ГЛАВНИ-ВЕСТИ

Рускоска: Села го има спасено еден од демонстрантите, а не Алими

Обвинителката Вилма Рускоска синоќа во студиото на ТВ21 говореше за пресудите за настаните од Собранието на 27. април. Таа се осврна на казната на Абдулфета Алими и откри дека Зијадин Села го спасил еден од демонстрантите, а не Алими.- Абдулфета да си ја изврши работата и задачата немаше да треба никого да спасува. Зијадин Села го има спасено еден од демонстрантите, кажа помогнете го утепавте човекот мртов е и го донесе во ресторанот на пратеници и дури тогаш доаѓа Алими и помага на Тони, вели обвинителката.Рускоска додава дека од прозорот на кујната на бифето и по пожарните скали го качиле Села и така се спасил.- Не е точно дека Абдулфета го спаси и ќе повторам, да си ја вршел работата немаше да треба никого да спасува. Тони бил и во Брзата помош и чекал додека траела операцијата, а кога го сместиле на Интензивна си заминал и рекол „од мене толку", завршува Рускоска. 

Македонија | пред 7 години

Спасовски: Груевски кога-тогаш ќе го вратиме во Република Македонија

Се преземаат сите неопходни мерки од аспект на безбедноста и нема индиции за какви било нарушувања на безбедносната состојба во овој период, ниту пак на некакви политички конфронтации коишто можат да  придонесат за нарушување на безбедносната состојба, рече министерот за внатрешни работи Оливер Спасовски во вечерашната емисија „Анализа“ на ТВ 24-Очекувам дека нема да имаме сериозни  предизвици и на тој начин ќе покажаме малку еден повисок степен на политичка култура меѓу политичките субјекти. Ги повикувам сите политички субјекти кои учествуваат  во изборната кампања, меѓутоа и граѓаните, заеднички да придонесеме за фер и демократски изборен процес кој ќе ни биде плус во нашите европски интеграции, рече Спасовски.Спасовски вели за бегството на Груевски се преземени многу активности, а деталите дека ќе ги соопшти јавното обвинителство.- Никола Груевски кога-тогаш ќе го вратиме во Република Северна Македонија и ќе мора да одговара за сите злодела и криминали кои ги направил. Гледате дека сега има истрага во делот од 27 април, и очекувам дека сите прашања ќе ги засегнат не само граѓаните на нашата држава, туку и европските граѓани, бидејќи правилото на борба против корупцијата и криминал е правило број 1 во европските интеграции. Секој еден, на крај или на почеток ако сакате, ќе има одговорност, па и Никола Груевски, посочи Спасовски.Во врска со тоа дали може како алиби на Груевски да му послужи тврдењето дека имало планови за негова ликвидација во затворот, а потоа се случил инцидентот со Јанакиески и Ристовски, министерот вели дека апсолутно не е така.- Тоа апсолутно не е така, ниту за инциденти во тој период, ниту дека имало закани за негова ликвидација. За состојбата во затворите повеќе може да каже министерството за правда, но не е аргумент на кој може да се повикува Груевски, посочи Спасовски.

Македонија | пред 7 години

Беџети тактизира - под притисок вели дека нема да ги легализира дивоградбите на Матка

Градоначалникот Блерим Беџети, под притисок на јавноста но и на централната власт се премисли и најави дека платформите поставени на Матка за кои самиот кажа дека се дибоградби нема да бидат легализирани бидејќи општина Сарај ќе ги одбие поднесените барања.Сепак кога барањата ќе бидат одбиени, Беџети не кажа конкретно, бидејќи нема прецизен законски рок во кој Општината треба да одлучи.  Беџети смета дека случајот со платформите дивоградби сака да го искористи Град Скопје кој сака да ги одземе ингеренциите на Сарај и да формира јавно претпријатие кое би стопанисувало со Кањонот Матка.Инаку Амет Саиди и Исмаил Саиди се двајцата инвеститори кои што бараат легализација на дивите платформи на кањонот Матка.Од Град Скопје велат дека ниту се надлежни ниту можат да одземаат ингеренции на општина Сарај, за јавното претпријатие кое треба да управува со Матка велат се уште немаат конкретни информации во чии ингеренции ќе биде.Дополнително во непосрдна близина на дивите платформи се води уште еден спор за објект чијашто легализација веќе е поништена а сопственоста на објкетото ја спорат Федерацијата на планинарски спортови и Македонската православна црква. За случајот со дивоградбите на Матка министерот за транспорт и врски Горан Сугаревски најави дека утре ќе ги повика сите инспекциски служби надлежни за случајот.

Скопје | пред 7 години

Судот забрани продажба на книгата „До атентатот и по него“, за авторот Стојан Андов

Основниот суд Скопје-2 донесе решение за привремена мерка, забрана на продажба и располагање на книгата на Стојан Андов „До атентатот и по него“ по тужбата на Љубомир Фрчкоски за повреда на неговите лични права, односно за клевета во врска со атентатот на поранешниот претседател Киро Глигоров.Во книгата Андов имплицира за можна вмешаност на екс-политичари меѓу кои и тогашниот министер за внатрешни работи Љубомир Фрчковски во атентатот на првиот претседател на независна Македонија, Киро Глигоров.Од судот соопштија дека забраната за продажба на книгата ќе важи се до завршување на постапката за утврдување на наводната клевета на Андов.

пред 7 години

Силјановска почнува во Охрид, а Пендаровски таму завршува

Охрид, според навестувањата, ќе биде во центарот на претстојната изборна кампања за претседател на државата, што е очекувано со оглед на поклопувањето со вонредните избори за градоначалник на оваа општина, која важи за една од најатрактивните во државата, а во минатото таму се бележеа чести осцилации во политичкото расположение на граѓаните. ВМРО-ДПМНЕ, традиционално, и за претстојните избори го избра Охрид како стартна позиција за кампањата, која почнува на 1 април. СДСМ, пак, планира таму да го одржи завршниот митинг пред првиот изборен круг, односно на 18 април, пред почетокот на изборниот молк.Исто како и пред предвремените парламентарни избори во декември 2016 година, карваните на двете најголеми партии и годинава, најверојатно, ќе стартуваат од Охрид и од Прилеп, каде што владејачката коалиција ќе го одржи првиот митинг, а неколку часа пред тоа претседателскиот кандидат Стево Пендаровски, всушност, ќе го има првиот кампањски настап во Крушево. Од СДСМ велат дека последните кампањи ги почнуваат од Прилеп како симбол на победа што, како што велат, беше потврдено и на последните локални избори.Интересен е податокот дека во однос на распоредот на митинзи и други технички прашања пред претстојните избори се одвива поинтензивна координација од вообичаената меѓу штабовите на тројцата претседателски кандидати: Пендаровски, Гордана Силјановска-Давкова и независниот кандидат Блерим Река, кој доби поддршка од Беса и Алијансата на Албанците. Овој принцип беше договорен на неодамнешната средба меѓу лидерите на СДСМ и на ВМРО-ДПМНЕ, Зоран Заев и Христијан Мицкоски, во насока на обезбедување фер и регуларен изборен процес кој би влијаел позитивно и на оценките на ЕУ пред одлуката околу датумот за преговори.Повеќе на Независен.мк

Македонија | пред 7 години

Филипче: Подобро да купуваме приватно здравство, отколку да вложуваме во државни болници

Во гостувањето во Топ тема на телевизија Телма, министерот за здравство Венко Филипче, објасни што значи најавата за јавното приватно партнерство во брзата помош и зошто се иницирал овој процес. Новата намера на министерството за здравство е државата да почне да купува здравствени услуги од приватните здравствени установи.-Проблемите со кои се соочува системот и неговите недостатоци, не натераа да пронајдеме уште едно алтернативно решение кое функционира во многу европски земји. Од физибилити студијата очекуваме да ни каже дали истата сума на средства која што сега се користи за итната помош и набавка на возила, плати и тренинг на вработените, може да се искористи на порационален начин за да имаме поефикасен систем. Како систем постои делумно во Италија, Велика Британија, постои во некои од покраините на Германија, изјави министерот Филипче.Тој праша дали здравствениот систем треба да се занимава со набавка на возила и инфраструктура или градење на згради за болници, или едноставно треба да се ослободи од менаџирање на инфраструктурата и да стане систем кој ќе купува услуги?Министерот Филипче рече и дека брзата помош е терет и непотребен трошок во поглед на одржувањето и сервисот на возилата на брзата помош.Иако министерството за здравство во својот буџет има предвидено набавка на нови амбулантни возила и ќе опремува возила од МЗШВ за потребите на итната помош, сепак ќе водедува и јавно приватно партнерство, односно купување на услугите на брзата помош, за кое Филипче ветува дека граѓаните нема да имаат никаков трошок и двојно плаќање. 

Македонија | пред 7 години

13 сообраќајки во Скопје, едно лице почина

Еден пешак загинал, три лица се здобиле со тешки телесни повреди, а шест лица со лесни телесни повреди во осум сообраќајни незгоди од вкупно 13 што се случиле изминатото деноноќие на подрачјето на Град Скопје. Материјална штета е причините во четири сообраќајни незгоди.Полицијата, според податоците на Министерството за внатрешни работи, од сообраќај исклучила 28 возачи кои се движеле со поголема брзина од дозволената, 17 пред да се стекнат со право на управување моторно возило и тројца почетници.Казнети се и 13 возачи за технички неисправни возила, 12 за нерегистрирани возила, како и 101 возач за непрописно паркирање. Со специјалното возило „пајак“ биле подигнати 79 возила.Полицијата евидентирала и осум пешаци кои поминале коловоз вон пешачки премин, 12 кои поминале коловоз на црвено светло, четири возачи кои поминале крстосница на црвено светло, двајца возачи кои не дале првенство на минување на пешаците на обележан пешачки премин, четворица за неправилно престројување, двајца за неправилно престигнување, четворица за некористење на заштитен шлем од страна на возачите на велосипед со мотор, мопед и мотоцикл, седум за не носење сигурносен појас за време на управување на моторно возило и 13 за користење мобилен телефон за време на управување моторно возило.

Скопје | пред 7 години

Силјановска: Многу скоро јавноста ќе се убеди дека сум личност, а не нечија марионета

Професорката и кандидатка за претседател на Македонија, Гордана Силјановска-Давкова во интервју за весникот ВЕЧЕР, вели дека нејзините противкандидати немаат проблем со новото име, но таа има.За мене е најважно дека покрај поддршката на ВМРО-ДПМНЕ ја имам сета слобода да ја моделирам кампањата, да имам сопствена изборна програма и да испраќам пораки до електоратот согласно со моето лично и професионално кредо, а тоа е право и правда за Македонија. Убедена сум, вели во интервјуто кандидатот на ВМРО-ДПМНЕ, дека многу скоро јавноста ќе се убеди дека сум личност, а не нечија марионета. Ајде да почнеме со поправање на штетите на оваа власт, па за неколку години да дојдеме во ситуација која сега можеби се чини невозможна“, порачува Силјановска Давкова.На прашањето дали е партиски или натпартиски кандидат таа вели дека ја цени поддршката на ВМРО- ДПМНЕ, но важно е да има слобода при изборната кампања.„Да ве потсетам дека ВМРО-ДПМНЕ организираше отворен и фер натпревар во рамки на партијата и дека мене не ме “кооптираа” или “избра” картел на партиски врхушки. Тоа што партијата се покажа отворена кон личност, која доаѓа надвор од нејзините редови и притоа е жена, зборува за значителен прогрес. Второ што сакам да нагласам е дека освен одлуката на Конвенцијата, јас на своја страна ги имам и потписите на граѓаните, поддршката на поголем број помали партии (од кои неколку ги претставуваат и другите етнички заедници), но и поддршка на колеги, интелектуалци, уметници, итн. Сепак, за мене е најважно дека покрај поддршката на ВМРО-ДПМНЕ ја имам сета слобода да ја моделирам кампањата, да имам сопствена изборна програма и да испраќам пораки до електоратот согласно со моето лично и професионално кредо, а тоа е право и правда за Македонија. Убедена сум дека многу скоро јавноста ќе се убеди дека сум личност, а не нечија марионета“, вели Силјановска Давкова.Силјановска нагласува дека за неа е најважно дека Македонија преживува и минува премрежија и вели дека сега е време да ја ставиме на нозе и да тргнат нештата по патот по кој одат демократиите и социјалните држави во кои во центарот на политиката е човекот, а не елитите.Целото интервју може да го прочитате ТУКА.

Македонија | пред 7 години

Нема фотографија

Облачно време со пониски температури

Денес на повеќе места ќе има зголемена облачност и ќе дува умерен североисточен ветер, па дневната температура дополнително ќе се намали за 2 до 3 степени. Во крајните јужни делови и утре ќе има услови за краткотраен локален дожд.Дневните температури ќе бидат во Скопје 17, Маврово 10, Битола 15, Охрид 13, Кавадарци 17, Крива Паланка 13, Берово 11, Дојран 17 степени.Утре ќе биде сончево со мала до умерена облачност, а само во јужните делови претпладне променливо облачно. Ќе дува слаб до умерен ветер од североисточен правец.Максималните дневни температури ќе бидат во Скопје 16 степени, Маврово 11, Охрид 13, Битола и Кавадарци 16, Крива Паланка 14, Берово 12, Дојран 17...

Македонија | пред 7 години

По инцидентот со Јанакиески и Ристовски поставени дополнителни рефлектори на шеталиштето во затворот во Шутка

Затвор Скопје ги спроведе препораките од Управата за извршување санкции.По инцидентот во затворот во Шуто Оризари, кога беа нападнати поранешните министри, Миле Јанакиески и Спирот Ристовски, Управата за извршување на санкциите наложи управата на казнено-поправната установа да преземе неколку мерки, пишува „Фокус“.Надзорот на Управата на 15-ти овој месец покажал дека управата во затворот ги реализирала сите задолженија.При надзорот директорот на КПУ Затвор Скопје – Ѓоко Котевски посочил дека во најкус можен рок е постапено и реализирани се задачите дадени од директорот на Управата за извршување на санкциите.Целиот текст можете да го прочитате тука.

Македонија | пред 7 години

По несреќата кај Ласкарци, Образование до училиштата: Внимавајте кој ве вози на екскурзиите

Министерството за образование и наука соопшти дека им укажало на сите основни и средни училишта да бидат особено внимателни при изборот на туристичките оператори, кои ќе ги ангажираат за реализација на училишните екскурзии, пишува Сакамдакажам.мк„Имајќи предвид дека училишните екскурзии се составен дел од воспитно образовниот процес на учениците и помагаат за остварување на одредени цели од наставните програми, доставивме укажување до сите основни и средни училишта да бидат особено внимателни при изборот на правните субјекти, односно туристички оператори кои ќе бидат ангажирани за реализација на екскурзиите, со оглед на последните случувања, односно сообраќајната несреќа со фатални последици по животот и последици по здравјето на повеќе наши сограѓани“, се вели во соопштението од Министерството за образование и наука.Ова соопштение дојде откако Министерството на прашањето на САКАМДАКАЖАМ.МК дали ќе стави мораториум на екскурзиите во основните и средните училишта откако истрагата на Основното јавно обвинителство Скопје утврди дека до автобуската несреќа кај Ласкарци, во која починаа 15 лица дошло поради криминални практики на превозникот.Целиот текст можете да го прочитате тука

Македонија | пред 7 години

Тодоров: ВМРО-ДПМНЕ и да има 80 пратеници, нема да го поништи Преспанскиот договор

Поранешниот министер од редовите на ВМРО-ДПМНЕ, Никола Тодоров во вечерашното интервју на 1ТВ рече дека ВМРО-ДПМНЕ мора да настапи доблесно во однос на Договорот од Преспа.-Јас се немам скарано со Мицкоски и одлуката да ме исклучат ме изненади, со оглед дека јас застапував став за референдумот во рамки на ставот на партијата: секој да постапи по свое уверување. Јас излегов и реков дека бојкотот не е правилен, и да се излезе и да се гласа со поништување на ливчето. Сега може да се протолкува дека во еден момент во историјата ВМРО-ДПМНЕ не била баш на вистинската страна. Доколку раководството не успее да фати приклучок во оваа поголема слика, тогаш ќе дојде до негова смена. Цел свет го поздравува Преспанскиот договор, дури и Русија го прифати. Доколку претендираш да станеш премиер, тие работи мораш да ги сфатиш. Ако како партија сте одбрале дека сте против тој Договор, тогаш пред меѓународната заедница треба храбро тоа да им го кажете: кога ќе дојдеме ние на власт, ќе го поништиме Договорот. Или доколку знаете дека Договорот е завршена работа, тогаш храбро треба на граѓаните да им кажете дека тоа е така. ВМРО-ДПМНЕ и да има 80 пратеници, нема да го поништи Договорот. Реперкусиите од тоа би биле преголеми, рече Тодоров.

Македонија | пред 7 години

Ванковска: Ќе беше најдобро Кацарска да си молчи

Билјана Ванковска се огласи на својот Фејсбук профил по изјавата на судијката Добрила Кацарска дека пресудата за Игор Дурловски и била најтешко донесена ослободителна пресуда во кариерата.“На Кацарска најтешко ѝ паднала ослободителната пресуда за Игор Дурловски! Слушаш и не ти се верува. Барем да си молчеше.Токму попладнево си разговараме со Богдан Бгданов за ликот на вистинскиот херој на ова време. Не се тоа оние кои се јуначат на ФБ/во кафеана и на зборови, туку овој човек кој остана достоинствен и исправен ОД ПОЧЕТОК ДО КРАЈ, од учеството на протестите, па до крајот на судењето!А онаа негова насмевка нема никогаш да ја заборавам, бидејќи додека беше во притвор тој со насмевка не’ смируваше нас кои бевме вознемирени и загрижени иако на слобода.Тој нам ни даваше кураж, наместо ние нему! Така постапува само човек со мирна совест и големо срце! И за тоа му благодарам од се’ срце”, напиша Ванковска на Фејсбук.

Македонија | пред 7 години

Ќулавкова: Никој во државата не беше овластен за потпишување на Преспанскиот договор

Никој во државата не беше овластен, немаше мандат да потпишува таков договор во смисла на тоа дека предмет на договори со Грција под капата на ОН беше името на државата, но не и дефиниција на македонскиот идентитет, воведување на два идентитета, еден во Македонија, еден во Грција. Понатаму, извесна подреденост на државата Република Македонија или Република сега Северна Македонија, вели академик Катица Ќулавкова во вечерашното гостување во емисија Само вистина на Канал 5.Според Ќулавкова со Преспанскиот договор како држава ќе мораме да бараме мислење и одобрување од страна на Грција со што на тој начин ни е нарушен државниот суверенитет.Со тој договор исто така има еден рестрективен однос по однос на некои прашања како што е македонскиот јазик, тој се признава ама се дефенира како дел од групата на словенски јазици. Ние македонскиот јазик го имавме признато во личната карта на ОН досега и таму и ние знаеме дека тој е дел од јужнословенските и словенските јазици, но сепак мислам политички договор нема зошто да го одредува така во една класифицирана форма, истакна таа.

Македонија | пред 7 години

Кој се ќе одговара пред ОЈО за изградбата на Али Пашината џамија?

Основното јавно обвинителство Охрид постапува во предмет кој се однесува на изградбата на Али Пашината џамија. Предметот е оформен веднаш по добиени сознанија и беше заведен против едно правното лице и едно физичко лице, а по прибавување на тековна состојба од Централниот регистар на РМ, предметот е проширен и против правно лице од Охрид и одговорното лице.Во текот на постапувањето по предметот се прибавени повеќе писмени документи, а кои се однесуваат на реконструкцијата на Али – Пашината џамија во Охрид. Од конзерваторското одобрение произлегува дека правното лице на ден 08.06.2016 година добило конзерваторско одобрение за конзерваторско – реставраторски работи и реконструкција на Али – Пашината џамија во Охрид. Видно од точка 6 на диспозитивот на ова одобрение, работите на конзервација и реконструкција на Али – Пашината џамија во Охрид може да се изведат врз основа на правосилно одобрение согласно со прописите на градење. Тоа во пракса подразбира дека правното лице од Охрид било должно да побара такво одобрение од Министерството за транспорт и врски, бидејќи согласно законските прописи категоријата на градбата подразбира дека за такво одобрение е надлежно Министерството за транспорт и врски, а не подрачната единица на истото министерство во Охрид.Во текот на јавнообвинителското постапување беа превземени повеќе дејствија, пред се насочени кон спречување на штетни последици од кривичното дело. Од тие причини, од Основниот суд беше побарано да се донесе решение за забрана за преземање определени работни активности кои се поврзани со кривично дело, односно забрана за преземање и изведување градежни работи на објектот и таква мерка со Решение од 13.02.2018 година беше донесена кон осомничените.По извршен увид на терен се воочи дека мерките на претпазливост не се почитуваат од страна на осомничените, а за утврдување на промената на фактичката состојба во повеќе наврати од страна на Јавниот обвинител е издадена наредба до градежен инженер, кој излегуваше на лице место во присуство на полициски службеници. При тоа извршено е фото - документирање на состојбата на лице место, а градежниот инженер истата ја констатира во вештите наоди.Со оглед дека постапувањето по судското Решение е во надлежност на Управата за заштита на културно наследство која е носител на Конзерваторското одобрение, но и до Министерството за транспорт и врски, поточно Државниот инспекторат за градежништво и урбанизам, како и поради тоа што интензивно се преземаат дејства за изградба на минарето на наведената џамија и покрај изречените забрани од страна на судот, јавното обвинителство има доставено информација до надлежните со цел да се иницира поведување на инспекциски надзор.На 11 март, Основното јавно обвинителство Охрид беше известено од страна на Централниот регистар – регистрациона канцеларија од Охрид за непосредните изведувачи на работите на терен. По добивањето на овие информации наведените правни и физички лица се додадени како осомничени во предметот.Воедно, од Основниот суд во Охрид согласно член 39, во врска со член 146 ст.1 т.7 и чл. 147 ст.6 од Законот за кривичната постапка е побарано издавање на забрана за преземање на определени работни активности кои се поврзани со кривичното дело, односно забрана за преземање на градежни дејствија на наведената недвижност и кон овие четири лица.

Македонија | пред 7 години

На повидок Стратешкиот План за приоритетни акции за Дримскиот басен и Езерата

Денес во Скопје во рамките на Дримскиот Процес и ГЕФ Дримскиот Проект се одржува работен состанок на Фокус Групата за изработката на Стратешкиот акционен план на целиот слив на реката Дрим. На работниот состанок учествуваат преставници на надлежни институции од земјата меѓу кои преставници на Кабинетот на Заменик Премиерот на Владата, преставници на Министерството за животна средина, преставници на АД ЕЛЕМ, на Општина Охрид, Агенцијата за планирање на просторот , Хидробиолошкиот завод , УХМР и преставници на НВО секторот,академската заедница и на меѓународните организации УНДП и ГИЗ.Состанокот го отворија националниот координатор на ГЕФ Дримскиот проект Дејан Пановски, раководителот на секторот Води при МЖСПП Илбер Мирта и координаторот на проектот од GWPMed Димитрис Фалутсос.- Процесот за заедничко управување со Дримскиот Басен е во позитивно критична фаза на донесување на Стратешкиот Акционен План за сливот што е документ кој државите ќе го преговараат, ќе утврдат приоритети и ќе ја запознаат донаторската заедница со идните планови за управување. Во тоа влегува и управувањето со сливот на Охридско езеро за што се изработува и интегрален Менаџмент план.

Скопје | пред 7 години

Започна седмата сезона на интернационалниот проект “Фудбал за Пријателство”

Македонија по трет пат дел од интернационален проект кој го поттикнува и слави спортскиот дух Москва, Русија, 20 март 2019 година - Компанијата Газпром (Gazprom), официјален партнер на УЕФА Лигата на Шампиони, ја започна седмата сезона на “Фудбал за Пријателство“, најголемиот општествено- одговорен проект во светот наменет за деца вклучени во спортот. Македонија оваа година трет пат по ред ќе биде учесник во овој проект кој минатата година во текот на Светското првенство во фудбал во Русија обедини 211 земји и територии од целата планета. Овогодинешниот Форум, дел од проектот, ќе се одржи од 28. мај до 2. јуни во неделата на одржување на финалниот натпревар од УЕФА Лигата на Шампиони во главниот град на Шпанија, Мадрид. Цел на проектот и оваа година е да го поддржи развојот на детскиот и младинскиот спорт, промовирајќи здрав и активен начин на живот и негување на почит и толеранција помеѓу различни нации и култури ширум светот.Момчиња и девојчиња, меѓу кои и деца со физички недостатоци и посебни потреби, секоја година учествуваат во програмата “Фудбал за Пријателство“, во чии рамки заедно промовираат девет вредности: пријателство, еднаквост, фер игра, здравје, мир, посветеност, победнички дух, почит кон традициите и чест.Македонија и оваа година ќе учествува со свои претставници во рамки на проектот “Фудбал за Пријателство“, локално поддржан од агенцијата “АПРА Портер Новелли Македонија“.Во текот на одржувањето на седмата сезона на проектот “Фудбал за Пријателство“, ќе бидат реализирани различни активности и настани во земјите ширум светот. Составот на “Интернационалните Тимови за Пријателство “ ќе биде одреден во текот на “Отворената Ждребка“, а тимовите ќе бидат именувани по ретки животински видови, во согласност со мисијата на овој проект за заштита на животната средина. И оваа година, низ целиот свет ќе биде одбележан “Интернационалниот ден на Фудбал и Пријателство“, во чии рамки деца и возрасни ќе бидат дел од различни активности за поддршка на проектот – спортски пријателски натпревари и отворени часови за пријателство, притоа разменувајќи “Алки на Пријателство“ – официјален симбол на проектот кој со својата сина боја го означува мирното небо, а со зелената – фудбалскиот терен.Младите Новинари - децата од целиот свет ќе учествуваат во работата на Интернационалниот детски прес центар кој ќе известува за настаните и активностите од новата сезона на проектот “Фудбал за Пријателство“.Децата – новинари ќе се обучуваат да станат вистински репортери и да ги искористат новостекнатите знаења за да известуваат за завршните настани во рамки на проектот кои ќе се реализираат во Мадрид, рамо до рамо со водечки светски медиуми кои и оваа година директно ќе го следат настанот.Покрај своите врсници во улога на известувачи, фудбалски играчи или млади тренери, оваа година за прв пат учество во проектот ќе имаат и млади судии кои посетуваат курсеви за фудбал во своите матични земји. Сите тие, заедно, активно ќе учествуваат во програмата “Интернационален камп за Пријателство“ која опфаќа низа образовни и спортски работилници и активности, предводени од страна на фудбалски асови, тренинзи под будното око на младите тренери, како и стручни предавања и забавни содржини - дел од “Школата за деветте вредности“.Како дел од завршната манифестација ќе биде одржан и “Интернационалниот Форум на Фудбал и Пријателство“. Дополнително, главниот настан од финалната фаза на проектот - “Светско Првенство во Фудбал и Пријателство” ќе се одржи на плоштадот Плаза Мајор, во самото срце на Мадрид. Активностите во рамки на седмата сезона на проектот ќе бидат заокружени со присуство на сите учесници на финалето на УЕФА Лигата на Шампиони кое ќе се одржи на стадионот “Ванда Метрополитано“ (Wanda Metropolitano).“Проектот ’Фудбал за Пријателство’, кој се организира под покровителство на компанијата Газпром, преку спортот негува универзални човечки вредности кај младите генерации. Рушејќи ги сите бариери помеѓу луѓето, овој проект им дава можност на младите да почувствуваат припадност преку неговите цели и овозможува нивниот глас да биде препознаен. ’Фудбал за Пријателство’ како проект ја поттикнува креативната работа во мулти-културен амбиент, со што исклучително допринесува за создавање на глобално спортско општество.“ – истакна Микаел Пуќ (Miquel Puig), Сопственик и Директор на Младинската академија “Soccer Barcelona“.Според Ананја Камбоџа, млада новинарка од Индија, проектот “Фудбал за Пријателство“ благодарение на својот глобален досег, исклучителна популарност и позитивните вредности кои ги промовира, претставува моќно средство за надминување на општествените и економските бариери, а истовремено им помага на младите да се спознаат самите себеси и да се доближат до светот околу нив.

Македонија | пред 7 години

Заев ги ислуша од „Совест“, побара стопирање на градежните активности и жолта лента околу џамијата

Премиерот Зоран Заев, денеска ги ислуша поплаките од здружението „Совест“. По средбата на која му беа лично образложение сите аргументи за поплаките на охриѓани за неправилностите  при реконструкцијата на Али Пашината џамија во центарот на Охрид, побара да се запрат сите активности, и објектот да се заобиколи со жолта лента, поточно побарал мораториум на било какви активности за Али Пашината џамија.Дали овие активности ќе се спроведат конечно, или станува збор за предизборни ветувања, ќе покаже времето.Инаку од здружението „Совест“ барајќи правдина, со поплаку стигна до премиерот. На денешната средба во премиерскиот кабинет беа в.д градоначалникот Константин Георгиески, помошник раководителот на секторот за урбанизам во општина Охрид Бранко Арнаудов, директорката на завод и музеј, Елеонора Новаковска и претсставниците од здружението „Совест“, Михаил Трендафилов, Михаил Арнаудов и Томе Џамтовски.Премиерот Заев посочи дека институциите ќе постапат согласно законите и дека преку дијалог со сите засегнати страни, а имајќи ја во предвид сензитивноста на прашањето, ќе се изнајдат решенија во интерес на граѓаните на градот Охрид и на државата која останува посветена на заштита и промоција на богатото културно наследство што го поседува градот Охрид.На средбата посебно било потенцирано од сите присутни дека Охрид и Охриѓани од секога биле и се за хармоничен живот и соживот. Тие од секогаш живееле во хармојија. Овој чашата ја прели беззаконието и градењето без дозвола во срцето на Охрид. 

Македонија | пред 7 години

Минарето се гради ден и ноќ – надлежните од институциите „не гледаат“

Дали градењето на минарето во џамијата без дозвола, во строгиот центар на Охрид уште еднаш покажува дека одредени поединци имаат поголема моќ од институциите во државава?Ден среда 20 март, сончево време, повеќе него било кога раздвиженост по Охридската чаршија. Меѓу нив инспектори, полицајци, судии, обвинители, архитекти, граѓани ... сите поминуваат покрај објект кој се гради убзано без одобрение, но очигледно никој не гледа.Знаеме дека Охридското Основно јавно обвинителство покрена правна постапка против правни и физички лица за неправилности при реконструкцијата на Али Пашината џамија во центарот на Охрид. Но, нема детали за ова обвинение.Дознаваме дека била побарана и забрана за преземање на градежни дејствија, затоа што „осомничените презеле градежни дејствија само врз основа на добиено конзерваторско одобрение во 2016 година, но не поседувале правосилно одобрение согласно прописите за градење од Министерството за транспорт и врски, без што не смееле да отпочнат активности за реконструкција на Али Пашината Џамија“.Но, и покрај ова минарето се гради. Никој очигледно многу „помоќен“ не ги почитува забраните? Зошто?Од општинскиот инспекторат единствениот градежен инспектор и покрај тоа што има налог од обвинителството да реагира, сепак си молчи.Единствени кои реагираат се медиумите кои се обидуваат да ја разбудат „правната држава“ па секојдневно објавуваат видеа и фотографии од тоа дека не се почитуваат одлуките, како и здружението „Совест“  кои барајќи правда денеска стигнаа до премиерот, кој очигледно до сега не видел што се случува во Охрид.Според в.д градоначалник н Охрид, Константин Георгиески, се` уште има простор да се изнајде решение за проблемот со минарето на Али Пашината џамија во Охрид. Според него, треба да се исцрпат сите можности пред граѓаните да започнат со протести.Министерот за транспорт и врски пак Горан Сугарески при последната посета на Охрид порача дека институциите кои се надлежни во овој дел не треба да си ги префрлаат ингеренциите една на друга, туку треба да постапат согласно законот.– Градежниот инспекторат треба да постапи по сите точки кои не се во одобрениот план, дециден беше министерот Сугарески.Битен фактор во оваа сложувалка е и Управата за заштита на културно наследство.Од таму јаки на збор велат дека продолжувањето на изградбата на 32 метри високото минаре на Али Пашината џамија е запрена од страна на инспекцијата. Тие информираат дека во петокот излегле на терен утврдиле неправилности и отстапувања од конзерваторското одобрение поради што инвеститорот е и парично санкциониран.Но, сето ова е само на хартија. Очигледно инспекторите и институциите се во длабок зимски сон. Додека тие се „разбудат“, последното опело на правната држава ќе биде испеано токму од 32 метарското Минаре, затоа што од таму не само што ќе слушнат, туку и ќе го видат сите од било кој дел на Охрид.   

Македонија | пред 7 години

МВР пиша 113 казни за еден ден во Скопје

Во текот на изминатиот ден (19.03.2019 година) на подрачјето на Секторот за внатрешни работи Скопје превземени се мерки и активности и констатирано е дека 40 возачи управувале возила со брзина поголема од дозволената. Од сообраќај се исклучени 15 возачи од кои: 14 возачи затоа што управувале возила без да се стекнат со право за управување на моторно возило и еден возач затоа што бил возач-почетник.Исто така, исклучени од сообраќај се и 18 возила бидејќи 13 биле нерегистрирани и пет возила биле технички неисправни. Санкционирани се шест возачи поради поминување на крстосница на црвено светло, тројца возачи поради недавање првенство на минување на пешаци, двајца возачи поради неправилно престигнување, 21 возач поради неносење сигурносен појас за време на управување на моторно возило и 27 возачи поради користење на мобилен телефон при управување на возило.Во однос на пешаците санкционирани се двајца пешаци поради поминување коловоз вон пешачки премин. Во текот на изминатиот ден издадени се 113 мандатни платни налози и 71 возило се подигнати со специјално возило "пајак". Изминатиот ден се случиле осум сообраќајни незгоди во кои едно лице се здобило со тешки телесни повреди, а пет лица  со телесни повреди.

Скопје | пред 7 години

Кацарска: Иако Камчев ми е куќен пријател, не можам да донесам одлука во негова корист

Судијката Добрила Кацарска синоќа гостуваше на 1Тв каде рече дека Мицкоски може да спие мирно зошто кај неа немало нарачани пресуди, дека одлуката за Дурловски и е најтешка ослободителна пресуда донесена некогаш, и дека и честитаат по улица за одлуката за 27. април.Таа спомена и дека Орце камчев на кој му се суди во Империја и е пријател.Таа рече дека нејзиниот татко и таткото на Камчев биле другари, а додека пак нејзината ќерка веќе 10 години работела во приватната клиника „Систина„ која е во сопственост од Орце Камчев.-Орце Камчев ми е куќен пријател. Мојот татко и неговиот татко беа другари. Мојата ќерка 10 години работи во Систина кај Орце Камчев, но јас не можам да донесам одлука во корист на Орце Камчев, иако сме пријатели со години, вели таа.

Македонија | пред 7 години

Горан Ангелов - Ќосето: Власта се cpaми од тоа каква им е татковината, затоа ја менуваат

Горан Ангелов-Ќосето на Фејсбук преписка до својот пријател Кристијан Јандриовски, порачува дека Македонците имаат свои предавници наместо да се опаметат бараат Нобелова награда. Ангелов беше лидер на патриотското здружение од Велес и осуден е на 12 години затвор за собраниските настани од 27 април.„Kико брат! Јас знам дека секој народ има свои изpoди кои повеќе се грижат за својот џеб отколку што се грижат за народот и неговата судбина.Но изгледа дека македонскиот ги има повеќе од било кој друг народ. Истите тие пpeдавници, наместо да се опаметат и ги признаат своите грешки, тие за тоа бараат награда ( Нобелова ).Кpaжбата на една нација никогаш не застарува, и еден ден за тоа народот ќе си ја побара сметката да ја нaплaти.Ни еден cyдија не е точен како времето кое доаѓа за нaплaтa и времето кое бара да се соочиме со тоа што ни стои во совеста. Тоа време иде.Сега тие ја глодaaт среќата која им припаѓа на други, на тие што се нaпaтени и што останале во оваа земја да се бopaт за подобро утре. Тие што се сега на власт се cpaмат од тоа каква им е татковината, и за тоа ја менуваат, ја обeзличyвaaт, затоа тие и не припаѓаат кај неа.Ниеден чесен син и ќерка не се cpaми од својата мајка, тие се cpaмат.Мерката за патриотизам е да си спремен да yмpeш во секој момент за својата земја, тие тоа го немаат, тие ги имаат мерките за предавcтвa, кои ние никогаш одблиску нема да ги знаеме кои се и како изгледаат.Затоа брат, упати поракава до сите ….Време е за ОБЕДИНУВАЊЕ. Доста е кaвги и нecpeќи, време е сите да застанеме заедно и да и го тргнеме овој товap на татковината. Товap наречен Власт.Обединете се сите под ВМРО-ДПМНЕ, и заедно испорачајте им ја сметката на Предавниците.Заедно против Тиpaнот, браќа и сестри!Да Живее Македонија!!“, стои во објавата на Фејсбук.

Македонија | пред 7 години

Силјановска до Пендаровски: Извини што ви избега Груевски

Под хаштагот #СтевоИзвини професорката Гордана Силјановска Давкова одговори на предизвикот од противкандидатот за петседател на Република Македонија Стево Пендаровски да се извини. Силјановска секој ден му се „извнува“ на Пендаровски за апсурдни работи, какво што е впрочем и неговото барање за извинување – апсурдно.„Извини што ви избега Груевски и што никој од владата на Република Македонија (без тоа на С) не понесе ни најмала одговорност за бегството“, напиша Силјановска Давкова на Твитер.

Македонија | пред 7 години

Кацарска за пресудата за Дурловски: Ова ми е најтешко донесена ослободителна пресуда

Судијката Добрила Кацарска во вечерашното интервју на 1ТВ рече дека пресудата за Игор Дурловски и била најтешко донесена ослободителна пресуда во кариерата.-Во мојата кариера имам донесено повеќе ослободителни пресуди, но ова ми е најтешко донесена ослободителна пресуда. Ги имаме сите докази, но не произлезе дека Дурловски го сторил делото за кое беше обвинет. Мора да нагласиме дека обвинението е само за 27 април, а не за она што се случувало претходно. За Дурловски имавме докази дека влегол во Собранието, ја пеел химната, но не можеше да се поврзе со другите обвинети. Да имавме уште еден доказ, пресудата немаше да биде ослободителна, рече Кацарска.

Македонија | пред 7 години

Подметнат пожар во Дебрца

Нема ни свест ни казни !Пожар беснее во општина Дебрца и стигна то магистралниот пат Охрид - Кичево во атарот на село Врбјани.На фотографиите кои ги испратија читатели на „Скопје 1“ се гледа огнот кој стигнал до патот, а според сведочењата на читателите тие разговарале и со лице кое им кажало дека запалило стрниште и предизвикало пожар.Екипи на противпожарната служба во моментов пристигнале на терен и почнуваат со гаснење.ГОРИ НА СИТЕ СТРАНИЕден месец гори трската во плиткиот дел на езерото на брегот кај Струга која се пали намерно со бензин. Гори трска и во општина Охрид околу болницата „Костозглобна“ која исто така се пали со бензин. Изгоре трска и во Преспа. Горат ниви и стрништа од Охрид до Скопје, а горат и Скопска Црна Гора како и планините околу Струга. Чад го обвива и аеродромот во Охрид бидејќи околу него луѓето неколку дена палат ѓубре и стрништа.Државата до сега никого не казнила за ова неодговорно однесување на поединци кое може да биде многу опасно дури и катастрофално.

Македонија | пред 7 години