Полицијата го фати најпијаниот возач, македонскиот рекордер. Возачот бил застанат на автопатот Скопје-Куманово, кај Ванхул.Полицијата го сопрела ноќеска, во 2.58 часот. Му биле забележани 4,14 промили алкохол во крвта.
Македонија | пред 4 години
Голем застој има на патот кон Стража, пред кривината која води кон Маврово. Десетици возила утрово беа заглавени на овој патен правец.Голем дел од нив немаа зимска опрема, па беа принудени да местат ланци поради снежните наноси и големата снежна прекривка. Поради минусните температури, патот беше заледен, па се лизгаше. Возачите беа нервозни поради тоа што беа принудени да чекаат. Поради обилните врнежи од снег на планинските превои е забрането движење на тешки товарни возила, за останатите е задолжителна употребата на зимска опрема, информира АМСМ.На патниот правец Гостивар-Кичево преку планинскиот премин Стража од 2.40 часот, воведена е забрана за сообраќај на тешки моторни возила.На патниот правец Кичево-Пресека-Охрид поради обилни врнежи од снег забрана за движење на тешки товарни возила е воведена од 4.30 часот .Забрана за движење на тешки товарни возила и автобуси има и на патниот правец Тетово- Попова Шапка.Поради обилни врнежи од снег во 9часот е воведена забрана за движење на тешки товарни возила на магистралниот пат Струга – Ќафасан.За останатите видови на возила задолжителна е употреба на зимска опрема.Според АМСМ сообраќајот на државните патишта се одвива без забрани, по влажни коловози.
Македонија | пред 4 години
Прогнозите за снег на повисоките места се остварија. Од ноќеска, скијачките центри заедно со повисоките места се под снежна обвивка. Снег има во Маврово, Водно, Попова Шапка, Крушево, Пониква, Галичица, Копанки и Нижеполе на Пелистер. На дел од овие места веќе има и посетители кои се отидени на скијање. Температурите се ниски, а снег се очекува да врне и во текот на денешниот ден, како и ноќеска. Утрово, под снег се разбудија и дел од жителите на Охрид и Струга.Во живо, дел од местата каде има снег, односно македонските туристички центри:Маврово во живо можете да погледнете тука. Најмногу снег има наврнато на Попова Шапка каде утринава до седум часот висината на снежната покривка изнесува 85 сантиметри, додека во Маврово и Лазарополе се наврнати 26 сантиметри.
Македонија | пред 4 години
Жестока караница избила пред скопско помеѓу мајка на ученичка и наставен кадар. Причината била барањето на мајката, нејзината ќерка да не носи маска. Родителот е Гордана Гоџо, активистката која ги предводеше протестите против мерките за спречување на коронавирусот.Мајката посочува: „Јас сум загрижен родител“, а секретарот на училиштето и враќа: „И јас сум загрижен за моето здравје“, а таа го убедува: „Немаш доказ дека Лена (ќерка ѝ) може да те зарази“.Целата караница трае 19 минути, а во моментот кога доаѓа директорката на училиштето ѝ посочува на ученичката да не плаче.„Протоколите мора да се почитуваат“, посочи директорката, а мајката врати: „Децата не треба да носат маски“.По ова родителката почна да вика: „Од што ве штити маската?“.Инаку, Гордана Гоџо е позната по протестот кој се одржа против корона мерките, а на кој, присутните извикуваа „убијци, убијци“ додека таа говореше.
Македонија | пред 4 години
На 09.12.2021 во 09.30 часот во СВР Скопје било пријавено дека на подрачје на Центар бил нарушен јавниот ред и мир со физичка пресметка помеѓу Г.К.(46) и Д.П.(29), двајцата од Скопје. Сочинети се записници за констатиран прекршок по Законот за прекршоците против јавниот ред и мир.На 09.12.2021 во 21.30 часот во СВР Скопје, Д.С.(38) од Скопје пријавил дека околу 15.00 часот во куќа сопственост на А.М. во населба Гоце Делчев, Скопје, по претходна расправија бил физички нападнат од П.Б. и А.Н. Се преземаат мерки за расчистување на случајот.На 09.12.2021 во 17.30 часот во СВР Скопје, Е.Х.(44) од Скопје пријавила дека околу 12.30 часот во двор од основно училиште на подрачје на Шуто Оризари, Х.Б. упатил закани и се обидел да го повреди со тврд предмет нејзиниот син. Се преземаат мерки за расчистување на случајот.На 09.12.2021 во 09.30 часот во СВР Скопје, Б.Ќ.(28) од Скопје пријавил дека на 08.12.2021 околу 16.00 часот на Плоштад Македонија едно лице со закана му одзелo ранец со мобилен телефон. Се преземаат мерки за расчистување на случајот.
Скопје | пред 4 години
Министерството за здравство информира, согласно податоците од Институтот за јавно здравје дека во последните 24 часа:Направени се 3.028 тестирања, а регистриран е 361 нов случај на КОВИД-19:Скопје – 166, Прилеп – 41, Битола – 30, Кавадарци – 22, Кочани – 14, Куманово и Велес – по 12, Тетово – 8, Гевгелија – 6, Неготино, Радовиш и Делчево – по 5, Кичево, Берово, Валандово и Македонски Брод – по 4, Струмица – 3, Гостивар, Штип, Охрид, Богданци и Пехчево – по 2, Крива Паланка, Пробиштип, Кратово, Демир Хисар, Крушево и Дојран – по 1.Регистрирани сe 433 оздравени пациенти од: Скопје – 182, Битола – 37, Прилеп – 32, Куманово – 23, Штип – 21, Кавадарци – 20, Гевгелија – 14, Тетово - 13, Струмица – 11, Велес и Делчево – по 10, Кочани – 8, Крива Паланка – 6, Берово и Охрид – по 5, Неготино, Радовиш, Валандово и Македонска Каменица – по 4, Македонски Брод и Кратово – по 3, Кичево, Богданци, Демир Хисар, Виница и Демир Капија – по 2, Крушево, Дојран, Свети Николе и Ресен – по 1.Во текот на изминатите 24 часа регистрирани се 8 починати лица: 4 починати лица од Скопје (61г, 71г, 71г и 83г), 3 починати лица од Битола (70г, 74г, и 84г) и едно починато лице од Куманово (47г). Сите пријавени лица се починати во болнички услови.Согласно Регистарот на умрени лица со дијагноза КОВИД-19 од Мој Термин, дополнително се пријавени 7 починати лица со датум на смрт од 26.11.2021 до 08.12.2021. Регистрираните починати лица се од Тетово (3), Скопје (2) и Гостивар (2). Починатите лица се на возраст од 47 до 88 години. Четири лица се починати во домашни услови, а три лица се починати во болнички услови.Направени се 3.028 тестови преку: ИЈЗ-312, ЦЈЗ Скопје-47, ЦЈЗ Битола-63, ЦЈЗ Прилеп-44, ЦЈЗ Тетово–9, ЦЈЗ Куманово-74, Клиника за инфективни болести и фебрилни состојби-1, Судска медицина-3, лабораторија болница Козле-18, УК Пулмологија со алергологија –2, ГОБ 8-ми Септември-0, Институт за микробиологија–0, Жан Митрев (Филип Втори)-80, Авицена-156, Биотек-220, Систина-77, лабораторија Лаор-114, Синлаб-16, Ремедика-12, Плодност–49, Генеа-13, Никоб лаб-365, ВФВ Медикал-54, Ели Медика-49, Ројал Медика–27, Спектра-ММ-10, Рапид Лаб–4, Жан Митрев Струмица–17, Нова Лаб Дијагностика–4, ЈЗУ и ПЗУ (рапид тест) – вкупно 1.188.Досега во земјата се направени вкупно 1.496.479 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 218.723, бројот на оздравени пациенти е 205.303, на починати е 7.710, а бројот на активни случаи изнесува 5.620.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 95753, Активни 2739Куманово 12979, Активни 178Тетово 11361, Активни 79Прилеп 10426, Активни 348Битола 8913, Активни 484Гостивар 8077, Активни 21Велес 7374, Активни 167Кавадарци 7142, Активни 245Штип 6635, Активни 97Охрид 6560, Активни 209Струмица 6160, Активни 105Кичево 4241, Активни 45Кочани 4055, Активни 111Струга 3913, Активни 35Гевгелија 2828, Активни 75Неготино 2586, Активни 42Свети Николе 2128, Активни 39Крива Паланка 1914, Активни 65Ресен 1770, Активни 60Радовиш 1765, Активни 62Берово 1470, Активни 54Дебар 1456, Активни 0Делчево 1435, Активни 99Виница 1162, Активни 15Пробиштип 1128, Активни 23Валандово 962, Активни 41Кратово 779, Активни 25Богданци 648, Активни 18Демир Хисар 623, Активни 49Крушево 596, Активни 32Македонски Брод 510, Активни 16Демир Капија 426, Активни 2Македонска Каменица 421, Активни 23Пехчево 355, Активни 9Дојран 172, Активни 8
пред 4 години
Со сослушување сведоци предложени од Обвинителството, кои зборуваа за становите на „Бихаќка“ за кои во обвинението се тврди дека се на поранешниот премиер Никола Груевски, денеска во Основниот кривичен суд во Скопје продолжи судењето за случајот „Плацеви на Водно”.Сведокот Татјана Стојановска, секретарка на бизнисменот Алек Ивановски-Теранова која рече дека на нејзино име има стан на улица „Бихаќка“ и уште еден до него на име на фирма чиј управител е таа, но дека тие не се нејзини туку, на трето лице. – На имотен лист да, ама јас не ги поседувам, кажа Стојановска.Мислам, рече таа, дека во 2008-2009 година тој период директорот Александар Ивановски ми се обрати дека треба да се купи стан таму и така се случи, под негови ингеренции. – Тој дојде и кажа дека треба да се купи стан за бившиот премиер Никола Груевски, затоа што заради прислушкување да нема некои несакани комшии, значи само да се фигурира. Тоа одеше преку Агенција за недвижности „Асторија“. Се огласија двајца таму. Дојде човек и отидовме на нотар. Толку беше, немаше ништо, објасни Стојановска.Прашана дали таа дала пари за овој стан и дали имала клуч, рече дека ниту дала пари, ниту добила клуч и дека никогаш ниту пак влегла и го видела тој стан.Стојановска, исто така, рече дека е сопственик и управител на фирмата ИТК инжинеринг, основана 2008-2009 година од причина за да се учествува на јавен тендер, на кој било купено градежно земјиште на Водно, како и дека на ова правно лице има запишано уште еден стан на улица „Бихаќка“.За тоа како обезбедила пари за купување на станот, сведокот рече дека тие биле обезбедено од Александар Ивановски преку позајмици.– Станот беше на иста адреса, еден до друг со станот што веќе беше запишан на мое име. Станот беше купен од постар брачен пар, исто за Никола Груевски. Немам клуч и не сум била никогаш во тој стан, рече сведокот.За двата стана, сведокот рече дека, има договори и нотарски акти дека ги поседува.– Во 2018 година, пред бегството на Груевски, договор за закуп ми донесе Алек, потпишани од премиерот Никола Груевски за да потпишам јас и да ги вратиме. Договорите беа дека во рок од пет години ќе се реновираат без никаков надомест, рече сведокот Стојановска.На прашање од бранителот по службена должност на Груевски, Стојановска рече дека никогаш не се сретнала, ниту телефонски разговарала со Никола Груевски.Прашана дали е сигурна или може само да претпостави дека тие станови се на Никола Груевски, сведокот рече „да, можам само да претпоставам”.На прашање од адвокатот Еленко Миланов, дали парите за станот и земјиштето се обезбедени од Александар Ивановски, сведокот рече да, посочувајќи дека тој никогаш не ги користел.
Македонија | пред 4 години
Христијан Мицкоски, лидер на ВМРО-ДПМНЕ уверува дека градоначалничката на Скопје работи на крупни проекти за Град Скопје. Тој во интервју за „Скопјеинфо“, кое ВМРО-ДПМНЕ го испрати до медиумите кажа дека смета, дека ќе се понудат решенија за проблемите во градот, но ќе се отпочне и со реализација на големи проекти.Данела Арсовска беше независен кандидат поддржан од Вашата партија, како оди соработката со неа и кои се плановите се понатамошните проекти и развој на градот?Од она што сум информиран од Арсовска е дека паралелно се работи на неколку крупни проекти за градот Скопје. Во тек е таму кадровско доекипирање, Арсовска има свои планови и визии за градот. Се работи на решенија кои ќе ги опфатат повеќе децениски проблеми како што е сообраќајниот хаос, депонииите и нечистотијата во Скопје, паркирањето и слично. Она што го има ветено за првите сто дена гледам дека работи и верувам дека ќе има сили да го реализираа ветеното. Градот Скопје мора да се развива да нуди решенија и да и да биде отворен град со чувство за потребите на скопјани. Верувам дека многу брзо ќе се отпочне со реализација на капиталните инфраструктурни проекти.Кадровските решенија поврзани со градските јавни претпријатија одат некако споро. Каде е проблемот, намерно тактизирање или пак проблем во изнаоѓање на вистинските кадровски решенија?Отпочната е таа фаза. Освен тоа што директорите на јавните градски претпријатија се врзани со менаџерски договори кои имаат свој рок на треење, првенствено е важно да бидат одбрани вистинските луѓе. Како што сум информиран Дрисла доби нов директор. Јане е врвен професионалец, млад кадар кој верувам дека ќе работи чесно и одговорно. Исто е така и со новиот директор на Лајка, кој како што сум информиран, има импозантнта биографија. Одлуките ги носи градоначалничката Данела Арсовска и уверен сум дека ќе направи правилен избор од кој корист ќе имаат скопјани.Во какво Скопје сака да живее Христијан Мицкоски? Имате веројатно голема моќ како претседател на ВМРО ДПМНЕ, што би промениле?Скопје за мене е голема емоција, градот на моето детство, градот каде веројатно и ќе го завршам мојот живот. Скопје со годините го загуби препознатливиот градски шмек, или како што поврасните скопјани би рекле душата на градот, која не е само во местата значајни за скопјани, туку и во однесувањето на луѓето кои со времето се повеќе се отуѓија. Сакам отворен град, град каде ќе има планско растење и планско градење, со многу зелени површини и решени значајни прашања. Сообрајниот хаос мора да биде решен, исто како и да се стави крај на урбаното дивеење кое е поврзано со урбаната мафија на која мораа да ставиме крај. Сакам Скопје да биде со чист воздух, поврзани маала и општини и со доволно простор за паркирање. Град кој ќе има доволно места за спортување и особена грижа за велосипедистите, место на случувања и град со грижа за своите луѓе.Често Ве гледаме на Водно, на факултет и на медиумите каде зборувате за политика, можно ли е во 24 часа човек да најде време и да биде успешен на сите полиња во животот? Што е најголем приоритет за вас?Мора да се постигне сè, и тоа е дел на организација на самите себе си. Не пропуштам да отидам на предавања на факултет, каде морам да признаам навистина се чуствувам релаксирано кога сум со моите студенти и имам можност да пренесувам знаења. Искачувањата на Водно се дел од мојот ритуал, кога времето тоа го дозволува, затоа што на извесен начин тоа го доживувам како празнење на негативната енергија. Тоа е одличен начин човек да биде сам со своите мисли. Но, тоа се дневните ритуали. Она што е важно за мене во мојата работа е да влијаеме на менување на моралните норми во нашето општество. Мора да ја менуваме сликата за политичарите, за менаџирањето на институциите. Да демонстираме одговорност кон ветеното и да покажеме дека можело и мора поинаку. Поинаку во обраованието, во економијата, во претпимништвото, во земјоделието. Мора да покажеме со личен пример дека сме подготовени да водиме, и дека тивкото мнозинство овој пат нема да се повлече. Предолго добрите луѓе се тргаа на страна, поради лошите одлуки на одлучувачките фактори во нашето општеств. Фотелјата не е нешто наследно, и тука не смее да се губи образот. Мораме да покажеме дека заеднички можеме да поместуваме планини и се додека сме заедно едни покрај други и заедно се бориме ќе успееме.Често ве гледаме на терен, промовирате нови проекти и најавувате реализација на уште повеќе, дали ВМРО ДПМНЕ ќе успее во ваква состојба да биде машината која ќе ги движи проектите и промените во општеството?Промените започнаа. Тие се одговор на народот поради незадоволството кое постои поради акутните проблеми, растечката сиромаштија, неказнетиот криминал, трулиот систем. Промените ги предводи ВМРО-ДПМНЕ и тие не се само започнатите проекти и работата на нашите градоначалници, туку и промена на матрицата и вредносниот систем кој владее овие триесет години. ВМРО ќе биде моторот на промените кои ќе се случат и главниот поборник на новата иднина која ќе се случи. И затоа по конгресот ќе започне втората фаза, каде ќе направиме една општествена мобилизација и повик до секој еден поединец кој сака да ни се приклучи и да биде дел од промените.Викендов слушнавме дека актуелното владејачко мнозиство се окрупнува, како ги коментирате актуелните политички случувања?Оддржувањето на ова мнозинство не е последица на волјата на граѓаните, туку резултат на интересите околу кои се обединува оваа власт, кои пред се се лукративни. Притоа, Заев е подготвеен да ја плати секоја цена за да опстои оваа крими коалиција. Се прави нов политички пазар за да Заев и министрите си ги задржат фотелјите, а за тоа да платат граѓаните. Измислувањето на министерства е со цел да се задоволат политичките апетити. Тотално е неважно дали министерот бил од една заедница, а некој друг од друга. Важно е што сите 19 министерства ги водат некомпетентни и неспособни министри, а ќе потсетам дека СДСМ пред да дојде на власт ветуваше и помал број на министерства. Додека народот нема за леб, додека цените одат нагоре, владата ќе се луксузира со измислени министерства. Не е прашање дали ќе издржи оваа влада, тоа е јасно дека ќе биде краток период, работата е тоа да биде час поскоро за да штетата биде помала. Затоа велиме дека единствениот излез се предвремени парламентарни избори на кој народот ќе одлучува.
Скопје | пред 4 години
Министерството за внатрешни работи во текот на вчерашниот ден (09.12.2021) продолжи со засилените акциски контроли во областа на сообраќајот.„На територијата на град Скопје изречени се вкупно 166 мерки, меѓу кои за возење повеќе од дозволената брзина 32 санкции, 23 мерки за возење без возачка дозвола, седум санкции за технички неисправни и нерегистрирани возила, 15 прекршоци што ги чинат пешаците, 36 за непрописно паркирање. Изречени се 19 мерки за користење мобилен телефон, осум за некористење сигурносен појас, пет за возење под дејство на алкохол, шест прекршоци што ги чинат возачите на мотоцикли, пет за минување на затворен сигнал (црвено светло). Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од МВР.
Скопје | пред 4 години
Двајца Македонци по трет пат го прележале коронавирусот.За вториот потврден случај пријавата во Институтот за јавно здравје пристигнала вчера. Според информациите од ИЈЗ, едниот примил две дози на вакцина против ковид, а другиот бил невакциниран.Податокот денеска го соопшти епидемилогот од ИЈЗ д-р Драган Кочински, кој дополни дека според нивните извештаи има и 953 реинфекции.Од анализите што ги прават во Институтот за јавно здравје повеќе заболуваат жени од мажи, но поголем ризик од смртен исход има кај мажите.
пред 4 години
- За БРТ превозот не постои ниту презентација пред совет на град Скопје, а и одлука на Совет на Град Скопје, а тие се претставниците на граѓаните во градот. Преземале обврска дека ќе потрошат 70 милиони евра, а Советот не донел одлука, изјави градоначалничката на Град Скопје, Данела Арсовска во „Само интервју“ на Канал 5 додавајќи дека ниту скопјани се прашани, ниту запознаени за истото.- Немам намера да правам нешто без да ги консултирам скопјани, бидејќи тие не се консултирани за решението БРТ. Во 2017 некој имаше кампања за трамвај која во 2019 премина во БРТ. Во самите анализи кои се нарачани од градот Скопје се кажува дека за граѓаните овој проект е непознат и не знаат што ќе донесе овој проект, рече Арсовска.Таа додаде дека постојат и ризици од овој проект и граѓаните треба да знаат зошто БРТ не е најдобро решение.- Ризици се како отстранувањето на средишното зеленило од Партизанска, но поголем ризик е што под тоа зеленило се наоѓа главната водоинсталација за питка вода за Скопје. Дали скопјани биле запознаени дека треба да се гради нов мост кај мостот Обединети нации и истото не вкалкулирано во буџетот од 70 милиони евра и дека новиот мост ќе е сериозна задача од финансиска гледна точка детектирано е но и од нормалниот живот. И тоа е дополнителен трошок од над 6 милиони евра, вели Арсовска.Според Арсовска, чесно е да се презентираат овие работи пред скопјани и да одлучат дали е ова добро решение за нив.- Јас понудив концепт за кој граѓаните се решија, но и споменав референдум. Има многу напади секојдневно и закани, но немам намера да потклекнам пред истите. Референдум е една од опциите кои може да се понудат дали граѓаните сакаат едно или друго решение. Референдумот како опција и треба да се практикува за решенија како што е БРТ кое ќе го оптовари буџетот на државата за 70 милиони евра, нагласи Арсовска
Скопје | пред 4 години
„Јас со мојот однос мислам дека сум целосно спротивност од она кое што сме го имале во претходното раководство на градот. Планирам да воспоставам еден поинаков можеби начин на соработка и од следната недела па натаму со отпочнување на редовни контакти со медиумите, не само со брифинзи туку и со прес конференции едноставно ќе се елаборира што е она кое што се случува во градот“, истакна Данела Арсовска, градоначалничка на Град Скопје во емисијата „Само интервју“ на Канал 5 телевизија.Арсовска додаде дека сака да има одговор на сите прашања кои ги мачат граѓаните, а со еден месец како градоначалник тоа не е можно.„Отпочнати се процесите за сите работи, не само за проектите кои треба да се реализираат туку и за ревидирање на сето она кое што се случува во градот. Навистина наидуваме на зачудувачки работи и верувам дека за истите низ еден процес кој што ќе биде транспарентен понатаму и ќе биде разоткривани состојбите“, рече Арсовска.Арсовска посочи дека низ кампањата работеше со сите скопјани, работеше со луѓето кои што и се пријатели и со луѓето кои ја познаваат и исто со луѓето кои ја поддржуваа.„И како што кажав и ќе бидам претставник на сите скопјани во градот Скопје. А, сега во овој момент во Градот Скопје работам со луѓето кои што се таму од претходното раководење на градоначалникот, па и од оние пред него, значи тоа се луѓе кои што се професионалци, кои што ја знаат и препознаваат својата работа. И сите оние луѓе кои што се професионалци и кои што својата работа ја обавуваат во интерес на градот Скопје не на мене пред се, туку во интерес на скопјани мислам дека треба да им се даде можност и верувам дека тоа ќе биде најдобриот чекор да се има континуитет во работењето на Градот Скопје“, појасни Арсовска.Арсовска укажа дека скопјани заслужуваат да имаат брзо, ефикасно и ефективно раководство. Потребно е детално ревидирање посебно на оние крупни проекти за кои што во нејзината програма имаше детални забелешки.
Скопје | пред 4 години
На 08.12.2021 полициски службеници од Бирото за јавна безбедност, и тоа Оддел за криминалистичка полиција - Единица за недозволена трговија со дрога, оружје и опасни материи, во координација со Одделот за сузбивање на организиран и сериозен криминал, Одделот за специјални полициски операции и СВР Скопје – Единица за недозволена трговија со дрога пресекоа меѓународен канал за транспорт на дрога од територијата на Р.Косово на територија на нашата држава, при што е запленета марихуана во количина од околу 200 килограми со вредност од околу 600.000 илјади евра, а лишени од слобода се шест лица, македонски и косовски државјани.Како што соопшти портпаролот на МВР Сузана Прањиќ Талевска, на автопатот „Пријателство“, од страна на полициски службеници при извршен преглед на патничко возило „опел зафира“, со скопски регистарски ознаки, управувано од И.П.(51) од Скопје, биле пронајдени патнички куфери во кои имало 55 пакувања марихуана. Истовремено, при контрола на патничко возило „БМВ туран“, со скопски регистарски ознаки, управувано од Б.Р.(30) од Скопје биле пронајдени црни вреќи со вкупно 116 пакувања марихуана.Во близина на бензинска пумпа биле сопрени две патнички возила, и тоа „мерцедес“, со струмички регистарски ознаки, управувано од О.А.(36) од Скопје, каде како сопатник бил косовскиот државјанин Џ.Љ., како и патничко возило „мини купер“, со скопски регистарски ознаки, управувано од Е.А.(33) од Скопје, каде како совозач бил Б.Р.(24) од Скопје, кои биле ангажирани за да го обезбедуваат транспортот на дрогата.Во консултација со Јавен обвинител, по добиена наредба од страна на Судија на претходна постапка на Основен кривичен суд Скопје извршен е претрес во дом кај Б.Р., при што биле пронајдени торба со 29 пакувања со марихуана, ќеса со марихуана, фантомка, дигитална вага и 11 куршуми, додека при извршен претрес во домот кај Е.А. пронајдени се еден сигнален пиштол марка „Екол“ 9мм со празна рамка, како и еден пиштол „Црвена застава“ 9 мм со една рамка со 10 куршуми за него, додека во куќниот двор било пронајдено патничко возило „БМВ“ донесено од Р.Косово без соодветна документација, при што од страна на Царинската управа е одземено за понатамошна проверка.Денеска до надлежното Јавно обвинителство против лицата ќе биде поднесена кривична пријава по член 215 и член 396 од Кривичниот законик.
Македонија | пред 4 години
Јорданка Ивановска-Јоци, критичар на состојбите во Македонија, и порача на градоначалничката Данела арсовска да си земе поискусен ПР, за да Град Скопје срочи пристојно соопштение. Ова доаѓа откако имаше препукување помеѓу Град Скопје и Министерството за внатрешни работи, бидејќи пред два дена, сообраќајот беше во колапс поради исклучени семафори.„#Данела #Арсовска преку ПР тимот (ако воопшто го има) убаво би било да им објасни на скопјани и на МВР што е Центар за контрола и управување со сообраќај (ЦУКС) кој го отвори #Коце. Преку ЦУКС се управува со семафорите во градот и секое исклучување од МВР го пореметува сообраќајот и ,,зелениот бран" во градот. Тоа е скапа компјутерска опрема која ги управува семафорите, не може кому ќе му текне да ги исклучува Или Арсовска ќе си земе искусен ПР конечно за да ги научи оние 15 постојни лица во одделение за да срочат пристојно соопштение или господ напомош!А, ПР, задолжен за комуникација со јавноста, не се купува на пазар кај празот и везените пиперки. И ПР конечно не е - приучен новинар со завршен факс за туризам или некој со два курса за готвење кој пишувал рецепти по портали.И ова важи за сите нови градоначалници. Јас не влегувам во ниедна комбинација, ако на некој му прелета мисла, затоа што јас сум ТОП ГАН“, напиша Јоци.
Скопје | пред 4 години
Утрово на Фејсбук страницата „Ние сме од Скопје“ беа објавени фотографии од автомобил „Пежо 206“ којшто пропаднал во езерцето во Градскиот парк во Скопје.– Го чува ли некој паркот навечер?, стои во описот на фотографиите.„Пријавено е дека пежо 206 со скопски регистерски таблички паднало во каналот во Градски парк, кај мостот. До сега нема пријава за повредено лице. Упатени полициски службеници на лице место“, велат од МВР.
Скопје | пред 4 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања