ТОП

Почина доајенот на Прилепскиот народен театар

Денеска во Прилеп почина актерот Трајче Иваноски, еден од доајените на Прилепскиот народен театар „Војдан Чернодрински“.Иваноски е еден од најангажираните актери на прилепскиот театар, каде што глумел од 1965 до 2007 година. И во пензионерските денови активно учествува во репертоарот на театарот. Одиграл улоги во околу 300 претстави. Во голем дел од нив ја имал и главната улога и за нив има добиено и престижни награди.Тој глумел и во претставата „Коштана“, во режија на Петре Прличко, првата претстава со која е отворена сцената на домот на културата „Марко Цепенков“.Со претставата „Залив“ од Ги Фоази, во режија на Коле Ангеливски, Иваноски прослави 30 години работа на сцена. Играше до последно, до пред извесен период, во претставите „Лажговци“, „Глембаеви“ и во приватниот театарски проект „Мендо и Мајло“.Учествувал и играл во голем број ТВ-драми и серии меѓу кои е детската серија „Втора смена“, „Волшебното самарче“, „Итар Пејо“ и во „Солунски патрдии“Комеморација по повод смртта на Иваноски ќе се одржи утре во 11:30 часот во театарот „Војдан Чернодрински“.

Магазин | пред 4 години

На Македонија и треба амбасадор во Софија, вели Предан

Словенечкиот амбасадор Милан Предан во интервју за Радио Слободна Европа вели дека е време Македонија конечно да испрати амбасадор во Софија.-Мислам дека тоа секако не помогна, да се нема амбасадор и силно дипломатско претставништво во Софија, секако беше причина што можеби комуникацијата не беше како што треба, и не треба да биде кој било. Сега на оваа земја ѝ треба навистина искусен дипломат кој ќе биде во секојдневен контакт со новата влада, бидејќи ова е единствениот начин да се постигне договор и можеби ова е единствениот начин да се скрати времето. Новата влада на Петков зборува за шест месеци, нагласува Предан, чија земја е актуелен претседавач на Унијата.За договорот од девет точки на бугарскиот премиер Кирил Петков со коалициските партнери во Владата за позицијата кон Скопје, Предан не сакаше да дава коментари, но смета дека има позитивни објави од бугарската страна што некако најавува попрагматичен пристап.-Во ред, мора да видиме како ќе се развиваат работите. Мислам дека е многу важно овој дијалог со новата бугарска влада да започне што е можно поскоро, бидејќи за да се постигне договор на ниво на ЕУ ќе биде потребен компромис на билатерално ниво. Сега како што споменавме имаме малку несреќна ситуација повторно. Имаме влада во Софија, но, имаме ситуација во оваа земја каде премиерот ќе поднесе оставка што значи дека целата влада ќе поднесе оставка. Ќе имаме тотално нова ситуација и ќе биде потребен најмалку еден месец да се формира нова влада, што значи дека повторно ќе загубиме некое време, вели Предан и додава дека ќе добро новата Влада во Скопје до крајот на јануари да биде веќе поставена.

Македонија | пред 4 години

Која е цената за оптимизмот на Османи за уште утре да се реши спорот со Бугарија

Шефот на дипломатијата Бујар Османи потенцира дека фактот што Бугарија сега има политичка Влада го отвара патот за пронаоѓање решение на спорот и одблокирање на патот на Северна Македонија кон Европската унија, нагласувајќи оти решение може да има уште следниот месец.-Фактот дека во Бугарија сега има политичка власт ни дава надеж дека двете легитимни влади можат да седнат и да разговараат за сите прашања и првите пораки даваат оптимизам, бидејќи токму тоа го кажавме и самите ние. Потребно е да има сеопфатен пристап. Да, историјата е важна, но ние секој ден правиме историја, создаваме историја. Јас прифаќам само еден аргумент зошто досега не беше најдено решение, бидејќи немаше политички кабинет. Сега навистина нема причина да се даваат долги рокови, кога има политички кабинет. Има стабилно мнозинство во Република Бугарија и во Република Северна Македонија и можеме да седнеме уште од утре, да ги продолжиме разговорите и уште во јануари да има решение, нагласи Османи за бугарската Нова ТВ, пренесува БГНЕС.Тој вели дека односите изминатиот период отишле во надолна линија, но напомена дека треба да се има предвид тоа што во Република Бугарија имаше три изборни процеси, техничката власт и тоа не помогна, за да се надминат разликите и да се тргне ветото.Смета дека новиот пристап кој го изнесе новиот бугарски премиер Кирил Петков со вклучување на сегашноста и иднината за нас е важна порака, но напомена дека предлогот на Петков за шестмесечен рок за пронаоѓање решение за нас е премногу долг.-Премиерот Зоран имаше мошне позитивен впечаток од телефонскиот разговор со Кирил Петков, бидејќи повторно се враќаме кон една нормална комуникација, во која фокусот освен за минатото е и да говориме за иднината. Ги следевме и дебатите при формирањето на коалицијата, различните нијанси меѓу одделни партии. Сепак одговорноста е на владите во двете земји. И во Република Северна Македонија има разлики меѓу различно политички партии, нагласи Османи.

Македонија | пред 4 години

Најчевска распали и по новите вработувања

Професорката Мирјана Најчевска на социјалните мрежи се огласи во врска со новите вработувања.„Да повторам: премиер, министри, директори на јавни претпријатија НЕ СМЕАТ да доаѓаат од бизнисот.Целите, методологијата на работа и резултатот кој треба да се постигне се не само различни туку и спротиставени“, пишува Најчевска.

Коментари | пред 4 години

(ФОТО) Македонците со честитки и поздрави до Груевски по повод именденот

Православните верници денес го слават Свети Никола, слава која ја одбележуваат најмногу семејства.По тој повод, голем број граѓани преку социјалните мрежи му го честитаа именденот на поранешниот премиер Никола Груевски.Во честитките исто така му посакаа  следната година празникот да го прослави заедно со семејството во слободна Македонија 

Коментари | пред 4 години

Д-р Лазаров: 150 души на Африм ќе ги монтирате на буџет, ама за персонал по болници нема пари

Доктор Ненад Лазаров повторно се огласи на социјалните мрежи во ворска со состојбата во здравството. Тој вели дека во Охрид има само двајца педијатри.„Само двајца педијатри во Охрид. Во исто време, 150 души на Африм ќе ги монтирате на буџет, 50тина функционери, ама за персонал по болници нема пари. Затоа сте Титаник“, стои во објавата.

Коментари | пред 4 години

Сред криза се менува директорот на МЕПСО

Нов директор на државниот преносен опаратор МЕПСО ќе биде Орхан Муртезани, поранешен портпарол на Алтернатива.Тоа место оваа партија која влегува во власта го презеде од ДУИ, чии кадар Куштрим Рамадани си заминува од таа позиција.Оваа промена во МЕПСО доаѓа во време кога земјава е во голема енергетска криза, а МЕПСО има проблеми и е принудена да плаќа пенали.

Македонија | пред 4 години

Променливо облачно време со засилен ветер

Времето денеска ќе биде променливо облачно со сончеви периоди. Ќе дува слаб до умерен, а вдолж Повардарието повремено засилен ветер од северен правец. Минималната температура ќе биде во интервал од -7 до 2, а максималната од 1 до 8 степени.Во Скопје, променливо облачно со сончеви периоди и со умерен, повремено засолен северен ветер. Минималната температура ќе се спушти до -2, а максималната ќе достигне до 6 степени.Од понеделник па се до крајот на работната седмица ќе преовладува стабилно и суво време со подолги сончеви периоди. Утринските температури ќе бидат ниски, особено кон средината на неделатач кога на места ќе се спуштат под -10 степени.

Македонија | пред 4 години

Еве кој ќе биде министер за здравство, информатичко општество, без ресор, потпретседател на Собрание

Од Алтернатива вечерва преку соопштение информираат дека Централното претседателство на Алтернaтивa, на својата седница, дискутирало за носителите на јавните одговорности во државните институции на Република Северна Македонија.Од таму додаваат дека Централното претседателство дискутирало за начелата на квалитетното претставување на Алтернатива, избирајќи ги најдобрите и најквалитетни кадри кои ги има партијата.Во продолжение целосното соопштение:„Така, после една плодна и аргументирана дебата, како што е пропишано во Статутот на Алтернатива, претседателот на Алтернатива, Африм Гаши, ги предложи носителите на јавните функции, а Централното претседателство на Алтернатива унанимно го прифати неговиот предлог.Иако некои позиции остануваат да се потврдуваат деновиве, тука подолу ќе ги спомнеме некои од имињата кои ќе бидат носители на јавни функции во Собранието, Владата или во други ресори на извршната власт:Хисни Исмаили – потпретседател на Собранието на РСМ;Беким Сали – министер за Здравство;Адмирим Алити – министер за Информатичко општество и администрација;Џемаил Чупи – министер без ресор – одговорен за дијаспората;Лулзим Алиу – заменик министер за Образование и наука;Абдулшиќир Абедини – заменик министер за Земјоделство;Даим Лучи – заменик министер за Култура;Орхан Муртезани – директор на МЕПСО;Амир Елези – директор на Клиничката болница во Тетово;Дритан Беџети – директор на ПИОМ;Мубекир Палоши – директор во АД „Железници на Македонија – Транспорт“,Блерим Абази – директор на Управа за водење на матични книги;Беким Емини – директор на Агенција за странски инвестиции.На седницата беа избрани и носителите на некои други јавни институции, кои ќе бидат објавени деновиве.На крајот претседателот Африм Гаши, честитајќи им на предложените носители најавни функции, побара од нив задачата што им е доверена да ја вршат со достоинство, почит и во согласност со политичките и етичките начела на Алтернатива“, велат од Алтернатива.

Македонија | пред 4 години

Сообраќајка во Аеродром пред семафор

Сообраќајна незгода помеѓу две возила, од кои едното е такси превозник се случи вечерва во Аеродром. Расфрлани делови од ударот, полиција и блокирана лента. Ваква беше сликата на раскрсницата помеѓу булевар „Србија“ и булевар „Јане Сандански“. Според информациите, во сообраќајката има само причинето поголема материјална штета и нема повредени.На терен беше излезена и полицијата. Летнтата каде автомобилите удриле еден во друг, а пред семафори, беше обележана и се чекаше да започне увид. Детали од МВР се чекаат во текот на утрешниот ден.

Скопје | пред 4 години

Левица ги осудува клеветите од „Шанса за Центар“ дека во советот на Центар се во коалиција

Вчерашната седница на Општина Центар траеше непрекинати 7 часа. На истата се гласаа предлог - буџетите за општинските сектори за 2022 година, кои претходно беа разгледувани и дополнувани на соодветните комисии во кои членуваат советници од сите четири советнички групи и претставници од службите на општината, велат од политичката партија Левица.„Иако секоја комисија засебно заседаваше пред вчерашната седница во текот на изминатава недела, на кои советниците од „Шанса за Центар” не поднесоа никаков конструктивен предлог, ниту забелешка по кои комисиите и службите би се произнеле (што не е случајот со останатите советнички групи), сепак на самата седница поднесоа 37 амандмани. Поднесувањето на нивните амандмани имаше за цел опструирање на работата на Советот, општината и неосновано делигимитирање на стручноста и работата на општинските служби.Додатно, вработените од засегнатите сектори, иако со работно време до 16 часот, присуствуваа до крајот на вчерашната седница која траеше безмалку до 19 часот, произнесувајки се за секој поднесен амандман.За жал, секој од поднесените амандмани на ,,Шанса за Центар“ беше во колизија со законите. Амандманите беа нестручно направени без никаква претходна подготовка за нивно образложување. Со овие амандмани, „Шанса за Центар’’ или предлагаше воведување на активности во општината кои веќе се инкорпорирани и постоечки без тоа претходно да го проверат, или амандмани кои сосема се надвор од ингеренциите на Општина Центар, или амандмани кои се сосема спротивни на Законот за локална самоуправа и Уставот.Во неколку наврати во текот на вчерашната седница, советничката група на Левица даде предлог до „Шанса за Центар’’ да ги повлечат амандманите за да не им пропаднат и стручно да ги доработат за да можат уредно да ги поднесат на некоја од наредните седници каде ќе се прави ревизија на буџетот за 2022 година. За жал, предлогот на Левица не беше прифатен и на своја штета „Шанса за Центар’’ инсистираа истите да се ставаат на гласање.Левица ги осудува неспретните клевети од „Шанса за Центар’’ дека во советот на Центар сме во некаква коалиција, и најодговорно ја информираме јавноста дека по нивните амандмани ниедна друга советничка група не гласаше „ЗА’’. Сите 37 амандмани поминаа со 3 или 4 гласа „ЗА’’од можни 23, а останатите советници (од Левица, ВМРО-ДПМНЕ и СДСМ) гласаа или воздржано или против, зависно од амандманот.Левица на вчерашната седница имаше само еден амандман кој наиде на поздрав од сите советници и службите на Општина Центар и истиот беше прифатен без ниеден глас против.Амандманот на Левица се однесуваше кон предлог-програмата за култура на општина Центар-Скопје за 2022. Истиот беше дискутиран на комисијата за култура каде претседател е Советничката на Левица – Марија Среброва и се однесува на манифестацијата во чест на Горан Стефановски.За таа манифестација првично беа предвидени 0 (нула) денари и беше предвидено средствата да се обезбедат од донации. Со оглед на важноста на културолошкиот печат кој Горан Стефановски го има оставено во Општина Центар, побаравме за оваа манифестација од буџетот да се пренаменат барем 90 000 денари. Иницијативата наиде на поздрав и градоначалникот се произнесе и одлучи за оваа намена да додели додатни 100 000 денари без да се кратат средствата од останатите ставки на буџетот за култура.Со ова Левица покажа што значи конструктивен амандман и се надеваме дека во иднина „Шанса за Центар’’ ќе го следат овој пример и одговорно ќе го оправдаат своето присуство во советот на Општина Центар, како и дека нема да ги изневерат граѓаните кои им ја доделиле својата доверба. Даваме шанса на „Шанса за Центар’, да се подобрат во својата работа со надеж дека повеќе нема да се занимаваат со ефтин популизам и ќе се посветат на конструктивна работа и придонес во советот на Општина Центар, за доброто на сите наши сограѓани“, се вели во соопштението.

Скопје | пред 4 години

АА: Хибридниот режим последните денови од владеењето ги користи за помилување на криминалците

Хибридниот режим Ахмети-Заев-Мијалков и последните денови од своето владеење ги користи за помилување на криминалците. Министерот за (не) правда именуван од оваа Влада, Бојан Маричич, предложил до претседателската комисија за помилување да му се скрати (помилува) останатиот дел од казната затвор на Сеад Кочан, соработникот на поранешниот Премиер Никола Груевски, велат од Алијанса за Албанците.„Овој режим којшто дојде во име на правдата, со трубење на пароли за борба против криминалот и корупцијата, ќе се памети само по помилувања, бегства, амнестирања и пуштање на слобода на криминалци и корумпирани.Меѓу иконите на овој режим ќе останат во сеќавање и Боки 13, Зоки Кичеец и Катица Јанева коишто беа главните актери во рушењето на Специјалното обвинителство, со цел да ги спасат криминалците воопшто, а посебно тие на ДУИ. Некои од нив сега веќе се и блиски соработници на овој хибриден режим.Како последица на оваа соработка со криминалот и корупцијата, граѓаните денес остануваат изолирани, без европска перспектива и во длабока економска криза.

Македонија | пред 4 години

301 нов случај на коронавирус

Согласно податоците од Институтот за јавно здравје дека во последните 24 часа направени се 3.814 тестирања, а регистриран е 301 нов случај на Ковид-19:Скопје – 147, Прилеп – 21, Кавадарци – 14, Ресен – 13, Охрид – 11, Битола – 10, Делчево и Валандаво – по 9, Штип – 8, Велес и Гевгелија – по 7, Куманово и Струмица – по 6, Кичево – 5, Неготино, Кратово и Богданци – по 4, Крива Паланка , Радовиш и Виница – по 3, Пробиштип и Македонски Брод – по 2, Берово, Демир Хисар и Македонска Каменица – по 1.Регистрирани сe 192 оздравени пациенти од: Скопје – 119, Битола – 12, Кавадарци – 10, Охрид и Кочани – по 9, Велес и Гевгелија – по 6, Неготино – 5, Куманово и Ресен – по 3, Струга и Демир Хисар – по 2, Тетово, Прилеп , Свети Николе , Кратово, Богданци и Дојран – по 1.Во текот на изминатите 24 часа регистрирани се 7 починати лица: 2 починати лица од Битола (79г и 90г) и по едно починато лице од Скопје (73г), Штип (35г), Охрид (90г), Крива Паланка (91г) и Делчево (64г). Од пријавените, сите се починати во болнички услови.Направени се 3.814 тестови преку: ИЈЗ-252, ЦЈЗ Скопје-44, ЦЈЗ Битола-88, ЦЈЗ Прилеп-53, ЦЈЗ Тетово–5, ЦЈЗ Куманово-95, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–162, Жан Митрев (Филип Втори)-95, Авицена-264, Биотек-168, Систина-78, лабораторија Лаор-224, Синлаб-42, Ремедика-13, Плодност–38, Генеа-10, Никоб лаб-685, ВФВ Медикал-66, Ели Медика-84, Ројал Медика–61, Спектра-ММ-15, Рапид Лаб–10, Жан Митрев Струмица–26, Нова Лаб Дијагностика–4, ЈЗУ и ПЗУ (рапид тест) – вкупно 1.232.Досега во земјата се направени вкупно 1.519.050 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 221.095, бројот на оздравени пациенти е 207.755, на починати е 7.801, а бројот на активни случаи изнесува 5.539.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 96907, Активни 2632Куманово 13051, Активни 155Тетово 11393, Активни 85Прилеп 10588, Активни 380Битола 9050, Активни 429Гостивар 8082, Активни 20Велес 7433, Активни 169Кавадарци 7289, Активни 265Штип 6694, Активни 112Охрид 6661, Активни 228Струмица 6218, Активни 135Кичево 4288, Активни 80Кочани 4077, Активни 67Струга 3917, Активни 26Гевгелија 2876, Активни 97Неготино 2613, Активни 50Свети Николе 2149, Активни 50Крива Паланка 1939, Активни 62Ресен 1804, Активни 61Радовиш 1789, Активни 55Берово 1473, Активни 33Дебар 1456, Активни 0Делчево 1454, Активни 79Виница 1172, Активни 18Пробиштип 1135, Активни 24Валандово 1003, Активни 66Кратово 789, Активни 21Богданци 667, Активни 34Демир Хисар 629, Активни 28Крушево 601, Активни 25Македонски Брод 518, Активни 19Македонска Каменица 427, Активни 25Демир Капија 426, Активни 0Пехчево 355, Активни 5Дојран 172, Активни 4

пред 4 години

Откриени сомнителни донатори на изборите

Локалните избори завршија пред речиси два месеци, победниците се сместија во фотелјите, а Антикорупциска веќе подолго време ги чешла финансиските извештаи на политичките партии, пишува ФокусОттаму додаваат дека првите проверки укажале на сомнителни донации, поради што побарале да се вклучат и од Управата за финансиско разузнавање.-Во однос на дел од примените донации, ДКСК има сомневања дека истите не се законски, поради што до Управата за финансиско разузнавање (УФР) достави барање за нивно надлежно постапување.Имајќи предвид дека овие постапки се доверливи, ДКСК има целосна доверба дека УФР професионално ќе ја изврши својата задача, а за утврдените наоди ќе достави повратни информации до ДКСК но и до надлежното јавно обвинителство.Целиот текст можете да го прочитате тука

Македонија | пред 4 години

(ФОТО) Скопје како на игрица: Уште колку столбчиња треба да се соберат до Bonus Level

Утрово во скопската населба Капиштец фалеа столпчињата кои се ставени како заштита за пешаците и велосипедистите. Фотографии веднаш беа објавени на социјалните мрежи, мислејќи дека истите биле извадени од неформалните собирачи на отпад.Но, во коментарите беа објавени фотографии од возачот кој вечерта со својот автомобил собрал дел од нив па се пошегуваа уште колку столпчиња треба да се соберат за до бонус левел. а

Скопје | пред 4 години