КОЧАНИ

Трагедија во Кочани - десетици жртви и повредени во пожар во дискотека

Катастрофален и трагичен пожар се случи ноќеска околу 03.00 часот во Диско клубот Пулс во Кочани.Стравични сцени и драматична борба за спасување на повредени и преживеани се случуваше во раните утрински часови.Бројот на жртви засега никој него знае, се спомнуваат десетици. Оваа информација е непотврдена и се чекаат институциите! Во гаснењето на пожарот и спасување на младите пристигнаа против пожарни екипи од сите градови на околината,како и возила и медицински екипи.Се претпоставува дека оваа страшна трагедија која не е забележана во историјата на Кочани, се случила од светлосните ефекти во диското за време на концерт на групата ДНК. Повеќе информации во текот на денот. 

Македонија | пред 1 година

Бројот на жртви се утврдува - први информации за пожарот во дискотека во Кочани

„Сите надлежни служби, вклучително и јавен обвинител од Основното јавно обвинителство Кочани се на терен. Бројот на жртви и повредени се утврдува. Се уште се преземаат дејствија и се врши увид.Јавниот обвинител на Република Северна Македонија, како и основните јавни обвинители на ОЈО Скопје и на ОЈОГОКК се на пат кон Кочани. На кочанското обвинителство ќе му бидат ставени на располагање сите капацитети на обвинителствата за итно постапување“, велат од Обвинителството.

Македонија | пред 1 година

(Видео) Над 30 жртви, десетици повредени - при бегањето имало стампедо, починале од гушење, дел биле заглавени

Над 30 жртви, претежно млади лица, има од пожарот во дискотеката „Пулс“ Кочани. Ова се неофицијалните информации кои се добиваат од вклучени во истрагата од институциите, по страшната трагедија. Точниот број и натаму се утврдува.  Има и многу повредени лица кои се однесени низ болниците во државата.Ваква трагедија, Македонија не памети. Според првичните информации, пожарот избувнал околу три часот изутрина. По првиот чад, гостите тргнале кон излезот, каде се створило стампедо и хаос.Огнот брзо се ширел. Дел од гостите биле жртви на огнот, а дел се угушиле од чадот. Противпожарните бригади и Брзата помош реагираше брзо. Внатре, според неофицијални бројки, имало стотици гости.Досега се огласија само од Обвинителството.„Сите надлежни служби, вклучително и јавен обвинител од Основното јавно обвинителство Кочани се на терен. Бројот на жртви и повредени се утврдува. Се уште се преземаат дејствија и се врши увид. Јавниот обвинител на Република Северна Македонија, како и основните јавни обвинители на ОЈО Скопје и на ОЈОГОКК се на пат кон Кочани. На кочанското обвинителство ќе му бидат ставени на располагање сите капацитети на обвинителствата за итно постапување“, велат оттаму.На терен е и министерот за внатрешни работи, Панче Тошковски, заедно со директорот на БЈБ, Александар Јанев и директорот на ЦУК, Стојанче Ангелов.Детални и официјални инфорамции очекуваме од институциите.

Македонија | пред 1 година

Повеќе од 50 загинати во трагичната несреќа во Кочани

Според информации од МВР, кои се уште се неофицијално во трагедијата во Кочани загинаа најмалку 50 лица и има глем број на повредени.Во Градската болница „Св. Наум Охридски“ во Скопје хоспитализирани се 27 лица со тешни изгореници на лицето, вратот и рацете, 24 на Клиничкиот центар, 18 во „8 Септември“, од кои двајца во критична состојба.Меѓу повредените се млади лица а и малолетници.Повеќето од повредените лица во пожарот во дискотеката во Кочани што се случи ноческа се пренесени во кочанската општа болница каде се уште им се укажува медицинска помош.

Македонија | пред 1 година

Над 50 лица со тешки повреди од дискотеката „Пулс“ - сите болници мобилизирани

Над 50 лица со тешки повреди од дискотеката „Пулс“ во Кочани се префрлени во скопските клиники. Во Градската болница во Скопје се хоспитализирани 27 лица, додека 24 лица се во Клиничкиот центар. Повредени се примаат и во болницата „8 септември“.Во акцијата се вклучени и хеликоптери, па дел од повредените се транспортираат и во клиниката „Жан Митрев“. Во сите медицински установи имало мобилизација.Полесно повредените медицинска помош добиваат и во кочанската болница.Семејства и роднини на лицата одат од болница до болница и бараат информации за нивните блиски. На терен, сите институции работат координирано и се собираат точни информации, по што ќе излезат со детали.

Македонија | пред 1 година

(Фото) За над 15 лица кои биле во дискотеката се бараат информации на социјалните мрежи

Роднини и пријатели преку социјалните мрежи ги бараат своите блиски кои вчера биле на концертот во дискотеката „Пулс“ во Кочани. Над 16 фотографии кружат на социјалните мрежи. Во Клиничкиот центар во Скопје е истакнат список со повредени, а голем дел се во тешка состојба.Над 50 лица со тешки повреди од дискотеката „Пулс“ во Кочани се префрлени во скопските клиники. Во Градската болница во Скопје се хоспитализирани 27 лица, додека 24 лица се во Клиничкиот центар. Повредени се примаат и во болницата „8 септември“.

Македонија | пред 1 година

Над 70 повредени во скопските болници - има и малолетници, најголем дел од повредените имаат изгореници

Над 70 повредени од пожарот во дискотеката во Кочани се хоспитализирани ви скопските болници. Загрижувачки се информациите дека помеѓу повредените има малолетници. Во болницата „св. Наум Охридски“ се примени 27 пациенти на возраст од 16 до 46 години. Неофицијалните информации се дека има над 50 жртви.„Вкупно се хоспитализирани 27 пациенти. Во моментов се прават хируршки обработки на последните примени. Сега за сега, пациентите се во стабилна состојба. Изгорениците се сериозни, во однос на длабочината и колку од телото е зафатено. Најголем дел од пациентите имаат изгореници на вратот и лицето, што се очекуваат компликации во наредните денови“, рече директорот Небојша Настов, кој раководи со болницата „св. Наум Охридски“.Во Клиничкиот центар се примени 34 лица. Најголем дел се веднаш пренесени во Клиниката за пластичка хирургија. Две лица се во критична состојба, пет се на одделот за интензивно лекување.Засега е познато дека тројца се пренесени со хеликоптер во болницата „8 септември“. Во текот на ноќта, возилата на Брза помош и по двапати се враќале да транспортираат повредени.

Македонија | пред 1 година

(Видео) Први снимки од моментот кога се пали дискотеката во Кочани

Пиротехнички средства се најверојатно предизвикувачите на големиот пожар, во кој има над 30 жртви во ноќниот клуб „Пулс“ во Кочани. „Скопје1“ дојде до две видеа на кои се гледа моментот кога се пали кровниот дел од клубот, на што реагира и Панчо од ДНК и бара од присутните да го напуштат клубот.„Идете надвор, идете надвор, ќе се вратиме“, вели Панчо, по што се гледа како се реагира за гаснење на пожарот, а Панчо повторува: „Идете надвор сите“.Според првичните информации, само во Клинички центар Скопје има 28 хоспитализирани, дел од нив се борат за живот.

Македонија | пред 1 година

„Се прави регионална депонија по европски стандарди“, Министерството за животна средина бара разбирање од жителите на Кочани кои се уште го блокираат патот

Жителите од Кочани продолжуваат со протести на патот кон Пониква, кој води и кон комуналната депонија во близина на селото Бели. Како што најавија блокадите ќе траат деноноќно сè до целосно исполнување на нивните барања.„Во моментот сообраќајот се одвива непречено по една коловозна лента кон Пониква, исто така и кон село Бели, а од страна на граѓаните е најавено дека единствено до депонијата ќе бидат пропуштени возила од КЈП Водовод Кочани, но не и возила од други општини“, извести АМСМ.Според жителите чадот од градската депонија во Кочани изминатиот период беше причина за повеќе предупредувачки протести на жителите, кои подолг временски период се соочуваат со овој проблем, а истиот стана сериозен откако на Градската депонија започна да се депонира и отпадот од соседните општини, како дел од обврските што се наметнаа со проектот изградба на регионална депонија кај светиниколско Мечкуевци.Од Министерството за животна средина и просторно планирање ги повикуваат жителите на Кочани да имаат разбирање оти државата, како што велат, е длабоко навлезена во процесот на воспоставување на регионален систем за управување со отпадот во Источниот и Североисточниот регион, што треба да резултира со трајно, одржливо и безбедно управување со отпад.„Самиот процес е комплексен и опфаќа повеќе работни задачи. Досега се набавени возила и опрема за собирање на отпадот за сите општини во двата региона (вкупно 18) во вредност од 8 милиони евра. Во моментов во тек е затворање на нестандардните депонии и ѓубришта во Источниот Регион, се очекува во најбрзо време да започне и во Североисточниот Регион – Прва фаза (околу 8 милиони евра), а претстои изградба на Централна постројка за управување со отпад која се состои од погон за селектирање, постројка МБТ, депонија, постројка за композитор, зелена точка за Источен и Североисточен регион во Св.Николе и шест локални капацитети за управување со отпад – претоварни станици, постројки за компостирање и зелени пунктови за Источниот и Североисточниот регион“, соопшти МЖСПП.Оттаму посочуваат дека последните две активности се со вкупна вредност од повеќе десетици милиони евра, за што постапката за јавна набавка е објавена и се очекува договорот да биде склучен, по што се очекува во првата половина од 2025 година да започнат градежните работи. Предвидениот рок за завршување на градежните работи е 18 месеци.Во втора фаза, следува затворање на сите нестандардни депонии во двата региони, по што целокупниот отпад ќе се одлага на Централната депонија во Св. Николе преку трансфер станиците.Од министерството нагласуваат дека обврската за управување на општинските нестандардни депонии кои во првата фаза ќе останат отворени (се до изградбата на Централната постројка во Св. Николе) и имаат обврска да го примаат отпадот од веќе исчистените и затворени нестандардни депонии во одреден број општини, останува на општините и јавните комунални претпријатија, а Владата останува посветена да ги помогне со цел воспоставување регионалниот систем според највисоките европски и светски стандарди.„Во однос на депонијата во Кочани информираме дека таа има обврска да го прима отпадот од општините Виница, Чешиново, Облешево и Зрновци. Свесни за недоволните капацитети за управување со депонијата на Јавното комунално претпријатие што неодамна резултираше со палење на отпадот на кочанската депонија, како Влада излеговме во пресрет и обезбедивме поддршка со механизација за безбедно тековно управување со локацијата во Кочани“, велат од МЖСПП.Според министерството, пожарите кои се случуваа во минатото не зависат од количината на отпадот, туку од несоодветното управување со локацијата.За ресорното министерство, забраната за пристап до локацијата за депонирање не е решение и не оди во прилог на почиста животна средина туку само ја влошува состојбата за која веќе се потрошени неповратни средства.

Македонија | пред 1 година

(Видео) „Што народ сме ние?!“

Вработените во КЈП „Водовод“ од Кочани кои се задолжени за собирање и складирање на отпадот во градската депонија, утрово најдоа кучиња фрлени во отпад.Јавно прашаа: Што народ сме ние?!

Македонија | пред 1 година

Хеликоптер на МВР фрли 83 тони вода врз пожарите близу Кочани и Маврови Анови

Денеска (13.08.2024), хеликоптерот Ми-171 од хеликоптерската единица за посебни намени при МВР од Одделот за воздухопловни единици, дејствуваше врз пожарите во околината на Кочани и Маврови Анови.Во 31 налет исфрлени се 83 тони вода.

Македонија | пред 1 година

Поплавени домови, паднати столбови, оштетени возила - хаос во Кочани

Локалната самоуправа на Кочани преку своите комунални редари ги сумира штетите од невремето што доцна синоќа ја зафати општината и предизвика поплавување кај индивдидуални и стопански објекти во градот, јавува Канал осум.На прес-конференција градоначалникот Љупчо Папазов оцени дека се работи за природна стихија чии последици ќе се отстрануваат во текот на наредните денови, при што поддршка во рамки на можностите ќе даде и Општина Кочани.-Добиени се поголем број пријави за поплавени домови и дуќани во централното градско подрачје, за паднати столбови за напојување со електрична енергија и за телефонска комуникација, опожарување на електрични броила, оштетени моторни возила, како и кратко спојување на жици за електрична енергија што се закануваше да предизвика пожар, а го санираа припадниците нја ТППЕ – Кочани. Според првичните согледувања, најголеми штети има во подрумските и приземните простории на индивидуалните објекти за живеење, но поплавени се и простории во ОУ „Св. Кирил и Методиј“, во ресторанот „Але-дар“, дел од производствените хали во компанијата „Амфенол Технолоџи Македонија“, а има пријави и за штети во неколку други приватни компании. На терен во текот на целиот ден се екипи на противпожарната единица, на комуналното претпријатие „Водовод“, на ЕВН и други служби, кои заедно со нашите комунални редари ги регистрираат негативните ефекти од обилните врнежи, истакна градоначалникот Папазов.Во обраќањето до јавноста, тој упати апел до сопствениците на објекти кои претрпеле штета од невремето да поднесат пријава до Комисијата за проценка на штети од елементарни непогоди, најдоцна до 1 август. Заедно со пријавата треба да приложат копија од имотен лист или друг документ за докажување сопственост, копии од лична карта и трансакциска сметка, како и фотографии од настанатата штета, доколку ги имаат.

Македонија | пред 3 години