ГЛАВНИ-ВЕСТИ

Пендаровски: Ако некој мисли дека Силјановска е различна од Иванов, се лаже

Кандидатот за претседател Стево Пендаровски поддржан од СДСМ, на денешната трибина со граѓаните на Свети Николе во својот говор се осврна кон своите политички опоненти.„Ако некој мисли дека Гордана Силјановска нуди нешто различно од Иванов, се лаже, ако некој мисли дека Мицковски нуди нешто различно од Груевски, се лаже. Ние, заедно со премиерот Заев, заедно со сите прогресивни сили ги отвораме портите на светот за нашата држава“, рече Пендаровски.

Македонија | пред 6 години

Јане Ченто: Да застанеме заедно зад проф. Силјановска и да ја испратиме оваа банда во историјата

На фејсбук страницата “Слобода за Јане Ченто” беше објавен текст од Јане Ченто, пренесен од неговата мајка, преку кој ги повикува сите негови роднини и пријатели да застанат за професорката Гордана Силјановска Давкова, со цел да ја испрата оваа банда во историјата.„Драги пријатели,победата и сами знаете оти е блиску.Таа ќе стане уште поблиска и поскоро ќе биде спечалена, ако секој чесен македонски граѓанин не си ги губи деновите држејќи се настрана од оваа борба против оваа криминална власт. Секој загубен ден е продолжување на животот на оваа криминална банда, продолжување на нивните ѕверства и малтретирање на секој оној кој мисли различно од нив.Секој треба да биде свесен за оваа вистина и за одговорноста која ќе ја понесе секој пред сопствената совест и пред граѓаните на Република Македонија.Затоа ве повикувам, мои роднини, мои пријатели, сите оние кои што ме познавате, сите оние кои сакаат да си оди оваа криминална власт, тоа да го докажете во битката која предстои а тоа се претседателските избори на која ќе застанеме зад Проф. Гордана Силјановска Давкова и уверен сум дека ќе победиме на предстојните избори и ќе ја испратиме оваа банда во историјата.На 21 Април нема да гласате само за Гордана Силјановска Давкова туку ќе гласате и против ова зло предводено од Зоран Заев, запомнете го тоа. Овие избори треба да го означат почетокот на крајот на Зоран Заев и неговата криминална банда.Почитувани пријатели, истомисленици, борци против овој режим, време е да се обединиме во интерес на Република Македонија во пресрет на изборите кои следат, да се обединиме против ова зло кое владее со Македонија и да ги поразиме на овие избори а со тоа се отвора патот да му го зададеме последниот удар на предвремените парламентарни избори на есен.Како сите народи, големи и мали, така и ние сме исправени пред дилемата да избереме еден од двата спротивставени фронта, два системи, две гледишта за нашата татковина.Во овие моменти, ние како поробен народ и држава треба да застанеме категорично на фронтот на демократијата, слободата и правдата.Тоа е долг на секој од нас кој што ја сака оваа татковина.Можеби сите имаме грешки, но сега е моментот да се сплотиме под знамето на Република Македонија, сите кои се против овој режим, Македонија не вика.Сите граѓани на Република Македонија ја видоа политиката на Зоран Заев која се состои од заткулисни зделки и одлуки кои се штетни за Република Македонија. Ова ли е правдата да ги пуштаат од притвор тие што му требаат за да обезбеди 2/3 мнозинство во Собранието, пазар кој сите го гледаме и ден денеска. Тие ли се европски вредности, со уцени за да се собира 2/3 мнозинство во Собрание? Не би рекол.Јас сум уверен дека народот нема веќе доверба во оваа банда која е на власт, бидејќи се разголија и видовме колку вредат.Видовме банда која краде, уништува, монтира судски процеси, мести тендери и носи штетни историски одлуки за Република Македонија.Ситуацијата од ден на ден се влошува, има обид да се лишат македонците од своите историски сеќавања и ги принудуваат во објекти на принудна асимилација.Државните институции се узурпирани од банда на криминалци и мора да ги ослободиме за да имаме правна држава.Ние денес сме на крстопат, но мораме да решиме дали сме подготвени да ги браниме државните интереси и интересите на граѓаните или вечно ќе се предаваме и ќе се повлекуваме пред овие бандити. Со оваа банда која е на власт ние од ден на ден доживуваме национален дебакл и катастрофа во која тонеме се подлабоко. Погледнете насекаде околу вас и ќе видете разочарани и понижени граѓани, наведнати глави, тажни лица, слика која е одраз на тешкиот денешен живот. Имаме општ распад на системот на сите полиња.Доживеавме премиерот и министрите во Владата на СДСМ да ги преќутуваат нашите браќа и сестри во Егејска Македонија и да се плашат да кажат дека таму има луѓе што зборуваат македонски јазик и кои се изјаснуваат како Македонци. Па тоа ни во најцрните ропства не го правеле нашите поробувачи, а денес премиерот на Република Македонија го прави тоа и негира дека таму живеат македонци кои зборуваат македонски јазик.Затоа ве повикувам сите и десни и леви и оние од центарот, да се обединиме против ова зло, да го тргнеме овој јарем кој ни го ставија а потоа да ја градиме Република Македонија.Имам порака и до оние кои сакаат да бојкотираат а тоа е: драги пријатели, имате шанса за бојкот во вториот круг ако видите дека оваа криминална банда ги краде изборите, затоа ве повикувам и Вас, излезете во првиот круг на 21 Април и не го бојкотирајте првиот круг, напротив излезете масовно и со пенкало во рака урнете ја оваа банда уште во првиот круг, нека видат дека народот не стои зад нив, и дека народот ја враќа Државата во свои раце.Да се избориме за перспективна и прогресивна Република Македонија , да се потпреме на сите оние кои и мислат добро на оваа држава и имаат морална вредност, бидејќи на Македонија и треба еволуција.Никој не треба да се води од лични амбиции, туку од взаемните вредности, да се обединат напорите за решавање на проблемите кои секојдневно ги демнат македонските граѓани.Моменталната слика во Собранието што ја гледаме, не е Собрание на интелектуалци и луѓе кои што и мислат добро на својата татковина, туку е толпа лакома за пари и зависна од неколку луѓе.Чест на исклучоци.Во борба против оваа банда која е на власт треба да учествуваат вистинските синови и ќерки на Република Македонија , само тие може да имаат смелост, храброст и издржливост за да победиме против ова зло.Оваа влада на чело со Зоран Заев нема праведна моќ која потекнува од македонските граѓани. Во овој момент Македонија не е Република, туку владее одвратен деспотизам и тоа мора да запре.Овие што ја туркаат Македонија да се самоукине се паразити полни со лицемерие и подла суровост.Македонските граѓани ја откријаа подлоста и лицемерието на овие паразити и ќе му се спротистави на 21 Април кога ќе му даде жолт картон.Сега е моментот сите партии, здруженија, поединци да ги исполнат нивните стремежи и да започне нова ера на соработка против оваа криминална власт.Никој не треба да ги игнорира неправдите од минатото, лекциите од историјата, но сега е моментот да се сплотиме, бидејќи тоа го бара нашата таковина.Ве повикувам сите добронамерни граѓани кои ја гледаат оваа неправда што се случува во Мaкедонија да излезете на 21 Април и да ја поддржите Проф. Гордана Силјановска Давкова за иден претседател на Република Македонија.Со победата на Проф. Силјановска ќе бидеме на еден чекор да го отфрилме ова ропство во кое не држи оваа банда.По победата на Проф. Силјановска ќе има предвремени избори на есен , а тогаш сите партии ќе покажат колку вредат и врз тоа ќе имаме нова власт во Република Македонија која ќе биде чесна, достоинствена и праведна.Од слободниот човек не може да се направи роб, затоа што слободниот човек е слободен и во затвор.Да живее Република Македонија!“, се вели во објавата.

Македонија | пред 6 години

Пендаровски до Силјановска: Најпријателски ве советувам да се кандидирате за декан на некој правен факултет

Гордана Силјановска Давкова од ВМРО-ДПМНЕ, Стево Пендаровски од СДСМ и ДУИ и Блерим Река од Алијансата на Албанците и движењето Беса, беа дел од првата телевизиска дебата во предизборната кампања за Претседател на Македонија.На темата за договорот од Преспа, како и за односот помеѓу правото и политиката на меѓународната сцена, Стево Пендаровски и реплицираше на професорката Давкова дека е подобро да се кандидира за декан на правниот факултет.-Јас мислам дека зборуваме за две различни работи за светот на правниците и за светот на политиката, за кој и на лаиците им е јасно за жал кој е доминантен. Јас најпријателски ве советувам да се кандидирате за декан на некој правен факултет, а не за највисоката политичка функција и да не сакаме и јас сум професор и сум доктор по правни и политички науки и ви кажувам на оваа функција не оди само со правниот авторитет. Да ги занемарам Меркел, Макрон и Трамп и да им кажам сега ние ќе направиме јуридизација на политиката, тука од Скопје и целиот свет замислете ќе не следи, и порача Пендаровски.

Македонија | пред 6 години

(ВИДЕО) Спасоски: Во Охрид изборите ги предизвика судбината, а во Ново Село ги предизвикав јас !

Обраќајќи се на собир во Охрид, министерот Оливер Спасоски кажа дека во Охрид изборите за градоначалник ги предизвикала судбината, а во струмичко Ново Село ги предизвикал тој.„Ако овде судбината сакаше да има избори, во Ново Село струмичко изборите ги предизвикав јас ! Затоа што имавме градоначалник кој сакаше да се бави со криминал. Кој ќе проба да пљачка од народот таква судбина ќе го стрефи !“ - рече Спасоски. 

Македонија | пред 6 години

Мицкоски прифаќа да се слика со Заев, но вели Заев прво да направи две работи

Вчера Заев ме покани да сум се сликал со него. Не е проблем, еве прифаќам, но Заев прво ќе треба да направи две работи. Да ги врати 8.5 милиони евра од Глобал, а потоа и оние едно евро за Вицето, едно евро за црквата што ги бараше на видео снимката.Додека не ги направи овие две работи, ќе му остане само да се радува на сликата со Ципрас, напиша на својот Фејсбук профил лидерот на ВМРО-ДПМНЕ Христијан Мицкоски кој истакна дека Зоран Заев не разбира што е неправда.И ќе ви кажам зошто изгледа Заев не разбира што е неправда.-Неправда е кога неправда е кога наместо повисоки пензии, се даваат тендери и бизниси на Вицето.-Неправда е кога ќе ветите добра бизнис клима, а ќе покачите даноци.-Неправда е кога ќе излажете дека ќе влезе нова германска инвестиција, а таа ќе инвестира во соседна држава.-Неправда е кога младите си одат од земјава, мајките плачат, а Мира Дизел си запослува половина фамилија.-Неправда е кога студент со 10 просек си не може ни да се прехрани, ама децата на власта одат на скапи одмори,-Неправда е кога имаме криминални иновации наместо вистински иновации и напредок.-Неправда е кога ќе велат дека ќе им дадат повисоки субвенции на земјоделците, а тие не може ниту да ги продадат производите. Кога на оризарите поисплатливо ќе им биде да го фрлат родот отколку да го продаваат, кога ќе ветат зелена нафта, а нема да добијат ништо од власта.-Неправда е кога наставниците и професорите нема да добијат повисока плата.-Неправда е кога нема работа за доктори на науки, магистри…-Неправда е кога ќе ветат 500 евра плата, а ниту оваа сега што ја имаме можат да ја одржат.-Неправда е кога ќе ветите дека ќе ги решите Еврокомпозит, Колска и Југохром, а нема да мрднете прст за нивНеправда кога ќе ветите раст од 5 посто, а Светска Банка ви вика дека не можете реално да дојдете ниту до пола.Нашата визија е правдата да биде најголем непријател на неправдата, кога криминалците ќе бидат зад решетки. Тоа ние го можеме. Овој сон можеме да го оствариме. Тогаш што чекаме. Знаеме дека со оваа власт нема ништо добро. Да почне смената. Гордана за горда Македонија. Гордана за правда за Македонија, напиша Мицкоски на фејсбук.

Македонија | пред 6 години

Силјановска Давкова: Како претседате ќе го применувам новото име, но како индивидуа ќе го одбегнувам називот Северна Македонија

Кандидатката за претседател од ВМРО-ДПМНЕ, Гордана Силјановска Давкова во ТВ дуел на ТВ Телма, на прашањето дали ќе го применува Договорот од Преспа и ќе го употребува новото име, одговори:– Се разбира, бидејќи тој стана дел од Уставот. Но, во примената има разлика. Ќе ги почитувам натписите на името на државата на институциите. Да, ќе го применувам, но како индивидуа ќе го одбегнувам називот Северна Македонија. Впрочем, и во членот 7, став 2 стои дека е дозволена употребата на придавката „македонско – рече Силјановска Давкова.Таа побара од нејзиниот конкурент за претседателските избори Стево Пендаровски да не го повикува Зоран Заев на неговите кампањски собири бидејќи, како што вели таа, премиерот има јавна државна функција и тој и министрите не треба да доаѓаат на собирите.

Македонија | пред 6 години

Филипче ја одби иницијативата за укинување на задолжителната вакцинација

Ниту едно дете нема да биде примено во градинка или училиште, ако не е вакцинирано, кажа министерот за здравство Венко Филипче, откако група родители кои поднеле иницијатива до Собранието вакцинацијата да не биде задолжителна, денес реагираа дека по нивната иницијатива Парламентот не расправал, бидејќи немало кворум, пишува СДК.„Неколку пати кажавме дека има важечка законска регулатива со која вакцинацијата е задолжителна. Точно е дека во законот за основно образование има некои контрадикторности. Но, дозволете сега да коментирам дека нема да дозволиме ниту едно дете да биде примено во училиште или во градинка невакцинирано. Волјата на родителот не може да биде посилна од правото на децата да бидат здрави. А при тоа не може една индивидуална постапка да го загрозува колективното здравје“, рече Филипче.

Македонија | пред 6 години

Замир Мехмети: Онаа која повикуваше на ликвидација, сега ги чита рекламите на Гога

Замир Мехмети, активист на Шарената револуција на својот Фејсбук профил објави статус во кој вели дека гласот во рекламите на Гордана Силјановска е на Валентина Божиновска.„Го слушате ли оној драматичен женски глас кој ги чита рекламите на Гога и повикува на правда.Епа истата таа пред две години од пред дик повикуваше на „Ноќ на долгите ножеви”!#ВалентинаБожиновска“, стои во објавата на Фејсбук.

Македонија | пред 6 години

Легендарниот полицаец од Охрид, Стевче Стевоски почна нова битка во долгата војна со МАФИЈАТА

Стевоски Стевче - познатиот охридски полицаец кој 30 години се бори со системот денес ја зпаочна кампањата на претстојните Локални избори, каде е кандидат на „Деморкати“.Стевоски рече дека за него ова е уште една битка во долгата војна со Мафијата -за која рече дека е мајката хранителка на сестрите близначки СДСМ и ВМРО ДПМНЕ.Од самиот старт на кампањата станува јасно дека Стевче Стевоски е кандидат кој очигледно ја зборува вистината и само вистината, па затоа ви препорачуваме да го прегледате видеото од неговата изјава или да го прочитате  интегралниот текст од обраќањето на Стеовски пред медиумите:Почнуваме уште една изборна кампања, во која како и цел мој живот ќе продолжам да ја зборувам вистината и да се борам за правдата.Целиот мој живот го поминав борејќи се за правда во институцијата каде работев и иако не успеав многу не се откажав во борбата со мафијата инсталирана во институциите и продолжив да ги штитам беспомошните луѓе и работниците врз кои институциите спроведуваа закони, и да се конфронтирам со моќниците кои со децении наназад и ден денес се недопирливи за законите.Цел Охрид знае кој е Стевче Стевоски. Ме знаат сиромашните, ме знаат и мафијашите. Ме знаат Египќаните, Албанците, Турците, Македонците. Сите знаат дека никогаш неправедно не сум казнил никој, а дека не сум се плашел да ги казнам моите претпоставени, за што и ден денес, центрите на моќ ме влечкаат по судови.Почнуваме денес повторно, нова битка во долгата војна на правдата против неправдата.Денес јавноста знае кој се ВМРО ДПМНЕ и СДСМ ! Знае дека тоа се две сестри близначки кои ги родила една мајка Мафија, а таткото име Јуда.Против кандидатите од овие две партии лично немам ништо. Тие двајцата се доктори, но за жал прифатија да се марионети на нивните партии и нивната мајка Мафија.Народот овој пат знае дека тие ВМРО ДПМНЕ и СДСМ никогаш нема да тргнат против нивната мајка Мафија и затоа повторно :ГИ ПОВИКУВАМ, ОБЕСПРАВЕНИТЕ, УГНЕТЕНИТЕ, ОД ИЗВРШИТЕЛИ ЗГАЗЕНИТЕ, ОД ЛИХВАРИ УНИШТЕНИТЕ, ЗА БЕДНИ ПЛАТИ ВРАБОТЕНИТЕ, И НЕВРАБОТЕНИТЕ овој пат да гласаат за мене СТЕВЧЕ СТЕВОСКИ , за конечно да влезиме во финалната битка против МАФИЈАТА - таа сокриена мајка хранителка на СДСМ и ВМРО ДПМНЕ.Да живее ОхридДа живее МакедонијаДа живее чесниот граѓанин на Охрид

Македонија | пред 6 години

Арсим Зеколи: После Јуни – само оставки

Политичкиот аналитичар Арсим Зеколи се огласи на својот Твитер профил, каде побара во јуни да се даде јасна, прецизно именувана и конкретна препорака за почеток на преговори.„Доколку во Јуни не се даде јасна, недвосмислена, прецизно именувана и конкретна препорака за почеток на преговори, сите муабети за “ќе почнеме во Јануари” се само манипулација за залажување. После Јуни препораките ќе бидат ставени ад-акта за години ред. После Јуни – само оставки“.

Македонија | пред 6 години

Девојче од Штип доби оштета од 300.000 евра поради погрешно примена вакцина

Основниот cyд во Штип донесе прecyдa за oбecштетување на семејство од Пробиштип поради погpешно лекување на нивната ќерка која примила вакцина додека била под cилна антибиoтска терапија, објави Инфомакс.Терапијата траела вкупно осум месеци во 2010 и 2011 и во тој период без да биде прегледано девојчето примило вакцина за МРП и ДТП. Во 2013 година на Детска клиника на девојчето му било дијагностициранo аyтизам.Судијката Мери Гичева, делумно го прифатила тyжбеното баpање на тyжитeлите, и ја задoлжила здравствената установа „Наде Михајлова“ од Пробиштип да исплати оштета од 19 милиони денари, од кои 10 милиони за намалена животна активност, 3 милиони за физичка болкa и 6 милиони за душeвно стpaдање и бoл. Амбулантата исто така ќе треба да ги надомеcти и cyдските тpошоци во износ од 1,3 милиони денари.Во обpaзложението на пpecyдата стои дека тyжитeлката во периодот од август 2010 до март 2011 била под скоро постојана антибиотcка тeрапија, односно примала различен aнтибиотик секој месец. Кога ја примила вакцината ДТП, на 4 април 2011, била на тeрапија со Панцеф поради aкутна долноpeспирaторнa инфeкција. Вaкцината ја примила без да се изврши преглед и увид во медицинската историја за утврди дали имало контpaиндикaција за нејзино примање. По вaкцината девојчето продолжило со aнтибиотска тeрапија уште еден месец, а примило и неколку дoзи Урбазон поради згoлемена телесна температура.Во април и мај родителите забележале необични промени во однесувањето на детето. По повеќе од две години пpeгледи и теcтирања, на 21 ноември 2013 ЈЗУ Клиника за детски болecти во Скопје дијагностициpа детски аyтизам „како последица на неcоодветното и пpедолго лeкување со aнтибиотска тeрапија која довела до намaлен имyнолошки систем и спроведувањe имунизација спpoтивно на пpавилникот за имyнизација, а посебно на појавата на аyтизам влијаело давањето на коpтикотерапија преку примање инeкции Урбазон“.Од Министерството за здравство, како втоpoтyжена страна во cyдската постапка поведена од родителите на В.П. од Пробиштип, потврдија дека ја примиле прecyдата со која делумно се усвојyва нивното тyжбено.Во образложението е наведено дека предмет на вeштaчењето не е дали вакцината предизвикyва аyтизам или не, туку здравствената состојба на детето пред и по примањето на вакцината.Преcyдата не е конечна бидејќи во тек е поcтапката по жaлба.ЗД Пробиштип, повикувајќи се на стyдија објавена во Журналот на Американската медицинска асоцијација во која се образложени резултати од истражување над 95 000 деца и со која се потврдува дека нема корелација помеѓу вакцините и аyтизмот, ја oбжали пpecудата.

Македонија | пред 6 години

Таткото на прободениот Филип: Молам за лeкови за син ми

АПЕЛ!!! Молам некој да ми пoмoгне како да ги oбeзбeдaм вaкцините за MNEUMOKOK i MENINGOKOK. Вaкцинитe се потребни да ги прими мојот син Филип Филиповски, кој беше пpoбoдeн со нoж минатата недела, пренесува порталот Досие.Овој aпeл го напиша на социјалните мрежи Гоце Филиповски таткото на пpoбoдeнoтo момче во дискотека кој по инцидeнтoт ocтана бeз бyбpeг и cлeзинa. Момчето се oпopaвyвa но резултати од иcтpaгaтa се уште нeмa. Семејството cвeочеше дека нaпaдpт без повoд и пpичина го извpшилe синови на висок функционер во МВР пopaнешен градоначалник. Таткото peaгира дека институциите се уште мoлчaт за кpвавиот инцидeнт.Oбвинитeлcтвo, МВР, институции надлежни за рacчистување на oбидoт за yбиcтвo на мојот син Филип Филиповски ги прибравте ли дoказите, изјавите дадени од cвeдoци и се што е потребно за да почне да се рacчистува случајот или помина и медиумскиот пpитиcoк и сега функцијата на таткото ќе си го направи своето…13 дена поминаа никaква информација , мoлk од ваша страна. He почувствувавте нешто за да не информирате како семејство , нe ги познавам законите ама убеден сум дека човечки беше да не информира некој до каде е случајот.

Македонија | пред 6 години

Комитетот за истраги со детали за авионската несреќа во која загинаа 4 лица

Денеска владиниот Комитет за истрага на воздухопловни несреќи и сериозни инциденти, одржаа прес-конференција за авионската несреќа во која трагично го загубија животот четири државјани на соседна Република Бугарија во вторникот (2-ри април), во атарот на Солунска Глава.На оваа прес-конференција се обрати претседател истражителот на Комитетот Зоран Илиевски кој презентираше досегашни факти од истрагата по трагичната несреќа, за која објасни дека по завршениот увид во истрагата се утврди дека авионот е паднат во особено тешки услови, особено и поради снегот кој е присутен на повисоките места на планинскиот врв Солунска Глава. Истрагата е сѐ уште во тек, за утврдување на сите детали за несреќата.Со цел да се заврши успешно истрагата на 4.4.2019 е донесена одлука за формирање на Комисија за истражување на конкретната воздухопловна несреќа која ќе биде составена од членовите на Комитетот и надворешни експерти во доменот на воздухопловство, од домашните институции и компании или доколку е потребно ќе бидат вклучени и агенции или центри за истраги од соседството или други држави.Првите резултати ќе бидат објавени најрано за 30 дена а откако ќе се утврдат причините за несреќата ќе се состави и препорака за превенција како да не се повтори истата грешка. Дали временските услови се причина за падот на авионот во кој загина 4 членото семејство од Бугарија, претседателот на комитетот не потврди но вели дека според комуникацијата е познато дека пилотот пријавил турбуленција. И тој ги отфрли информациите дека од скопскиот аеродром не му била дадена дозвола за слетување на пилотот поради посетата на грчкиот премиер.– Веќе дадовме барање до центарот за воздухопловна навигација за преслушување на авио снимката. Во делот над прилепско побарал да слета во Скопје а потоа веднаш го повлекол барањето и кажал дека продолжува кон Софија. ... “ Пилотите сами одлучуваат дали ќе летаат или не . претходно во службата за навигација го најавува и прави план и бара информации од метео службата и сите други информации. Пилотот сам си го прави патот за летање но го доставува тој план . ..Од август минатата година воспоставена е соработка со Центарот за истраги на авионски несреќи во соседна Република Бугарија, а наскоро ќе се потпише и меморандум за соработка со владиниот Комитет за истрага на воздухопловни несреќи и сериозни инциденти на двете држави.Со цел спречување на ширење на шпекулации во јавноста, денеска на оваа прес-конференција Комитет за истрага на воздухопловни несреќи и сериозни инциденти ги презентираше своите две основни дејности од кои прва и основна дејност е истрагата на воздухопловни несреќи и на сериозни инциденти со цел да се утврди причината на несреќата, втора основна дејност е превенцијата кога после изведените заклучоци се прават препораки од кои произлегуваат идните превенции на ваквиот тип на грешки.Ваков тип на авион може да лета и на 6- 7 000 метри надморска височина. Во овој случај тој летал на 2200.

Македонија | пред 6 години

Пожарникарите го тргнале знамето зошто било заплеткано, а им требаа три дена го отплеткаат

„Попладнево знамето ќе биде вратено на јарболот“, велат за Скопје 1 од општина Охрид. Портпаролот Томе Џамтовски додава дека знамето го тргнале вработените од противпожарната служба за да го отплетктаат и дека попладнево знамето ќе биде вратено на старото место.Државното знаме од високиот јаброл во центарот на Охрид го снема пред три дена, а граѓаните се прашуваа зошто овој државен симбол повеќе го нема во центарот на Охрид.Сеуште нејасно зошто го нема државното знаме од центарот на Струга?

Македонија | пред 6 години

(ФОТО) Каде е државното знаме од градскиот плоштад во Охрид?

Неколку дена на градскиот плоштад во Охрид не се вее државното знаме. Охриѓани прашуваа каде е знамето кое од 2009 година се виори на градскиот плоштад. Истото беше поставено како дел од проектот за поставување на вакви обележја ширум државата.Контактиравме со пресс службата во општина Охрид, од каде ни кажаа дека информација за тоа каде е државното знеме ќе добиеме во текот на денов.Но, не само во Охрид, го нема и државното знаме и во Струга. 

Македонија | пред 6 години

ФОТО: Страшна сообраќајка на автопатот Гостивар-Тетово, возилото е здробено

Страшна сообраќајна несреќа се случи пред еден час на автопатот Гостивар-Тетово. Според објавените фотографии на „Ѕид на сообраќајниот срам“, предниот дел на возилото е целосно искршен, а делови од истото се распрскани на сите страни.Не е познато како дошло до оваа несреќа, но и кои се причините.Се очекува МВР во текот на денот да даде детални информации

Македонија | пред 6 години

Се намалуваат цените во роаминг - Потпишан регионалниот Договор

Ресорните министри задолжени за дигитализација од земјите од Западен Балкан денеска на Дигиталниот Самит во Белград, Р. Србија го потпишаа регионалниот Договор за намалување на цените во роаминг. На овој начин Заклучоците од Дигиталниот Самит во Скопје континуирано се реализираат.Потписниците на Договорот се согласни дека е неопходно дополнително да се намалат цените за роаминг услугите за целосно покривање на сите крајни корисници во регионот на Западен Балкан.Тоа значи дека максималните малопродажни надоместоци за роаминг услугите во регионот на Западен Балкан ќе бидат доведени до нивото на цени во согласност со правилото „како дома“, односно соодветно на правилата за „роаминг како дома“, кои се применуваат во Европската унија, не подоцна од 1 јули 2021 година. Државите се обврзаа да ги преземат сите потребни подготвителни чекори.Со Договорот се предвидува да се воведе преоден режим за роаминг услугите почнувајќи од 1 јули 2019 година.За Република Северна Македонија Договорот го потпиша министерот за информатичко општество и администрација Дамјан Манчевски.

Македонија | пред 6 години

ВИДЕО: Мукоски и Арнаудов со непознати лица “пребаруваа” низ гепек од џип

Пратениците Крсто Мукоски и Љубен Арнаудов по подолго време конечно се појавија во охридсктие кафани и ресторани.Тие утрово беа на кафе во еден познат охридски хотел придружувани од непознати лица кои зборуваа со скопски дијалект.По кафето Мукоски и Арнаудов стоеја покрај еден џип и со нивните „гости“ нешто разгледуваа и префрлаа во гепекот.АКТУЕЛНА Е НОВА КОАЛИЦИЈАДенповиве во јавноста се лиферуваа информации дека осумте пратеници исклучени од ВМРО ДПМНЕ преговараат за влез во владиното мнозинство. Дали ова пиење кафе е поврзано со активностите околу тоа ќе видиме наскоро.

Македонија | пред 6 години

Заев: Мојот брат е душа напатена

Во гостувањето во емисијата „Печат на неделата“ на 1ТВ, премерот Зоран Заев одговарајќи на новинарско прашање дали знаел дека неговиот брат Вице Заев го тужи потпретседателот на ВМРО-ДПМНЕ Александар Николоски само затоа што кажал дека Вице Заев има 30 фирми и е економски фактор во државата, посочи дека тој не се гледа многу често со неговиот брат Вице Заев, бидејќи како што рече премиерот Заев бил почесто во Скопје и дека не знаел дека ќе го тужи Николоски.-Немав поима еве да ви кажам искрено ви зборам. Внатре има обвинувања за криминал, обвинувања за местенки, има обвинувања за влијание врз одредени работи. Чесно зборам секој пат. Има душа повредена и ми објаснува извини бе човек терај си ти по својот пат, терај си во својата политика, немав право во фондот да конкурирам, кога бев во опозиција немав право ништо, сега немам право да работам, извинете ќе тужам, вели Заев.

Македонија | пред 6 години

(ВИДЕО) Заев и Ципрас со сопругите вечераа во Камник

Премиерот Зоран Заев и сопругата Зорица, заедно со грчкиот колега Алексис Ципрас и неговата партнерка Бети Базиана, за време на престојот во Скопје по завршувањето на набиената дневна агенда, заминале на вечера во винаријата Камник, објавија грчките медиуми.Според нивните пишувања, Ципрас и Базиана останале во државава до полноќ односно се вратиле во Грција околу еден час по полноќ.

Македонија | пред 6 години

Образложението на Заев за химната: Скративме официјалности

Премиерот Зоран Заев вчера беше дел од Конвенцијата на Стево Пендаровски, кандидатот за претседател на Македонија, а потоа беше гостин во „Печат на неделата” на 1Тв.Во однос на посетата на грчкиот премиер, Заев истакна дека химната не била интонирана поради доцнењето на авионот на Ципрас.– „Доцнеше авионот на Ципрас. Прво скративме официјалности. Скративме и двајца министри од наша и нивна страна, со цел квалитативност на самиот настан. Имаше многу важни работи на средбата и меѓувладината седница“, изјави Заев.Но, потоа на прашањето дали причина било тоа што наводно на униформите на оркестарот пишувало Република Македонија, Заев рече: „Можеби тоа било причина, и ако е тоа прична ќе го средиме. Треба да пишува Република Северна Македонија“. На ова следеше и прашањето дека тој оркестар има надлежни, Заев со одговор „има и министер за одбрана“.

Македонија | пред 6 години

Мицкоски за натписот во Кавадарци: Гога е поголемо ВМРО од сите вас заедно

Ниту можете да пишувате, ниту смеете да пишувате дека Гога не била ВМРО, изјави лидерот на опозицијата Христијан Мицкоски на митингот во Кавадарци обраќајќи се до незадоволните членови на ВМРО ДПМНЕ кои поставија транспарент во изборните штабови во Кавадарци, со натпис „Гога не е ВМРО“.„Во текот на вчерашниот ден неколкумина наши браќа поставија еден два транспаренти. Беа наменети за Гога. Еве јас ќе се обидам да им одговорам на тие наши браќа. Кога професорката Гордана беше ВМРО и кога професорката Гордана Силјановска Давкова и застана на првата линија на фронтот во одбрана на најпрвин на онаа неправедна територијална распределба во 2004-тата година. А потоа и сега кога крвареше Македонија, Вие браќа бевте на Бихаќка да добиете инструкции што треба да му направите лошо на ВМРО-ДПМНЕ и на Македонија, додека таа крвареше заедно со нас. Така што ниту можете да пишувате, ниту смеете да пишувате дека Гога не била ВМРО. Гога е поголемо ВМРО и Македонија од сите вас заедно“, рече Мицкоски.Тој оцени дека тоа е навреда и рече дека ВМРО заедно со професорката Гордана Силјановска ќе ја вратат правдата во Македонија и ќе победат на изборите, по што ќе следат предвремени парламентарни избори на коишто СДСМ ќе загуби.Мицкоски во Кавадарци повтори дека СДСМ злоупотребува човечки судбини за моќ и пари. Во однос на Конвенцијата на СДСМ вчера во Скопје, Мицкоски оцени дека е доцна за пеење на химната и додаде дека во Спортскиот центар Борис Трајковски стигнале 400 автобуси од целата дружава.

Македонија | пред 6 години

Очевидци за авионската несреќа кај Солунска глава

Семејство од Бугарија загина при авионска несреќа во планински предел кај Солунска глава.Малиот авион „Цесна“ се урна недалеку од Скопје при лошо време.Во него патуваа пилотот, неговата сопруга и нивните две ќерки.Телата беа откриени близу 18 часа по инцидентот. Авионот паднал недалеку од селото Богомила. Неговите жители ги проследиле последните маневри на авионот во воздух, пишуваат бугарските медиуми.Очевидци на инцидентот , кои живеат во селото под врвот, раскажуваат и какво било времето тој трагичен ден.-Го видов авионот. Мал, но многу високо леташе. Одеше кон Охрид, натаму. Може и да го згрешил патот и да отишол кон Солунска глава. Времето беше лошо. Имаше ветер вчера, рекла жена која го видела авионот кој прелетувал.

Македонија | пред 6 години

35 вработени во Обвинителство без здравствено осигурување

Триесет и пет вработени во Вишото скопско обвинителството од кои десет обвинители три месеци се без здравствено осигурување, дознава Алсат.„Од први јануари годинава тие не фигурираат во системот на Фондот за здравство. Вработените се соочиле со овој проблем кога побарале лекарска помош. Проверката во системот на Фондот за здравство од матичните лекари покажала дека не се осигуреници. Поради овој проблем без здравствена заштита останале и нивните деца кои биле осигурани преку нив. Имало и обвинителите кои имале закажано хируршки зафати, но биле приморани да ги одложат, бидејќи не сакале или не можеле да ја платат приватно услугата“, објавува телевизијата.Основното јавно обвинителство потврди дека има административен пречки и дека колегите од вишото обвинителство се без здравствено осигурување.И од Фондот за здравство потврдија дека постои ваков проблем. Од стартот на годинава дел од вработените во Вишото скопско обвинителство не се водат како осигуреници и не можат да се лекуваат во болниците на товар на фондот. Како што дознава Алсат, проблем се јавил бидејќи на само една вработена не и било платено здравственото осигурување.„Поради неа, системот не ги евидентирал останатите уплати и сите вработени биле ставени во ист кош, па останале без осигурување и без можност да се лекуваат во државните болници и да ги користат услугите за кои одделуваат пари од нивната плата“, пренесе Алсат.

Македонија | пред 6 години

Иванка Василевска: „Право и правда за сите“ на Силјановска е слоган што ја изразува желбата на сите граѓани

Страшно е тоа што може да се прави во позадината за време на изборниот процес, полнење кутии, психолошки притисок врз граѓаните. Сето друго како средби со граѓани, претставување на програма, со цел привлекување на гласачи е многу вообичаен начин на функционирање во изборна кампања, но не знам дали ќе биде така, вели Иванка Василевска, член на Извршен комитет на ВМРО-ДПМНЕ, во гостувањето на телевизија 24.Василевска говорејќи за изборните слогани на претседателските кандидати истакна дека „Право и правда за сите“ на Гордана Силјановска Давкова е единствениот слоган што ја изразува желбата на граѓаните.-Тоа само по себе кажува дека тоа е она што е клучно во државава, а на тоа се темели и нејзината програма. Кога го одбра Право и правда за сите таа избра да биде натпартиски кандидат, да биде претседател на сите, да не биде дел од политичките игри, да не дозволи кршење на Уставот и останатите правни норми. Овој слоган ја одрзаува и неа бидејќи таа е угледен професор во нејзината фела, не само во Македонија, туку и во меѓународни рамки, рече Василевска. Според Василевска бојкот на избори заговараат оние политички опции кои се подготвени луѓе да изгорат само за да дојдат до столче во парламентот.-Тоа е едно јадро кое почна да дејствува сакајќи да направи патриотско декларирање, а јас велам тоа е естраден патриотизам. Овие луѓе не разговараа со оние кои го имаат најголемиот удел во обединувањето на национаното јадро во државата, а тоа е ВМРО-ДПМНЕ. Дел од нив ги увидоа пропустите и сега ја поддржуваат професорката Силјановска, рече Василевска.

Македонија | пред 6 години