СДСМ

Нема фотографија

Бочварски: ДПМНЕ ветуваше намалување на буџетскиот дефицит под 3%, сега го зголемуваат на 4.9%

ВМРО-ДПМНЕ во својата програма велеше дека јавниот долг од крајот на 2023 година достигнал 62,1% од БДП, и дека ќе преземе мерки за фискална консолидација, земјата да има умерено ниво на задолженост. Со новиот ребаланс на буџетот, наместо намалување на јавниот долг, тој ќе биде зголемен на 4.9% уште во првата година од мандатот на владеењето на ВМРО-ДПМНЕ, рече, пратеникот Благој Бочварски, денес на Комисијата за финансирање и буџет.-Потоа, велеа дека инфлацијата ќе ја намалат на 2%, а денес слушаме дека таа е 3.5%. Јасно е дека ќе се кратат сретсва од веќе предвидени проекти.Пиар програмата на власта е едно, а реалноста е друго, рече Бочварски.Тој потенцираше дека СДСМ ако не ги зголемеше платите и пензиите на граѓаните во време на кризи и инфлација, тешко дека ќе преживеаа граѓаните, особено со минималната плата од 9 илјади денари, каква што беше во времето на ДПМНЕ, а од каде нивните стручњаци велеа дека не е добро да се покачуваат платите.-Колку за споредба, во 2017 минималната плата беше 9 илјади денари, а денес таа е 22.500. Просечната во 2017 беше 22.500, а денес е 41.100. Пензиите се зголемија за 6.500, а сега имаме бомбастични најави за зголемување од 5 илјади денари, за кое ни останува да видиме дали ќе се случи“, рече Бочварски.

Македонија | пред 1 година

Нема фотографија

Тренчевска: Не само што нема за плати, со ребалансот ДПМНЕ крати пари и кај лицата со попреченост

-Со ребалансот на буџетот не само што ќе нема повисоки плати, ниту пензии, туку ДПМНЕ сега крати пари од лицата со попреченост, крати пари и од програмата за поддршка на Сојузот на инвалидските организации, и тоа 10 милиони денари, крати од буџетот на Министерството на социјална политика на демографија и млади, крaти пари од најранливите категории, рече пратеничката Јована Треневска денеска на Комисијата за финансирање и буџет.Таа појасни и дека ДПМНЕ, очигледно не се ни запрашува дали здруженијата на инвалидските организации веќе имаат потпишано договори и преземени активности, ниту пак се интересира кој ќе ја плати штетата, но овие прашања никогаш не биле приоритет на ДПМНЕ.-Од друга страна, предвидуваат нови 100 милиони евра за поддршка на нови проекти на општините, и да не се разбереме погрешно, добро е да се вложува во инфраструктурни проекти на општините, во развој, но не треба да се крати од веќе постоечките и планирани средства за кои се општините имаат склучено договори, затоа што ваквата ситуација наведува на помисла дека со овие средства ВМРО-ДПМНЕ ја започнува кампањата за Локалните избори 2025, што не е непознато за оваа партија и во минатото, додаде Треневска.Таа се осврна и на заемот од Унгарија, која исто така е задолжена, и која ќе и позајми на нашата држава, 1 милијарда евра. Па сега, прашањето е: од што мака ни позајмува Унгарија една милијарда евра и што к’смет имавме па и покрај толкавата задолженост на Унгарија, таа да ни позајмува пари. Или е ова случајност, нивното задолжување во кинески банки, а нашето задолжување во нивни банки. Ама случајност нема, ама нема ниту тајни“, рече Тренчевска.Наместо фискална консолидација, имаме зголемување на буџетскиот дефицит и на јавниот долг и тоа е на штета на економијата и на граѓаните, рече пратеничката на СДСМ, Јована Тренчевска, на денешната седница на Комисијата за ребаланс на буџетот.

Македонија | пред 1 година

Мицкоски до Филипче: Тој се соочува со внатрешни поделби во партијата, а ја коментира работата на Владата

„Повторно ќе кажам тие си ја тераат својата приказна, јас не очекувам дека нешто ново ќе кажат, дека ќе кажат нешто кое што претпоставувам ќе биде пофалба. Иако мислам, лично мислам дека тоа е погрешен пристап, но во ред тие избрале така, нека тераат, избори ќе имаме до година, граѓаните ќе го кажат својот суд кој работи правилно, кој не“, вели Христијан Мицкоски претседател на Владата на Република Северна Македонија одговарајќи на новинарско прашање како ја коментира изјавата на Венко Филипче дека Владата имала лош почеток и план на инвестициите.Премиерот Мицкоски истакна дека Владата е 30 дена, а веќе има три инвестиции од кои едната е за изградба на ветерен парк од половина милијарда долари со 630 вработувања, потоа инвестиција од ЕПСОТЕХ и инвестицијата на Вабтек.„Но ќе го потсетам, еве ние сме 30 дена Влада, во овие 30 дена Влада имаме нова инвестиција од половина милијарда долари, ветерен парк на тромеѓието помеѓу општините Штип, Карбинци и Радовиш, нови 630 вработени, еден терават час електрична енергија од обновливи извори и чекор кон исполнување на личната цел на Владата, а тоа е да бидеме енергетски во делот на увоз-извоз на електрична енергија избалансирани, односно да немаме повеќе потреба од увоз. Да бидеме на крајот на годината со резултат еднаков на нула, кога станува збор за увозот и извозот. Втората инвестиција е од ЕПСОТЕХ, инвестиција каде што ќе бидат исто така десетици милиони евра инвестирани, чинам дека беше околу дваесетина милиони евра, на тоа ќе се додадат 110 нови вработувања, тие велеа, тие ја воделе таа инвестиција, еве ја користам оваа прилика да им се заблагодарам за тоа што ја воделе четири години и не успеале да ја доведат до крај. Па требаше новата Влада да дојде и во рок од две недели да го реши сето тоа што тие не успеале во четири години, но сепак еве заслужуваат пофалби и благодарност. Благодарам од мое име и од името на граѓаните“, изјави премиерот Мицкоски.„И трета инвестиција која што овие први 30 дена се случува, тоа е инвестицијата на Вабтек, но и не е само новата инвестиција, туку треба да се предочи дека и старата инвестиција има многу проблеми, посебно во делот на регулирање на правата на располагање и сопственост на земјиштето на кое што се наоѓа старата производна фабрика“, рече тој и додаде:„И тоа го решаваме, заедно со Општина Гази Баба, околу половина милијарда евра за компаниите и за општините. Ете тоа е од прилика за овие први 30 дена“.Премиерот Мицкоски потсети на сите катастрофални политики од претходната влада.„Направете анализа што направија тие во минатото, донесоа инвестиција на македонските граѓани во Хонгконг, однесоа би рекол, инвестиција на македонските граѓани во Хонгконг преку фабрика, односно компанија позната за трговија за јужно овошје, која што требаше да ги донесе кинеските вакцини во екот на пандемијата, познатата афера Стабри. Се случуваа многу проблеми, не треба да ве потсетувам на Модуларната болница, не треба да ве потсетувам на катастрофата што се случуваше за време на КОВИД пандемијата, не треба да ве потсетувам на сите оние тендери што се случуваа во минатото поврзани со името на новиот претседател на СДСМ, но органите треба тоа да го истражат. Еве тоа се само дел од работите кои што денеска би ги кажал. Тоа е работа на органите, тие ќе продолжат да ги соопштуваат своите позиции, ние ќе продолжиме да работиме“, објасни премиерот Мицкоски.„Граѓаните да бидат сигурни дека оваа Влада продолжува да работи, дека нема намера да посветува многу внимание на овие клевети кои што доаѓаат од ново избраниот претседател на СДСМ, сепак тој таму се соочува со внатрешни поделби, нормално е да се трудат кој повеќе ќе дехидрира од критики на работењето на Владата. Така мислат дека кој повеќе дехидрира, тој е поуспешен во рамките на СДСМ, тие малкумина кои што останаа, тоа е нивна политика“, дециден е Мицкоски.

Македонија | пред 1 година

СДСМ: Горда Македонија со понижени работници, ВМРО-ДПМНЕ сака евтина работна сила

,,Нема пари за поголеми плати со ребалансот! Наместо горди работници како што ветуваа ВМРО-ДПМНЕ и Мицкоски ќе имаме понижени работници.ВМРО-ДПМНЕ ја враќа старата нивна политика на евтина работна сила, каде работниците секогаш се на последно место.Од друга страна, Мицкоски им товари нови долгови на граѓаните со скапи и неповлни кредити од Унгарија.Овие погрешни погрешни политики и економски утки водат кон заголемување на долгот од над 68% и огромен буџетски дефицит покачен за 35%.ВМРО-ДПМНЕ целосно го урива финансискиот систем граден со години, воведува должничко ропство и ги понижува работниците.30 дена Мицкоски и ВМРО-ДПМНЕ се најлош почеток на било која Влада досега.,Ветуваа планини и долини а ништо не испорачаа.”, велат од СДСМ.

Македонија | пред 1 година

Нема фотографија

Костадиновска Стојчевска: Со ребалансот не се предвдува покачување на платите во ниту еден сектор

Пратеничката на СДСМ Бисера Костадиновска Стојчевска на комисиската расправа посветена на ребалансот на буџетот истакна дека при образложувањето на буџетот јавноста сфати дека новата влада не знае што прави во моментов, ниту пак знае што ќе правите во наредниот период.Една таква влада имавме, таа до 2016 која велеше дека има некаков план и тогаш имавме кратење на даноци, кратење на рабонички права, ниски плата, мала улога на државата во економијата, ни тогаш ни сега не гледаме ништо за справување со сиромаштијата, за подобрување на животниот стандард, видовме само затопирање на постапки за вработување, запирање на склучување на нови колективни договори и неоставање ниту простор за репреговарање или преговарање на нови, нагласи Костадиновска Стојчевска.Таа нагласи дека под флексибилизација на пазарот на труд се подразбира кратење на работнички права, а со ребалансот не се предвдува покачување на платите во ниту еден сектор, ниту обрзаование, ниту здравство, ниту полиција, ниту армија, не се почитуваат ниту обврските од општиот колективен договор и нема да има зголемување ниту на минималната плата на 450 евра колку што бараат синдикатите, а први на удар беа платите на културните работици, не се предвидени ни пари за високото образование.Водите неодговорна фискална политика, што покажуваат два индикатори во ребалансот, порастот на јавниот долг и високите камати на кредитите што ќе треба Македонија да ги плаќа и што, според експертите ќе ја вовдеат државата во должничко ропство, рече Костадиновска Стојчевска, додавајќи дека до крајот на годината само за камати на кредити треба да се издвојат 300 милиони евра, што е повеќе од што државата дава за социјални надоместоци за сиромашните.Костадиновска Стојчевска истакна дека зголемувањето на расходите, дефицитот и долгот, и треба да признае дека ребалансот и кратењата се заради новите четири министерства, четири нови министри, заменици и државни секретари и безброј други вработувања.Велите дека нема непродуктивни трошења, а гледаме лускуз од првиот ден, затоа треба да се знае дека ребаланост е за задоволување на коалициските договрања, посочи пратеничката на СДСМ Бисера Костадиновска Стојчевска.

Македонија | пред 1 година

Нема фотографија

Николова: ВМРО ДПМНЕ блокираше закони за општините, СДСМ издови 265 милиони евра за проекти во општините

Од централниот буџет треба да се издвојуваат пари за општините, да се помага на граѓаните, и СДСМ го практикуваше тоа, издвоивме 265 милиони евра, за 686 проекти, распределении во сите општини неселективно, бевме свесни дека тоа значи подобрување на условите за живот на граѓаните истакна пратеничката на СДСМ Даниела Николова, во рамките расправата во комисијата за финансирање и буџет, посветена на ребалансот на државниот буџет.Николова налгаси дека ВМРО-ДПМНЕ треба да се срами кога зборува за состојбата во општините.Еве ќе ја земам за пример градоначалничката на Скопје, вие ни ја донесовте, Скопје доживеа вистинска хаварија, живее уште во неподносливи услови, се таму што беше програма вие со аплаузи го поддржувавте и заедно славевте пред Белата палата, падна во вода и Скопје го живее најмизерниот период од кога постои ми се чини, истакна Николова.Пратеничката Николова дека во собранието до 2021 година се блокираше заемот за локални и регионални патишта и тоа кога претседател на комисијата беше Тимчо Муцунски, за во 2021 година по локланите избори, кога дојдоа градоначалниците на ВМРО-ДПМНЕ да го смени мислењето.Николова наведе колку средства од државниот буџет се слеајаа само во општина Аеродром, само за време на коха граданачник беше Муцунски, пред да избега да биде министер, откако беше неподносливо неговото раководење со општината.Како пример за ОУ Блаже Конески дадени 100 милиони денари, за нов клон на објектот на детската градинка Срничка 70 милини денари, за реконструкција на улиците Мите Богоевски, Црноризец Храбар и Илија Димовски Гоче во населба Лисиче 60 милиони денари, за новиот објект на полициската станица Аеродром 130 милиони денари, за реконструкција на игралиштата во дворот на ОУ Браќа Миладинвци 2,6 милиони денари, 700.000 за техничка документација за изградба на водовоната мрежа во делот Долно Лисиче и немојте да зборувате дека општините биле оставени така. Најдете си поспособен кадар, зашто повеќе од половина мандат на градоначалниците помина, порача пратеничката на СДСМ Даниела Николова.

Македонија | пред 1 година

Нема фотографија

Битиќи: Со ребалансот ќе добиеме чудовиште од јавен долг од над 68%

Предложениот ребаланс на буџетот, од страна на Владата предводена од ВМРО ДПМНЕ, предизвикува голема загриженост и страв, и не само што не одговара на реалните потреби на нашата економија туку е и крајно опасен за иднината на нашата земја. Со ребалансот ќе добиеме чудовиште од јавен долг, од над 68%, рече пратеникот од СДСМ, Фатмир Битиќи на денешната седница на Комисијата за финансирање и буџет, на кој се расправаше за ребаланс на Буџетот.- Со овој ребаланс јавниот долг ќе стане „чудовишен“ сам по себе. Во делот на приходната страна на Буџетот, кај задолжувањата во странство од првично проектираните 728,6 милиони евра, има зголемување на нови 826,2 милиони евра и тоа е зголемување на јавниот долг кон надвор за околу 100 милиони евра, објасни Фатмир Битиќи .Во своето обраќање Битиќи посочи дека во проектираниот раст на долгот не може да се препознаат парите од задолжувањето, кое, како што рече пратеникот на СДСМ, „пријателски премиерот ни го договори идните генерации да го отплаќаат кон Унгарија“. Тој предупреди дека јавниот долг ќе се зголеми далеку од проектираните 68% од БДП.„Овој чудовишен јавен долг ќе отиде и далеку над 68% доколку до крајот на годината. И додека сум кај јавниот долг, да укажам и зошто министерката за финансии и премиерот имаа потреба од лажните политички сензационализми со квалификациите на работењето на владата предводена од СДСМ како „економија во клиничка смрт“, по се’ изгледа од ВМРО ДПМНЕ увиделе дека ако годинава ја „вметнат“ цела милијарда евра од унгарскиот заем, јавниот долг најверојатно ќе скокне до таван, односно ќе биде скоро 75% - па затоа „одлучиле“ тоа да го направат со 500 милиони евра годинава, па 500 милиони евра пред локалните избори“, рече Битиќи.Битиќи предупреди дека со ребалансот освен што се зголемува задолжувањето кон странство, имаме и раст на долгот внатре во државата.„Бранот на задолжување е насочен и кон внатре. На приходната страна се предвидува зголемување на приходите по основ на задолжување од претходно предвидените 646,4 милиони евра, на нови 896, 3 милиони евра, односно околу 250 милиони евра ќе бидат заробени од државата од домашните комерцијални банките. Наместо да се води политика која ќе ги поттикнува домашните компании со лесен пристап до кредити од локалните банки, Владата ги "заробува" овие средства, создавајќи финансиска препрека за развој на приватниот сектор. Со оваа политика не само што ќе се намали финансискиот капацитет на банките да поддржуваат нови проекти и инвестиции, туку ги принудува и домашните компании да се задолжуваат во странство, под услови кои се договорени вонсистемски, во четири очи, а којзнае, можеби и на други места. Во предложениот ребаланс може да се препознаат и други прераспределби кои ќе го зголемат притисокот на компаниите своите инвестиции и развој да ги реализираат преку унгарскиот кредит“, рече Битиќи.

Македонија | пред 1 година

СДСМ: 30 дена на Мицкоски, 30 лоши политики

,,За 30 дена Мицкоски е премиерот на Влада која спровела убедливо најлоши политики за рекордно кратко време. Мицкоски и ВМРО-ДПМНЕ успеаа:Да го прекинат растот на платите, една од најдобрите политики на СДСМ.Да се направат 4 нови министерства за вдомување на партиски кадриДа ја задолжат државата на рекордни 68% јавен долгДа го зголемат буџетскиот дефицит со ребалнасот на рекордни 4,9%Да отвората затворен проблем со Грција и ја блокираат одново земјата.Да се возат со другарите министри во луксузни бизнис класи и да кријат за тоаДа си прават фамилијарни патувања и да кријат за тоа, исто така.Неговите најблиски соработници добиваат подароци од 325.000 евра и молчат со денови за тоа. Потоа несмасно се вадат од калта, тој исто така си молчи.Да молчи Мицкоски кога исчезнува македонското знаме од институциите, тема на која претходно беше гласенДа не обезбеди 5000 денари за пензионерите, реалниот раст ќе биде до 1000 денари, а за некои категории 0 денари.Да смести министерка во Владата со бугарско државјанство, а за тоа претходно да дига хистеријаМинистерот за внатрешни работи да не може да реши ниедно убиство во шест месеци. Грешка, едно решено од 6 убиства, најлош резултат на истраги во историјата.Државата да е претворена во Див запад со масовен раст на криминалот по улиците.Да молчи пред Радев и Главчев додека тие јасно кажуваат што очекуваат од него. Потоа да снима видеа и да се чука во гради.Да се срами да го користи името Македонија, па ја нарекува нашата земја, татковината или воопшто да не ја нарекува никако.Да излаже дека нема да го користи името Северна Македонија, го користи ама скришно.Да не обезбеди учебници иако во кампањата убедуваше дека ќе обезбедиДа фрла лопати на инвестиции од СДСМ додека државата гори. Потоа да се скрие пет дена од срам.Целосно да потфрли со реакцијата на пожарите во неготинско каде изгоре цела планина. СДСМ и граѓаните четри и пол дена порано реагираа на состојбата.Најава дека недела неработен ќе се укинува, една од најзначајните придобивки за работниците.Целосно седнување во скут на друга држава и ставање на Македонија во економско и политичко заложништво за 500 милиони евраДа си го прифати Бехтел и Енка кој за него беше најкриминалниот проект во историјатаДа не ги покачи платите на клучните сектори, здравство и образование а да објаснува како тие се селеле заради лошите услови.Да имаме Претседателка на држава која не знае дека доброволен воен рок се служи откако е укинат задолжителниот.Направена е паралелна координација на Влада на министрите од ВЛЕН, воведување на паралелизам, Мицкоски да си молчи а порано тао беше албанизација на институциитеДа оди наоколу и да се жали како Калимеро дека нема пари нема правда со буџетот, а тоа да биде целосна лага со која се манипулираат работниците дека нема да им се качат платите.Да постави заменик министер на МВР со физичко образование. Не е ни чудо што нема ефект во истрагите. Целосен дебакл на кадровската политика во прв и втор ешалон.Да лаже дека го болат колената а да се качува на Водно за сликање секој вотр викенд.Да се покачи цената на лебот и да не интервенираатДа се покачи цената на струјата и да не интервенираат.Мицкоски и ВМРО-ДПМНЕ за 30 дена докажаа дека немаат никаков капацитет за водење држава, но и погрешни намери и идеа за тоа каде и во која насока треба да се води државата.”, велат од СДСМ.

Македонија | пред 1 година

СДСМ: Дали Тошковски со Јанушев се јавува како соинвеститор за изградба на зградата?

,,Лош начин одбрал Тошковски само за да не одговори на клучните прашања во скандалот со поклонетиот имот на Игор Јанушев вреден 325 илјади евра, во зграда каде што има и тој личен имот.Несериозна за граѓаните е изјавата на Тошковски дека информациите за скандалот се „расфрлани пердуви“.Тошковски треба да одговори на јавноста која е неговата улога во целиот случај.Дали Тошковски и Јанушев се јавуваат и како соинвеститори за заедничка изградба на зградата во центарот на Скопје?Како од државно земјиште, се приватизира, се менуваат сопственици, па се гради зграда, која на крај завршува со имот на Тошковски и Јанушев?Јавноста очекува одговори.”, велат од СДСМ.

Македонија | пред 1 година

СДСМ: Поклонетиот имот на Јанушев е заверен од адвокат Панче Тошковски

,,Во иста зграда во центарот на Скопје кадешто е поклонетиот имот на вториот човек во Владата на Мицкоски, Игор Јанушев има и министерот Панче Тошковски.Крјано сомнително и надлежни институции треба да го истражат целиот случај.Поклонетиот имот на Јанушев е заврен од адвокат Панче Тошковски за што постои документ којшто денеска го објавуваме.Навидум ништо спорно, затоа што Тошковски е познат адвокат.Но, дали всушност Тошковски и Јанушев се јавуваат и како инвеститори за заедничка изградбата на истата зграда каде што имаат имоти?Дали се другари по имот или се другари по бизнис?Целиот случај со парцелатата на којашто се наоѓа зградата во која имаат имот и Тошковски и Јанушев влече корени уште од 2010 година со процес на денационализација и приватизација.Прашањето е како од државно земјиште, се приватизира, се менуваат сопственици, па се гради зграда, која на крај завршува со имот на Тошковски и Јанушев?Јавноста очекува одговори.”, велат од СДСМ.

Македонија | пред 1 година

СДСМ: Шемата за подарениот имот на Јанушев датира од 2010 години кога се набавија кинеските автобуси

,,Откако пет дена се криеше од јавноста вчера Јанушев самиот се закопа.Прво рече дека имало погрешни внесени податоци во неговиот анкетен лист кои ги корегирал, а потоа дека намерно оставил јавноста да се „излизга“.Зошто пет дена молчеше и не кажа за наводно случајно погрешните податоци? Што е ова освен директно признание на Јанушев дека намерно внесувал погрешни податоци?Ако намерно внел погрешни податоци дека подарениот имот му е земјиште со вредност од 325.000 евра, што сакал Јанушев да скрие?Дали сакал да го скрие поклонетиот стан или пак некаква скриена бизнис шема која довела до тоа да му биде поклонет имот во вредност од 325.000 евра?Денес ја откриваме чекор понатаму оваа афера и прашуваме: Дали поклонетиот имот и парцелатата на којашто се наоѓа зградата во која има имот и Тошковски, влече корени уште од 2010 година, во времето на владеење на ВМРО-ДПМНЕ?Тоа е годината кога се случила и криминалната набавка на кинеските автобуси за кои беше осуден Јанушев.Како е дојдено до оваа парцела, каква била постапката за во зградата баш и Јанушев и Тошковски да имаат огромни станови?Каква е поврзаноста на Тошковски во целиот случај?СДСМ располага со нови информации за овој скандал кои наскоро ќе ги објавиме.”, велат од СДСМ.

Македонија | пред 1 година

СДСМ: Тошковски го потврди имотот во зградата со поклонот на Јанушев, какви бизниси имаат?

,, Министерот Панче Тошковски, потврди дека има имот во истата зграда која што е дел од шемата за фамозниот, поклонет имот на генералниот секретар на Владата, Игор Јанушев.Ова дава ново светло на скандалот со подарокот од 325.000 евра за Јанушев.Сега Тошковски треба да одговори каков заеднички бизнис имале двајцата?Како се поврзани подарокот на Јанушев од 325.000 евра и имотот на министерот Тошковски во зграда во центарот на Скопје?Имаат ли скриени бизниси кои на крај завршуваат со подароци во имоти вредни над 300 илјади евра?Овој случај потсетува на една друга зграда, каде порано имаа станови неколку високи функционери на ВМРО-ДПМНЕ кои беа стекнати на многу сомнителен начин.Очекуваме надлежните институции, Јавното обвинителство и ДКСК да ги истражат сите аспекти на овој случај и да ги информираат граѓаните.”, велат од СДСМ.

Македонија | пред 1 година

Талески: ВМРО-ДПМНЕ ги излажа граѓаните, нема да има поголеми плати

ВМРО-ДПМНЕ ја направи најголемата измама во поновата изборна историја на нашата држава и ги излажаа граѓаните, во секој сегмент. Нивните ноторни лаги излегоа на виделина уште во првите 30 дена од нивното владеење. Ниту ќе има поголеми плати, ниту пак покачување на пензиите, рече пратеникот Миле Талески во македонското Собрание.-Првото што го направија ВМРО-ДПМНЕ, е што ја признаа Република Северна Македонија и признаа дека нема да го променат Преспанскиот договор. Потоа ја прифатија преговарачката рамка, за која правеа најразлични скандали, а исто така прифатија и дека ќе го променат Уставот и дека Бугарите ќе ги внесат Уставот. Бесрамно ги излажаа граѓаните дека ќе им ги покачат платите, а сега слушаме дека ќе има намалување на платите. Ги излажаа просветните работници, здравствените работници, вработените во администрацијата, во МВР, во одбраната, рече Талевски.ДПМНЕ пред изборите излезе со ноторни лаги и за пензионерите, ветувајќи им покачување од 5 илјади денари, кое нема да се случи, како и дека нема да ги задолжат граѓаните, а првата одлука што ја направија е тој фамозен кредит од нивниот пријател Орбан, со што ги задолжија граѓаните со 500 милиони евра.-Сите инвестиции за кој зборува и ги најави ДПМНЕ, се проекти кои ги започна и договори СДСМ. Исто така излажаа дека ќе ја намалат администрацијата, но првата одлука која ја донесоа со ДУИ, за која велеа дека е криминална партија, е да се прошири администрацијата со 4 нови министри, рече Талевски.

Македонија | пред 1 година

СДСМ: Патот Ранковце - Крива Паланка е 90% готов, ќе беше 100% да не блокираше ВМРО-ДПМНЕ во Собрание

,,Смешна е промоцијата на Александар Николоски на патот Крива Паланка - Ранковце за кој најавува дека ќе бил готов до Нова година. Овој пат е одамна 90% готов и единствена причина зошто не е завршен е блокадата на ВМРО-ДПМНЕ.Николоски и другарите решија за свои политички потреби до пред неколку месеци да го блокираат грантот во Собрание со кој требаше да се заврши делницата. Целта е јасна, да не се заврши делница, а граѓаните да треба да чекаат за ВМРО-ДПМНЕ да може да тера кампања.ВМРО-ДПМНЕ секој ден оди и промовира проекти на СДСМ прикажувајќи ги како свои а граѓаните се потсмеваат на социјалните мрежи. И препорачуваме да се фатат за работа наместо да фрлаат лопати на чешми и да промовираат проекти на СДСМ.”, велат од СДСМ.

Македонија | пред 1 година

СДСМ: Дали Муцунски, Тошковски и Мисајловски исто како Мицковски имаат проблем со колената?

По вчерашната изјава на премиерот Христијан Мицкоски дека до САД морал да лета си бизнис класа поради проблеми со колениците, се огласи опозициската СДСМ.Тие посочуваат дека премиерот ги признал луксузните патувања, скапите карти од 20.000 евра и бизнис класите платени со пари на граѓаните.„Но, во исто време Мицкоски лаже и ја потценува интелигенцијата на граѓаните. Особено кога без око да му трепне вели дека причина за тоа биле проблеми со колената.Дали Муцунски, Тошковски и Мисајловски исто така имаат проблем со колената? Па затоа мора и тие да патуваат со бизнис класа”, прашуваат од СДСМ.

Македонија | пред 1 година

СДСМ: Пандов пушта од затворите лица осудени за 27 април

,,Пандов преку кревање медиумска магла сака да го прикрие пуштањето осудени од 27 април што е скандалозен чин на узурпациај на институцијата.За само две недели директорување на Пандов, од Штипскиот затвор 4 осудени лица за 27 април се пуштени на прекин на издржување на казната?Како осудениот Јане Ченто за насилствата од 27 ми април со негов потпис е пуштен?Како Александар Јаневски Тошта исто така осуденик е пуштен?Како се пуштени осудените Оливер Поповски и Митко Пешов од затворот во Штип?Како е можно со потпис на Пандов некој да има прекин во казната од 30 дена?Ова се прашањата на кои Пандов треба да одговори.”, велат од СДСМ.

Македонија | пред 1 година

СДСМ: Скапи карти и бизнис класи, Мицкоски и министрите душмански ги трошат народните пари

,,Скандалот со луксузните патувања на Мицкоски и неговите министри, со бизнис класи и карти од речиси 20.000 евра покажа колку душмански ВМРО-ДПМНЕ ги троши народните пари.Расипништвото на Мицкоски и министрите на ВМРО-ДПМНЕ се случува на големо и се крие од граѓаните, што е најрасипана форма на лицемерие.Кога треба да се покачи минимална плата за работниците Мицкоски и министрите на ДПМНЕ во Владата велат нема пари.Е ама кога треба Мицкоски и министрите да патуваат, тогаш гледаме луксузирања, скапи карти од речиси 20.000 евра, бизнис класи, бројни делегации па дури и прибирање на членови од семејствата.За ова ли се прават нови задолжувања? Да има за Мицкоски пари да се луксузира? За нови часовници од 60 илјади евра во колекцијата?Ова раководство на ВМРО-ДПМНЕ е бетер од минатото, далеку полошо и пизмамничко.Секој поминат ден ги разобличува лагите и лажние ветувањата на ВМРО-ДПМНЕ.Ветуваа домаќинско работење а се луксузираат, ветуваа транспарентност а кријат од јавноста.Владата е должна да ги објави сите трошоци за скандалозните патувања на Мицкоски и неговите министри затоа што се платени од граѓаните.”, велат од СДСМ.

Македонија | пред 1 година

(Видео) СДСМ: Скандал, 20.000 чинеле картите за бизнис класа на Мицкоски и министрите во САД

„Денес го откриваме целиот скандал со луксузните патувања на за Вашингтон на Мицкоски и министрите. Мицкоски, човекот познат по саатите од 60.000 евра, изгледа влегол во улога на султан па решил парите на граѓаните да ги троши за сопствени луксузирања“, вели Богданка Кузеска, портпаролка на СДСМ и додава:Откако со денови молчи за скандалозното патувања со синот на фамилијарна прошетка за Вашингтон, сега веќе два дена молчи и за цената на удобанта бизнис класа со која патувал за Вашингтон. Излгеда не можел Мицкоски да патува со економска класа и истовремено да носи часовник од десетици илјади евра. Денеска ја откриваме точната сума на нарачаните карти за него, а за да биде скандалот уште поголем, дознаваме и дека сите негови министри патувале со бизнис класа. Бизнисмените од Владата, кои милуваат да кажат дека се луѓе од народот, потрошиле сите поединечно помеѓи 4 и 5000 евра само билетите од бизнис класа!Според нашите информации, За Христијан Мицкоски извршена е нарачка на бизнис карта, цена на повратен билет 237.072 денари или 4000 евра. Да биде скандалот поголем, тоа не е најсакапта карта која е платена за ова патување. Па така, картата на Министерот за одбана Владо Мисајловски е платена дури 280.000 денари, а останатите две карти, на Панче Тошковски и Тимчо Муцунски, се платени околу 4500 евра секоја.Речиси 20.000 евра ги чини граѓаните само удобното патување на Мицкоски и министрите за Вашингтон! Ова ли е тоа душманско трошење на буџетот за кое секој ден беседи Мицкоски? Има ли образ да излезе и да ги оправда овие суми, додека зборува за домаќинско работење?Затоа ли Тимчо Муцунски со денови ги крие трошоците кои се направени на ова патување? Прашуваме, колку пари се потрошени по хотели и други трошоци на државна сметка?Почитувани,ВМРО-ДПМНЕ ги потценува граѓаните. Нема ден а да не се разобличат лагите и лажните ветувања од кампањата. Ветуваа домаќинско работење, се луксузираат во бизнис класи. Ветуваа транспарентност, се кријат од јавноста со денови. Ветуваа борба против криминал и корупција, а генералниот секретар на Владата Јанушев молчи за 325.000 евра поклон кој го добил како градежно земјиште во Центар?СДСМ грешеше кога велеше дека ВМРО-ДПМНЕ ќе биде само обична копија на претходното раководство на ВМРО-ДПМНЕ. Ова е далеку полошо, поизмамничко и понечесно.Прашуваме:Ќе реагираат ли конечно институциите на сите обвинувања и скандали? Кога ќе се произнесат и ОЈО и ДКСК за сите наводи кои СДСМ ги соопштува во јавноста во изминатиот период. Граѓаните бараа промени, ова што го добија е криминално здружение на манипуланти.

Македонија | пред 1 година

„Дали Игор Јанушев пере црни пари на ВМРО-ДПМНЕ, мора да одговара за подарокот од 325.000 евра“, прашува СДСМ

„ВМРО ДПМНЕ и Мицкоски втор ден молчат за скапиот таканаречен подарок на генералниот секретар во Владата, Игор Јанушев“, вели СДСМ и додава:Партијата на Мицкоски наместо да испраќа смешни соопштенија, нека излезат да одговорат дали актуелниот генерален секретар на ВладатаИгор Јанушев преку таканаречен подарок во земјиште испрал црни пари.Јавноста знае дека на Јанушев од рака му одат перење пари и злоупотреба на службена положба. Тој е осуден за злоупотреба на функцијата и од него друго не може да се очекува. Денеска автобусите кои се распаѓаат по улиците набавени од Кина се негово дело за кое веќе одговараше.Мицкоски да не се крие и да одговори:Дали Јанушев, со наводниот подарок си ги испрал сите криминално стекнати пари? Каква е неговата улога во тоа? Само преку наводен подарок Јанушев може да прикрие потекло на парите или да го сокрие изворот на средствата. Единствено така Јанушев може да легализира црни пари.Дали Игор Јанушев треба да одговара за перење пари?Дали се тоа црни пари од набавката на кинските автибуси од кои ќар имаше само режимот на ДПМНЕ, а граѓаните добија несигурен градски превоз опасен по нивниот живот?Кој и зошто му поклонил на Јанушев 352.000 евра?Во какво сродство се Јанушев и широкоградиот подарувач?Како лицето ги стекнало парите па на Јанушев му подарил 352.000 евра?Колку заработува лицето кое може да поклони 352.000 евра?Независна Македонија не памти политичар да добие на подарок 352.000 евра.Управата за финасиска полиција, Државната комисија за спречување корупција и Јавното обвинитество сега се на потег!Државата со ВМРО ДПМНЕ уште еднаш ќе го допре дното. Христијан Мицкоски и неговата гарнитура се на почеток од владеењето, а веќе покажуваат дека не се одлепиле од криминланото минато.Бандитите на чело со Мицкоски од ден во ден покажуваат дека дојдоа на власт за да се богатат и да си ги заштитат криминалите и малверзациите.На Мицкоски и ВМРО-ДПМНЕ не им е во фокус ниту подобро образование, ниту капитални инвестиции, ниту повисоки плати и пензии, нив им е во фокус криминал.

Македонија | пред 1 година

Нема фотографија

Битиќи: Ребалансот е на штета на домашните компании

Ребалансот е на штета на домашните компании, Владата нема системски одговор на економските предизвици, вака може да не турне во провалија бидејќи ја нарушува стабилноста и одржливоста на системот, граден во услови и на најголеми кризи, истакна пратеникот на СДСМ Фатмир Битиќи, во интервју за порталот „Локално“.Битиќи нагласи дека проекциите за буџетскиот дефицит и зголемувањето на јавниот долг се навистина загрижувачки и покажуваат недостаток на одговорност и далекувидност од страна на новата влада, кај која не се артикулира јасна визија и стратегија за развој.-Се предвидува дефицит од фрапатни 4,9% и динамика на зголемување на јавниот долг на ниво од 68%. Ова се економски индикатори кои укажуваат на отсуство на намера и способност државата да се води кон стабилност и просперитет. Со овој раст на дефицитот и јавниот долг, успеваат да создадат множество на реални ризици кои ќе ја поништат и драматично намалат реалната куповна моќ на пензионерите со предвиденото линеарно покачување. Во оваа ситуација, покачувањето на пензиите станува празно ветување, потенцираше Битиќи.Битиќи нагласи дека со овој раст на дефицитот и долгот растат и ризиците по кредитниот рејтинг и довербата на државата, односно може да доведат до намалување на довербата кај меѓународните инвеститори и кредитори.-Но ова очигледно не им е грижа, бидејќи премиерот гради вонинстиуционална и во четири очи доверба со Влади кои имаат поинакви политички и економски разбирања од оние на развиените западноевропски држави, вели Битиќи.Тој нагласи дека со овој ребаланс е донесена една од најнеодговорните одлуки на Владата со која се предизвикува директна штета на домашните компании.Финансиските средства кои се реализираат преку Законот за финансиска поддршка на инвестициите, каде 99% корисници се домашни компании, се кратат за речиси 5 милиони евра, а дополнително кратат и околу 2,5 милиони евра наменети за привлекување странски директни инвестиции и развој на слободните економски зони, истакна Битиќи во интервју за порталот „Локално“.

Македонија | пред 1 година

Братот на Венко Филипче, заедно со Вице Заев ќе произведуваат струја од фотоволтаици, пред заминување од власт направиле централа од 1.5 мегавати во Дојран, тврди Лефков

„Братот на Венко Филипче, заедно со Вице Заев ќе произведуваат струја од фотоволтаици, пред заминување од власт направиле централа од 1.5 мегавати во Дојран“, вели Миле Лефков, член на ИК на ВМРО-ДПМНЕ и пратеник и додава:На крајот на минатата 2023 година, Вице Заев и Никола Филипче, братот на Венко, формираат заедничка фирма под името „Фос имерас“. Сопственици на „Фос имерас“ се две компании. „Тотал инженеринг“ од Струмица во сопственост на Вице Заев и „Плус нетворк“ од Скопје чиј сопственик е Никола Филипче.Никола Филипче брат на Венко Филипче ја купува земјата во Дојран на која сега е изградена фотоволтаичната централа од 23000 м2 во 2021 година, кога министер за здравство е неговиот брат.Додека Венко Филипче е министер за здравство во владата на Зоран Заев, неговиот брат преку министерството за транспорт добива дозвола за пренамена на земјиштето со цел изградба на фотоволтаична централа. За неполн месец градоначалникот на Дојран од редовите СДС го менува ДУП-от и овозможува Филипче да ја гради централата.За ова Венко Филипче е претседател на СДС, да ги штити бизнисите на семејствата Заеви и Филипче.Филипче е претседател на СДС за да може уште некој градоначалник од оваа партија да направи добра основа за бизнис зделка нему блиски луѓе, како неговиот брат и на Вице Заев.Филипче е прочитан. Одговори и одговорност мора да има.

Македонија | пред 1 година

СДСМ: Поминаа ден-два, пожарите не се под контрола, а лопатарот Мицкоски и министрите се шетаат

,,Од првиот ден на пожарите, Мицкоски не знае што прави и како треба да ја менаџира кризата со пожарите. Целосно отсуство на одговорност и грижа се забележува кај премиерот, кој смета дека ако избега во странство или се бави со фрлање лопати на нови чешми, проблемот ќе исчезне.Ветуваше дека за ден-два ќе биле пожарите под конотрола, па откако работата отиде јабана, избега во странство. Откако виде дека лопатите не помагаат реши дека е најдобро да не е во земјата. Додека граѓаните со лопати самите гасат, тој фрла лопати за ПР.Целата планина Серта е изгорена како резултат на спората реакција. Ова го потврдува локаланото население кое самото тврди дека четири и пол дена не добиле соодветна подрршка и не се сфаќала состојбата сериозно.Во моментов под закана е Пелистер, гори на 13 места, а Мицкоски си тера протоколарни настани за да помуабети со Орбан. Ништо корисно нема државата од неговите патувања, освен дека си прави фамилијарни прошетки.Ваква недоговорност не е забележана од ниеден премиер во минатото.Го повикуваме Мицкоски да го прекине шетањето по светот и удобните патувања на трошок на народот да ги замени со работа, за што е платен токму од граѓаните.”, велат од СДСМ.

Македонија | пред 1 година

Лукаревска: Не фали ниту денар во буџетот, ниту пак се трошело душмански, ВМРО-ДПМНЕ манипулира со работниците

Обвинувањата на ВМРО-ДПМНЕ дека од буџетот фалат 500 милиони евра е лага со која партијата сака да го оправда финансискиот колапс кој следува. Пратеничката на СДСМ, Сања Лукаревска на денешната прес конференција посветена на ребалансот на Буџетот што Министерството за финансии го презентираше вчера, истакна дека драмата од ВМРО-ДПМНЕ е неуспешен обид да се исплашат граѓаните, а доказот за тоа е алатката Отворени финансии.„До моментот на изборите, ако отидете на Отворени финансии, алатката за транспарентност која СДСМ ја воведе, ќе видите дека за сите трошоци се предвидени средства. Ниту еден денар не фали. Оваа драма која ни ја сервира ВМРО-ДПМНЕ е само за политички потреби. Ниту е точно дека снемало пари ниту дека не се знае каде се. Обвинувањата дека институциите ќе се занимавале со ова се паушални и без основа“, истакна Лукаревска.Пратеничката Лукаревска на денешната прес конференција потенцираше дека причината за однесувањето на ВМРО-ДПМНЕ е очигледно. Прво, за да се создаде перцепција дека СДСМ направил хаос со цел граѓаните да се помират со тоа што ќе нема пари за нив, а второ е ВМРО-ДПМНЕ сака да си создаде алиби за кредитот од Унгарија.

Македонија | пред 1 година

Лукаревска: Со 4,9% дефицит и 68% јавен долг, ВМРО-ДПМНЕ ја води државата во финансиски амбис

ВМРО-ДПМНЕ успеа за еден месец на власт да сруши стабилни економски политики коишто Социјалдемократскиот сојуз макотрпно ги градеше изминатите седум години во услови на економска и ковид криза.Ова го истакна пратеничката на СДСМ, Сања Лукаревска на денешната прес конференција посветена на ребалансот на Буџетот што Министерството за финансии го презентираше вчера.„Со буџетот се предвидува буџетски дефицит од неверојатни 4,9% и покачување на јавниот долгот на 68%. Само овие две бројки потврдуваат дека ВМРО-ДПМНЕ има намера да ја води државата во амбис. Уште со првиот ребаланс, ВМРО-ДПМНЕ го руши она што макотрпно го градевме во соработка со меѓународните финансиски институции, а тоа е стабилен и оджрлив финансиски систем“, изјави Лукаревска.Лукаревска ги презентираше сите небулози на ребалансот и даде одговор зошто тие се штетни за државата и за економијата.„Во седум години владеење, од кои пет во ковид и економски кризи, СДСМ успеа да го намали буџетскиот дефицит на 3,6% и да го намали јавниот долг до 55%. Сега ВМРО-ДПМНЕ го покачува дефицитот за цели 36%, а јавниот долг на ризични 68%. Овој процент на јавен долг е спротивен на Мастришките декларации и сериозно ќе го наруши кредитниот и финансискиот рејтинг на земјата“, истакна Лукаревска.Јавноста треба да знае, дека и покрај сите апокалиптични економски години низ кои СДСМ ја водеше државата, сепак успеа финансиски да ја консолидира, потенцира Лукаревска.„ВМРО-ДПМНЕ со овие буџетски политики ќе направи хаос и ќе создаде зависност од кредитирање. Не постои ниеден сериозен финансиски експерт или макроекономист кој овој буџет го смета за оправдан“, децидна е Лукаревска.Лукаревска најави дека ставовите изнесени на денешната прес-конференција се првични согледувања и дека ребалансот на Буџетот СДСМ детално ќе го анализира во Собранието.

Македонија | пред 1 година

Лукаревска: Работниците извисија, нема покачување на платите

Ребалансот на Буџетот скроен од ВМРО-ДПМНЕ не се грижи за работниците и не предвидува почитување на колективните договори договори. Тие за ВМРО-ДПМНЕ се неважни.Ова го истакна пратеничката на СДСМ, Сања Лукаревска која на денешната прес-конференција направи анализа на ребалансот на Буџетот презентиран вчера од страна на министерката за финансии, Гордана Димитриеска-Кочоска„Една од најдобрите политики на СДСМ која седум години во време на економско цунами, СДСМ доследно ја спроведуваше - ВМРО-ДПМНЕ ја фрла во вода“, изјави Лукаревска.Покрај тоа, како што потенцира таа, ВМРО-ДПМНЕ прави манипулација на работниците повторувајќи дека немало пари во буџетот, но дека „и покрај тешката состојба они ќе обезбеделе плати“ . Лукаревска ги повика работниците да не потклекнат на ваквите злоупотреби.„Замислете, ВМРО-ДПМНЕ им ветува на луѓето дека загарантираната плата, која никогаш во последните седум години не била доведена до прашање, тие ќе има ја обезбеделе. Какво потценување и манипулирање“, потенцира Лукаревска.Единствена причина зошто ова го прави ВМРО-ДПМНЕ е да ги натера работниците да се помират дека покачување на плати нема да има и да бидат среќни што воопшто земале плата, смета Лукаревска.„Не само што нема проблем да се обезбеди плата, туку да беше СДСМ на власт, во првите 100 дена ќе беше покачена минималната плата и ќе беа исплатени сите плати со покачување согласно потпишаните колективни договори“, изјави Лукаревска.За СДСМ секогаш приоритет беа граѓаните и работниците, што не е случај со ВМРО-ДПМНЕ. Тоа што нема пари не е поради Буџетот, туку поради другите приоритети на ВМРО-ДПМНЕ, истакна Лукаревска.Осврнувајќи се конкретно на обвинувањата дека во Буџетот немало предвидено плати за одредени институции Лукаревска појасни дека тоа е поради изборниот процес и превенирањето на изборен поткуп.„Парите не се предвидени затоа што бевме во изборен процес и не сакавме да направиме изборен поткуп како што тоа се правеше во минатото од страна на политичкиот опонент. Во секој ребаланс после избори е нормално да се прераспределат средства, а плати за вработени во јавен сектор никогаш не се доведуваат во прашање“ појасни Лукаревска.Или конкретно, за да се разобличат манипулациите на ВМРО-ДПМНЕ Лукаревска постави дилема како со ребалансот ВМРО-ДПМНЕ ќе обезбеди плати.„За да докажеме дека не ја зборуваат вистината, одете во расходната страна на Министерството за транспорт кое е ресорно министерство на железници и пошта. Институциите за кои велат дека немало да земат плата. И нека објаснат, како со намалување за 100% на буџетот предвиден со ребалансот ќе одговори на потребите на работниците. Намален е буџетот тука од 18 на 9 милијарди ама плати ќе се обезбеделе“, потенцира Лукаревска.

Македонија | пред 1 година