ТОП

Мицкоски: Најпрво потврда на коалицијата, потоа кандидати за градоначалници на Центар и Куманово

Премиерот Христијан Мицкоски денеска изјави дека прво ќе се финализира коалицијата меѓу ВМРО-ДПМНЕ и политичките партии со кои соработуваат, по што ќе продолжат разговорите со коалициските партнери во Владата, ЗНАМ и Вреди. Тој го потенцираше значењето на внатрешната коалиција како приоритет пред објавување на имињата на кандидатите за градоначалници на општините Центар и Куманово.– Преговорите со политичките партии се во тек. Сите политички партии кои се дел од нашата внатрешна коалиција се наш приоритет, тие преговори се во тек, се разговара. Очекувам коалицијата да биде потврдена. Потоа ќе продолжат и преговорите со нашите коалициски владини партнери. Во овој момент се движат во одлична позитивна насока. Кога ќе имаме повеќе детали ќе излеземе во јавноста со информации – одговори Мицкоски на новинарско прашање за текот на разговорите со ЗНАМ и Вреди.Во врска со критиките на СДСМ за квалитетот на новата делница од автопатот Кичево-Охрид, премиерот одби да ги коментира изјавите на опозициската партија.– СДСМ има многу поважна работа од тоа да излегува со вакви пораки, прво треба самиот себе внатре да се консолидира, бидејќи се соочува со уште еден дебакл на уште едни избори кои ќе се случат набргу – рече Мицкоски.

Македонија | пред 8 месеци

Американскиот Сенат: Пропусти во Тајната служба доведоа до обидот за атентат врз Трамп

Серија сериозни пропусти и неусогласености во работата на американската Тајна служба придонеле за обидот за атентат врз Доналд Трамп што се случи на 13 јули 2024 година, се наведува во извештајот на Сенатскиот Комитет за домашна безбедност и владини работи.Инцидентот се случи за време на предизборен митинг во Батлер, Пенсилванија, кога вооружен напаѓач отвори оган кон поранешниот претседател Трамп. Куршум го погодил неговото уво, а во нападот беше убиен еден присутен, додека двајца други беа тешко ранети.Напаѓачот беше неутрализиран од страна на безбедносните сили.Извештајот, кој беше објавен вчера, укажува на сериозни слабости во комуникацијата и одлучувањето на Тајната служба (USSS), опишани како „вознемирувачки образец на небрежност што довел до трагедија која можела да се избегне“, пренесува агенцијата ДПА.Комитетот посочува дека USSS одбила барања за дополнителен персонал и ресурси неопходни за заштита на Трамп.„Она што се случи во Батлер не беше само трагедија – тоа беше скандал“, изјави претседателот на Комитетот, сенаторот Ренд Пол од Кентаки.Тој остро го критикуваше и отсуството на одговорност по настанот:„Тоа е неприфатливо. Не станува збор само за еден безбедносен пропуст. Ова беше системски колапс – резултат на бирократска рамнодушност, недостаток на јасни протоколи и шокантно игнорирање на директни закани,“ рече Пол.Извештајот предизвика големо внимание во јавноста и постави прашања за безбедносните процедури и способноста на институциите да се справат со слични ризици во иднина.

Свет | пред 8 месеци

Шекеринска: НАТО нема да попушти во поддршката за Украина

НАТО останува цврсто посветен на помошта за Украина, а Хрватска е еден од највредните и најдоверливи сојузници, изјави заменичката на генералниот секретар на Алијансата, Радмила Шекеринска, во интервју за хрватската агенција Хина.„Хрватска беше еден од сојузниците кој ја поддржа Украина не само политички и финансиски, туку и воено. Обезбедени се 245 милиони евра директна хуманитарна и воена помош. Тоа го цениме, и очекуваме Хрватска да остане доследен сојузник“, рече Шекеринска на Форумот во Дубровник.Таа додаде дека НАТО нема да се откаже од поддршката за Украина, бидејќи Русија ја загрозува европската безбедност и го подрива меѓународниот поредок.„Го поддржуваме не само територијалниот интегритет на Украина, туку и нејзиното право на самоодбрана. Само минатата година сојузниците ѝ обезбедија над 50 милијарди евра воена помош, а во првите шест месеци од годинава уште 35 милијарди“, прецизираше таа.Дополнително, НАТО воспостави посебен команден центар во Висбаден, Германија, за координација на воената помош, како и регионален центар во Полска за логистика и размена на искуства со украинските сили.Во однос на загриженоста во Европа дали поранешниот претседател Доналд Трамп е доследен на членот 5 од Северноатлантскиот договор – принципот на колективна одбрана – Шекеринска вели дека нема причина за паника.„Самитот во Хаг покажа цврсто трансатлантско единство. САД остануваат недвосмислено посветени на НАТО, но тоа значи и очекување Европа и Канада да направат повеќе во поделбата на безбедносниот товар“, посочи таа.Сојузниците се согласија за зголемување на трошоците за одбрана на 5% од БДП – чекор кој, според Шекеринска, ги адресира критиките на Трамп и ги зајакнува одбранбените капацитети на НАТО.

Македонија | пред 8 месеци

Трамп радикално го менува пристапот кон Русија? Се најавува директен притисок врз Москва

Американскиот претседател Доналд Трамп радикално го менува својот пристап кон Русија, оценува британскиот Telegraph, наведувајќи дека наместо досегашниот помирлив тон, сега се ориентира кон директен притисок врз Москва.Во понеделникот Трамп најави дека САД ќе ги ревидираат ограничувањата за испорака на одредени типови оружје за Украина, а веќе следниот ден остро се огласи против рускиот претседател Владимир Путин, критикувајќи го за, како што рече, „глупостите што во последно време доаѓаат од Москва“. „Многу од тоа што го зборува Путин е бесмислено“, изјави Трамп.Според Telegraph, по неодамнешниот телефонски разговор со Путин, Трамп го сменил ставот и сфатил дека рускиот лидер нема намера да запре.„Планира да оди до крај и да продолжи со убивање луѓе“, наводно изјавил Трамп.Американската администрација верува дека Русија веќе има распоредено околу 695.000 војници и ги интензивира воздушните напади како дел од новата летна офанзива.Иако не е веројатно дека Трамп навистина би го реализирал заканувачкиот коментар од една протечена аудиоснимка – дека би можел да ја „бомбардира Москва“ – сепак, неговите потези покажуваат нова решеност да ја засили економската и политичка изолација на Русија.Во неделата тој објави дека сите земји-членки на БРИКС, вклучително и Русија, ќе бидат цел на дополнителна 10% царина ако продолжат со, како што рече, „антиамериканска политика“. „Нема да има исклучоци“, напиша Трамп на својата платформа Truth Social.Клучна фигура во оваа стратегија е новиот американски министер за финансии, Скот Бесент, познат како ризичен играч и финансиски стратег со кариера од Волстрит до највисоките политички кругови. Бесент, кој своевремено работел за Џорџ Сорос и бил еден од архитектите на шокот врз британската фунта во 1992 година, сега се смета за мозокот зад евентуалниот нов бран економски напади врз Кремљ.Во април тој откри дека со Трамп имаат детален план за економско притискање на Кина – модел кој, очигледно, сега се пренесува и на Русија.„Светот виде кои се негативците“, изјави Бесент, додавајќи дека и Москва ќе се соочи со последици ако не се врати на дипломатска патека.САД и Европа досега воведоа над 16.000 санкции кон Русија, што ја прави најсанкционирана држава во светот. Руските банки се отсечени од SWIFT, девизните резерви се замрзнати, а клучни сектори на економијата се под жесток притисок. Но ниту една од овие мерки досега не го смени ставот на Путин за Украина.Трамп, меѓутоа, се чини дека подготвува уште порадикален чекор. На маса е нацрт-закон предложен од сенаторот Линдзи Греам, кој предвидува царини од дури 500% за сите земји што тргуваат со Русија во определени сектори – што би значело де факто економски карантин за сојузниците на Москва.Иако Русија досега успеваше да ги заобиколи санкциите и да го одржи военото финансирање преку продажба на нафта и алтернативни канали за увоз на критични компоненти, аналитичарите предупредуваат дека состојбата се влошува. Инфлацијата останува висока, потрошувачката опаѓа, индустријата стагнира, а државниот буџет е под постојан притисок. Дури и гувернерката на Централната банка на Русија, Елвира Набиулина, неодамна призна дека „пред нас се турбулентни времиња“.Путин, според дипломатски извори, е свесен дека Трамп подготвува нова стратегија. Последното предупредување стигнало во петокот, кога Трамп изјавил дека лично му се заканил со нови санкции ако не се постигне договор.Дали Путин ќе потцени уште еднаш? И што навистина крие новата „батина“ на Трамп – економски колапс или геополитички договор?

Свет | пред 8 месеци

За викендот изречени над 1700 сообраќајни казни – најмногу за брзо возење

Во текот на изминатиот викенд (12 и 13 јули), полициските службеници низ државата спроведоа засилени сообраќајни контроли, при што се изречени вкупно 1711 платни налози за различни прекршоци, информира Министерството за внатрешни работи.Најголем дел од казните – дури 828 – се однесуваат на возачи кои ја пречекориле дозволената брзина. Дополнително, санкционирани се 148 лица кои управувале возило без возачка дозвола, а 80 возачи се исклучени од сообраќај поради возење под дејство на алкохол.Контролите откриле и 70 мотоциклисти кои не носеле заштитна кацига, како и 184 прекршоци поради неправилно паркирање. За некористење сигурносен појас биле казнети 71 возач, а 44 лица се санкционирани за зборување на мобилен телефон при возење. Забележани се и четири случаи на минување на црвено светло, а казни добиле и 11 пешаци.Од сообраќај се отстранети 37 нерегистрирани возила, како и девет технички неисправни.Од МВР најавуваат дека сообраќајните контроли ќе продолжат и во наредните денови, со апел до сите учесници во сообраќајот строго да ги почитуваат правилата и да придонесат кон поголема безбедност на патиштата.

Македонија | пред 8 месеци

(ВИДЕО) Жена со закани до студентите: Имам куршуми за сите што ќе го чепнат Вучиќ

Во едно село кај Крагуевац, една жена со рачна коса излета пред групата жители на Крагуевац кои околу 18 часот тргнаа кон селото за да предадат хуманитарна помош на загрозените од пожарите.Жената излезе и почна да ја пцуе колоната, викајќи: „Кој ми го гиба Вучиќ, имам куршуми за сите што ми го гибаат Вучиќ!” се закани жената.

Актуелно | пред 8 месеци

Пукање во кафуле во Атина: Ранети турски државјанин и полицаец

Во едно кафуле во Атина синоќа се случил вооружен инцидент во кој беа повредени две лица, турски државјанин и полицаец, пишува грчкиот весник „Катимерини“, а информацијата ја пренесе и агенцијата „Танјуг“.Според изјави на сведоци, маж кој престојувал во кафулето, турски државјанин, излегол за момент да разговара со некого, но набрзо се вратил во паника, како да е следен. Набргу потоа, непознато лице пукало кон него, при што го погодило во нозете, а во исто време бил ранет и полицаецот кој, според информациите на Катимерини, е сопруг на сопственичката на кафулето. Засега не е прецизирано дали полицаецот бил на должност во моментот на инцидентот.И двајцата повредени се префрлени во болница.Осомничениот напаѓач, кој пеш побегнал од местото на настанот, се верува дека исто така е турски државјанин. Полицијата интензивно трага по него.фото: Unsplash

Свет | пред 8 месеци

(ВИДЕО) Инцидент во Шабац: Возач проби блокада и момче заврши на хауба пред очите на сведоци!

Синоќа во српскиот град Шабац се случи сериозен инцидент кога возач со автомобил насилно ја проби блокадата кај локалната гимназија, носејќи момче на хаубата додека десетици луѓе гледале. Настанот предизвика шок и бурни реакции во јавноста, а видеоснимка од случката веднаш се прошири на социјалните мрежи.Според информациите објавени на официјалната страница „Шабачке вести“ на Фејсбук, возачот со намера влегол во блокадата токму во моментот кога момчето се обидувало да го сопре. Тоа завршило на хаубата додека возилото продолжило да се движи, сериозно загрозувајќи го неговиот живот. „Возачот на автомобилот го носеше човекот на хауба, директно му го загрозуваше животот пред очите на бројни сведоци,“ стои во објавата на страницата.Како што наведуваат српските медиуми, возачот веднаш бил приведен, а момчето е префрлено во болница. Засега не се објавени официјални информации за степенот на неговите повреди.

Актуелно | пред 8 месеци

„Јас на мои 47 години размислувам да се иселам, со два-три бизниси, замислете што размислува млад човек“ - Зафиров предупредува на егзодус од Македонија

Македонскиот бодибилдер Тоше Зафиров преку видео-обраќање на својата Фејсбук страница испрати остро предупредување за состојбата во државата, укажувајќи на серијата трагедии кои се случија во изминатиот период, вклучително и вчерашната несреќа во Прилеп, повеќе сообраќајки, како и трагедијата во Кочани.Тој директно го прашува министерот за внатрешни работи, Панче Тошковски, кој неодамна престојувал во Дубаи, дали успеал да научи нешто од тамошниот систем на функционирање:„Таму законот е за сите ист, има луѓе возат Бугати и ако пишува 60, ќе вози 60. Исто се казнува за прекршок и ако возиш Бугати и ако возиш Рено. Тоа може и кај нас да се направи ако се сака,“ порача Зафиров.Како позитивен пример го наведе австрискиот град Грац, каде, според него, во текот на една година нема ниту една жртва во сообраќајни незгоди, додека во Македонија ситуацијата е драстично поинаква.Осврнувајќи се и на неодамнешниот физички напад врз градоначалничката на Скопје, Данела Арсовска, Зафиров истакна:„Независно од тоа дали некој е од некаква партија, или не е, секоја жена мора да се чувствува безбедно и заштитено, а одобрување на такво насилство е навреда за секоја жена.“Преку објавата Зафиров испрати силна порака до институциите и политичарите:„Јас на мои 47 години размислувам да се иселам, со два-три бизниси, замислете што размислува млад човек. Овде ќе останете само вие политичарите, ние ќе си одиме ако нешто не се смени,“ порача Зафиров.

Македонија | пред 8 месеци

ЦУК: Пет активни пожари, деветнаесет изгаснати, состојбата со пожарите до утрово

Според извештајот на ЦУК за пожарите на отворен простор за периодот 13/14 јули до 07:00 часот, во земјава се регистрирани вкупно 24 пожари, од кои пет се сè уште активни, додека деветнаесет се изгаснати.Активни пожари се бележат во пет општини:Во општина Дојран, кај селото Николич, гори нискостеблеста шума.Во општина Чучер Сандево, во селото Горњани, исто така е зафатена нискостеблеста шума.Во општина Велес, пожар има во близина на селата Џидимирци и Крушје, каде што гори мешана шума.Во општина Македонски Брод, меѓу селата Црешнево, Локвица, Крапа и Слатина, зафатени се дабова шума, грмушки и ниска вегетација.Во општина Прилеп, во населбата Три Багреми, гори ниска вегетација.Изгаснати се 19 пожари на различни локации низ државата, меѓу кои:Два пожари во општина Гази Баба – кај гробиштата Камник и на улицата Душан Тавковиќ.Четири пожари во Прилеп и околината – кај патот хотел „Салида“ – Битола и меѓу селата Лажани и Ропотово.Пожари се изгаснати и во Ресен (с. Перово), Охрид (с. Оровник и н. Далјан), Виница (с. Ласки), Куманово (ФЗЦ, Пармакови ниви, с. Умин Дол), Старо Нагоричане (с. Пелинце – Мишинци и с. Милутинци), Крива Паланка (с. Градец – Ѓошинска маала), Ранковце (с. Милутинци), Тетово (Поправен дом), Гостивар (близина на стадионот и с. Чегране), како и во Шуто Оризари (ул. Индира Ганди).Надлежните служби продолжуваат со интервенции на терен.

Македонија | пред 8 месеци

(Видео) Горат три куќи во Злокуќани: избувна голем пожар кој брзо се шири, присутна и Брза помош

Голем пожар избувна во Злокуќани, каде горат и куќи. Според првичните информации, станува збор за тесни улици, каде многу тешко е да стигнат противпожарни возила. Пожарот брзо се ширел.На терен се повикани и присутни екипи на Брзата помош. Засега нема информации за повредени лица. Чадот се гледа од повеќе делови на Карпош.„Во 20:02 часот преку Е-112 добиена е пријаа за пожар на куќа на ул.Скупи (опш.Карпош). Од страна на МВР, преку ДОЦ на ЦУК побарано е да се исклучи електричната енергија во нисконапонската мрежа за да може екипите на БППЗ да интервенираат. Имаме неофицијални сознанија дека од пожарот се зафатени и дополнителни три куќи.БППЗ е на лице место и работат на гаснење на пожарот“, велат од ЦУК.

Скопје | пред 8 месеци

Напишал „не играјте си со оние што немаат што да изгубат“, па го убил внукот и 13-годишниот Милан

Панчо Чупаркоски и неговиот 13-годишен син Милан се жртвите на ликвидаторот Пеце Белото.Пред да го стори грозоморниот злочин, попладнето во 17 часот, објавил и фејсбук статус со морничава фотографија. Напишал: „Мојата сестра Љуба Чупаркоска и нејзиниот син ... Ми украде и одзеде скоро Сее, останатото им го дадов Сам, но... Не играјте си со оние кои што немаат што да изгубат!“. Потоа го извршил злочинот.[caption id="attachment_342865" align="alignnone" width="1366"] Screenshot[/caption]Пријавата до МВР, дека ги нема Панчо и Милан, дошла во 21:20 минути, кога се јавила мајката односно сопругата на двете жртви, кои биле ликвидирани со огнено оружје. Во куќата е влезено по повеќе од три часа, кога се најдени безживотните тела на двете жртви, но и на ликвидаторот кој се самоубил.Вечерта кога се случи грозоморниот настан, ликвидаторот имал именден. Жртвите ги намамил додека бил надвор од домот, а потоа, кога ги внел во неговата куќа, им ги одземал телефоните и им се заканувал. Со него освен огнено оружје, имал и бомба. Засега не е познато во кој дел од денот ги извршил убиствата.Ликвидаторот има низа контроверзни и морбидни објави на неговиот профил на „Фејсбук“. Ги величи Путин и севернокорејскиот лидер Ким Јонг Ун, напишал „Човекот е најголемото зло на земјата“.Сомневањата на обвинителот се дека убиствата се сторени поради семејни недоразбирања кои траеле подолг период, а поврзани со имнотно-правни прашања. Ликвидаторот имал 63 години.

Македонија | пред 8 месеци

Нова духовна глава на Дебарско-кичевската епархија

Градоначалникот на Охрид, Кирил Пецаков, упати официјална честитка до архимандритот Георгиј по повод неговото хиротонисување и востоличување за епископ на Дебарско-кичевската епархија на Македонската православна црква – Охридска архиепископија.„Со искрена радост и длабока почит, Ви го честитам хиротонисувањето и востоличувањето на челниот престол на Дебарско-кичевската епархија. Нека Господ Ви дарува крепко здравје, мудрост и сила во Вашето ново служење, за доброто на нашата света Црква и спасението на верниот народ. Нека Вашиот архипастирски пат биде осветлен со Божјата благодат. Достоен! Достоен! Достоен!“, напиша Пецаков.Инаку, архимандритот Георгиј е новоизбраниот епископ на една од најзначајните епархии во југозападниот дел од земјата, со седиште во Дебар и Кичево. Востоличувањето беше проследено со свечена литургија и присуство на голем број верници и црковни великодостојници.

Македонија | пред 8 месеци

Осум лица казнети во струмичко поради непочитување на забраната за движење во шуми

Осум лица се санкционирани вчера во шумски подрачја во Струмичко поради непочитување на одлуката за забрана за движење во шуми, информираат од Министерството за внатрешни работи.На 12 јули, полициски службеници од СВР Струмица спровеле теренска контрола во шумски предели со цел да проверат дали граѓаните ја почитуваат мерката што е на сила од 1 јули до 31 август 2025 година.„При контролата беа затекнати осум лица кои се движеле низ шума без да поседуваат соодветно одобрение за движење, издадено од ЈП 'Национални шуми'“, информираат од МВР.За случаите е известена и Шумската полиција во Струмица, која е надлежна за понатамошно постапување согласно член 57 став 3 од Законот за шуми.Од МВР апелираат граѓаните строго да се придржуваат до забраната, која има за цел превенција од пожари и заштита на шумските екосистеми во периодот на високи температури и зголемен ризик.

Македонија | пред 8 месеци

(Видео) Пијаното на Хуангчи и духот на Пајдушкото ја отворија фестивалската магија на Охридското лето

Со гала-концерт на светски познатата пијанистка Клер Хуангчи и извонредните уметници од Националната Филхармонија на Република Северна Македонија, а под диригентката палка на маестро Едвин Оутвотер, во магичниот амбиент на Античкиот театар вчеравечер беше отворено 65. издание на фестивалот „Охридско лето“. Во духот на годинешното мото „Трансформација на сетилата“, виртуозноста на уметниците беше оплеменета со 3Д мапинг на португалскиот сценарист Рафаел Карико. Охрид имаше вечер кога класиката ја запозна традицијата. На сцената на Охридско лето, светски познатата пијанистка Клер Хуангчи го изведе Пајдушко оро заедно со Македонската филхармонија, под диригентската палка на маестро Едвин Аутвотер од САД. Пајдушкото – македонски ритам со душа, доби ново пијано руво.Прогласувајќи го за отворен, покровителот на фестивалот, Претседателката на Р.С. Македонија, Гордана Силјановска-Давкова потсети дека токму кога се отвора фестивалот и додека трае програмата, Охрид се отвора како волшебна школка и како што рече, од него излегува највредниот бисер-уметноста.-Шеесет и пет години „Охридско лето" е нашето скапоцено уметничко огледало, престижен уметнички центар! Шеесет и пет години уметноста влегува низ охридските порти и кружи низ градот! Секоја нота, секој стих и мисла, секој глас и чекор се слеваат во охридската летна симфонија! Како што древниот Охрид е вечен со своите напластени културни, духовни и цивилизациски слоеви, така и фестивалот „Охридско лето" прераснува во препознатлива традиција, никната врз цврсти темели и доградувана преку уметнички мостови на обединување, будејќи го убавото, хуманото и културното! Охрид е еден, Охрид е Охрид! Не постои уметничко лето како охридското! Не постои фестивал како охридскиот, рече Претседателката Силјановска-Давкова.Обраќајќи се пред преполното гледалиште на Античкиот театар, министерот за култура и туризам, Зоран Љутков, нагласи дека „Охридско лето“ не е само фестивалска програма, туку е хроника на незаборавни уметнички средби, духовен календар на едно народно живеење што, како што додаде, секое лето блеска во својата најчиста форма.-Оваа фестивалска година не ја одбележуваме само со бројки и големина, туку со созреаност на духот и визија за иднината. Не сме овде само за да се восхитуваме, тука сме за да ја потврдиме нашата верба дека културата е темел, а не додаток. Таа не е украс, туку јадро на нашето постоење. Уметноста е нашата најмоќна потврда дека сме народ што памети, што чувствува, што се стреми кон повисоки вредности, рече министерот Љутков.Директорот на НУ „Охридско лето“, Ѓорѓи Цуцковски изради огромна благодарност за покровителството на најзначајната музичко-сценска манифестација која според него, во наредните денови ќе биде исполнета со настани што имаат врвна естетика и уметничка совршеност.-Под мотото „Уметноста трансформира“, годинава создадовме една нова, модерна и креативна културна вредност како дел од вековната традиција на Фестивалот.Посакувам незаборавни вечери на уметничка трансформација како и безброј емотивни сензации затоа што впрочем токму тоа е и мисијата на фестивалот „Охридско лето“, да сплотува, да инспирира, да трансформира, кажа првиот човек на фестивалот „Охридско лето“.Уметничката порака годинава ја пренесе актерот и режисер Ѓорѓи Јолевски кој низ годините како селектор ја градеше и успешната театарска приказна на фестивалот.-Бертол Брехт вели: „Уметноста не е огледало што ја рефлектира реалноста, туку чекан што ја обликува.“ Во тој контекст, секој концерт, секоја претстава, секој збор на сцената — не е одраз на светот таков каков што е, туку обид да стане подобар. Живееме во време на војни, каде што човечкиот живот е девалвиран, а политичката реторика е театар без катарза. Во таков свет, уметноста не е луксуз — таа е нужност. Нужност и апел да се потсетиме што значи да се биде човек, истакна Јолевски.Гала-концертот на свеченото отворање го проследија дел од државниот врв на Македонија предводен од премиерот Христијан Мицковски, министри, амбасадори и дипломатски претставници во земјава, градоначалникот на Општина Охрид, како и претседателот на Република Албанија Бајрам Бегај.Фестивалот „Охридско лето“ се одржува под покровителство на Претседателот на државата, финансиски поддржан од Владата, Министерството за култура и туризам и Општина Охрид, а огромна заслуга за успесите имаат и верните пријатели, генералниот спонзор А1 Македонија, бројни спонзори и помагатели, љубители на уметноста и поддржувачи на културните вредности.

Магазин | пред 8 месеци

Уби двајца меѓу кои и дете, објави на Фејсбук, па се самоуби: монструмот од Прилеп фрлил и бомба кон полицијата

Крвава трагедија го потресе Прилеп доцна синоќа, каде во семејна куќа во центарот на градот беа пронајдени три безживотни тела – на 63-годишен маж, 43-годишен татко и неговиот 13-годишен син.Според официјалните информации од МВР, трагедијата започнала на 12 јули околу 21:20 часот, кога К.Ч. (43) пријавила дека од нивниот дом се оддалечиле нејзиниот сопруг П.Ч. (43) и нивниот син. Таа изјавила дека се сомнева оти двајцата се упатиле во домот на нивниот роднина П.Ѓ. (62).Полициски службеници веднаш извршиле проверка на локацијата, но никој не ја отворил вратата. По наредба од јавен обвинител, полицијата ја отворила вратата со употреба на сила, по што едно лице фрлило бомба кон нив – за среќа, таа не експлодирала. Додека полицијата се повлекувала, било отворено оган кон нив, по што било возвратено со службено оружје.Околу 01:35 часот, лекар од Итната медицинска помош констатирал смрт кај трите лица – П.Ч., неговиот малолетен син и П.Ѓ.Основното јавно обвинителство Прилеп потврди дека се работи за двојно убиство и самоубиство. Според нивните првични сознанија, П.Ѓ. го убил својот внук од сестра и неговиот син поради долготрајни семејни конфликти и нерасчистени имотни прашања. Наводно, тој ги објавил мотивите и на една социјална мрежа пред да си го одземе животот.Јавниот обвинител издаде наредба за обдукција, како и за вештачење на оружјето и муницијата пронајдени на лице место. Истрагата е во тек, а полицијата и обвинителството преземаат мерки за целосно расчистување на случајот.

Македонија | пред 8 месеци

Крвава семејна веселба во Прилеп: Двојно убиство и самоубиство!

Двојно убиство и самоубиство вечерва се случило во Прилеп, дознава “Скопје1”. Според неофицијални информации од наши извори, драмата се одвивала за време на семејна веселба.“Скопје1” дознава дека вујко, убил внук и таткото на внукот, по што извршил самоубиство. Засега овие информации се непотврдени од институциите.На терен во месноста каде се случил ужасниот настан, има силно полициско присуство.“Скопје1” побара информации од МВР, а одговор се очекува во текот на утрото.

Македонија | пред 8 месеци

Куќен притвор доби лицето осомничено дека ја нападнало Арсовска

Куќен притвор доби лицето С.Љ. кое Обвинителството го гони за физички напад и закани упатени кон градоначалничката Данела Арсовска. И второто лице, кое има исти иницијали, доби мерки, односно забрана да и се доближува на Арсовска.„С.Љ., осомничени дека вербално и физички ја нападнал оштетената му се определува мерка куќен притвор во траење од 8 дена, со оглед да се работи за скратена постапка; Додека на второ осомничениот, исто така со иницијали С.Љ, кој се товари дека се заканувал кон оштетената, му се определуваат мерки за претпазливост согласно чл. 146 ст.1 т. 1,2,3 и 6 од ЗКП односно: Забрана за напуштање на живеалиштето, Обврска за повремено јавување во судот, Одземање на патната исправа и Забрана за приближување и контактирање со одредени лица“, велат од Кривичен суд.Претходно:

Македонија | пред 8 месеци

Ал Џезира Балканс се одјави по 14 години: „Беше чест да им служиме на гледачите“

По точно 4970 дена постоење, денеска официјално престана со работа Ал Џезира Балканс – регионалната редакција на глобалната медиумска мрежа, која од 2011 година известуваше од Сараево, Белград, Загреб, Подгорица, Скопје, Љубљана и Приштина.Во својата последна програма, редакцијата се обрати до јавноста со емотивна порака:„Се трудевме да бидеме глас на оние чиј глас не се слуша, остров на вистината, културата, на дијалог и етичкото новинарство. Ништо од тоа не би било можно без вашата доверба. Ви благодариме што бевте со нас.“Меѓу првите кои се поздравија со гледачите на Ал-Џезира беа новинарките од македонската редакција, Милка Смилевска и Маја Блажевска, кои преку лични пораки на социјалните мрежи ја изразија својата благодарност за можноста да бидат дел од овој медиум.„Имав огромна привилегија 14 години да работам со професионалци, почитувана, заштитена и финансиски наградена. Благодарна сум за секој ден искуство и работа“, напиша Смилевска.Нејзината колешка Блажевска, исто така, се осврна на патот од централната редакција во Сараево до известувањето од терен во Скопје: „Имав можност да направам стории што значат, да интервјуирам луѓе кои го менуваат светот. Беше чест да се работи според највисоки новинарски стандарди.“Одлуката за затворање на Ал Џезира Балканс е дел од поширока медиумска консолидација во рамки на Al Jazeera Media Network, со седиште во Доха, Катар. И покрај обемниот, влијателен и често пофалуван програмски опсег, мрежата одлучи да стави клуч на својата балканска редакција, оставајќи празнина во медиумскиот простор кој го покриваше објективно и критички.За многумина, Ал Џезира Балканс ќе остане пример за професионализам, објективност и регионална солидарност.

Коментари | пред 8 месеци

„Баравме тишина кога боли“ – писмото на родителите од Кочани

Родителите на децата кои трагично го загубија животот во пожарот во дискотеката „Пулс“ во Кочани упатија јавно обраќање до македонската јавност, откако нивната интервенција на синоќешниот Петровденски хепенинг предизвика поделени реакции.Во писмото тие нагласуваат дека нивното појавување пред сцената во Паркот на слободата не било чин на омраза или инает, туку очаен обид да спречат веселба изградена врз незарасната болка.„Синоќа, кога излеговме пред бината во Паркот на слободата, тоа не беше протест од омраза, ниту од инает. Тоа беше очаен обид – да не дозволиме над нашата болка да се гради веселба. Да не се игра и пее таму каде што сѐ уште одекнуваат последните повици за помош на нашите деца. Нашиот гест, за жал, беше погрешно разбран. Наиде на поделени реакции, дури и на критики. Затоа сакаме да кажеме неколку зборови, не за оправдување – туку за разбирање. Пред да биде закажан Петровденскиот хепенинг, никој не нѐ праша дали можеме да го издржиме тоа. Дали сме подготвени да слушаме музика во истиот град во кој неодамна плачеше цела Македонија. Дознавме од медиумите, и се обративме до градоначалникот – прво со збор, потоа со писмено барање. Само баравме: или да се откажат забавните содржини, или да се премести местото – таму кај што болката не е толку гласна, каде може достоинствено да се слави, без да се гази по нашите незараснати рани. Но, нѐ одбија.Веруваме дека Петровден ќе се слави уште многу години, и така и треба – животот продолжува. Но оваа година, оваа прва Петровден по трагедијата, верувавме дека можеше да се обои со тишина, со светилка, со молитва. Верувавме дека нашата болка ќе биде признаена, не премолчена. Не сме против свадби, матурски прослави, веселби по кафулиња – тоа се дел од животот. Но јавна веселба организирана од Општината, токму сега, токму на неколку чекори од местото каде што сѐ се случи – тоа беше премногу за нас. Тоа не е обид да ви го ускратиме правото на радост – туку повик да не се заборави човечноста. Сѐ што бараме е емпатија. Да нѐ видите како родители кои живеат со вечна загуба. Да не мораме да се бориме и за основното – за тишина кога боли“, велат тие.

Македонија | пред 8 месеци

(Видео) Гужви и застои на влезот во Охрид, револт и негодување кај возачите

Долги колони возила, чекање од над еден час и половина и револт кај возачите – така изгледа утрово влезот во Охрид, откако беше воведен посебен сообраќаен режим поради работната посета на албанскиот претседател Бајрам Бегај.Според информации од терен, сообраќајот е значително успорен на влезната точка на Охрид, каде се врши контролирано пропуштање на возила, а во одредени интервали и целосно стопирање на сообраќајот заради безбедносни процедури.„Веќе 70 минути стоиме во место. Никој не објаснува ништо. Луѓето се нервозни, има и деца и стари лица во колите. Надвор е 40 степени“, вели за „Скопје1“ еден возач заглавен на влезот.Полицијата е присутна со засилени патроли.Албанскиот претседател Бегај ќе престојува во Охрид како дел од неговата работна посета на Северна Македонија, при што се предвидени средби со државниот врв, како и посета на културно-историски објекти.

Охрид | пред 8 месеци

Сопствениците на депонијата во Визбегово се извинија на граѓаните и новинарот: „Реагиравме со срце, немавме зла намера“

По инцидентот од 9 јули 2025 година, кога во близина на складиштето на АСД Метал Груп избувна пожар, а против две лица – Маја Караманова и Александар Николчев – беше поднесена кривична пријава за напад врз службено лице, компанијата упати јавно извинување до засегнатите лица и јавноста.Во писмено соопштение потпишано од управителката Маја Караманова, компанијата се извини на новинарот Авни Тахири и снимателот Шенол Хајредини, кои биле нападнати, наведувајќи дека ситуацијата се одвивала во моменти на „голем стрес, паника и неизвесност“.„Тоа беа моменти на силна емоција, во кои никој од нас не постапил со умисла или зла намера, но сепак можеби предизвикал чувство на навреда, загрозеност или непочитување“, стои во писмото.Од АСД Метал Груп нагласуваат дека немале намера да попречат службено лице и дека постапиле инстинктивно поради страв за личната и колективната безбедност.„Сите сме луѓе. Кога пламен е закана за живот и имот, реагираме со срце, понекогаш и без контрола“, велат од компанијата, изразувајќи подготвеност да надоместат евентуална штета – било материјална, професионална или лична.Тие се извинија и на граѓаните кои беа вознемирени и засегнати од пожарот, а од компанијата порачуваат дека се надеваат на брза и темелна истрага од институциите, за да се утврди причината и да се спречи повторување на вакви инциденти.

Скопје | пред 8 месеци

На Арсовска и одобрија 24-часовно полициско обезбедување, на нејзе е дали ќе го прифати

По вчерашниот инцидент во скопската Општина Чаир, Министерството за внатрешни работи донесе одлука за одобрување 24-часовно полициско обезбедување на градоначалничката на Скопје, Данела Арсовска. Одлуката е донесена врз основа на безбедносна проценка подготвена од Агенцијата за национална безбедност (АНБ).„Во текот на денешниот ден, градоначалничката ќе биде контактирана од надлежните служби за да се координираат активностите поврзани со личната заштита“, соопштија од МВР.Министерството нагласува дека постапува професионално и согласно надлежностите во секој поединечен случај поврзан со безбедноста на г-ѓа Арсовска. Во таа насока, од МВР презентираа хронологија на неколку инциденти:На 1 јуни, градоначалничката била следена и загрозена од возило во движење. Иако таа не го пријавила случајот, полицијата постапила по оперативни сознанија, прибирала докази и поднела кривична пријава по член 144 став 4 од Кривичниот законик.На 2 јули, Арсовска преку социјалните мрежи објави дека добила закана од лице за кое тврдела дека е полициски службеник. Веќе следниот ден, Одделот за внатрешна контрола спровел увид и поведена е дисциплинска постапка против осомничениот.На 5 јули, беа објавени информации за закани кон советничката Ирена Витина. Според МВР, советничката одбила да дојде во полициска станица, но службени лица извршиле теренска посета и прибрале податоци.На 11 јули, по инцидентот во Чаир при инспекциски надзор, Арсовска добила лекарска помош, а осомничените лица веднаш биле приведени. Сепак, градоначалничката одбила да потпише записник за пријава и го напуштила полициското одделение, избирајќи повторно јавна комуникација преку социјалните мрежи, наместо директно со институциите.Во врска со овој последен настан, МВР веќе поднесе кривична пријава против две лица – С.Љ. и С.Љ., за кривично дело „Насилство“ по член 386 став 3 од Кривичниот законик.Министерството остро ги отфрла тврдењата дека не постапува навремено и наведува дека секој случај се третира со законска процедура, транспарентност и професионализам.„Апелираме до сите јавни функционери да не ги користат медиумите и социјалните мрежи како замена за институционална комуникација. Навремено пријавување во МВР е клучно за ефикасна заштита и разрешување на секоја потенцијална закана“, порачаа од Министерството.

Скопје | пред 8 месеци

Се бара притвор за едно од лицата кои физички ја нападнале Арсовска - познати сите детали од Обвинителството

Основното јавно обвинителство Скопје отвори постапка против две лица осомничени за кривично дело „Насилство“ по член 386 став 3 во врска со став 1 од Кривичниот законик, по вчерашниот инцидент на улицата „Севастополска“, при кој беше физички нападната градоначалничката на Скопје, Данела Арсовска.Според обвинителството, првоосомничениот маж, кој се претставил како сопственик на нелегален објект во градба, ја навредувал и ѝ се заканувал на градоначалничката, а потоа и физички ја нападнал додека таа, заедно со вработени од градските служби, вршела вонреден надзор на терен по добиена пријава.Инцидентот се случил во присуство на полициски службеници и членови на градската администрација. Откако бил спречен од присутните, со вербални закани се вклучил и второосомничениот, кој дополнително ја ескалирал ситуацијата.„Со своето однесување, двајцата осомничени предизвикале чувство на несигурност, загрозеност и страв кај присутните лица“, соопштија од обвинителството.Јавниот обвинител веќе доставил предлог до судот за определување мерка притвор за првоосомничениот, поради опасност од повторување на делото и можност за бегство. За второосомничениот се предложени мерки на претпазливост: забрана за приближување и контакт со оштетените, забрана за напуштање на живеалиште, одземање на патна исправа и редовно јавување во судот.

Македонија | пред 8 месеци

Продолжува трката во СДСМ за Скопје: Шукова и Галетановски на маса, Ралев – се отпиша?

Трката за кандидатурата за градоначалник на Скопје полека се заострува, особено во редовите на СДСМ, каде сѐ уште не е донесена конечна одлука, но неколку имиња веќе добиваат на тежина.Како најсериозни потенцијални кандидати се споменуваат Каја Шукова, актуелна потпретседателка на партијата и поранешна министерка за животна средина, како и Ѓорѓи Галетановски, претседател на градската организација на СДСМ и поранешен директор на Зоолошката градина во Скопје. Двајцата веќе неформално добиваат поддршка од различни партиски струи. Во телевизиски настапи тие навестија дека сакаат да се видат на таа функција.Мишко Ралев, кој важеше за речиси сигурен избор и фаворит во првичните калкулации, според партиски извори, најверојатно се отпиша од натамошна процедура. Од извори во СДСМ, неофицијално „Скопје1“ дознава дека Ралев имал кандидатура од општински организации, па според тоа морал да поднесе и биографија до партијата.Во трката е споменуван и Андреј Жерновски, поранешен градоначалник на Центар.За разлика од СДСМ, ВМРО-ДПМНЕ веќе ја формализираше кандидатурата – актуелниот градоначалник на Кисела Вода и претседател на ЗЕЛС, Орце Ѓорѓиевски, ќе ја брани партиската боја во главниот град. Со таа одлука, партијата доби временска предност за теренска подготовка и почеток на кампањата, иако Ѓорѓиевски кампањата ја почна уште многу претходно.Според партиски извори од СДСМ, конечната одлука за скопскиот кандидат се очекува до крајот на наредната недела.Изборите за Град Скопје, по се изгледа, ќе бидат една од најжестоките битки есенва.

Скопје | пред 8 месеци