ГЛАВНИ-ВЕСТИ

Нема фотографија

Студено време со врнежи од снег

Денес не очекува претежно облачно и студено време со повремени локални врнежи главно од снег, освен на крајниот југоисток каде ќе бидат од дожд. Повеќе врнежи ќе има попладне во западните делови од земјава. Утринските температури ќе се движат во интервал од -9 до -1 степен, а дневните од -2 до 7 степени.Во Скопје облачно со повремени врнежи главно од снег. Утринската температура ќе се спушти до - 4 степени, а дневната до 2.Утре ќе се задржи облачно и студено време со повремени врнежи претежно од снег со променлив интензитет. Утре повеќе врнежи ќе има попладне во јужните делови од земјава. Во среда и четврток се очекува стабилно и суво време со пониски утрински температури.

Македонија | пред 7 години

Марш на црвениот чадор денес во Скопје

Граѓанската иницијатива за заштита, промоција и унапредување на правата на сексуалните работници СТАР-СТАР, во рамките на кампањата за одбележување на 17-ти декември, Меѓународен ден за СТОП на насилството врз сексуалните работници ќе го одржи традиционалниот Марш на црвениот чадор во денес во 12 часот, пред платото на спомен куќата на Мајка Тереза.„СТАР-СТАР заедно со сексуалните работници, активистите и нивните поддржувачи се приклучува кон глобалната акција за солидарност кон сексуалните работници со цел да се намали насилството и дискриминацијата со кои секојдневно се соочува оваа маргинализирана група. Со пораката:“ДЕКРИМИНАЛИЗАЦИЈА СЕГА!“ ги охрабруваме институциите и стручната јавност да го отворат прашањето за регулација на сексуалната работа. Ние и сексуалните работници сметаме дека декриминализацијата на сексуалната работа претставува најдобра политика за унапредување на здравјето, благосостојбата и човековите права на сексуалните работници. Овие заложби сезасноваат врз потребите на сексуалните работници за заштита на нивните права, за создавање на безбедни услови за живот и работа, како и превенција од насилство и експлоатација.Иницијативата за одбележување на овој ден доаѓа од Д-р. Ени Спринкл со една единствена цел – поддршка на сексуалните работници од САД, како ден на кој се оддава почит на жртвите на убиецот од Грин Ривер во Сиетел, Вашингтон“, се вели во соопштението.

Скопје | пред 7 години

Денеска е ден на жалост во Охрид

Денеска во Охрид е ден на жалост, поради смртта на градоначаникот Јован Стојаноски. Јарболот во центарот на градот е спуштен на половина копје. Погребот на Стојановски ќе се одржи во 14 часот на Градските гробишта во Охрид, а посмртните останки ќе бидат изложени во Градската капела од 12 часот.Исто така денеска ќе се одржат комеморации во општината и Факултетот за туризам и менаџмент, каде Стојаноски беше професор.Премиерот Зоран Заев, министерот за внатрешни работи Оливер Спасовски, министерот без ресор во Владата на Република Македонија задолжен за дијаспора Едмонд Адеми ќе присуствуваат на комеморативната седница која ќе се одржи во Општина Охрид, но и на погребот на градоначалникот Јован Стојановски.Јован Стојановски за градоначалник беше избран во октомври минатата година. Тој беше и еден од најзначајните кадри од раководителите во локалната организација на СДСМ во Охрид.Според најавите, дополнителните избори за нови градоначалници на Охрид и на Дебар ќе се одржат паралелно со редовните претседателски избори напролет. Тогаш треба да се избере и нов градоначалник на општина Ново Село, откако Боро Стојчев од СДСМ поднесе оставка од морални причини откако беше осуден на затвор за обид за шверц на цигари.

Македонија | пред 7 години

За поубава и побогата 2019 година утре засадите Божиќна пченица

Раѓањето на Исус Христос - Божик е најрадосен ден во семејството. Се прославува со богата трпеза, има и низа обичаи во зависност од регионот, но еден се чини е исти насеаде. Тоа е Божиќно жито.За да порасне до Божик , житото кое е симбол на просперитет, здравје и богатство треба да се засади на време. Треба да е зелено и бујно, бидејќи такви ќе бидат и посевите во текот на годината, вели старото верување.Пченицата се сади на празникот на Света велокомаченичка Варвара, на 17. декември, кај православците или на Свети Никола на 19. декември, а кај католиците на 13. декември, на денот на Света Луција.За садењето ви е потребно една шака пченица и чинија или сад во кој ќе посадите. Во плиток сад ставете земја, па на неа наредете ја пченицата, која преку ноќ стоела во вода. Зрната покријте ги со малку земја, која секој ден ќе ја прскате со вода на собна температура.Пченичните зрна можат да се стават и без земја. Само се распоредуваат на дното на садот, во потполност да го покријат. До ивицата се остава барем 1 сантиметар бидејќи пченицата со никнувањето ќе се прошири. Заливајте умерено. Најдобро е само да се прска со вода, еднаш до два пати дневно.Во средина на садот може да се остави празен простор во кој подоцна ќе се стави свеќа. Земете плитка чинија, по желба, во средина ставете малечка чаша (за ракија). Зрната нанесете ги околу чашата.Пченицата која сте ја засадиле можете да ја покриете со памучна ткаенина натопена со вода. Се става одозгора за да зрната набабрат и да има доволно количество влага за тоа. Кога ќе се појават првите никулци ткаенината треба да се тргне за да пченицата расте без проблем.Пред да се стави на маса, житото се поткаструва со ножици да биде рамно, бидејќи често израснува нерамномерно.

Магазин | пред 7 години

Нема фотографија

Магла на патните правци Крак-Маврови Анови и од Крак до Стража

Низ целата територија на Републиката сообраќајот се одвива тековно по влажни коловози.„Намалена видливост од 20 до 50м. поради магла има на патните правци Крак-Маврови Анови и од Крак до Стража. Слаб снег провејува во северо источниот дел од Републиката кој не се задржува на коловозот. На одредени патни правци кои поминуват низ клисури и усеци можна е појава на поситни одрони.Престанок на важност на забраната за движење на тешки товарни возила на патниот правец Делчево граничен премин Делчево. Се воведува задолжително употреба на зимска опрема само за тешки товарни возила на истиот патен правец“, велат од Македонија пат.Оттаму апелираат на внимателно возење и прилагодување на брзината спрема условите на патот.

Македонија | пред 7 години

(ФОТО) Митко Чавков ургирал мајка на три деца да биде испратена во затвор, иако немала вина

На социјалните мрежи се споделува статус во кој се вели дека ексминистерот за внатрешни работи, Митко Чавков влијаел врз обвинител и судија за во затвор да испрати жена која немало сторено кривично дело. Ви пренесуваме во целост:

Македонија | пред 7 години

ЛДП нема да гласа за законот за амнестија

Пратениците на ЛДП, владиниот коалиционен партнер, нема да гласаат за предлог-законот за амнестија со кои треба да бидат опфатени околу 50-тина обвинети за упадот во Собранието на 27 април лани.Ова беше кажано на седмото изборно собрание на Либералдемократите. Од таму велат дека е подобра варијантата прво да има пресуда за случајот, а дури потоа да се размислува за амнестија.– Мислам дека законодавната и извршната власт треба да останат во свои рамки и да не влијаат на судството – рече претседателот Горан Милевски.Драфт-верзијата на законот во моментов се разгледува во пратеничките групи, а истиот на собраниска седница наместо утре, откако се одложи, би се нашол на собраниска седница во вторник.

Македонија | пред 7 години

(ФОТО) Охрид го спушти јарболот во центарот на половина копје

Утре во Охрид е ден на жалост, поради смртта на градоначаникот Јован Стојаноски. Јарболот во центарот на градот е спуштен на половина копје.Утре, ќе се одржат комеморации во општината и Факултетот за туризам и менаџмент, каде Стојаноски беше професор.Погребот на Стојановски ќе се одржи во понеделник во 14 часот на Градските гробишта во Охрид, а посмртните останки ќе бидат изложени во Градската капела од 12 часот.Премиерот Зоран Заев, министерот за внатрешни работи Оливер Спасовски, министерот без ресор во Владата на Република Македонија задолжен за дијаспора Едмонд Адеми веќе го потврдија присуството на комеморативната седница која ќе се одржи утре во Општина Охрид, но и на погребот на градоначалникот Јован Стојановски.Јован Стојановски за градоначалник беше избран во октомври минатата година. Тој беше и еден од најзначајните кадри од раководителите во локалната организација на СДСМ во Охрид.

Македонија | пред 7 години

Дел од државниот врв потврди присуство на комеморацијата и погребот на градоначалникот

Општинскиот протокол на Охрид, го организира последното испраќање на градоначалникот. Премиерот Зоран Заев, министерот за внатрешни работи Оливер Спасовски, министерот без ресор во Владата на Република Македонија задолжен за дијаспора Едмонд Адеми веќе го потврдија присуството на комеморативната седница која ќе се одржи утре во Општина Охрид, но и на погребот на градоначалникот Јован Стојановски.Комеморативни седници ќе се одржат во 09:00 чсот на Факултетот за туризам и угостителство, матичната куќа каде Стојаноски беше професор, а потоа во Големата сала на Општина Охрид во 10 часот.Погребот на Стојановски ќе се одржи во понеделник во 14 часот на Градските гробишта во Охрид, а посмртните останки ќе бидат изложени во Градската капела од 12 часот.Јован Стојановски за градоначалник беше избран во октомври минатата година. Тој беше и еден од најзначајните кадри од раководителите во локалната организација на СДСМ во Охрид.Пред да стане градоначалник, Стојановски беше професор на Факултетот за туризам и угостителство во Охрид.

Македонија | пред 7 години

Членовите на СДСМ од Охрид се простија од градоначалникот Стојаноски

Во просториите на СДСМ Охрид денес се одржа комеморативна седница по повод прераната и ненадејна смрт на градоначалникот на општина Охрид, проф. д-р Јован Стојаноски.Присутните со едноминутен молк му оддадоа почит на покојниот Стојаноски, по што се обрати претседателот на ОО на СДСМ – Охрид Лазе Танески.– Помина само еден ден од кобната вест а јас и сите ние, драг и почитуван Јован не сакаме да веруваме дека физички веќе не си меѓу нас. Не сакаме да веруваме дека веќе нема да го минеш прагот на нашето партиско седиште во кое заедно ги кроевме плановите за победите, за партијата да ја вратиме на врвот каде што и е местото и каде што успеавме да ја донесеме. И не беше така лесно како што изгледа. Патот беше послан со трње, ама го изодевме – знаеш ти знаеме и ние што останавме по тебе за да го продолжиме тој пат… Заедно од врата до врата, заедно трпеливо ја враќавме вербата на секој граѓанин во тоа што е силата и единството на СДСМ. Во времето кога не имаше малкумина ние работевме на програмските определби – градевме еден нов СДСМ. СДСМ кој ќе ги слушне потребите, барањата и очекувањата на граѓаните.Со часови и денови зборувавме, анализиравме, правевме стратегии, собиравме луѓе околу себе, а ти беше магнет за дел од нив. Со тоа професорското, академскиот стил импонираше и на луѓето им даваше верба во праведност и вистина. И успеавме, пак поради нашата пожртвуваност, сплотеност и верба во поубава иднина за нас, за членството, за граѓаните кои не поддржаа и не поддржуваат. Драг Јоване ние не сакаме да веруваме дека твоето столче овде за секогаш ќе остане празно, дека нема повеќе да ни делиш совети, да се бориш со нас и да носиш одлуки за доброто на членството и воопшто за сите кои живеат во нашиот убав Охрид. Ние од СДСМ останавме со човек помалку, сега сме без еден човек со бескрајна енергија, силна посветеност на работата и со јасна визија за градот со кој раководеше. Загубата е ненадоместлива, а тагата преголема. Понаков од сите – со леснотија ама со глас кој дава надеж. Таков беше Јоване и кога бевме опозиција, таков беше и кога победивме и уште посреќен кога стана градоначалник, рече Танески.На комеморацијата се обрати и Константин Георгиески, заменик градоначалник, соработник и долгогодишен пријател на Стојаноски.– Токму од овде, од ова место градоначалникот Јован Стојаноски ги соопшти своите визии за развој на на општина Охрид и до последен здив, неуморно и посветено работеше на нивното реализирање. Токму од од овде, од ова место, јас заедно со него тргнав по тој пат да направиме што повеќе за нашиот светол и свет град. Ни остави обврска заедно да го продолжиме патот и неговите визии да ги претвориме во реалност. Беше вистински професионалец. Вчераутро, ден по враќањето од Скопје и седницата на ЗЕЛС, градоначалникот заедно со своите најблиски соработници го договараше буџетот за 2019 година. Никој од присутните до денес не може да поверува дека тие беа последните зборови кои ги слушаа пред срцето да му откаже и престане да чука, рече Георгиески.Тој додаде дека најголемиот дел од присутните на комеморацијата на еден или друг начин сме соработувале и биле кој поблиску кој подалеку од градоначалникот Стојаноски.– Сите ние добро го познававме, го познававме неговиот начин на работа, ја познававме неговата волја за живот и морам да потенцирам дека сите ние од него многу научивме како треба да се справуваме со предизвиците на времето. Тој секогаш работите сакаше да ги гледа од друг агол и од друга призма. Оставаше простор и за туѓо мислење и често знаеше да даде свое решение, карактеристика која ја имаат само умните, посветените и храбрите луѓе, напомена Георгиески.Пред присутните сопартијци и соработници на покојниот Стојаноски кусо и емотивно обраќање имаше и неговиот брат Стојмир. Тој им се заблагодари на сите за нивниот придонес Јован да стане прв човек на градот и во краткиот период на неговиот мандат да направи се’ што може за градот кого, како што рече многу го сакаше.Во отворената книга на жалост по завршување на комеморацијата први се потпиша сопругата на покојниот градоначалник Надица, нивните деца, најблиските соработници, партиското раководство и пратениците Томислав Тунтев, Жаклина Лазаревска и членот на Извршниот одбор на СДСМ Ѓоко Танасоски и ред други членови и симпатизери на СДСМ. 

Македонија | пред 7 години

Задолжителна зимска опрема за сите возила на патот Кочани-Делчево-Берово

Низ целата територија на Републиката сообраќајот се одвива тековно по влажни коловози.Слаб снег провејува во северо источниот дел од Републиката кој не се задржува на коловозот. Поради интензивни врнежи од снег се воведува задолжително употреба на зимска опрема за сите моторни  возила на патниот правец Кочани-Делчево-Берово. На одредени патни правци кои поминуват низ клисури и усеци можна е појава на поситни одрони.Од 14 часот попладнево е укината забраната за тешки товарни возила на патниот правец Крива Паланка – граничен премин Деве Баир“, велат од Македонија пат.Оттаму апелираат на внимателно возење и прилагодување на брзината спрема условите на патот. 

Македонија | пред 7 години

Маж и две жени се загинатите во автобусот на „Еуробус“ кој се преврте кај Лесковац

Маж и две жени се тројцата загинати во тешката сообраќајна несреќа што се случи ноќеска околу 1.40 часот, кога на влезот во Лесковац, Србија се преврте македонски автобус, пренесе изјава од лесковачката болница српската агенција Бета. Во тек идентификацијата на загинатите.„Во врска со автобуската несреќа во Србија, министерството за надворешни работи на Република Македонија преку Амбасадата на Република Македонија во Белград стапи во контакт со претставниците на надлежните служби во Србија и за сега како официјална потврда од српските власти ги имаме добиено следниве информации: До моментов идентификувана е само 1 жртва, маж на возраст од 68 години. Имаме потврда и за 2 жени дека се загинати, но истите не се идентификувани. Станува збор за автобуски превозник од Струга, со регистарски таблици Euroturs SU 3325 AC. Министерот за здравство Венко Филипче, Ген сек на Влада Драги Рашковски и претставник на амбасадата на РМ во Белград се упатија кон местото на несреќата. Се чека на дополнителни официјални информации, кои како што ќе ги добиваме ќе ви ги пренесуваме.“, соопштија од македонското МНР.Возачот и совозачот не се повредени, но според Бета, кажано им е дека не смеат да даваат изјави за медиуми. Според Бета, автобусот тргнал од Битола кон Виена, а имало патници од Битола и од други градови од Македонија. Еден од повредените за агенцијата изјавил дека не знае како се случила несреќата оти сите спиеле.„Кога се разбудив чув врескање. Видов луѓе со крвави глави и раце, а некој рече дека има и загинати. Не знам кој повика итна помош и полиција но набргу стигнаа неколку амбулантни коли и лекарите влегоа во автобусот. Веднаш ни пружија помош. Потоа стигнаа пожарникарите и сите заедно нè извлекоа од автобусот“, рече за Бета момче од Битола кое во сообраќајката ја повреди раката.Во болницата во Лесковац префрлени се 28 повредени патници, а во Ниш четворица. Според началникот на Хирургија во Лесковац, 4 пациенти згрижени таму се со тешки повреди но се вон животна опасност, 23 згрижени во Ургентниот центар имаат полесни повреди, а на домашно лекување се пуштени 14, но ќе останат во лесковачката болница до обезбедување превоз за Македонија.Автопатот кај Лесковац е чистен, но завеан е и на места е замрзнат. Автобусот ја пробил заштитната ограда и се превртел, а во меѓувреме е исправен и околу него дежура полиција и санитетско возило.up-date за состојбата со повредените: До моментов идентификувана е само 1 жртва, маж на возраст од 68 години. Имаме потврда и за 2 жени дека се загинати, но истите не се идентификувани. Има вкупно 32 повредени лица од кои 28 се вон животна опасност и истите се згрижени во општата болница во Лесковац, од кои 4 се на хирургија, 1 на ортопедија. 4-та повредени со тешки телесни повреди се наоѓаат во животна опасност и се префрлени во Клиничкиот центар во Ниш. На сите ќе им биде озбезбедено сместување, доколку имаат потреба за преноќување

Македонија | пред 7 години

Забрана за тешки товарни возила на патот Крива Паланка - граничен премин Деве Баир

Низ целата територија на Републиката сообраќајот се одвива тековно по влажни коловози.„Слаб снег провејува во северо источниот дел од Републиката кој не се задржува на коловозот. Исто така воведена е и забрана за Тешки Товарни Возила на патнит правец К.Паланка-граничен премин Д.Баир. На одредени патни правци кои поминуват низ клисури и усеци можна е појава на поситни одрони“, велат од Македонија пат.Исто така оттаму апелираат на внимателно возење и прилагодување на брзината спрема условите на патот.

Македонија | пред 7 години

Нема фотографија

Вонредна седница на советот- утре ден на жалост во Охрид

По повод ненадејната смрт на градоначалникот на Охрид, проф. д-р Јован Стојаноски, Советот на Општина Охрид, денес одржа вонредна седница. Седницата започна со едноминутно молчење, а советниците донесоа одлука, утрешниот ден да биде ден на жалост на подрачјето на Општина Охрид.Сите културни, спортски, забавни и други настани и манифестации закажани за 17.12 2018 година (понеделник) се отакажуваат.Утре со почеток во 10 часот во големата сала на општинската зграда ќе одржи Комеморативна седница, а посмртните останки на градоначалникот проф. д-р Јован Стојаноски ќе бидат изложени од 12 -14 часот во капелата на градските гробишта.

Македонија | пред 7 години

Георгиевски: „Другар мој, ми замина в раце... Величина беше и ќе останеш. Се глeдаме во рајот“

Тага и неверување. Охриѓани на своите ФБ профили објавуваат пораки како последно збогум за перано починатиот градоначалнк Јован Стојаноски.Најемотивните секако од неговите другари, колеги, сопартијци.„Другар мој, ми замина в раце... Величина беше и ќе останеш. Се гладаме во рајот“, напиша заменик градоначалникот на Охрид и координарот на советничкта група на СДСМ во советот на општина Охрид -Констрантин Георгиевски.Тој при тоа објави и неколку фотографии со како што наведува другар од детството.

Македонија | пред 7 години

Еден загинат и 44 повредени во несреќа со автобус во близина на Цирих

Во сообраќајна несреќа на автопат во близина на Цирих денескам загина еден човек а 44 се повредени. Тројца од повредените се во критична состојба.Автобусот сообраќал од Џенова кон Дизелдорф кога одеднаш возачот изгубил контрола и удрил во ѕид, наведуваат од полицијата. Меѓу повредените нема деца.Портпаролка на полицијата нагласи дека оператор на автобусот бил кооперант на Филксбус, германска компанија што нуди услуги на меѓуградски превоз.

Свет | пред 7 години

Протести во Белград под слоганот „Ајде да се преброиме“

Повеќе илјади граѓани синоќа излегоја на протести во Белград, против актурлната власт на претседателот Александар Вучиќ, под називот „Ајде да се преброиме“.Од собирот кој помина без инциденти, граѓаните најавија дека ќе истраат во борбата за победа и дека, како што го победија поранешниот претседател на СРЈ, Слободан Милошевиќ, така ќе го победат и српскиот претседател Александар Вучиќ.Протестот започна во 18 часот на платото пред Филозофскиот факултет во центарот на Белград, каде што се обрати академикот Душан Теодоровиќ и актерот Тихомир Станиќ, по што граѓаните се прошетаа до зградата каде што се наоѓа седиштето на српскиот претседател, потоа продолжија пред српскиот парламент, телевизијата Студио Б и Радио Телевизија на Србија.Меѓу граѓаните беа и претставници на опозициските партии Вук Јеремиќ, Драган Ѓилас, Борко Стефановиќ, Јанко Веселиновиќ, Милош Јовановиќ, Бошко Обрадовиќ.Протестот “Ајде да се преброиме” настапи поради наводите од одредени медиуми и актуелната власт во Србија, дека мал број граѓани се имаат собрано за време на протестите на 8 декември, додека организаторите тврдат дека имало повеќе од 10.000 незадоволни граѓани.Инаку ова не е прв протетест, исти имаше и минатата недела. Но, Српскиот претседател Александар Вучиќ, тогаш изјави дека нема да исполни ниедно од барањата на опозицијата и пет милиони луѓе да излезат на улиците, поради што една од главните пароли на денешниот протест гласеше “Еден од пет милиони”.

Свет | пред 7 години

Информации за превртениот македонски автобус, се стравува од повеќе загинати

Автобусот со македонски регистерски таблички кој рано утрово излета од автопатот во близина на Лесковац при што загинаа три лица неофицијално влегол во снежна бура по што излизгал и се превртел.Четири лица се тешко повредени, а уште најмалку триесетина се во болниците во Лесковац и Ниш, од кои 24 се во ургентен центар. Пожарникарите и механизирани екипи се обидуваат да го кренат превртениот автобус за да водат дали под него има повредени или загинати лица.Во Ургентниот центар во Ниш околу 03:30 пристигнале четворица македонски државјани кои имале повреди и знаци на изразита хипотермија.Медицинските лица велат дека има патници и со сериозни скршеници на черепот и дека едвај биле извлечени со помош на пожарникари.14 лица биле пуштени со лесни повреди, јави РТС.Автобусот патувал за Виена.

Македонија | пред 7 години

Се преврте македонски автобус, тројца загинати

Најмалку три лица загинаа, а 30 се повреден во тешка сообраќајна несреќа на автопатот кај Лесковац. Според РТС, автобус кој патувал од Скопје кон Белград се превртел откако возачот не успеал да воспостави контрола на лизгавиот автопат.Според некои српски медиуми, станува збор за прилепски автобус, кој патувал на релација кон Виена.Сообраќајната несреќа се случила во 1 часот и 40  минути по полноќ. Екипи на брза помош од Лесковац и Ниш пристигнале на местото на несреќата. Повредените патници се пренесени во болниците во овие два града, а сите пповредени , од кои некои потешко, се надвор од животна опасност.

Македонија | пред 7 години

Се урна хеликоптер за медицинска помош во Португалија, се трага по леталото и телата

Ноќеска се урна хеликоптер за медицинска помош во Португалија во планинска област близу Порто. Се стравува дека загинале четири лица кои се превезувале.Португалската служба за итна помош објави дека операцијата за спасување е во тек, но дека хеликоптерот не е пронајден.Државната телевизија и дел од весниците јавија дека во несреќата загинале двајца пилоти, медицинска сестра и лекар кои биле во леталото.Хеликоптерот исчезнал откако претходно до болница пренесе во Порто 76-годишен пациент со срцеви проблеми. Хеликоптерот се враќал во база во Браганси кога се урнал поради лоши временски услови.

Свет | пред 7 години

Одлуката на Приштина да формира армија го разбранува регионот, Алијанса на Албанците и Беса со напади кон Зоран Заев

Алијансата за Албанците и Движењето Беса бараат од премиерот Зоран Заев да ја повлече изјавата за формирањето на војската во Косово. Според партијата на Зијадин Села, со последниот став, дека одлуката за формирање на војска во Косово е избрзана „само го покажува црното и националистичко лице на премиерот Заев, најпрвин против Албанците и Косово, но и кон САД како главни поддржувачи на основањето на Војската на Косово.“„Овој речник на Заев за Војската на Косово го става под знак прашалник и неговиот однос кон САД, бидејќи едно Косово без војска ќе им одговараше само на Србија и Русија. Затоа, премиерот Заев е добро да го гледа својот двор и да ги спроведе потребните реформи во Македонија и да не се меша во внатрешната политика на државата на Косово. Алијансата на Албанците бара од премиерот Заев што побрзо да ја повлече својата изјава и да му честита на Косово во името на Македонија“ – се вели во реакцијата на Алијансата за Албанците.За движењето Беса предводено од Билал Касами, Избрзаната изјава на премиерот Заев е навредлива за една слободна држава.„Движењето Беса бара од премиерот на земјата да се дистанцира од оваа скандалозна изјава и да бара јавно извинување, кога се знае дека формирањето на војската на Косово ја има и силната поддршка од САД. Неговата изјава го одразува вистинското лице на „мултиетничката“ Македонија, ги прави да се чувствуваат навредени и Албанците на оваа земја, кои му дадоа полн мандат за да владее, а не за да зборува глупости и национал-комунистички варваризми“ – се вели во реакцијата на партијата на Билал Касами.Инаку одлуката на Приштина да формира армија го разбранува регионот во целост. За понеделник, на барање на Русија, е закажана седница на Советот за безбедност на ОН посветена на Косово. Москва инсистира дебатата да биде отворена за јавност, но Вашингтон и Лондон се противат. Се очекува на седницата да присуствува и српскиот престедател, кој тврди дека содавањето на косвската војска е во спротивност на резолуцијата 12 44 , но и на уставот на Косово. Се очекува на седницата да се отворат длабоките конфронтации мегу големите сили за ова прашање.

Македонија | пред 7 години

Нема фотографија

Падна првиот снег во Скопје

Денес не очекува променливо облачно време со умерен дo зсилен северозападен ветер. Во северозападните и западните делови на земјава ќе има врнежи од снег. Се очекува да се формира снежна покривка. Утринските температури ќе се движат од 0 до 6 степени, а дневните од 3 до 10 степени.Во Скопје променливо облачно време со врнежи од дожд и снег и температура од 1 до 4 степени.Утре времето ќе биде облачно и постудено, ќе има повремени врнежи од дожд и снег, наместа ќе има и појава на голомразица, дневните температури во текот на денот ќе опаѓаат, поради спуштање на постуден воздух од до север. В среда и во четврток се очекува стабилно и суво време, но во утринските часови ќе биде постудено.

Македонија | пред 7 години

Нема фотографија

Сообраќајот се одвива по влажни коловози, внимателно на планинските премини

Низ целата територија на Републиката сообраќајот се одвива тековно по влажни коловози.„Поради интензивните врнежи од снег кој надоаѓа од север им се препорачува на учесниците во сообраќајот прилагодување на брзината спрема условите на патиштата во зимски услови особенено внимателно управување на планинските премини. На одредени патни правци кои поминуват низ клисури и усеци можна е појава на поситни одрони“, велат од Македонија пат. 

Македонија | пред 7 години

(ФОТО и ВИДЕО) Сите во еден глас пеат со Брена - фолк дивата направи концерт за паметење

Балканска фолк-дива, Лепа Брена, вечерва во Скопје. Концертот е дел од големата турнеја, која ја започна во Лондон и со која одбележува 35 години професионална кариера на естрадната сцена.Лепа Брена уште еднаш покажа дека знае да направи концерт кој долго ќе се памети. Во преполната ВИП Арена Борис Трајковски сите во еден глас ги пејат новите, но и старите хитови.Брена во нејзин стил на сцената се појави спуштајќи се со ѕвезда, по што веднаш ги запеа песните од новиот албум, Болиш и не пролазиш, Сречна жена, А како чу ја, Зар је важно да се пева или Пјева...Пред околу три месеци, таа исто така имаше свој настап во земјава, односно настапи на седмото издание на Струмица Опен Фест, а минатата година одржа концерт во Охрид, на плажата Градиште 2, и настапи во Штип, на манифестацијата Штипска пастрмајлијада.Инкау Лепа Брена беше прва од Балканот која ги наполни сите стадиони од регионот и пошироко, на своите концерти се симнуваше со хеликоптер, направи видео револуција со скапите видео спотови снимани на егзотични локации ширум светот, прва воведе новитети во поп жанрот, а ја сруши и гледаноста во сите кино сали низ поранешна Југославија со трите делови од филмот “Хајде да се волимо”.Еве дел од атмосверата на вечерашниот концерт.

Магазин | пред 7 години

Бакрачески: „Почивај во мир мој пријателе, твоите дела ќе траат вечно“

Твоите дела ќе траат вечно, поранешниот градоначалник на Охрид, д-р Никола Бакрачески на својата официјална страна напиша емотивна порака, како последно збогум за својот како што пишува другар од школски клупи, комшија, долгогодишен пријател и човек на кого му го предаде „клучот“ од Охрид, прерано починатиот градонаачлник Јован Стојаноски.„Го познавав Јован уште од детство. Ги делевме школските клупи во исто основно и средно училиште. Бевме и комшии и долгогодишни пријатели. Го дочекав во градоначалничкиот кабинет при примопредавањето на функцијата. Имавме мошне срдечен разговор. Си спомнавме за многу моменти од детството и младоста. Му посакав успешен градоначалнички мандат. И беше успешен. И беше впечатлив. За жал на сите нас, заврши пребрзо . Но беше успешен и во својата професија како професор , а и како советник во градскиот совет. Својата одмереност, ненаметливост и внимателнист ја споделуваше и пренесуваше на охриѓани како универзална човекова вредност. Негуваше исклучително високо ниво на политичка култура и традиционални општествени вредности. Охрид и охриѓани изгубија многу повеќе од добар, коректен и успешен човек.Почивај во мир мој пријателе.Твоите дела ќе траат вечно.По повод смртта на Градоначалникот на Охрид Јован Стојаноски, изразувам длабоко сочувство до неговото семејство и до граѓаните на Охрид“, напиша Никола Бакрачески - поранешен Градоначалник на Охрид.

Македонија | пред 7 години