ТОП

Колку ќе може да поскапи струјата во јануари

Поскапувањето на струјата нема да биде повеќе од 10%, изјави денеска министерот за економија, Крешник Бектеши.„Согласно сите проекции, зголемување над 10% нема да има, се отфрлаат сите анализи, сите видувања и од експерти во областа на енергетиката и од политички партии, дека зголемувањето ќе биде 30, 40 па и 50%. Вистина е дека енергетските компании побараа поголемо покачување дури и до 100%, но ние како одговорна влада, како економски тим, имавме неколку состаноци и најдовме начин, се со цел да им излеземе во пресрет на граѓаните со што цената нема да се зголемува над 10%.“ изјави министерот за економија Крешник Бектеши при денешната посета на ски центарот Попова Шапка.Бектеши додаде дека доколку енергетските компании работат правилно, во иднина не би требало да има зголемување на цената на струјата.

Македонија | пред 4 години

„Беса Транс“ негира дека организира тури

Агенцијата „Беса транс“ чиј автобус изгоре во катастрофалната несреќа што се случи минатиот месец во Бугарија во која животот го загубија 45 луѓе, во објава на Фејсбук демантира дека од јануари продолжува да организира тури за Истанбул.„На 8 декември, се појавија шпекулации дека „Беса транс ДООЕЛ“, наводно, од јануари 2022 година повторно ќе вози патници (екскурзии) од Р.С. Македонија до Турција и обратно. Целосно ги демантираме таквите шпекулации и ја известуваме пошироката јавност дека „Беса транс ДООЕЛ“ ниту може, ниту сака да организира транспорт (екскурзии), бидејќи компанијата е фокусирана на соработка со институциите на Р.С. Македонија и Бугарија, за брзо да се откријат причините за ужасната несреќа“, се вели во објавата на фејсбук-страницата на агенцијата.

Македонија | пред 4 години

Русија ни го честиташе „Св. Климент Охридски“, Бугарите им се налутија

Професорот Пламен Павлов реагираше на честитката со која Русија и го честиташе државниот празник на Македонија, денот на Свети Климент Охридски. Тој вели дека сите историски извори - биографии и други документи - јасно говорат за, како што вели, неговата бугарска припадност.За жал, имаме уште една руска провокација, која има за цел да забие клин меѓу Бугарија и Северна Македонија и да ја искриви вистината до крајно невозможен степен, изјави за „Бгнес“ професор Пламен Павлов, еден од најголемите познавачи на бугарската и балканската средновековна историја, реагирајќи на честитката на амбасадата на руската федерација во Скопје.„На братскиот македонски народ му го честитаме државниот празник - денот на Свети Климент Охридски, големиот просветител, првиот словенски епископ, еден од основоположниците на кирилското писмо кое ги поврзува современите руски и македонски јазици“, напишаа на твитер од руската амбасада во земјава.

Македонија | пред 4 години

Хајредини: Владата ги крие податоците за загубите на струја

Поранешниот министер за финансии, Џевдет Хајредини, вели дека доколку цената на струјата за домаќинствата нема да поскапи, тоа ќе значи дека од државниот буџет ќе се покрие загубата на компаниите.-Ако струјата што ја трошиме не ја плаќаме преку цената, државата од буџетот ќе ја покрие загубата на компаниите кои ја произведуваат или увезуваат. Владата од јавноста ги крие податоците за износите на загубите, вели Хајредини.Денеска пак министерот за економија Крешник Бектеши најави дека цената на електричната енергија за домаќинствата ќе се зголеми од 1 јануари, но за не повеќе од 10%.

Коментари | пред 4 години

(ВИДЕО) Уапсени тројца Македонци во Србија, пљачкале станови и куќи

Припадници на српското МВР во Белград расветлија повеќе кривични дела - тешки кражби и приведоа тројца државјани на Северна Македонија, од кои едниот има и српско државјанство, поради постоење основи на сомнение дека го сториле ова кривично дело, јавува Блиц.рс.Полицијата ги уапси Б.С.(1997), Б.Н.(1990) и А.К. (1998), кои се обвинети дека во текот на ноември и декември годинава упаднале во станови и куќи на територијата на Белград со специјален алат за отворање блиндирани врати и од нив краделе пари, накит, часовници и други вредни предмети.На осомничените им е одредена мерка притвор до 48 часа, а со кривична пријава ќе бидат изведени во Третото основно јавно обвинителство во Белград.

Македонија | пред 4 години

Нухиу го демантира косовскиот министер, нема да има средба со осудените од „Диво Насеље“

Заменик-министерот за правда Агим Нухиу потврди дека утре ќе има средба со неговиот косовски колега Блерим Салаху, но дека не е предвидена средба со осудените косовски државјани во случајот „Диво Насеље“.Во изјава за МИА, Нухиу попладнево рече дека ќе се сретне со Салаху и оти е предвидена средба со раководството на затворот „Идризово, но не и со затворените лица.Претходно Салаху во интервју рече дека, по воспоставената комуникација со Министерството за правда на Македонија, добил дозвола за во четврток да ги посети затворениците осудени за споменатиот случај.

Македонија | пред 4 години

На 15 и 16 декември бесплатни ски лифтови на Попова Шапка

Министерот за економија Крешник Бектеши заедно со министерот за животна средина и просторно планирање Насер Нуредини и директорот на ЕЛЕМ Турс, Адем Авзиу денеска го постија ски центарот Попова Шапка. Вечерва официјално ќе се пушти во употреба новото осветлување на патеката за ноќно скијање на што ќе присуствува и министерот Бектеши кој зборувајќи за развојот на Попова Шапка рече дека сè уште се разгледуваат понудите кои се однесуваат и на јавно-приватно партнерство, но и на целосна приватизација како и друг вид на понуди.Oд ЕЛЕМ-Турс, најавија неколку новитети кои ќе им овозможат на посетителите поудобен престој на овој наш најголем зимски туристички центар.„За годишниот план за јавни набавки за 2022 година има предвидено средства околу идејниот проект за жичарницата. Тоа е огромен проект, голема инвестиција за којашто треба и поголеми средства и време за реализација бидејќи не е едноставно, тоа е многу сериозна и обемна работа. Годинашнава зимска скијачка сезона ја започнуваме на 15 декември. По тој повод, на 15 и 16 декември секој кој ќе дојде на Попова Шапка ќе може бесплатно да ги користи сите ски-лифтови и жичарници. Во изминативе седум месеци, ние на Попова Шапка инвестиравме на неколку главни точки со кои сакаме да ја подобриме инфраструктурата на ски-центарот. Инвестиравме во нова ски патека долга 2 километра, на која ќе може да има и ноќно скијање. Исто така, за прв пат имаме поставено пет јавни тоалети, за што имаше долгогодишна потреба и барање од посетителите. Изградивме и две бачила, објекти каде скијачите можат да се одморат и да се освежат. Паркирањето на возилата, што е еден од најголемите проблеми на Попова Шапка, го ублаживме така што оспособивме уште два паркинзи со што добивме дополнителни 250 до 300 паркинг места. Исто така, планираме во време на викендите кога посетеноста е најголема, а возилата се паркираат и по неколку колометри подалеку, да воведеме бесплатен бус за превоз на посетителите до скијачките терени“, изјави Авзиу.

Македонија | пред 4 години

National geographic објави слика од зајдисонце на плоштадот Македонија

„National geographic“ на инстаграм објави слика од плоштадот Македонија во Скопје.Фотографијата е направена на зајдисонце, а во фокусот е балон во облик на срце и силуета на девојче. Автор на сликата е фотографот Мухамед Мухајзен, двократен добитник на Пулицеровата награда за новинска фотографија.Фотографијата има над 170 илјади лајкови.

Магазин | пред 4 години

Енергетските компании побараа покачување на струјата дури и до 100%, вели Бектеши

Поскапувањето на струјата нема да биде повеќе од 10%, изјави денеска министерот за економија, Крешник Бектеши.„Согласно сите проекции, зголемување над 10% нема да има, се отфрлаат сите анализи, сите видувања и од експерти во областа на енергетиката и од политички партии, дека зголемувањето ќе биде 30, 40 па и 50%. Вистина е дека енергетските компании побараа поголемо покачување дури и до 100%, но ние како одговорна влада, како економски тим, имавме неколку состаноци и најдовме начин, се со цел да им излеземе во пресрет на граѓаните со што цената нема да се зголемува над 10%.“ изјави министерот за економија Крешник Бектеши при денешната посета на ски центарот Попова Шапка.Бектеши додаде дека доколку енергетските компании работат правилно, во иднина не би требало да има зголемување на цената на струјата.

Македонија | пред 4 години

14 починати и одново над 400 заразени од коронавирус

Почитувани,Министерството за здравство информира, согласно податоците од Институтот за јавно здравје дека во последните 24 часа:Направени се 3.285 тестирања, а регистрирани се 419 нови случаи на КОВИД-19:Скопје – 188, Прилеп и Кавадарци – по 35, Охрид – 28, Битола – 27, Струмица – 18, Штип - 14, Куманово – 9, Велес и Радовиш – по 8, Ресен – 6, Кичево, Кочани и Берово – по 5, Тетово, Неготино и Делчево – по 4, Валандово – 3, Гостивар, Гевгелија, Пробиштип и Кратово – по 2, Струга, Свети Николе, Демир Хисар, Крушево и Демир Капија – по 1.Регистрирани сe 211 оздравени пациенти од: Скопје – 135, Битола – 18, Кавадарци – 14, Куманово – 9, Штип – 7, Охрид и Кочани – по 5, Велес, Кратово и Богданци – по 3, Ресен и Неготино – по 2, Тетово, Гевгелија, Пробиштип, Струга и Свети Николе – по 1.Во текот на изминатите 24 часа регистрирани се 8 починати лица: по 2 починати лица од Скопје (70г и 80г) и Велес (72г и 74г) и по едно починато лице од Куманово (88г), Крива Паланка (72г), Кочани (58г), и Македонска Каменица (66г). Сите пријавени лица се починати во болнички услови.Дополнително, согласно Регистарот на умрени лица со дијагноза КОВИД-19 од Мој Термин, пријавени се 6 починати лица со датум на смрт од 15.11.2021 до 04.12.2021. Регистрираните починати лица се од Скопје (2), Велес (1), Кавадарци (1), Гостивар (1) и Демир Хисар (1). Починатите лица се на возраст од 73 до 101 години. Три лица се починати во домашни услови и три лица се починати во болнички услови.Направени се 3.285 тестови преку: ИЈЗ-329, ЦЈЗ Скопје-48, ЦЈЗ Битола-81, ЦЈЗ Прилеп-54, ЦЈЗ Тетово–10, ЦЈЗ Куманово-67, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –1, ГОБ 8-ми Септември-0, Институт за микробиологија–295, Жан Митрев (Филип Втори)-67, Авицена-129, Биотек-169, Систина-69, лабораторија Лаор-148, Синлаб-18, Ремедика-25, Плодност–27, Генеа-10, Никоб лаб-305, ВФВ Медикал-48, Ели Медика-77, Ројал Медика–54, Спектра-ММ-14, Рапид Лаб–16, Жан Митрев Струмица–15, Нова Лаб Дијагностика–9, ЈЗУ и ПЗУ (рапид тест) – вкупно 1.200.Досега во земјата се направени вкупно 1.491.973 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 218.194, бројот на оздравени пациенти е 204.685, на починати е 7.688, а бројот на активни случаи изнесува 5.821.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 95478, Активни 2746Куманово 12963, Активни 191Тетово 11352, Активни 96Прилеп 10383, Активни 361Битола 8878, Активни 515Гостивар 8074, Активни 21Велес 7362, Активни 173Кавадарци 7111, Активни 256Штип 6632, Активни 119Охрид 6555, Активни 209Струмица 6156, Активни 126Кичево 4236, Активни 42Кочани 4033, Активни 108Струга 3911, Активни 33Гевгелија 2814, Активни 79Неготино 2579, Активни 44Свети Николе 2127, Активни 40Крива Паланка 1913, Активни 73Ресен 1769, Активни 61Радовиш 1760, Активни 66Берово 1465, Активни 72Дебар 1456, Активни 1Делчево 1428, Активни 105Виница 1161, Активни 18Пробиштип 1128, Активни 25Валандово 959, Активни 48Кратово 778, Активни 30Богданци 646, Активни 19Демир Хисар 621, Активни 50Крушево 595, Активни 34Македонски Брод 503, Активни 14Демир Капија 426, Активни 4Македонска Каменица 421, Активни 27Пехчево 353, Активни 10Дојран 168, Активни 5

пред 4 години

Време е да почнеме со градење на граѓански а не етнички базирана држава, вели Најчевска

Професорката Мирјана Најчевска смета дека во земјава е време да почнеме со градење на граѓански, а не етнички базирана држава. Таа укажува дека мерките кои се преземале за да се постигне еднаквост меѓу граѓаните, треба да прекинат кога ќе се постигне саканата цел.„Според членот 1 (став 4) од Меѓународната конвенција за елиминација на сите форми на расна дискриминација (https://ohchr.org/en/professionalinterest/pages/cerd.aspx), позитивните мерки кои се преземаат за постигнување фактичка еднаквост не треба да продолжат по достигнувањето на саканата цел.Ова значи дека треба да се пристапи кон промена на Уставот, законите и подзаконските акти во кои се предвидени посебни мерки за постигнување еднаквост на припадниците на албанската етничка заедница со припадниците на македонската етничка заедница.Време е да почнеме со градење на граѓански а не етнички базирана држава и посебно да го адресираме проблемот на етнички чистите политички партии кои се очигледно формирани во контекстот на претходно постоечката дискриминација“, пишува професорката Најчевска на својот фејсбук профил.

Коментари | пред 4 години

Реџепи: Ако се оди како што треба, ова мнозинство ќе истера до 2024 година

Пратеникот на Алтернатива, Скендер Реџепи Зејди синоќа во дебатниот магазин „Click Plus“ на ТВ21 посочи дека очекува мнозинството во Влада да трае до 2024 година.„Ако оди се како што треба, ако успееме да добиеме датум, тогаш ќе се фокусираме на крупни реформи, во борба против корупцијата, проекти во економијата, владеење на правото, и во тој случај не гледам причина зошто би требало да има предвремени избори и ова мнозинство ќе го истера цел мандат, до 2024“, истакна Реџепи.

Македонија | пред 4 години

Ременски: Идеологизацијата ќе вклучи мек македонски национализам кој нема да ги загрози социјалдемократските постулати

Фросина Ременски, кандидатка за лидер на СДСМ, најавува дека ќе ја враќа социјалдемократската идеологија кај членството, особено кај младите. Во него ќе има место, како што вели, и за мек македонски национализам, но која нема да ги загрози социјалдемокатските постулати.„ВРАЌАЊЕ КОН ИДЕОЛОШКИОТ ИДЕНТИТЕТ НА ПАРТИЈАТАСДСМ и социјалдемократските партии во Европа станаа идеолошки помалку препознатливи партии кон кои инклинираат граѓаните и младите.Партијата ќе спроведува мека и организирана идеологизација на своето членство кое ќе може да се препознае во сите политики на социјалдемократијата.Идеологијата како визија за општествените текови ќе биде во функција на јакнење на вредностите и колективната меморија на членството за настани (минати, сегашни, идни), лица и одлуки и промоција на незаборавот кој ќе обезбеди сеќавање, почит и континуитет на партиската историја и сите минати раководства.Антифашизмот е темелот на социјалдемократијата.Социјалдемократијата не ги дели граѓаните и членовите по етничка, верска, социјална и било која друга основа. Толеранцијата, недискриминацијата и забраната на говорот на омраза се висок приоритет и обврска за сите членови на СДСМ.Идеологизацијата ќе вклучи мек македонски национализам кој нема да ги загрози социјалдемократските постулати, туку ќе ја зајакне државотворноста, стратешките определби од интерес за обединување на граѓаните и заштита на македонскиот јазичен, културен и национален идентитет.Ќе формираме интересовни јадра/групи на сите помали етнички заедници во рамки на СДСМ (Албанци, Турци, Роми, Бошњаци, Торбеши, Срби, Власи и др.), преку кои ќе се артикулираат вредности и потреби на заедниците со интеграциска сила и единство на идеи, независно од политиките на етничките партии“, напиша Ременски на својот фејсбук профил.

Коментари | пред 4 години

Деспотовски уште не победил, бара детали какви заменици треба да има во СДСМ

Јован Деспотовски, актуелен в.д. директор на Дирекцијата за технолошко-индустриски развојни зони, преку социјалните мрежи им се обрати на членовите и симпатизеерите на СДСМ и им порача да достават предлози какви заменици треба да има во партијата.„Почитувани членови, симпатизери на СДСМ и сограѓани.Време е заедно да го креираме новиот тим на СДСМ. Ги поканувам сите членови на СДСМ, но и сите наши симпатизери и сограѓани да достават свои предлози за тоа КАКОВ заменик на Претседател, Генерален секретар и Потпретседатели ни се потребни. Кои човечки но и политички особини, каков карактер и етички норми треба да имаат, и каква биографија да поседуваат.На СДСМ и државата не и требаат готови, претходно дизајнирани кадри, туку чесни и успешни и заеднички прифатливи кадровски решенија.Ги очекувам вашите пораки овде или на мејл - jovandespotovski@gmail.comЗапочнуваме со практична реализација на еден од основните столбови на #Концепт28. Лојалност кон државата, партијата и сограѓаните“, стои во објавата.

Македонија | пред 4 години

(ФОТО) Како изгледа омикрон, објавена фотографија добиена со помош на електронски микроскоп

Универзитетот во Хонг Конг објави фотографија од новиот сој на коронавирусот, омикрон, добиена со помош на електронски микроскоп.Омикрон првпат беше откриен на 24 ноември во Јужна Африка. Првичните студии покажаа дека е потенцијално повеќе пренослив од другите варијанти.Медицинските научници, вклучително и патолози и виролози, успеаја да направат електронска микроснимка на келиите на бубрезите на мајмун (Vero E6) откако бил заразен со омикрон.Универзитетот објави слики со мало и големо зголемување.При малото зголемување, сликата покажува оштетување на клетките со отечени везикули кои содржат мали црни вирусни честички, објаснуваат истражувачите. Високото зголемување покажува агрегати на вирусни честички со шилци во облик на корона на нивната површина.Според извештаите, истражувачите од Одделот за микробиологија на Универзитетот во Хонг Конг успеале да го изолираат омикронот од клиничките примероци, што ќе овозможи развој и производство на вакцини против новиот сој.Видот омикрон првпат беше откриен во Јужна Африка кон крајот на ноември. Тој содржи повеќе мутации на шилестиот протеин – 32 – од сите претходни варијанти, што значи дека би можел да се меша со имунолошкиот одговор на телото и полесно да се шири.

пред 4 години