СДСМ

СДСМ: Мицкоски ќе го жртвува Груевски за политички поени

СДСМ обвини дека лидерот на ВМРО-ДПМНЕ, Христијан Мицкоски, има политички мотиви поврзани со прашањето за евентуално апсење на поранешниот премиер Никола Груевски.Од партијата тврдат дека ваквите потези се дел од поширока стратегија за зацврстување на политичката позиција и создавање позитивен имиџ пред меѓународната заедница, особено во контекст на евроинтеграциите и уставните измени.СДСМ оценува дека зад ваквите најави стои обид за продолжување на власта и обезбедување политичка корист, а не вистинска заложба за правда. Во реакцијата се наведува и дека внатрепартиските случувања во ВМРО-ДПМНЕ се дел од поширок процес на консолидирање на контролата.Дополнително, од СДСМ обвинуваат за користење на медиумски и политички механизми за влијание врз јавноста, со цел, како што велат, да се пренасочи вниманието од реалните проблеми.Од партијата порачуваат дека јавноста треба внимателно да ги следи политичките потези и нивната позадина.

Македонија | пред 3 седмици

СДСМ: МАН со класично партиско соопштение маскирано како од „независно“ здружение на новинари

СДСМ реагираше на денешното соопштение на Здружението МАН, оценувајќи дека станува збор за, како што наведуваат, партиски став претставен како изјава на независна новинарска организација.Од партијата тврдат дека ваквите настапи го доведуваат во прашање кредибилитетот на здружението, посочувајќи дека неговото делување е во функција на одредена политичка структура. Во реакцијата се наведува дека МАН, наместо да дејствува како независно новинарско тело, зазема јасна политичка позиција.СДСМ дополнително укажува на поврзаноста на раководството на здружението со медиуми, за кои тврдат дека се дел од поширока политичко-медиумска мрежа.Според нив, кога организација што се претставува како новинарска објавува ставови со изразена политичка насока, таа ја губи својата независност и улога во јавноста.Од СДСМ порачуваат дека граѓаните сè повеќе ја препознаваат, како што велат, вистинската природа на ваквите организации и нивното влијание во медиумскиот простор.

Македонија | пред 4 седмици

СДСМ: Мицкоски и ВМРО си формираа „свој синдикат“ во Армијата, чекор кон целосна партизација на институциите

СДСМ преку соопштение реагира по предупредувањата од Независниот синдикат на професионални војници дека во Министерството за одбрана е формирана, како што наведуваат, нова синдикална структура под влијание на власта.Од партијата во соопштението оценуваат дека станува збор за обид за воспоставување контролирана и партиски наклонета организација, наместо независно синдикално здружување.Според СДСМ, ова претставува уште еден пример на, како што велат, проширување на партиското влијание врз институциите, при што се споменуваат и други области како судството, обвинителството, полицијата и медиумите.Тие во соопштението наведуваат дека наместо заштита на правата на професионалните војници, се создава структура која, според нив, би била под влијание на власта.СДСМ бара целосна независност на синдикалното организирање во Армијата и нагласува дека војниците треба да имаат институционална заштита на своите права без политички влијанија.Партијата порачува дека ќе продолжи да реагира на, како што велат, секој обид за партизација на безбедносниот систем, стои во соопштението.

Македонија | пред 4 седмици

СДСМ: Европа не може да прими криминална организација во своето членство

Европската Унија јасно и недвосмислено бара реформи. Не бара само формални закони на хартија, туку вистинско владеење на правото, независно судство, слобода на медиуми и борба против корупцијата, велат од опозициската СДСМ.„Зошто Македонија стои во место?Затоа што државата ја води криминална организација на чие чело е шефот на мафијата Христијан Мицкоски и неговата ВМРО-ОКГ.Од 10 клучни реформски точки што ги бара Европа, постои и 11-та точка која Мицкоски и ВМРО никогаш нема да ја исполнат: Да се ослободиме од криминална група.Додека Мицкоски и неговата банда се на власт, тие не можат сами да се апсат.Не можат да се борат против корупцијата во која самите се длабоко вградени.Не можат да ги реформираат институциите кои ги претворија во партиски алатки.Сè останато се бајки на Христијан Андерсен Мицкоски.Граѓаните мора да го разберат тоа:Европа не може да прими криминална организација во своето членство.Затоа стоиме во место.Затоа нема напредок.Единственото решение е јасно: кога криминалната организација ВМРО ќе си замине од власт, тогаш Македонија ќе може да тргне напред кон Европа.Доаѓа времето на вистината, правдата и одговорноста“, се вели во соопштението.

Македонија | пред 4 седмици

СДСМ: Судот ги доставил документите за екстрадиција на Груевски – зошто министерот за правда Филков од ЗНАМ ги држи во фиока?

Судот ги завршил и ги доставил сите потребни документи за екстрадиција на осудениот криминалец Никола Груевски. Сега тие документи се во Министерството за правда, а министерот од ЗНАМ, дел од тендер коалицијата на Мицкоски, не ги испраќа во Унгарија, велат од СДСМ.„Нема никаква причина да се чека нова влада.Институциите мора да работат и да постапат веднаш.Мицкоски и неговата влада свесно го штитат Груевски и му даваат време да побегне во трета држава.Ова не е административна грешка туку свесна заштита на криминалецот од страна на шефот на криминалната организација ВМРО-ОКГ.Граѓаните заслужуваат јасен одговор:Зошто Мицкоски не го бара Груевски?Зошто документите се заглавени во Министерството за правда?Доаѓа времето на вистината“, велат од СДСМ.

Македонија | пред 4 седмици

СДСМ: На Светскиот ден на слободата на медиумите – Македонија заслужува вистински слободни медиуми, а не Орбанова пропагандна машина

Денес го одбележуваме Светскиот ден на слободата на медиумите. За жал, во Македонија овој ден не го славиме туку го преживуваме, велат од опозициската СДСМ.„Над 40% од медиумскиот простор е под директна контрола на Орбановата мрежа во служба на Мицкоски и ВМРО-ОКГ.Дополнително владата врши притисок врз независните медиуми.Со приватниот Мосад (Black Cube) се следат и се фабрикуваат медиумски афери против политичките противници.Повампирени лица кои Мицкоски ги оживеа од периодот на Груевски, како Ивона Талевска и нејзиниот партнер Драган Павловиќ Латас, секојдневно сеат омраза, пласираат болни текстови и навреди кон опозицијата.Не е тоа слобода на медиуми туку контрола на медиуми од страна на криминална организација.СДСМ ја поздравува работата на сите независни новинарски пера и секој медиум кој работи професионално и чесно.Ние сакаме и се бориме за денот кога во Македонија нема да има ниту еден медиум под контрола на криминална група, кога никој од власта нема да се меша во уредувачката политика, кога новинарите ќе можат слободно да известуваат без страв од притисоци, закани и фабрикувани афери.Слободата на медиумите не е привилегија туку темел на демократијата.Наскоро доаѓа времето на вистината“, велат од СДСМ.

Македонија | пред 4 седмици

Мицкоски однапред си бара алиби за неуспехот со реформите во јуни, вели Поповиќ

Од СДСМ на денешната прес-конференција оценија дека најавите на премиерот Христијан Мицкоски за реформскиот процес во јуни се, како што велат, обид за однапред подготвување на алиби за евентуален неуспех.Пратеничката Наташа Поповиќ изјави дека наместо реален напредок, јавноста е сведок на политички наративи со кои, според неа, се префрла одговорноста кон опозицијата.Таа посочи дека Владата располага со парламентарно мнозинство и дека, како што рече, има можност самостојно да ги носи клучните закони, вклучително и Изборниот законик.Од СДСМ тврдат дека во изминатиот период власта повеќепати најавувала европски напредок и исполнување на реформски обврски, но дека тие најави не биле реализирани.Според партијата, проблемите во реформскиот процес се резултат на недоволна реализација на обврските, а не на, како што велат, блокади од опозицијата.СДСМ порача дека нема да прифати, како што наведуваат, обиди за префрлање вина и дека одговорноста за реформскиот процес останува кај владејачкото мнозинство.

Македонија | пред 4 седмици

Кузеска: По најавите на Петер Маѓар, Обвинителството да отвори истрага за кинеските пари од Унгарскиот кредит

Од СДСМ на денешната прес-конференција побараа Јавното обвинителство да отвори истрага за, како што велат, нетранспарентните финансиски договори поврзани со унгарскиот кредит и евентуалните врски со кинески финансиски институции.Портпаролката Богданка Кузеска изјави дека најавите и информациите кои доаѓаат од Унгарија отвораат прашања за начинот на кој се склучуваат меѓународни договори и за условите под кои се задолжуваат државите.Од СДСМ тврдат дека ваквите финансиски аранжмани имаат директно влијание врз јавниот долг и граѓаните, кои, според нив, ќе ги сносат последиците од задолжувањето.Тие посочија дека постојат, како што велат, неразјаснети елементи околу трошоците и провизиите поврзани со кредитните договори, за кои бараат целосна транспарентност и институционална проверка.СДСМ повика Јавното обвинителство да постапи и да утврди дали постојат неправилности во процесот на склучување и реализација на овие финансиски аранжмани.

Македонија | пред 4 седмици

СДСМ: Уште ли патуваат документите од Министерството за Правда за Груевски или се заглавија во Пошта

Од СДСМ преку соопштение прашуваат дали Владата предводена од Христијан Мицкоски има поднесено барање за екстрадиција на поранешниот премиер Никола Груевски или, како што велат, документите се заглавени во институциите.Во соопштението се наведува дека поминале три недели од изјавата на унгарскиот премиер Петер Маѓар, кој истакнал дека Унгарија нема да биде „безбедна куќа за криминалци“, при што, според СДСМ, бил спомнат и Груевски.Од опозициската партија тврдат дека од страна на македонската Влада и Министерството за правда сè уште нема официјален чекор за барање екстрадиција, што, според нив, отвора прашања за политичката волја за враќање на Груевски во земјата.СДСМ обвинува дека со одложување или непостапување се остава простор за избегнување на правдата, додека граѓаните, како што велат, очекуваат јасен и недвосмислен институционален став.

Македонија | пред 4 седмици

Мицкоски веќе се подготвува да ги внесе Бугарите во Уставот – комисијата работи цело време , вели СДСМ

Од СДСМ преку соопштение обвинуваат дека премиерот Христијан Мицкоски веќе се подготвува за внесување на Бугарите во Уставот, посочувајќи дека Заедничката историска комисија меѓу Македонија и Бугарија континуирано работи, без тоа да биде транспарентно соопштено во јавноста.Реакцијата следува откако заменик-министерот за надворешни работи Зоран Димитровски во телевизиско гостување изјави дека комисијата редовно одржува средби. Од СДСМ прашуваат зошто овие активности не се јавно комуницирани и што точно се договара на тие состаноци.Според опозициската партија, најважното прашање за напредокот кон Европската Унија останува внесувањето на малцинствата во Уставот, вклучително и Бугарите, што, како што велат, е јасен услов од европските институции.Од СДСМ посочуваат дека изјавите на Мицкоски за можен напредок во реформите до јуни, во комбинација со активностите на историската комисија, укажуваат дека Владата подготвува чекори кои досега јавно ги негирала.Во соопштението се потсетува на претходните позиции на премиерот во однос на Преспанскиот договор, уставните измени и односите со Бугарија, при што се тврди дека актуелните случувања се спротивни на неговите поранешни изјави.СДСМ повторува дека останува на ставот дека внесувањето на малцинствата во Уставот е неопходен чекор за продолжување на европскиот пат на државата.

Македонија | пред 4 седмици

СДСМ: Мицкоски однапред подготвува алиби за неуспехот во јуни!

Христијан Мицкоски денеска повторно ја најави својата нова стратегија: кога во јуни ќе се покаже дека нема напредок во реформите, виновен ќе биде СДСМ затоа што го „блокирал“ Изборниот законик, велат од СДСМ како реакција на изјавата на премиерот Христијан Мицкоски.„Ова е класична  лага на Мицкоски.ВМРО-ОКГ има апсолутно мнозинство во Собранието.Токму како што го укинаа техничката влада без ниту еден глас од СДСМ, така можат да го донесат и Изборниот законик.Не им треба СДСМ за закони – им треба изговор кога ќе пропаднат.Мицкоски помпезно ветуваше дека „наскоро од Брисел ќе стигне вест дека сме рамо до рамо со Црна Гора“.Сега однапред подготвува алиби зошто тоа нема да се случи. Затоа што во јуни нема да ги внесе малцинства во Уставот, нема да ги затвори 8-те отворени реформски точки и нема да ги реши проблемите што самиот ги создаде: криминал, корупција, контрола врз судство и обвинителство, 40% од медиумите дел од Орбановата мрежа.Мицкоски лажеше за враќање на името, лажеше за укинување на Преспанскиот договор, лажеше за „трета економија во Европа“.Сега подготвува нова лага – дека СДСМ е виновен за неговиот неуспех.Нема да нè вовлече во своите лаги.Мицкоски може да продолжи со лаги, да ветува и да бара виновници.Граѓаните јасно гледаат: единствениот кој ја блокира Македонија кон Европа е токму тој – Мицкоски и неговата криминална организација“, се вели во реакциајта.

Македонија | пред 4 седмици

Мицкоски за СДСМ: Тие не се борат за победа на наредните избори, туку за опстанок на раководството во партијата

Во врска со обвинувањата од страна на опозицијата дека нема напредок во исполнување на реформската агенда премиерот Хирстијан Мицкоски ги замоли граѓаните пораките кои доаѓаат од СДСМ да ги прифааќаат со резерва.„Би ги замолил граѓаните сите оние пораки што доаѓаат од страна на опозицијата да ги прифаќаат со резерва, бидејќи целта на оваа опозиција не е да испрати точна порака или да биде конструктивна и да понуди решение, туку целта е со лаги и шпекулации да привлече внимание. Тие не се борат на следните избори да победат, туку се борат ова раководство и понатаму да остане раководство во опозицијата.Во смисла на тоа што го зборувам, а и во таа насока, е и шпекулацијата поврзана со застој во реализирањето на реформската агенда. Вчера имавме долг состанок со ресорните министри во Владата, кои треба до крајот на јуни да ги доиспорачаат веќе започнатите чекори. Можам да кажам дека сите оние 10 што се заостанати, со исклучок на 2, ќе бидат испорачани.Првиот е оној дел во кој се бара од државата да не обезбедува 100% електрична енергија за домаќинствата и за сите корисници на електрична енергија од снабдувачот, бидејќи цениме дека тоа што го прифатила претходната Влада, ако ние го продолжиме и го прифатиме, тогаш сметките за електрична енергија на домаќинствата ќе бидат за 25% до 30%, па и повеќе, поскапи. Тука свесно нема да одиме во реализација на тој чекор, бидејќи сакаме да го заштитиме стандардот на граѓаните.Вториот чекор е Изборниот законик. Знаете дека тој се носи со консензус. СДСМ ја напушти работата на групата што работи на Изборниот законик и, сè додека е таа одлука, ние Изборниот законик не можеме да го донесеме.Сè останато ќе биде завршено и сè останато ќе биде уште еден демант на лагите што ги испраќа СДСМ на тие дневни прес-конференции“, изјави Мицкоски.

Македонија | пред 4 седмици

„Гоце Делчев е мит“ - рече Рубин Земон кој предизвика политичка бура – СДСМ се оградува, ВМРО-ДПМНЕ напаѓа

Изјава на членот на Извршниот одбор на СДСМ, Рубин Земон, за улогата на Гоце Делчев предизвика силни реакции во јавноста и меѓу политичките партии. Земон во подкаст изјави дека „Гоце Делчев е мит“ и дека, според него, за македонскиот идентитет поголем придонес имаат личности како Крсте Мисирков и Димитрија Чуповски. Тој додаде дека Делчев „ништо не напишал“ и „не извојувал ниту една битка“, нагласувајќи дека темата треба да се разгледува на „објективно научно ниво“.Пратеничката од СДСМ, Славјанка Петровска, јавно се огради од ваквите ставови, потенцирајќи дека Гоце Делчев претставува „жива морална и национална вертикала“ врз која се темели македонската државност.„Почитта кон Гоце Делчев не е прашање на дневна политика. Таа е прашање на достоинство, историска свест и одговорност“, напиша Петровска, додавајќи дека ваквите позиции не смеат да бидат доведени во прашање.Од СДСМ, преку изјава на Јон Фрчкоски, посочија дека Земон се извинил за својата изјава и нагласија дека за партијата Делчев е „великан вкоренет во сè што сме денес“.„Гоце Делчев е најголемата и најзначајната историска личност за Македонија. Основоположник на идејата на ова што сме денес. (0:10) Човек со кој што ни почнува химната, великан. Колку и да не ми се допадна контекстот кога јас ја слушнав таа изјава, верувам на она што Рубин го напиша вчера, човекот се извини за таа изјава, објасни дека е извадено од контекст и дека доколку и некој ја интерпретирал така, тоа не било неговата намера, сакал да... Практично акцентира и други македонски значајни имења од тој период. Жално е на кој начин јавноста му одговори, Рубин беше уведваден и вреген по основна национална припадност и слично, (1:19) и тоа е страшно Ние стоиме за тоа што го кажува, а тоа е дека се извини за изјавата и контекстот во која што ја дадена“, вели Фрчкоски.Реакција стигна и од ВМРО-ДПМНЕ, од каде оценија дека изјавата на Земон е доказ за, како што наведуваат, „вистинските позиции“ на раководството на СДСМ во однос на идентитетските прашања.

Македонија | пред 4 седмици

СДСМ: 1 Мај е ден на борба, а не на празник

СДСМ преку соопштение испрати порака дека 1 Мај е ден на борба, а не на прослава, изрази поддршка за најавениот протест на работниците, оценувајќи дека нивната состојба е влошена и дека институциите не преземаат доволно мерки за подобрување на животниот стандард.Од партијата во соопштението посочуваат дека, наместо празнично одбележување на Меѓународен ден на трудот, работниците се принудени да излезат на улица поради, како што велат, ниските примања и растот на трошоците за живот. Според СДСМ, нема зголемување на платите, а не е прифатен ниту нивниот предлог за минимална плата од 600 евра.Во соопштението се наведува дека цените на основните производи и трошоците за живот растат, при што синдикалната кошничка, според нив, бележи значително зголемување во последните месеци. Партијата оценува дека Владата не презема конкретни чекори за заштита на стандардот на граѓаните.СДСМ изразува поддршка за синдикалниот протест, наведувајќи дека станува збор за борба за повисоки плати, подобри услови за работа и достоинствен живот.Воедно, од партијата упатуваат критики кон Владата, тврдејќи дека фокусот не е ставен на интересите на работниците, туку на други приоритети.

Македонија | пред 4 седмици

Фрчкоски: Со укинувањето на Пржинската влада, ВМРО го урниса и последниот бедем за фер и демократски избори

Членот на Извршниот одбор на СДСМ, Јон Фрчкоски, во емисијата „Само интервју“ на телевизија Канал 5, укажа дека со носењето на последните измени на Законот за Влада и укинувањето на Пржинската влада, владата на ВМРО го урниса и последниот бедем за фер и демократски избори. Фрчкоски посочи дека со ваквиот потег се урива еден од клучните механизми за изборен баланс и контрола, воведен со консензус и под меѓународен мониторинг.„Вчера практично се урниса и последниот бедем или нормален предуслов за демократски избори во Македонија, имајќи предвид каква организирана група ја води државата. Зошто го кажувам тоа? Затоа што законот се донесе на најшверцерски начин, а тоа е еден закон кој што беше донесен со консензус на четирите партии, со поддршка и мониторинг на целиот тој процес од меѓународната заедница, од Европската Унија, од САД како стратешки партнер“, рече Фрчкоски.Тој потсети дека токму ВМРО, односно сегашниот премиер Мицкоски, во времето кога СДСМ беше на власт инсистираше техничката влада да остане, но, сега не им одговара. Фрчкоски нагласи дека власта е оптоварена со корупциски афери и дека токму затоа бега од фер изборен процес.„Ова е влада која е заглавена во корупциски скандали. Ова е однос на една влада која што суштински се плаши од спроведување на фер и демократски избори. Христијан Мицкоски беше оној кој што инсистираше законот да остане, односно решението во законот да остане, со нагласување да остане до влез во Европската Унија. Но, поважно е дека тоа го прави влада која што е во страв и во паника. Доколку навистина не размислуваат на организирање на избори брзо, доколку навистина не веруваат во тоа дека рејтингот им е галопирачки паднат, не би се однесувале така“, рече Фрчкоски.Тој нагласи дека реакциите на СДСМ не се од некаков страв, туку од принципиелна потреба да се заштити изборниот процес и граѓаните да имаат можност да излезат на фер и демократски избори.„Ние не прејудицираме од никаков страв, напротив тука сме многу растеретени, се работи за одбрана на еден демократски постулат и принцип, можност граѓаните да излезат на фер избори. Но, ова е власт што е глува за било какви здрави аргументи, се води исклучиво од личниот интерес според мене и она што го гледаме е најчесто бизнис интерес“, рече Фрчкоски.Во интервјуто Фрчкоски посочи дека ваквото однесување на власта и укинувањето на техничката влада е резултат на страв и пад на рејтингот.„Поважно е дека тоа го прави влада која што е во страв и во паника. Доколку навистина не размислуваат на организирање на избори брзо, доколку навистина не веруваат во тоа дека рејтингот им е галопирачки паднат, не би се однесувале така“, рече Фрчкоски.Тој порача дека ваквите чекори на власта отвораат сомнежи за нивните вистински намери, вклучително и можноста за брзи избори.„Единствен што целиот овој период прави алиби и подготвува терен за брзи избори, затоа што веројатно нема пари и математиките во начинот на практицирање на власта му се многу лоши и неуспешни, е самиот премиер и неговата партија“, рече Фрчкоски.

Македонија | пред 1 месец

Спасовски до Трипуновски: Дали 1.500 вработени во земјоделството ги оставивте без здравствено осигурување?

Пратеникот на СДСМ, Оливер Спасовски, на денешната седница посветена на пратенички прашања упати прашање до министерот за земјоделство, шумарство и водостопанство, Цветан Трипуновски, во врска со наводите за прекин на здравственото осигурување на вработените во Министерството.Според информациите на кои се повика Спасовски, станува збор за ситуација во која поголем број вработени останале без здравствено осигурување во изминатиот период.Тој наведе дека има информации оти од 23. овој месец до денеска нема здравствено осигурување за ниту еден вработен во Министерството за земјоделство, шумарство и водостопанство, вклучително и инспекторатите, односно вкупно околу 1.500 лица.Спасовски посочи дека меѓу нив има луѓе кои имале потреба од медицински третмани, вклучително лекување на деца и закажани операции, поради што побара од министерот да одговори дали информацијата е точна.Во своето обраќање тој праша дали навистина нема здравствено осигурување за вработените во наведениот период и, доколку тоа е точно, која е причината поради која тие останале без осигурување.

Македонија | пред 1 месец

СДСМ: Мицкоски нека се грижи за своето здравје – ние сме загрижени за здравјето на Македонија поради тебе

СДСМ со соопштение реагираше на изјавите на премиерот Христијан Мицкоски, оценувајќи дека тој повторно настапил со, како што наведуваат, непримерен и провокативен речник и наместо да се фокусира на проблемите на граѓаните, упатил лични и политички напади кон опозицијата.Од партијата посочуваат дека не се загрижени за неговото здравје, туку за, како што велат, состојбата на државата под негово раководство.Во соопштението СДСМ го обвинува Мицкоски дека користи „уличарски“ и навредлив речник, наведувајќи дека претходно ги нарекувал граѓаните со негативни квалификации. Партијата оценува дека таквиот настап не доликува на функцијата премиер и го опишува како, според нив, несоодветно политичко однесување.СДСМ додава дека граѓаните, како што велат, јасно гледаат каде е проблемот во државата и најавува дека ќе продолжи да реагира на, според нив, политиките на власта, со порака дека „доаѓа времето на вистината, правдата и одговорноста“.

Македонија | пред 1 месец

Петровска до Тошковски: Дали со прекинување на акцијата за поткуп од 50 илјади евра го штитите министерот за земјоделие

Пратеничката на СДСМ, Славјанка Петровска, на седницата за пратенички прашања упати прашање до министерот за внатрешни работи Панче Тошковски, поврзано со акција за поткуп спроведена од МВР и Бирото за јавна безбедност, во која беше приведен директор на Државниот инспекторат за земјоделие.Петровска посочи дека јавноста добила ограничени информации за случајот, при што акцијата била опишана во соопштение без, како што рече, доволно детали. Таа додаде дека подоцна во јавноста се појавиле фотографии од апсењето, кои, според неа, отвораат прашања за точната локација на настанот.Пратеничката наведе дека постојат индиции за поврзаност на локацијата со објекти во близина на адреса поврзана со министерот за земјоделие, и побара појаснување дали акцијата била прекината пред да се реализира во целост.„Дали со прекинување на акцијата се штити министерот за земјоделие?“, праша Петровска, додавајќи дека очекува јасни одговори од министерот Тошковски.Од МВР засега нема дополнителни појаснувања во врска со изнесените наводи од пратеничката.

Македонија | пред 1 месец

СДСМ: Мицкоски, што вели Black Cube, дали визите се вистински или лажни како вашите вести

СДСМ преку соопштение упати обвинувања и барања за појаснување од ВМРО-ОКГ и нивниот лидер Христијан Мицкоски, поврзани со фотографии кои, според нивните тврдења, се од визи од пасош на претседателот на СДСМ Венко Филипче.Од СДСМ во соопштението поставуваат прашања за автентичноста на материјалите и начинот на кој тие се добиени, барајќи објаснување од каде потекнуваат фотографиите и кој имал пристап до нив.Партијата во соопштението бара јасни одговори и за евентуалното учество на странски приватни безбедносни компании, како и за тоа кој стои зад изнесените тврдења во јавноста.Во соопштението СДСМ наведува дека постојат нејаснотии околу целиот случај и бара институциите и засегнатите политички субјекти да дадат јасни и конкретни објаснувања пред јавноста.

Македонија | пред 1 месец

Куновска со остри критики до раководството на Бихаќка: Можно ли е уште подолу и подолу да го тоне СДСМ

Софија Куновска повторно излезе со критики до раководството на СДСМ.„Секојдневно се прашувам, можно ли е ова раководство уште подолу и подолу да го тоне Социјалдемократскиот сојуз на Македонија. За жал уште и уште имало…“, напиша Куновска на ФБ.Куновска е поранешен висок функционер на СДСМ, експратеник и експретседател на Градската организација на Скопје на СДСМ.

Коментари | пред 1 месец

СДСМ: Мицкоски ја урна последната линија на одбрана на демократските избори

Додека беше во опозиција, Христијан Мицкоски инсистираше дека техничката влада мора да остане сè до влезот на Македонија во Европската Унија, велат од СДСМ.„Сега, со мнозинство на ВМРО-ОКГ и ЗНАМ, неговата тендер коалиција, Собранието изгласа укинувањето на техничката влада, која постоеше од 2016 година како единствен механизам за заштита од целосна узурпација на институциите и обезбедување барем минимално фер услови на изборите.Мицкоски ја урна последната линија на одбрана на демократските и фер избори.Сега е сосема јасно зошто толку брзаше да ја укине техничката влада – сака да владее без никаква контрола, без транспарентност и без никаква одговорност.Граѓаните пред изборите нема да можат да дознаат сите детали за наместените тендери и малверзациите што оваа власт ги спроведуваше.Нема да има контрола врз механизмите што ги злоупотребуваат.Почитувани граѓани, следните избори ќе бидат клучни. Поправен испит нема да има.Власта мора заедно да ја вратиме во рацете на народот“, се вели во соопштението.

Македонија | пред 1 месец

Филипче на X: Со Мицкоски Македонија падна за 3 места во Индексот за слобода на медиуми

Претседателот на СДСМ, Венко Филипче, реагираше на социјалната мрежа X по објавениот нов Индекс за слобода на медиуми, наведувајќи дека Македонија бележи пад од три места.Тој посочи дека земјата сега се наоѓа во групата држави со „проблематична состојба“, според оценките на меѓународните извештаи за медиумски слободи.Во својата објава, Филипче оцени дека ваквиот резултат е показател за, како што наведе, влијанија врз медиумската сцена и начинот на кој се спроведуваат реформските процеси поврзани со слободата на медиумите.Тој додаде дека ваквите трендови се спротивни на европските стандарди и на реформските обврски на земјата во процесот на евроинтеграции.

Македонија | пред 1 месец

СДСМ: Мицкоски вели „сè е супер и до јуни ќе завршиме“, а од 10 клучни реформски точки само 2 се исполнети

СДСМ со соопштение реагира дека изјавите на премиерот Христијан Мицкоски за напредокот на реформите не соодветствуваат со реалната состојба, тврдејќи дека од предвидените клучни приоритети до јуни 2026 година, само мал дел се целосно исполнети.Од партијата во соопштението наведуваат дека поголемиот дел од реформските точки остануваат отворени или само делумно реализирани, при што посочуваат дека најголем дел од обврските во областа на правосудството, борбата против корупцијата, јавната администрација, финансиите и образованието сè уште не се завршени.Во соопштението се нагласува дека делумни резултати се забележуваат само во дигитализацијата, додека останатите области, според СДСМ, се во задоцнување во однос на планираните рокови.Од опозицијата во соопштението поставуваат прашања како Владата планира да ги затвори преостанатите реформски точки во краток временски период, укажувајќи дека досегашната динамика не дава такви индикации.СДСМ во соопштението оценува дека реалната состојба покажува застој во реформските процеси и недоволна имплементација на обврските, додека, како што наведуваат, граѓаните се соочуваат со последиците од бавното спроведување на промените.Партијата порачува дека ќе продолжи да укажува на, како што велат, разликата меѓу политичките изјави и фактичката состојба на терен.

Македонија | пред 1 месец

СДСМ: „Одлично е сè“ – вели Мицкоски, а граѓаните ја плаќаат сметка за неговите бајки

СДСМ во соопштение упати низа критики кон премиерот Христијан Мицкоски, обвинувајќи дека владата прикажува нереална слика за состојбите во државата, додека граѓаните се соочуваат со економски и социјални предизвици.Од партијата во соопштението посочуваат дека задолжувањето на државата продолжува, а средствата, според нив, не се користат за подобрување на животниот стандард. Воедно, реагираат и на измените во законската регулатива за странци, тврдејќи дека се овозможува зголемен број на странска работна сила.Во однос на земјоделството, СДСМ во соопштението наведува дека доцнењето на програмите и мерките негативно влијаело врз земјоделците, додека кај платите, според нив, нема значајно подобрување во однос на растот на трошоците за живот.Партијата критикува и дека нема доволно економски мерки за справување со кризата, како и дека реформските процеси се нејасни и недоволно транспарентни, стои во соопштението.Во соопштението се наведува и дека буџетските средства се насочуваат кон непродуктивни трошоци, наместо кон приоритетни потреби на граѓаните.СДСМ во соопштението порачува дека ќе продолжи да укажува на, како што велат, разликата меѓу владините тврдења и реалната состојба, оценувајќи дека граѓаните ја препознаваат фактичката ситуација.

Македонија | пред 1 месец

Битиќи: Без техничка влада нема фер избори

Техничката влада е клучен механизам за обезбедување фер и демократски избори, порача пратеникот на СДСМ, Фатмир Битиќи, во своето обраќање на собраниската седница.„Техничката влада на прв поглед се наметнува како тема поврзана со институционална хигиена, а всушност отвора многу подлабока политичка рана. Се претставува како рационализација на системот, како враќање кон нормалноста и ослободување на изборниот процес од едно преодно решение. Но овде лежи политичкото, егзистенцијално прашање од кое Владата бега: дали Македонија конечно изгради држава во која никому нема да му биде потребна техничка влада?“, истакна Битиќи.Тој нагласи дека техничката влада не е европски стандард, туку резултат на слабости во системот.„Техничката влада не се роди од европски идеал, туку од македонска демократска болест. Таа беше дел од Пржинскиот политички аранжман, постигнат со посредство на Европската Унија, во време на длабока политичка и институционална криза. ЕУ не ни донесе техничка влада затоа што таков модел е врвен демократски стандард, туку затоа што тогаш Македонија немаше доволно европски квалитет на владеење“, рече Битиќи.Додаде дека укинувањето на техничката влада без суштински реформи е опасен чекор.„Но патот до тој ден не води преку нејзино механичко бришење од закон, туку преку системска зрелост што ќе ја направи непотребна. Техничката влада ќе замине во историјата кога граѓаните ќе почувствуваат дека државата пред избори не навива за никого, не посегнува по присилни механизми и не дели санкции и награди врз основа на партиска подобност“, порача Битиќи.Тој предупреди дека сегашните политички состојби покажуваат дека државата сè уште не е подготвена за укинување на овој механизам.„За жал, далеку сме од тој момент. Препознаваме загрижувачки слична политичка матрица – институции изложени на партиска гравитација, закони што се туркаат без јавна расправа и политички дијалог заменет со демонстрација на бројки. Ако денес повторно ги искусуваме овие процеси, тогаш прашањето не е дали сме го надминале Пржино, туку дали повторно се враќаме кон политичка логика што го направи неопходно“, истакна Битиќи.

Македонија | пред 1 месец