СДСМ

СДСМ: Уште само 8 дена до уште едно големо неисполнето ветување на Мицкоски

Уште само 8 дена остануваат до 1 јуни, рокот што самиот Христијан Мицкоски го постави за исполнување на сите точки од Реформската агенда, велат од СДСМ.„8 дена до уште едно големо неисполнето ветување.8 дена до нов доказ дека организираната криминална група ВМРО не сака Македонија да стане членка на ЕУ.Мицкоски ветуваше дека до 1 јуни ќе ги заврши сите точки од реформите. Секако, клучни се се уставни измени и внесување на малцинствата во уставот како услов за продолжување на европскиот пат.Досега реформите не се исполнети, рокот изминува.Мицкоски не ги исполнува реформите за ЕУ затоа што не сака да ги исполни.Затоа што реформите значат одговорност, правда и крај на системот што со години го штити ВМРО.Мицкоски не сака независно судство. Не сака Европско јавно обвинителство.Не сака вистинска борба против криминалот и корупцијата.Наместо европска иднина, Мицкоски ја турка државата во изолација, неизвесност и сиромаштија.Уште само 8 дена се доволни граѓаните целосно да ја видат вистината: Мицкоски не сака ЕУ“, се вели во соопштението.

Македонија | пред 1 седмица

Рубин Земон по острите критики поднесе оставка од Извршниот одбор на СДСМ

Кратко траеше партиската функција на Рубин Земон. По само неколку месеци, членот на Извршниот одбор на СДСМ, Рубин Земон, поднесе оставка од својата партиска функција. Оваа одлука доаѓа по низата жестоки реакции и критики во јавноста поврзани со неговите неодамнешни активности и изјави.„Сакајќи да го заштитам угледот на СДСМ од непринципиелните напади кон мене, а со тоа не бирајќи средства да го инволвираат и моето семејство, а со цел да не бидам терет на борбата на партијата кон уривањето на оваа власт, поднесувам оставка од местото член на ИО на СДСМ“, објави Земон на Фејсбук.Притисокот врз Земон беше особено изразен откако во јавноста одекна веста и беше објавена фотографија од Софија за неговата средба со бугарскиот државјанин Виктор Стојанов, претседател на таканаречената „Фондација Македонија“. Стојанов има забрана за влез во државата и кривична пријава за ширење говор на омраза кон македонската држава и македонскиот народ.Земон се правдаше дека случајно Стојанов седнал на масата на која бил тој со својот син, а дека разговарале за односите меѓу двете држави.Земон претходно беше остро критикуван за изјавата во која тврдеше дека „Гоце Делчев бил само мит што ништо не направил за Македонија и не напишал ништо“.По острите критики, Земон се извини, тврдејќи дека неговите зборови биле извадени од контекст и погрешно протолкувани. Земон нагласи дека немал никаква намера да го минимизира или навреди значењето на историскиот лик и делото на Делчев.

Македонија | пред 1 седмица

СДСМ: До кога граѓаните ќе чекаат Мицкоски и Филков да пратат документи за екстрадиција на Груевски?

СДСМ ја обвини Владата дека намерно ја одолговлекува постапката за екстрадиција на Никола Груевски и побара документите веднаш да бидат испратени.Од партијата прашуваат до кога граѓаните ќе чекаат премиерот Христијан Мицкоски и министерот за правда Игор Филков да ја завршат процедурата.„Помина повеќе од еден месец, а сè уште нема одговор зошто се кочи постапката“, велат од СДСМ.Според опозициската партија, причината е тоа што власта не сака Груевски да биде екстрадиран, бидејќи неговото враќање би можело да влијае врз состојбите во ВМРО-ДПМНЕ.Од СДСМ упатија и критики кон министерот за правда, оценувајќи дека се обидува да ја зачува функцијата и покрај, како што наведуваат, шпекулациите за негова можна смена.„Доста криминалци штитат криминалци. Испратете ги документите веднаш. Правда сега“, порачаа од СДСМ.

Македонија | пред 1 седмица

„Криминалните пипци на ВМРО ОКГ не ги поштедиле ниту детските градинки во Штип“, вели Димова

На прес-конференција преку советничката на СДСМ во Општина Штип, Галаба Вереса Димова, обвини дека „криминалните пипци“ на ВМРО-ДПМНЕ не ги поштедиле ниту детските градинки во градот.Според Димова, недовербата и нетрпението меѓу функционерите на власта кулминирале со смената на директорот на детската градинка „Астибо“, што, како што рече, отвора сомнежи за финансиски малверзации и сомнително трошење на јавни средства.Таа потсети на, како што наведе, претходни скандали поврзани со општината, меѓу кои кражба на нафта вредна 18 милиони денари, сомнителни набавки на опрема и реквизити во градинката „Астибо“ и индиции за нерегуларности во работењето.„Никој досега не понесе одговорност“, истакна Димова.Од СДСМ посочија и дека детските градинки добиле финансиска помош од речиси 10 милиони денари од буџетски средства, при што побараа градоначалникот Иван Јорданов јавно да одговори на какви сомнежи за финансиски криминал се однесуваат обвинувањата и каква е финансиската состојба во градинките, и покрај зголемените цени за престој.

Македонија | пред 1 седмица

,,Буџетот е пред колапс а народот со празни џебови, СДСМ против нови долгови за криминални тендери", вели Поповиќ

На прес-конференција, членката на Извршниот одбор на СДСМ, Наташа Поповиќ, денеска обвини дека државата се соочува со сериозна буџетска и економска криза, оценувајќи дека Владата предводена од Христијан Мицкоски води политика на неконтролирано задолжување и финансиски колапс.На прес-конференција, членката на Извршниот одбор на СДСМ, Наташа Поповиќ, изјави дека последното задолжување од 260 милиони евра е доказ за, како што рече, лошото управување со јавните финансии.Според неа, Владата првично барала 300 милиони евра кредит, но банките одобриле помал износ со каматна стапка од 4,5 проценти, што, според СДСМ, покажува недоверба во фискалната стабилност на државата.Поповиќ посочи дека граѓаните се соочуваат со раст на цените, висока инфлација и зголемени трошоци за живот, додека, како што рече, нема мерки за заштита на стандардот, ниту редовна исплата на плати и социјални трансфери.Од СДСМ тврдат дека доцни и повратот на ДДВ кон компаниите, што дополнително ја намалува ликвидноста на стопанството и негативно влијае врз економијата.Партијата обвини и за пад на странските инвестиции, намалување на бројот на вработени во индустријата и раст на јавниот долг, кој според нив достигнал околу 11 милијарди евра.Поповиќ рече дека СДСМ нема да учествува во работата на Комисијата за финансирање и буџет поврзана со новото задолжување, а најави и кривична пријава и интерпелација за претседателот на Собранието, Африм Гаши.

Македонија | пред 1 седмица

Шукова: ,,Убиства, дрога, насилства, колку жртви уште треба за Панче Тошковски да поднесе оставка"

СДСМ денеска преку претседателката на Форумот на жени, Каја Шукова, побара оставка од министерот за внатрешни работи Панче Тошковски, обвинувајќи го за, како што рече, целосен распад на безбедносниот систем.На прес-конференција, Шукова рече дека Македонија во последните две години се соочува со раст на насилството, убиства, случаи на семејно насилство и криминал, додека институциите не успеваат да обезбедат заштита на граѓаните.Таа се осврна на повеќе случаи на убиства и насилства, меѓу кои и неодамнешни трагедии во скопскиот регион, Велес, Старо Нагоричане и Кочани, оценувајќи дека системот потфрлил и во превенцијата и во реакцијата.Шукова посочи и на случаи на врсничко насилство, злоупотреба на малолетници и, како што наведе, недостиг на институционална реакција и превенција.Во обраќањето, таа обвини дека полицијата е партизирана и ставена во функција на власта, наместо во служба на граѓаните.Според СДСМ, одговорноста за состојбата директно ја сноси министерот Тошковски, поради што партијата побара негова итна оставка.

Македонија | пред 1 седмица

,,Да не го пропуштиме последниот воз за ЕУ – ајде заедно да ја споделиме одговорноста: малцинствата во Устав", вели Кузеска

СДСМ денеска преку портпаролката Богданка Кузеска на прес-конференцијата порача дека Македонија се наоѓа пред клучен момент за својата европска иднина и дека државата не смее да ја пропушти шансата за членство во Европската Унија.На прес-конференција, Кузеска оцени дека процесот на проширување повторно станал геостратешки приоритет на Европската Унија и предупреди дека доколку Македонија остане надвор од тој процес, ризикува долгорочна изолација, економска стагнација и дополнително иселување на младите.Таа посочи дека земјите од регионот веќе напредуваат на европскиот пат, споменувајќи ги Црна Гора и Албанија како примери за држави кои бележат напредок во пристапните процеси.Кузеска рече дека младите се разочарани од состојбите во државата и дека се потребни конкретни чекори и системски промени, а не само политички пораки.Во обраќањето, таа го повтори повикот на претседателот на партијата, Венко Филипче, до премиерот Христијан Мицкоски за заедничко изгласување на уставните измени.Според Кузеска, внесувањето на малцинствата во Уставот е европско, а не билатерално прашање, додавајќи дека македонскиот идентитет, јазик и култура не се загрозени.Таа истакна и дека СДСМ не го поддржува концептот за придружено членство без полноправно членство во Европската Унија, нагласувајќи дека партијата се залага исклучиво за целосна интеграција на Македонија во ЕУ.

Македонија | пред 1 седмица

Филипче: Бугарија е јасна, Францускиот предлог останува услов

Лидерот на СДСМ, Венко Филипче, напиша дека Францускиот предлог останува на маса и дека, според него, премиерот Христијан Мицкоски повеќе нема простор за нови ветувања.„Бугарија е јасна: Францускиот предлог е на маса. Нема што Мицкоски да ветува - секое негово ветување завршува со неисполнување“, порача Филипче.Тој повторно се осврна на рокот за реализација на Реформската агенда, потсетувајќи дека остануваат уште девет дена до 1 јуни.„Уште 9 дена до 1 јуни и уште едно неисполнето ветување за Реформската агенда“, вели Филипче.Според него, граѓаните повеќе не веруваат во политички изјави, туку очекуваат конкретни резултати.„Граѓаните веќе не веруваат во зборови. Сакаат резултати“, изјави Филипче.

Македонија | пред 1 седмица

СДСМ: Уште 9 дена до уште едно неисполнето ветување на Мицкоски

СДСМ обвини дека Владата на Христијан Мицкоски не ја исполнува Реформската агенда и дека остануваат уште девет дена до рокот што, како што велат, самиот премиер го поставил за реализација на клучните обврски.„Уште само 9 дена остануваат до 1 јуни - рокот што самиот Христијан Мицкоски го постави за исполнување на сите 10 точки од Реформската агенда“, соопштија од партијата.Од СДСМ тврдат дека од вкупно десет точки, досега биле реализирани само две и тоа делумно.„Сега, за неколку дена требаше да се завршат осум. Тоа не е реформа. Тоа е лага“, наведуваат од опозициската партија.Во соопштението се обвинува дека Владата намерно ги блокира реформите и европската интеграција на државата.„Мицкоски не ги исполнува реформите затоа што не сака да ги исполни. Не сака независно судство, не сака Европско јавно обвинителство и не сака да ги внесе малцинствата во Уставот“, велат од СДСМ.Од партијата додаваат дека наместо европски пат, државата се води кон изолација и нови одложувања.„Уште 9 дена се доволни за да се види вистината: Мицкоски не сака ЕУ. Тој сака власт без контрола“, порачаа од СДСМ.На крајот повторно ја потенцираа својата порака: „Реформи сега. Малцинства во Уставот сега. Европа сега.“

Македонија | пред 1 седмица

Филипче: Не зборувам за влада со ВМРО-ДПМНЕ, туку за поддршка на европскиот пат

Претседателот на СДСМ, Венко Филипче, ги отфрли толкувањата дека нуди широка влада или коалиција со ВМРО-ДПМНЕ, нагласувајќи дека неговите ставови се однесуваат исклучиво на поддршка за европските интеграции и реформите.„Каква широка влада? Кој зборувал за влада и коалиција? Јасно кажав - поддршка за европските интеграции и реформите“, изјави Филипче.Тој порача дека СДСМ не разговара за поделба на функции и позиции, туку за, како што вели, иднината на државата во Европската Унија.„Да влеземе во тендер коалицијата на Мицкоски? Од каде некому му падна на памет таква идеја? Ние не преговараме за фотелји и позиции. Ние зборуваме за иднината на Македонија во Европската Унија“, вели Филипче.Лидерот на СДСМ повтори дека, според него, реформите и уставните измени не смеат да се одложуваат.„Реформи сега. Малцинства во Уставот сега. Европа сега“, порача Филипче.

Македонија | пред 1 седмица

ВМРО-ДПМНЕ: Филипче и Заев повторно ја нудат Македонија за личен спас

ВМРО-ДПМНЕ со остро соопштение го нападна лидерот на СДСМ, Венко Филипче, обвинувајќи го дека заедно со поранешниот премиер Зоран Заев повторно нуди „распродажба на Македонија“ заради личен политички спас.„Македонија нема и не смее да биде повторно жртва на политиките на Венко Филипче и неговиот ментор Зоран Заев, кои заради личен спас и амнестија се подготвени повторно да водат политики на сервилност и да ги распродаваат државните интереси“, велат од ВМРО-ДПМНЕ.Од партијата тврдат дека Филипче е свесен за својот „катастрофален личен рејтинг“, за слабата состојба во СДСМ и за недостатокот на политички кредибилитет.„Токму затоа единствен механизам кој му останува на Филипче е сервилност и слугување на туѓи агенди од кои очекува поддршка за да дојде на власт и да ја зачува фотелјата на Бихачка“, стои во реакцијата.ВМРО-ДПМНЕ обвинува дека Филипче „отворено нуди нови национални понижувања, нови отстапки и трговија со државните интереси само поради лична корист“.Во соопштението владејачката партија оценува дека граѓаните веќе ја почувствувале цената на политиките на СДС.„Македонија и граѓаните веќе еднаш ја платија цената на поданичките политики на СДС и цената на владеењето на СДС со корупција, криминал, понижувања и ставање на државата во подредена состојба на меѓународен план“, наведуваат од ВМРО-ДПМНЕ.Партијата додава дека граѓаните нема повторно да им веруваат на „истите луѓе како Заев и Филипче“.„Народот не им верува на СДС и затоа нема да дозволи истите луѓе како Заев и Филипче кои го сменија името, го понижија народот и кои ветуваа европска иднина што никогаш не ја испорачаа повторно да ги лажат“, стои во реакцијата.Од ВМРО-ДПМНЕ порачуваат дека „Македонија не смее да биде држава на уценети политичари кои се спремни за личен спас да ја распродадат“.

Македонија | пред 1 седмица

Филипче: ВМРО им мачка очи на граѓаните со манипулација, требаше да добиеме 200 милиони евра од ЕУ

Лидерот на СДСМ, Венко Филипче, обвини дека власта на ВМРО-ДПМНЕ манипулира со јавноста претставувајќи ги средствата од европскиот „Reform and Growth Facility“ како голем успех.Според Филипче, средствата што ги добиваат земјите од Западен Балкан не можат директно да се споредуваат, бидејќи секоја држава добива пари за различни реформи и проекти.Тој посочи дека Македонија добила 65,7 милиони евра за образование и дигитализација во училиштата, Албанија 49 милиони евра за конкурентност на бизнисите и иновации, а Црна Гора 44,2 милиони евра за истражување и иновации.„Ова е само една транша од многу, а Македонија требаше да добие многу повеќе – околу 200 милиони евра“, наведува Филипче.Тој додава дека средствата се доделуваат според принципот „performance-based“, односно државите добиваат средства во зависност од тоа колку реформи реализирале во конкретна област.Според Филипче, власта со ова „им ги мачка очите на граѓаните“ за да не признае дека клучните реформи – владеење на правото, борбата против корупцијата и реформите во судството – стојат во место.„Ова не е знак за успех во реформите, туку знак дека се реализирани само неколку проекти во одредена област“, наведува Филипче, предупредувајќи дека следната транша може да биде значително помала или целосно да изостане доколку не започнат сериозни промени.

Македонија | пред 1 седмица

Филипче: Мицкоски да не го користи нон-пејперот на Мерц како алиби за неисплнување на реформите

Мицкоски да не го користи нон-пејперот на германскиот канцелар Фридирх Мерц,  како алиби за неисполнување на реформите, нагласи претседателот на СДСМ, д-р Венко Филипче, попладнево на прес-конференција.Филипче порача дека последните сигнали од Европската Унија уште еднаш потврдуваат дека постои политичка волја за проширување, но предупреди дека Владата не смее да бара нови изговори за застој на евроинтегративниот процес.„Денеска видовме уште еден сигнал дека постои волја за проширување во Европската унија, тоа е нон- пејперот од германскиот канцелар Мерц. Иако има луѓе кои што не се согласуваат со тоа, а  тоа е постепено членство, учество во институциите на Европската Унија, и тоа не е дефинитивен документ кој што е усвоен од Европската Унија и очигледно нема да биде усвоен затоа што има несогласување. Апелирам премиерот Христијан Мицкоски да не го користи овој нон- пејпер како дополнително алиби и изговор да не се направат следните чекори, кои што како што сите укажуваат, не може да бидат променети“, рече Филипче.На прес-конференцијата, Филипче порача дека СДСМ е подготвен да ја сподели одговорноста за спроведување на уставните измени и за целиот понатамошен тек на преговорите со Европската Унија.„Ја споделуваме одговорноста Социјалдемократскиот сојуз на Македонија и јас лично, целокупната коалиција која што СДСМ ја предводи, да ги направиме уставните измени и после тоа да седиме заедно на маса, додека траат преговорите, додека се отвораат и затвораат преговорите по поглавјата“, порача Филипче.

Македонија | пред 1 седмица

Филипче: Скандал е да протекувањето информации, и Стоилковиќ е соработник на српските служби и „Ноќните волци“ на Путин, тоа е концептот на власта

Во одговор на новинарско прашање претседателот на СДСМ, д-р Венко Филипче денеска рече дека протекувањето информации од кабинетот на Сиљановска е скандал кој мора да се расчисти и да има одговорност, потенцирајќи дека не е изненаден затоа што има и вицепремиер кој е соработник на српските служби.„Тоа е скандал којшто треба да се расчисти. Да има такво протекување на информации како што пишува во медиумите од земја членка на НАТО е најмалку на ниво на скандал и тука луѓе треба да преземат одговорност вклучувајќи ја и претседателката. Но, тоа мене не ме изненадува. Ние имаме вицепремиер, соработник на српските служби Стоилковиќ, кој има комуникација со „Ноќните волци“,блиски на Путин. Тој на дневна основа вади информации надвор од земјава. Така да се е тоа ова владеење, се е тоа концептот на оваа власт.“ рече претседателот на СДСМ, Венко Филипче.

Македонија | пред 1 седмица

Филипче: Мицкоски да не ја ризикува иднината на младите, заедно да ја преземеме одговорноста за уставните измени

Претседателот на СДСМ, Венко Филипче, го повика Христијан Мицкоски на заедничко преземање на одговорноста за уставните измени, заради иднината на младите и државата.„Апелирам до премиерот Христијан Мицкоски заеднички ја преземеме одговорноста и ја споделуваме одговорноста за спроведување на уставните измени и понатаму за текот на преговори и за каков било предизвик со којшто ќе се соочиме. Да не го испуштиме моментот. Ќе останеме надвор од сите процеси. Ќе останеме слепо црево на Балканот. Ќе останеме без буџети. Нема да имаме од што да преживееме овде во државата. Младите сите ќе заминат оттука ако запре овој процес вака“, рече Филипче.Филипе нагласи дека сите политички чинители треба заеднички да работат на процесот на евроинтеграции и додаде дека не постои ризик за македонскиот идентитет.„Не постои ризик по ниту една идентитетска одредница. Доколку сега го пропуштиме овој воз, ја пропуштиме оваа можност. Апелирам да му кажеме на претседателот на Европскиот совет, Антонио Кошта, дека ќе го направиме следниот чекор, дека ќе ги направиме уставните измени, имајќи предвид дека пред една година, кога претседателот Кошта беше тука и јасно кажа, не постои план Б“, потенцираше Филипче.Филипе повика државата да испрати јасна порака до европските институции дека ќе ги направи сите потребни чекори за да продолжи европскиот пат.„Денеска видовме уште еден сигнал којшто е сигнал дека постои волја за проширување во Европската унија. Тоа е ноун пејперот од германскиот канцелар Мерц. Апелирам премиерот Христијан Мицковски да не го користи овој ноун пејпер како дополнително алиби и изговор да не се направат следните чекори коишто како што сите укажуваат, не може да бидат променети. Ја споделуваме одговорноста. Да ги направиме уставните измени и после тоа седиме заедно на маса, додека траат преговорите, додека се отвораат и затвораат преговорите по поглавјата“, рече Филипче.

Македонија | пред 1 седмица

Филипче: ЕУ отвора врата за проширувањето, не смееме да ја пропуштиме оваа шанса

Европската Унија ја отвора вратата за проширувањето и оваа шанса не смее да биде пропуштена, порача претседателот на СДСМ, д-р Венко Филипче, попладнево на прес-конференција. Филипче посочи дека актуелниот геополитички момент претставува една од најважните можности за државата да го продолжи европскиот пат и да стане дел од процесот на новото проширување на Европската Унија.Воедно, Филипче потенцираше дека посетата на претседателот на Европскиот Совет, Антонио Кошта во Македонија, која ќе се реализира непосредно пред самитот за Западен Балкан во Подгорица, е уште еден сигнал дека проширувањето повторно е високо на агендата на Унијата.„Апелирам да му кажаме на претседателот на Европскиот Совет, Антонио Кошта, дека ќе го направиме следниот чекор, дека ќе ги направиме уставните измени, имајќи предвид дека пред една година, кога претседателот Кошта беше тука и јасно кажа, не постои план Б, постои само еден план А, а тој план е преговарачка рамка која што е веќе усвоена од сите земји членки на Европската унија“, порача Филипче.Тој додаде дека ова е еден од пресудните временски периоди во кои што проширувањето на Европската Унија е високо на приоритетната листа.„Очигледно е дека по повеќе параметри станува збор за еден од пресудните временски периоди во кои што проширувањето на Европската Унија дефинитивно и со конкретни чекори е високо на приоритетната листа на Унијата. мено, веќе се разговара за конкретни модели почеток на процеси кои што ќе значат придружување на Украина, на Молдавија, понатаму активирање на повторно иницирање на референдумот во Исланд за да се продолжат преговорите“, изјави Филипче.Во своето обраќање, Филипче посочи дека и земјите од Западен Балкан веќе прават сериозни исчекори во евроинтегративниот процес и предупреди дека Македонија не смее да остане надвор од пакетот за прием.„Веќе е формирана комисија која што го пишува пристапниот договор за Црна Гора, напредокот на Албанија. Веќе се разговара за буџетирањето во Европската Унија и тоа се периоди од седум години. Ако не влеземе во овој план на Европската унија, тогаш вратите очигледно е дека ќе бидат затворени“, рече Филипче.

Македонија | пред 1 седмица

Филипче: „Се повлекуваме од Комисијата, СДСМ нема да учествува во брутално, задолжување на државата за криминални тендери“

Претседателот на СДСМ, Венко Филипче, на денешната прес-конференција соопшти дека пратеничката група на партијата се повлекува од комисиската расправа поврзана со новото задолжување на државата.Филипче обвини дека Владата предводена од Христијан Мицкоски ја турка државата во, како што рече, „должничко ропство“, посочувајќи дека се планира ново задолжување од 260 милиони евра со висока каматна стапка.Според него, средствата не се користат за подобрување на состојбите во државата, туку завршуваат во партиски тендери и фирми блиски до власта.Тој изјави дека државниот долг за две години е зголемен за околу две милијарди евра и дека Владата нема јасна економска стратегија.Филипче дополнително го обвини претседателот на Собранието Африм Гаши за кршење на Деловникот при закажување седници на Комисијата за финансирање и буџет, која ја води пратеничката Сања Лукаревска.Од СДСМ најавија дека ќе поднесат кривична пријава и интерпелација против Гаши.

Македонија | пред 1 седмица

„Над 200 милиони евра изгубени поради ‘реформите’ на Мицкоски кои се само на збор“, вели Филипче

Претседателот на СДСМ, Венко Филипче, преку објава на социјалната мрежа Х обвини дека Македонија изгубила над 200 милиони евра од Европска Унија поради, како што наведе, нереализираните реформи на Владата на Христијан Мицкоски.Филипче посочи дека Европска комисија одобрила само 65,7 милиони евра за спроведените реформи во Македонија, иако за периодот од јуни до декември 2025 година биле предвидени 134,87 милиони евра.Според него, дополнително останале неповлечени уште 65 милиони евра од претходниот период поради нереализирани реформи.„Над 200 милиони евра изгубени поради ‘реформите’ на Мицкоски кои се само на збор“, напиша Филипче.Тој потсети и на рокот до 1 јуни, кој, како што наведе, самиот Мицкоски го поставил, додавајќи дека „граѓаните ја плаќаат цената за неговите лаги“.

Македонија | пред 1 седмица

„Лажниот патриотизам на ВМРО падна: европски пасоши за нив, изолација за народот“, велат од СДСМ

Од СДСМ преку соопштение обвинија дека, според нив, „лажниот патриотизам“ на ВМРО-ДПМНЕ паднал, откако владејачката партија признала дека македонскиот идентитет и јазик не се загрозени.Во партиското соопштение се наведува дека премиерот Христијан Мицкоски го оценил Преспанскиот договор како „ремек-дело на дипломатијата“, додека претседателката Гордана Сиљановска-Давкова признала дека македонскиот јазик, идентитет и култура се заштитени.Од СДСМ тврдат дека дел од функционерите на ВМРО-ДПМНЕ поседуваат бугарски пасоши, а ја критикуваа и одлуката на власта да не го прифати нивниот предлог-закон со кој премиерот, министрите и членовите на Владата не би можеле да имаат двојно државјанство.„За нив може европски пасоши и сигурност, а за народот блокади и изолација“, наведуваат од СДСМ, оценувајќи дека станува збор за лицемерие и политичка пропаганда.Од партијата додаваат дека граѓаните веќе препознаваат дека, според нив, ВМРО-ДПМНЕ не води политика во интерес на државата, туку во интерес на лични и партиски привилегии.

Македонија | пред 1 седмица

СДСМ: Муцунски се фали со пари кои ги добија сите кандидати од ЕУ – прашањето е колку пари губиме?

СДСМ обвини дека Владата, предводена од Христијан Мицкоски, не ги спроведува потребните реформи за напредок кон Европската Унија, и покрај тоа што Европската комисија стави на располагање 65,7 милиони евра за земјава преку Планот за раст за Западен Балкан.Од партијата посочуваат дека средствата ги добиле сите земји кандидати од регионот, освен Србија, за која тврдат дека со години ги блокира реформите и е во конфронтација со Европската Унија.СДСМ оценува дека слична политика води и актуелната македонска власт, обвинувајќи дека не се усвоени законски измени во правосудството според европските препораки и дека институциите се партизирани.Во реакцијата се споменува и министерот за надворешни работи Тимчо Муцунски, за кого од СДСМ велат дека неоправдано се фали со европските средства како доказ за успешни реформи.Партијата повторно порача дека внесувањето на малцинствата во Уставот е клучен услов за продолжување на евроинтегративниот процес и побара исполнување на реформската агенда до 1 јуни – рок што, според нив, сам го поставил премиерот Мицкоски.

Македонија | пред 1 седмица

Филипче: Наместо европска иднина, граѓаните добија долгови, корупција и стагнација

Претседателот на СДСМ, Венко Филипче, на конференцијата „Седум децении подоцна: Од визијата на Шуман до новите геополитички предизвици на Европа“ денеска рече дека државата нема вистински напредок и дека наместо европска перспектива, граѓаните се соочуваат со долгови, корупција и стагнација.„За 2 милијарди е зголемен долгот само за 2 години. Нема прогрес во ниедно поле. Моето мислење е дека власта нема желба да се оди напред во Европа за да се продолжи со корупцијата и ништо друго“, потенцираше Филипче.Тој предупреди дека задолжувањето расте со сериозно темпо и дека државата се соочува со сериозни економски предизвици.„А гледаме со какво темпо расте задолжувањето. Нема да имаме кредитите од каде да ги враќаме. Нема прогрес во ниедно поле. Немаме систем и никој не верува веќе дека може да го воспоставиме. Поради немањето никакви суштински реформи во образованието, “, истакна Филипче.Тој додаде дека европската интеграција е неопходна за спроведување реформи и справување со корупцијата.„Вистински напредок на нашата држава нема да има ако Европа не се случи. Ако навистина сакаме да се интегрираме во Европа и да ја сузбиеме корупцијата којашто е присутна на секое ниво, патот е јасен. Ќе се иселуваат младите и нема да гледаат шанса тука“, рече Филипче.

Македонија | пред 1 седмица

Филипче: Стравот што го продава власта е лажен – ЕУ не го загрозува македонскиот идентитет

Стравот што го продава власта е лажен, бидејќи Европската Унија не го загрозува македонскиот идентитет, моето мислење е дека нема желба да се оди напред во Европа за да продолжат со корупцијата и ништо друго, нагласи претседателот на СДСМ, д-р Венко Филипче, на конференцијата „Седум децении подоцна: Од визијата на Шуман до новите геополитички предизвици на Европа“. Филипче посочи дека уставните измени не го загрозуваат македонскиот идентитет, јазик и култура.„Нема ниту една одредница идентитетска која што е загрозена со следниот чекор кој што треба да се направи, а тоа се уставните измени. Еве нека кажат, како внесувањето на малцинството во Уставот го загрозува нашиот идентитет или нешто, било што, што утре е навистина ризик. Владата треба да каже што е тоа од што ние се плашиме.Моето мислење е дека нема желба да се оди напред во Европа за да се продолжи со корупцијата и ништо друго. Ама буквално ништо друго“, рече Филипче.Тој додаде дека единствената причина за блокираниот европскиот процес е одбивањето од страна на  власта да се прифати решението кое што веќе е на маса.„Тоа е моето мислење, а како го аргументирам? Поради тоа што не кажуваат од што се плашат. Од документот кој што е на маса? Кој што денес, ако се случи, ние утре ги отвораме преговорите. Ќе има меѓувладина седница и продолжуваме. Може ќе ја стигнеме Црна Гора во 2028 година, со овој мандат на Фон дер Лајен да бидеме земја членка на Европската Унија. Ако продолжевме по тој пат кој што запревме во 2022 година, кога се блокираше процесот во Собранието, сега можеби и за нас ќе беше веќе напишан договор за членство во ЕУ“, рече  Филипче.Во обраќањето, Филипче нагласи дека без европската интеграција нема да има суштински реформи, прогрес и финансиска поддршка за државата.„Реформа на нашата држава, вистинска по сектори, прогрес, грантови, неповратни средства нема да има ако Европа не се случи“, рече Филипче.

Македонија | пред 1 седмица

Филипче: Долгот е зголемен за 2 милијарди евра за само две години, нема да може да ги враќаме кредитите

Претседателот на СДСМ, д-р Венко Филипче, на конференцијата „Седум децении подоцна: Од визијата на Шуман до новите геополитички предизвици на Европа“, предупреди дека власта ја турка државата во должничко ропство,  се случува сериозно задолжување без реален економски прогрес. Говорејќи за алармантната состојба со јавниот долг, Филипче нагласи дека без европската интеграција нема да има вистински реформи, развој и финансиска стабилност.Реформа на нашата држава, вистинска по сектори, прогрес, грантови, неповратни средства нема да има ако не се случи Европа. Гледаме со какво темпо расте задолжувањето. Тоа е уште еден аспект за безбедноста и за иднината на државата. Нема да имаме од каде да ги враќаме кредитите. За 2 милијарди е зголемен долгот само за 2 години, рече Филипче.Притоа, Филипче потенцираше дека  власта неконтролирано се задолжува, новите задолжувања не ги користи за капитални инвестиции, а  државата нема напредок во клучните области.Не се тоа капитални инвестиции, не е нешто тоа што носи раст. Нема прогрес во ниту едно поле. Се влошуваат меѓуетничките односи. Албанија оди напред. Кога сме имале такви меѓуетнички односи заострени во времето на владата на СДСМ? Никогаш. Затоа што граѓанинот беше на прво место, не партиските интереси, истакна Филипче.

Македонија | пред 1 седмица

Филипче: Уставните измени се првиот чекор, сè друго е лажење на граѓаните

Првиот чекор што треба да се направи за продолжување на европскиот пат се уставните измени, сè друго е лажење на граѓаните, порача претседателот на СДСМ, д-р Венко Филипче, на конференцијата „Седум децении подоцна: Од визијата на Шуман до новите геополитички предизвици на Европа“. Филипче нагласи дека процесот е јасен, уставни измени, па потоа следниот чекор е одржување на меѓувладината конференција.Првиот чекор што треба да се направи е да се направат уставни измени, и да се случи следната меѓувладина конференција. Тоа е на масата. Ние можеме до утре да дебатираме за вредностите на Европската Унија, за тоа како ќе ги вратиме општествените вредности. Нема да ги вратиме без ова. Ќе биде уште полошо и уште повеќе ќе се иселуваат младите и нема да гледаат шанса тука, рече Филипче.Во обраќањето, Филипче потсети дека СДСМ понуди обединување околу националните интереси, но дека за тоа немаше поддршка од ниту една политичка партија.Зошто е тој скептицизам? Зошто е стравот? Напишавме предлог-резолуција да се обединиме околу националните интереси, после гласањето на уставните измени нема преговори за било која и да е идентитетска одредница. Ниту една партија не одговори. Од што се плашиме, ако сите седиме заедно на масата за тие работи? Се знае кој е првиот чекор, рече Филипче.Тој истакна дека ниту една идентитетска одредница не е загрозена со уставните измени и побара власта јавно да објасни од што точно се плаши.Нема ниту една одредница идентитетска која што е загрозена со следниот чекор кој што треба да се направи, а тоа се уставните измени. Еве нека кажат, како внесувањето на малцинството во Уставот го загрозува нашиот идентитет или нешто, било што, што утре е навистина ризик. Владата треба да каже што е тоа од што ние се плашиме, порача Филипче.

Македонија | пред 1 седмица

Филипче: Младите не си заминуваат само поради стандардот, туку затоа што не веруваат во системот

Младите не гледаат шанса во државата, не си заминуваат само поради стандардот, туку затоа што не веруваат во системот, нагласи претседателот на СДСМ, д-р Венко Филипче, на панел-дискусијата во рамки на конференцијата „Седум децении подоцна: Од визијата на Шуман до новите геополитички предизвици на Европа“. Филипче посочи дека без европски вредности и реформи државата ќе продолжи да се соочува со одлив на млади кадри.„Првиот чекор што треба да се направи е да се направат Уставни измени.Ние можеме до утре да дебатираме за вредностите на Европската Унија, за тоа како ќе ги вратиме општествените вредности, нема да ги вратиме без ова. Ќе биде уште полошо и уште повеќе ќе се иселуваат младите и нема да гледаат шанса тука. Не поради стандардот кој што во нашите истражувања младите го ставаат на второ место како причина за иселување, туку поради тоа што немаме систем и никој не верува веќе дека може да го воспоставиме. Поради бруталната партизација која што продолжува на секое ниво. Поради немањето никакви суштински реформи во образованието, кои што нема да се случат без Европската Унија“, рече Филипче.Во обраќањето, Филипче потенцираше дека е потребна искреност пред младите и јасна определба за европската иднина на државата.„Напишавме предлог-резолуција да се обединиме околу националните интереси, после гласањето на уставните измени нема преговори за било која идентитетска одредница. Ниту една партија не одговори. Од што се плашиме, ако сите седиме заедно на масата за тие работи? Се знае кој е првиот чекор. Треба да бидеме брутално искрени, ако особено пред младите луѓе кои што седат тука. Која е таа алтернатива која ја бараме? Ветуваше власта дека нешто ќе промени? Еве, видовме дека не можат. И кога ветуваат, јас сум сигурен дека знаат дека не ја кажуваат вистината“, рече  Филипче.Тој додаде дека граѓаните повеќе немаат доверба во правосудството и институциите, а младите сè помалку веруваат дека имаат перспектива во државата.„Луѓето немаат верба повеќе. Може ли да се врати вербата во правосудството? Не може без европското правосудство. Не веруваат луѓето повеќе. Ќе ја вратат ли вербата младите да останат во земјата? 80% од моите студенти учат германски јазик, сакаат да си одат“, рече Филипче.

Македонија | пред 1 седмица