ТОП

Македонец загина во Бугарија откако 19 годишник со кола влета во ресторан и уби три лица

Три лица загинаа откако 19 годишен возач со автомобил влетал во ресторан, објавија тамошните медиуми.Околу 01:36 часот ноќеска, на бројот 112 е добиена дојава за инцидент на улицата Гранчарска во Разград каде полицијата утврдила дека 19-годишен возач, кој го возел автомобилот на својот татко, ја изгубил контролата врз возилото и удрил во гости во ресторан.Тројца мажи загинаа на местото на настанот – на возраст од 58, 62 и 64 години.58-годишникот е државјанин на Македонија, со постојано живеалиште во Бугарија.Возачот бил тестиран за алкохол и дрога, неговите примероци биле негативни. Исто така, биле земени крв и урина за хемиска анализа. Известено е обвинителството, а за случајот е покрената предистражна постапка.Обвинителството објави дека подигнале обвинение против младиот човек и ќе побараат изрекување на најстрога превентивна мерка „притвор“ за него.

Македонија | пред 6 месеци

Стојанче Ангелов: „Ова лето гранката нема да ми биде потребна“ – Владата промовира нова генерација противпожарни возила

Директорот на Дирекцијата за заштита и спасување, Стојанче Ангелов, со саркастична порака: „Ова лето гранката нема да ми биде потребна“, алудирајќи на некогашната немоќ на институциите при гаснење пожари.Ангелов денеска, на воениот полигон Пепелиште, во присуство на премиерот Христијан Мицкоски, вицепремиерот Љупчо Димовски, министрите Панче Тошковски и Владо Мисајловски, градоначалникот на Кавадарци Митко Јанчев и други функционери, ја промовираше новата опрема на Дирекцијата.Според Ангелов, институцијата сега располага со:18 теренски возила „Пинцгауер“ со резервоари од 1.500 литри (се очекуваат уште 5),15 оклопни возила БТР-80 со водни резервоари од 6 тона,5 оклопни возила „Хермелин“ со приклучени цистерни од 2 до 8 тона.Сите 43 возила се опремени со пумпи со млаз до 100 метри, што, како што беше демонстрирано на терен, значително ја зголемува ефикасноста при интервенции во шумски и теренски пожари.„Владата располага со ресурси како никогаш досега, распределени преку различни институции. Ова е сериозен чекор кон посилна, поопремена и поефикасна државна одбрана од пожари“, порача Ангелов.

Македонија | пред 6 месеци

Зеленски: Разговорот со Трамп беше најпродуктивен досега – „Патриот“ ракетите клучни за одбраната

Украинскиот претседател Володимир Зеленски изјави дека неговиот последен разговор со американскиот претседател Доналд Трамп, одржан оваа недела, бил најдобар и најпродуктивен досега.„Што се однесува до разговорот со претседателот на САД, кој се одржа ден претходно, тоа беше веројатно најдобриот разговор што сме го имале досега – најпродуктивен“, рече Зеленски во своето редовно видеообраќање во саботата навечер.Зеленски истакна дека главна тема биле прашањата за воздушна одбрана и се заблагодари за подготвеноста на Трамп да помогне, посочувајќи дека американскиот систем „Патриот“ е од клучно значење за заштита од балистички закани.Двајцата лидери разговарале и за „неколку други важни прашања“ кои, според Зеленски, ќе бидат разгледани на претстојните состаноци на официјалните делегации.Претседателот Трамп, пак, за време на обраќање пред новинари во петокот изјави дека имал „добар разговор“ со Зеленски, но повторно ја изрази неговата разочараност од телефонскиот разговор со рускиот претседател Владимир Путин, кој, според него, не покажал подготвеност да работи на прекин на огнот.На прашање дали САД ќе испорачаат дополнителни системи „Патриот“, како што побара Украина, Трамп одговори: „Ќе им требаат за одбрана... ги гаѓаат доста жестоко.“Во меѓувреме, Русија ги засили воздушните напади врз Киев и други украински градови, а само ден по повикот на Трамп до Путин, руските сили извршија најголем напад со дронови врз главниот град од почетокот на војната.

Македонија | пред 6 месеци

Елон Маск ја основа „Американската партија“ – отворен судир со Трамп поради фискалната политика

Само ден по анкета на платформата X во која ги праша следбениците дали САД имаат потреба од нова политичка партија, Елон Маск објави дека ја основал „Американската партија“, со цел – како што наведува – „да им ја врати слободата на граѓаните“.„Во сооднос 2:1 рековте дека сакате нова партија – и ќе ја добиете. Денес е основана Американската партија!“, напиша Маск на X. Овој потег доаѓа во момент на отворен конфликт со Доналд Трамп, со кого до неодамна беше во близок сојуз. Причина за разидувањето е новиот закон за намалување на даноци и државна потрошувачка, кој Трамп го потпиша во петокот и кој Маск жестоко го критикуваше, тврдејќи дека ќе ја доведе Америка до банкрот.Маск, кој досега вложи стотици милиони во кампањата за реизбор на Трамп, најави дека ќе ја користи својата моќ и капитал за да се бори против конгресмени кои го поддржале законот. Тој водеше и Оддел за владина ефикасност под администрацијата на Трамп.На прашање зошто од поддржувач станал критичар, Маск на X одговори:„Зголемувањето на буџетскиот дефицит од веќе лудите 2 трилиони долари под Бајден, на 2,5 трилиони. Тоа води кон банкрот.“Конфликтот ескалираше откако Трамп запрети со укинување на федералните субвенции што ги добиваат компаниите на Маск, како Tesla и SpaceX. Спорот се одрази и на берзата – акциите на Tesla, кои во декември достигнаа врв од 488 долари, во април загубија над половина од вредноста, а минатата недела се затворија на 315,35 долари.Во редовите на Републиканската партија расте загриженоста дека судирот меѓу Маск и Трамп би можел да ги загрози шансите за зачувување на мнозинството во Конгресот на изборите во 2026 година.И покрај неговиот финансиски капацитет и влијание, аналитичарите предупредуваат дека разбивањето на двопартискиот политички систем во САД е речиси невозможна мисија, бидејќи демократско-републиканската доминација трае повеќе од 160 години. Сепак, појавата на Маск како политички актер со сопствена партија може да донесе нови пресврти во веќе поларизираната американска политика.

Свет | пред 6 месеци

(Видео) Македонецот Никола победи на „Sвездите на Гранд“, ја отпеа „Ако утре ме нема“ во чест на Кочани

Синоќа се одржа големото финале на музичкиот натпревар „Ѕвездите на Гранд“, а токму македонецот Никола Станишиќ победи. Никола со освоени 138.714 гласови од вкупно 400.000.„Покрај статуата, Гранд Продукција му доделува на победникот и нова награда, Александар Саша Поповиќ, во знак на сеќавање на основачот на Гранд Продукција и натпреварот „Ѕвездите на Гранд“. Победникот добива и песна со комплетен маркетинг, а оваа година продукцијата ќе награди уште неколку финалисти со снимки од нивните први песни“, изјавија водителите Милан Митровиќ и Ана Севиќ.Оваа година беше воведена уште една награда – победничка статуа именувана по Саша Поповиќ, во чест на основачот и долгогодишен креатор на ова натпреварување.Беше одлучено дека статуата, која ќе ја однесе победникот во 2025 година, ќе го носи името на нашиот пријател, автор и основач на Гранд, Саша Поповиќ. Еден од овие млади луѓе од Србија или регионот ќе однесе дома статуа со неговото име. Тоа е најмалку што можевме да направиме сега кога работиме без него – рече Воја Недељковиќ за Гранд.

Магазин | пред 6 месеци

Почина новинарката Валентина Базерко

Вчера, на 62 годишна возраст почина новинарката Валентина Базерко.Новинарската кариера ја започна во „Млад борец”, а потоа самопрегорно работеше во Македонското радио. Беше борец за правда и професионализам, дописник од Тајван, известуваше од значајни меѓународни конференции.Базерко беше партизанска внука и ќерка која и покрај животните удари го сакаше новинарството и работата, се грижеше за негување на македонскиот јазик и современиот радио израз.Колегите од сите медиуми се простуваат од Валентина Базерко.

Македонија | пред 6 месеци

(Видео) „Џабе стоиме, тие се во апартманите во Грција“, рече родителот на загинатиот син единец од пред кочанскиот суд

Молчејќи и исврикувајќи ги институциите, родителите на загинатите во пожарот во „Пулс“, како и граѓаните кои бараа правда, маршираа низ Кочани за да упатат порака дека трагедијата не треба да биде заборавена, но и дека чекаат одговорност. На речиси +40 степени, со фотографиите од нивните деца, поминаа низ центарот на градот. Застанаа пред полицијата и пред Основниот суд односно Обвинителството.„Нема да зборуваме, само ќе молчиме“, рече родител на загинато дете, а потоа беа исвиркани судот и Обвинителството.„Џабе стоиме, ај да одиме, они си се во апартманите во Грција, џабе стоиме ние ајде, одете“, рече родителот кој го изгуби синот единец.Ова беше 12-ти по ред, марш за загинатите во „Пулс“. И следната сабота, родителите ќе го одржат 12-от по ред собир, кој има за цел да ги разбуди институциите и да им ги одговори прашањата.

Македонија | пред 7 месеци

(Фото) „Бајач“ од Трубарево измамил брачен пар од Берово за 400.000 евра – тврдел дека истерува зли магии од нивниот син

Полициски службеници од СВР Штип во соработка со ОВР Берово, СВР Скопје и Одделот за криминалистичка полиција привеле 54-годишен жител на скопското село Трубарево, осомничен дека подолг временски период измамувал брачен пар од Берово, претставувајќи се како „бајач“ со натприродни способности.Како што информира МВР, на 3 јули Б.Д. (76) од Берово пријавил дека во периодот од 2022 до 2025 година, осомничениот Д.И. (54) лажно се претставувал како „Божји човек“, истерувач на зли духови и маѓии, тврдејќи дека нивниот син е под влијание на „црна магија“ која му го загрозува животот.„Имено, според пријавителот во период од 2022 до 2025 година пријавениот со намера за себе да прибави противправна имотна корист, со лажно прикажување на факти ги довел и ги држел во заблуда пријавителот и неговата сопруга М.Д. прикажувајќи се самиот себе како лице со посебни паранормални способности (наводен „бајач“, истерувач на духови и магии) , односно како “Божји човек” кој има моќ и сила да растури зла маѓија што наводно била направена над нивниот син и што наводно му го загрозувала неговото здравје и живот. Притоа, во наведениот речиси три годишен период ги навел оштетените лица во повеќе наврати на различни локации во Скопје и Берово да му даваат парични средства во висина од 5.000 до 6.000 евра за „помошта“, така што се стекнал со противправна имотна корист од вкупно 400.000 евра за посочениот период“, велат од МВР.Оттаму додаваат:„По примањето на пријавата од страна на полициски службеници од СВР Штип во содејство со полициски службеници од ОВР Берово, Одделот за криминалистичка полиција и СВР Скопје, а по насоки на јавен обвинител од надлежното ОЈО Кочани веднаш се преземени мерки и активности за расчистување на кривично правниот настан, при што паричните средства кои оштетениот по предходен договор со пријавениот имал намера да му ги даде, се крим-технички обработени. Така вчера (04.07.) во Берово од слобода се лишени пријавениот Д.И. и неговата мајка Д.И. (76) од Трубарево, скопско кај која при извршен претрес се пронајдени парични средства во износ од 3000 евра. Од извршениот претрес во нивниот дом во Трубарево пронајдени се и одземени се предмети поврзани со кривичното дело - „измама". По целосно преземени мерки и активности против двете приведени лица е поднесена кривична пријава за продолжено кривично дело „измама" и истите се предадени на Судија за предходна постапка во Основниот суд Кочани“.

Македонија | пред 7 месеци

Четири активни пожари – ЦУК апелира за внимателност поради високите температури

Центарот за управување со кризи (ЦУК) информира дека до 13 часот денеска, 5 јули, на територијата на државата се евидентирани вкупно осум пожари на отворен простор, од кои четири сè уште се активни, а четири се успешно изгаснати.Моментално активни се следните пожари:Во селото Бешиште, општина Прилеп, каде гори приземен пожар во квалитетна мешана шума.Во с. Црешнево, м.в. Церо Поле, општина Македонски Брод, каде гори деградирана дабова шума и грмушки.Во општина Чашка, под Солунска Глава, помеѓу местата Изворите на Бабуна и Бабина Дупка – каде моментално нема активен пламен, но се забележува чад на карпест терен.Во општина Велес, каде гори ниска вегетација.Во исто време, изгаснати се следните пожари:Во с. Врањовци, општина Врапчиште, каде гореше ниска вегетација и ѓубриште.Во с. Лојане, општина Липково, каде беа зафатени ниска вегетација и стрниште.Во с. Радање, општина Карбинци, каде пожарот опфатил житни насади и ниска вегетација.Во с. Орланци, општина Арачиново, каде гореше ниска вегетација и отпаден материјал.Од ЦУК апелираат до граѓаните за максимална претпазливост и одговорно однесување во природа, особено во услови на високи температури, кои го зголемуваат ризикот од појава и ширење на пожари. Надлежните служби остануваат на терен и ги следат сите потенцијално критични точки низ државата.

Македонија | пред 7 месеци

(Видео) За првпат адвокатот Давидовиќ проговори за доказите за трагедијата во „Пулс“: Родителите нема да ги добијат сите одговори

Во разговор во „Претрес со Ландов“, Звонко Давидовиќ, адвокат на еден од обвинетите во случајот со трагедијата во клубот „Пулс“ во Кочани, првпат проговори за содржината на доказите што се дел од предметот – фрлајќи ново светло врз досегашната истрага и поставувајќи сериозни прашања за одговорноста на институциите.„Ова е криминал кој траел со години. Не може одговорноста да се ограничи само на обезбедувањето. Надлежност имаат и МВР и Обвинителството. Ако клубот работел уште од 2013 година – каде биле тие сите овие години?“, праша Давидовиќ.Тој посочи дека градежното и хемиското вештачење откриваат дека биле вградени опасни материјали во ентериерот, кои при горење создавале цијановодород – исклучително токсичен гас, и капки со температура од 250 до 450 степени. Тоа, според него, значи дека дури и ако искрите од прскалките биле безбедни, материјалите не биле.„Ако сè било изградено според прописи, немало да дојде до ова. Но, не било“, вели тој.Според Давидовиќ, сè уште нема точен одговор од вештачењата, колку лица можело да собере клубот.Тој одговори и на прашњето вратите биле заклучени, но отворено постави прашања зошто со истрагата не се опфатени други институции – меѓу кои УЈП, Пазарна инспекција...„Со вакво обвинение, без сите одговорни и со обвиненија по исти член – родителите нема да ги добијат сите одговори. Тоа е жално, но реално.“Според него, доказниот материјал е обемен – повеќе од 50.000 страници.Многу повеќе на оваа тема, но и за Мијалков, Нинџа, 27 април, најгрозоморните убиства во Македонија, слушнете во „Претрес“:?t=5463

Македонија | пред 7 месеци

(Фото) Се судриле, па излетал преку жарденери - тешка сообраќајка на Партизанска, има повредени

Во петокот навечер, на 4 јули околу 23:25 часот, на крстосницата меѓу булеварот „Партизански одреди“ и улицата „Лондонска“ во Скопје се случила сообраќајна несреќа помеѓу две возила – „Рено Каптур“ управувано од 20-годишниот Д.И. и „Ауди А5“ со возач Е.С. (20), двајцата од Скопје, информира МВР.Во несреќата телесни повреди добиле возачот на „Ауди“-то, Е.С., како и неговите сопатници А.И. (26) и Е.Б. (21). Повредените се згрижени во Клиничкиот центар „Мајка Тереза“, по што се пуштени на домашно лекување.Извршен бил увид од увидна екипа при СВР Скопје, а според проценките, штетата изнесува околу 200.000 денари. Се работи на целосно утврдување на причините за несреќата.ФОТО: Локално

Скопје | пред 7 месеци

Наместо во затворот Шутка, во домашна удобност – судот одреди куќен притвор за возачот кој усмрти пешак и побегна

Наместо ефективен притвор, возачот на мотоциклот „Кавасаки“ кој усмрти пешак и побегна без да му укаже помош, ќе го чека епилогот од истрагата во удобноста на својот дом, дознава „Скопје1“. Судија на претходна постапка, од Кривичниот суд, не ја уважи предлог-мерката на обвинителката која бараше ефективен притвор, односно возачот кој беше во бегство, да биде спроведен во затворот во Шутка.Засега не се познати деталите од решението, односно, зошто судијата се решил лице кое беше во бегство, да го остави во куќен притвор. Од Обвинителството посочуваат дека жалбата за ваквата мерка е веќе дадена и се чека одлуката на Кривичниот совет. Обвинителката инсистира на мерка ефективен притвор.Инаку, трагедијата се случи на скопскиот Кеј, на пешачка патека. Возачот на мотоциклот немал ниту дозвола. Жртвата, скопјанецот Југо (Југослав Николовски), излегол да фрли отпад, а бил усмртен под прозорецот на неговиот стан.

Македонија | пред 7 месеци

Николоски: Го завршивме експресниот пат Градско – Фариш, патот до Прилеп и Битола сега побрз и побезбеден

Вицепремиерот и министер за транспорт, Александар Николоски, преку видео на својот Фејсбук профил објави дека е завршена изградбата на делницата Дреново – Фариш, како дел од експресниот пат Градско – Прилеп, нагласувајќи дека овој инфраструктурен проект носи конкретни придобивки за граѓаните од Пелагонија и Тиквешијата.„Го изградивме експресниот пат Градско – Дреново – Фариш (Прилеп). Ветивме модерно и безбедно патно решение, и ова е одговорот на тоа ветување,“ напиша Николоски.Според него, новата делница во должина од 25 километри значително ја подобрува безбедноста и го скратува времето на патување од Скопје до Прилеп и Битола.„Продолжуваме да ја градиме Македонија“, заврши тој во објавата, потенцирајќи дека патот ќе има директно влијание врз развојот на Прилеп, Битола, Ресен, Крушево, Могила, Новаци, Кривогаштани и целиот регион.

Македонија | пред 7 месеци

„Ајде мајки, на +40 степени да докажеме дека нема ништо посилно од болка и љубов“, нов марш во Кочани, мајките со апел

Здружението на граѓани „16 март 2025 – Кочани“, во кое членуваат родителите и блиските на настраданите во трагичниот пожар во клубот „Пулс“, ја најави 12-та протестна шетња под мотото „Марш за ангелите“.Маршот ќе се одржи денеска, на 5 јули, со почеток во 18:05 часот, и ќе започне од Паркот на Револуцијата, по што ќе продолжи кон Трговскиот центар, Општина Кочани, Полициската станица, Основниот суд и Јавното обвинителство.Маршот е израз на сеќавање и болка за прерано згаснатите животи, но и апел за одговорност и неселективна правда, која семејствата ја бараат речиси четири месеци по трагедијата.„Ајде, мајки Македонки, на +40 степени да докажеме дека нема ништо посилно од мајчинската љубов, тага и болка“, напиша на социјалните мрежи Мита Тасева, мајка на загинатиот диџеј, повикувајќи на масовност и солидарност.Семејствата ги повикуваат сите граѓани кои ги поддржуваат во нивната борба за вистина и правда – да се приклучат и да не дозволат трагедијата да биде заборавена или заташкана.

Македонија | пред 7 месеци

(Видео) Трагедија во Тексас: Најмалку 24 загинати во катастрофалните поплави, исчезнати десетици деца од летен камп

Најмалку 24 лица го загубија животот во катастрофалните поплави што го погодија Тексашкиот ридски округ по поројните дождови кои ја зафатија областа во петокот, соопштија американските власти. Во тек е интензивна потрага по уште најмалку 25 лица, поголемиот дел од нив деца од христијанскиот летен камп „Мистик“ во Хант, кој во моментот на несреќата бил домаќин на над 750 девојчиња.Според надлежните, водата од поплавената река Гвадалупе навлегла со голема брзина во округот Кер и околните подрачја околу 4 часот наутро во петокот. Телата на некои од жртвите се пронајдени во возила однесени од надојдените води.Гувернерот на Тексас, Грег Абот, прогласи вонредна состојба, нарекувајќи ја ситуацијата „катастрофа“ и потврдувајќи дека мисиите за пребарување и спасување се одвиваат непрекинато, дење и ноќе.– Ќе продолжиме и во темнина и кога ќе изгрее сонцето. Не смееме да запреме – рече Абот на прес-конференција.Шерифот на округот Кер, Лари Л. Леита, потврди дека бројот на загинати се искачил од 13 на 24 до петокот навечер. Уште еден смртен случај е пријавен во соседниот округ Кендал.Полковник Фримен Мартин, директорот за јавна безбедност на Тексас, го окарактеризира настанот како „настан со масовни жртви“, предупредувајќи дека бројот на загинати може дополнително да расте, бидејќи десетици сè уште се водат како исчезнати, а 237 лица се евакуирани и спасени досега.Спасувачките тимови, вклучително и хеликоптери и теренски возила, успеале да извлечат дел од децата и персоналот од кампот „Мистик“. Сепак, голем дел од подрачјето е без електрична енергија и интернет, а на жителите во критичните зони им е наложено да се евакуираат на повисоки терени.Ситуацијата и понатаму е критична, а властите апелираат на максимална внимателност и солидарност.

Свет | пред 7 месеци