ГЛАВНИ-ВЕСТИ

Ќе се разгледуваат апликациите кои беа одбиени на Годишните конкурси на Министерството за култура

Денес со почеток во 10 часот во просториите на Министерството за култура, ќе започнат со работа сите стручни комисии по одделни дејности кои ќе имаат задача повторно да ги разгледаат сите апликации кои беа одбиени на Годишните конкурси на Министерството за култура за 2019 година.Одлуките за сите одбиени апликации ќе бидат поништени, и по нивното повторно разгледување, доколку се утврдат недоследности, листата на поддржани проекти од национален интерес ќе биде дополнета.

Македонија | пред 7 години

Започнува Школа за млади лидери на претседателот Иванов

Вкупно 40 учесници и над 20 предавачи од Македонија, Европа и светот ќе бидат дел од 10-та Школа за млади лидери, што по иницијатива на Претседателот на Република Македонија, д-р Ѓорге Иванов, ќе се одржи од 11 до 22 февруари во Струга.Програмата на школата опфаќа предавања и обуки во сферите на лидерството и менаџментот од страна на еминентни предавачи и гости од врвни образовни и професионални институции, менаџмент-симулации и практични вежби.Идејата на претседателот Иванов е да се овозможи на младите талентирани и амбициозни луѓе да ги надградуваат и усовршуваат своите вештини, да ја развиваат својата креативност и менаџерски способности.На свеченото отворање на десеттата Школа за млади лидери во понеделник, 11 февруари 2019 година, во Струга, покрај претседателот Иванов, ќе се обрати и д-р Талал Абу-Газалех, претседател на Tag-org, глобалната организација за професионални услуги и едукација. На првиот ден од Школата за млади лидери предавање ќе одржи г. Сани Шенер, извршен директор на ТАВ аеродроми, а ќе се одржи и панел дискусија за предизвиците на 4-та индустриска револуција, тема што ќе биде во фокусот на десеттата Школа за млади лидери.Меѓу предавачите на годинешната Школа за млади лидери се г-ѓа Пинар Ајваз Арикан, Генерален Директор на Turkish Airlines во Скопје, г. Штефан Петер, Претседател на извршниот одбор на ЕВН Македонија, г-ѓа Фанија Самак од компанијата Микросам од Прилеп, г-ѓа Нина Ангеловска, коосновач на Grouper.mk, г-ѓа Љупка Арсова, Инженер за животна средина во Источната Истражувачка група, со седиште во САД, д-р Разије Невзат, Координатор на Одделот за социјални медиуми и дигитален маркетинг на Источен Медитеран Универзитет, г. Хозе Антонио Моралес, директор на Lincoln Island Initiatives, со седиште во Словенија, д-р Рашела Мизрахи од Бар Илан Универзитет, Израел, г. Методија Колоски, Претседател на Обединетата Македонска Дијаспора, г. Тонис Нирк, дипломатски претставник за дигитална економија од Естонија. Предавања на школата ќе одржат и други истакнати поединци, лидери на успешни компании, и претставници на етаблирани институции од Македонија, Европа и светот.Во рамки на одржувањето на 10. Школа за млади лидери, учесниците ќе го посетат новиот аеродром во Истанбул, отворен во октомври 2018 година, каде ќе бидат запознаени со неговото менаџирање како најголем аеродром во светот, а ќе го посетат и седиштето на авиокомпанијата Turkish Airlines.Школата за млади лидери е лична иницијатива на Претседателот на Република Македонија, д-р Ѓорге Иванов. Во изминатите девет години на школата учествуваа 360 млади луѓе и над 200 реномирани предавачи, меѓу кои поранешниот Генерален секретар на ОН, г. Бан Ки-мун, поранешните претседатели на Чешка и на Латвија, г. Вацлав Клаус, г-ѓа Ваира Вике – Фреиберга и г. Валдис Затлерс, поранешните претседатели на Србија, на Бугарија и на Албанија, г. Борис Тадиќ, г. Георги Прванов, г. Петар Стојанов, г. Бамир Топи и г. Реџеп Меидани, поранешниот потпретседател на Европската комисија и поранешен министер за надворешни работи на Италија, г. Франко Фратини, претседателите на Светската и на Европската академија на науките и уметностите, г. Иво Шлаус и г. Феликс Унгер, како и голем број амбасадори, функционери од Европската унија, директори на меѓународни институти и успешни бизнис компании и професори од реномирани светски универзитети.Школата за млади лидери беше прогласена за најдобар социјално одговорен проект во Европа за 2017 година од страна на Светскиот форум на бизнис ангели, а по тој повод оваа организација во 2018 година на претседателот Иванов му ја врачи наградата за Најдобар светски лидер кој инвестира во новата генерација.Учесниците на досегашните школи се организирани во Алумни асоцијација – ИСЛАА, регистрирана како посебно здружение, каде низ семинари, панел дискусии, предавања и учества во младински настани, се овозможува продолжување на развојот на нивните знаења и вештини.

Македонија | пред 7 години

Нема фотографија

22 сообраќајки за време на викендот во Скопје

Две лица се тешко, а девет полесно повредени во вкупно 22 сообраќајки случени во текот на изминатиот викенд на подрачјето на СВР Скопје. Во 11 сообраќајки била причинета материјална штета.Од МВР информираат дека викендов сообраќајната полиција открила и санкционирала поголем број прекршоци. Санкционирани се 194 возачи кои се движеле со брзина поголема од дозволената, 15 возачи кои поминале на крстосница на црвено светло, седум возачи кои не дале првенство на минување на пешаците на обележан пешачки премин, четворица возачи за неправилно престројување, еден возач за неправилно престигнување, 10 возачи за не поседување зимска опрема во возилата, 20 возачи за не носење сигурносен појас и 44 возачи користеле мобилен телефон за време на управување на моторно возило.Санкционирани се и 15 пешаци кои поминале коловоз вон пешачки премин и осум пешаци кои поминале коловоз на црвено светло.Затекнати се 229 непрописно паркирани возила, а со специјалното возило пајак се отстранети 154 возила.Од сообраќај се исклучени 30 возачи кои го управувале возилото под дејство на алкохол, 29 возачи пред да се стекнат со право на управување на моторно возило, четворица возачи почетници, како и 30 нерегистрирани возила и едно технички неисправно возило.

Скопје | пред 7 години

Поранешен вработен во ЕВН си ја отвори душата: Откривме над 100 кражби на струја, - ни наредија да не ги пријавиме

“2013 кога работев у ЕВН бев 60 дена во реон Арачиново, пластичарска и Бит пазар у Скопје. Шо да ви кажам анархија како на ниедно место, струја никаде не се плаќа, кражби на струја а загубите 65%, напиша на својот фејсбук профил бивш вработен во ЕВН.Во продолжение, тој објаснува:Требаше да дислоцираме броила надвор од куките. Им беше обеќано на албанците дека ако дозволат дислокација 2 години нема да им исклучуваат струја за застарени сметки.При Работата открив преку 100 кражби на струја, но не смеевме да ги пријавиме зошто така ни беше наредено, само дислокација другото да не не интересирало. Они како шо знам пак си терале по исто до 2015. Пробаат да им исклучат албанците струја во тие реони, а тие им кршат сите надворешни ормари.ЕВН бара од државата помош за да им обезбеди да стопанисуваат бидејки државата е должна тоа да го обезбеди. И од немоќ државата и дава на ЕВН 14% признаени загуби низ водови, кои у нормалниот свет се 8%. Таа разлика од 6% ЕВН си ја користи а у исто време пак се насобираат за наплата сметки и таа си ги фактурира и лежат како ненаплатени долгови. 6% плаќаат Елем и Мепсо, односно ние граѓаните, па сега вие донесете заклучоци.”Нешто што го знаеме сите, освен Владините коалиции … т.е. знаат ама...https://www.facebook.com/boris.kaeski/posts/10156704559780196

Македонија | пред 7 години

(ФОТО) Првата табла со ново име ќе се постави на ГП Богородица

Таблата на која е испишано Северна Македонија е на граничниот премин Богородица. Се очекува истата да биде поставена во текот на утрешниот ден.Официјална Атина очекува уште утре Скопје да почне со исполнување на обврските да ги промени имињата на улиците, на објектите, на документите што го имаат старото име.Фото: 24 инфо 

Македонија | пред 7 години

Ориѓански: Рита Ора, Бебе Реџа, Дуа Липа пукаат низ цела планета, а ние се занимаваме со доделените средства за театарчето во Зајас

Некогашниот член на групата „Анастасија“, гитаристот Златко Ориѓански се произнесе со свој став околу целосната ситуација со распределбата на финансии од Министерството за култура за проекти.„Рита Ора, Бебе Реџа, Дуа Липа пукаат низ цела планета, а ние се занимаваме со доделените средства за театарчето во Зајас, дали ќе тераме пајдушко или шота. Тоа е тој провинцијализам од кој никако да се ослободиме. Грешни мерки, тесна слика за светот, локално делување, разединеите и поделени, совршена подлога за создавање селски наместо светски производи. Вложувајте пари во нешто кое ќе роди светска вредност, направете некоја светска серија, филм, музика. Не туку фрлајте пари во некој Тале или Ајет оти многу сака да глуми пред мајка му. Аман од тој ваш локал патриотизам, сељачизам, 21 век е денес, отворен пазар и натпревар“, напиша Ориѓански на својот профил на Фејсбук.

Македонија | пред 7 години

Почина 13 месечно дете од морбили

Вчера во попладневните часови почина уште едно дете од компликации предизвикани од морбили на Клиниката за детски болести во Скопје.„Станува збор за 13 месечно дете од Свети Николе, кое и предходно имало други здравствени проблеми. Ова е второ дете кое почина од компликации предизвикани од морбили.Министертвото за здравство искрено жали што овие деца се жртви на епидемијата од морбили (мали сипаници), болест која може да се спречи со вакцинација.Уште еднаш апелираме до сите родители, најодговорно да ги сфатат препораките за вакцинирање со МРП вакцината, која заштитува од ова сериозно заразно заболување. Вакцината  во  здравствените домови се аплицира бесплатно, а вакцините се со проверен европски квалитет и рок на траење“, велат од Министерство за здравство.

Македонија | пред 7 години

Тасевски до Вишка: Го пониживте Танец, за да промовирате нов албански ансамбл за ора кој е роден вчера

Актерот и некогашен директор на Драмски театар, преку својот Фејсбук профил му се обрати на Висар Вишка кој застана во одбрана на министерот за култура Асаф Адеми.„Висар ај не паламуди. Оваа држава ти дала образование и работно место во МНТ. Ми леташ орлиња наоколу, а ми збориш ко Мајка Тереза. Се загрижи за маргинизираните? Ма немој. Вчера отворале фирми во тетовско, за денес да им пуштате илјадници евра на тотални анонимуси, али битно албанци.Министерството не е промотер на дилетантски групи, туку пред се мора да испорача врвни културно уметнички достигнувања. Го згазивте Скопскиот џез фестивал, светски бренд, да отворите нов во Тетово? Го пониживте Танец со приказна богата ко Илјада и една ноќ, за да промовирате на голема врата нов албански ансамбл за ора кој е роден вчера. Твојот цинизам те прави примитивен и повеќе те открива кој си, отколку што те покрива. Гледаш дека колегите од театарот и уметностите се револтирани, а ти упорно изигрува невина француска собарка. Сепак, твојот презир кон нас Македонците ти избива од секоја запирка, затоа не глуми, кајшто не проаѓа. Многу колеги со кои си одел по журки, си работел ќе те занејќат поради твојот цинизам и однос. Не се брани она што е неодбранливо. Ај фати му пенал на Меси. Немаш потреба да бидеш толку искомплексиран. Барем ти не. Ама ајде де“, напиша Тасевски на Фејсбук.

Македонија | пред 7 години

Светска премиера на „Господ постои, името ѝ е Петрунија“, македонскиот филм во трка за главната награда „Златна мечка“

Македонскиот филм „Господ постои, името ѝ е Петрунија“ во режија на Теона Стругар Митевска денеска ќе ја има својата светска премиера на 69. издание на Берлинскиот филмски фестивал. Филмот е во трка за главната награда „Златна мечка“.За филмот закажани се осум проекции во 11-те дена на Берлиналето, а билетите се веќе распродадени. Официјалната премиера на првиот македонски долгометражен игран филм е во 16 часот.Филмот е избран во официјална конкуренција на годинашното „Берлинале“, со што по пауза од 25 години, македонски филм повторно ќе биде во главна селекција на филмски фестивал од А-категорија.Во Берлин е голем дел од екипата на филмот. Покрај режисерката Теона Стругар Митевска и продуцентката Лабина Митевска, присуствуваат и дел од актерите: Зорица Нушева – која го игра насловниот лик, Симеон Мони Дамевски, Суад Беговски, Стефан Вујисиќ, Виолета Шапковска, Џевдет Јашари и Бајруш Мјаку.На годинашното Берлинале ќе бидат прикажани околу 400 филмови од целиот свет, од кои 17 ќе се натпреваруваат за престижната награда Златна мечка, што ќе ја додели жирито со кое годинава претседава француската актерка Жулиет Бинош.Берлинскиот филмски фестивал секоја година привлекува над 350.000 посетители од целиот свет и 4.500 акредитирани новинари.

Македонија | пред 7 години

Силјановска: Право на секој народ е да го одреди политичкиот систем, симболите, химната, а власта се откажа од него

Името е неразделен дел од правото на самоопределување, заедно со знамето, со химната, Уставот, смета кандидатската за претседател, професорката по политички систем Гордана Силјановска Давкова.Според неа, право на секој народ е да си го одреди политичкиот систем, симболите, химната, бидејќи тоа е нешто што е врзано за ова право.„Како што гледате, сегашните власти се откажаа и од него. Но, за да се покренат постапки, за да се направи околу претседателот еден тим на експерти кои ја знаат оваа материја, потребно е и Влада да има од поинаков тип. И оваа Влада треба да си замине, затоа што меѓународните односи се поделена надлежност меѓу шефот на државата и меѓу Владата, односно Министерството за надворешни работи“, изјави Силјановска Давкова.

Македонија | пред 7 години

Гаши: Најголемите фестивали и настани беа најголемите прекршители на барањата на конкурсот на Министерството за култура

Плеурат Гаши, претседател на комисијата за фолклорна и музичко-сценско дејност, реагираше во врска со конкурсот на Министерството за култура.„По повод настанатата ситуација во врска со реакциите на медиумите јас сум должен да реагирам за волја на вистината...пред да започне прегледувањето на предметите завземавме строг став околу начинот на анализирање на секој детал од доставениот проект...Во нашата тековна работа наидовме на општ хаос во апликациите...имено најголемите фестивали и настани беа најголемите прекршители на најелементарните барања на конкурсот...јас лично со моите колеги од комисијата ги баравме и им укажувавме дека ги немаат основните документи за прописно аплицирање...некои од нив образложуваа дека секогаш така било(без документи),додека други се изјаснуваа дека проблемот ке го решат на повисоко ниво,мислејки дека министерот и кабинетот ке им излезат во пресрет...Министерот Адеми со неговиот кабинет бараше и настојуваше да бидеме коректни,праведни и под никакви околности да не го прекршиме законот...Мислам дека бев јасен и дециден во мојата реакција...сите ние треба еднаш и засекогаш да престанеме со манипулации,несовесно трошење и злоупотребување народни средства.П.с. во целост го прифакјам предлогот на Министерот во понеделник да ги отвориме уште еднаш одбиените предмети...настојувам на тотална транспарентност до крај“, се вели во реакцијата.

Македонија | пред 7 години

Сергеј Баздникин: Западните земји продолжуваат со рускофобичната кампања во Македонија

Рускиот амбасадор во Македонија, Сергеј Баздникин, ги обвини западните земји за продолжување на, како што рече, рускофобичната кампања во Македонија.„Некои западни земји, предводени од САД, навистина го зајакнуваат антируското чувство низ целиот свет, обидувајќи се во својата пропагандна орбита да повлечат што е можно поголем број на земји од целиот свет, притоа ставајќи акцент на атлантаката солидарност“, изјави Баздникин во интервју за ТАСС.

Македонија | пред 7 години

Џафери во официјална посета на Словенија

Претседателот на Собранието на Република Македонија Талат Џафери од денеска до вторник ќе биде во официјална посета на Република Словенија.Во состав на Делегацијата предводена од претседателот на Собранието ќе бидат и членовите на Пратеничката група за соработка со Парламентот на Република Словенија, г-ѓа Фросина Ташевска - Ременски, потпретседател на Собранието на Република Македонија и член на Групата за соработка, г-ѓа Нада Ципушева, претседател на Групата за соработка со Парламентот на Република Словенија и г-ѓа Шпреса Хадри, исто така член на Групата за соработка.Во рамките на официјалната посета, претседателот на Собранието на Република Македонија ќе се сретне со претседателот на Државниот Збор на Република Словенија, г. Дејан Жидан, со претседателот на Република Словенија и претседателот на Владата на Република Словенија.Покрај тоа, ќе се сретне со членовите на Комитетот за надворешна политика, Комитетот за ЕУ работи, Комитетот за одбрана, Групата на пријателство со Република Македонија и со министерот за надворешни работи на Република Словенија.Во Програмата за посета е предвидено и обраќање пред пратениците на Државниот Збор и средба со координаторите на пратеничките групи.

Македонија | пред 7 години

Врие во Беса Гостивар откако членовите дознале дека Адеми ја вработил својата сестра

Врие во Беса Гостивар откако членовите дознале дека министерот за култура Асаф Адеми ја вработил својата сестра во Електрани на Македонија, објави Тeтовасот.Активисти на коалицискиот партнер на СДСМ, матичната партија на Адеми – Беса, се почувствувале запоставени поради непотистичките апетити на министерот за култура, но и на други функционери на партијата.Тетовасот открива и дека општинскиот советник од редовите на Беса Телат Фетаи ја вработил сопругата општина Гостивар а Емерли Асани, член на Централниот совет на Беса, својата сопруга, пак ја здомил во Домот на културата во Гостивар.

Македонија | пред 7 години

Ахмети бега од соочување со албанската опозиција - сега бара консензуален кандидат

Претседателот на ДУИ Али Ахмети ретерира во ставовите за претседателскиот кандидат и денес кажа дека доколку се надминат недоразбирањата меѓу ДУИ и СДСМ, тогаш ќе се дискутира и за можните имиња за кандидат.По средбата со премиерот Зоран Заев, кој вчера рече дека е подготвен да ги сплоти силите со сите политички партии за соодветен кандидат, Ахмети денеска со став – заеднички бараат пат за да излезат со консензуален кандидат.„Одржав средби со претседателот на најголемата партија во земјава г. Зоран Заев и ја анализиравме целата ситуација и остана јас да дискутирам, да го отворам како прашање во партиските органи и да се види можноста за некаков пат за санирање на недоразбирањата кои се случија меѓу нашите партии, за да можат да се надминат. И за доброто на земјата би било да имаме заеднички кандидат и да се разговара со сите политички субјекти за да се постигне консензус“, рече Ахмети.За предвремени парламентарни избори  Ахмети рече дека не мисли дека ќе има предвремени избори, бидејќи според него, државата има многу поважна агенда.КОНСЕНЗУАЛЕН КАНДИДАТ БЕГСТВО ОД СУДИР СО ОПОЗИЦИЈАТА И ВО АЛБАНСКИОТ И ВО МАКЕДОНСКИОТ БЛОКПовторното ставање во игра на консензуалниот кандидат за Претседател од страна на ДИУ и СДСМ во повеќе наврати од страна на аналитичарите и поголем дел од јавноста беше оценето како бегање на владејачките партии од соочување со опозициските блокови.

Македонија | пред 7 години

СДСМ ќе го поддржи Димитров како кандидат за претседател?

Социјалдемократскиот сојуз размислува да го поддржи министерот за надворешни работи Никола Димитров како кандидат за претседател предложен од редовите на владеачката партија.За да ги задоволи апетитите и на другите функционери, кои се гледаат себе си во трката за шеф на државата, и за да не бидат изоставени ќе се направи и ротација во ресорите, објави Независен повикувајќи се на извори од партијата.На местото на Димитров во МНР би дошла Радмила Шекеринска, а нејзината функција би ја преземал Стево Пендаровски, актуелниот координатор за НАТО. Оливер Спасовски во овој случај би останал министер за внатрешни работи.Сите четворица се во најтесниот круг на фаворити да ја добијат довербата од СДСМ за претседателските избори. Во моментов трае конкурсот на СДСМ за пријавување на кандидати, а конечната одлука треба да биде донесена на 3 март.

Македонија | пред 7 години

Откако службен весник објави стануваме Северна Македонија

Министерството за надворешни работи (МНР) информира дека ќе го објави во Службен весник датумот на влегување во сила на Уставните амандмани и Уставниот закон.“По исполнување на сите правни услови за влегување во сила на Конечната Спогодба и Уставните амандмани, Владата на Република Македонија, ќе го објави во Службен весник датумот на влегување во сила на Уставните амандмани и Уставниот закон.Потоа, Република Северна Македонија и Грција ќе достават заедничко писмо до Генералниот секретар на ООН, со кое го информираат Антонио Гутереш за датумот на влегување на сила на Конечната Спогодба, со што се става крај на повеќедеценискиот билатерален спор меѓу двете земји.По ова, Република Северна Македонија на соодветен начин ги информира: Секретаријатот на ООН, земјите-членки, земјите набљудувачи на ООН, како и сите останите меѓународни организации чија членка е, за настанатите промени”, се вели во соопштението на МНР

Македонија | пред 7 години

(ФОТО) СКАНДАЛ: На работното место доктори за медицина примени лица кои воопшто ги немало на ранг листата

На Фејсбук страницата Асоцијација на специјализнати и млади лекари се појави фотографија на која на работното место доктори за медицина во О.Е. Интерно одделение се примени лица кои воопшто ги немало на ранг листата.„Властите, ЛКМ и ЗЛС молчат, ние не!Каков е овој скандал и неправда!Првата слика е ранг листата а втората примени кандидати, срамота!Бараме одговорност за овој фашизам“, стои во објавата на Фејсбук.

Македонија | пред 7 години

Министерот за култура се правда: Повторно ќе ги разгледаме одбиените проекти

Министерот за култура Асаф Адеми денеска во Берлин, во врска со реакциите на јавноста за резултатите од Годишните конкурси на Министерството за култура, пред медиумите ја даде следната изјава:-Со должно внимание ги проследив сите забелешки и коментари кои се однесуваат на објавените резултати од Годишните конкурси на Министерството за култура. Големиот одзив кон објавените резултати покажува дека сме на линија со нашите заложби транспарентно и отчетно, без никакви предрасуди да донесеме Програма која ќе го поттикме развојот на културата во државата.Како човек и како министер за култура длабоко ги респектирам авторите, уметниците, институциите и сите оние кои делуваат во областа на културата и нема да дозволам овие резултати по Годишните конкурси да остават чувство на горчина и незадоволство кај луѓето од културата.Би сакал да ја информирам јавноста дека сите одлуки за одбиени апликации ќе бидат поништени и повторно разгледани и доколку се утврдат недоследности, листата на поддржани проекти ќе биде дополнета. Со цел поголема транспарентност на целиот процес ќе бидат поканети и претставниците на медиумите. Воедно ги поканувам сите засегнати апликанти кои имаат потреба, да се обратат во Министерството за култура за информации поврзани со нивните проекти. Наша цел е да ги стимулираме и соодветно да го вреднуваме придонесот на уметниците, институциите од културата, независниот културен сектор, и во таа смисла остануваме силно посветени на оваа наша определба, рече Адеми.За време на својот престој во Берлин министерот Адеми ќе оствари повеќе работни средби, а ќе присуствува и на утрешната премиера на новиот македонски филм „Господ постои, името ѝ е Петрунија“ на Теона Стругар Митевска кој е во главна селекција на Берлинскиот филмски фестивал.

Македонија | пред 7 години

Мицкоски почна кампања со која бара оставка од Филипче

Лидерот на ВМРО ДПМНЕ  Кристијан Мицкоски ја води кампањата за оставка на Владата предводена од СДСМ ,а денес на својата официјална Фејсбук страна објави видео спот во кој се поместени делови од телевизиски прилози емитувани во вестите на телевизиите, а во кои се објавуваат смртни случаи , афери и други несакани настани во здравството.Со видео материјалот Мицкоски на Фесјбук објави и статус во кој повикува министерот Венко Филипче да се повлече од функцијата и да поднесе оставка.„Здравството е пред колапс.Неспособноста, негрижата и неодгoворноста на министерот Филипче и премиерот Заев ја плаќаат граѓаните.Граѓаните ја изгубија довербата. Состојбите од ден на ден стануваат се полоши. Хаосот во здравството чини човечки животи. Граѓаните не можат да дојдат до лекови. Тендерите им се поважни од граѓаните. Понижувања на медицинските работници.Оставка веднаш.Промени и избори на кои народот ќе одлучува. “ - пишува Мицкоски.https://www.facebook.com/MickoskiHristijan/videos/561010754309102/?t=0Пушти-3:46Дополнителни визуелни подесувањаВлези, прегледај и листајКликни за да зголемишИсклучи тон

Македонија | пред 7 години

Александар Трајковски тврди дека добил дисциплинска постапка бидејќи немал право на иследување во странство

Царинскиот службеник Александар Трајковски, на својот Фејсбук профил напиша дека против него е покрената дисциплинска постапка која како што вели е спротивна на мноштво закони.„Царинската управа продолжува да ја реализира фингираната дисциплинска постапка против мене која е класичен пример за политички реваншизам кон мене како истакнат член на ВМРО-ДПМНЕ а вооедно и Советник во Советот на Општина Гази Баба. На еден ден пред распишувањето на претседателските избори е донесено Решение за формирање на комисија за утврување на моја одговорност, што го сметам за директен политички притисок кон мене во пресрет на изборите.Дозволете да ја информирам јавноста за основата за покренувањето на дисциплинската постапка како и тоа дека истата е спротивна на мноштво закони, е фингирана и има за цел политички реваншизам.Целокупната дисциплинска постапка е заснована на база на мислење на комисија од Лекарската комора на Република Македонија во кое комисијата на Лекарската комора вели дека не било потребно второ мислење за мојата здравствена состојба и дека не сум имал право на иследување во странство бидејќи не биле искористени сите ресурси за лекување во здравствениот систем на Република Македонија:Никој неможе да ми го ускарти правото на второ лекарско мислење за состојбата на моето здравје. Со ваквото мислење на Лекарската комора е повреден Членот 39 од Уставот на Република Македонија вели: На секој граѓанин му се гарантира правото на здравствена заштита. Граѓанинот има право и должност да го чува и унапредува сопственото здравје и здравјето на другите. Исто така повреден е и членот 9 од Законот за заштита на правата на пациентите кој вели: Секој има право на второ лекарско мислење. Наводите дека не се искористени сите ресурси за лекување во здравствениот систем на Република Македонија се ирелевантни затоа што испитувањата во странство кои ги извршив не е на товар на државата туку во сопствена режија и на сопствен трошок. Ваквото мислење на комисијата на Лекарската комора ги крши моите основни човекови права и слободи загарантирани со Универзалната декларација за човекови права на Организацијата на Обединетите нации и Европската Конвенција за Човекови права.Мислењето на Лекарската комора на Република Македонија е издадено врз основа на Правилникот за состав и начин на работа на комисиите за контрола на оцената за привремена спреченост за работа. Мислењето кое лекарската комисија при Лекарската комора го издала е спротивно на самиот Правилник бидејќи во истиот јасно стои дека: Комисиите свое мислење даваат врз основа на медицински преглед на осигуреникот, во мојот случај јас не сум повикан на медицински преглед од страна на комисија на Лекарската комора а издадено е мислење. Овој факт го докажува тоа дека оваа постапка е фингирана и има за цел политички реваншизам кон мене.Имајќи предвид дека е извршена повреда на самата постапка која претходела на поведувањето на оваа фингирана дисциплинска постапка па донесувањето на одлука со која би бил казнет по автоматизам би била незаконита.Со сето ова како и со незаконските прераспоредувања уште еднаш се докажува дискриминаторското однесување по основ на политичка припадност од страна на раководството на Царинската управа кон мене“, стои во објавата на Фејсбук.Царинскиот службеник претходно зел боледување од работа за да изврши специјалистички преглед за синусите и дишните патишта. За неговиот престој во Будимпешта се дозна кога на социјалните мрежи се појави фотографија на која е заедно со Никола Груевски.

Македонија | пред 7 години

Приведени две лица од Гостивар поради поседување на хероин

На 09.02.2019 година во Гостивар од страна на полициски службеници биле лишени од слобода лицата В.А.(45) од с.Неготино-гостиварско и Ј.Т.(38) од Гостивар бидејќи при личен преглед кај нив бил пронајден хероин.Лицата биле приведени во Полициската станица Гостивар за понатамошна постапка. По целосното расчистување и документирање на случајот ќе следи соодветен поднесок.

Македонија | пред 7 години

Заев одржа средба со граѓани од населените места Иловица и Штука

Премиерот Зоран Заев придружуван од министерот за економија, Крешник Бектеши, вчера, во Иловица во организација на општина Босилово и градоначалникот, Зоран Зимбаков одржа средба со граѓани од населените места Иловица и Штука.„Одржавме досега неколку средби со претставниците на компанијата „Евромакс ресурсис“ кои што се добитници на Договор за експлоатација, а немаат дозвола за експлоатација, со претставниците на граѓанските здруженија, но ветивме и со граѓаните дека ќе дојдеме да се информираме, да ги слушнеме, да научиме од нив, но и ние да ги пренесеме информациите кои што ги имаме. Се работи за значајни одлуки, кои што ќе влијаат на иднината секако на овој микрорегион Иловица, Штука, на Општина Босилово, Општина Ново Село, кој на целиот Струмички регион, веројатно и на Република Македонија. Заради тоа, се обидуваме да изнедриме најпаметни одлуки, согласно законите во Република Македонија, со кои што никогаш нема да се каеме, а сепак ќе овозможиме иднина на развојот и на државата, но пред се и на овој регион од кој и јас потекнувам. Денеска, немаме намера овде да носиме некои заклучоци како што реков информативна е седницата. Поради тоа, верувам дека тоа ќе помогне и на Владата, но ќе им помогне и на граѓаните за полесно да ги разбереме работите. Доволно се секаков вид на шпекулации, кои што ги има пред се по социјалните мрежи најповеќе, но и дел од нашите медиуми пренесуваат секаков вид на информации. Убаво е, граѓаните да знаат за било која работа се, посебно за вака чувствителни работи. Уште еднаш потенцирам, нема позначаен приоритет за нас како Влада, верувам и за било која Влада, од здравјето на граѓаните, од перспективите на овој регион, од традицијата која што ја имаат нашите граѓани, но секако и желбата да децата останат овде да живеат овде, да чекаме деца од нашите деца, внуци. Така да, верувам дека денеска ќе имаме плодна средба на која што ќе излеземе попаметни и ние од Владата, но и граѓаните од Иловица и Штука“, изјави премиерот Заев.Премиерот Заев додаде дека поради постоењето на одредени рудници, цели градови и цели општини опстојуваат, живеат од тие рудници„Тука е опфатена и безбедноста и сигурноста и здравјето и сето она што претставуваат нормативи на нашето усогласено законодавство во Репубика Македонија, но и она што претставува меѓународна пракса, затоа што минералните суровини се потенцијал за развој на сите во светот, така и на нашата Македонија, но не под било какви услови. Од тука треба да знаете дека во овој, еве 20 месечен период, се променија многу работи. Имаше дадено концесија овде, со цијаниди, со други отровни супстанции, кои што и те како поради гласноста на граѓаните ги принудија политичарите, како што сум и јас, да ги промениме работите. Целиот технолошки процес е променет, повеќе нема цијаниди и опасни материи во обработката на рудата, но донесовме и нов Закон, во кој што се забранува употребата на цијанидите и опасните супстанци, така да многу работи денеска се сменети. Во едни вакви околности, ние мораме да бидеме најпаметни и да донесеме одлука. Кога велам ние, не сме Владата, пред се граѓаните. Ние постоиме, да им служиме, да им бидеме сервис на граѓаните и од тој аспект, за вака важни работи не смееме ниту општеството, ниту граѓаните, ниту општините, ниту пак Владата и државата, шпекулациите да ги носат, да ги манипулираат и да бидат пресудни во нивните одлуки. Граѓаните треба да знаат се и граѓаните се последни во процесот на одлучување“, изјави Заев.  

Македонија | пред 7 години

Асаф Адеми: За мене политичката функција ‘Министер’ не е света

Министерот за култура, Асаф Адеми по реакциите во јавноста од објавените резултати по Годишните конкурси на Министерството за култура се огласи на Фејсбук.„После реакциите на еден дел на здружениjата и медиуми, би сакал да ве известам:- Одлуките за секој проект се земени врз основа на предлог на професионалната комисија; и- Во ниту еден случај не сум вршел никаков притисок за избор на некој проект.Со големо внимание ги следам критиките, реакциите, пофалбите и предлозите, исто така сакам да ви кажам дека сум во постојан контакт со членовите на комисите и со правната служба при министерството.После консултаците што ги имаме, заедно ќе одлучиме за следните чекори.Истовремено, би ви обврнал внимание на следното:- моето мото ‘култура за сите ‘ беше без било каква етничка, политичка или религиозна предрасуда; и- Јас не сум од тие политичари што функцијата ја гледа како алатка за лично богатење.Во овој период најповеќе се потрудив да ја зголемам транспарентноста, борбата против корупцијата и да не правам било какви разлики меѓу граѓаните на државата.За мене политичката функција ‘Министер’ не е света“, напиша Адеми.

Македонија | пред 7 години

Оливер Белопета: Секој поединечен искажан збор на Заев за конкурсот за култура е комплетна лага

Директорот на скопскиот Џез фестивал, Оливер Белопета, чиј проект беше одбиен на скандалозниот конкурс на Министерството за култура, го демантираше премиерот Зоран Заев кој изјави дека џез фестивалот не доставил ниту еден документ според протокол„Цитирам: “Смешно и трагично е да ви кажам дека ни еден документ нема доставено еден џез фестивал. Ни еден.документ. Го молеа до последен момент. Еден документ, по процедура, по протокол, по се“.Секој поединечен искажан збор е неточен! Комплетна лага! Не е мое да претпоставувам кој од неговите најблиски кабинетски соработници му пренесува вакви “информации“, иако притоа не би бил далеку од вистината“, напиша Балопета на Фејсбук.

Македонија | пред 7 години