МВР

Се поедноставува добивање дозвола за оружје, а од МВР отказ добиваат околу 15 вработени

Избркани се околу 15 високо-позиционирани лица во МВР, поради нерегуларности при издавање на дозволи за поседување оружје. Според министерот за внатрешни работи, Панче Тошковски, тие издавале дозволи на лица кои не исполнувале услови, а ваквото право им го ускратувале на лица кои исполнувале услови.Познато е дека предметите биле чувани во фиока со години, за што, по доаѓањето на Тошковски, се водела и истрага. Во иднина, издавање на дозволи за поседување на оружје ќе биде поедноставен, а најголем дел ќе биде и електронски.Тошковски нагласи дека податоците за проверка на условите ќе се обезбедуваат автоматски преку МВР и Министерството за правда, што ќе спречи било какво влијание од страна на поединци.

Македонија | пред 1 година

Дозвола за оружје во Македонија имаат лица кои не исполнуваат услови, кажа Тошковски

Селективно се делеле дозволи за оружје. Ова го соопшти министерот за внатрешни работи, Панче Тошковски. Тој кажа дека била направена ревизија. Утврдено е дека полициски службеник давал насоки по кои предмети да се постапува, а по кои не. Затоа е направена и дисциплинска постапка за поголем број на лица, а таму каде има незаконитости и предметите не биле застарени - донесени се 15 решенија за откааз.„Се констатираше дека огромен број на предмети, преу 5.000 предмети,не било постапувано во минатото. Притоа, голем број на предмети каде апликантите не исполнувале услови согласно закон, им била давана дозвола за да поседуваат дозвола за оружје“, рече Тошковски.Според Тошковски, напатствијата од обвинител се да се достават и кривични пријави за сите за кои има докази дека сториле конкретно кривично дело.

Македонија | пред 1 година

Казна од 45 евра за непоседување на зимска опрема во возилата

Од 15-ти ноември 2024 година стапува на сила обврската за задолжително поседување на пропишана зимска опрема во моторните возила и мобилните машини. Доколку не се почитуваат правилата за користење и носење зимска опрема во возилата, кои се предвидени во Законот за безбедност на патниот сообраќај, согласно истиот, на секој возач кој постапува спротивно на одредбите ќе му биде издаден платен налог со глоба во износ од 45 евра во денарска противредност, односно ќе му се регистрираат 25 негативни бодови.Според законските одредби и Правилникот задолжителна зимска опрема, моторните возила со најголема дозволена маса која не надминува 3.500 килограми треба да поседуваат зимски пневматици на сите тркала со минимална длабочина на шарата од 4мм или доколку возилото поседува летни пневматици со минимална длабочина на шарата од 4мм да поседува синџири за снег кои одговараат на големината на погонските тркала.Моторните возила со погон на сите тркала (4х4) треба да поседуваат зимски пневматици на сите тркала со минимална длабочина на шарата од 6мм или летни пневматици со минимална длабочина од 4мм доколку возилото поседува синџири за снег најмалку за задната осовина, во случај кога возилото има постојан погон на сите тркала или синџири за снег најмалку за погонските тркала кога возилото има преклопив погон.Возилата кои имаат маса над 3.500 кг треба да имаат зимски пневматици на сите тркала со минимална длабочина на шарата од 6мм или доколку возилото има летни пневматици со минимална длабочина на шарата од 4мм, да поседува синџири за снег соодветни на големината на пневматиците. Автобусите и товарните возила кои не можат да постават синџири на тркалата задолжително треба да поседуваат зимски пневматици на погонските тркала како и прирачен алат.

Македонија | пред 1 година

Експлозија во Керамидница: Раде Трајковски-Штекли бил мета, однесен е во болница

Во дворно место во Керамидница, утрово била фрлена бомба. Повреден е Раде Трајковски-Штекли кој е пренесен во болница. Станува збор за лице кое се поврзува со скопското подземје, а во кое двапати претходно беше пукано.„Денеска во 09.20 часот во СВР Скопје било пријавено дека во дворно место во населба Керамидница во Скопје била фрлена експлозивна направа. Од експлозијата со повреди се здобил Р.Т., кој е пренесен во ГОБ „Св. Наум Охридски“ за укажување на помош“, соопшти МВР.Се преземаат мерки за расчистување на случајот.

Македонија | пред 1 година

Маж и жена изгореа во пожар во скопско Морани: соседите не можеле да ги спасат зошто немало вода во населбата

Маж и жена загинаа откако нивната куќа изгорела во пожар во скопската викенд населба Морани. Соседите не можеле да им помогнат поради тоа што немало вода во населбата поради уличен дефект, објави Плусинфо.Пожарот избувнал рано изутрина, а соседите веднаш ја алармирале пожарната служба. Меѓутоа, обидите на локалните жители да го изгаснат пожарот биле неуспешни, бидејќи водата од водововот била недостапна. Пожарникарите кои пристигнале на местото на настанот ги нашле телата на двајцата загинати, кои не успеале да се спасат од огнената стихија.– Рано утринава околу 4 часот во СВР Скопје е пријавено дека во селото Морани, во викенд населбата гори куќа, сопственост на Р.Н. (66). На лице место се упатени полициски службеници и екипа на Бригадата за противпожарна заштита. Во куќата се пронајдени две тела, а по наредба на јавен обвинител, телата се предадени за обдукција. Во 09.30 часот пожарот бил изгаснат, велат од полицијата за Плусинфо.Причината за пожарот сè уште не е утврдена. Полицијата спроведува истрага за целосно разјаснување на настанот.Од ЈП Водовод и канализација утрово соопшија дека 08 часот без вода ќе бидат корисниците од викенд населбата Морани поради уличен дефект на улицата 6/бб.

Скопје | пред 1 година

Кривична против поранешна помошничка на министерот во Центарот за обука на МВР за несовесно работење

Одделот за внатрешна контрола, криминалистички истраги и професионални стандарди, до надлежното Основно јавно обвинителство Скопје, поднесе кривична пријава против С.Т. поради постоење основи на сомнение за сторено кривично дело „несовесно работење во службата“ по член 353-в став 1 од Кривичниот законик.Пријавената С.Т. – на работното место помошник на министерот во Центарот за обука на МВР, во периодот од септември до октомври 2023 година, постапила несовесно во вршење на своите должности и овластувања, на тој начин што на лица со кои министерството имало склучено договор за основна обука за полицаец (генерација 2023/2024) им овозможила да продолжат со основната обука и покрај тоа што им бил откажан договорот за основна обука поради тоа што не ги освоиле потребните бодови за продолжување на обуката во друг модул. Пријавената самоволно и незаконски им овозможила да ја продолжат обуката на начин што им биле прифатени поднесените приговори, им било извршено ретестирање спротивно на подзаконските прописи што ја регулираат предметната материја и им овозможила да засноваат работен однос во министерството и покрај тоа што во договорот била предвидена одреба согласно која во случај на спор постапувањето е во надлежност на судот.Со тоа што им овозможила на кандидатите за полицаец понатамошно право на обука, престој и исхрана во Центарот за обука во МВР, таа го оштетила буџетот на МВР во вкупен износ од 189.777 денари.Одделот за внатрешна контрола, криминалистички истраги и професионални стандарди изрече задолжителни мерки да се преиспита основаноста на склучените договори за работа.

Македонија | пред 1 година

Прегазена жена во Гостивар, со тешки повреди пренесена во болница

Вчера во 15.36 часот во ОВР Гостивар било пријавено дека на улицата „Беличица“ во Гостивар, патничко возило „смарт“ со гостиварски регистарски ознаки, управувано од 26-годишниот Д.Д. од Гостивар, удрило во пешакот, 38-годишната С.С. од Гостивар.Во несреќата со тешки телесни повреди се здобила С.С., констатирани во Општата болница Гостивар.Извршен бил увид од увидна екипа од ОВР Гостивар.

Македонија | пред 1 година

Предупредување за измами од лажни „финансиски советници“ на социјални мрежи

Министерството за внатрешни работи ги известува граѓаните дека е забележана зголемена активност на измамници, кои преку социјалните мрежи се претставуваат како „финансиски советници“ и најчесто нудат услуги за тргување со криптовалути. Овие лица се рекламираат со лажни профили или спонзорирани реклами, често ветувајќи висока заработка и брзи добивки, со што успеваат да ги привлечат жртвите кои бараат начин да инвестираат.По воспоставувањето контакт преку социјалните мрежи, измамниците комуницираат со жртвите преку телефонски повици, користејќи VOIP броеви, кои обично изгледаат како локални броеви за да стекнат доверба. Во текот на разговорот, тие ги убедуваат жртвите да инсталираат софтвер за далечински пристап, под изговор дека им е потребен за да им помогнат со поставување на платформата за тргување.Откако ќе добијат далечински пристап до компјутерот или мобилниот уред на жртвата, измамниците пристапуваат до електронското банкарство и ги префрлаат паричните средства од банкарските сметки на жртвите. Во многу случаи, жртвите остануваат без средства пред да сфатат дека се измамени, а штетите се значителни.Секторот за компјутерски криминал ги советува граѓаните да бидат исклучително внимателни при комуникација со непознати лица кои нудат финансиски совети преку интернет. Никогаш не инсталирајте софтвер за далечински пристап на барање на непознати и внимавајте на повици од непознати или сомнителни телефонски броеви. Во случај на сомневање за измама, веднаш контактирајте ја вашата банка и пријавете го случајот во Министерството за внатрешни работи.

Македонија | пред 1 година

Три лица од Турција уапсени на скопскиот аеродром, приложиле фалсификувани документи за престој

Вчера во 17.30 часот на Граничниот премин Меѓународен аеродром-Скопје, на излез од државата, полициски службеници ги привеле 30-годишниот Е.К., 29-годишниот С.К. и 32-годишниот Х.С., сите од Република Турција, затоа што при извршена пасошка контрола и проверка во оперативна евиденција било констатирано дека истите приложиле фалсификувани словенечки дозволи за престој.Со нив бил извршен службен разговор, по што биле предадени на полициски службеници од Одделението за прекуграничен криминал и миграции Скопје за понатамошна постапка.

Македонија | пред 1 година

Прегазен пешак во Куманово, со тешки повреди пренесен во болница

Вчера во 14.35 часот во СВР Куманово било пријавено дека на улицата „Тоде Мендол“ во Куманово, патничко возило „пежо“ со кумановски регистарски ознаки, управувано од 49-годишниот Н.А. од село Романовце, кумановско, удрило во пешакот, 85-годишниот Б.А. од Куманово.Во несреќата со тешки телесни повреди се здобил пешакот, констатирани во Општата болница Куманово. Извршен бил увид од увидна екипа од СВР Куманово.

Македонија | пред 1 година

Две малолетнички од велешко со повреди пренесени во болница: сообраќајка меѓу мопед и „фолксваген“

Вчера во 13.30 часот во СВР Велес било пријавено дека на регионалниот пат од село Извор кон село Јасеново, општина Чашка, се случила сообраќајна несреќа помеѓу мопед „хамачи“ без регистарски ознаки, управуван од малолетничка од село Извор, велешко и патничко возило „фолксваген“ со скопски регистарски ознаки, управувано од А.П.(77) од Скопје.Во несреќата со тешки телесни повреди се здобила малолетна сопатничка од мопедот од село Извор, а со телесни повреди се здобила малолетничката која го управувала мопедот, констатирани во Општата болница Велес.Извршен бил увид од увидна екипа од СВР Велес.

Македонија | пред 1 година

Претрес во Скопје, пронајдени дрога, куршуми...

Вчера во 17.30 часот во Скопје, на подрачјето на општина Аеродром, полициски службеници од Единицата за недозволена трговија при СВР Скопје го лишиле од слобода 23-годишниот А.Р. од село Батинци, скопско.При претрес во домот на Ј.Т.(38) од Скопје, извршен со судска наредба, каде бил затекнат пријавениот А.Р., како и во неговото патничко возило, биле пронајдени и одземени бела прашкаста материја, две дигитални ваги, куршуми и други предмети.По целосно документирање на случајот ќе следува соодветна пријава.

Скопје | пред 1 година

Како се планирало убиството во тетовско: Обвинителството со детали

Основното јавно обвинителство Тетово донесе Наредба за спроведување истражна постапка против двајца сега 41-годишни жители на селото Порој, од кои првиот е директно осомничен за кривично дело – Убиство од член 123 став 1 од Кривичниот законик сторено во 2013 година, додека другиот му помогнал во извршување на убиството и бил соучесник во – Неовластено изработување, држење, посредување и тргување со оружје или експлозивни материи од член 396 став 5 во врска со став 3 од Кривичниот законик.Првоосомничениот, на 12 октомври 2013 година, на излезот од селото Пирок, со умисла лишил од живот лице од Тетово поради претходни нерасчистени недоразбирања. Второосомничениот го ставил на располагање својот автомобил и двајцата заеднички набавиле автоматска пушка која на граѓаните им е забранета.Откако се сретнале со оштетениот, првоосомничениот веднаш започнал да пука, испукал повеќе куршуми, нанесувајќи му телесни повреди со огнено оружје на кои оштетениот им подлегнал. Двајцата осомничени се дале во бегство.Надлежниот јавен обвинител до судијата на претходна постапка достави предлог за определување мерка притвор за двајцата. Согласно донесеното решение, за првоосомничениот притворот е ефективен веднаш, а за второосомничениот, кој е во бегство, притворската мерка ќе започне да се применува по неговото пронаоѓање и лишување од слобода.

Македонија | пред 1 година

Уапсена скопјанка, во нејзиниот дом пронајдена дрога

Вчера во 12.40 часот во Скопје, на подрачјето на општина Аеродром, полициски службеници од Единицата за недозволена трговија при СВР Скопје ја лишиле од слобода 26-годишната Н.С. од Скопје.При претрес во домот каде престојувала, извршен со судска наредба, биле пронајдени и одземени марихуана, кокаин и две дигитални ваги. По целосно документирање на случајот ќе следува соодветна кривична пријава по брза постапка.

Скопје | пред 1 година

Штекли е вон животна опасност по експлодираната бомба во неговиот дом

Раде Трајковски-Штекли е надвор од животна опасност и нема тешки повреди, дознава „Скопје1“ од извори во болницата. Според нив, тој поминал со помали телесни повреди по експлозијата на бомба, фрлена во неговата семејна куќа. Сепак, директорот на болницата „св. Наум Охридски“, Небојша Настов, каде бил пренесен Трајковски-Штекли, вели дека се прават и дополнителни анализи.„Стабилна здравствена состојба, вон животна опасност, доиследувања се прават во моментов“, вели доктор Настов за „Скопје1“.Засега не се фатени лицата кои ја фрлија бомбата во семејната куќа. Според МВР, други повредени нема. Ова е трет напад врз Штекли.Претходно, во него два пати беше пукано додека шеташе низ трговскиот центар „Ист гејт мол“. Беше погоден и во белодробното крило, но се спаси. Двете ликвидации биле добро планирани, а од беа објавени и снимки од моментот на пукање.Штекли е добро познат во скопското подземје и криминалните кругови. Еден период се поврзуваше со т.н. група „Барон“ од Чаир.

Македонија | пред 1 година

Застрелал човек со кој отишол да лови дивеч: кривична пријава за убиство од небрежност

Вчера полициски службеници од Одделот за криминалистичка полиција - Сектор за општ и насилен криминал во содејство со СВР Штип го лишија од слобода 54-годишниот Т.К. од село Дедино, општина Конче и против него се поднесени кривични пријави поради основано сомнение за сторени кривични дела по член 126 „убиство од небрежност“, член 396 „недозволено изработување, држење и тргување со оружје или распрскувачки материи“ и член 228 „незаконит лов“ од КЗ.Имено, на 04.11.2024, Т.К., заедно со 31-годишниот И.К. од село Дедино, општина Конче, со цел да вршат незаконит лов на дивеч се упатиле кон селата Лесковица и Пиперово, при што приведениот со ловна пушка која ја поседувал без дозвола од поголема далечина го застрелал И.К., кој починал на местото на настанот.Во текот на вчерашниот ден, со наредба од Основен суд Радовиш извршен е претрес во домот на Т.К., при што се одземени предмети кои се од интерес на истрагата, а лицето е приведено.

Македонија | пред 1 година

Уапсен скопјанец поради криумчарење мигранти

На 13.11.2024 околу 19.35 часот на автопатот Табановце - Куманово, во близина на с.Табановце, полициски службеници од Полициската станица за граничен надзор Сопот го лишиле од слобода К.Н.(27) од Скопје.На наведеното место, полициски службеници сопреле возило „ауди“ со скопски регистарски ознаки, од кое излегол К.Н. со осум лица мигранти од Сирија и се обидел да избега, но набргу бил фатен и лишен од слобода.К.Н. и возилото биле задржани во полициска станица, а по наредба на јавен обвинител, мигрантите биле сместени во Прифатниот центар за странци во Скопје и во Транзитниот центар Табановце.По целосно документирање на случајот, против лицето ќе биде поднесена соодветна пријава.

Скопје | пред 1 година

Уапсен маж од Косово, криумчарел мигранти

Вчера во 16.15 часот во близина на селото Богородица, полициски службеници од Полициската станица за граничен надзор и гранични проверки Богородица го лишиле од слобода У.Х.(61) од Косово.При преглед во возилото „фиат добло“ со скопски регистарски ознаки, кое го управувал, биле пронајдени 10 лица мигранти од Сирија. Мигрантите и возилото биле пренесени во прифатно - транзитен центар „Винојуг“ за понатамошна постапка.У.Х. бил задржан во Полициската станица Гевгелија и по целосно документирање на случајот, против него ќе биде поднесена соодветна пријава.

Македонија | пред 1 година

Приведен скопјанец, не почитувал мерка куќен притвор

Вчера во 09.20 часот на улицата „Цветан Димов" во Скопје полициски службеници од Единицата за интервентна полиција при СВР Скопје го приведоа А.А.(28) од Скопје затоа што не носел документ за идентификација.По извршени проверки утврдено е дека за А.А. има мерка куќен притвор, која не ја почитувал. Известени се јавен обвинител и надлежен судија, а против А.А. е изготвен и соодветен поднесок.

Македонија | пред 1 година

Нов инцидент во Арачиново: повторно изваден пиштол, упатени закани

Денеска во 11.35 часот во СВР Скопје А.А. пријавил дека А.Л со уште едно лице, со патничко возило „голф“ со скопски регистарски ознаки, застанале пред неговиот дом во село Арачиново, при што држеле огнено оружје, се задржале краток период по што се оддалечиле.Се преземаат мерки за расчистување на случајот.

Скопје | пред 1 година

28-годишник од тетовско со „бмв“ излетал од пат, со тешки повреди пренесен во болница

Вчера во 21.26 часот во СВР Тетово било пријавено дека на регионалниот пат село Волковија-Тетово, патничко возило „бмв“ со тетовски регистарски ознаки, управувано од 28-годишниот Б.А. од село Челопек, тетовско излетало надвор од коловозот.Во несреќата со тешки телесни повреди се здобил возачот, констатирани во Клиничката болница Тетово. Извршен бил увид од увидна екипа од СВР Тетово.

Македонија | пред 1 година

Уапсен државјанин на Турција на Долно Блаце

Вчера во 08.05 часот на Граничниот премин Долно Блаце, на излез од државата, полициски службеници го лишиле од слобода 31-годишниот А.А. од Република Турција, затоа што при извршена пасошка контрола и проверка во оперативна евиденција било констатирано дека евидирал со мерка „апси“ по барање на Интерпол–Турција.Тој бил задржан во Полициската станица Кисела Вода за понатамошна постапка.

Македонија | пред 1 година

Уапсен криминалец баран со потерница за казна затвор од 20 години

Вчера во 17.10 часот на улицата „Џумајска“ во Скопје полициски службеници од Оперативен тим потраги при СВР Скопје го лишија од слобода 45-годишниот Д.Б. од Скопје, кој бил баран по централна потерница врз основа на наредба од Основен кривичен суд Скопје за затворска казна во траење од 20 години, во врска со повеќе кривични дела по чл.235 ст.1 (кражба) од КЗ.При преглед кај лицето, пронајдени се фалсификувани хрватска патна исправа, лична карта и возачка дозвола.Д.Б. ќе биде предаден на надлежната казнено поправна установа.

Скопје | пред 1 година

Сообраќајка меѓу „опел“ и товарно возило „ман“, тешко повреден малолетник од битолско

Вчера во 08.40 часот во СВР Битола било пријавено дека на регионалниот пат Битола-село Бистрица се случила сообраќајна несреќа помеѓу патничко возило „опел“ со битолски регистарски ознаки, управувано од малолетник од с.Канино, битолско и товарно возило „ман“ со скопски регистарски ознаки, управувано од Б.В.(53) од Битола.Во несреќата со тешки телесни повреди се здобил малолетникот, констатирани во Клиничката болница Битола. Извршен бил увид од увидна екипа од СВР Битола.

Македонија | пред 1 година

(Видео) Душо моја, кај и да си дај ми еден позитивен сигнал дека си жива, нашите ќерки, јас, те очекуваме, вели Стево, сопругот на Лидија

Петти ден се трага по исчезнатата Лидија Трајковска од скопско Јурумлери. Сопругот на исчезната Лидија, Свето Трајковски моли за помош за било каква информација. Вели дека немам никаква причина за да неговата сопруга исчезне, пренесе ТВ 24.Последен пат била забележана на камери во 5 часот наутро во петокот на автобуска постојка во село Јурумлери.„Душо моја, срце мое, кај и да си дај ми еден позитивен сигнал дека си жива. Прати ни нешто, барем некој сигнал, прати ни абер. Ти не би направила ништо за да не уништи нас. Нашите ќерки, јас, те очекуваме. Дај ни барем еден сигнал – јави се од некаде. Нашата надеж уште постои. Ти си жива и ќе бидеш жива, ние ќе го продолжиме животот јави се каде и да си душо моја“, вели Свето Трајковски, сопруг на исчезнатата Лидија Трајковска.Братот на Лидија, Александар вели дека по неговата сестра трагаат и дење и ноќе. Денеска во раните утрински часови ја барал неговата сестра околу Соборниот храм по претходни дојави дека била забележана во тој реон. Апелира до МВР д апокрај дронови да се вклучат и кучиња трагачи но и нуркачи кои би ја барале Лидија во реката Вардар.„Бараме помош од цела држава, од секаде. Сестрами веќе петти ден никаде ја нема – никаде. Значи бараме помош да се пуштат нуркачи во Вардар да видиме дали е таму. Значи најдовме кутија цигари од нејзе, нејзин упалјач. Што кажуваат таму џемпер – тој џемпер не е нејзин. Само цигарите азната кутија цигари и нејзиниот упалјач, друго нема. Ние деноноќно ја бараме, не знаеме веќе каде да одиме. Еве сега ќе тргниме пак да ја бараме од Огњанци према Лисиче нагоре по Вардар. Ги молам од МВР, нека ги пуштат од ЕБР, кучиња трагачи да видиме некој траг да се најде.Сабајлево накај 4 часот бевме накај Соборна, вчера цел ден бевме таму, завчера добивме дојава дека сестрами била видена околу 20 минути до 6 часот. Отидовме таму, секаде, 30 души ја баравме. Секое ќоше е проверено, секоја дупка, секој простор проверен – значи не најдовме ништо од нејзе. Тие се прекрасна фамилија, 26 – 27 години се во брак, имаат 3 ќерки, 2 внучиња сега уште малку здравје боже уште едно внуче треба да добијат“, вели Александар Јоциќ, брат на исчезнатата Лидија Трајковска.Од МВР информираат дека интензивно трагаат по исчезнатата Лидија и дека во потрагата искористен е дрон. Сопругот на Лидија вели дека со сопругата живееле среќно и дека немале никакви проблеми.„Петти ден ја нема жена ми. Имаме прекрасна фамилија, 3 ќерки, 2 внуки. Животот ни беше идеален, прекрасен, не знам што се случува и како дојде до ова не знам“, вели Свето Трајковски, сопруг на исчезнатата Лидија Трајковска.Од Министерството за внатрешни работи упатија апел до јавноста за соработка и повикаа секој што има каква било информација за исчезнатата Лидија Трајковска да се јави во полиција.

Скопје | пред 1 година