ТОП

Ексминистер за правда: Изборот на Абази е наместен, предистрагите за тежок криминал каде се чепкаат кадри на ДУИ - во канта!

Поранешниот министер за правда на Република Македонија Михајло Маневски вели дека изборот на јавен обвинител за организиран криминал и корупција е наместен.„Наместен избор на јавен обвинител за организиран криминал и корупцијаОвде кај нас се може да се намести. Сега е наместен изборот на Ислам Абази за јавен обвинител на ГОКК.Се избра анонимус партиски кадар на Али Ахмети на ДУИ.Дури 4/5 или 130 обвинители гласот го дале за кандидатите Ислам Абази (66) гласа и Ерон Незири (64) или вкупно 130 гласа за овие дваица кандидати. По какви резултати се позннати овие кандидати? По обвинителски не. По партиски да. Се гласаше по директива, шефот на ГОКК мора да биде од ДУИ.Јасно како бел ден. ГОКК во партиските раце на ДУИ.Е обвинители, не беше тешко да ве скршат. Скршени сте поодамна, за жал. Тоа што требаше да е најсвесно, излезе најпослушно.Сега се знае. Сите покренати предистраги за тежок криминал во кој се чепнаа и некои кадри одДУИ, во корпа за отпадоци.Целата обвинителска стратегија ќе се гради на основите за заштита на криминалот и криминалците.Македонија е опљачкана од криминалната багра на властСега веќе нема никој да ги спомне, а камоли да ги гони“, додава тој.

Коментари | пред 3 години

Спасувачка акција на Титов Врв: Планинар паднал од карпа во провалија, не се знае неговата состојба

На Титов Врв на Шар Планина во тек е спасувачка акција. Конкретно, по добиен повик за итен случај на 112 во ЦУК, во тек е спасувачка акција во координација на Центарот за управување со кризи (ЦУК) за извлекување на двајца планинари од кои едниот паднал од карпа во провалија и не се знае во каква состојба е во подножјето на Титов Врв на Шар Планина„Во моментот кога информираме за настанот, во ЦУК добивме информација дека едно лице од планинарите е извлечено, а по другото лице во тек е спасувачката акција во која спасувачите од ангажираните институции вложуваат максимални напори заради ниските температури или евентуалните повреди на лицата за коишто немаме информација во која мера се повредени.Конкретно, настанот пријавен на 112 се развива кога едниот од двата планинара прво пријавува дека на Титов врв, во реон 500 метри подолу, со неговиот другар оделе кон викендица и се изгубиле. На другарот му се слошило и бил во лоша здравствена состојба, па побарал помош бара итно да се реагира. Преку 112 во ЦУК е направен конференциски повик со Полицијата во Тетово (МВР – ЦИК Тетово)Потоа, јавувачот на 112 повторно се јавил и известил дека неговиот пријател паднал од карпа во провалија и не знае каде и во каква состојба е, а исто така информирал дека и тој е повреден но е многу. Бил уплашен и збунет и не можел да информира за каква повреда станува збор.Веднаш по добиената информација ЦУК преку Дежурниот оперативен центар РЦУК Тетово стапува во комуникација со Министерството за внатрешни работи - СВР Тетово и Полициска станица Попова Шапка со коишто по куса координација, со едно теренско возило на Центарот за управување со кризи со човек на ЦУК од Регионалниот центар за управување со кризи Тетово заедно со двајца полицајци од СВР Тетово се упатува кон Титов Врв на Попова Шапка. Во меѓувреме е стапено во комуникација и координација со Територијално противпожарната екипа на Тетово од каде што се упатени 4 пожарникари и специјализирано теренско возило на местото на настанот, за да помогнат. Истовремено, од ЦУК е координирано со Брзата помош од ЈЗУ Тетово и е упатено и медицинско возило со комплетна екипа лекар и медицински персонал да го превземат повредениот“, информираат од ЦУК

Македонија | пред 3 години

Двете лица кои со квадрицикл паднаа во провалија се извлечени

Двете лица кои со квадрицикл (мопед на четири тркала) паднаа во провалија кај вила Принц на Караџица се извлечени во стабилна состојба со веројатни сршеници, предадени се на две екипи на Итната медицински помош кои се упатија кон медицинските центри во Скопје, информира ЦУК.

Македонија | пред 3 години

Ексобвинител за шефот на ОЈО-ГОК: Ни на сон човек со таков квалитет нема морално право да раководи со Обвинителство

Екс обвинителот Војо Димоски на социјалните мрежи објави статус во кој вели дека денот кога заминал од обвинителството ќе го земе за куќна слава.„Денот кога си заминав од обвинителството ќе го земам за куќна слава!Обвинител кој одлучи да молчи во текот на постапката за избор на шеф на ОЈО за ГОКК, денес, после изборите првпат се појави во јавност. При тоа кажа нешто кое после неколку часа е демантирано. Со фотографии!Со други зборови примусот на борбата со високата корупција и организиран криминал, пред јавноста не ја зборуваше вистината. Дали човек со таков квалитет има морално право да раководи со Обвинителството? По мој критериум, ни на сон!Затоа ги охрабрувам новинарите да го прашаат Државниот обвинител дали ќе побара одговорност од него согласно Етичкиот кодекс?Ако веќе го прашувате, прашајте го и дали е дозволено, странка во постапката, злоупотребувајќи ја законската позиција на моќ, неофицијално да бара од Претседател на суд да врши притисок врз судиите да носат незаконити одлуки. Јас лично сметам дека е незаконито, ама можеби тој подобро знае“, стои во објавата.

Коментари | пред 3 години

(ФОТО) Во тек е спасувачка мисија: Со квадрицикл излетале во бездна длабока 20 метри

Пред околу еден час на бројот 112 е добиен повик за помош на две лица кои со квадрицикл излетале надвор од земјен пат и паднале во бездна длабока околу 20 метри, после с. Алдинци во близина на вила Принц.„Од страна на ЦУК се известени и координирани МВР, Итната медицинска помош и Бригадата за противпожарна заштита на град Скопје.Во тек е спасувачка мисија за извлекување на двете лица кои се наоѓаат во стабилна здравствена состојба со засега неидентификувани повреди.На местото на несреќата е пристигната екипа на Итната медицинска помош но поради непристапноста на теренот се чека на тимот со специјална опрема од Бригадата за противпожарна заштита на град Скопје, кој се движи кон местото на несреќата и треба да пристигне во секој момент“, информираат од ЦУК.

Македонија | пред 3 години

Силјановска за Османи: Суперминистеров реши да функционира како албанско-бугарски-македонски министер за сеопшти работи

Суперминистеров не престанува да не изненадува со иновативниот надворешнополитички пристап. Политиката го разбуди и поттикна неговиот интерес за прашања што се далеку од медицината и тој доби несонувана шанса да ги интерпретира и режира МАКЕДОНСКИТЕ ДРЖАВНИ РАБОТИ како што си сака или како што ќе му кажат, вели професорката Гордана Силјановска Давкова во својата објава на социјалните мрежи.„На регионално ниво, толку се посвети на градењето најдобрососедство што реши да функционира како албанско-бугарски-македонски министер за сеопшти работи.Ослободен од внатрешните стеги и притисоци, посебна инспирација за решавање на македонските работи добива надвор, во странство. Едно време, кога зборуваше за различните национални перцепции на историјата, заборави дека за фашизмот и холокаустот има силна, несоборлива, не само историска, тука и сечовечка слика на ЗЛО/ГЕРНИКА, што не смее да се заборави и толерира.На „европската“ мисија, не одолеа да се вмеша во ресорот за правда, па се премори од лаички „аргументации“ за правото на здружување и регистрирање на здруженијата „Ванчо Михајлов“ и „Цар Борис III“. "Фердинанд" му го препушти на министерот за правда!Додека се носеа измените на „Законот за здруженија и фондации“ и „Законот за политички партии“ стивна, ама .... при гласањето за законите, видливо беше отусуството на пратениците – Албанци!„Инспириран“ од дошепнат бугарски глас, се огласи од Софија со идеја за испраќање на измените на Законот за здруженија и фондации на Венецијанска комисија.Чудно е што не се се сети на оваа можност во Скопје и што не му ја пренесе на министерот за правда, во чија надлежност е законот, односно на Владата. Дури и на предлагачот можеше да му ја предочи идејата. Уште почудно е што тоа не го стори кога беа предложени измените, оти мислење од Венецијанската комисија ВООБИЧАЕНО се бара кога актот е во фаза на нацрт/draft, за да може евентуалните препораки да се вградат.Ама, сестраниот министер Османи има искуство на Венецијански трговец. Во 2017 година, дури и по изјавата на г-динот Хан дека Законот за употреба на јазиците не е приоритетен, во организација на г-дин Груби, беше извршена трампа на гласовите за законот и гласањето за Преспанскиот договор. Згора, го протуркаа со европско знаме, иако СЕКОЈ приучен правник знае дека ЕУ нема заедничка јазична политика. Кога некои од нас јавно побараа да се чуе мислењето на Венецијанската комисија, ПОЛИТИЧКИТЕ ТРГОВЦИ најпрво ја замајуваа македонската јавност дека побарале, ама комисијата тоа го негираше. Следеше Артановата изјава дека побарале мислење за дел од одредбите и .... пресече министерката за правда со изјавата дека законот ќе биде пратен. И бидна. Дојде мислењето, ама ДУИ-нг АКЦИЈА беше побрза. Уставниот суд ТРУДНО си молчеше и сеуште молчи, никако да се породи од СТРАВ!Во последниот извештај на Европската комисија , на стр. 19, под наслов „ Ефикасност“, се бара преиспитување на законското решение за би-лингвализам во судските постапки.Па, што? Го помнам инспекторот Бујар Османи кога, врз основа на „евроинтеграциската“ инспекција на спроведувањето на законот, документирана со слики од терен, објаснуваше дека нема никаков проблем за двојазичноста од непознат европски вид.И сега, насмеан, се умилкува среде Софија со зборовите : „сакам да верувам дека колегата Милков и јас ќе направиме се за да не дозволиме други да ни ја водат нашата надворешна политика , други да ги обликуваат нашите билатерални односи“?!Да не сонува човеков да се прогласи за крал, инспириран од царските имиња на здруженијата? Знае ли кој е надлежен за креирање на надворешната политика? Која држава ја претставува? Праша ли за судбината на здружението „ Никола Јонков Вапцаров“? Потсети ли на пресудите на Судот за човекови права?Замислете, оној кој со премиерот и прати писмо на Венецијанска комисија во која ја ШОКИРААТ со тезата дека ние сме SUI GENERIS држава со специфични решенија и дека во Мислењето не треба да се споменува неуставноста на Законот за употреба на јазиците, ниту Уставниот суд затоа што тоа може да доведе до етнички проблеми, СЕГА ќе бара МИСЛЕЊЕ НА ВЕНЕЦИЈАНСКА КОМИСИЈА за Законот за здруженија на граѓаните, иако претходното не го почитувал!Законот за политички партии не го ни споменува иако содржи идентични решенија со оној за здруженијата, оти не е КУРЕНТНО“, додава таа.

Коментари | пред 3 години

Граѓаните разочарани: „Луѓе од надвор се борат повеќе за Македонија, отколку ние самите“

Хрватскиот македонист Горан Калоѓера кој е и надворешен член на МАНУ бара реакција од Академијата но и од македонистичките научни институции (Институт за македонска литература, Институт за македонски јазик и Институт за историја) да реагираат на провокативните и неточни изјави на бугарската потпретседателка Илијана Јотова викендов во Битола.„Се согласувам со г-ѓа Јотова, најверојатно така се вика, само во едно. Нема поубаво шеталиште од битолското. Останатото, што го кажа е чиста провокација, дрскост, безобразност и (не верувам дека е толку глупава) и невистина. Како прво, мислам дека г-ѓа Јотова нема поим што е ренесанса, второ, ренесансата како стилска формација не постоела ниту во бугарската ниту во македонската литература. А да се нарече Битола центар на бугарската ренесанса не е само провокација и дрскост, туку и историска лага. Госпоѓата очигледно мислела на преродба, а и во тоа има згрешено. Битола отсекогаш била „конзулски“ толерантен град и таму да се зачнува (почне) бугарска преродба, тоа да ми извините е „пизд…а“ од светски размери исто како и изјавата дека Зборникот е дело на бугарски преродбеници, истакнува Калоѓера во својот пост на ФБ.Калоѓера вели дека нема намера да ја оспорува глупоста на Јотова, која според него има очигледна цел како дел од бугарската елита да ја детронизира (поништи) Македонија како држава и „да уништи се што е македонско“. Но се чуди зошто никој не реагира на провокациите на Јотова и дали навистина некој решил да ја продаде државата.Објавата за кратко време се прошири на социјалните мрежи, а граѓаните исто така го изразија своето незадоволство од Владата и институциите.„Срам ми е од тоа на кое дереџе сме, срам ми е од тоа која мизерија и понижувања ги живееме“, „Да си прочитаме за сопствената беда“, се само дел од коментарите. 

Коментари | пред 3 години

Арсовска викна полиција оти Славески и го зел микрофонот

Градоначалничката Данела Арсовска на денешната седница на Советот на Град Скопје викна полиција и го пријави претседателот на Советот Трајко Славески дека го украл микрофонот кој стои на говорницата, пишува СДК.МК.Службите од Градот им даваа изјава на полицајците кои правеа записник дека микрoфонот е сопственост на Градот и со тоа што го нема, извршена е кражба и оштетена е институцијата.Претходно Арсовска со подвижен микрофон отиде на говорницата и му рече на Славески дека е Хитлер и крадец.„Господине Хитлер не ви доликува ова што го правите. Вие го кршите деловникот и сте крадец. Немате никаков интегритет”, рече Арсовска.По ова, Славески даде пауза, а потоа рече дека ѝ го одзема правото на збор на Арсовска затоа што го кршела деловникот, вршела опструкции и недолично се однесувала.

Скопје | пред 3 години

Абази не одговори кои дела ги гони ОЈО-ГОК: Не сум на испит тука јас

На новиот шеф на обвинителството за организиран криминал и корупција Ислам Абази му е предизвик да работи на оваа позиција, изјави тој за новинарите на денешната прес конференција.„Да им се заблагодарам на колегите кои учествуваа во овој процес за основен јавен обвинител на ојо-гок. Ова е ново законско решение за избор на основен јавен обвинител на ојо-гок. Целта на ова законско решение е да се дојде до поголема самостојност на јавниот обвинител и со тоа да се избегнат сите надворешни влијанија кои можат да се појават во државата. Исто така сакам да им се заблагодарам и на колегите обвинители кои учестуваа во овој процес кои беа професионални, фер и коректни и кои придонесоа овој процес да биде фер и транспарентен. Освоените 66 гласа се голема одговорност за мене и мотив да јас колку што можам професионално да раководам со ова јавно обвинителство кое е највашно обвинителство бидејќи во својата надлежност ја има борбата против организираниот криминал и корупција.Ова ми претставува предизвик имајќи го предвид моето досегашно искуство да раководам со ова обвинителство. Сум учествувал во разни работни групи за донесување на закони, подзаконски акти, учесник сум во работната група во законот за конфискација на имот и со моето досегашно искуство и работа сметам дека професионлно и зконито ќе го претставувам ова бовинителство заедно со колегите обвинители“, изјави тој.Прашањето кои дела ги гони организиран криминал, тој изјави дека не е на испит.„Не сум на испит тука јас. Во закон за јавно обвинителство е предвидено кое е надлежноста на тоа обвинителство“, додаде тој.

Македонија | пред 3 години

Македонија со највисока инфлација споредено со земјите од поранешна СФРЈ, вели ВМРО-ДПМНЕ

Македонија со највисока инфлација споредено со земјите од поранешна СФРЈ, вели ВМРО-ДПМНЕ.„Инфлацијата ви Македонија е 19.8%, и со тоа највисока во регионот на поранешна СФРЈ, Словенија има речиси двојно помала инфлација од Македонија, т.е. само 10%.Инфлацијата кај храната и пијалоците е 32.4% во Македонија, а 17.2% во Словенија.Статистиката покажува дека во Словенија со двојно повисоки плати, и многу посилен животен стандард, растот на цените е помал отколку во Македонија.Во Македонија народот ја чувствува најголемата инфлација во регионот.Иста е споредбата и со Србија каде инфлацијата е 14% и Хрватска со инфлација од 12.8%.Ова покажува дека пред се големата инфлација во Македонија е резултат на неспособноста на владата да се справи со шоковите, но и неработата во изминативе 5 години.Ударот доаѓа во секторот енергенси, воглавно цената на струјата и храна и пијалоци. Тоа се сектори во кои со квалитетен менаџмент би се спречила големата инфлација.Тоа што инфлацијата е најголема во Македонија е доказ за неработата на власта. И наместо со полумерки, ја повикуваме Владата да ги имплементира сите мерки кои ги предложивме, се со цел подобрување на состојбата во економијата и помош за граѓаните“, се вели во соопштението.

Македонија | пред 3 години

„Бугарија има за цел да уништи се што е македонско“, хрватски македонист бара реакција од Владата и институциите за изјавите на Јотова

Хрватскиот македонист Горан Калоѓера кој е и надворешен член на МАНУ бара реакција од Академијата но и од македонистичките научни институции (Институт за македонска литература, Институт за македонски јазик и Институт за историја) да реагираат на провокативните и неточни изјави на бугарската потпретседателка Илијана Јотова викендов во Битола.„Се согласувам со г-ѓа Јотова, најверојатно така се вика, само во едно. Нема поубаво шеталиште од битолското. Останатото, што го кажа е чиста провокација, дрскост, безобразност и (не верувам дека е толку глупава) и невистина. Како прво, мислам дека г-ѓа Јотова нема поим што е ренесанса, второ, ренесансата како стилска формација не постоела ниту во бугарската ниту во македонската литература. А да се нарече Битола центар на бугарската ренесанса не е само провокација и дрскост, туку и историска лага. Госпоѓата очигледно мислела на преродба, а и во тоа има згрешено. Битола отсекогаш била „конзулски“ толерантен град и таму да се зачнува (почне) бугарска преродба, тоа да ми извините е „пизд…а“ од светски размери исто како и изјавата дека Зборникот е дело на бугарски преродбеници, истакнува Калоѓера во својот пост на ФБ.Калоѓера вели дека нема намера да ја оспорува глупоста на Јотова, која според него има очигледна цел како дел од бугарската елита да ја детронизира (поништи) Македонија како држава и „да уништи се што е македонско“. Но се чуди зошто никој не реагира на провокациите на Јотова и дали навистина некој решил да ја продаде државата.Калоѓера кој е универзитетски професор во Ријека од 2003-та година е надворешен член на МАНУ, познат македонист. На МАНУ стои како „дипломиран компаратист проф. Калоѓера интензивно се занимава со проучувањето на хрватско-македонските книжевни допири, притоа се ориентира главно на XIX век и книжевноста помеѓу двете светски војни со посебен осврт и студии за Рациновиот престој во Хрватска. Исто така покажува посебен интерес за браќата Мила­диновци, Рајко Жинзифов, Кузман Шапкарев и Григор Прличев. Има издадено 6 македонистички книги и повеќе од 32 македонистички прилога и над 82 книжевни критики за повеќе автори.“

Коментари | пред 3 години

„Која иронија, на денот на "лидерската", ДУИ им го зеде и Обвинителството за организиран криминал“, вели Апасиев

Лидерот на Левица се огласи на социјалните мрежи по денешниот избор за шеф на Основното обвинителството за гонење на oрганизиран криминал и корупција, каде за наследник на Вилма Русковска е избран шефот на гостиварското обвинителство Ислам Абази.„Која иронија... На денот на "лидерската", ДУИ им го зеде и Обвинителството за организиран криминал! Велемајсторски“, вели Апасиев

Македонија | пред 3 години

Јане Ченто „удри“ по Русковска: Ова е нејзиниот почеток на крајот, тек доправа ќе треба да одговара за местенките, за криењето запсинци

Вилма Русковска која досега беше шефица на обвинителството и бараше нов мандат доби 14 гласови (од тие 14 што гласале за неа се кај неа во тимот) од вкупно 160 обвинители кои можеа да гласаа, стои во статусот објавен на фејсбук страната Слобода за Јане Ченто.„Денеска Вилма се соочи со суровата реалност.Со оглед на тоа што ОЈО ГОКК е најсилната алатка за борба против организираниот криминал и корупција Вилма потфрли тотално.Избрана беше во 2018 год кога во тек беше судењето за 27ми Април и преку тоа обвинение кое беше КЛАСИЧНА МОНТАЖА се награди за 4 годишен мандат во ОЈО ГОКК.Веќе не им е потребна и затоа ја пуштаат по вода бидејќи знаат дека е товар на вратот со сите глупости што ги направи.Преку нашиот предмет и Кацарска исто така беше наградена за претседател на Уставен суд.Само за да сфатите која игра се играше и се игра сеуште каде преку невини луѓе градеа и градат кариери.ВИЛМА како една од најпослушните обвинители, односно обвинител на секоја власт направи многу фамилии да страдаат со нејзините монструозни и монтирани обвиненија за да денес нејзините колеги и дадат 1% доверба на гласањето.Ако нејзините колеги не и веруваат во тоа што го направила изминатите 4 години, како е можно судот или граѓаните да и веруваат?Така завршуваат сите кои прават зло....А ова е нејзиниот почеток на крајот.Тек доправа ќе треба да одговара за местенките, за криењето запсинци, криењето докази кои се во наша корист, искривување на факти.....Заради неа и Кацарска кои беа директни извршители НЕДОВЕРБАТА во правосудниот систем е 92%.На новиот шеф на ОЈО ГОКК имам да му порачам да го види предметот 27ми Април и да види каква МОНТАЖА направила Вилма. Така ќе ја врати довербата во таа институција кој под раководство на ВИЛМА беше синоним за корупција, монтажи на предмети и искривување на вистината.Еден ден вистината ќе го добие светлото и народот ќе види што ни правеле.Еден ден ќе изгрее сонцето на слободатаВилмиЧ се гледаме“, стои во објавата.

Коментари | пред 3 години

Коментар на денот: На денот на "лидерската", ДУИ им го зеде и Обвинителството за организиран криминал! Велемајсторски!

„Која иронија... На денот на "лидерската", ДУИ им го зеде и Обвинителството за организиран криминал! Велемајсторски“, напиша Димитар Апасиев, пратеник и лидер на Левица.Ова доаѓа откако Ислам Абази е избран за нов шеф на ОЈО-ГОКК. Тој доби 66 гласови од вкупно 160 обвинители кои можеа да гласаат. На второ место, со 64 гласови или два гласа помалку, заврши скопскиот обвинител Ермон Незири. Пребројувањето е завршено, а се очекува и официјално да се презентираат резултатите.Гостиварскиот обвинител Ислам Абази е непознат за јавноста дотолку повеќе што медиумите не можеа да најдат ниту фотографија од неговиот лик. Тој избегна и дебата во „А1он“, каде присуствуваа другите кандидати. Неговото оправдување беше дека има други обврски, а откако оставивме сам да одлучи кога може да дојде, тој не одговараше на пораките и повиците. Исто постапи и со другите медиуми, каде не одговараше на новинарски повици. За него, во јавноста се шпекулира дека зад кандидатурата за шеф стои ДУИ. Тој никогаш не одговори дали се точни овие шпекулации.

Коментари | пред 3 години

На лидерската се договориле дека друг пат ќе се договорат

После четири часа заврши лидерската средба за која премиерот Димитар Ковачевски истакна дека била отворена дискусија но без конкретни заеднички заклучоци.„Пред нас стојат многу предизвици и затоа важна е деблокадата на Собранието за да се донесат важни реформи. Не смеема да дозволиме уставните измени да бидат пречка која сами ќе си ја поставиме. Да бидеме мудри и да го искористиме поволниот момент во ЕУ. Не е време за поделби. Ќе се формира собраниска група која ќе се грижи реформите да не стојат во место. Првиот приоритет е европскиот пат па интересите на политичките партии. Никој нема да биде кочничар“, рече Ковачевски лидерската средба во Собранието која ја иницираше тој, а ја прифатија речиси сите политички партии.На лидерската се дискутираше за европската иднина на Македонија и за потребата од политички и општествен консензус за уставни промени кои се услов за преговорите со ЕУ.На средбата присуствуваа претседателот на Собранието, Талат Џафери, лидерот на ВМРО-ДПМНЕ Христијан Мицковски, на ДУИ, Али Ахмети, како и сите лидери на помалите политички партии, освен лидерот на Левица, Димитар Апасиев и претседателот на Движењето Беса.

Македонија | пред 3 години

Вилма ќе признае пораз, испрати и порака до наследникот на шефовската позиција

Вилма Русковска, кандидатка за нов мандат за шефовското место во Обвинителството за гонење организиран криминал и корупција, кажа дека ако ги изгуби овие избори ќе признае пораз. Таа очекува да победи и рече: „Правдата мора да победи“.„Не, од страна на ниту еден колега немам добиено таква информација (дека има притисоци). Ако овие избори не бидат фер, кога гласаат обвинители, тогаш што да очекуваме од било кои други избори. Апсолутно сум сигурна дека ќе бидат фер“, кажа Русковска пред гласањето.Прашана дали ако победи друг кандидат, тоа значи дека нема да победи правдата, Русковска одговори: „Па се надевам, јас ги почитувам колегите, се надевам ќе продолжат таму каде застанав јас“.Таа не сакаше да одговори за кого таа би гласала, ако не беше кандидат.„А тоа е неблагодарно прашање, стварно“, одговори Русковска.Според неа, шефовското столче е жешко и додава: „Не е работата само да бидеш шеф. Него се очекува многу повеќе од тоа“.Ако победи, Русковска рече дека ќе продолжи каде што застанала. Ако не победи, ќе направи примо-предавање.„Уште еднаш сакам да нагласам дека правото и правдата мора да важи за сите. И не смее да има неказнивост“, додаде Русковска.Таа не коментираше како е задоволна од работата на ОЈО-ГОКК откако таа е суспендирана.„Не сакам да излезе дека од далеку вршам некаква контрола, дека прашувам“, додаде Русковска.Прашана за порака до колегите, доколку таа не биде избрана, Русковска рече: „Ќе му кажам или ќе и кажам на кои предмети треба да се обрне поголемо внимание“.Русковска не одговори дали ќе каже поголемо внимание да се обрне на предметот за Арафат Муареми, поради кое постапување, беше суспендирана, а откако беше утврдено од републичкото обвинитечлство дека постапила незаконски.

Македонија | пред 3 години

Поскапуваат горивата, се намалува само дизелот

Регулаторната комисија за енергетика и водни услуги на Република Северна Македонија донесе Одлука со која се врши зголемување на малопродажните цени на нафтените деривати во просек за 0,62% во однос на одлуката од 4.11.2022 година.Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,994 %, кај дизелот намалување за 0,558%, кај екстра лесното масло намалување за 0,436% и кај мазутот намалувањето е за 0,165%.Курсот на денарот во однос на доларот во изминатиот период по кој беа формирани цените со претходната пресметка е повисок за 0,578%.Малопродажната цена на ЕУРОДИЗЕЛ (Д-Е V) се намалува за 0,50 ден/лит.Малопродажната цена на Екстра лесното масло за домаќинство на (ЕЛ-1) не се менува.Малопродажната цена на Мазутот М-1 НС се намалува за 0,072 ден/кг и сега ќе изнесува 49,995 ден/кг.Малопродажната цена на бензинот ЕУРОСУПЕР БС-95 се зголемува за 1,50 ден/лит, додека малопродажната цена на бензинот ЕУРОСУПЕР БС-98 се зголемува за 2,00 ден/лит.Од 8.11.2022 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 94,00 (денари/литар)Моторен бензин ЕУРОСУПЕР БС - 98 96,50 (денари/литар)Дизел гориво ЕУРОДИЗЕЛ БС (Д-Е V) 98,50 (денари/литар)Масло за горење Екстра лесно 1 (ЕЛ-1) 93,00 (денари/литар)Мазут М-1 НС 49,995 (денари/килограм)Напоменуваме дека ова се максималните цени на нафтените деривати од 00:01 часот на 8.11.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 години

Бислимовски: Ако користиме гас за парното нема да има проблеми со загадување

Директорот на Регулаторната комисија за енергетика , Марко Бислимовски смета дека трошоците со употребата на дизелот за парно греење наместо природен гас ќе бидат пониски, но факт и дека ќе немаме проблем со загадувањето, доколку го користиме природниот гас.-Треба да бидат подготвени топланите во случај на исклучителни ситуации доколку има проблеми со набавка на природен гас, бидејќи никој не може да предвиди што ќе се случи во наредниот период. Доколку постојат услови, колку што можеме повеќе да го користиме природниот гас за произведување на топлинска енергија, вели Бислимовски.Тој додава дека доколку има можност за намалување на цената на парното греење, тоа и ќе го направат.-И ние сакаме како Регулаторна да има поместување во цените на нафтените деривати, природниот гас, електричната енергија. Доколку се исполнат минимални услови, ние тоа ќе го направиме, рече првиот регулатор во интервју за Тв Телма.

Македонија | пред 3 години

ВИДЕО: Се гласа за шеф кој ќе ја наследи Русковска, а на еден од кандидатите не му се знае ниту ликот

Раководителот на Обвинителството за гонење организиран криминал и корупција, Трајче Пеливанов, е меѓу првите кои го даде својот глас на изборот за нов шеф. На ливчето има четири кандидати, а зад параванот може да се избере помеѓу досегашната шефица Вилма Русковска која бара нов мандат, Деса Пауновска од Вишото јавно обвинителство-Гостивар, скопскиот обвинител Ермон Незири и обвинителот од Гостивар, Ислам Абази за кого јавноста се уште не знае како изгледа, а со тоа и дел од обвинителите кои денеска гласаат. До 09 часот гласале околу дваесетина обвинители.„Има пет изборни единици. Ова не е нешто ново за обвинителите, вака се бираат совети на советот. Ова е 15 годишна традиција, а првпат се бира шеф на едно обвинителство. Денеска во скопското вишо обвинителство гласаат 91 обвинител од 163 обвинители. Процесот оди одлично. Ова се сигурно посериозно во однос на легитимитетот кој ќе го има, а тој одговара пред сите обвинители. Сите ќе видиме што ќе остави овој избор“, рече Јован Цветановски, јавен обвинител во Вишо јавно обвинителство Скопје, како и претседател на изборната комисија на гласачкото место во Вишото јавно обвинителство.Кандидатите за шефови имаа соочување на дебата во „А1он“. Се појавија Вилма Русковска, Деса Пауновска и Ермон Незири. Ислам Абази кој моментално е шеф на Вишото обвинителство-Гостивар избега од дебата. Во јавноста се шпекулира дека тој е кадар на ДУИ. Абази се правдаше отсуствува од дебатата поради обврски, па откако оставивме простор сам да избере термин, тој престана да одговара на повиците и пораките. Дел од обвинителите, но и јавноста и медиумите не знаат ниту како изгледа овој обвинител, кој претендира да биде на чело на Обвинителството за гонење организиран криминал и корупција.Резултатите, односно новиот шеф на ОЈО ГОКК ќе биде познат по завршувањето на гласањето, кое ќе трае до 16 часот, по што Советот на јавни обвинители има рок од седум дена да одржи седница на која ќе го назначи обвинителот што освоил најмногу гласови за нов Јавен обвинител на Основното јавно обвинителство за гонење на организиран криминал и корпуција.

Македонија | пред 3 години

Денеска лидерска средба во Собранието

Премиерот и претседател на СДСМ, Димитар Ковачевски денеска во Собранието ќе одржи средба со лидерите на парламентарните политички партии, на која треба да се разговара за европскиот пат на земјава, како и за одлуките што во иднина треба да се носат со широк политички и општествен консензус.– Средбата која ја свикува претседателот на Владата, се организира со цел да се отвори дискусија за европската иднина на Република Северна Македонија, но и за одлуките кои во наредниот период треба да се носат во Собранието со широк политички и општествен консензус. Поканата до претседателите на парламентарните политички партии ќе биде испратена во текот на утрешниот ден, соопшти Владата во најавата за свикување на средбата на 2 ноември.

Македонија | пред 3 години

(ВИДЕО) Адвокатка “удри” по потенцијалните шефови: На моменти беше мачно да се слуша како обвинителите се мачат

Добар обвинител мора да се чувствува како во своја кожа кога зборува, а не како во нечија туѓа, некоја што ја облекува како тогата, како зборувањето да му е наметната униформа за работа, вели Сузана Јошевска Анастасовска која работи како адвокат.„Кога обвинител зборува, аргументира, дебатира, поентира, тоа треба да излегува од него како добро научена и извежбана песна, бидејќи тој треба да го претставува во секоја минута интерниот мотив за гонење криминал и задоволување на правдата.Дека недела, ја изгледав единствената дебата помеѓу три од четирите пријавени кандидати за шеф на ОЈО ГОКК.На моменти беше болно да се слуша како обвинителите се мачат кога бираат зборови како да се изразат, па не можат да се доискажат, не можат да довршат почната реченица, а камоли да поентираат. Не сакаат да се замерат со никого (чувај боже!), па во сред реченица ќе се сетат- "Упс, ова оди во погрешен правец, некој ќе ми се налути", па си ставаат "автофусноти" , исклучоци и некакви квази-извинувања за кажаното што демонстрира отсуство на одлучност и самодоверба во изразувањето став. Контрадикторни се сами на себе (ова особено во делот на политичките притисоци каде остана нејасно што мислат, не се долови ниту една поента, а уште помалку план за справување).Некои ќе речат отсуство на елоквентност и ораторски вештини не се важни за таа функција, треба да знае добро да го менаџира обвинителството и да одолее или да се справува со мешањето на политиката и бизнисот.А како ве молам, ќе го направи тоа? Како ќе знаеме дека некој може професионално да менаџира и одолее на крупни "ѕверки" ако јавно, под стрес и кога му е важно тешко успева да состави автономна проширена реченица? Ако вербално не умее да изрази јасен, категоричен и цврст сопствен став?Кај нас добри менаџери се само милениците на власта која во моментот кога се назначуваат е актуелна. Истите тие, во оној момент кога ќе престанат да бидат миленици од разни причини, на истата или следната власт, стануваат обични.Оти лесно е да испорачаш резултат кога сите кои треба да те поддржат се насочени да ти го дадат. Не ти треба ниту елоквентност ниту способност.Затоа бираме "блиски до власта", па после не знаеме како да се справиме со предизвиците.На ОЈО ГОКК му требаат човечки ресурси и пари, не дружба и љубов и разбирање. Му треба цврста рака да го води и паметна и упорна глава да ги научи институциите која е неговата улога и како спрема него треба да се однесуваат.Ова е огромна одговорност што бара човек кој ќе организира но и мотивира и инспирира обвинители кои ќе најдат баланс помеѓу натчовечка ревност и човечка пристојност, кои ќе сакаат праведност, а не жртви на прогон и решени предмети за статистика, кои му служат на законот, а не на сопствените амбиции и кои ќе пристапуваат кон извршувањето на овие задачи со понизност и скромност“, вели таа.

Коментари | пред 3 години

(ФОТО) Падна првиот снег

Падна првиот снег за оваа сезона на врвот Пелистер на планината Баба. Фотографијата е објавена на социјалната мрежа Фејсбук.Во Битола обилно врне дожд и се очекува врнежите да продолжат во текот на денешниот ден. Температурата во градот падна до 12 Целзиусови степени.ФОТО: Јонче Илиевски

Македонија | пред 3 години

Сторила ли Русковска кривично дело со признавањето „Не ни беше дозволено да постапуваме“

Обвинителката Вилма Русковска која беше и шефица на Обвинителството за гонење организиран криминал и корупција, а претендира да остане на функцијата, во емисијата „Стадион“ призна дека не процесуирала предмети во време на владеењето на Никола Груевски, против тогашни функционери. Таа има свои оправдувања за овој чекор.Истовремено, според Кривичниот законик, ова може да е казниво. Во него стои дека самото непријавување е кривично дело. Во случајот на Русковска, таа беше прашана зошто пред да се формира СЈО, таа и нејзините шефови не процесуирале ниту една од аферите отворени од тогашната опозиција (СДСМ), а таа кажа дека не и било дозволено. Но тоа не го потврди со ниту еден вербален или материјален доказ, ниту пак, има поднесено било каква претставка против нејзините надредени кои и биле шефови во тоа време.„На мојот поранешен шеф, веќе беше избран за судија во Стразгубр. Бевме на некоја конференција. И јас му кажав, Јове, два предмети да ги процесуиравме од тие материјали и докази кои ги достави тогашната опозиција..“, вели Русковска во „Стадион“, а прашана дали Јове е баџанакот на Мијалков, одговара потврдно и продолжува: „Да дозволевте да се процесираат, немаше да постои СЈО, обвинителството ќе си беше со еден чист образ, дигнитет. Нас не ни беше дозволено да постапуваме по тие предмети“.Прашана од водителот кој не и дозволил, таа додава: „Тогашните шефови, Зврлевски, Јован Илиевски. И сите опструкции кои се правеа кога се формираше СЈО, што се правеа, беа смислени од Јове, Марко Зврлевски и тогашниот претседател на судот Владимир Панчевски. Мислам ги спроведуваа замислите на Јован Илиевски“.Според Кривичниот законик, непријавување на подготвување на кривично дело, како и непријавување на кривично дело или сторител – се кривични дела сами по себе. Па така, во членовите 363 и 364 од Кривичниот законик, има предвидено и казни за лицата кои ќе го прекршат членот.„Тој што знае дека се подготвува извршување на кривично дело за кое според законот може да се изрече казна затвор од пет години или потешка казна, па во времето кога се уште било можно да се спречи неговото извршување не го пријавил тоа, а делото било во обид или извршено, ќе се казни со парична казра или со затвор до една година“, стои во членот 363 од КЗ, додека во 364 се вели: „Службено лице кое свесно ќе пропушти да пријави кривично дело за кое дознало во вршењето на својата должност, ако за тоа дело според законот може да се изрече казна затвор од пет години или потешка казна, а делото се гони по службена должност, ќе се казни со парична казна или со затвор од една до три години“.Јавниот обвинител и правосудната полиција за сторено кривично дело дознаваат со непосредно забележување, по допрен глас или по примена кривична пријава. Секој може да пријави кривично дело кое се гони по службена должност.Сите државни органи, јавни претпријатија и установи се должни да ги пријават кривичните дела за кои се гони по службена должност, а за кои се известени или за нив дознале на друг начин. Поднесувајќи ја пријавата, пријавителите ќе ги наведат и доказите што им се познати и ќе преземат мерки за да се зачуваат трагите од кривичното дело, предметите што се употребени во неговото извршување или настанале од извршувањето и други докази.Засега, од информациите кои ги има „Скопје1“, Русковска не пријавила ниту дека некој и забранува да постапува во времето пред 2016 година, ниту пријавила кривично дело, ниту водела постапка за предметите кои подоцна ги процесуираше СЈО, а беа дел од прислушуваните разговори.Русковска, во друга емисија посочи дека таа не потпаѓа под влијанија и дека постапува согласно Кривичниот законик и Законот за кривична постапка. Со нејзиното тврдење дека некој и забранил да постапува, си ги побива сопствените тврдења.Засега нема став од ОЈО-Скопје, дали за овој случај ќе отвори и предмет по допрен глас, со оглед дека постојат инидиции за сторено кривично дело

Македонија | пред 3 години

„Триглицеридите плафон му се на Таче“, загриженост за премиерот кој секој ден јаде брза храна и се слика

Ми беше задоволство што денешниот појадок со вкусен сендвич со мортадела и сок од боровница, го имав во кујната на РЕК Битола, објави вчера на фејсбук премиерот Димитар Ковачевски.Тој им се заблагодари на вработените во кујната на РЕК Битола за гостопримството и честа да појадува во нивната кујна.Пред една недела, Ковачевски објави фотографии од позната битолска сендвичара кае јадеше тост.За граѓаните ова е само лош ПР на премиерот, па се пошегуваа дека триглицеридите му се до плафон оти постојано го носат во сендвичари, бурекџилници и кебапчилници.https://twitter.com/deleted90808465/status/1588962826567430144?s=20&t=WY4NpLDRmGV-mDhG1cgZRQhttps://twitter.com/MuTetka/status/1589011405390303232?s=20&t=WY4NpLDRmGV-mDhG1cgZRQhttps://twitter.com/Gerasim_mk/status/1589014409040789504?s=20&t=ynrezREsINZJafb97mSW8ghttps://twitter.com/zena_sva/status/1588985071889186816?s=20&t=WY4NpLDRmGV-mDhG1cgZRQhttps://twitter.com/pandorabox97/status/1589075904860676096?s=20&t=WY4NpLDRmGV-mDhG1cgZRQhttps://twitter.com/pandorabox97/status/1589077987085135872?s=20&t=WY4NpLDRmGV-mDhG1cgZRQ 

Коментари | пред 3 години

Србинка со автомобил удрила во 10-годишно девојче од Тетово

Десетгодишно девојче пешак било тешко повредено вечерва, околу 19 часот во Тетово, откако во него удрил автомобил управуван од 27-годишна жена. Повреденото девојче со возило на итната медицинска помош е однесено во тетовската болница.– Околу 18.50 часот, на крстосницата на улиците Илинденска и Видоја Смилевски-Бато во Тетово, патничко моторно возило „фиат пунто” со српски национални регистарски ознаки, управувано од 27- годишната српска државјанка М.Н. со времен престој во Тетовско, удрило во малолетничка (пешак) од Тетово. Во несреќата, девојчето се здобило со тешки телесни повреди констатирани во тетовската Клиничка болница – информираше Марјан Јосифоски, портпартол на СВР Тетово.На местото на несреќата увид извршила екипа од СВР Тетово.

Македонија | пред 3 години