ГЛАВНИ-ВЕСТИ

Се отвораат два нови гранични премини со Грција

Дел од одлуките од 142-та владина седница се предлог – законите за ратификација на Спогодбата меѓу Република Северна Македонија и Република Грција за отворање нов граничен премин меѓу двете земји кој ќе ги поврзува Мајден во Република Северна Македонија и Промахoи во Република Грција.Спогодбата е склучена на 2 април 2019 година во Скопје, врз основа на Преспанскиот договор. Во спогодбата се предвидува двете држави, на сопствената територија да ја изградат, реконструираат и надградат соодветната патна мрежа, како и сета останата инфраструктура потребна за функционирањето на граничниот премин.Во иста насока е и усвоениот предлог- закон за ратификација на Спогодбата меѓу Република Северна Македонија и Република Грција за отворање на еден граничен премин во регионот на Преспанското Езеро и патиштата коишто ги поврзуваат Маркова Нога на територијата на Република Северна Македонија и Лемос на територијата на Република Грција. Граничниот премин ќе овозможи поголемо поврзување и полесна комуникација на населението од овој пограничен регион

Македонија | пред 6 години

Последното збогум со Пино, миса во Скопје во недела, а ќе биде погребан во вечниот дом во Италија!

Мајката на ѕверски убиениот Пино по кој се трагаше со месеци, сподели порака на социјалните мрежи за последното збогум со нејзиниот син.– Во недела во 18. часот во католичката Црква ќе се одржи служба за Пино. Ги поканувам сите што сакаат да се помолат за моето синче да дојдат, напиша Маја Трпковска.По мисата, мајката на Пино ќе му подготви последно ЗБОГУМ во Италија каде ќе биде испратен од своето блиско семејство и пријателите до неговиот вечен дом, пренесе Магазин.Момчето кое исчезна во почетокот на декември минатата година Пинета Секондо – Пино беше пронајдено мртво. Телото е најдено во атарот на селото Љуботен пред еден месец, а беше утврден неговиот идентитет.За потсетување, министерството за внатрешни работи соопшти дека е поднесена кривична пријава за две лица, осомничени дека го убиле Пинета Секондо.

Македонија | пред 6 години

УНЕСКО му даде рок на Охрид до февруари

Охрид нема да се најде на листата на загрозени подрачја. Според препораката УНЕСКО ќ му даде рок на градот до февруари следната година да ги спроведе препораките а заштита на природните богатства.Имено, делегацијта од Македонија во Баку го убедувала УНЕСКО дека дел од ивоградбите кои сеуште се градат се стопирани, а во градот се случува спротивното.Пралелно на тоа и "Фронт 24" истакнуваат дека од ноември 2017 до април 2019 се легализирале 250 дибоградби.Препораката од УНЕСКО е да се прогласи мораторим на сите видови урбани трансформации на брегот од Охридското езеро, како и сета урбанистичка трансформација на градот.Согласно тоа општина Охрид експресно го изготви Регистарот на нелегални градби, ги тргна палмите и дел од билбордите на радот кои беа на самиот кеј.

Македонија | пред 6 години

Сиљановска: Санкција за Тамара, нема извини мора да се има одговорност

Со пропустот на изведбата  на Тамара Тодевска на химната во Американската амбасада по повод денот на независноста на САД се приклучи и проф. Гордана Сиљановска Давкова. Таа вели нема простор за извинувања и грешки пред законите,да се стави крај на пропустите, а виновните да си ги сносат последиците.Таа го цитира Законот за химната кој беше објавен во службен весник на 12 август 1992 година со која убаво се дефинирани стиховите на нашата химна .[embed]https://twitter.com/gogamkd/status/1146724356170682368[/embed]     

Македонија | пред 6 години

ВИДЕО: Поплавени улици, семафори без струја - хаос во Скопје

Поплавени улиците во Аеродром, по краткиот но интензивен дожд. Вистински хаос во 10 минути настана откако се исклучија и семафорите.Поплавените улици се постојан проблем и при најмало невреме во Скопје. До сега, локалната власт не најде решение за санација на овој проблем.https://www.facebook.com/skopje1mk/videos/2089438444512680/ 

Скопје | пред 6 години

Нема фотографија

И АРМ го смени името, станува АРСМ

Врховниот командант претседателот Стево Пендаровски вчера ја потпишал уредбата за ознаките на армиските униформи со што отсега АРМ се преименува во Армија на Република Северна Македонија (АРСМ) .Претседателот информираше и дека се прават обиди да се најде решение и за повлекување на, како што рече, незаконските укази на поранешниот претседател Ѓорге Иванов.Инаку денеска Пендаровски  беше во посетата на воените единици ангажирани на јужната граница на земјава и посетата на транзитниот центар за мигранти во Гевгелија. 

Македонија | пред 6 години

Антикорупциска отвори предмет за Рашковски и Леонардо

Комисијата за спречување на корупцијата одлучи да  отвори предмет во врска со сомневањата за местење на тендер, во која беше замешан генералниот секретар Драги Рашковски. Антикорупциоенрите ќе проверуваат дали Рашковски се вмешал во изборот на оператор кој треба да постави нов радарски систем на скопскиот аеродром.Генералниот секретар на владата Рашковски веќе изјави дека не чувствува одговорност и дека нема да поднесе оставка затоа што ги исполнувал задолженијата дадени од владата да го убрза процесот за купување на нов радарски систем.Рашковски и премиерот Заев тврдат дека во случајот не е барано никакво мито и дека фирмата Леонардо е избрана уште во 2016-та од во тоа време претседателот на УО на М-НАВ Живко Попоски, татко на тогашниот министер за надворешни работи Никола Попоски.

пред 6 години

Заев: Стопирани се двете дивоградби во Охрид

Со решение на инспектор, стопирани се двете градби во Охрид, едната сред брегот на езерото и другата во центарот на градот, зад кои стои советник од Општината, истакна премиерот Зоран Заев.„Стопирани се двете градби, со решение на соодветен инспектор. Во постапувањето на самото решение, ќе следува процес на извршување. Законот мора да важи еднакво за сите. Ние ќе постапиме. Ако не постапи општината, ќе постапи државата. Тоа не е само заради УНЕСКО, туку заради законите во државата кои треба да се почитуваат. Ако некој не го почитува решението, тогаш следува кривична одговорност за непочитување на решението“, рече денес премиерот Заев.Според него, сѐ уште можеби се гради зашто институциите треба да постапат по решението, но ако некој  не го почитува решението, ќе следува кривична одговорност.„Досега нема кривична одговорност, затоа што институциите на системот треба да постапат. Да формираат тим, да изберат фирма-извршител на тендер, која постапува со булдужери“, додаде Заев.Премиерот додаде дека не се доволни парите, ама ќе се надополнат.  Толку имаат предвидено во програмата. Еден дел од дивоградбите и сами се отстрануваат, зависи дали е шупа, дали е куќа или слично. Така што се постапува“, заклучува премиерот Заев.

Македонија | пред 6 години

Млада холанѓанка пронајдена почината во хотел во Струга

На 03.07.2019 година, во соба во хотел во Струга, почината била пронајдена В.С.(27) од Кралството Холандија, која бил дел од група туристи. Лекар од Итна медицинска помош констатирал смрт без траги на насилство. По наредба на Јавен обвинител, телото на починатата било дадено на обдукција

Македонија | пред 6 години

Избрани овогодинешните младенци на Галичка свадба

Традиционалната културно-туристичка манифестација „Галичка свадба“ 2019-та, годинава ќе се одржува од 12 до 14 јули. За зет и невеста, Месната заедница Галичник ги избра Огнен Караѓозовски , по потекло галичанец и Марина Петровска.Избраниот пар денес, изјавија дека се особено среќни што се избрани за невеста и младоженец, на најавтентичната и најтрадиционална свадба на сите простори. Караѓозовски, кој влече галички корени, вели добро се подготвил и ги научил свадбарските обичаи кои се карактеристични за галичката свадба.Инаку, Галичката свадба со години е прогласувана за најуспешна туристичка манифестација кај нас, а од Њујорк Тајмс и Нешнл Џиографик за најтрадиционален свадбен фестивал во Европа.

Македонија | пред 6 години

Пешевски: Во законот за химната на Република Македонија во член 2 е утврден и нејзиниот текст

Не запираат реакциите на граѓаните, но и на добро информираните, по пропустот на Тамара про изведувањето на националната химна. Познатиот адвокат Драган Пешевски на својот Фејсбук го посочи Членот 5 од Уставот на Р.М. според кој државни симболи на Р.М. се: грб, знаме и химна. Пешевски додава дека законот за химната на Република Македонија во член 2 е утврден и нејзиниот текст... Еве што објави Пешевски на својот Фејсбук профил.-Член 5 од Уставот (највисок правен акт) на Р.М предвидува дека државни симболи на Р.М. се: грб, знаме и химна. Грбот, знамето и химната на Република Македонија се утврдуваат со закон кој се донесува со двотретинско мнозинство гласови од вкупниот број пратеници.Понатаму во Законот за употребата на грбот, знамето и химната на Република Македонија член 4 вели: Грбот и знамето на Република Македонија можат да се употребуваат само во формата и содржината што се утврдени со закон.Во грбот и знамето на Република Македонија не може ништо да се впишува, односно испишува, ниту тие можат да се менуваат.Понатаму во законот за химната на Република Македонија во член 2 е утврден и нејзиниот текст во сликата објавена подоле (преземено од законот) https://www.facebook.com/photo.php?fbid=10219112259298599&set=a.1712744379673&type=3&theater

Македонија | пред 6 години

Тамара призна дека ја згрешила химната: Бев понесена од еуфоријата и емоциите

Тамара Тодевска се огласи на социјлната мрежа фејсбук, по огромниот пропуст кој го направи изведувајќи ја националната химна во амбасадата на САД синоќа. Таа вели дека грешката била ненамерна и дека изоставила стих од песната бидејќи била понесена од емоции и од целокупната еуфорија. Еве што Тамара напиша на ФБ:Почитувани,Дозволете ми од дното на моето срце да ви се извинам за вчерашната грешка.Не постои поголема чест за еден уметник од пеењето на националната химна и токму поради тоа и ја прифатив поканата од амбасадата на САД.Не постојат зборови со кои можам да ја опишам мојата тага поради пропустот што го направив при пеењето на химната.Понесена од емоции и од целокупната еуфорија, за жал, ненамерно изоставив дел од химната.Уште еднаш ви се извинувам за оваа грешка и се надевам дека ќе најдете простор во вашите срце да ми простите.Со почит, Тамара

Македонија | пред 6 години

Судот го ослободи Латас, нема да одговара за ниту едно кривично дело

Кривичниот суд одлучи Драган Павловиќ-Латас да биде ослободен од обвинение за предметот „Тревник“ на СЈО, што се однесува на бесправната градба на куќи во Зелениково, каде тој беше првообвинет. Судијката рече дека делото за кое е обвинет Латас, не е кривично дело, односно дека инспекторите требале да ја спречат изградбата, а ако проценат дека не е испочитуван Законот за градење да изречат прекршочни сакнции.За истите дела се товареа и Ѕвездан Павловиќ и Срѓан Павловиќ кои исто така се ослободени.Сомнението кое судот го потврди е дека три лица за изградба на викенд куќи во Зелениково без да имаат право на ваква градба, односно градење без одобрение за градење.Три викенд-куќи биле започнати со градење во 2011 година, а одобрение за нивно градење од општината е добиено во 2013 година кога веќе биле и завршени.

Македонија | пред 6 години

(ВИДЕО) Случајно или намерно? - Тамара ја отпеа химната во Амбасадата на САД без Гоце Делчев, Даме Груев, Питу Гули, Сандански

На синоќешната прослава на Дeнот на нeзaвиcностa на САД, 4 Јули, што се одржа во дворот на американската амбасадата во Скопје, Тамара Тодевска беше избрана да ја испее македонската химна. Таа химната ја отпеа, но го исфрли стихот „Гоце Делчев, Питу Гули, Даме Груев, Сандански“, кој во последната официјална верзија на химната од 1991 годона се повторува четири пати.Инаку вчера во амбасадата се одржа прием по повод националниот празник на САД, 4 Јули. Меѓу присутните гости беа и претседателот Стево Пендаровски, премиерот Зоран Заев, претставници на Владата, лидерот на опозицијата Христијан Мицкоски, претставници на дипломатскиот кор, бизнисмени...https://www.facebook.com/USEmbassySkopje/videos/344116652896613/

Македонија | пред 6 години

Во Македонија има 183 амбулантни возила, просечната старост на овие возила се 11 години, а 53 отсто добиени како донација

Центарот за граѓански комуникации ја објави базата на податоци на сите амбулантни и санитетски возила која е изработена врз основа на податоци обезбедени од здравствените институции во земјава.Во земјава има вкупно 183 амбулантни возила, со кои располагаат 47 здравствени институции.„Просечната старост на овие возила се 11 години и дури 53 отсто се добиени како донација или на користење од друга здравствена институција. Најмногу амбулантни возила има во Скопје, 30 и во Охрид и Битола по 12. Следат Велес и Куманово каде што има по 8 амбулантни возила. Двете најстари возила се од 1988 година, а најупотребуваното има поминато дури еден милион и 360.000 километри“, се вели во соопштението.Најмногу амбулантни возила има во Скопје 30, како и во Битола и Охрид по 12. Најголемиот процент се донации од Министерството за здравство, дел се купени од сопствен буџет на установата, некои пак  ги добиле од други  донации. Просечната старост им е по 11 години, најстарите две комбиња се постари од 30 години, а имаат поминато огромна километража.Ако се направи споредба со возилата за службени потреби, за министерствата или општините - разликата е драстична. Тие располагаат со 2645 возила, што значи 15 пати повеќе превозни средства отколку за потребите на брзата помош. 

Македонија | пред 6 години

Во „Фолксваген голф“, полицијата открила 120 килограми сецкан тутун без контролни марки

Единицата за економски и компјутерски криминал при СВР Скопје, до надлежното Јавно обвинителство, поднесе кривична пријава против Е.Ј.(20) од село Љуботен, скопско, поради постоење основи на сомнение за сторено кривично дело „избегнување на плаќање акциза“, казниво по член 279-б од Кривичниот законик.На 01.07.2019 година, при контрола на патничко возило „Фолксваген голф“ со скопски регистарски ознаки, управувано од пријавениот, полициските службеници пронашле и одзеле 100 кутии сецкан тутун со натпис „GREECE SUPER KAMELIA VIRGINIA“ и 100 кутии сецкан тутун со натпис „GREECE TOBACCO VIRGINIA“, или вкупно 120 килограми сецкан тутун без контролни марки. На тој начин пријавениот избегнал плаќање на акциза на која е обврзан со Законот за акцизите.

Македонија | пред 6 години

Георгиески: Ги презентиравме фактите и моменталните состојби за Охридскиот регион, конечна одлука до крајот од неделава

Градоначалникот на Охрид Константин Георгиески деновиве присуствува на Конференцијата на Комитетот за светско наследство на УНЕСКО. Георгиески е дел од македонската делегација составена од владините претставници Едмонд Адеми и Андреј Жерновски и од градоначалникот на Охрид, Константин Георгиески.Предмалку на социјалната мрежа фејсбук Георгиески напиша:На 43-та сесија на Комитетот за светско наследство во Баку, Азербејџан ги презентиравме фактите и моменталните состојби за Охридскиот регион, како и сите активности, кои беа во насока на исполнување на препораките од мониторинг мисијата на УНЕСКО од 2017 година.Од голем број земји членки на Комитетот, кои денес имаа свои излагања, е констатиран напредокот во реализацијата на препораките. До крајот на оваа седмица се очекува да се донесе конечна одлука поврзана со нашиот регион.Се надеваме на поддршка и шанса, да продолжиме посветено и одговорно со реализација на мерките за заштита на Охрид и заедно да го зачуваме ова Светско наследство, напиша градоначалникот Георгиески на ФБ.Инаку голема е веројатноста Охридскиот регион да биде ставен на листата региони  за светско наследство во опасност, но тоа не значи дека тој целосно ќе го загуби статусот на подрачје на УНЕСКО.Минатата година, владата ги запре проектите на претходната влада за ски-центар и за експресен пат до Пештани, но од задачите што требаше да се сработат досега не исполни ниту една. Напротив, продолжи деградацијата со зголемен број дивоградби, палење трска, несправување со контроверзни објекти, како хотелот во Лагадин и дивоградбата кај Чинарот итн.Поради сето тоа, две години откако УНЕСКО ги објави забелешките, го стави на дневен ред и предлогот за охридскиот регион да се прогласи за светско наследство во опасност. 

Македонија | пред 6 години

Три лица обвинети за насилство во Чаир - нападнале едно лице со тупаници по лицето и телото, по што бил застрелан во ногата

Основното јавно обвинителство Скопје поднесе Обвинителен предлог против три лица за сторено кривично дело – Насилство од чл. 386 ст.3 во врска со ст.1 од Кривичниот законик.Обвинетите на 20.12.2018 година, на паркингот позади маркет во Чаир, во група извршиле грубо насилство врз едно лице и во јавноста предизвикале чувство на несигурност и страв.Тие му се приближиле на оштетениот и го нападнале удирајќи го со тупаници по лицето и телото. За сите тројца на сила се мерки на претпазливост определени со Решение на судија на претходна постапка од Основниот кривичен суд – Скопје: забрана за напуштање на престојувалиште, повремено јавување кај службено лице во Судот, привремено одземање на патната исправа, односно забрана за нејзино издавање и забрана за напуштање на државата, како и забрана за приближување и одржување каков било контакт со оштетениот.На критичниот ден, од страна на непознато лице кое било заедно со обвинетите, на оштетениот му била нанесена и огнострелна повреда во десната потколеница, но сторителот не е идентификуван. Во текот на кривичната постапка, Министерството за внатрешни работи лиши од слобода едно лице како евентуален сторител на кривичното дело. Во присуство на јавен обвинител, согласно Законот за кривична постапка, беше извршено препознавање, но оштетениот не го препозна тоа лице како лицето кое му ја нанело повредата со огнено оружје.Доколку Министерството за внатрешни работи, како овластен орган за утврдување на идентитетот на сторителите на кривични дела, го утврди идентитетот на лицето кое пукало во оштетениот, Основното јавно обвинителство Скопје ќе отвори постапка и против тоа лице.   

пред 6 години

Обид за убиство - вработена во угостителскт објект со нож му нанела убодни рани на колегата

Основното јавно обвинителство Гостивар донесе Наредба за спроведување истражна постапка против едно лице поради постоење основано сомнение дека сторило кривично дело – Убиство од член 123 став 1 во врска со член 19 од Кривичниот законик.Обидот за убиство за кој обвинителството ја поведе постапката се случил на 2 јули околу 4.30 часот во угостителски објект во село Неготино, полошко. Осомничената,  вработена во угостителскиот објект, пред да го изврши делото  била  вознемирувана од страна на оштетениот – нејзин колега. Откако и по нејзините повици да престане, оштетениот продолжил со дејствијата, таа се упатила кон шанкот, зела нож и му нанела неколку убодни рани во пределот на стомакот.Ценејќи дека се исполнети законските одредби, надлежниот јавен обвинител до судија на претходна постапка од Основниот суд Гостивар достави предлог за определување на мерката притвор за осомничената. Предлогот беше прифатен и на осомничената судот и определи притвор во траење од 30 дена.

пред 6 години

Отфрлена кривична пријава против три лица за несовесно работење во Министерството за финансии

Надлежен јавен обвинител од Основното јавно обвинителство Скопје донесе Решение за отфрлање на кривичната пријава против три лица за кривично дело – Несовесно работење во службата од чл.353-в ст.3 во врска со ст.1 од Кривичниот законик.Станува збор за кривична пријава поднесена од Министерството за финансии – Управа за финансиска полиција до Основното јавно обвинителство за гонење на организиран криминал и корупција, која подоцна беше доставена на надлежно постапување до Основното јавно обвинителство Скопје.Во пријавата се наведуваше дека тројцата пријавени, во својство на министер за култура, заменик министер за култура и раководител на Сектор за финансиски прашања во Министерството за култура, во периодот од јули 2009 година до февруари 2017 година, со пропуштање должен надзор несовесно постапиле во вршењето на своите овластувања и должности. Притоа, тие спротивно на чл.581 од Законот за трговски друштва, според кој странски друштва не можат да вршат дејност на територијата на државава се додека не организираат подружница, примиле времени ситуации – фактури од странски правен субјект „Светлост театар“ ДОО Белград, Р. Србија, во кои незаконски бил вкалкулиран данок на додадена вредност од 18%. На овој начин била извршена исплата во странство врз основа на 11 договори за извршување на услуги, стоки и работи реализирани во државава, при што Управата за финансиска полиција проценила дека била нанесена штета на Буџетот во износ од 2.770.640 евра.Постапувајќи по кривичната пријава, надлежниот јавен обвинител изврши распит на пријавените и на претставник од Министерството за култура, а беше извршен и увид и анализа во ревизорските извештаи за работата на Министерството за култура за наведените години. Во сите наведени извештаи не се констатирани неправилности во активностите и финансиските трансакции кон наведениот субјект. Дополнително, целокупната документација за исплатите кон „Светлост театар“ ДОО Белград, Р. Србија одела и до Министерството за финансии и до Народната банка, преку која се вршела исплатата кон странство, и од каде во ниту еден момент не биле констатирани неправилности.По наредба на јавниот обвинител, од страна на Бирото за судски вештачења беше изготвено економско-финансиско вештачење со кое се утврди дека за извршување на договорените работи со Министерството за култура, претпријатието „Светлост театар“ ДОО Белград, Р. Србија, основало подружница во земјава со назив „Светлост театар“ ДОО Белград, Р. Србија – Подружница „Светлост театар“ Скопје, запишана во Централниот регистар на 15.07.2009 година со сопствен матичен број, даночен број и приоритетна дејност. Материјалите кои како изведувач требало да ги вгради се увезувале од матичната компанија, а увозните декларации гласеле на име на подружницата. При увозот бил пресметуван ДДВ кој бил плаќан од страна на подружницата како увозник. Вештото лице констатирало дека фактурите доставувани од „Светлост театар“ ДОО Белград, Р. Србија до Министерството за култура биле искажани во евра со посебно искажан ДДВ и со наведена сметка на која треба да биде исплатена сумата. Притоа функцијата на подружницата не била реализирана во целост, со оглед на тоа што фактурите биле изготвувани и доставувани од страна на матичната компанија, наместо од подружницата. На овој начин е создаден неправилен тек на парите. Меѓутоа, со исклучок на определени веќе констатирани неправилности од Управата за јавни приходи во пресметаниот ДДВ на подружницата за извршените работи, други неправилности не се утврдени. За констатираното од УЈП се составени записници, врз основа на кои се изготвени решенија со кои подружницата била задолжена со ДДВ во точен износ и тој износ веќе е наплатен. Со самото тоа не постои штета на Буџетот на државата, ниту каква било друга штета, утврди вештиот наод и мислење.Имајќи ги предвид сите овие факти, надлежниот јавен обвинител донесе Решение за отфрлање на кривичната пријава, бидејќи не постои основано сомнение дека пријавените го сториле наведеното или друго кривично дело кое се гони по службена должност.

пред 6 години

Oтворена е стечајна постапка за Штипски „Бетон“ – компанијата должи над над 1. 233.000 евра

На барање на три фирми, Основниот суд во Штип отвори стечајна постапка за штипски Бетон. Трите фирми кои доставија барање за покренување на стечајна постапка за компанијата Бетон побарауваат вкупно 76.760.000 денари или над 1. 233.000 евра. Но листата на доверители веројатно ќе биде подолга бидејќи во рок од 15 дена своите побарувања треба да ги пријават сите компании на кои им должи Бетон. Стечајниот управник Драги Димовски сега ќе мора да направи и попис на имотот со кој располага компанијата, но и листа на оние што имаат неподмирени обврски кон  Бетон.Вкупната заработка на Бетон од седумте објекти на проектот Скопје 2014 изнесуваше 55 милиони евра. Оваа фирма за јавноста беше интересна и по тоа што во сопственичката структура се споменуваа и познати бизнисмени и политичари,  а нејзиното име се слушаше и во бомбите, кои се најдоа во доказните материјали на Специјалното јавно обвинителство.   

Македонија | пред 6 години

Унеско утре ќе одлучува за Охрид – Ќе се прогласи ли за светско наследство во опасност?

Ако охридскиот регион се прогласи за светско наследство во опасност, тој статус може да се надмине за неколку години или за неколку децении, покажуваат искуствата од локалитетите што ги надминале ризиците и биле вратени на незагрозената листа на УНЕСКО.Конференцијата на Комитетот за светско наследство на УНЕСКО е во тек веќе четири дена, а од македонската делегација составена од владините претставници Едмонд Адеми и Андреј Жерновски и од градоначалникот на Охрид, Константин Георгиевски, очекуваат дека одлуката за охридскиот регион ќе се донесе утре, објави prizma.mk.Прогласувањето на регионот за светско наследство во опасност не значи дека тој целосно ќе го загуби статусот на подрачје на УНЕСКО.Минатата година, владата ги запре проектите на претходната влада за ски-центар и за експресен пат до Пештани, но од задачите што требаше да се сработат досега не исполни ниту една. Напротив, продолжи деградацијата со зголемен број дивоградби, палење трска, несправување со контроверзни објекти, како хотелот во Лагадин и дивоградбата кај Чинарот итн.Поради сето тоа, две години откако УНЕСКО ги објави забелешките, го стави на дневен ред и предлогот за охридскиот регион да се прогласи за светско наследство во опасност. Текстот во целот на: prizma.mk

Македонија | пред 6 години

(ВИДЕО + ФОТО) Уапсен дечко на Рекорд, еве зошто...

На социјалните мрежи се појавија видео и фотографии на кои се гледа како полицијата апси момче. Образложението на социјлните мрежи е следново:„На Рекорд еден дечко си протестира против цајкани, со напишан графит на земја. Дојдоа три цајкани на точаци. Дечкото почна да ги снима и се обиде да избега. Кога почна да трча, еден друг човек (не еден од цајканите) му се фрли и го струполи дечкото. Кукавиците цајкани одлучија во тој момент да му се фрлат на земја и да го задржат. (Тој што го нападна си отиде без едно чао да му кажат цајканите.) После го држеа на земја и му ставија лисици, чекајќи да дојде поддршка за овој еден протестант. Дојдоа две коли и го ставија во една од нив. Кога ги прашав што направил дечкото за да заслужи апсење, тврдеа дека биле нападнати од него.Фала што нѐ штитите од тие кои вистински ја загрозуваат македонската безбедност: демонстрантите!(И се разбира дека моментот кога едноставно се приближи едно зачудено и мирно ромско дете, еден од кукавиците му се раздра „Бегај бе!“)(И кога еден од страна им кажа нешто во стил на „Срам да ви е!“ беше заканет со апсење.)“, стои во објавата на ФБ.  https://www.facebook.com/borjan.gagovski.1/videos/pcb.2320618764844848/2320618658178192/?type=3&theater

Скопје | пред 6 години

(ФОТО) Авалон бришеше негативни коментари за концертот на Тамара, па се откажа

Евровизиската претставничка Тамара Тодевска на 27 ми треба да настапи во Охрид на античкиот театар. Најавата за концертот не поминува баш најдобро. На социјлните мрежи низа негативни и навредливи коментари. Ова беше причина Организаторот на концерот, Авалон продукција, на оние кои оставаат негативни коментари за Тамара и за нејзиниот настап во Охрид, да ги замоли да не пишуваат, во спротивно им се закани дека ќе им ги брише коментарите. Но, оваа забрана за кратко време ја укина сопственикот на Авалон, Бобан Милошевски, кој напиша дека била воведена без негово одобрение од страна на администраторите на Фејсбук профилот на продукцијата.Преписката за настапот на Тамара е со политика конотација.https://www.facebook.com/AvalonProdukcija/photos/a.240053666022668/2702509289777081/?type=3&theater

Магазин | пред 6 години

(ФОТО) За многу години Св. Наум Охридски Чудотворец

Според календарот на МПЦ, денска е Преподобен Наум Охридски Чудотворец. Од синоќа колони возила и река од народ и преку цела ноќ се упатија кон манастирот Св Наум да се поклонат пред моштите на светецот. Празничната вечерна богослужба по повод празникот „Св. Наум Охридски“, започна синоќа во 19.00, а со неа чиноначалствуваше Неговото Високопреосвештенство Митрополитот Дебарско–кичевски и Администратор Австралиско-сиднејски г. Тимотеј.Света архиерејска литургија на која ќе чиноначалствува Неговото Високопреосвештенство г. Тимотеј има и утрово со почеток во 08:45.Преподобниот Наум Охридски – Чудотворец има два празника, едниот е во зимскиопт период и се празнува на 5 јануари/23 декември, а другиот во летниот период на 3 јули/20 јуни. Поради тоа што во зимскиот период одењето на манастир било отежнато поради временските услови, а и поради тоа што празникот е непосредно пред големиот празник Рождество Христово – Божик кога верниците се подготвуваат да го празнуваат Рождеството Христово со одлука на Светиот синод е решено празнувањето да се префрли на овој термин.Ако свети Климент Охридски остана во споменот на народот со својата просветителска дејност, со подучување на народот не само на пишување и читање, туку и на други корисни работи, свети Наум остана запаметен како чудотворец, со моќта да лекува и за време на животот и по смртта, да лекува од најразлични болести и луѓе од разни вероисповести, односно сите што искрено и со верба му се обраќале без разлика на вера и народност. Но свети Наум остана запаметен и по заштитата на манастирот, по наградувањето на оние што со добра мисла доаѓале во кругот на манастирот и казнувањето на оние што иделе со намера да направат некоја штета, да го испоганат објектот или да го навредат светителот. Култот на свети Наум зрачел на поширок простор не само во охридскиот крај, туку и во преспанскиот, па дури до Корча, каде што манастирот имал свои имоти. Но култот кон свети Наум бил раширен и во Унгарија и Романија каде што имало иселеници од овие краишта.За животот и дејноста на свети Наум Охридски малку се знае, иако со свети Климент Охридски се најпознатите и најзначајни ученици на светите браќа Кирил и Методиј. Се знае дека учествувал во Моравската мисија, дека во Рим, кон крајот на 867 или почетокот на 868, бил посветен во духовен сан и дека по смртта на Методиј во 885 година преку Бугарија дошол во Македонија. На брегот на Охридското Езеро изградил манастир што го носи неговото име. Умрел во 910 година и наскоро по смртта бил прогласен за светец. Неговите ученици за него напишале житија и служба.

Македонија | пред 6 години