На 14.02.2026 во 23:30 часот во СВР Скопје, Ќ.К. (39) од скопско пријавил дека истиот ден околу 20:30 часот во село во општина Сарај, по претходна расправија со друг малолетник, неговиот 14-годишен син бил физички нападнат.Според пријавата, малолетникот бил нападнат од врсникот со кој претходно се расправал, како и од неговиот татко Ф.Х., двајцата од истото село.По целосно документирање на случајот ќе следува соодветен поднесок.
Скопје | пред 2 дена
На 15.02.2026 во 22:00 часот во Скопје, полициски службеници од СВР Скопје го лишија од слобода Е.Е. (34) од Скопје, постапувајќи по претходна пријава дека околу 16:00 часот во семејниот дом физички ги нападнал неговата 58-годишна мајка и неговата 30-годишна сопруга.Според пријавата, при нападот тој употребил и остар предмет.По целосно документирање на случајот, против него ќе следува соодветен поднесок.
Скопје | пред 2 дена
На 15.02.2026 во 15:15 часот, С.Д. (59) од Прилеп пријавила во СВР Битола дека додека управувала велосипед во близина на место викано „Маркови Кули“ во Прилеп, едно лице ја турнало од велосипедот, додека друго лице физички ја нападнало и ѝ ја одзело чантата во која имало пари.Полицијата презема мерки за расчистување на случајот и за пронаоѓање на сторителите.
Македонија | пред 2 дена
Министерството за внатрешни работи информира дека на 15 февруари 2026 година во 16:15 часот во ОВР Прилеп, Д.И. (69) од Прилеп пријавил дека од домот се оддалечил неговиот син В.И. (39). Од полицијата соопштуваат дека се преземаат мерки и активности за пронаоѓање на лицето.Претходно, семејството на Виктор Илиоски од Прилеп објави апел за помош, наведувајќи дека му се губи секаква трага од пред два дена. Според објавата на неговата мајка, Роза Илиоска, тој последен пат бил виден околу 14 часот.Во моментот на исчезнувањето бил облечен во тегет јакна, црни тренерки и сиви патики.Случајот е пријавен во полиција, а семејството ги повикува сите граѓани кои имаат каква било информација да се јават на телефонскиот број 076 303 292.
Македонија | пред 2 дена
Министерството за внатрешни работи соопшти дека фотографијата која се споделува на социјалните мрежи, а на која наводно се гледаат камери од системот „Безбеден град“ во Тетово покриени со платно, не соодветствува со реалната состојба на терен.Од МВР информираат дека во СВР Тетово не е регистриран ваков настан, ниту е утврдено какво било оштетување или попречување на камерите поставени во рамки на системот.Според извршените проверки, станува збор за компјутерски генерирана слика или манипулирана фотографија која има за цел да создаде погрешна перцепција во јавноста.Од СВР Тетово апелираат до граѓаните да не наседнуваат на дезинформации кои, како што наведуваат, имаат цел да ја вознемират јавноста или да ја нарушат довербата во безбедносниот систем. Полицијата повикува на одговорно користење на социјалните мрежи и проверка на информациите пред нивно споделување.
Македонија | пред 2 дена
25-годишник загина во сообраќајна несреќа што се случи вчера кај Старо Нагоричане. Повредена е и 20-годишна девојка.-На 15.02.2026 околу 19:05 часот во СВР Куманово е пријавено дека на магистралниот пат Куманово-Крива Паланка, на место викано „Смилчинци“, општина Старо Нагоричане, патничко возило „фолксваген голф“ со кривопаланечки регистарски ознаки, управувано од С.Т.(25) од село Нерав, кривопаланечко, удрило во куче скитник по што преминало во спротивна сообраќајна лента и дошло до директен судир со патничко возило „бмв“ со кривопаланечки ознаки, управувано од Ф.Ј.(27) од село Длабочица, кривопаланечко, информираа од полицијата.Во несреќата со тешки телесни повреди се здобиле двајцата возачи и сопатничките од патничкото возило „бмв“, А.С.(20) и С.Ј.(53) двете од Крива Паланка, констатирани во Општа болница Куманово, каде што возачот С.Т. им подлегнал на повредите. Лекар констатирал смрт, а по наредба на јавен обвинител телото на починатиот е дадено на обдукција.Извршен е увид од увидна екипа на СВР Куманово.
Македонија | пред 2 дена
СВР Тетово поднесе кривична пријава против Г.Ш. (40) од село Бојане, скопско, поради постоење основи на сомнение за сторено кривично дело „посредување во вршење на проституција“ и против Г.Н. (60) од Тетово поради постоење основи за сомнение за сторено кривично дело „помагање“.Според пријавата, Г.Ш., во текот на 2024 и 2025 година во Тетово, во помошен објект од куќата на второпријавениот, овозможувала користење на сексуални услуги. Второпријавениот, Г.Н., свесно и со умисла помагал на Г.Ш., ставајќи ги на располагање просториите од помошниот објект на својата куќа за вршење на услугите.По целосно документирање на случајот, против нив ќе следуваат соодветни кривични пријави пред надлежното обвинителство.
Македонија | пред 2 дена
Две лица пријавиле физички напади во СВР Скопје во изминатите два дена, а полицијата презема мерки за расчистување на случаите.На 14 февруари 2026 година во 20:10 часот, во СВР Скопје, З.А. (60) од Скопје пријавила дека на 12 февруари околу 06:50 часот, на автобуска постојка на подрачјето на Центар, била физички нападната од едно женско лице.Во вториот случај, на 14 февруари 2026 година во 14:10 часот, З.Ш. (72) од Скопје пријавил дека претходниот ден, на 13 февруари околу 16:10 часот, на подрачјето на Центар, по претходно недоразбирање во сообраќајот, бил физички нападнат од едно лице.Од Министерството за внатрешни работи информираат дека се преземаат соодветни мерки и активности за целосно расчистување на двата случаи.
Скопје | пред 3 дена
Три лица физички нападнале тројца вработени во круг на фабрика на подрачјето на скопската населба Ѓорче Петров, информира Министерството за внатрешни работи.Според пријавата во СВР Скопје, на 14 февруари 2026 година во 21:00 часот било пријавено дека околу 11:45 часот три лица со коњска кола влегле во кругот на фабриката. Откако биле забележани и предупредени од тројца вработени дека треба да го напуштат просторот, лицата физички ги нападнале, при што употребиле и дрвени предмети.Од МВР соопштуваат дека се преземаат мерки за расчистување на случајот и за идентификување на сторителите.
Скопје | пред 3 дена
Надворешната канцеларија за криминалистички работи Делчево поднесе кривична пријава против правно лице од Делчево и против Н.Д. (35) од Делчево, сопственик и раководител на правното лице, поради основано сомнение за сторено кривично дело „предизвикување општа опасност“.Според информациите од Министерството за внатрешни работи, пријавените не ги почитувале законските одредби за изградба на објект, утврдени во член 68 и член 70 од Законот за заштита и спасување. Тие не обезбедиле проект за објектот, не поседувале одобрение за градење од надлежен државен орган, ниту пак согласност на елаборат за заштита од пожари и експлозивни материи.Дополнително, дејноста се извршувала без соодветна документација, а објектот не бил евидентиран во Агенцијата за катастар на недвижности.На 1 јануари 2026 година во објектот избувнал пожар, при што во моментот внатре имало сместено околу 30 гости. Со тоа, според МВР, бил доведен во опасност животот и телото на лицата кои престојувале во сместувачкиот капацитет.По целосно документирање на случајот, предметот е доставен до надлежното обвинителство за понатамошна постапка.
Македонија | пред 3 дена
Во СВР Скопје на 14 февруари 2026 година во 20:00 часот било пријавено дека неколку часа претходно се случил сериозен инцидент на градилиште на подрачјето на Кисела Вода.Според пријавата од Н.К. (1974) од Скопје, околу 14:15 часот, И.Д. од Скопје најпрво им се заканувал на двајца вработени кои работеле на објект во изградба. По вербалните закани, тој го стартувал патничкото возило „форд“ и се обидел да ги удри, но во тоа не успеал.Потоа, со возилото удрил во автомобил „сеат леон“ со скопски регистарски ознаки, кој бил паркиран пред објектот. Од силината на ударот, „сеатот“ се придвижил и удрил во друго паркирано возило „фолксваген поло“.Од Министерството за внатрешни работи информираат дека се преземаат мерки за целосно расчистување и документирање на случајот.
Македонија | пред 3 дена
На 14 февруари 2026 година во 17:40 часот на Граничниот премин Долно Блаце, при влез во државата, полициски службеници го лишиле од слобода Л.Е. (36) од Косово.Како што информира Министерството за внатрешни работи, при гранични проверки и пасошка контрола било утврдено дека лицето на увид приложило патна исправа која припаѓала на друго лице од Косово. Според полицијата, станува збор за лице кое било барано од Интерпол и кое на 12 февруари 2026 година било лишено од слобода на истиот граничен премин.Л.Е. е задржан во полициска станица, а по целосно документирање на случајот против него ќе биде поднесена соодветна пријава.
Македонија | пред 3 дена
Тешко повреден велосипедист е епилогот од сообраќајната несреќа што се случила на 14 февруари 2026 година околу 21:40 часот на булеварот „Крсте Мисирков“ во Скопје.Како што информира Министерството за внатрешни работи, во несреќата учествувале патничко возило „фолксваген голф“ со скопски регистарски ознаки, управувано од С.Р. (38) од село Глумово, скопско, и велосипед управуван од Р.С. (55) од Скопје.Во судирот со тешки телесни повреди се здобил велосипедистот, кои биле констатирани во Градската општа болница „8 Септември“ во Скопје.Увид на местото на настанот извршила увидна екипа на СВР Скопје, а се преземаат мерки за целосно расчистување на околностите под кои се случила несреќата.
Скопје | пред 3 дена
Надворешната канцеларија за криминалистички работи Гостивар поднесе кривична пријава против Ш.Ш. (50) и М.А. (24), двајцата од Гостивар, поради постоење основи на сомнение дека сториле кривично дело „неовластено производство и пуштање во промет на наркотични дроги, психотропни супстанци и прекурзори“.Според информациите од Министерството за внатрешни работи, по преземени оперативни мерки било утврдено дека во периодот од декември 2024 година до 31 јануари 2026 година, првопријавениот, сопственик на угостителски објект во село Чегране, гостиварско, вршел продажба на кокаин.Истрагата покажала дека на 17 јули 2025 година, во населбата Питарница во Гостивар, полициски службеници извршиле преглед на едно лице, при што кај него бил пронајден и одземен кокаин. Според наодите, дрогата претходно ја набавил од второпријавениот, кој бил вработен во угостителскиот објект и вршел непосредна продажба на кокаин на корисници.На 31 јануари 2026 година бил извршен претрес во угостителскиот објект во Чегране, при што биле пронајдени и одземени кокаин и гасен пиштол „Екол“ калибар 9 милиметри.Против двајцата осомничени е поднесена соодветна кривична пријава до надлежното обвинителство.
Македонија | пред 3 дена
Двајца возачи се лишени од слобода во акциска контрола што ноќеска ја спроведе СВР Скопје на подрачјето на Центар и Бит Пазар, поради основано сомнение за сторени кривични дела поврзани со прикривање регистарски ознаки.Контролата се реализирала во периодот од 19:00 до 03:00 часот, врз основа на претходно изготвен план за зајакнати активности со цел одржување на поволна безбедносна состојба во централното градско подрачје. При тоа биле извршени проверки на идентитет на 24 лица, преглед на 17 лица и контрола на четири возила.За време на акцијата биле констатирани седум сообраќајни прекршоци, а одземени се две возила согласно член 378 и член 380 од Кривичниот законик. Лишени од слобода се С.С. и М.А., кои управувале патнички возила „мерцедес“ со скопски регистарски ознаки. Против нив се постапува поради сомнение за сторени кривични дела по наведените членови од Кривичниот законик. Дополнително, констатиран е и еден прекршок по член 80 од Законот за оружје.Во рамки на засилените активности, полициските службеници спровеле и превентивни обиколки во парк на територијата на Капиштец, во близина на угостителски објект на булеварот „Партизански одреди“, како и кај игралиштето познато како „Дрвен Град“, поради секојдневно собирање малолетни лица.Од МВР информираат дека засилените акциски контроли ќе продолжат и во наредниот период, со цел подобрување на јавната безбедност и санкционирање на прекршувањата.
Скопје | пред 4 дена
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
