ПОПОВИЌ

,,Буџетот е пред колапс а народот со празни џебови, СДСМ против нови долгови за криминални тендери", вели Поповиќ

На прес-конференција, членката на Извршниот одбор на СДСМ, Наташа Поповиќ, денеска обвини дека државата се соочува со сериозна буџетска и економска криза, оценувајќи дека Владата предводена од Христијан Мицкоски води политика на неконтролирано задолжување и финансиски колапс.На прес-конференција, членката на Извршниот одбор на СДСМ, Наташа Поповиќ, изјави дека последното задолжување од 260 милиони евра е доказ за, како што рече, лошото управување со јавните финансии.Според неа, Владата првично барала 300 милиони евра кредит, но банките одобриле помал износ со каматна стапка од 4,5 проценти, што, според СДСМ, покажува недоверба во фискалната стабилност на државата.Поповиќ посочи дека граѓаните се соочуваат со раст на цените, висока инфлација и зголемени трошоци за живот, додека, како што рече, нема мерки за заштита на стандардот, ниту редовна исплата на плати и социјални трансфери.Од СДСМ тврдат дека доцни и повратот на ДДВ кон компаниите, што дополнително ја намалува ликвидноста на стопанството и негативно влијае врз економијата.Партијата обвини и за пад на странските инвестиции, намалување на бројот на вработени во индустријата и раст на јавниот долг, кој според нив достигнал околу 11 милијарди евра.Поповиќ рече дека СДСМ нема да учествува во работата на Комисијата за финансирање и буџет поврзана со новото задолжување, а најави и кривична пријава и интерпелација за претседателот на Собранието, Африм Гаши.

Македонија | пред 3 дена

Поповиќ: Скандалот со бодигардот на Мицкоски е уште една причина, оставка од Тошковски

На денешната прес-конференција, Наташа Поповиќ, членка на Извршниот одбор на СДСМ, побара оставка од министерот за внатрешни работи Панче Тошковски, поради случај поврзан со лице од обезбедувањето на премиерот Христијан Мицкоски.Таа истакна дека станува збор за, како што рече, скандалозен случај во кој припадник на обезбедувањето на премиерот завршил во притвор за семејно насилство, при што ја претепал сопствената сопруга.Поповиќ оцени дека овој случај е одраз на опкружувањето на премиерот и на, како што наведе, систем во кој насилството се нормализира, а институциите не функционираат соодветно.Таа додаде дека обезбедувањето на премиерот е под директна надлежност на министерот за внатрешни работи Панче Тошковски, обвинувајќи за партизација на полицијата и нејзино користење за политички цели, наместо за заштита на граѓаните.Во своето обраќање, Поповиќ наведе дека во последниот период се забележани повеќе случаи на насилство и сериозни инциденти, за кои, според неа, недостига институционална реакција и превенција, вклучително и случаи на врсничко и семејно насилство, како и тешки кривични дела.Таа посочи и на, како што рече, сериозни системски пропусти, спомнувајќи случаи од повеќе градови и тврдејќи дека институциите не постапиле соодветно.На крајот, Поповиќ оцени дека системот не е во функција на граѓаните и повторно побара политичка и морална одговорност од министерот Тошковски, со барање за негова оставка.

Македонија | пред 2 седмици

Мицкоски однапред си бара алиби за неуспехот со реформите во јуни, вели Поповиќ

Од СДСМ на денешната прес-конференција оценија дека најавите на премиерот Христијан Мицкоски за реформскиот процес во јуни се, како што велат, обид за однапред подготвување на алиби за евентуален неуспех.Пратеничката Наташа Поповиќ изјави дека наместо реален напредок, јавноста е сведок на политички наративи со кои, според неа, се префрла одговорноста кон опозицијата.Таа посочи дека Владата располага со парламентарно мнозинство и дека, како што рече, има можност самостојно да ги носи клучните закони, вклучително и Изборниот законик.Од СДСМ тврдат дека во изминатиот период власта повеќепати најавувала европски напредок и исполнување на реформски обврски, но дека тие најави не биле реализирани.Според партијата, проблемите во реформскиот процес се резултат на недоволна реализација на обврските, а не на, како што велат, блокади од опозицијата.СДСМ порача дека нема да прифати, како што наведуваат, обиди за префрлање вина и дека одговорноста за реформскиот процес останува кај владејачкото мнозинство.

Македонија | пред 3 седмици