ТОП

(Видео) Премиерот со споредба: Бугарија врши притисок како Русија врз Украина

Целта на Бугарија е до европартнерите и до НАТО да испратат порака преку која ќе нѐ обвинуваат нас ние сме виновниците, вели премиерот Христијан Мицкоски по барањата од Бугарија за извинување и острата реторика кон Македонија. Според Мицкоски, светот и Европа виделе која е целта на Бугарија.„Целта не се разликува во ништо од целта на руското раководство во за Украина, а тоа е обид за асимилација на македонскиот народ и идентитетски инженеринг, нешто што најмалку треба да се случува во 21 век во Европа и тоа од земја членка во ЕУ. Наместо да подадат рака, да нѐ поддржуваат во патот, што е дел од Договорот за добрососедство, еве гледате.. Целта не е стотици граѓани да бидат дел од Уставот, туку е подлабока и поопасна“, рече Мицкоски.Според него, ЕУ го губи имиџот со Бугарија, поради однесувањето кое го има источниот сосед.

Македонија | пред 8 месеци

„Ој љубов, љубов“ повторно ќе заплови по Охридското Езеро – вечерва шесто издание на староградската пловидба

Еден од најавтентичните културни настани во Охрид последниве години – староградската пловидба „Ој љубов, љубов“ – ќе се одржи вечерва по шести пат, во рамки на Алтернативното културно лето, во организација на Културолошката иницијатива „5 до 12“.Традиционално, собирот на сите пловни објекти, исклучиво со веслање, е закажан за 17:30 часот на плажата Канео, од каде што ќе се заплови до Старото пристаниште – Островче. Настанот ќе биде достапен и за посетители од копно од 18:30 часот.„Дојдете и оваа година, во еден глас да ги испееме охридските и македонските песни и да останеме доследни на нашето, од традицијата подарено“, велат организаторите.За безбедноста на присутните ќе се грижат Езерската полиција, Капетанијата на пристаништата и Црвениот крст – Охрид.Важно известување до учесниците и посетителите:Строго е забранета употреба на пиротехнички средства за време на пловидбата.Сите пловни објекти со мотор мора да се држат на безбедно растојание од веслачите и чамецот со ансамблот.Апел за коректно и одговорно однесување, за настанот да помине во духот на традицијата и со максимална безбедност.Оваа уникатна пловидба, која низ годините прерасна во симбол на културното лето во Охрид, привлекува сè поголемо внимание и се смета за едно од највредните културни освежувања во градот.

Охрид | пред 8 месеци

Бугарскиот премиер бара извинување од Мицкоски за „глушецот и лавот“

Бугарскиот премиер Росен Жељазков го повика својот македонски колега Христијан Мицкоски да се извини за метафората со „лавот и глушецот“, која ја употреби во реакција на изјава од бугарскиот министер за надворешни работи Георг Георгиев.„Колегата Мицкоски мора да најде начин да се извини, бидејќи кога шеф на влада упатува такви навреди кон член на странска влада, тоа ги нарушува добрососедските односи и довербата, која е многу кревка во овие времиња“, изјави Жељазков.Тој додаде дека „наративот на Мицкоски ќе им го остави на оние што го познаваат Езоп“, алудирајќи на античкиот писател на басни.Жељазков сепак нагласи дека Бугарија ќе продолжи да го поддржува европскиот пат на Македонија, но врз основа на исполнување на обврските од 2022 година и договорот за добрососедство.Претходно, изјавата на Мицкоски беше осудена и од бугарското Министерство за надворешни работи, кое ја оцени како неприфатлива.Повод за реакциите е изјавата на Мицкоски дадена пред неколку дена, во која тој, одговарајќи на тоа што Георгиев го нарече „северномакедонски премиер“, рече дека некој му дал задача да се задева „како глушец со лавот“.

Свет | пред 8 месеци

Армиски хеликоптер исфрли 32,5 тони вода во акција против пожарот кај село Николиќ, Дојран

Во текот на утринските часови, Армијата на Република Македонија ангажираше хеликоптер Ми-8МТ од воздухопловниот ВИНГ за гаснење на шумскиот пожар во подрачјето на село Николиќ, општина Дојран.Според информациите од АРМ, биле извршени 13 летови со воден товар, при што биле насочени кон критичните жаришта на теренот. Во акцијата се испуштени вкупно 32,5 тони вода (по 2,5 тони по лет).Воздушната интервенција траела 3 часа и 20 минути и се одвивала под строго контролирани услови, согласно пропишаните стандарди за ваков тип операции.Од Армијата порачуваат дека остануваат подготвени за понатамошна поддршка при справување со шумските пожари, во координација со останатите надлежни институции.

Македонија | пред 8 месеци

Повторно достапни закажувањата за термин за нова лична карта, возачка дозвола и пасош

На барање на бројни граѓани и поттикнати од интересот на медиумите, Министерството за дигитална трансформација ја информира јавноста дека електронската апликација за закажување термин за издавање на лични документи повторно е достапна преку националниот портал за е-услуги uslugi.gov.mk.„Граѓаните сега можат брзо и лесно, без чекање и без гужви, да закажат термин за следните услуги:Издавање на лична картаИздавање на пасошИздавање на возачка дозволаПроцедурата е едноставна и достапна од било кој електронски уред.Со оваа иницијатива, Министерството продолжува со својата мисија да ја дигитализира јавната администрација и да обезбеди поквалитетни, побрзи и поефикасни услуги за сите граѓани“, велат од МВР.

Македонија | пред 8 месеци

Шокантни откритија во истрагата за несреќата на Air India Flight 171: Моторите биле исклучени само неколку секунди по полетувањето

Во прелиминарната истрага за авионската несреќа на летот Air India Flight 171, во која во јуни загинаа 260 лица, се појавија вознемирувачки детали – двете моторни единици останале без гориво само неколку секунди по полетувањето, откако преклопниците за довод на гориво биле префрлени во положба „исклучено“ (cut-off) – потег што обично се прави дури по слетување.Според извештајот, авионот бил во воздух помалку од 40 секунди и достигнал висина од само 190 метри пред да се сруши во густо населен дел од градот Ахмедабад.Снимка од пилотската кабина регистрирала глас на еден пилот кој прашува: „Зошто ги исклучи моторите?“, на што другиот одговара: „Јас не ги исклучив.“ Не е јасно кој од нив точно што рекол, но е познато дека копилот управувал со леталото во тој момент, додека капетанот бил во надзорна улога.Податоците покажуваат дека по исклучувањето на доводот на гориво, моторите изгубиле сила, а автоматски бил активиран систем за повторно стартување. Левиот мотор почнал да се рестартира, но десниот не успеал на време.Фокусот на истрагата сега е насочен кон прашањето: кој и зошто ги исклучил прекинувачите?Стручњаците посочуваат дека кај авионот Boeing 787 Dreamliner, овие прекинувачи имаат безбедносен механизам и не можат да се активираат случајно – потребно е да се подигнат, па дури потоа да се вртат.„Ова не може да се случи со една рака. Затоа овој случај се издвојува од сè што досега сме виделе,“ изјави Шон Пручницки, поранешен истражител на несреќи и авиоексперт од Универзитетот Охајо.Засега нема индиции дека пилотите биле под стрес, ниту дека имало комуникациско недоразбирање. Целата екипа била тестирана на алкохол пред полетување, а имале доволно време за одмор.„Во многу итни случаи, пилотите знаат да притиснат погрешно копче – но овде нема ниту трага од паника,“ вели Пручницки.Питер Голц, поранешен директор на американскиот NTSB, изјави дека ова откритие е „крајно загрижувачко“. Според него, клучно ќе биде целосно дешифрирање на снимката од кабината и идентификација на гласовите и движењата во тие критични 40 секунди.

Свет | пред 8 месеци

38 пожари низ државата – три сѐ уште активни

Во текот на изминатото деноноќие (11/12 јули), надлежните служби регистрирале вкупно 38 пожари на отворен простор низ целата држава. Од нив, три се сѐ уште активни, пет се ставени под контрола, а 30 се целосно изгаснати.Најтешка е состојбата во општините Дојран, Велес и Македонски Брод, каде пожарите зафаќаат нискостеблеста и мешана шума, како и деградирани дабови појаси и грмушки.Пожарите под контрола се регистрирани во Македонски Брод, Чучер Сандево и Долнени, а се работи претежно за шумски појаси и запалени депонии.Меѓу изгаснатите пожари има повеќе локации со ниска вегетација, отпад, депонии и дури едно домаќинство, а интервенции се вршеле и кај населени места, патишта и објекти во Скопје, Куманово, Прилеп, Битола, Кавадарци, Ресен, Радовиш, Крива Паланка, Струмица, Теарце и други општини.Надлежните апелираат до граѓаните на висока внимателност, избегнување палење на стрништа, отпад и друг запалив материјал во природа, особено при екстремно високи температури. Сите сомнителни активности треба веднаш да се пријават во МВР или во Територијалните противпожарни единици.

Македонија | пред 8 месеци

(Фото) Удрен пешак на пешачка патека во скопската населба Геге

На 11 јули 2025 година, во 18:12 часот, во населбата Геге, скопско, се случила сообраќајна незгода во која патничко возило со скопски регистарски ознаки, управувано од 49-годишниот З.А. од Скопје, удрило во пешакот С.Ј. (25). Лицето е удрено додека се движело по пешачка патекаПовредената била префрлена во Клиничкиот центар „Мајка Тереза“ за укажување лекарска помош.Од Министерството за внатрешни работи информираат дека по целосно документирање на случајот ќе биде поднесен соодветен поднесок.

Македонија | пред 8 месеци

(Видео) Протече снимка од инцидентот со градоначалничката Арсовска

Камера поставена на приватен објект го снимила инцидентот помеѓу градоначалничката на Скопје, Данела Арсовска и лицето за кое таа тврди дека ја нападнало.Снимката протече во јавност откако таа тврдеше дека полицијата не интервенирала. Од видеото, се гледа како едно лице се доближува кон другото, по што, добива клоца. Насловот на видеото е „Данела Арсовска прва започнува напад“.Според снимката по клоцата која ја доби машкото лице, дотрчува полициски службеник, кој го трга удреното лице настрана. Почнува друга снимка, направена од уред.„Што ме удираш бе, кого удираш“, вика женски глас, а на снимката се гледа како полицајци го тргаат лицето кое беше удрено.[caption id="attachment_342759" align="alignnone" width="1920"] Десно: Арсовска и Ирена Витина по инцидентот - лево принтскрин од настанот и лицето кое удира клоца[/caption]Од удрениот се слуша како извикува пцовки.„Кучко, о се да ти **ам“, вика удрениот додека полицијата го држи за раце и го трга на страна, а другото лице му се доближува.

Скопје | пред 8 месеци

OJO: Сторителот од Батинци идентификуван, но се наоѓа во бегство

Дежурен јавен обвинител изврши увид на местото на настанот во Батинци, каде што денеска се случи трагичен инцидент. При увидот беа издадени наредби и насоки за прибирање докази.Според информациите од Обвинителството, сторителот е идентификуван, но засега е во бегство, а полицијата го бара.-За настанот во Батинци, дежурен јавен обвинител изврши увид на лице место и издаде наредби и насоки за прибирање докази. Сторителот е идентификуван, но е во бегство и по него се трага, соопштија од ОЈО.Се продолжува со истрагата за целосно расчистување на случајот.

Скопје | пред 8 месеци

Градоначалничката Данела Арсовска била физички нападната, сама побаралa лекарска помош во ГОБ „8 Септември“

Градоначалничката на Скопје, Данела Арсовска денеска била физички нападната, но добила и вербални закани.На 11.07.2025 во 12:15ч од страна на А.Ј. во СВР Скопје пријавено е дека при извршување работни задачи на ул."Кумбара" физички била нападната градоначалничката на град Скопје Данела Арсовска и дека повеќе лица и упатувале вербални закани. Истата не сакала да поднесе пријава за настанот по што се упатила во ГОБ 8 Септември за укажување лекарска помош.

Скопје | пред 8 месеци

Убиениот припадник на АРМ, Агим Мухареми денеска користел слободен ден, Министерството за одбрана изрази сочуство

Агим Мухареми, припадник на Армијата на Република Северна Македонија, кој денеска беше убиен во Батинци, не бил на работно место во моментот на инцидентот, бидејќи користел слободен ден.Од Министерството за одбрана изразија сочувство до неговото семејство.– Ја информираме јавноста дека лицето со иницијали А.М. од село Батинци, кое поради повредите што ги претрпе во трагичниот настан почина, е припадник на Армијата. Во моментот на настанот не било на должност, односно имало слободен ден – стои во официјалното соопштение од АРМ.На местото каде се случи настанот излезе јавен обвинител и припадници на Воената полиција.

Скопје | пред 8 месеци

Министерката за правда на Косово бара префрлање на својот зет и уште четворица осудени од „Диво Насеље“ во косовски затвор

Косовската министерка за правда, Албулена Хаџиу, побарала од македонските власти трансфер на петмина затвореници, меѓу кои и нејзиниот зет, кои се осудени за случајот „Диво Насеље“ и ја издржуваат казната во македонски затвори.Како што објави порталот Папараци, Хаџиу во август 2024 година испратила официјално писмо до македонското Министерство за правда со барање овие лица да бидат префрлени во казнено-поправни установи во Косово, кои се под надлежност на нејзиното министерство.Станува збор за Мухамет Красниќи – зет на Хаџиу, кој е осуден на доживотен затвор, како и за Бајрам Елшани, Бек Бајра, Бетим Кабаши и Деме Шеху. Тие се дел од групата која беше обвинета и осудена за терористички напад во скопското предградие Куманово во мај 2015 година.Иако барањето било доставено пред една година, македонските власти не го одобриле трансферот, а институциите од двете земји не даваат дополнителни информации.Министерствата за правда на Косово и Македонија одбиваат да го коментираат писмото и содржината на комуникацијата меѓу двете страни.фото: ФБ

Македонија | пред 8 месеци

Д-р Пешевска имала стомачен вирус и температура, тоа е причината да не дојде на првото рочиште за „Онкологија

Судењето за предметот „Онкологија“, во кој обвинети неколку онколози, меѓу кои и д-р Мери Пешевска, денеска започна без нејзино присуство. Таа не дошла на првото закажано рочиште бидејќи имала стомачен вирус проследен со температура и повраќање.Нејзиниот адвокат, Јовица Страшевски пред судот изрази сомнеж за основаноста на обвинението против Пешевска, велејќи дека нема конкретен доказ за нејзина професионална грешка или несовесно лекување.– Нема ниту еден доказ кој покажува дека д-р Мери направила пропуст. Единственото нешто што е користено е логот и печатот, кои поранешниот директор Нино Васев ги употребувал и од други лекари. Нејасно е зошто обвинети се само тројца лекари кога сите биле предмет на истата постапка од страна на директорот. Се работи за селективен пристап, изјави Страшевски.Тој посочи и на спорното вештачење изработено од експерт од Словенија, кој, според него, нема лиценца за вештачење во земјава.– Тврдењето на обвинителството дека не е потребна лиценца за вештак е крајно неодговорно и спротивно на нашите закони. Освен тоа, вештакот нема комплетни податоци за пациентите, а вештачењето содржи повеќе пропусти. Денеска ни беа доставени и други вештачења, кои досега не сме ги виделе, додаде тој.Во одбрана на Пешевска, Страшевски рече дека таа уште за време на истрагата приложила обемна документација.– Во текот на целата постапка, и како осомничена и како обвинета, доставивме стотици страници со протоколи, извештаи и вештачења поврзани со пациентите и со терапиите што им се давале. Од тоа е јасно колку биле прецизно одредени дозите и лековите, нагласи адвокатот.Обвинителството засега останува на својата позиција дека вештачењата се валидни и дека приговорите на одбраната се неосновани.

Македонија | пред 8 месеци

Во пукањето кај Батинци е убиен припадник на АРМ, имал прострелни рани во градниот кош, лекарите не можеле да го спасат

До денешното пукање на влезот во селото Батинци убен е припадник на АРМ.Денеска (11.07.2025) околу 10:15 часот во СВР Скопје , М.Е. пријавил дека на влезот на с.Батинци, скопско, М.Џ. пукал со огнено оружје кон патничко возило „Киа“ кое било во движење. А.М.(50) се здобил со прострелни рани во пределот на градниот кош и бил пренесен во ГОБ„Св Наум Охридски“ за укажување на лекарска помош, каде во 11.00 часот од страна на доктор била констатирана смрт, соопшти МВР.Сè уште не се познати околностите на настанот и причината за раните, додека надлежните органи започнаа истрага. Станува збор за Агим Мухареми од Батинци, припадник на Армијата на Северна Македонија.

Скопје | пред 8 месеци

Туфегџиќ: Обвинението против доктор Црвенкова е неосновано, ќе го дискредитираме со нови вештачења, има и пропусти од апсолутен карактер

Адвокатот Владимир Туфегџиќ, бранител на поранешната директорка на Клиниката за онкологија, д-р Симонида Црвенкова, изјави дека одбраната ќе го оспорува обвинението преку темелна анализа и контра-вештачења.„Одбраната за овој обвинет ја градиме врз основа на принципите на медицинското казнено право, кое предвидува одговорност само во случаи на грубо прекршување на медицинските правила и утврдените протоколи. Кај мојата клиентка не постои такво однесување, ниту може да се донесе заклучок дека сторила дело кое е казниво,“ изјави Туфегџиќ.Според него, постојните вештачења се проблематични по својата содржина и карактер, а конкретно за обвинетата не е утврдено дека начинот на лекување довел до влошување на здравствената состојба или смртен исход кај било кој пациент.„Во текот на постапката ќе го дискредитираме обвинението со сопствени, нови вештачења. Работиме темелно, но сѐ уште ни недостасуваат четири медицински истории. Моја клиентка се товари за 16 пациенти,“ нагласи тој.Туфегџиќ особено го оспори едно од клучните вештачења, изработено од стручно лице од Марибор, за кое вели дека не е регистрирано како судски вештак во Словенија.„Сега бараме податоци и од Србија, дали лицето кое ги работело вештачењата е вешто лице таму. Јавниот обвинител мораше да се придржува до македонските закони и да инсистира вештачењето да го изработи лице кое е на официјалната листа на судски вештаци. Обвинението содржи пропусти кои се од апсолутен карактер,“ додаде тој.

Македонија | пред 8 месеци

Одложено првото рочиште за „Онкологија“, не дојде една од докторките

Поради отсуството на докторката Мери Пешева, не се одржа првото рочиште за предметот „злоупотреби на Онкологија“. На обвинителна клупа седна докторот Нино Васев кој беше медицински директор. Тој се товари за „тешки дела против здравјето на луѓето и несовесно лекување болни“.Во обвинителниот акт стои дека со медицинските вештачења е утврдено дека кај 29 пациенти првообвинетиот применил очигледно неподобен начин на лекување и спротивно на тековните онколошки упатства, со отстапувања во дозирањето и во фазата на лекување, давал лекови од новите генерации на таргет и имунотерапија со што тешко го нарушил здравјето на пациентите.Во дел од случаите ова му било овозможено од втората обвинета која му ставила на располагање свој факсимил со кој одобрувал и препишувал терапија и свое корисничко име и лозинка со кои радолжувал терапија во ХИС системот на Јавна здравствена установа Универзитетска клиника за онкологија и радиотерапија.Другите двајца лекари се товарат за основното кривично дело „несовесно лекување болни“, сторено како продолжено кривично дело.Врз основа на медицинските истории за овие двајца обвинети лекари е утврдено дека одредувале терапија со лекови од новите генерации на таргет и имунотерапија во фаза на лекувањето кога било многу очигледно дека пациентите од таквиот лек воопшто нема да имаат корист поради лошиот перформанс статус и немањето време да се развие механизмот на дејство, без да биде наведена телесна тежина и висина на пациентите, со отстапувања во дозирањето, со што дополнително ја влошиле нивната состојба.

Македонија | пред 8 месеци

Пукање во скопско Батинци, едно лице е застрелано

Ново пукање ги вознемири утрово жителите на Батинци, дознава „Скопје1“. Едно лице е погодено и пренесено во болница. Извори за „Скопје1“ велат дека станува збор за лицето Африм М.Детали за случајот засега не се познати, како и дали е уапсено лицето кое пукало. Минатата година, во ова село имаше и убиство.По увидот, повеќе детали се очекуваат од МВР.

Скопје | пред 8 месеци

МВР: Лишен од слобода 74-годишен маж од тетовско поради палење оган во нива

Министерството за внатрешни работи информира дека во четвртокот (10 јули 2025) во 21:00 часот, полициски службеници од СВР Тетово го лишиле од слобода С.С. (74) од село Мала Речица, тетовско.Според пријавата, околу 20 часот С.С. на негова нива во Тетово вршел земјоделски работи и на три различни места запалил сува трева и отпадоци.Веднаш по добиената пријава, полициски службеници се упатиле на местото на настанот и го привеле лицето, а пожарот бил изгаснат од Територијалната противпожарна единица – Тетово.С.С. е задржан во полициска станица и по целосно документирање на случајот против него ќе биде поднесена кривична пријава по член 288 од Кривичниот законик – предизвикување општа опасност.

Македонија | пред 8 месеци

Обид за убиство во Битола, поведена истрага: Напаѓачот е приведен

Основното јавно обвинителство Битола донесе Наредба за спроведување истражна постапка против едно лице, осомничено за кривично дело – Убиство од член 123 став 1 во врска со член 19 (во обид) од Кривичниот законик.Настанот се случил на 10 јули во објектот „Новиот пазар“ во Битола, каде 42-годишен битолчанец се обидел да лиши од живот едно лице, напаѓајќи го со кујнски нож од зад грб додека оштетениот редел роба на тезгата.-Му пришол од зад грб додека оштетениот редел роба на тезгата и го нападнал со кујнски нож, при што му задал два удари и убодни рани во грбот и слабината. Двајца сведоци го совладале, па осомничениот се дал во бегство. Бидејќи постојат и особени околности кои го оправдуваат стравот дека осомничениот, доколку биде оставен на слобода, ќе ја попречува кривичната постапка со влијание врз сведоците, како и дека би можел да го доврши обиденото кривично дело, јавниот обвинител предложи да му биде определена мерка притвор, се наведува во соопштението на ОЈО Битола.

Македонија | пред 8 месеци

Почнува судскиот процес за „Онкологија“, екс директорот, Нино Васев и уште тројца онколози ќе седнат на обвинителната клупа, семејствата очекуваат високи казни

Во Основниот кривичен суд во Скопје денеска треба да започне главната расправа за еден од најтешките случаи што ја потресе јавноста – таканаречениот случај „Онкологија“. На обвинителна клупа ќе седнат поранешниот директор на Клиниката за онкологија, Нино Васев, и тројца лекари онколози, кои се товарат за тешки кривични дела поврзани со несоодветен третман на пациенти со малигни болести.Според обвинителниот акт, Васев, во својство на директор, заедно со еден од колегите од клиниката, се гони за продолжени кривични дела „тешки дела против здравјето на луѓето“ и „несовесно лекување“. Медицинските вештачења спроведени во текот на истрагата, кои се направени во Србија и Словенија заради обезбедување непристрасност, покажале дека кај најмалку 29 пациенти бил применет очигледно неподобен начин на лекување – со отстапки од официјалните онколошки упатства, погрешни дозирања и неосновано користење на лекови од нови генерации, вклучително и имунотерапија.Покрај Васев, обвинета е и уште една докторка, која му овозможувала пристап до својот факсимил и кориснички податоци за електронскиот систем на Клиниката, со што Васев несомнено имал целосна контрола врз издавањето и измената на терапиите. Двајцата останати обвинети лекари, пак, се теретат за основното кривично дело „несовесно лекување“, при што одредувале неподобна терапија и во случаи кога пациентите имале многу слаб здравствен статус, без надеж дека терапијата би делувала.Покрај овој предмет, Јавното обвинителство поднесе и второ обвинение против Васев, кое се однесува на економското работење на Клиниката. Во тоа досие, обвинети се и економскиот директор на установата, за злоупотреба на службена положба, измама и проневера. Според обвинувањата, во периодот од 2018 до 2022 година, со нелегални набавки на лекови и фиктивно раздолжување, државниот буџет бил оштетен за повеќе од 2,2 милијарди денари, а само од незаконските исплати преку Фондот за здравствено осигурување добавувачите стекнале противправна корист од околу 430 милиони денари. Обвинителството тврди и дека Васев лично прибавил имотна корист од најмалку 13 милиони денари.Семејствата на пациентите чии животи беа изгубени, скоро две години го чекаат почетокот на судењето. Велат дека нивната болка е немерлива, но единствено што им останува е надежта дека овој пат, макар и во разнишаниот судски систем, ќе има правда.„Татко ми примал терапија која, според експертите, воопшто не била соодветна за неговата состојба. Колку има како такви случаи? Не можам да го вратам, но барам правда, да знаеме дека тоа нема да се повтори“, вели за Скопје1, член на семејство што од денеска внимателно ќе ги следи судските рочишта.Во текот на истрагата, која беше затворена на 22 мај годинава, анализирани беа 65 медицински истории, при што, како што изјави државниот јавен обвинител Љупчо Коцевски, кај висок процент од нив биле утврдени сериозни отстапки од протоколите за лекување. За транспарентност и стручност, експертизи биле побарани од медицински институции во Србија и Словенија.Случајот „Онкологија“ беше отворен во јануари оваа година по серија новинарски истражувања и по ревизорскиот извештај на Државниот завод за ревизија кој посочи низа сериозни пропусти во работењето на Клиниката за онкологијаСемејствата на починатите велат дека колку и да е доцна, очекуваат високи казни и цврсто веруваат дека барем на суд ќе се воспостави вистината, со цел вакви трагедии никогаш повеќе да не се повторат.Анита Буховски

Македонија | пред 8 месеци

„Добрососедство по мерка на ЕУ: Блискоста со Србија не се дозволува“, професорката Ванковска објасни што и пречи на Европа

Иако Европската унија постојано инсистира на добрососедски односи меѓу земјите од Западен Балкан, од Македонија очекува да се дистанцира од Србија – став што, според професорката Билјана Ванковска, не само што е контрадикторен, туку и опасен по внатрешната стабилност на државата.-Прво, нѐ обвинуваат за блиски односи со нивна полноправна членка (иако не многу популарна) - Унгарија.Второ, од нас бараат “добрососедски односи” ама сакаат да се скараме со Србите, иако тие (божем) го поддржуваат и членството на Србија (и БиХ) во ЕУ.Конечно, треба да се скараме и со Русија и со Кина - а тие развиваат односи на соработка со Кина особено поради царините на Трамп. Руски енергенси купуваат “под рака” со прокси.За нас знам дека имаме власт која колку и да ја понижуваат, таа ќе им бакнува рака. Ама, ЕУ знае ли кај тера? И како мисли да го стабилизира Балканот со негова дестабилизација?Заборавив да додадам нешто за ефектите врз внатрешната стабилност на Македонија: инсистирајќи на наводно влијание на т.н. Српски свет, ЕП директно ги поткопува меѓуетничките односи. Албанската заедница едвај дочека да викне: “фатете го крадецот (Србите ни се непријатели)”. Уставен суверенитет не постои кај нас од 2018, од миксот на европски и балкански методи како што сугерираше еврокомесарот Хан.Балканскиот котел го меша Брисел. Големите европски сили нѐ третираат како парички за поткусурување“, вели таа.

Македонија | пред 8 месеци

Пожарите не стивнуваат: 38 пожари на отворено, седум сè уште беснеат

На територијата на цела Македонија, денеска до 07:30 часот, се евидентирани вкупно 38 пожари на отворен простор, од кои седум се сè уште активни, четири се под контрола, а 27 се изгаснати – информира Центарот за управување со кризи (ЦУК). Активни пожари во моментов беснеат на неколку критични локации, меѓу кои и помеѓу селата Блаце и Горњани во Чучер Сандево, како и во шумските подрачја во Прилеп, Дојран, Тетово и Македонски Брод, каде се гори деградирана дабова шума и нискостеблеста вегетација.Особено е сериозна состојбата под Солунска Глава, на карпест терен, каде што има задржани огнени џебови и чадење. Пожарите кои се ставени под контрола се регистрирани во општините Македонски Брод и Делчево, вклучително и на градската депонија Острец. Повеќето од нив зафатиле ниска вегетација и мешани шуми, а се прошириле и поради влијанието на човечки фактори, како во случајот со пожарот што се проширил од фабриката Самоков.Во текот на изминатите 24 часа, успешно се изгаснати 27 пожари низ повеќе општини во земјава. Меѓу нив се регистрирани запалени депонии, сува трева, ниска вегетација, како и шумски подрачја – од скопскиот регион, преку источниот и југоисточниот дел на државата, до Пелагонија и Полошкиот регион. Пожар имало и кај Спомен-домот АСНОМ во Кочани, како и долж патот Тетово – Селце.Надлежните апелираат на крајна претпазливост и избегнување на активности што може да предизвикаат пожар, особено во услови на високи температури и суво време. Сите институции се мобилизирани, а на терен се ангажирани пожарникарски единици, припадници на шумска полиција, ЦУК и локалното население.

Македонија | пред 8 месеци

„Глушецот Мицко се замислува дека е лавот Мицковиќ“ - не престануваат навредите од Бугрија

Со навредлив и саркастичен речник, бугарскиот академик Спас Ташев преку објава на Фејсбук жестоко реагира на изјавата на премиерот Христијан Мицкоски, во која тој го спореди бугарскиот министер Георг Георгиев со глушец што го задева лавот.Еве што напиша бугарскиот академик во неговата објава на Фејсбук.„Глушецот Мицко, замислувајќи се себеси како лавот Мицковиќ, побара официјално извинување од Бугарија затоа што нашиот министер за надворешни работи Георг Георгиев во интервју за БТВ изјави дека Бугарија станала фактор во ЕУ и во регионот, со идеја дека Северна Македонија треба да го има ова предвид. Зборувајќи за премиерот Мицкоски, тој го нарече „северно- македонски“ премиер.Сепак, тука нема ништо навредливо!1. Бугарија е навистина фактор, судејќи според резултатите од гласањата во ЕП.2. Северна Македонија е Северна затоа што зафаќа само 37% од северните делови од географската област Македонија. Со 37%, не можете да бидете само Македонија и да бидете само македонски премиер. Со 37%, можете да бидете само северно- македонски премиер, затоа што придавката изведена од Северна Македонија е северно- македонски. Многу аналогии: севернокорејски, северновиетнамски, источно-тиморски, западносахарски итн.3. Идентитетот е исто така северно- македонски, затоа што Скопје не може да наметнува идентитет на преостанатите 63% од географската област Македонија. Како што веќе видовме од дебатите во ЕП, грчките европратеници имаат силно изразен регионален македонски идентитет и го оспоруваат правото на Скопјани да имаат монопол врз дефиницијата за „македонски“.4. Официјалниот јазик е исто така северно-македонски, бидејќи нема никаква врска со јазикот на населението во преостанатите 63% од Македонија. Бугарите во Северна Македонија сепак ќе треба да одлучат како да го нарекуваат овој јазик.Во официјалниот северно-македонски јазик, можеби има забрана за зборот „северно-македонски“, но во литературниот бугарски јазик нема таква забрана! Поради оваа причина, не разбирам зошто Мицко се жали на овој бугарски збор, кој можеби нема аналог во северно-македонскиот јазик? Но, за Бугарите во Северна Македонија, секако има. Лично сум ги слушнал како го користат.Некој ќе каже дека мојот јазик е саркастичен и несоодветен да коментирам за премиерот на братска земја. Па, погледнете ја изјавата на премиерот на оваа братска земја во врска со Георг Георгиев: „Мислам дека не треба да му даваме шанса и апелирам до вас, медиумите, оставете го тоа момче таму. Тоа е влада (автентична србизам - влада) која ја води некој друг во позадина, тие луѓе мора да работат и му рекле, му дале задача, ајде сега, вклучи се. Тоа е исто како кога глушецот (бугарски дијалектен збор за стаорец. Го има во Речникот на бугарскиот јазик, 1895 од Најден Геров) го задева лавот“.Мицко се споредува себеси со лав, а за него Георг Георгиев понекогаш е момче, понекогаш стаорец, член на влада која некој ја контролирал одзади и му рекол да се зафркава со Северна Македонија...Сфаќате дека вистинското глувче е Мицко и тој дава уште поглупави изјави. На пример, тој ги нарече мнозинството европратеници кои го исфрлија македонскиот идентитет и македонскиот јазик од извештајот за напредокот на Северна Македонија за 2025 година „талибанци“.Сето ова е толку идиотско што сите на светот ќе го разберат освен глушецот Мицко, кој замислил дека е лавот Мицко.Но, не заборавајте дека ни Мицко не може да биде лав, тој може да биде само пародија на српските волци Вучиќ, Вуковиќ и Вујовиќ...Еве ја оваа света едноставност што ќе им ја објасниме на нашите европски партнери!“, напиша Ташев.

Македонија | пред 8 месеци

Таткото кој ја врзал ќерката во Струмичко – под истрага за малтретирање на дете

По објавата на вознемирувачката снимка на која се гледа врзано дете во струмичко Ново Село, Основното јавно обвинителство Струмица отвори истрага против таткото. Тој е осомничен за кривично дело запуштање и малтретирање на дете по член 201 од Кривичниот законик.Како што информира Обвинителството, девојчето е згрижено во семејство преку Центарот за социјални работи, додека против таткото ќе бидат предложени мерки на претпазливост – забрана за напуштање на живеалиште, одземање на пасош, редовно јавување кај службено лице и забрана за приближување до детето.Истражните органи продолжуваат со прибирање докази за случајот.

Македонија | пред 8 месеци