левица

Левица: На вработените во МОК платата им доцни - Димески да си поднесе оставка

,,На вработените во Македонски олимписки комитет, платата и соодветните придонеси им доцнат и по неколку месеци, што говори за непрофесионалноста на претседателот на МОК, Даниел Димески.Уште поголем сомнеж за работењето на Димески е и фактот дека Јавното обвинителство има покренато предистражна постапка за наводните финансиски малверзации во самиот комитет.Но ова не е прв ваков случај во кој е споменат Димески. Покрај овие наводи, вреди да се напомене дека Димески е вмешан и во сомнителното доделување на закуп на имот на „Кале“.Освен тоа, до Јавното обвинителство беше покрената и друга постапка поврзана со спортот што се однесува на спортските ваучери, каде Антикорупциската комисија утврдила сомневања за злоупотреба и непочитување на ваучер-системот за финансирање на спортски клубови и фондации.Поради сето ова, Левица бара од претседателот Димески да си поднесе оставка!Левица како политичка партија која се залага за транспарентност и правда, бара и итна истрага и одговорност за сите наводни злоупотреби и финансиски малверзации кои се случуваат во Македонскиот олимписки комитет!Јасно е дека е потребна промена на раководството за да се врати довербата на спортистите и јавноста во оваа институција.Во интерес на спортот и спортската иднина на Македонија, ќе се бориме против сите форми на криминал и корупција и ќе се бориме да обезбедиме праведен и транспарентен систем за сите граѓани.”, велат од Левица.

Македонија | пред 1 година

Левица: ВРЕДИ и ЗНАМ скандалозно склучиле формален договор за партиски вработувања

,,Деновиве е обелоденет скандалозен документ дека Максим Димитриевски, како градоначалник на Куманово, склучил Меморандум за соработка со „Алијанса за Албанците и Алтернатива“. Членови на овие партии, со по еден освоен советник добиваат 30% учество во општинските установи и јавни претпријатија, нивните управни и надзорни одбори - што само го потврдува етнополитизирањето на институциите и ги надминува пропорциите предвидени со погубниот Охридски рамковен договор!Додека формално се залагаат за укинување на балансерот, ВРЕДИ и ЗНАМ тераат договори со партиски вработувања по квота, со што де факто признаваат местење на конкурси на директори кои по закон се избираат со јавен оглас.Практично, додека во јавноста постојано гледаме како партиите кои формираа Влада глумат опозиција сами на себе, под закрила на националната пизма, позади затворени врати сложно го делат државниот колач. Потврдата дека ЗНАМ во Влада е кооперативен со балистичката ВРЕДИ беше дадена пред неколку дена од Орхан Муртезани.Јасна е соработката помеѓу проектот ЗНАМ со балистичките субјекти Алијанса за Албанците и Алтернатива, кои многукратно во овој краток период, го погазија македонското знаме и јазик, ги злоупотребија функциите за претставување моќ и ги преименуваат улиците од имиња на македонски партизани во имиња на балисти.Ухлебувањето по етнопартиски клуч во општинските установи не било доволно, па така, Димитриевски се обврзал на тоа да додели минимум 27% од инвестициите по желба на партиите кои освоиле вкупно два, односно по еден советник.Ова е само ситница од заткулисните игри позади затворени врати. Додека во јавноста гледаме како ЗНАМ се оградува од шовинистичките политики на „ВРЕДИ“, комплетно очевидна е совршената соработка зад затворени врати.Оттука, и покрај утврдената состојба за коалициски долгогодишната соработка, Левица ги повика пратениците на ЗНАМ да покажат барем малку достоинсто и да застанат на вистинската страна при гласањето на интерпелацијата за спикерот Африм Гаши. Во спротивно, наместо да се заштити угледот на функцијата и достоинството на државата, ЗНАМ останува алатка која го поддржува дивеењето и варваризмот на Гаши!”, велат од Левица.

Македонија | пред 1 година

Маричиќ продал археолошко наоѓалиште на Анѓушев за поставување на фотоволтаици, тврди Левица

„Приватната компанија поставила фотоволтаици над археолошкото наоѓалиште Градиште во Кавадарци, а за тоа добила зелено светло од Управата за заштита на културното наследство на Република Македонија! Станува збор за поставување на панели, како и копање на довод на површина на опфат од фрапантни 0,9 хектари заштитена зона (археолошко наоѓалиште) оттуѓено од Република Македонија со потпис на Бојан Маричиќ!“, велат од Левица и додаваат:​​​Инвеститор е фирмата „Енерџи меинтененс солушнс“ (ЕМС), дел од конзорциумот „Фероинвест“, во сопственост на поранешниот вицепремиер на СДС, Кочо Анѓушев, управувана од Тодор Анѓушев!Општина Кавадарци, пак, во август, 2023 добила барање од фирмата (уште пред да го откупи земјиштето) за урбанистички проект вон опфат на урбанистички план за изградба на кабелски 10(20) кВ подземен вод!По стручно мислење на лице од Националниот конзерваторски центар и по мислење од Управата за заштита на културното наследство на Република Македонија дека НЕМА културно наследство на парцелите кои инвеститорот ги бара, Советот на Општина Кавадарци, ја изменува Програмата за изработка на урбанистички планови и ја објавува одлуката за тоа во бр.38 Службен гласник на Општина Кавадараци на 30.8.2023 година, три месеци пред, всушност, земјиштето да биде отуѓено! Одлуката е донесена со еден глас ПРОТИВ од советникот од редовите на Левица, Круме Богевски, и 18 гласа ЗА од ВМРО-ДПМНЕ, СДСМ и „независните советници“!Ја повикуваме новоназначената в.д директорка на Управата, Весела Честоева, која до пред два месеца беше директорка токму во Кавадарци, итно и неодложно да излезе во инспекција на фактичката состојба, а потоа Управата да покрене кривична одговорност: против Маричиќ, кој го продал археолошкото наоѓалиште; против претходниот директор на Управата, Аријан Асланај, и стручното лице од Конзерваторскиот центар, кое го издало мислењето!​​​​​​

Македонија | пред 1 година

Левица: Град Скопје не смее да биде жртва на ДПМНЕ и нивниот кандидат

Скопјани повеќе од две години се заложници на меѓусебното инаетење на Арсовска и Мицковски, кои заедно во предизборната кампања ветуваа ,,Модерно Скопје”. Мицкоски, конечно, призна дека ДПМНЕ ја саботира работата на Град Скопје.По средбата на скопската градоначалничка Арсовска со премиерот Мицкоски, на вчерашната координацијата со координаторите на советничките групи, којашто се одржа во Град Скопје, се насетува извесно затоплување на односите.Интересно е што после координацијата, премиерот Мицковски изјави дека ги охрабрува советниците од ДПМНЕ во Советот на Град Скопје да ги поддржат програмите на јавните претпријатија, со цел да се стави „ред во хаосот“.Оттука се наметнува прашањето:Зошто досега советничката група на ДПМНЕ не ги гласаше овие програми (кој издал таква наредба?) и со тоа директно ја саботираше работата на претпријатијата, што ги прави директни учесници во креирањето на хаосот во Скопје?Град Скопје е во колапс подолго време поради нефункционалноста на јавните претпријатија! Градоначалничката Арсовска на неколку месеци ги менува директорите на претпријатијата, додека, пак, советниците на ДПМНЕ во Советот на Градот не ги гласаат програмите според кои работат јавните претпријатија. Згора на сè е тоа што ДПМНЕ, коешто има мнозинство во управните и надзорните одбори на јавните претпријатија, дополнително ја отежнува работата на претпријатијата.По повикот на Мицкоски до советниците од неговата партија, не знаеме како ќе гласа советничката група којашто го има мнозинство во Советот на Градот.Останува да видиме дали ќе има доза на вразумување на седницата којашто ќе се одржи следниот четврток, но повеќе од сигурно е дека штетата што ја направија со досегашното саботирање на клучните програми, скопјани ќе ја чувствуваат уште долго.

Македонија | пред 1 година

Левица: Министерката Јаневска има намера да го укине бесплатниот превоз за студентите и средношколците

,,Министерката Јаневска продолжува со нејзините крајно дрски и скандалозни изјави. Таа денеска ја дополни оваа низа најавувајќи дека во Буџетот на државата нема пари за бесплатен градски превоз за студентите и средношколците бидејќи не постоело основ за дотација кон град Скопје!Во Ребалансот изгласан од коалицијата ДПМНЕ-ВРЕДИ-ЗНАМ не се предвидени средства за бесплатен градски превоз за младите, ниту пак планираат да го покријат долгот од 8 милиони евра кон градот Скопје, односно кон и така финансиски руинираното ЈСП. Ваквата ситуација сериозно ја доведува во опасност мерката бесплатен превоз за студентите и средношколците која е од витално значење за младите!Загрижувачка е неинформираноста на Јаневска за постоењето на оваа мерка која датира од 2016 година. Дополнително, министерката крајно дрско и неуко изјави дека ова било ветување кое таа и актуелната владина гарнитура не е должна да го реализира бидејќи не ветувала бесплатен превоз!Владата која во предизборието ветуваше подигнување на стандардот и сериозен фокус на младите, не само што нема план да го подобри стандардот, туку очигледно започнува и со укинување на досегашните мерки, т.е. штедење и водење каприц на грбот на младите!Бараме Владата итно да го подмири долгот кон град Скопје за да не дојде до укинување на оваа клучна услуга за младите. Не можеме да дозволиме неинформираноста и политичките игри дополнително да ги загрозат правата и благосостојбата на студентите и средношколците!Црвена Младина не само што ќе се бори за заштита на веќе постоечките мерки коишто се во интерес на младите, туку и ќе работи на нивно проширување, вклучувајќи воведување на целосно бесплатен меѓуградски превоз за учениците и студентите.”, велат од Левица.

Македонија | пред 1 година

Левица: Со поддршката на Гаши, Мицкоски го поттикнува неговото дивеење

,,Најавата за еднаквост пред законите од партиите на власт е претворена во фарса пред варварското поведение од претседателот на Собранието, Африм Гаши. Најавата на Мицкоски дека ДПМНЕ нема да ја поддржи интерпелацијата е само поддршка за газењето на Уставот, кршењето на законите и злоупотребите на деловникот од страна на собранискиот спикер, кому сето ова му „успеа“ за пократко од 100 дена.Збеснатиот Гаши смогна сили и непосредно по поднесувањето на интерпелацијата да направи нов скандал, одејки со службено возило и собраниско обезбедување на свадба во друга држава - дејствие проследено со блокирање на границата и овозможување нелегален нејзин премин од други возила; скандал, не помал од оној кога неговото обезбедување вадеше пиштол на полициски службеник.Децидни сме дека Африм Гаши нема ниту углед, ниту интегритет да ја врши функцијата претседател на Собранието и заради тоа бараме поддршка за интерпелацијата во седум точки:1. Повреда на секуларноста на државата;2. Повреда на дипломатските правила за обезбедување на ВИП - личности;3. Повреда на употребата на македонскиот јазик;4. Повреда на правилата за употреба на државните инсигнии;5. Повреда на начелото на инкомпатибилност на функциите;6. Повреда на законските и етичките одредби за антинепотизам;7. Повреда на низа деловнички одредби за нормална работа на пратениците!Сметаме дека доволно е срушен угледот на државата за да се толерира овој варваризам! Повторуваме и потсетуваме дека стоиме на располагање и даваме бланко - поддршка на пратениците од ДПМНЕ за смена на Претседателот на Собранието и избор на нов собраниски спикер од нивната пратеничка група.Левица уште еднаш ги повикува пратениците на ДПМНЕ да престанат да ги штитат антидржавните и косовски елементи во сопствената коалиција и Влада, кои непрекинато ги ништат угледот и достоинството на државата.”, велат од Левица.

Македонија | пред 1 година

Левица: ДПМНЕ е продолжена рака на СДСМ - последиците од договорот со ,,Бехтел и Енка" врз грбот на граѓаните

,,ДПМНЕ е продолжена рака на политиката на СДС по однос на ,,Бехтел и Енка"! Двете партии заеднички работат на реализација на скандалозниот, коруптивен и неисплатлив проект каде единствените црвени линии се интересите на странскиот фактор и неговиот капитал.Гласачите и по ова прашање беа излажани од ДПМНЕ, па така наместо на раскинување, Владата работи на удоволување на барањата на американско-турскиот конзорциум.Левица претходно предупреди дека на проектот на „Бехтел и Енка“ власта ќе раскрчмува по два отсто од БДП во следните пет години! Политиките донесени на сила од претходната Влада, едноставно, се спроведуваат на сила од актуелната. Излевањето на народните пари во странски конзорциуми не е далеку од единствената штета.Потсетуваме дека соработката со ,,Бехтел и Енка" е проследена со грандиозни скандали од првиот ден. За да им се удоволи на нивните барања беа променети дури девет закони.Целосно беше избегната јавната набавка и проектот се спроведува без тендер, а како личен договор. Се погази цивилизациското право на работниците за 40 - часовна работна недела, а веќе се исплатени и милионски суми, така што наместо резултат, добивме штета: прво - буџетска, а сега и директно врз граѓаните.Досега, речиси, секоја активност на Конзорциумот беше проследена со протести и блокади од граѓаните. Нивната работа оштети археолошки локалитети. Поради минирање настрадаа многу домови и религиски објекти, а под огромна опасност се изворите на вода за пиење и наводнување, коишто се од витално значење за Прилеп и околните села.Потсетуваме дека при носењето на законите по барање на ,,Бехтел и Енка", Левица поднесе над 6500 амандмани за да ги спречи истите. Владата на ДПМНЕ и ЗНАМ наместо да го прекине овој погубен и криминален процес преполн со скандали, се впушти во негова дореализација.Новата Влада како пречка во наредна фаза од реализацијата ја гледа експропријацијата на имотите на граѓаните.Потсетуваме дека со законските измени се овозможи повеќе да не биде задолжително чекањето правосилност на одлуката за експропријација, туку може да располагаат со имотот штом одлуката за експропријација стане конечна. Тогаш ДПМНЕ обвини дека носењето на овој закон е противуставен и на штета на граѓаните.Од новата Влада бараме да биде доследна на своите политички ставови и изврши законски измени во насоката за која претходно се залагаше. Во спротивно, сè останува груба предизобрна фарса и продолжување на политиката на СДСМ!”, велат од Левица.

Македонија | пред 1 година

Левица: Одењето по невеста е причина повеќе ДПМНЕ да ја изгласа интерпелацијата за Гаши

,,Скандал се случи викендов кога претседателот на Собранието, Африм Гаши, со службено возило и државно обезбедување одел на свадба во Косово и Метохија, а за сопствените приватни потреби го блокирал целиот граничен премин.Функционерските привилегии се стимулатор на расипничко однесување на функционерите, без разлика дали се избрани или именувани. Нивната секојдневна злоупотреба беше извор на проблеми во претходната Влада, но истото продолжуваат да го прават и функционерите од новиот владин состав.Дивеењето на коалицискиот партнер на Мицкоски и ДПМНЕ е евидентно уште од конститутивната седница! За збеснатиот Гаши, Левица веќе поднесе интерпелација во Собранието по седум точки и истата чекаме да биде ставена на дневен ред. Бланко - поддршката за избор на претседател на Собранието од редовите на ДПМНЕ останува.Потсетуваме и дека пред само неколку недели, обезбедувањето на Гаши впери пиштол во полициски службеник на скопскиот аеродром.Нагласуваме дека Левица е единствената политичка партија која во својата програма и платформа се залага за УКИНУВАЊЕ НА ПРИВИЛЕГИИТЕ за функционерите! По однос на злоупотребата на службените возила, мерките кои ги предлагаме се:- Укинување на привилегиите, ПАТНИТЕ ТРОШОЦИ и апанажите на избрани и именувани функционери, во сите нивоа на власта;- Воведување специјални ЦРВЕНИ РЕГИСТАРСКИ ТАБЛИЧКИ за службените возила на државните органи, општините и јавните претпријатија;- Воведување на задолжителни ,,GPS - ЛОКАТОРИ", со цел мониторинг на тоа кој каде и за што ги вози службените возила;- Ограничување на бројот на службени возила на министерствата на максимум 3-5 автомобили и воведување лимит од максимум цена на возило.Само со укинување на функционерските привилегии ќе се спречи нивна злоупотреба! Луксузирањето на политичарите на сметка на граѓаните не смее да биде пракса.”, велат од Левица.

Македонија | пред 1 година

Зошто власта го крие идентитетот на вработените во Министерството за односи меѓу заедниците, прашуваат од Левица

,,Новиот министер за односи меѓу заедниците предложен од страна на ДПМНЕ, Иван Стоилковиќ, пред околу еден месец како дел од својата ПР - стратегија за тоа „колку работи“ новата Влада, до македонската јавност пред медиумите го покажа списокот на вработени во поранешното министерство на Артан Груби, којшто се чуваше како државна тајна. Идентитетот на тие вработени, власта продолжува да го крие.Секторот за Политички систем на #Левица за да ја истражи валидноста на оваа наводна транспарентност, испрати барање за информација од јавен карактер до Министерството за односи меѓу заедниците, за тоа кои се: раководителите, вработените и советниците во Министерството, а ги побара и нивните службени е-адреси, бидејќи противзаконски, не се достапни на веб-страницата на Министерството.Министерството за односи меѓу заедниците законски е обврзано во рок од 20 дена да даде повратен одговор за тоа кои се луѓето во тајност коишто добиваат плата од народниот буџет и што точно тие сработиле сите овие години претходно.Но, како и до сега, не добивме никаков одговор од новото раководство, заради што ќе биде поднесена соодветна жалба до Агенцијата за слободен пристап до информации од јавен карактер.Поради тоа, од Левица прашуваме:Зошто власта го крие идентитетот на вработените во Министерството за односи меѓу заедниците?Евидентно е дека транспарентноста на новиот министер, Иван Стоилковиќ, е, единствено, за пред медиумите и истата наместо некакво решение, служи за дневнополитички поени коишто ја крепат ПР - стратегијата на ДПМНЕ.За жал, под привидот на некакви промени, најконтроверзното министерство, претходно раководено од Артан Грби, продолжува да функционира „како и до сега", а списокот на вработени, бројот на луѓе што добивале плата без да одат на работа и останатите работи правени на сметка на граѓаните, засега, и покрај најавите за нивно расветлување, остануваат мистерија.", велат од Левица.

Македонија | пред 1 година

23 Години Рамковен договор - неосудените воени злосторници носители на јавни функции, вели Левица

„Под силен притисок од страна на колективниот Запад и „стратешкиот партнер“ САД, пред 23 години е потпишан т.н Охридски рамковен договор како решение за повеќемесечниот вооружен конфликт поредизвикан од терористичката УЧК. Со овој договор се официјализираше неоколонискиот статус на Република Македонија, по што етно-трибалистичката политика стана институционализирана!“, вели Левица и додава:По потпишувањето на овој договор, економската елита поткрепена од странски фактор, создаде етнички поларизирана политичка елита, којашто континуирано стимулирајќи етнички раздор, ги задоволува своите профитерски и милионерски нагони, непрекинато ги празни џебовите на граѓаните!Убедувањето од апологетите на Рамковниот договор дека ќе воспостави соживот и хармонична општествена состојба помеѓу различните етникуми во Македонија додека се задржува нејзиниот унитарен карактер никогаш не стана пракса! Наместо ова, ОРД и последователните Уставни измени ја имаат институционализирано поделбата помеѓу различните етникуми преку озлогласениот „Балансер“, и доведе до сегрегација на етничка основа и воспоставување на консоцијален политички систем, којшто не само што ги влошува меѓуетничките односи, туку и постепено води кон нарушување на унитарниот карактер на Републиката!Македонскиот народ како и секој од етникумите што ги вклучува во себе, мора да разберат дека целиот вештачки создаден раздор се создава од страна на политичките елити потписнички на овој договор! Истиот се користи како дериват за одвлекува вниманието од нивните валкани игри, што им служат за полнење на џебовите и создавање се поголема класна разлика.Левица принципиелно се залага за раскинување на договорот и последиците од истиот зареди кои живееме во поделено општество! Потенцираме дека Левица идентично со мислењето од Советот на Европа се залага за процесуирање на „Хашките случаи“ затоа што воените злосторства не застаруваат!Потсетуваме дека засегнати во овие случаи се поранешни високи функционери и сега пратеници од ДУИ како Талат Џафери и лидерот на ДУИ – Али Ахмети, како и многу други поранешни функционери, кои 23 години поддржувани од СДС и ДПМНЕ ја разоруваат македонската држава.Да не се заборави дека дел од актуелните функционери на ДПМНЕ беа дел од пратениците кои во 2011 година гласаа за амнестијата на воени злосторства. Во оваа група пратеници спаѓаат: Министерот Александар Николоски, Потпретседателот на Собранието Антонио Милошоски заменик Министерката за Култура Ане Лашкоска и други.Без осуда на минатото не може де се гради мирно и демократско општество!

Македонија | пред 1 година

Пратеникот Исмаил положи цвеќе во чест на убиените бранители кај Љуботенски Бачила

Два дена по масакрот кај Карпалак, а три дена пред потпишувањето на погубниот Охридски рамковен договор, при прогласено примирје и прекин на огнот се случува масакрот кај Љуботенски Бачила.На денешен ден, пред 23 години, во 08:00 часот наутро, кај месноста Љуботенски Бачила, воен камион на АРМ полн со муниција нагазил на две противтенковски мини при што загинуваат осум припадници на резервниот состав на АРМ, сите од Скопје, а осуммина војници биле повредени.По тој повод, утрово, пратеникот од Левица, Реџеп Исмаил – ХАКТАН, заедно со членови од Левица - Ѓорче Петров положија свежо цвеќе и оддадоа почит пред спомен обележјето на загинатите бранители во Волково, а делегација предводена од модераторот на Левица - Бутел, Дарко Димовски, оддаде почит и положи цвеќе на споменикот на бранителите во село Љубанци.Некои од нас беа дел од воениот конфликт, некои беа родени во виорот на војната, но сите заедно 23 години го имаме истиот горчлив вкус - нивните положени животи се наша обврска!Во таа насока, како политичка партија, Левица, во рамките на своите засегашни можности, преку дела и конкретни чекори докажува дека бранителите не ги заборава и се залага тие никогаш да не се заборават. Иницијативите поднесени од Левица на бранителите и нивните семејства им донесоа низа бенефити и ослободувања.Животот го загубија: Томе Бадаревски (33), Марјанчо Бошковски (28), Томе Димовски (37), Ивица Златевски (24), Бранко Јанев (36), Раде Јанковски (32), Томислав Настевски (27), Гоце Чанкуловски (39).Вечна им слава на јунаците кои животот го дадоа за Македонија! На нивната храброст и патриотизам, терористите ја спротивставиле својата злоба, подлост и кукавичлук!Вечен срам за предавниците кои ги амнестираа терористите!Вечен непребол и незаборав!

Македонија | пред 1 година

23 години од масакрот кај Карпалак

Делегација на политичката партија Левица, предводена од членот на ЦК Игор Димески денес положи свежо цвеќе на местото на масакрот кај Карпалак.На ова место во 2001 година, животот го загубија 10 армиски резервисти, кога нивниот конвој беше нападнат од заседа поставена од (сега амнестираните) терористи на УЧК. Сите резервисти беа родум од Прилеп, а загинаа кога нивниот камион беше во заседа погоден со ракетни фрлачи.Кукавичката заседа на Карпалак беше извршена само четири дена пред потпишувањето на компромитирачкиот и меѓународно посредуваниот Охридски рамковен договор. Дел од тогашните генерали подоцна тврдеа дека во моментот кога не беа сигурни дали ќе се постигне конечната цел на агресорот – пред потпишувањето на (рамковен) договор, се активира притисокот со непотребни човечки загуби, надвор од зоната на воените дејства, за да се „убеди” македонскиот народ дека друго решение нема, туку да се потпише Рамковниот договор.За жал, македонската држава и ниту една власт досега не се оддолжи на бранителите кои животот го положија за одбрана на територијалниот интегритет на Републиката. Вечна им слава на храбрите македонски бранители:- Нане Наумоски, Бранко Секулоски, Марко Деспотоски, Ердован Шабаноски, Љубе Грујоски, Дарко Вељаноски, Веби Рушитоски, Горан Миноски, Сашо Китаноски и Пеце Секулоски.

Македонија | пред 1 година

Левица ќе го поддржи укинување на економските директори на клиниките

Јована Мојсоска, пратеник на Левица, на вчерашната седница на Комисија за здравство истакна дека Левица го поддржува укинувањето на економските директори на Клиниките. Како што истакна Левица ја поддржува секоја политика која се залага за укинување на формирање на паралелни системи.-Тоа го кажавме и за замениците министри, тука се пресликува истата ситуација, односно се работи за функции кои се измислени за да се задоволат апетитие на коалиционите партнери. Во пракса се покажа дека после 20 години овие економски директори се тотално нефункционални, истакна Мојсоска.За нефункционалноста на економските директори Мојсоска кажа дека тоа го потврдува и постојаното растење на долгот на клиниките. Така ако во 2011 година долговите на клиниките изнесувале околку 25 милиони евра, во 2016 долгот стигнува до 50 милиони евра, а во 2023 година вкупниот долг на клиниките е 100 милиони евра. Според Мојсоска тоа докажува дека не се работи за никакво менаџерско работење и дека овие директори не ја исполниле својата улога и намена. Исто така истакна дека македонското здравство е комплетно деградирано.-Сметам дека кај нас јавното здравство не е ниту албанизирано, ниту пак македонизирано, туку е ДЕГРАДИРАНО. Флагрантен пример е болницата во Кичево каде што се лечат и Албанци и Македонци, и после 40 години ниту една партија не успеа да ја изгради таа болница, рече Мојсоска.

Македонија | пред 1 година

Левица: Власта именува директор на затвор од ЗНАМ гонет за несовесно работење

,,На последната Седница на Владата за в.д. директор на КПД Прилеп беше назначен Емил ЈАНЕСКИ, поранешен функционер на СДС, а сегашен член на ЗНАМ. Јанески во 2020 година беше директор на ЈКП „Водовод и канализација“ - Прилеп и против него СВР Битола поднесе КРИВИЧНА пријава за „несовесно работење во службата“ и предизвикување штета врз буџетот од препријатието во висина од 2.3 милиони денари!Токму тогаш, ДПМНЕ на прес-конференција бараше Јавното обвинителство да реагира и да ги расчисти сомнежите за милионската проневера од Јанески. Очигледно е дека криминалните кадри од СДС се инкорпорираа во ЗНАМ, со цел да добијат АМНЕСТИЈА од Мицкоски преку нивниот влез во власта.Левица јавно ја повикува Владата на ДПМНЕ, наместо да дели директорски функции на кадрите од СДС којашто сама ги нарекуваше криминални (кои душмански ја краделе државата) - да ги достави документите за нивното криминално работење до Обвинителството и овозможи фер и транспарентна постапка да се докаже дали и за колку е оштетен народниот буџет.Дополнително, потсетуваме дека Емил Јанески е незаконски назначен за в.д. директор (исто како и Пандов), затоа што тој не е вработен во установата за чиј прв човек се назначува.Согласно законот, за вршител на должност, исклучително може да се назначи лице само од редот на вработените.”, велат од Левица.

Македонија | пред 1 година

Пратениците од Левица остварија средба со кинескиот амбасадор во заминување

,,По повод 97 години од формирањето на Народноослободителната војска на НР Кина, пратениците од редовите на Левица - Реџеп Исмаил - Хактан и Сашко Јанчев присуствуваа на манифестацијата организирана од нивна страна на одбележувањето на овој празник.Воедно, по повод завршувањето на мандатот, Неговата екселенција, Жанг Ѕуо, госпоѓа Јанг Јуанчун и военото аташе, полковник Зу Нинг од страна на нашите пратеници и раководството на партијата им беше посакана успешна дипломатска кариера во иднина.Како идеолошки блиски, Левица во иднина ќе продолжи да ги негува односите со НР Кина, како на партиско, така и на институционално ниво!” велат од Левица.

Македонија | пред 1 година