КАФЕ

Научниците открија кој напиток помага за посилни коски

Научници десет години следеле речиси 10.000 постари жени за да го испитаат влијанието на чајот и кафето врз здравјето на коските, а резултатите покажале дека чајот има поповолно влијание.Истражувањето на Универзитетот „Флиндерс“, објавено во списанието „Nutrients“, покажало дека жените кои редовно пијат чај имале поголема минерална густина на коските на колкот во споредба со оние што не пијат чај. Според научниците, ова укажува дека чајот може да има заштитен ефект против остеопороза.Експертите посочуваат дека една од три жени постари од 50 години во текот на животот се соочува со остеопороза, состојба што може да доведе до сериозни скршеници, особено на колкот.Во анализата биле споредувани жени кои пијат чај и кафе со оние што не ги консумираат овие напитоци. Резултатите покажале дека љубителките на чај имале нешто подобра густина на коските, а научниците велат дека и мали подобрувања можат да значат помал ризик од скршеници кај големи групи луѓе.Како можен фактор за позитивниот ефект на чајот се наведуваат катехините – растителни соединенија што можат да го поттикнат создавањето и да го забават разградувањето на коските.Кај кафето, резултатите биле посложени. Умереното консумирање од две до три шолји дневно не покажало значително негативно влијание, но кај луѓето што пиеле пет или повеќе шолји дневно била забележана поврзаност со помала густина на коските.Истражувачите сметаат дека причината најверојатно е кофеинот, кој може делумно да ја намали апсорпцијата на калциум. Сепак, тие нагласуваат дека овие ефекти се мали и можат да се ублажат со додавање млеко.Научниците предупредуваат дека резултатите треба дополнително да се потврдат и кај други групи луѓе, но оценуваат дека умереното пиење чај може да биде едноставен начин за поддршка на здравјето на коските, особено кај постарите жени.

Магазин | пред 1 ден

Еве како секојдневното пиење кафе влијае на црниот дроб

Утринската шолја кафе би можела да има повеќе придобивки од само будење. Истражувањата покажуваат дека пиењето две до три шолји црно кафе дневно може да го намали ризикот од фиброза и цироза на црниот дроб за 25 до 40 проценти.Истражувачите и лекарите објаснуваат дека заштитниот ефект е поврзан со антиоксидансите и соединенијата што помагаат во намалување на воспалението и заштита на клетките на црниот дроб, пишува EatingWell.„Поврзаноста меѓу кафето и здравјето на црниот дроб е едно од најконзистентно потврдените откритија во научната литература“, вели диететичарката Јохана Кац за Parade.Таа објаснува дека редовното консумирање кафе може да го намали ризикот од фиброза и цироза на црниот дроб, а најсилни ефекти се забележани кај луѓето што пијат две до три шолји дневно.Диететичарката Витни Стјуарт додава дека кафето содржи полифеноли и дитерпени што помагаат во намалување на воспалението и ги поддржуваат природните процеси на детоксикација во црниот дроб.Според неа, кафето може да помогне и во намалување на ензимите ALT и AST, чие ниво се зголемува кога црниот дроб е под стрес или оштетен.Истражувачите наведуваат и дека редовното пиење кафе е поврзано со помал ризик од безалкохолна масна болест на црниот дроб, фиброза и рак на црниот дроб.Сепак, експертите предупредуваат дека е важно и како се пие кафето.„Овие придобивки се однесуваат на црно или благо засладено кафе, а не на слатки напитоци со многу сирупи и шеќер, кои можат да придонесат за развој на масен црн дроб“, вели Стјуарт.Покрај умереното консумирање кафе, стручњаците препорачуваат балансирана исхрана, редовна физичка активност и ограничување на алкохолот за зачувување на здравјето на црниот дроб.

Магазин | пред 2 седмици

Научниците открија како кафето може да го забави стареењето

Научници открија нов механизам преку кој кафето потенцијално придонесува за подобро здравје и подолг живот, а според најновото истражување, кофеинот има многу помала улога отколку што досега се мислеше.Студијата на Универзитетот Texas A&M покажала дека главниот ефект против стареење најверојатно доаѓа од растителните соединенија во зрното кафе, а не од кофеинот. Истражувањето е објавено во научното списание Nutrients.Научниците анализирале како соединенијата од кафето влијаат врз рецепторот NR4A1, протеин кој ја регулира активноста на гените како одговор на биолошки стрес. Според биохемичарот Стивен Сејф, овој рецептор има важна улога во заштитата на телото од оштетувања и воспаленија.Истражувањето покажало дека одредени соединенија од кафето се врзуваат за рецепторот NR4A1 и можат да го намалат растот на клетките на рак, како и воспалителните процеси во организмот. Кога рецепторот бил отстранет од клетките, овие ефекти исчезнале, што дополнително ја потврдило неговата улога.Иако кофеинот исто така се врзува за рецепторот, научниците утврдиле дека неговото дејство е значително послабо во споредба со полифенолните и другите растителни соединенија во кафето.Кафето содржи повеќе од 1.000 различни хемиски состојки, меѓу кои и хлорогенска и кофеинска киселина, што го прави исклучително сложен напиток. Научниците предупредуваат дека се потребни дополнителни истражувања за целосно да се разбере како овие соединенија дејствуваат во човечкото тело.И покрај позитивните резултати, истражувачите нагласуваат дека кафето е само дел од здравата исхрана и дека корисните растителни соединенија можат да се внесуваат и преку овошје и зеленчук.

Магазин | пред 3 седмици

Бразил очекува рекордна жетва на кафе во 2026 година, но цените ќе останат високи

Бразил очекува рекордна жетва на кафе во 2026 година благодарение на поволните временски услови, соопшти државната управа за храна Conab.Бразилските производители би требало во 2026 година да произведат 66,2 милиони вреќи кафе од по 60 килограми, што е за 17,1 отсто повеќе отколку во 2025 година. Ова би значело дека производството ќе ја надмине рекордната 2020 година кога беа произведени 63,1 милион вреќи.Производството на сорта арабика би требало да порасне за повеќе од 20 отсто, на 44,1 милион вреќи, додека кај сортата робуста се очекува пораст од 6,4 отсто, на 22,1 милион вреќи.„Продуктивноста е подобрена благодарение на поволните временски услови низ целиот циклус на културата, воведувањето технологии и добри практики за управување на полињата“, посочуваат од Conab.Продукцијата по хектар се очекува да порасне за 12,4 отсто, на 34,2 вреќи, покажува извештајот објавен во четвртокот.Водечкиот производител на арабика, Миннас Жераис, се очекува оваа година да произведе 32,4 милиони вреќи кафе, за 26 отсто повеќе отколку лани, благодарение на врнежите и здравите растенија. Водечкиот производител на робуста, Еспирито Санто, ќе го зголеми производството за девет отсто, на 19 милиони вреќи, благодарение на „добрата дождовна сезона“.И покрај новиот рекорд во производството, цените на кафето можеби ќе останат високи, посочуваат од Conab.Американското Министерство за земјоделство предвидува дека глобалната потрошувачка на кафе во тековниот циклус ќе достигне рекордни 173,9 милиони вреќи, додека залихите на крајот на сезоната повторно се очекува да бидат пониски отколку на почетокот, петта година по ред, и да се намалат на 20,1 милион вреќи.

Свет | пред 3 месеци

Поскапување на кафето, дрвото какаото...- Европската унија воведува нова регулатива

Од 30 декември 2025 година, Европската Унија ќе почне со спроведување на Регулативата за производи без уништување на шумите (EUDR), со која ќе се забрани увоз на стоки поврзани со деградација на шумските екосистеми. Мерката ги опфаќа клучните суровини како кафе, какао, палмино масло, соја, говедско месо, дрво и гума, како и низа преработени производи – од чоколадо до кожни торби.Иако регулативата има еколошка цел, експерти и бизнис-заедницата предупредуваат на сериозни практични и финансиски предизвици. Компаниите ќе мора детално да докажуваат дека производите не потекнуваат од земјиште неодамна расчистено од шуми, преку прибирање на прецизни геоподатоци и обемни анализи за потеклото.Главниот економист на „Комерцбанк“, Јорг Крамер, за Bild изјави дека административните барања се „поголем проблем од даноците или високите цени на енергијата“, и предложи доказниот товар да биде ставен исклучиво на увозниците. Трговскиот синџир EDEKA предупредува на милиони декларации и долги процедури, додека Мартин Шилер од Fairtrade Germany вели дека иако целта е оправдана, сегашниот модел на имплементација е премногу сложен и финансиски оптоварувачки, без гаранција за поголема праведност.Дирк Хајм од REWE Group смета дека зголемените трошоци веројатно ќе се пренесат врз потрошувачите, што би можело да ја зголеми цената на храната. Шилер дополнително предупредува дека регулативата може да наруши снабдувањето со органски и фер-трговски производи, а воедно воведува и форма на „неоколонијална контрола“, бидејќи најголемиот товар го носат најмалку заштитените – малите производители.

Актуелно | пред 9 месеци

Најголемите производители на кафе повторно ќе ја покачат цената

Најпопуларните бразилски машини за печење кафе, имаат намера да ги зголемат цените на почетокот на следната година, откако лошите временски услови предизвикаа зголемување на цената на суровите зрна.JDE Peet's, производител на брендови како Jakobs, Tasimo и Dove Eggerts, следната година ќе ги зголеми цените во Бразил во просек за 30 отсто, изјавија двајца трговци, повикувајќи се на документи испратени до клиентите на компанијата, објави Ројтерс.Агенцијата посочува дека и Coracoes, планира да ги зголеми цените на кафето за 11 отсто во јануари, иако ги зголеми за 10 отсто во декември, додека Мелита бележи скок од 25 отсто овој месец, по неодамнешното зголемување на цената на 12 проценти.Трговците додадоа дека мултинационалните компании вклучени во производството и трговијата со кафе, исто така, ќе бараат да ги зголемат цените на другите пазари кон крајот на овој месец или почетокот на следната година, кога ќе им истечат долгорочните договори со продавачите.Глобалните цени на сировото кафе скокнаа на рекордно ниво оваа недела и се зголемија за околу 80 отсто оваа година, откако неповолните временски услови во Бразил и Виетнам, најголемите светски производители на кафе, ги намалија очекувањата за приносите.Бразил е втора по големина земја во светот во однос на потрошувачката на кафе, по Соединетите Американски Држави.

Магазин | пред 1 година