тимчо муцунски

Муцунски: Преговорите со ЕУ не се блокирани – тие никогаш не започнаа поради СДСМ и ДУИ

Министерот за надворешни работи, Тимчо Муцунски, реагираше на изјавите на претседателот на СДСМ, Венко Филипче, за процесот на евроинтеграции, посочувајќи дека преговорите со Европската Унија не можат да бидат блокирани затоа што – како што вели – „никогаш и не започнале, благодарение на СДСМ и ДУИ“.„Од нас нема да слушнете големи зборови без покритие и празни чекори. Нашата задача не е да нудиме изговори, туку резултати. Затоа ја движиме државата напред – таму каде што ѝ припаѓа: во Европа. Тоа не е слоган, туку реалност што ја градиме преку конкретни проекти: бесплатен роаминг за нашите граѓани во ЕУ, зелени ленти за превозниците, пристап до европскиот единствен систем за плаќање, партнерство во безбедноста и одбраната со ЕУ. Тоа се вистински реформи, а не празни флоскули,“ истакна Муцунски.Тој додаде дека зборува и работи за поевтин роаминг, но и за зачуван идентитет, достоинство и гордост. „Не зборувам за виткање кичма, за администратори, за договори под маса, за прифаќање уцени или ултиматуми, како што тие го правеа тоа. Тука има разлика – и граѓаните ја гледаат таа разлика,“ нагласи министерот.Муцунски ја повика опозицијата да дејствува рационално и разумно и да не го саботира европскиот процес. „Ова не е борба за лични или партиски интереси. Ова е борба за граѓаните, за државата, за иднината. Ќе напредуваме само ако сите заедно ги ставиме државните пред партиските интереси,“ заврши тој.

Македонија | пред 4 месеци

Муцунски: Фрчкоски направил штета од шестцифрена сума во евра

Министерот за надворешни работи Тимчо Муцунски, информира дека се спроведува постапка за наводна злоупотреба на јавни буџетски средства од страна на поранешниот амбасадор Љубомир Фрчкоски.„Имаме сериозни индиции за злоупотреба на јавни буџетски средства. Индициите укажуваат дека штетата е шест цифри во евра. Не би можел конкретно да кажам колкава е во моментов, давам одредени информации кои смеам да ги споделам во оваа фаза, зашто тече процедурата. Спроведена е внатрешна постапка во МНР, информациите кои стигнаа до мене се навистина многу загрижувачки. Ние ќе ги преземеме сите неопходни мерки, а понатаму ќе имаме обврска да ги информираме релевантни институции од правосудството, но што ќе преземат тие излегува од наша надлежност и преминува во нивна надлежност,“ изјави Муцунски на прес-конференција.На новинарско прашање за можни тужби од засегнатите лица, Муцунски истакна дека тоа е нивно право.„Јас тука ништо не можам да спорам, но сум убеден дека откако МНР е раководено од моја страна внимаваме секогаш максимално да се почитуваат законите и процедурите, што, за жал, морам да констатирам, не било пракса додека ова Министерство било раководено од мојот претходник. Најеклатантен пример е последното отповикување на генералниот конзул во Њу Џерси каде лицето било именувано на таа позиција спротивно од одредбите на Законот. Таква пракса не смееме да дозволиме, треба да бидеме репер за почитување на законите,“ додаде министерот.

Македонија | пред 1 година

Средба на Муцунски и Столтенберг во Брисел

Министерот за надворешни работи и надворешна трговија, Тимчо Муцунски во рамки на работната посета на Брисел, се сретна со Генералниот секретар на НАТО, Јенс Столтенберг, кој наскоро ќе замине од оваа позиција. По тој повод, министерот му врачи на Столтенберг благодарница и плакета за извонредни достигнувања и придонес за евроатлантската безбедност.Изразвувајќи благодарност за неговото лидерство и водењето на организацијата, истовремено нагласувајќи ја важната поддршка за нашето членство во Алијансата, министерот Муцунски го истакна значењето на личните напори на Столтенберг за зачувување на заедничките вредности и одржување на мирот и стабилноста во Западен Балкан, регион од стратешко значење за НАТО.Воедно, тој ја потенцираше и посветеноста кон политиката на отворени врати на Алијансата, како клучен фактор за зачувување на регионалната стабилност.„Вашата значајна улога во турбулентните години го зајакна и модернизира НАТО, правејќи ја Алијансата покредибилна и поподготвена за зачувување на мирот и стабилноста во евроатлантската област“, нагласи Муцунски на средбата.

Македонија | пред 1 година

Министерот Муцунски во работна посета на Брисел

Министерот за надворешни работи и надворешна трговија, Тимчо Муцунски, денеска и утре ќе престојува во работна посета на Брисел.За време на посетата, министерот Муцунски ќе оствари средба со Генералниот Секретар на НАТО, Јенс Столтенберг, во пресрет на неговото заминување од функцијата Генерален Секретар на НАТО. По повод денот на независноста, во седиштето на НАТО во Брисел, ќе биде организиран прием, на кој министерот Муцунски се обрати пред дипломатскиот кор и поканетите гости.Во рамки на работната посета, заедно со претседателот на владата на Република Северна Македонија, министерот Муцунски ќе оствари работни средби со високи претставници на институциите на Европската Унија.

Македонија | пред 1 година

Потпишан меморандум за реализација на втората фаза на проектот за координација на активностите кои произлегуваат од членството во НАТО

Министерот за надворешни работи и надворешна трговија, Тимчо Муцунски и амбасадорот на Обединетото Кралство, Метју Лосон, денеска потпишаа Меморандум за соработка за реализација на втората фаза на проектот за ефикасна меѓуресорска координација на активностите кои произлегуваат од членството во НАТО.“Со денешното потпишување на меморандумот ја продолжуваме значајната соработка со Обединетото Кралство, со цел дополнително зајакнување на нашето сојузништво. Исто така, имплементацијата на втората фаза од проектот ќе овозможи дополнително зајакнување на нашите капацитети и ќе придонесе за натамошното утврдување на земјава како кредибилна НАТО членка” истакна министерот Муцунски.Воедно, министерот нагласи дека ваквиот чекор претставува уште една потврда на заложбите на двете земји за зајакнување на колективната одбрана и гарантирање на целокупната безбедност на НАТО Алијансата.Амбасадорот Лосон посочи дека двете земји се силни НАТО сојузници и партнери, а притоа изрази задоволство од реализацијата на проектот кој ги зајакнува меѓусебните односи.„Ми претставува задоволство што овој проект дополнително ги зајакнува овие односи. Нашиот претходен ангажман се фокусираше на изградбата на Директорат за НАТО во рамките на Министерството за надворешни работи како и на формирањето на Национален координативен совет за НАТО. Сега ќе работиме заедно на развивањето на силни меѓувладини НАТО структури кои ќе подготвуваат и споделуваат анализи и ќе обезбедуваат поддршка на носителите на одлуки на највисоките позиции за прашања кои се од исклучителна важност за безбедноста на нашите две земји. Со нетрпение очекувам да ја продолжиме работата која што придонесува за пошироката безбедност и стабилност на Северна Македонија и Обединетото Кралство како и на нашите НАТО сојузници.”, потенцираше тој по потпишувањето на меморандумот.Инаку, проектот е предвидено да трае до март 2025 година и преку упатување на резидентен експерт се очекува да придонесе за вешто и високо компетентно учество на Министерството за надворешни работи и надворешна трговија и цивилните експерти во работата на структурите на НАТО. Дополнително, тој треба да ја унапреди целокупната подготвеност на нашите институции за обезбедување ефективен и ефикасен менаџмент на политичките улоги во областа на безбедносната политика и безбедносни прашања.

Македонија | пред 1 година

Муцунски: Како кредибилна НАТО членка остануваме посветени на зајакнувањето на колективната безбедност

Министерот за надворешни работи и надворешна трговија, Тимчо Муцунски, заедно со владина делегација, предводена од премиерот Христијан Мицкоски, учествуваше на НАТО Самитот, што се одржа од 9-ти до 11-ти јули, во Вашингтон.,,Како кредибилна НАТО членка остануваме посветени на зајакнувањето на колективната безбедност. Заедно со нашите сојузници во Алијансата стоиме обединети во определбата за одбрана на споделените демократски вредности и заложбите за траен мир и просперитет.Во изминатите две дена, како дел од делегација предводена од премиерот Христијан Мицкоски, учествував на НАТО Самитот во Вашингтон. Во фокусот беа актуелните безбедносни предизвици, со посебен акцент на поддршката за Украина, зајакнувањето на одбраната на Алијансата, како и унапредување на соработката со партнерите од Индо - Пацификот.Во рамките на дискусијата беше нагласена и потребата од зајакнување на соработката помеѓу НАТО и ЕУ во земјите од Западен Балкан, што претставува гаранција за регионалната и целокупната трансатлантска сигурност. Притоа, беше истакнато дека продолжувањето на политиката на Отворени врати на НАТО и проширувањето на Европската Унија се најдобрите алатки за постигнување траен мир и гарантирање на демократските процеси на нашите простори.”, напиша Тимчо Муцунски.

Македонија | пред 1 година

Дејан Митески е новиот заменик-градоначалник на Општина Аеродром

На работна средба, утрово во просториите на Општина Аеродром официјално беше извршено примопредавање на функцијата градоначалник, на која присуствуваа поранешниот градоначалник, Тимчо Муцунски и заменик-градоначалникот Дејан Митески.Двајцата функционери ја потенцираа досегашната успешна соработка и истакнаа дека работата на Општината ќе продолжи непречено и во континуитет.Муцунски се заблагодари за досегашната соработка, притоа потенцирајќи дека Општината продолжува да ја води човек што и досега како претседател на советот давал важен и сериозен придонес во нејзиното функционирање и работење. Тој упати благодарност за поддршката и соработката до целиот тим и општинската администрација.Митески упати благодарност до Муцунски за придонесот за Општината и истакна дека соработката ќе продолжи и во иднина. Тој најави континуитет во работењето и реализација на многу проекти кои ќе донесат подобар живот и подбра иднина во Аеродром.

Скопје | пред 1 година

Муцунски патува за Луксембург, ќе учествува на заседанието на Советот за надворешни работи на ЕУ

Тимчо Муцунски, министер за надворешни работи и надворешна трговија, на првиот ден од почетокот на мандатот, патува за Луксембург. Муцунски ќе учествува на Состанок меѓу министрите за надворешни работи на Европската Унија и земјите од Западен Балкан.На состанокот ќе стане збор за евроинтегративните процеси на земјите од Западен Балкан, како и модалитетите за зајакнување на соработката и присуството на ЕУ во нашиот регион.Муцунски од Луксембург ќе отпатува во прва работна посета на Брисел, во чии рамки ќе се сретне со генералниот секретар на НАТО, Јенс Столтенберг, како и со високи претставници на Европската унија.Со заседанието на Советот претседава високиот претставник на ЕУ за надворешна политика и безбедност, Жозеп Борел. 

Македонија | пред 1 година

Дали и Тимчо Муцунски си оди од градоначалничката функција

Градоначалникот на скопската општина Аеродром, Тимчо Муцунски, се споменува како сериозен кандидат за во Извршната власт.Доколку биде дел од Владата му престанува градоначалничката функција.Според Законот, бидејќи има повеќе од 6 месеци до локалните избори, Владата мора да распише предвремени избори и за оваа општина.Предвремени локални избори се можни и во Гостивар доколку според преговорите Арбен Таравари стане нов министер за здравство.До изборите, доколку Муцунски и Таравари станат министри, функцијата ќе ја вршат ВД градоначалници, но таа може да се извршува најмногу два пати по шест месеци.Редовните локални избори треба да се одржат во октомври 2025 година.

Македонија | пред 1 година

Муцунски: Со над 280.000 гласови разлика беше поразена корумпираната власт

,,Вчера се случи историја. Вчера народот повторно ја направи Македонија своја и горда и јасно покажа дека Македонија треба да чекори во правецот на напредокот, успесите, реформите и европските стандарди. Вчера победи Македонија, победи народот, победија и Македонци, Албанци, Турци, Срби, Роми, Бошњаци и Власи, победија граѓаните. Затоа упатувам огромна благодарност до сите граѓани, вклучително и дијаспората, кои патуваа и по стотици и илјадници километри да го дадат својот глас за промени.Со над 280 илјади гласови разлика беше декласирана власта на СДСМ, затоа што на народот му беше доста од криминалот корупцијата, понижувањата, поделбите, притисоците, поразите и уцените. Вчера беше поразен и бојкотот на ДУИ, но беше упатен и јасен сигнал дека во Македонија мора да има одговорност за пљачкањето и осиромашувањето на граѓаните кое се случува изминатите години.Одважноста и храброста на народот ја заслужува целата почит. Довербата која беше дадена на ВМРО-ДПМНЕ носи и огромна одговорност и чест да се формира и води влада која ќе биде посветена на секој еден граѓанин, на неговите потреби, барања, на подобриот стандард, на реформите кои ќе значат подобар живот.ВМРО-ДПМНЕ и коалицијата доби трипати повеќе мандати од СДСМ, или ако сакате повеќе од ДУИ и СДСМ заедно на овие избори, со што народот јасно покажа дека овие две партии треба да завршат во опозиција. ВМРО-ДПМНЕ, согласно последните неофицијални податоци од ДИК освои 58 наспроти 18 мандати на СДСМ и 19 мандати на ДУИ. Јасна е волјата на граѓаните, покрај СДСМ, во опозиција треба да оди и ДУИ, да поминат низ една катарза, да има одговорност и да се реформираат, потоа да излезат пред судот на граѓаните.Дополнително, Македонија вчера доби нов претседателка во името на Гордана Силјановска Давкова која успеа да го победи актуелниот претседател Пендаровски со околу 310 илјади гласови разлика, да потсетам оваа победа е извојувана од позиција на предизвикувач на актуелниот претседател. Тоа говори колку е големо незадоволството на граѓаните од политиката позната „како до сега“.Народот достоинствено се спротивстави на поразите и се одлучи за промените во свои раце. Наша обврска како идна власт е да работиме одговорно и чесно од првиот ден на формирањето на новата влада, која очекуваме во најбрз можен рок да се состави од партиите кои нудат промени и просперитет. Првите резултати од идната влада треба да се почувствуваат во првите 100 дена од нејзиниот мандат, затоа што ние нудиме и ќе спроведеме концепт на работа и реализација на ветените проекти.Македонија прославува, но Македонија ја чека и многу работа. Владата на ВМРО-ДПМНЕ и народот, како што заедно се изборија за промени, така заедно ќе работат за подобра иднина.”, изјави Тимчо Муцунски, потпретседател на ВМРО-ДПМНЕ.

Македонија | пред 1 година

Со низа активности Општина Аеродром одбележува 19 години постоење

Аеродром е општина која инвестира во децата и младите. Преку низа проекти и инвестиции во изминатиот период општината покажа грижа за нив и овозможи подобри услови за спорт, рекреација и едукација.Токму во духот на младост и радоста, со неколку настани и различни спортски и музички активности, денес се одбележа 19. роденден на општината. Во нив учество зедоа учениците од основните училишта и детските градинки, а Аеродром уште еднаш покажа дека е најубавата, најурбана и најспортска средина, а аеродромци се учат да ја чуваат и негуваат уште од најмали нозе.Градоначалникот Тимчо Муцунски преку социјалните мрежи го честита јубилејот, притоа упати благодарност до сите кои учествува во активностите и го направија овој ден посебен.Пораките изработени од учениците од основните училишта и градинките, а кои се однесуваат на желбата за поубава, позелена и почиста општина, ќе останат највисоко во приоритетите на Општина Аеродром.

Скопје | пред 1 година

Нема фотографија

Муцунски: Време е за почеток на важна фаза на промени, подобра и просперитетна иднина

,,Дојде време, за почеток на една важна фаза во животот на нашите генерации која треба да донесе сериозни промени во македонското општество и да ни обезбеди подобро и просперитетна иднина.За нешто повеќе од месец дена не делат од неизбежното заминување на оваа власт, која за жал ни нанесе несогледливи штети и остави сериозно негативно последици по државата.1. Од економска гледна точка се наоѓаме на самото дно во регионот, при што скоро сите други држави имаат поголем БДП по глава на жител од нас. Во последните седум години најголемиот дел од државите во регионот остварија раст од 50%, а власта предвидена од двоецот СДС — ДУИ само 20%.2. Од Извештаите на ЕУ и реалните состојби на терен констатираме дека целосно е загрозено владеењето на право, институциите не функционираат соодветно, криминалот и корупцијата се во пораст, јавната безбедност постојано се загрозува од страна на лица кои заради различни причини најчесто не се достапни на органите на прогонот.3. Довербата на граѓаните во областа на правосудството е на најниско можно историско ниво и во таа област повеќе од неопходно е да се дејствува системски, ефикасно и брзо.4. Несоодветниот третман, погрешен концепт и недоволни вложувања во образованието и науката создаваат сериозни проблеми кои негативно се рефлектираат најнепосредно кај родителите, учениците, студентите, наставниот кадар и научните работници.5. Здравството е крајно девастирано, а незадоволството на здравствените работници и пациентите од ден на ден расте. Аферите како онаа на Клиниката се хематологија се редовна појава, додека интересот и решителноста за справувањето со негативните појави во оваа значајна област за нашето здравје целосно отсуствува.6.Во областа на патната инфраструктура власта даваше големи верувања, а еден километар автопат не изградија.7.Земјоделците и сточарите целосно ги запоставија и ги оставија сами да ги решаваат сериозните проблемите со кои секојдневно се соочуваат.Во целата композиција на неуспешно креирани и водени штетни политики од двоецот СДС -ДУИ ништо не е подалеку и актуелниот претседател Стево Пендаровски, кој по извесното завршување на неговиот петгодишен мандат освен со својата сервилност кон власта нема со што друго да се пофали.Она што претходно беше спомената е само еден мал дел од она што беше погрешно или воопшто не беше сторено и токму затоа заклучуваме дека е:Крајно време да се стави крај на овие тешки порази, недоследности и понижувања на интелектот на нашите граѓани.Токму сега е вистинско време е да ја започнеме битката за коренити промените, за нови можности кои ќе создадат услови за брз и непречен развој на државата.Во наведената насока почитувани наши граѓани, од сите делови на државата, без разлика на вашата етничка, верска или идеолошка припадност отворено Ве повикуваме да се обединиме под знамето на промените, и да се приклучите на најголемиот сенароден митинг пред Владата на Република Македонија кој ќе се одржи утре на 4 април со почеток од 20 часот. Целта на овој собир е на мирен и достоинствен начин за последен пат во нивниот мандат да им кажеме едно големо НЕ на досегашните неуспешни и погубни политики на владата сочинета од СДС и ДУИ и претседателот во заминување.За последен пат пред почетокот на предизборната кампања сакаме заедно, сплотени и обединети да упатиме силна порака до сите граѓани на Македонија дека се посилни од сите предизвици со кои се соочуваат, дека власта е привремена и дека народот секојпат е оној кој ја дава но и ја одзема власта која оригинерно му припаѓа само нему.Македонија повторно твоја. Промените се во твоите раце.”, изјави Тимчо Муцунски, потпретседател на ВМРО-ДПМНЕ.

Македонија | пред 1 година

Нема фотографија

Муцунски: Луѓето се нашиот најсилен потенцијал, благодарение на нив обезбедуваме чиста и зелена општина

Градоначалникот на Општина Аеродром Тимчо Муцунски, заедно со директорот на Јавното претпријатие за комунални дејности, Благоја Ѓорѓиевски по повод почетокот на пролетта и Денот на екологијата направија обиколка на локациите каде се спроведува голема еколошка акција за чистење и уредување на јавните површини.Градоначалникот Муцунски на својата Фејсбук страна нагласи дека луѓето се најсилниот потенцијал, а благодарение на посветеноста на комуналните работници општина обезбедува континуитет во одржување на чиста, средена и зелена средина.Активностите за пролетно расчистување на Аеродром продолжуваат и во следниот период.

Скопје | пред 1 година

Нема фотографија

Муцунски: Остро го осудувам вчерашниот инцидент, во спортот нема простор за насилство и агресија

Најостро го осудувам инцидентот на вчерашниот натпревар помеѓу кошаркарските клубови МЗТ Скопје Аеродром и Чаир - настан што кај сите нас предизвика сериозна загриженост. Насилството во спортот не само што го поткопува духот на натпреварувањето, туку и ја загрозува безбедноста на спортистите и навивачите. Ова на својата Фејсбук страна го напиша градоначалникот на Општина Аеродром, ТимчоМуцунски по безбедносниот инцидент на вчерашниот натпревар кој беше прекинат поради напад од неофицијални лица врз тренерот и играчите на МЗТ Скопје Аеродром.Тој потенцираше дека кошаркарите на МЗТ и целиот стручен штаб се спортски херои во Аеродром, а браќата Дамјан и Војдан вистински кошаркарски легенди, а задача и одговорност на сите е да промовираме спортска култура, меѓусебно почитување и здрава конкуренција.„Кошаркарите на МЗТ и целиот стручен штаб се нашите спортски херои, а браќата Дамјан и Војдан национални кошаркарски легенди. Гарантирањето на нивната безбедност и овозможувањето на фер игра се наша обврска и задача. Дополнително, одговорност и задача на сите нас, како заедница и општество е да промовираме спортска култура, меѓусебно почитување и здрава конкуренција“, истакна градоначалникот Муцунски во својата Фејсбук објава.Имајќи ја предвид сериозноста на вчерашниот инцидент, тој побара од Кошаркарската федерација и останатите надлежни институции да ги преземат сите неопходни мерки за негово целосно расчистување и нагласи дека неопходно е во иднина сите заедно да работиме на спречување на секоја форма на насилство и агресија на спортските терени.

Скопје | пред 1 година

Нема фотографија

Муцунски: Го потпишавме договорот за имплементација на проектот за паметен Аеродром

,,Огромно е задоволството денес да го потпишеме договорот со кој што го официјализираме почетокот на јавно-приватното партнерство помеѓу општина Аеродром и корперацијата „Crescent NV“ со цел имплементација на проектот за смарт односно паметен Аеродром.Овој проект е само почеток на дигиталните решенија кои што ќе се нудат во нашата општина во следните години. Посебно ме радува што иницијалната инвестиција која што ќе ја прави корперацијата „Crescent NV“ во општина Аеродром, на почетокот е некаде околу 9 милиони евра. Се работи за реномирана меѓународна компанија која што котира на Бриселската берза, но уште повеќе не радува што во имплементацијата на нивниот проект тие инкорпорираат и домашни, македонски компании, меѓу кои што ги вбројуваме А1 и Ассеко. Се работи за дигитални решенија насочени кон паметно осветлување, паметна мобилност, воспоставување на бесплатни интернет зони на територија на општина Аеродром, така да ќе има многу решенија кои што граѓаните ќе ги сведочат во следниот период, а кој што понатаму ќе се прошируваат и надградуваат согласно технолошкиот развој кој што се шири во глобалниот свет.За нас е ова еден значаен исчекор, исчекор кој што во следните 6 месеци отприлика ќе ја направи Аеродром првата паметна општина поширока класификација на територија на цела Република Македонија и се радуваме што реализираме уште едно ветување дадено во последната кампања за локалните избори", вели Муцунски, градоначалник на општина Аеродром.

Скопје | пред 1 година