ГЛАВНИ-ВЕСТИ

(ВИДЕО) Охриѓани се подготвуваат за Божик - Видео спот за песната „Вечниот Бог“ , во изведба на детскиот црковен хор

Видео спот за песната „Вечниот Бог“ во изведба на црковниот хор на децата од село Велгошти Охрид. Спотот е снимен во село Велгошти по повод бадниковата манифестација „Бадникови поворки“.Во описот на видеото стои благодарност до црковниот одбор на Село Велгошти, до општина Охрид и посебна благодарност до покојниот градоначалник на Охрид, Проф. Д-р Јован Стојаноски.Видеото, монтажата и режијата за видеото се дело на Љушев Томе и Љушев Кристијан.Аранжманот е дело на Кристина Шокароска, тон мајстор: Александар Јосифовски.Вечниот Бог слезе и во Дева се всели;Свет, Свет, Свет си и Пресвет Господи;Царот на сите и Господ, дојде Адам да го преобрази;Свет, Свет, Свет си и Пресвет Господи;Мудреци од Исток доаѓаат,дарови да принесат достојни;Свет, Свет, Свет си и Пресвет Господи;Да се поклонат на Господа, во пештера родениот;Свет, Свет, Свет си и Пресвет Господи;Сите на Христа да Му пееме, Он заради нас се воплоти;Свет, Свет, Свет си и Пресвет Господи;О, Дево, Мајко, Владичице, спаси ги христијаните;Свет, Свет, Свет си и Пресвет Господи;О, Дево, Мајко, Владичице, спаси ги христијаните;Свет, Свет, Свет си и Пресвет Господи.

Македонија | пред 7 години

Железничка несреќа во Данска, има загинати и повредени

Шест лица загинаа, а осум се повредени во несреќа на железничкиот мост во Данска, пренесува ТВ2 Фунен. Несреќата се случила на мост кој ги спојува остворите Зеланд и Фин. Во неа, птнички се судрил со делови од товарен воз. Товарниот воз се движел кон Фунен, а патничкиот воз кон Копенхаген.Според Би-би-си, не станув збор за директен удар на двата воза, туку поради силниот ветар делови од товарниот воз паднале на патничкиот кој се обраќал од спротивен правец.

Свет | пред 7 години

Каков ќе ви биде денеска денот, таква ќе ви биде годината, денеска е Св. Игнат

Денеска, на 2 јануари се празнува Св. Игњат, како што некои велат, судниот ден за цела година. Има многу верувања поврзани со овој ден.По повод празнувањето на Св. Игнатиј Богоносец, во црквата Св. Троица Охрид (Црногорци), синоќа се отслужи бдение на кое беа изложени моштите на овој Божји угодник.На овој ден започнуваат подготовките за празникот Рождество Христово – Божик и затоа се нарекува и Прв Божик. Празникот секогаш е пет дена пред Божик и со него започнуваат свеченостите поврзани со зимските празници. Поголем број обичаи поврзани со овој празник упатуваат на заклучокот дека со овој ден започнуваат и новогодишните обичаи, а има и такви што потсетуваат на свеченостите поврзани со далечните пагански прослави на зимската краткодневица и враќањето на сонцето од јужните напоредници. Во таа смисла се обредните огнови познати кај многу народи.Овој свет маж е наречен Богоносец затоа што постојано во срцето и на јазикот го носел името на живиот Бог. Преданието уште вели дека е наречен Богоносец и зашто него го зел на раце воплотениот Бог Исус Христос. Во времето кога Господ ги учеше своите ученици на духовен живот според евангелските заповеди, зеде едно дете, го постави меѓу нив и им рече: „Оној којшто ќе се смири и ќе стане како ова дете, тој е најголем во царството небесно“ (Матеј 18, 4). Тоа дете беше Игнатиј. Подоцна Игнатиј му беше ученик на свети Јован Богослов, заедно со Поликарп, епископот Смирненски. Беше Антиохијски епископ и управуваше со Божјата Црква како добар пастир. Го воведе антифонскиот начин на пеење во Црквата, т.е. наизменично пеење на две певници.Овој славен вљубеник во Господ Исус Христос пострада во 106 година во Рим, за време на христоборниот цар Трајан. Се има јавувано повеќепати, притекнувајќи им на помош на сите што го повикуваат со вера.

Македонија | пред 7 години

(ВИДЕО) Амди Бајрам: „Јас сум тој што сум, кога го давам зборот увек останувам тамо, кој е на власт увек сум на Власт“

Човекот кој секогаш е со Власта, без разлика која партија и да е на власт, лидерот на Демократскиот сојуз на Ромите , Амди Бајрам во изјава за Пресинг ТВ повика да се гласа за име кое што не стои во договорот со Грција ниту во предложените уставни амандмани, зашто така било во интерес на политичарите.„Јас сум тој што сум, не го повлекувм зборот, кој е на власт увек сум на Власт“, реле Бајрам.

Македонија | пред 7 години

Нема фотографија

Сообраќајна несреќа починал велосипедист

Жител на тетовско Долно Седларце (61) починал откако, додека возел велосипед, бил удрен од автомобил БМВ.Несреќата се случила вчера попладне околу 17 часот и 30 минути на патот Тетово-Брвеница, кога автомобил БМВ со тетовски регистерски таблички што го управувал 22-годишен жител на Тетово, удрил во велосипедистот.При сообраќајката велосипедистот здобил тешки телесни повреди од кои починал. Екипата на Прва помош која претходно била повикана, констатитирала смрт.

Македонија | пред 7 години

Хрвтска се подготвува за големо невреме - запален Црвен аларм

Хрватска се подготвува за големо невреме. Предупрдувањето и црвениот аларм стигна од хидрометеоролошкиот институт . Сите приморски области на Јадранот, освен Истра која имапортокалово предупредување, се во црвен аларм. Другите делови од Хрватска се во жолта фаза.Најавата е и за снег и голомразица со умерен ветер, а на северниот дел на земјата можно е да дојде до бура. На Јадранот, ќе дува умерен до силен северозападен ветер кој ќе се претвори во бура.

Свет | пред 7 години

Нема фотографија

ВМРО-ДПМНЕ: Зоран Заев наметна нови давачки кои дополнително ќе влијаат на нискиот стандард

Новата година започна со нов удар по џебот на граѓаните, велат од ВМРО-ДПМНЕ.„Зоран Заев им наметна нови давачки кои дополнително ќе влијаат на нискиот стандард. Годинава ќе плаќаат повисоки даноци земјоделците, договорците, вработените во ИТ индустријата. СДСМ спротивно на укажувањата на експертската јавност, бизнис секторот, стопанските комори, продолжи со имплементирање на погубните политики за прогресивен данок, на штета на граѓаните со цел остварување на своите лични интереси.СДСМ удира и по најсиромашните кои среќата си ја бараат во обложувалниците или игрите на среќа. СДСМ сака да одземе дел и од малите довивки кои овие луѓе ги прават среќни.„Оттаму додаваат дека Заев ја третира буџетската сметка како своја лична банкарска сметка која ја користи за спроведување на свои лични хирови и исплата на партиските потрчковци.„Парите од зголемените даноци, парите на граѓаните ќе завршат во џебовите на новите заменици директори во јавните прептријатија назначени по партиски клуч кои ќе ја чинат државата неверојатни 2 милиони евра. Парите од зголемените даноци ќе одат за поголемите плати на вицепремиерите, повисоки за 8 илјади денари, пари со кои голем дел од македонските граѓаните преживуваат во текот на еден месец.Помина уште една година, завиена во црнила. Година во која криминалната и одродена власт предводена од аболицираниот Заев на граѓаните им донесе неуспеси и порази на секое поле. Граѓаните се осиромашени и понижени, животот дојде единствено за државните и партиските фунцкионери на СДСМ кој се богатат на грбот на граѓаните. Партиските потрчковци ги полнат своите џебови благодарение на црните и кримални, тендери и грантови.Наместо живот, власта донесе црнила. Наместо проспиретет, уназадување и неработење. После две години власта нема решение за најгорливиот проблем на граѓаните, аерозагадувањето, проблем кој одзема илјадници животи годишно.Зората е пред нас, а таа ќе ги истера црните облаци кои надвиснаа над Македонија, дента кога Заев седна во премиерската фотелја. Зората е олицетворена во духот на народот, граѓаните кои се спремен да се спротивстават на неправдите кои ги донесе СДСМ. Граѓаните ќе ги поразат црнилата, ќе го поразат Заев на следните избори и ќе го испратат политичката историја“, се наведува во соопштетието.

Македонија | пред 7 години

Сондата „Нови хоризонти“ ќе ни обезбеди фотографии од Плутон - крајот на овој сончев ситем

Во првите часови од новата 2019 година вселенската сонда „Нови Хоризонти“ (New Horizonsна НАСА би требало да дошла до најоддалечената точка од Сончевиот систем до која некогаш стигнал уред од Земјата.Од ноќеска на полноќ почна праќање на фотографиите од просторите зад Плутон , од светот на мразот , кој човечкото око до сега не го видело. Мисијата почна пред 20 тина години , кога серија не многу скапи летала биле пратени во вселената за да истражуваат одделни делови на Сончевиот систем.Според научниците, сондата утрово требало да стигне до вселенскиот камен наречен Ултима Тул, кој се наоѓа 6,4 милијарди километри оддалеченост од Земјата, на надворешниот раб од нашиот Сончев систем.https://twitter.com/NASA/status/1079905296238211073?ref_src=twsrc%5Etfw%7Ctwcamp%5Etweetembed%7Ctwterm%5E1079905296238211073&ref_url=https%3A%2F%2Fwww.radiomof.mk%2Fsondata-novi-horizonti-na-nasa-na-novogodishnata-nokj-stignala-do-krajot-na-soncheviot-sistem%2F„Нови Хоризонти“ е толку далеку што научниците од мисијата немаат начин да се соочат со евентуални проблеми на кои можела да наиде сондата, туку сè е оставено на вградениот софтвер во објектот.Првите фотографии од Ултима Тул најрано ќе стигнат утре, а оние со подобар квалитет дури на 3-ти јануари.

Магазин | пред 7 години

Венеција и Турција ќе наплаќаат туристички такси

Новиот буџет на Италија вклучува и такса за влез на туристи кои ја посетуваат Венеција. Туристите досега плаќаа 1,5 евра такса за секоја ноќ која ја поминуваат во хотел или изнајмен стан, од сега од 2,50 до 10 евра дневно во зависност од времето на посетата. Целта е да се намали бројот на туристите , кои го гушат градот , како и да се наполни градската каса. Венецијанците долго време се жалеа дека масовниот туризам го поплави градот, и не се почитуваат неговите живописни канали.Таксата ќе се применува само за туристите, но не е јасно дали ќе го замени градскиот данок, кој веќе е наметнат на гостите на хотелите. Овој данок акумулира околу 30 милиони евра годишно, а "данокот за пристигнување" може да генерира околу 50 милиони евра.Покрај Венеција и Турција од 1 јануари 2019 година ќе собира туристичка такса во износ од 1,5 евра. Таксата ќе се наплаѓа на аеродромите при пристигнувањето на туристите, соопштија локалните медиуми. Таксата ќе се собира за туристите кои веќе платиле екскурзија до земјаата, за новите резервции таа ќе биде вклучена во авионските билети и ќе се наплаќа од превозниците

Свет | пред 7 години

Германец кој мразел странци, со автомобил се обидел да „покоси“ случајни минувачи

Маж со автомобил со голема брзина влетал во група пешаци за време на новогодишната ноќ во западна Германија, при што биле повредени најмалку четири лица.Возачот (50) со „мерцедес“ прво се обидел да удри во група луѓе во Ботроп по полноќ, но пешаците успеале да се тргнат од патот. Потоа напаѓачот во центарот на Ботроп со возилото удрил во група луѓе, меѓу кои имало Сиријци и Авганистанци, а потоа побегнал во Есен, каде неуспеал да удри во лица кои чекале на автобуска станица.Германската полиција утрово го уапси возачот. Според нив нападот бил насочен кон странци.

Свет | пред 7 години

Во пресрет на Нова Година, маскирани лица ограбиле хотел во Скопје

Вчера околу 19:20 часот во хотел во Скопје три непознати лица извршиле разбојништво и со закана со пиштол одзеле пари.СВР Скопје презема мерки за расчистување на случајот.

Скопје | пред 7 години

Иванов: Очекуваме годинава Армијата да го добие тоа што и припаѓа, конечно да станеме членка на НАТО

Претседателот на Република Македонија и Врховен командант на вооружените сили, д-р Ѓорге Иванов, денеска, на првиот ден од Новата година, ги посети припадниците на АРМ во касарната „Чеде Филиповски-Даме" во Кичево.Претседателот Иванов на припадниците на АРМ кои извршуваат должност за време на новогодишните празници им ја честита Новата 2019 година, посакувајќи им многу здравје, среќа и радост, како и исполнување на сите нивни очекувања.„Очекуваме оваа година да биде успешна за Армијата, односно Армијата да го добие тоа што и припаѓа, конечно да станеме членка на НАТО, да ја добиеме поканата и Македонија конечно да биде членка на НАТО", истакна претседателот Иванов.Македонскиот претседател имаше заеднички ручек со припадниците на АРМ во касарната „Чеде Филиповски-Даме", а новогодишните празници, преку видео-конференциска врска, им ги честиташе и на припадниците распоредени на јужната граница како и на учесниците во мисиите во Авганистан, во Либан и во Босна и Херцеговина, на кои им посака успешно завршување на мисиите и враќање во своите домови.Претседателот Иванов по повод новогодишните празници упати честитки и до сите граѓани на Република Македонија, посакувајќи им како што се сплотени, радосни и среќни за време на празниците, така да бидат и во текот на целата година.„Живееме во време кога се случуваат огромни промени, како кај нас така и во регионот и во светот, и во овој период на големи промени, пред се треба да останеме луѓе, да се почитуваме меѓусебе, да си веруваме и да се насочиме кон иднината, да обезбедиме посигурна иднина за сите наши поколенија", рече македонскиот претседател.

Македонија | пред 7 години

Македонец во Австралија гради компелкс во чест на Александар Велики

Во Перт, Австралија нашиот иселеник од Егејска Македонија Тим Тутунџев, на десет хектари, изгради милионски комплекс, наречен “Александар Велики”. Поставил статуа во огромна димензија на Александар Македонски на коњот Букефал и кренал антички столбови за кралската палата, објави Маркукуле.Тутунџев во втората татковина – Австралија – предвидува во проектот да изгради и антички амфитетар и да постави статуа на Филип Втори. Во дел од комплексот има катче со автентична куќа од Егејска Македонија од 19 век во стара архитектура со семејна црква.Тим Тутунџев, родум од грчкиот дел на Преспа, бил дете бегалец од времето на граѓанска војна. Првин заминал во Романија, од каде отишол по “леб” во Перт, Австралија. Таму тој прераснува во познат и успешен бизнисмен, кој е и пратеник во градското собрание на општина Перт. Тутунџев открива како и зошто го градел староантичкиот комлекс во Перт.– Го градев, зашто ми е спомен за нашиот Велики Александар. Кога ќе доаѓаат гости, им ја кажувам македонската историја. Доаѓаат луѓе од цел свет и ги учам токму за древна Македонија, за македонската империја на Александар Македонски.Во училиштата во Австралија не учат македонска историја. Треба да им ја пренесуваме нашата длабока историја, нашите корени кои датираат уште од пред три века пред Христа. И нашите и Австралијанаците треба да бидат запознати со потеклото на големата заедница од над 500 илјади Македонци на петтиот континент – вели тој. Почнал со градби од времето на Александар.Не само Македонци, и туку и други симатизери на македонската култура и историја љубопитно го разгледуваат комплексот, помагајќи им да ја разберат и да го осознаат македонското милениумско минато драго ми е кога доаѓаат и наши од Македонија. Сите треба да се грижиме за нашата татковина -објаснува Тутунџев.Извор: Маркукуле

Свет | пред 7 години

7 години од смртта на првиот претседател на Р Македонија - Киро Глигоров

Пред 7 години во својот дом во Скопје, на 95 години, почина првиот претседател на независна Македонија, Киро Глигоров.Глигоров за претседател на Република Македонија беше избран на 27 јануари 1991 година, од страна на Собранието на Република Македонија, а по втор пат на 19 ноември 1994 на претседателски избори. Функцијата претседател на Република Македонија ја вршеше до 19 ноември 1999 година.Во текот на своите два мандати ја промовира политиката на „eквидистанца“ кон сите соседи на земјата: Србија, Црна Гора, Бугарија, Грција и Албанија. За време на неговиот мандат се случиja некои од најважните настани од современата историја на Република Македонија: на референдум на 8 септември 1991 бeше прогласена независноста на земјата, а Македонија беше и единствената од поранешните југословенски републики која се осамостои по мирен пат. На 17 ноември 1991 беше донесен новиот Устав, а на 8 април 1993 година Република Македонија стана 181 членка на Обединетите нации.На 3 октомври 1995 година врз претседателот на Република Македонија Киро Глигоров беше извршен атентат. Глигоров го преживеа атентатот со тешки повреди во пределот на главата. Нападот беше извршен со автомобил-бомба на улицата „Македонија“ во Скопје, кога Глигоров со службено возило се движеше од неговата резиденција на работното место во Собранието на Република Македонија. Досега не се откриени ни нарачателите, ниту, пак, извршителите на атентатот, а истрагата е се уште отворена.Во текот на неговата политичка активност, Киро Глигоров беше одликуван со повеќе ордени.

Македонија | пред 7 години

Прво па машко и во Струга

Во 3 часот и 50 минути утрово по природен пат во Струшката болница се роди здраво машко дете. Ова е првото новороденче во Новата 2019 год во струшката општина.-Бебето е тешко 3.060 грама и долго 50 сантиметри. Мајката, која е од Дебар, и бебето се во одлична здравствена состојба, велат од одделението за гинекологија.После првороденчето во Струшката болница утрово се одија уште две машки бебиња.

Македонија | пред 7 години

20 години еврото како валута во 19 држави

1 јануари 1999 год. 11 членки на Европската унија го воведоја еврото како валута. Лидерите на ЕУ ја истакнаа важноста на заедничката валута, но во овие 20 години истата поминува низ турбулентни времиња.Еврото преживеа неколку поголеми премрежја, вклучувајќи ги и потешкотиите во периодот на неговото пуштање во оптек, финансиската криза во 2008 и должничката криза во еврозоната која кулминираше со интервенционизам во неколку држави.Некои аналитичари сметаат дека превирањата и издржливоста на еврото ја зајакнаа валутата и ја направија помалку подложна на идни проблеми, други забележуваат дека еврото ќе остане ранливо без натамошна интеграција.Валутата не беше веднаш прифатена и кај многу земји нејзиното воведување беше доживеано како несакано зголемување на цените. Во Германија еврото дури доби и прекар “teuro”, што на германскиот значи – скапо.Еврото нкао валута денеска ја користат 340 милиони луѓе во 19 држави во ЕУ и тоа: Австрија, Белгија, Кипар, Естонија, Финска, Франција, Грција, Ирска, Италија, Латвија, Литванија, Луксембург, Малта, Холандија, Португалија, Словачка, Словенија и Шпанија.Испитувањето на јавното мислење спроведено во ноември од страна на Европската централна банка (ЕЦБ) покажа дека 74 проценти од еврозоната сметаат дека еврото е добро за ЕУ, а 64 проценти изјавиле дека тоа е добро за нивната земја.Другите членки на ЕУ за да го користат еврото треба да ги исполнат предвидените монетарни услови.

Свет | пред 7 години

Првото бебе во новата година е машко, во болницата утрово се родиле уште седум бебиња

Првото бебе родено годинава на Клиниката за гинекологија е машко, дојде на свет една минута по полноќ. Бебето е прва рожба во семејството Алексовски, тешко е 3900 грама и долго 52 сантиметри.-Бебето беше карлично поставено па породувањето беше изведено со царски рез. Изминатата ноќ имавме доста работа, но тимот на гинекологија успеа да се справи со предизвиците. Сите родилки и бебиња се добро“, изјави д-р Игор Самарџиски.Мајката Ангела и бебето ги посетија министрите за здравство и труд и социјална политика, како и градоначалникот на Град Скопје, Петре Шилегов.Традиционално, бебето доби од градоначалникот Петре Шилегов штедна книшка и златник.Од синоќа до сега на Клиниката за Гинекологија се родиле 7 бебиња.Во изминатата 2018 година родени се вкупно 4630 бебиња. 

Скопје | пред 7 години

Биланс од прославите - Пијани и натепни завршиле во болниците

Брзата помош од Охрид во новогодишната ноќ интервенирала десетина пати при што две алкохолизирани лица завршиле на инфузија, додкеа три лица повредени со исекотини завршиле на хирургија после тепачка во ноќниот клуб „Хавана“.За целокупниот биланс во новогодишната ноќ официјално соопштение ќе издаде СВР Охрид.

Македонија | пред 7 години

(ВИДЕО) Посмртните остатоци од новинарот Џамал Кашоги во црни вреќи ги изнесол специјален тим за егзекуција?

Се појви видеоснимка на која се гледа како саудискиот специјален тим за егзекуција изнесуваат вреќи. Неофицијлано во нив се наоѓаат посмртните остатоци од новинарот Џамал Кашоги. На снимката се гледа доаѓањето на неколкуте членови на тимот во резуденцијата на саудискиот конзул во Истанбул, на денот кога е убиен Кашоги во конзулатот, оддалечен неколку стотина метри од куќата. Еден од членовите на тимот за егзекутирање носи црни вреќи, кои според турските медиуми веројатно содржат делови од телото на убиениот новинар, кој беше голем критичар на саудискиот принц престолонаследник – Мохамед Бин Салман.Оваа видео снимка ја објавија турските медиуми.Тие објснуваат дека Кашоги влегол во саудискиот конзулат на 2 октомври за да добие документи за развод од неговата поранешна сопруга. Во конзулатот бил убиен и распарчен на делови, дело кое турските власти го карактеризираа како убиство со предумисла, организирано од властите во Саудиска Арабија.Саудијците го негираат тоа и тврдат дека Кашоги бил убиен во операција на „одметнати агенти“, иако првично тврдеа дека новинарот жив го напуштил конзулатот.Кашоги повеќе од една година беше во политички егзил во САД, стравувајќи од политички прогон.

Свет | пред 7 години

Нема фотографија

Сончево со мала облачност, се очекува снег и појава на голомразица

Денес не очекува сончево време со умерена облачност и со умерен повремено засилен ветер од северен правец. Дневните температури ќе се движат од -3 до 7 степени.Во Скопје слично време со температура од -1 до 3 степени.Под влијание на студен и влажен бран утре попладне и во наредните денови времето ќе биде променливо облачно и многу студено со повремени врнежи од снег со променлив интензитет. Насекаде ќе се формира нова снежна покривка, особено на планините (над 40см). Заради ниските температури ќе има појава на голомразица, а засилениот ветер наместа ќе предизвика снежни наноси.

Македонија | пред 7 години

Охриѓани и гости Новата 2019 ја дочекаа под отворено небо

Новата 2019 год и годинава охриѓани и гостите ја дочекаа под отворено небо. И покрај тоа што дочекот на плоштад беше организиран во последен момент, сепак Ѓоко Танески, Жармена, Бетис бупс, Бекдор бенд и диџеј Петар се погрижија да има забава на високо ниво.Организатори годинава на дочекот беа еснафот на угостители и Хотелелската асоцијација, откако градот Охрид се откажа од сите културно- забавни настани по смртта на градоначалникот Јован Стојановски.Инаку Охрид и годинава е исполнет во целост.

Македонија | пред 7 години

(ВИДЕО) Во Охрид Дедо Мраз дојде со нуркање

Весел Дедо Мраз, не бира начин и средства за да стигне до целта. Охридскиот и годинава дојде со нуркање...

Македонија | пред 7 години

Првото бебе е машко, родено е една минута по полноќ

Првото бебе во новата 2019 година во Скопје е машко и тежи 3 920 грама.Бебето е родено во Клиниката за Гинекологија и акушерство една минута по полноќ.

Македонија | пред 7 години

Нема фотографија

(ВИДЕО) Скопје ја дочека 2019 со низа огномети: Среќна нова година на сите!

https://www.facebook.com/skopje1mk/videos/276274016404009/

Скопје | пред 7 години

Новата година кај нас астрономски ќе настапи првин во с. Ново Коњарево, а дури 4 минути подоцна во Скопје!

Поради ротацијата на Земјата кон исток, ако се земе во предвид локалното, наместо зонското време, во Република Македонија, Нова година прво ќе настапи во општината Пехчево и тоа астрономски во 23 часот и 27 минути, пишува д-р Ивица Милевски. Професорот објаснува дека по вакво, локално или реално, односно астрономско време, прва и најисточна населба во Македонија каде настапува Нова година е с. Ново Коњарево источно од Струмица и тоа во 23 часот и 28 минути, десетина секунди подоцна во с. Двориште, Беровско, а уште толку подоцна во с. Панчарево, Пехчевско. Во Скопје, по локално време, Нова година настапува 4 минути подоцна, односно во 23 часот и 32 минути. Најдоцна, по реално време Нова година ќе настапи во с. Коњари западно од Дебар и тоа во 23 часот и 36 минути. Кога во Македонија, по зонско време во 00 часот настапува Нова година, поради разликата од околу 5-8 степени или речиси половина час во однос на зонскиот (15-ти) часовен меридијан (Македонија лежи на 20-23 степени источна географска должина), според реалното време, кај нас е веќе 00 часот и 25 (Дебарско) до 33 (Пехчевско) минути.Ако сака некој да се „пофали“ дека барем 2 пати за еден ден ја дочекал Новата година, може тоа да го направи во пограничните места со Бугарија или пак ако реши да патува со авион од некоја источна земја кон Македонија или од Македонија кон Америка.Автор: д-р Ивица Милевски

Македонија | пред 7 години