е тоа што Судот најде директна дискриминација на група граѓани во однос неколку заштитени основи истовремено : етничка припадност, боја на кожа и пол. Искрено, се надевам дека ваквата пресуда ќе служи како лекција за потребата од толеранција и соживот меѓу различните заедници во државата”, вели Сенада Сали, правник во ЕЦПР.

Македонија | пред 7 години

Нема фотографија

Промоција на нова книга на Венко Андоновски

Новата книга на истакнатиот македонски писател Венко Андоновски, насловена „Припотомување на кучката“, ќе биде промовирана на 6 декември (четврток), во Клуб-ресторан МКЦ, со почеток во 19 часот.По извонредниот успех на неговите романи „Папокот на светот“ (15 изданија) и „Вештица“ (9 изданија), како и по успехот на неговите драми, особено „Олово на перница“, „Генетика на кучињата“, „За секого има по една“ и „Господарот на кукавицата“, Венко Андоновски се јавува по подолго време со жанрот по кој стана познат во нашата книжевност – краткиот расказ.Во циклусите раскази „Фрески“ и „Иконки“ Андоновски ни ги покажува познатите, благородни форми на лудилото: лудилото на љубовта и лудилото на генијалноста. Тоа се форми на класичното лудило на недостигот, кои покажуваат дека недостигот, кој обично се замислува како „празнотија во душата“, всушност е најбогатото чувство на човекот: недостигот е максимална исполнетост на битието со копнеж. Хамлет копнееше по вистината и одмаздата, Дон Кихот по еден нов херојски свет. Но во циклусот „Карикатури и гротески“, ликовите полудуваат во мигот кога го губат недостигот, што значи го губат и копнежот, кој го заменуваат со потреба од копнеж. Тоа е лудило на празното полно, наместо класичното лудило, она на полното (со копнеж) празно.„Припотомување на кучката“ е уште едно врвно дело кое го потврдува прозното мајсторство на Венко Андоновски, еден од најдобрите македонски раскажувачи.

Магазин | пред 7 години

Ден на жалост во Косово поради смртта на поранешниот американски претседател Буш

Република Косово денеска со ден на жалост му изразува почит на поранешниот претседател на САД, Џорџ Буш Постариот, кој почина на 30 ноември на 94-годишна возраст, јави дописникот на МИА од Приштина.Косовскиот претседател Хашим Тачи, по смртта на Буш Постариот, во знак на државна и граѓанска почит за неговиот придонес за слободата на Косово, денешниот ден го прогласи за ден на државна жалост.Државното знаме на Република Косово денеска ќе биде истакнато на пола копје во сите државни објекти, во и надвор од земјата.Денешниот ден е прогласен за ден на жалост и во САД, чиј 43-ти претседател, од 1989 до 1993 година, беше Буш постариот.МИА 

Свет | пред 7 години

Измамен старец, остана без пензија

З.С.(72) од скопското село Ракотинци вчера пијавил дека на 01.12.2018 година во периодот од 12.00 до 13.00 часот бил измамен од две непознати лица за сума од 11.400 денари.Според пријавата, лицата му се доближиле на улица „Христо Татарчев“. Едното лице се претставило дека е од Македонија, а другото од Норвешка. Лицето што се претставило дека е од Македонија му кажало дека имале сообраќајна незгода и дека треба да му даде пари на странецот. Му побарало пари за да му покаже на странецот затоа што тој не ги разликувал македонските пари, а како гаранција му оставил часовник со жолта боја кој наводно чинел 70.000 денари, информираат од МВР.Пријавителот му ги дал парите, а лицата си заминале и му рекле да ги причека. Откако поминал еден час пријавителот сфатил дека бил измамен.Се преземаат мерки за целосно расчистување на случајот. 

Скопје | пред 7 години

Притвор од 30 дена за екс директор на УБК

Вчера пo наредба од судија на претходна постапка за организиран криминал беше уапсен Владимир Атанасовски, поранешниот директор на УБК, на кого му е одреден триесетдневен притвор.Тој беше изнесен пред суд на распит, поради сведочењето на браќата Стефан и Михаил Младеновски кои го посочија како главен организатор за насилниот упад во Собранието на 27 април и како нарачател на насилства врз припадници на тогашната опозиција.– Постои основано сомнение  дека лицето сторило кривично дело Здружување заради непријателска дејност од чл. 324 ст.1  од Кривичниот законик. Надлежен обвинител до судија на претходна постапка достави Предлог за определување на мерка притвор, соопшти ЈОРМ.Владимир Атанасовски беше назначен за директор на УБК во септември 2016 година по оставката на Сашо Мијалков. На директорското место во тајната полиција остана до јуни 2017 година, по што беше ангажиран како советник за безбедност на лидерот на ВМРО – ДПМНЕ Христијан Мицкоски.

Македонија | пред 7 години

Уапсен поранешниот директор на УБК

Вечерва пo наредба од судија на претходна постапка за организиран криминал е уапсен Владимир Атанасовски, поранешниот директор на УБК.Тој вечерва ќе биде изнесен пред суд на распит, по што истражен судија ќе одлучи дали ќе му биде определена мерка притвор.Вчера браќата Стефан и Михаил Младеновски за време на сведочењето го посочија како главен организатор за насилниот упад во Собранието на 27 април.

Македонија | пред 7 години

Нема фотографија

(ВИДЕО) Рација во Палермо: Уапсен новиот шеф на Коза ностра и 45 осомничени мафијаши

Италијанската полиција го уапси новиот новиот шеф на сицилијанската мафија Сетимо Минео, како и уште 45 осомничени мафијаши.„ Со акцијата е зададен силен удар врз организираниот криминал на Сицилија“, изјави денеска потпретседателот на италијанската Влада, Луиџи ди Мајо.Полицијата потврди дека меѓу уапсените се наоѓа и 80-годишниот Минео, шефот на локалните мафијашки семејства во главниот град на островот, Палермо. Официјални претставници наведуваат дека Минео неодамна е именуван за генерален шеф на Коза ностра.Претходниот „шеф над шефовите“ Салваторе Тото Рина почина минатата година в затвор, во кој помина речиси 25 години поради издавање наредба за извршување на десетина убиства, вклучувајќи и убиства на најпознати италијански судии.

Свет | пред 7 години

Јанакиески како гаранција ја нуди својата куќа и стан за да излезе од притвор

Екс министерот Миле Јанакиески како гаранција дека нема да избега ја нуди својата куќа во Прилеп и еден стан, во вредност од околу 25 милиони денари Објави Фокус.мк.Барањето за прифаќање на неговата гаранција, и укинување на притворот, неговите адвокати денеска го доставиле до Кривичнниот совет на Кривичниот суд.Неодамна Апелација го одби барањето на Јанакиески за укинување на мерката притвор. Тој повеќе од 20 дена е во истражниот затвор “Скопје”.Притворот му беше одреден по барање на СЈО во случајот Титаник, поради опасност од бегство.извор: Фокус.мк

пред 7 години