ГЛАВНИ-ВЕСТИ

Стоилков: Ќе ги задржам младите во Ново село

Во општината има голема импровизација, не е чудно што даночните приходи не се собирале согласно вообичаена динамика, рече кандидатот за градоначалник на Ново село од ВМРО-ДПМНЕ, Николчо Стоилков на гостувањето на телевизија 24. Според него жителите на општина на Ново село се најмалку виновни за ситуацијата, лошото менаџирање ја доведе општината во лоша ситуација.-Тоа што доаѓам од партија што е во опозиција не гледам зошто да биде хендикеп, треба да се работи заедно со жителите и не гледам зошто некој би имал против тоа, рече Стоилков. Според Стоилков пресудата за нелегален шверц на цигари за претходниот градоначалник, Боро Стојчев, е нешто што воопшто не и било потребно на општината. Но, како што посочи негово сега е да стави акцент за подоби услови за живот на населението, бидејќи како што рече запрепастен е од актуелната ситуација.-Младите сега само се интересираат до каде е изработката на бугарскиот пасош за да заминат, тоа го прават дури и оние кои имаат работа во Ново село. Кога ќе ги прашам зошто велат несигурност, лош здравствен систем, образовен систем… Процесот на иселување не е на повидок да запре и тоа е индикатор дека работите не одат на добро. Затоа мојот основен мотив е да ги задржам, да запре иселувањето, а тоа е можно само со развој на општината, сакам да ја видам општината како што ја паметам кога беше силна и развиена, рече кандидатот за градоначалник на Ново село од ВМРО-ДПМНЕ. Вели ќе ги задржи младите во Ново село, но како што посочи потребна е поддршката и од пензионерите, оние кои се занимаваат со земјоделие, а очекува поддршка и од дијаспората.

Македонија | пред 6 години

Пендаровски ги повика присутните во „Борис Трајковски“ да ја испеат химната

Кандидатот за претседател, Стево Пендаровски на денешната конвенција во салата „Борис Трајковски“ во Скопје, ги повика присутните заедно да ја испеат македонската химна.-Ќе им покажеме на сите оние кои не веруваат, дека за сето време работиме за Македонија. Сега ве повикувам сите заедно да ја испееме македонската химна и да покажеме дека не е забранета, им се обрати на присутните Пендаровски.

Македонија | пред 6 години

Силјановска: Сигурна сум дека Стоилов нема да рече Северна Македонија

Вечерва кандидатот за претседател на ВМРО-ДПМНЕ, Гордана Силјановска Давкова од Кавадарци пред преполниот плоштад ја честиташе победата на РК Вардар.-Сите денеска зборуваат за Вардар, а јас сум сигурна дека Стојанче Стоилов нема да рече Северна Македонија. Покрај спортската дипломатија ќе развиваме и културна дипломатија, бидејќи некогаш уметноста, филмот, науката, можат да сторам многу повеќе од многу амбасадори и конзули.

Македонија | пред 6 години

Таткото на прободениот Филип: Син ми дојде дома жив и здрав, но борбата продолжува

По агонијата која ја доживеа кога син му беше прободен со нож во дискотека во Марино, таткото на полицаецот Филип Филиповски, Гоце Филиповски, конечно со добри вести.- Син ми дојде дома жив и здрав. Сега сум посилен од кога и да е, ќе издржиме, моите предци ги издржале Османлиите, ќе ги издржиме и ние Фашиштиве и бандитиве. Никогаш не сме побегнале. Борбата продолжува посилно, мојот дом денеска беше премал за сите кои не посетија и дадоа поддршка, напиша таткото на прободениот Филип.Тој се огласи уште еднаш утрово и напиша дека е непроценливо чувството кога ќе си го видиш најмилото дома, штом отвориш очи.

Македонија | пред 6 години

Граѓаните до Шилегов: Улица Столтенбергова изгледа како НАТО да ја бомбардирала

Улицата „Столтенбергова“ се наоѓа во ужасна состојба, a граѓаните апелираат до градоначалникот на Скопје, Петре Шилегов да поведе сметка за нејзината состојба.„Градски парк #СкопјеУлица Столтенбергова 🤦‍♂️Па добро бе градоначалнику Шилегов, па бива ли до волку да се мајтапиме со генералниот секретар на НАТО?Со градоначалникот на Центар - Богдановиќ го прошетавте ли Јенс Столтенберг 100-200м подоле да си ја види улицата именувана по татко му ?Како НАТО да ја бомбардирала е. Кратер до кратер.А дали и вие воопште сте биле?Изгледа не.Небитен ни е Столтенберг.Тој не вози по улицава. Ние граѓаните ја возиме. Ние кои плаќаме даноци за вие да не работите и централен градски парк да дозволите да има ваква улица со кратери.Срамота е ова. Имуни на кратери ќе станеме уште малку. Не ве биравме за низ вакви дупки да возиме“, се вели во објавата.

Скопје | пред 6 години

(ФОТО) Депонија сред Центар, веднаш до Триумфална капија

Македонската метропола се гуши во ѓубре на сите страни. Речиси да нема чиста општина во главниот град кој наместо да биде огледало станува депонија.До зградата на Рекорд, на само 100 метри од плоштадот Македонија куп ѓубре.  Ваква слика го краси центарот на Скопје.„Ова е срамота. Ова ни е огледалото пред светот. Странците доаѓаат да го видат центарот на Скопје, а насекаде депонија“, реагираат жителите. 

Скопје | пред 6 години

ФОТО: Голем пожар кај спортскиот центар Борис Трајковски

Голем пожар избувна кај спортскиот центар „Борис Трајковски“.Според првичните информации до кои дојде КУРИР, во моментов гори дива депонија, која се наоѓа веднаш до СЦБТ.Но, на својот фејсбук профил од Министерство за безживотна средина напишаа:„Се отвори нов оган во главниот град на Северна Депонија. Нека не се секираат жителите на Смогје, Натовци се опремени со модерни сателити за снимање и ќе ги „фатат“ одговорните за огнот.

Скопје | пред 6 години

Таравари со обвинување за министерот за образование, Арбер Адеми

Градоначалникот на Гостивар и поранешен министер за здравство од редовите на Алијанса за Албанците, Арбен Таравари, на својот Фејсбук профил пишува дека министерот за образование, Арбер Адеми, во екот на изборната кампања за претседател на држава, назначил директор на гимназијата во Гостивар.-Ниту во времето на Тито, ниту за време на Груевски, директорите не се сменуваа, ниту не се именуваа за време на кампања или за време избори, денеска министерот за образование назначил нов директор во гимназијата во Гостивар. Каква срамота и безличност!, стои на Фејсбук статусот на Таравари.

Македонија | пред 6 години

Адеми поднесе оставка- реконструкција на Владата по изборите

Министерот за култура Асаф Адеми, кој е кадар на Беса, поднел оставка од функцијата. Тој веќе ја депонирал оставката, но нема да биде избран негов наследник до изборите. Моментно Адеми не оди на работа и го користи одморот.Инаку Адеми вели дека се повлекува од функцијата поради здравствени причини, иако шпекулациите се дека Адеми е разочаран од тоа што мораше да ја измени годишната програма за доделување на средства во културата. Тој цврсто застана во одбрана на конкурсот и доделенеите пари, но во јавноста, нема дилема, одлуката и распределбата беа оценети како контроверзни.Но, нема само Адеми да ја напушти Владата. Неофицијално дознаваме дека по изборите ќе има реконструкција на Владата. Засега како спорни министрества каде ќе има промена се спомнуваат министерството за животна средина и просторно планирање и министестерствот за образование, поточно, замена ќе се бара за Садула Дураку кадар на ДУИ, Арбер Адеми исто така  кадар од ДУИ. 

Македонија | пред 6 години

(ВИДЕО од паднатиот авион) МВР: Во несреќата во која вчера падна авион, нема преживеани

Министерството за внатрешни работи ја известува јавноста дека четворицата патници од авионот кој вчера полета од Охрид за Софија се починати.„Вчера, околу 19 часот припадници на МВР го лоцираа авионот на локација на околу пет километри северозападно од Солунска глава“, соопшти портпаролот на МВР Тони Ангеловски на денешната прес конференција.Во несреќата загинаа Г.А.Б. (1970 год.), К.Ц.К.Б.(1972 год.), Г.Г.Б. (2005 год.) и Б.Г.Б. (2000 год.) сите од Република Бугарија.„Министерството за внатрешни работи изразува сочувство до роднините на починатите и до сите граѓани на Република Бугарија. Службите на МВР, Институтот за судска медицина и Комитетот за истрага на воздухопловни несреќи и сериозни инциденти вршат увид под раководство на јавен обвинител“, рече портпаролот Ангеловски.

Македонија | пред 6 години

Влада: Договорот од Преспа не ја менува химната

Националната химна останува иста, не била тема на дискусија и околу истата нема никаков спор. Химната ќе остане и текстуално и инструментално истата, с евели во соопштението од Владата.Вчера, за време на посетата на грчката делегација пред Владата на Република Северна Македонија не беа интонирани химните поради технички и организациски причини кои произлегоа од стеснетата временска рамка на активностите.Поради доцнењето при слетувањето на авионот беа изоставени сите протоколарни свечени активности при дочекот, вклучително гарда, цвеќиња, воени почести, интонирање на химната и слично. Овие активности беа изоставени со цел да се запази дневната работна агенда напремиерите Заев и Ципрас, односно за да успеат во текот на денот да ги постигнат сите планирани работни активности.Преспанскиот договор на ниту еден начин не рефлектира врз химната, таа во ниту еден момент не била, не е и нема да биде спорна.Како потврда, во периодот по потпишувањето на Преспанскиот договор нашата химна беше интонирана во повеќе прилики во присуство на официјални претставници од грчка страна. Само пред неколку денови на свечениот прием во организација на Амбасадата на Грција, по повод националниот ден на Република Грција, химната на Република Северна Македонија беше интонирана пред официјални грчки претставници.Исто така може да се напомене и интонирањето на нашата национална химна за време на кревање на знамето на НАТО пред зградата на Владата, повторно во присуство на претставници на цел дипломатски кор.Химната беше интонирана за време на спортски натпревар за квалификација на Европско ракометно првенство кој се одржа на 28 октомври 2018 година, кога се натпреваруваа нашата земја и Грција во категорија сениори мажи.Дополнително на 16 јуни во главниот град на Северна Македонија ќе биде градот-домаќин на последниот квалификациски натпревар за Европско првенство 2020 во ракомет во кој нашата репрезентација ќе ја пречека Грција и кога повторно ќе бидат интонирани химните на двете земји.

Македонија | пред 6 години

(ВИДЕО) Пилотска грешка или проблеми со моторот - Што ја предизвика авионската несреќа?

Главниот помошник за безбедност на летовите во Техничкиот универзитет во Бугарија, Марин Петров, за тамошните медиуми изјавил дека при воздухопловни инциденти, се разгледуваат сите причини кои би можеле да доведат до несреќа. Според него, ќе треба да се провери обуката која ја поминал пилотот, состојбата на авионот, временските услови.„За овој тип летало, кога има силни турбуленции и силно струење, е забрането да лета низ такви облаци. Тоа е крајно опасно, оти брзината на потоците е толку голема што може да доведе до паѓање на авионот и уништување во воздух“, објаснил Петров.Тој објасни дека Георги Бошнаков имал аматерска лиценца, за управува со мали авиони. Таа лиценца се стекнувала со курс од неколку месеци, кој вклучувал 140 часа тероија и 40 часа пракса.Петров беше дециден дека во воздухопловството, во овој случај, одговоноста е на пилотот.Димитар Ставрев пак, новинар кој истражува авионски несреќни, рече дека малиот авион со еден мотор бил во добра сосојтба и покрај неговата старост.„Дел од пилотите кои управуваат вакви летала, сметаат дека тоа е како да возиш џип, односно можеш да возиш во секое време и покрај сите пречки на еден таков лет“, рекол Ставрев за „Бугарија ОН АИР“.Според експертот за воздухопловство, Ангел Борисов, на местото на несреќата е многу тешко да се лета, оти има серија на високи врвови. Според него, теренот е многу опасен. Експеротот претпоставува дека и покрај лошите временски услови, пилотска грешка е причина за несреќата. Пилотот прво барал да слета во Скопје, а потоа заминал за Софија. Третата веројатност, според експертот, може да е неисправност на моторот на авионот.Експертот Ангел Борисов додава дека пилотот ја потценил ситуацијата. Тој коментираше дека имало итна ситуација, што го принудила да го спушти авионот.„За мене турбуленцијата не е нешто што треба да го присили пилотот да влезе под нивото на врвовите. Можно е да имало проблем со моторот. Можеби и проблем со управувањето на авионот“, додаде експертот за бугарската телевизија.Регистрацијата на авионот била германска, а пилотот имал бугарска лиценца.

Македонија | пред 6 години

ВИДЕО: Автомобил падна во водите на Охридско Езеро

Утрово возило со марка „Пежо“ заврши во Охридско Езеро.Според неофицијални информации, автомобилот бил управуван од охриѓанка, која се паркирала на кејот и заминала да пие кафе во локалните кафичи.[embed]https://www.facebook.com/skopje1mk/videos/314724162553668/[/embed]По кратко време, автомобилот паднал во езерото. Непознато е дали станува збор за грешка на возачот или пак, некој намерно го турнал автомобилот.Полицијата изврши увид, а ќе ги прибавува и снимките од назорните камери, за се утврди причината.Возилото во моментов од Охридско Езеро го вадат возила на противпожарната бригата.

Македонија | пред 6 години

Полицијата казни 71 возач за погрешно паркирање

Девет лица се полесно повредени во седум од вкупно 11 сообраќајни незгоди што се случиле изминатото деноноќие на подрачјето на Град Скопје. Во четири сообраќајни незгоди е причинета материјална штета.Според податоците на СВР Скопје, издадени се казнени мерки за 18 возачи кои се движеле со поголема брзина од дозволената, еден возач кој возел под дејство на алкохол, 12 пред да се стекнат со правото на управување моторно возило и четири возачи почетници.Од сообраќај се исклучени и 12 нерегистрирани возила. Издадени се и казни за 71 возило за непрописно паркирање, а со специјалното возило „пајак“ подигнати се 54 возила.Санкционирани се и четворица возачи кои поминале крстосница на црвено светло, четворица возачи кои  не дале првенство на минување на пешаците на обележан пешачки премин, двајца за неправилно престројување, еден за неправилно престигнување,  двајца возачи на мотор, мопед и мотоцикл за некористење заштитен шлем, еден за неносење сигурносен појас и тројца за користење на мобилен телефон додека возеле.

Скопје | пред 6 години

(ФОТО) Мајката на Пино го објави разговорот со премиерот Заев

Мајката на Пино Секондо (26), Маја Трпковска речиси четири месеци очајно трага по своето дете и бара ажурност и одговори од МВР.Откако во декември минатата година Пино исчезна без трага, таа редовно апелира до надлежните служби да ја сфатат сериозно, а веќе неколку седмици наназад, секоја сабота излегува на мирен протест пред Собрание во Скопје, барајќи одговори.Мајката на Пино објави фотографии од разговорот со премиерот Зоран Заев.„Дете барам сфаќате или не?Јас со Господинот Заев на некој начин се разјаснивме. Повторувам немам никаква партиска членска книшка. Имам мои лични мислења и идеи. Овде не се работи за политика! Луѓе сфаќате дека дете барам или си играте мајтап со мене!!!“, стои во објавата.Во саботата на протестот на роднините и пријателите на иcчeзнатите Пинета Секондо Пино и Арбен Аслан пред Собранието на Република Македонија, мајката на Пино истакна дека контактирала со Зоран Заев на Вибер, но тој не и враќал на пораките, по што добила пријава од премиерот за вознемирување.

Македонија | пред 6 години

УМС на ВМРО-ДПМНЕ со скандалозен спот за изборите

Унија на млади сили на ВМРО ДПМНЕ објави невкусен спот со кој сакаат на претседателскиот кандидат на СДСМ и коалицијата , Стево Пендаровски, да му порачаат дека народот не е стока.Во видеото тие повикуваат: „ајде на гласање, заокружете број три и право на пасење“.„Народот не е стока, Стево. Овој честит народ ќе гласа за Гордана Силјановска – Давкова и Република Македонија“, се вели во видеото! https://www.facebook.com/UMSVMRODPMNE/videos/364407184159738/

Македонија | пред 6 години

(ВИДЕО) Стевоски бара истрага за долгот на Охрид

Стевче Стевоски бара истрага за сите кои учествувале во креирањето на милионскиот долг во ОхридЕден ден од како Советот на општина Охрид изгласа одлука со која го овозможи склучувањето спогодби со доверителтие за раздолжување на градот, кандидатот Стевоски Стевче побара полициска истрага за тоа како се креирал долгот низ минатите децении и дали во минатото, некој фингирал ситуации во кои каматите растеле и градот тонел во долгови за да се делат провизии од камати и фиктивни задолжувања.Стевоски партиите СДСМ и ВМРО ДПМНЕ ги нарече сестри близначки родени од мајка Мафија и татко Јуда.ВИДЕО:

Македонија | пред 6 години

(ОБНОВЕНО) Пронајдени телата, познат идентитетот на загинатите од авионската несреќа кај Солунска глава

Пронајдени се телата на четворицата патници од авионот што попладнево се урна на Солунска Глава.Неофицијално станува збор : Бошнаков Ангелов Георги роден 1970 год, Бошнакова Георгиева Гергана, родена 2005 год., Бошнакова Георгиева Билјана, родена 2000 год. и Корнајева Цонева Калина родена 1972 година.Малиот авион попладнево исчезнал од радарот во пределот на Солунска Глава во 16:18 мин. Леталото полетало од Охридскиот аеродром и при тоа немало никакви проблеми при полетувањето.Неофицијално несреќата се случила поради лошите временски услови. Пилотот побарал да слета на Скопскиот аеродром, но се премислил и се упатил кон Софија. На 26 километри јужно од Скопје, некаде кај Солунска Глава им се изгубил сигналот.При последната комуникација пилотот кажал дека има Јака турбуленција.Несреќата ќе ја истражува Комитетот за истраги и несреќи и истражен судија.

Македонија | пред 6 години

(ОБНОВЕНО) 4 лица Бугарски држајвани патувле со авионот кој полета од Охрид, а исчезна кај Солунска глава

Мал авион попладнево исчезнал од радарот во пределот на Солунска Глава во 16:18 мин. Леталото полетало од Охридскиот аеродром. Сите патници се бугарски државјани.Ова се првите официјални информации од Агенцијата за цивилно воздухопловство за исчезнатиот авион. Неофицијално  со авионот патувал познат олигарх со семејството.Неофицијално поради лошите временски услови пилотот побарал да слета на Скопскиот аеродром, но се премислил и се упатил кон Софија. На 26 километри јужно од Скопје, некаде кај Солунска Глава се губи сигналот.При последната комуникација пилотот кажал дека има Јака турбуленција.Во моментов се трага по исчезнатиот авион со два полициски хеликоптери.

Македонија | пред 6 години

Најчевска: Гордана или е глупа, лаже или одлепила

Професорката Мирјана Најчевска преку својот Фејсбук профил реагираше на изјавата на Силјановска дека ќе го заштити уставното име и Македонија, и дека ќе стави клаузула да не се менува Уставот.„Што може да значи клаузула за непроменливост на Уставот?Може да значи дека Гордана мисли дека е Бог и дека еве сега го пишува новото Свето Писмо.Може да значи дека Гордана го изјавила ова затоа што нема појма што е Устав, што е демократија и што е владеење на правото и нема појма дека тие не познаваат такво нешто како непроменливост бидејки можноста за менување е суштински елемент на развојот.Може да значи дека добро знае што е Устав и демократија и владеење на правото и дека многу добро знае дека е надвор од паметот донесувањето ваква клаузула, меѓутоа мисли дека оние на кои им се обраќа се толку глупи што може да им продаде се.Може да значи дека е спремна да каже се само да се довлечка до позиција на власт.Значи, или одлепила или е глупа или лаже или мисли дека сите што ја слушаат и се спремни да гласаат за неа се глупи како точаци“, напиша Најчевска на Фејсбук.

Македонија | пред 6 години

Заева ја шеташе партнерката на Ципрас на Кале

Грчкиот премиер, Алексис Ципрас, денеска е во официјална посета на земјава, заедно со неговата партнерка, Бети Базијана.Додека премиерите имаа средба во Владата и учествуваа на бизнис форумот во хотелот „Александар Палас“, Заева ѝ ја покажа на Базијана, скопската тврдина Кале. Слики од прошетката на својот Фејсбук профил објави премиерот Зоран Заев.„Топло добредојде и за драгата Бети. Убав ден за пријателства, за срдечна дружба со Зорица, интересни разговори и за разгледување на градот на солидарноста“, е напишано во рамките на објавата во која се ставени фотографиите.

Македонија | пред 6 години

Мал авион кој полетал од Охрид, исчезна кај Солунска глава

Мал авион попладнево исчезнал од радарот во пределот на Солунска Глава. Леталото полетало од Охридскиот аеродром. Не е познато колку лица имало во авионот.Познати дека станува збор за Цесна тип со авионска регистрација D-EUIB.

пред 6 години

НАЈНОВА ВЕСТ: Советот на Охрид изгласа историска одлука за раздолжување на градот

Советот на општина Охрид предмалку со 12 гласа „за“ ја изгласа одлуката со која на општината и се овозможува да потпишува спогодби за исплата на долговите со средствата за раздолжување на Охрид одобрени од Владата на Македонија.Седницата во текот на денов еднаш беше одложена бидејќи на неа не присуствувал советникот од ДУИ, а ВМРО ДПМНЕ најавило дека нема да гласа „за“ оваа точка, а на седницата гласаа воздржано.Од како било обезбедено мнозинство од 12 советници, оваа историска одлука на која се чекаше со децении беше изгласана.Наскоро се очекува на јавноста да и се обрати в.д. градоначалникот Константин Георгиески.Наскоро повеќе...

Македонија | пред 6 години

Два дена по несреќата кај Ласкарци, „Дурмо турс“ добил тендер за превоз на ученици

Превозникот „Дурмо турс“ добил тендер за превоз на ученици, само два дена по страшната сообраќајка кај Ласкарци, објави Истражувачката репортерска лабораторија (ИРЛ). Договорот е склучен на 15 февруари, а вчера е објавен на интернет страната на Јавни набавки. Вкупната сума на тендерот со ДДВ е 27.600 евра.Тендерот бил објавен од средното училиште „Неготино“ од селото Неготино во Општина Врапчиште, а „Дурмо турс“ била одбрана во конкуренција со уште една фирма.Како што пишувало во договорот, „Дурмо турс“ од 15 февруари до 31 декември ќе ги превезува средношколците од шест села од дома до училиштето и обратно. Критериум за добивање на договорот била најниска цена.Според податоците на Јавни набавки, „Дурмо турс“ понудила цена од 700 денари, а конкурентската фирма 3.300 денари.

Македонија | пред 6 години

Директорот на гинекологија се пофали дека добил двојазични печати

Економскиот директор на Универзитетската клиника за гинекологија, Валон Беља, од денес има печат на албански јазик. Тој во својот профил на Фејсбук вели дека и Клиниката за гинекологија започна спроведување на двојазичноста.„Започна имплементацијата на двојазичноста како резултат на донесувањето на Законот за јазици.Универзитетската клиника за гинекологија и акушерство сега веќе става печати и на албански јазик.Честистки. Честитки.# Продолжуваме_Работиме“, стои на Фејсбук.

Македонија | пред 6 години